នៅលើពិភពលោកមានប្រទេសសរុបទាំងអស់ចំនួន ១៩៥ ក្នុងនោះ ១៩៣ ជាសមាជិករបស់អង្គការសហប្រជាជាតិ ដូច្នេះមានតែពីប្រទេសប៉ុណ្ណោះដែលមិនទាន់ចូលជាសមាជិករបស់អង្គការសហប្រជាជាតិគឺ បុរីវ៉ាទីកង់ និងប៉ាឡេស្ទីន។ ទោះជាយ៉ាងណាក៏ដោយយោងតាមគេហទំព័រអន្តរជាតិ World Population Review បានឱ្យដឹងថា នៅលើពិភពលោកមានទ្វីបសរុបទាំងអស់ចំនួន ៦ ក្នុងនោះមានទ្វីបអាហ្វ្រិក, ទ្វីបអាស៊ី, ទ្វីបអឺរ៉ុប, ទ្វីបអាមេរិកឡាទីន, ទ្វីបអាមេរិកខាងជើង និងទ្វីបអូសេអានី។
ហេតុនេះហើយតើអ្នកដឹងទេថា ទ្វីបណាដែលមានប្រទេសច្រើនជាងគេបង្អស់នៅលើពិភពលោក?

១.ទ្វីបអាហ្វ្រិក៖ អាហ្វ្រិកគឺជាទ្វីបដែលមានប្រទេសច្រើនជាងគេបង្អស់នៅលើពិភពលោក ដោយទ្វីបនេះមានប្រទេសចំនួន ៥៤ រួមមាន សាធារណរដ្ឋកុងហ្គោ កេនយ៉ា នីហ្សេរីយ៉ា លីប៊ី ស៊ីមបាវ៉េ ស៊ូដង់ ស៊ូដង់ខាងត្បូង សូម៉ាលី សំប៊ី អាល់ហ្សេរី អាហ្វ្រិកខាងត្បូង អេត្យូពី និងជាច្រើនប្រទេសទៀត។

២.ទ្វីបអាស៊ី៖ ទ្វីបអាស៊ីជាប់ចំណាត់ថ្នាក់លេខ ២ នៅលើពិភពលោកជាទ្វីបដែលមានផ្ទៃដីធំជាងគេបង្អស់ ដោយមានប្រទេសសរុបចំនួន ៤៨ រួមមាន កម្ពុជា ថៃ វៀតណាម ជប៉ុន ចិន កូរ៉េខាងជើង កូរ៉េខាងត្បូង នេប៉ាល់ បង់ក្លាដែស ប៉ាគីស្ថាន ព្រុយណេ ម៉ាឡេស៊ី មីយ៉ាន់ម៉ា ម៉ុងហ្គោលី យេម៉ែន លីបង់ សិង្ហបុរី ស្រីលង្កា ហ្វីលីពីន ឥណ្ឌា និងជាច្រើនប្រទេសទៀត។

៣.ទ្វីបអឺរ៉ុប៖ នៅទ្វីបអឺរ៉ុបមានប្រទេសចំនួន ៤៦ រួមមាន ក្រិក ក្រូអាស៊ី សាធារណរដ្ឋឆែក ដាណឺម៉ាក ហូឡង់ ន័រវេស បារាំង ប៉ូឡូញ ប៊ែលហ្ស៉ិក ព័រទុយហ្កាល់ រុស្ស៉ី រ៉ូម៉ានី លុចសំបួ បុរីវ៉ាទីកង់ ស៊ុយអែត ស្វីស ហុងគ្រី ហ្វាំងឡង់ ចក្រភពអង់គ្លេស អាល្លឺម៉ង់ អ៊ីស្លង់ អ៊ីតាលី អ៊ុយក្រែន អេស្តូនី និងអេស្ប៉ាញជាដើម។

