បរទេស៖ ប្រទេសអេក្វាឌ័រ បានរកឃើញកូកាអ៊ីនចំនួន ២២តោន ដែលជាការរឹបអូសគ្រឿងញៀនដ៏ធំបំផុតមួយក្នុងប្រវត្តិសាស្ត្រ បន្ទាប់ពីដាក់ពង្រាយកងទ័ព ដើម្បីដោះស្រាយជាមួយក្រុមក្មេងទំនើង។

យោងតាមយោធារបស់អេក្វាឌ័រដែលបាននិយាយកាលពីថ្ងៃទី ២២ ខែមករាថា កូកាអ៊ីន ២២ តោនត្រូវបានលាក់នៅក្នុងក្បាលដី ៧៣៣ ដែលទំនងជាមានគោលដៅសម្រាប់អាស៊ី អឺរ៉ុប និងអាមេរិក។ ការដកចេញនេះត្រូវបានធ្វើឡើងបន្ទាប់ពីការធ្វើផែនការ និងការស៊ើបអង្កេតរយៈពេលប្រាំមួយខែ ដោយអាជ្ញាធរបានបញ្ចេញរូបភាពជាសាធារណៈនៃដុំកញ្ចប់ដែលរុំក្នុងថង់ប្លាស្ទិកនៅកន្លែងកម្ទេចចោលក្នុងទីក្រុង Vinces ។

កាលពីថ្ងៃទី ២១ ខែមករា ឆ្នាំ២០២៤ អាជ្ញាធរបានស្ទាក់ចាប់នាវាមុជទឹកមួយគ្រឿងនៅឆ្នេរសមុទ្រអេក្វាឌ័រ ហើយបានរកឃើញថ្នាំញៀនចំនួន ៣ តោនទៀត។ អេក្វាឌ័រ បានប្រកាសលទ្ធផលនៃយុទ្ធនាការមុនដំណើរទស្សនកិច្ចរបស់មន្ត្រីជាន់ខ្ពស់អាមេរិក ដើម្បីលើកកម្ពស់ការប្រឆាំងឧក្រិដ្ឋកម្ម នៅពេលដែលរដ្ឋាភិបាលវ័យក្មេងរបស់អេក្វាឌ័រកំពុងប្រឈមមុខនឹងអំពើហិង្សារបស់ក្រុម។

ប្រធានាធិបតី Daniel Noboa បានប្រកាសកាលពីថ្ងៃទី ១០ ខែមករាថា ប្រទេសអេក្វាឌ័របានចូលធ្វើសង្រ្គាមជាមួយក្រុមឧក្រិដ្ឋជនគ្រឿងញៀន ពីរថ្ងៃបន្ទាប់ពីឧកញ៉ា Jose Adolfo Macias ដែលមានរហស្សនាមថា Fito បានរត់គេចខ្លួនពីពន្ធនាគារ ដែលបង្កឱ្យកុប្បកម្មផ្ទុះឡើងនៅក្នុងប្រទេសនេះ ហើយឧក្រិដ្ឋជនកាន់តែឈ្លានពាន។ ទោះជាយ៉ាងណា មនុស្ស ២,៨០០ នាក់ត្រូវបានចាប់ខ្លួនក្នុងរយៈពេល ១៣ ថ្ងៃចាប់តាំងពីការថ្លែងរបស់លោក Noboa។

ប្រធានាធិបតី Noboa បាននិយាយថា បច្ចុប្បន្នការប្រយុទ្ធប្រឆាំងនឹងក្រុមក្មេងទំនើងកំពុងធូរស្បើយហើយ ប៉ុន្តែមិនទាន់ទទួលបានជ័យជំនះនៅឡើយ ដោយបានប្រកាសពន្យារពេលដាក់រដ្ឋក្នុងភាពអាសន្នរហូតដល់ខែមេសា។ អំពើហិង្សានៅក្នុងប្រទេសអេក្វាឌ័រក៏បានធ្វើឱ្យមន្ត្រីនៅក្នុងប្រទេសបូលីវី កូឡុំប៊ី អេក្វាឌ័រ និងប៉េរូ បង្កើតការឆ្លងព្រំដែន ក៏ដូចជាបានបង្កើតបណ្តាញសន្តិសុខបង្ក្រាបបទល្មើសគ្រឿងញៀនផងដែរ៕

បរទេស៖ ការទិញរថយន្តអគ្គិសនីបានកើនឡើងដប់ដងក្នុងរយៈពេលពីរឆ្នាំកន្លងមកនេះ ដោយទិន្នន័យបានបង្ហាញថារថយន្តអគ្គិសនី Tesla កំពុងមានប្រជាប្រិយភាពខ្លាំងជាមួយជនជាតិអ៊ុយក្រែន។ នេះបើយោងតាម Le Figaro ដែលបានរាយការណ៍កាលពីថ្ងៃទី២៣ ខែមករា ឆ្នាំ២០២៤។

