គ្រាន់តែប្រើច្រាសដុសធ្មេញ ក៏អាចកែលម្អសម្រស់របស់អ្នកឱ្យស្រស់ផូរផង់បានផងដែរ។ ច្រាសដុសធ្មេញគឺមានប្រយោជន៍ច្រើន មិនត្រឹមតែប្រើវាដើម្បីដុសធ្មេញតែមួយមុខប៉ុណ្ណោះទេ យើងអាចប្រើវាទៅដុសលើបបូរមាត់ ផ្ទៃមុខបានទៀតផង។ ដូច្នេះវិធីសាស្ត្រងាយៗខាងក្រោមនេះ នឹងផ្តល់អត្ថប្រយោជន៍ច្រើនដល់ស្បែករបស់អ្នក ជាងអ្វីដែលអ្នកគិតទៅទៀត៖
១.ច្រាសដុសធ្មេញជួយសម្អាតធូលីដី និងសម្អាតស្បែកមុខ៖ អ្នកអាចសម្អាតមុខរបស់អ្នកយ៉ាងសាមញ្ញជាមួយនឹងច្រាសដុសធ្មេញទន់។ ប្រើច្រាសដុសធ្មេញដុសថ្នមៗលើស្បែករបស់អ្នកជាចលនារង្វង់ ដោយយកចិត្តទុកដាក់ជាពិសេសទៅលើច្រមុះ និងផ្នែកថ្ពាល់ប្រហែល ៥ នាទីរាល់ដង នោះអ្នកនឹងបានស្បែកស្អាត ស ភ្លឺ រលោង។
២.ប្រើច្រាសដុសធ្មេញដុសបបូរមាត់៖ ដុសសម្អាតថ្នមៗនៅលើបបូរមាត់របស់អ្នកប្រហែល ៥-១០ វិនាទី បន្ទាប់មកប្រើកន្សែងទន់លាងចេញជាមួយនឹងទឹកក្តៅឧណ្ណៗ។ នៅពេលដែលមិនមានស្បែករបកទៀតទេ បបូរមាត់នឹងរលោង ហើយពណ៌បបូរមាត់នឹងផ្កាឈូក។
៣.ម៉ាស្សាមុខដោយប្រើច្រាសដុសធ្មេញ៖ ការប្រើច្រាសដុសធ្មេញសម្រាប់ថែរក្សាស្បែកក៏ត្រូវបានចាត់ទុកថាជាការព្យាបាលដោយម៉ាស្សាដ៏មានប្រសិទ្ធភាពផងដែរ ដើម្បីជួយបន្ធូរបន្ថយ និងការពារភាពចាស់នៃស្បែករបស់អ្នក។ ជាមួយនឹងចលនារាងជារង្វង់ទន់ភ្លន់នៅលើស្បែក សរសៃឈាមបានចរាចរ ការរំលាយអាហារស្បែកមានភាពប្រសើរឡើង ហើយសំណើម និងរលោងត្រូវបានពង្រឹង ធ្វើឱ្យស្បែកកាន់តែស្រស់ស្អាត គ្មានមុន និងមានសុខភាពល្អជាទូទៅមានភាពប្រសើរឡើង។
៤.ច្រាសដុសធ្មេញជួយកម្ចាត់មុន៖ យន្តការចម្បងដែលបណ្តាលឱ្យកើតមុនគឺដោយសារតែការស្ទះនៃក្រពេញ sebum តាមរយៈរន្ធញើសលើផ្ទៃនៃស្បែក។ បន្ទាប់ពីរយៈពេលនៃការស្ទះនោះ ស្រទាប់ស្នែងក្រាស់នឹងបង្កើតឡើងដែលបណ្តាលឱ្យមានការស្ទះពេញលេញ ហើយបាក់តេរីដូចជា Staphylococcus នឹងមានឱកាសលូតលាស់ ដែលនាំឱ្យរលាកក្រពេញ sebaceous និងឫសសក់។ ដូច្នេះការប្រើច្រាសដុសធ្មេញសម្រាប់ថែរក្សាស្បែកនឹងជួយឱ្យអ្នកតែងតែមានស្បែកស្អាត និងជម្រះរន្ធញើសយ៉ាងមានប្រសិទ្ធភាពបំផុត៕