៤.ទ្វីអាមេរិកឡាទីន៖ ទ្វីបអាមេរិកឡាទីនត្រូវបានបែងចែកជា ៣ តំបន់ធំៗរួមមាន តំបន់អាមេរិកខាងត្បូង តំបន់អាមេរិកកណ្ដាល និងតំបន់សមុទ្រការីបង់។ ដូច្នេះនៅអាមេរិកខាងត្បូងមានចំនួន ១២ ប្រទេស រីឯនៅអាមេរិកកណ្ដាលវិញមានប្រទេសចំនួន ៧ ចំណែកតំបន់សមុទ្រការីបង់វិញមានប្រទេសតូចៗចំនួន ១៤។ ហេតុនេះប្រទេសដែលស្ថិតនៅទ្វីបអាមេរិកឡាទីនមានសរុបទាំងអស់ ៣៣ ប្រទេស។

៥.ទ្វីបអាមេរិកខាងជើង៖ ទ្វីបអាមេរិកខាងជើងមាន ២៣ ប្រទេសរួមមាន កាណាដា សហរដ្ឋអាមេរិក ម៉ិកស៊ិក គុយបា ប៉ាណាម៉ា សាធារណរដ្ឋដូមីនីក ហៃទី ហ្គាតេម៉ាឡា បេលីស អែលសាល់វ៉ាឌ័រ ហុងឌូរ៉ាស នីការ៉ាហ្គា កូស្តារីកា ប៉ាណាម៉ា និងជាច្រើនប្រទេសទៀត។

៦.ទ្វីបអូសេអានី៖ ចំពោះទ្វីបអូសេអានីវិញមានប្រទេសចំនួន ១៤ រួមមាន អូស្ត្រាលី គិរីបាទី ណូរូ តុងហ្កា ទូវ៉ាលូ នូវែលសេឡង់ ប៉ាពូអាស៊ីនូវែលហ្គីណេ ប៉ាឡូ ប្រជុំកោះម៉ាស្សល មីក្រូណេស៊ី វ៉ានូទូ សាម័រ ប្រជុំកោះសូឡូម៉ុន និងហ្វីជី៕

ប្រទេសថៃ ៖ កាលពីថ្ងៃទី១៩ ខែធ្នូ ឆ្នាំ២០២៣ សារព័ត៌មានថៃបានចុះផ្សាយថា កសិកររស់នៅខេត្តណាខនប៉ាធុម ប្រទេសថៃ បាននាំគ្នាងាកមកដាំដុះម្រះចិន ដោយសារតែពួកគេអាចទទួលបានប្រាក់ចំណូលខ្ពស់ និងចំណាយពេលវេលាតិចក្នុងការដាំដុះ ។

កសិករនិយាយថា មូលហេតុដែលធ្វើឱ្យពួកគេងាកមកដាំដុះម្រះចិន ដោយសារវាមានតម្រូវការខ្ពស់នៅលើទីផ្សារ ។ ពួកគេបានចំណាយពេលដាំវាត្រឹមតែ៤៥ថ្ងៃប៉ុណ្ណោះ គឺទទួលបានផលហើយ និងពុំចាំបាច់ស្រោចទឹកច្រើនទេ ។

លោក ថេវ៉ាន់ ស៊ីវ៉ាផុងសាគុន អាយុ៥០ឆ្នាំ ជាម្ចាស់ចម្ការម្រះចិន ដែលមានទីតាំងនៅឃុំហួងខ្វាង ស្រុកកំផែងសែន ខេត្តណាខនប៉ាធុម បានរៀបចំផ្ទៃដីសម្រាប់ដាំដុះបន្លែរយៈពេលខ្លីៗ ។ លោកបានសម្រេចចិត្តដាំម្រះចិន ដោយសារវាមានតម្រូវការខ្ពស់នៅលើទីផ្សារ ហើយលោកចំណាយពេលត្រឹមតែ៤៥ថ្ងៃប៉ុណ្ណោះ គឺអាចបេះវាយកទៅលក់បាន ។

លោកថា ៖ «ខ្ញុំទទួលបានប្រាក់ចំណូលខ្ពស់ពីការលក់ម្រះចិន ខណៈវាងាយស្រួលថែទាំ និងចំណាយកម្លាំងតិចជាងការដាំបន្លែផ្សេងទៀត ។ កាលពីមុន ខ្ញុំបានដាំដើមខ្ទឹម តែតម្លៃមិនសូវថ្លៃទេ» ។

លោកបន្តថា ការដាំដំណាំត្រូវប្រើប្រាស់បច្ចេកទេស ហើយក្នុងចម្ការរបស់លោកបានដាំម្រះចិននៅលើផ្ទៃដីជាង៨រ៉ៃ (ឬស្មើជាង១ហិកតា) ។ លោកបានដាំវាជាជួរៗ ដោយដាក់បង្គោលឫស្សី និងធ្វើដំបូលផងដែរ ហើយលោកអាចប្រមូលផលបានចំនួន១.៥០០គីឡូក្រាមក្នុង១ថ្ងៃ ។ ចំណុចសំខាន់ វាអាចដុះលូតលាស់ល្អនៅរដូវត្រជាក់ ហើយលោកគ្រោងប្រមូលផលម្រះលក់យកប្រាក់ចំណូលនៅចុងឆ្នាំ២០២៣ ។

ដំណាំម្រះចិនបានផ្តល់ទិន្នផលល្អ និងមានផ្លែធំវែងៗ ។ នៅពេលប្រមូលផលរួច កសិករទាំងអស់បានអង្គុយច្រកផ្លែម្រះដាក់ក្នុងថង់ទៅតាមទំហំតូច-ធំ ដើម្បីត្រៀមយកទៅលក់នៅទីផ្សារ ។ ពួកគេប្រាប់ថា អាចលក់វាក្នុងតម្លៃចាប់ពី៣០បាត ទៅ៣៥បាតក្នុង១គីឡូក្រាម ៕ ប្រភព ៖ Technology chaoban

បរទេស៖ ប្តីប្រពន្ធជនជាតិប៉ាគីស្ថានមួយគូត្រូវបានតុលាការរបស់ប្រទេសអ៊ីតាលីកាត់ទោសឱ្យជាប់ពន្ធនាគារអស់មួយជីវិតពីបទសម្លាប់កូនស្រីអាយុ ១៨ ឆ្នាំរបស់ពួកគេចោល ដោយសារតែនាងបដិសេធមិនព្រមរៀបការ។

យោងតាមគេហទំព័រអន្តរជាតិ BBC ដែលបានរាយការណ៍នៅថ្ងៃទី១៩ ខែធ្នូថា តុលាការនៃទីក្រុង Reggio Emilia ភាគខាងជើងប្រទេសអ៊ីតាលី បានសម្រេចកាត់ទោសលោក Shabbar Abbas និង Nazia Shaheen ដែលជាឪពុកម្តាយបង្កើតរបស់ជនរងគ្រោះឱ្យជាប់ពន្ធនាគារអស់មួយជីវិត។ បន្ទាប់ពីប៉ូលីសបានរកឃើញសាកសពរបស់ជនរងគ្រោះ Saman Abbas នៅក្រោមផ្ទះកសិដ្ឋានមួយនៅភាគខាងជើងប្រទេសអ៊ីតាលី ខណៈដែលក្មេងស្រីរងគ្រោះរូបនេះបានបាត់ខ្លួនអស់រយៈពេល ១៨ ខែហើយតាំងពីខែវិច្ឆិកា ឆ្នាំ២០២២ មកម្លេះ។

គ្រួសារនេះគឺជាពលរដ្ឋប៉ាគីស្ថាន ប៉ុន្តែបានធ្វើអន្តោប្រវេសន៍ទៅប្រទេសអ៊ីតាលី ហេតុនេះហើយទើបតុលាការរបស់ប្រទេសអ៊ីតាលីជាអ្នកកាត់ទោសអ្នកពីរ។ ទោះជាយ៉ាងណាក៏ដោយ ឪពុករបស់ជនរងគ្រោះគឺលោក Shabbar Abbas បច្ចុប្បន្នត្រូវបានចាប់ខ្លួនហើយ ខណៈដែលភរិយារបស់គាត់ត្រូវបានគេជឿថាកំពុងលាក់ខ្លួននៅក្នុងប្រទេសប៉ាគីស្ថាន។ នេះបើយោងតាមក្រុមសិទ្ធិមនុស្ស បានឱ្យដឹងទៀតថា ជារៀងរាល់ឆ្នាំ ស្ត្រីមូស្លីមរាប់រយនាក់នៅក្នុងប្រទេសប៉ាគីស្ថាន ក្លាយជាជនរងគ្រោះនៃ “ការសម្លាប់ និងការគំរាមកំហែង” យ៉ាងខ្លាំងពីសាច់ញាតិរបស់ពួកគេ។

យោងតាមរដ្ឋអាជ្ញាអ៊ីតាលីបានកំណត់ថាក្មេងស្រីរងគ្រោះអាយុ ១៨ ឆ្នាំរូបនេះ ត្រូវបានឪពុកម្តាយរបស់នាងសម្លាប់ពិតប្រាកដមែន ដោយពួកគេបានស៊ើបអង្កេតកំណត់អត្តសញ្ញាណរបស់ជនរងគ្រោះ ក៏ដូចជាធ្វើកោសល្យវិច័យបានបង្ហាញថាជនរងគ្រោះមានបាក់ឆ្អឹងកប្រហែលដោយសារការច្របាច់ក។ ព្រះរាជអាជ្ញាបាននិយាយថា គ្រួសាររបស់ Saman ដែលជាជនរងគ្រោះមានការខឹងសម្បារនៅពេលដែលពួកគេដឹងថាកូនរបស់ខ្លួនមានមិត្តប្រុសនៅប្រទេសអ៊ីតាលី ហើយមិនគោរពសាសនាអ៊ីស្លាម ក៏ដូចជាមិនពាក់ក្រម៉ា ធ្វើឱ្យឪពុកម្តាយរបស់នាងខឹងយ៉ាងខ្លាំង ក៏សម្រេចធ្វើរឿងឃោឃៅនេះតែម្តង៕

នៅខែធ្នូ ឆ្នាំ២០២៣ នេះ មានទំព័រហ្វេសប៊ុករបស់ជនជាតិថៃម្នាក់ឈ្មោះ «Natcha NCS» ដែលស្ត្រីជាម្ចាស់ទំព័រហ្វេសប៊ុកនេះបានបង្ហោះវីដេអូពីការបើកបររថយន្តរបស់ខ្លួន និងថតបង្ហាញពីទិដ្ឋភាពនៅប្រទេសកម្ពុជា ។ ប៉ុន្តែអ្វីដែលធ្វើឱ្យអ្នកលេងបណ្តាញសង្គមចាប់អារម្មណ៍នោះ គឺភាគច្រើន នាងពុំបានលើកឡើងពីចំណុចល្អនៅកម្ពុជា ប្រាប់ទៅអ្នកទស្សនាទេ ។ ផ្ទុយទៅវិញ នាងបានលើកឡើងពីចំណុចអវិជ្ជមានយ៉ាងច្រើននៅក្នុងវីដេអូ ជាពិសេស នាងរិះគន់ផ្លូវល្បឿនលឿននៅកម្ពុជា ថាថ្លៃ ។

នៅក្នុងវីដេអូនេះ ម្ចាស់ទំព័រហ្វេសប៊ុកឈ្មោះ «Natcha NCS» ដែលនាងជា YouTubers ម្នាក់បានដាក់ចំណងជើងថា «ទស្សនាផ្លូវល្បឿនលឿននៅកម្ពុជា» តើវាមានលក្ខណៈបែបណាខ្លះ? ។ ក្នុងវីដេអូនេះ គេបានឃើញនាងកំពុងតែបើកបររថយន្ត ហើយនិយាយថា ផ្លូវនៅកម្ពុជាស្អាត ហើយគ្មានរថយន្តបើកបរផងដែរ ។ នាងបន្តថា ការបើកបរនៅប្រទេសកម្ពុជាប្រកាន់ស្តាំ ហើយនៅតាមផ្លូវមានការផ្សព្វផ្សាយគ្រឿងស្រវឹងទៀតផង គ្រាន់តែឃើញផ្ទាំងឃោសនាគ្រឿងស្រវឹង ក៏ហៀរទឹកមាត់ដែរ ។

បន្ទាប់មក នាងក៏បានចតរថយន្តនៅចំណតមួយកន្លែង ដែលចំណតនេះមានស្ថានីយចាក់ប្រេង, ភោជនីយដ្ឋាន បន្ទប់ទឹក និងមានកន្លែងគោរពផងដែរ ។ នាងប្រាប់ថា អ្នកដំណើរអាចចុះមកសំពះនៅទីនេះបាន ដើម្បីសុវត្ថិភាពក្នុងការធ្វើដំណើរ ។

នារីដដែលនេះក៏បានបង្ហាញពីសំបុត្រធ្វើដំណើរតាមផ្លូវល្បឿនលឿន គឺស្មើនឹង១១.៩៧ដុល្លារអាមេរិក (ឬស្មើនឹង៤១៨បាត) សម្រាប់ចម្ងាយផ្លូវ ២០០គីឡូម៉ែត្រ ។ នាងនិយាយថា តម្លៃនេះថ្លៃខ្លាំងណាស់ ហើយបើថ្លៃបែបនេះ នាងគ្មានប្រាក់ចាក់ប្រេងរថយន្តរបស់នាងទេ ។ បន្ទាប់មក នាងក៏បានចតរថយន្តនៅស្ងៀមមួយកន្លែង និងដើរត្រឡប់ទៅផ្ទះវិញ ។

ក្រោយនារីថៃខាងលើបង្ហោះវីដេអូនេះក្នុងបណ្តាញសង្គម ធ្វើឱ្យពលរដ្ឋខ្មែរចូលមកបញ្ចេញមតិ ក្នុងនោះពលរដ្ឋខ្មែរម្នាក់និយាយថា ៖ «សូមនិយាយឱ្យសមរម្យបន្តិច ប្អូនស្រី ។ ស្ថានភាពប្រទេសខុសគ្នា ការរស់នៅ ក៏ខុសគ្នា ។ ការនិយាយខ្លះ បានត្រឹមតែបង្កើតការស្អប់ខ្ពើមជាតិសាសន៍ប៉ុណ្ណោះ» ។

ពលរដ្ឋខ្មែរម្នាក់ទៀតនិយាយថា ៖ «គាត់និយាយមានចំណុចល្អច្រើនពីខាងដើមវីដេអូ ប៉ុន្តែនៅចុងវីដេអូ គាត់បញ្ចេញអាកប្បកិរិយា សំឡេង និងទឹកមុខរបៀបចំអកឱ្យប្រទេសយើង ។ គោលការណ៍ និងស្ថានភាពស្រុកទេសមិនដូចគ្នាទេ ហើយសេដ្ឋកិច្ច GDP ក៏ខុសគ្នាដែរ ។ ប៉ុន្តែបើគាត់និយាយធម្មតា ប្រៀបធៀបបែបធម្មតាៗ វាមិនអីទេ ព្រោះវាជាការយល់ឃើញរបស់គាត់ ។ តែនេះ គឺគាត់បង្ហាញចេញជាការចំអក តើគាត់ធ្វើក្នុងចេតនាអ្វី? បើជាតិសាសន៍ដទៃគេឃើញវីដេអូរបស់គាត់ គេលែងចង់មកលេងប្រទេសយើង យើងជាអ្នកខាត» ។

ពលរដ្ឋខ្មែរផ្សេងទៀតនិយាយថា ៖ «ខ្ញុំពិតជាខ្មាស់អ្នកណាស់ ដែលនៅក្នុងប្រទេសរបស់យើងមិនអាចមានថ្លៃសេវាល្អជាងប្រទេសរបស់អ្នក ។ ក្នុងនាមខ្ញុំជាប្រជាជនម្នាក់នៅប្រទេសកម្ពុជា ខ្ញុំមិនអាចធ្វើអីបានទេ តែខ្ញុំសូមណែនាំថា អ្នកអាចដើរកម្សាន្តនៅកន្លែងផ្សេងៗទៀតបាននៅប្រទេសខ្ញុំ ។ បើអ្នកនៅតែមិនពេញចិត្ត ខ្ញុំក៏មិនអាចជួយអ្នកបានដែរ តែសូមអ្នកបើកចិត្តឱ្យទូលាយ និងរីករាយក្នុងការមកកម្សាន្តនៅប្រទេសរបស់ខ្ញុំ ។ បើនៅតែពិបាក ឬអ្នកគិតថាមិនល្អ គឺមានតែឈប់មក» ៕ ប្រភព ៖ Natcha NCS