នៅចុងឆ្នាំ ២០២១ រថយន្តអគ្គិសនីត្រឹមតែ ៨,៥៤១ គ្រឿងប៉ុណ្ណោះត្រូវបានចុះបញ្ជីនៅក្នុងប្រទេស ខណៈដែលនៅខែមករាឆ្នាំ ២០២៣ តួលេខនេះបានហក់ឡើងដល់ ៤៦,៨៣០ គ្រឿងដោយដកស្រង់ទិន្នន័យឧស្សាហកម្ម។ ទោះបីជាមានប្រតិបត្តិការយោធាដែលកំពុងបន្តក៏ដោយ កំណើនដ៏អស្ចារ្យនេះបានបន្តកាលពីឆ្នាំមុន ខណៈដែលគិតត្រឹមខែវិច្ឆិកា ចំនួនរថយន្ត EV បានកើនឡើងជិតទ្វេដង ដោយឈានដល់ ៨៣,១១៦ គ្រឿង។

លោក Anton Tiutiun អគ្គនាយករងនៃធនាគារ Oschadbank គ្រប់គ្រងដោយរដ្ឋរបស់ប្រទេសអ៊ុយក្រែនបាននិយាយថា “ជាលើកដំបូង យើងបានជួបប្រទះការកើនឡើងយ៉ាងខ្លាំងនៃតម្រូវការប្រាក់កម្ចីសម្រាប់រថយន្តអគ្គិសនី ចំពេលមានការខ្វះខាតក្នុងការផ្គត់ផ្គង់ប្រេងឥន្ធនៈ និងការកើនឡើងនៃតម្លៃប្រេងឥន្ធនៈ”។ លោក Anton Tiutiun បានបន្តទៀតថា ហានិភ័យនៃការដាច់ចរន្តអគ្គិសនី ចំពេលមានការវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែន មិនបានបញ្ឈប់ប្រជាជនអ៊ុយក្រែនពីការទិញរថយន្ត EV នោះទេ។

យោងតាមក្រុមហ៊ុន Nissan Motor Ukraine បានឱ្យដឹងថា ប្រទេសនេះមានបណ្តាញសាកថ្មសាធារណៈដែលត្រូវបានអភិវឌ្ឍយ៉ាងល្អដែលមានចំនួនរហូតដល់ ១១,០០០ ស្ថានីយ៍ ដែលនេះគឺជាតួលេខខ្ពស់ជាងនៅរដ្ឋញូវយ៉កសហរដ្ឋអាមេរិក និងទ្វេដងនៃប្រទេសប៉ូឡូញ។ លោក Le Figaro បាននិយាយថា តម្រូវការត្រូវបានជំរុញជាចម្បងដោយការនាំចូលរថយន្តជជុះ បន្ទាប់ពីរដ្ឋាភិបាលអ៊ុយក្រែនបានដកពន្ធ និងពន្ធគយភាគច្រើន ដោយលោកបានកត់សម្គាល់ថារថយន្ត Tesla មានប្រជាប្រិយភាពជាពិសេស។

លោក Hans Eric Melin នាយក Circular Energy Storage ដែលជាក្រុមហ៊ុនរបស់ចក្រភពអង់គ្លេសដែលតាមដានលំហូរនៃថ្មដែលបានប្រើប្រាស់ទូទាំងពិភពលោក បាននិយាយថា “យើងបានគិតថាការនាំចេញរថយន្តអគ្គិសនីទៅអ៊ុយក្រែននឹងបញ្ឈប់ដោយសង្រ្គាម” ប៉ុន្តែបន្ទាប់ពីរយៈពេលប្រាំមួយខែ អាជីវកម្មមានភាពរឹងមាំជាងពេលណាៗទាំងអស់។ កាលពីពីរឆ្នាំមុន អ៊ុយក្រែនស្ថិតក្នុងចំណោមគោលដៅកំពូលទាំងបីសម្រាប់រថយន្ត EV របស់អាមេរិកដែលបានលក់នៅក្រៅប្រទេស នៅពីក្រោយប្រទេសនីហ្សេរីយ៉ា និងអារ៉ាប់រួម។

ទោះបីជាយ៉ាងណាក៏ដោយ រថយន្ត Tesla ដែលនាំចូលភាគច្រើនត្រូវបានខូចខាត ហើយត្រូវបានទិញតាមរយៈការដេញថ្លៃនៅសហរដ្ឋអាមេរិក និងកាណាដា នេះបើយោងតាមលោក Malakhovsky អ្នកជំនាញខាងរថយន្ត បាននិយាយទៀតថា ជនជាតិអ៊ុយក្រែនមួយចំនួនបានបង្វែរការជួសជុលរថយន្ត Teslas ទៅជាអាជីវកម្មរកប្រាក់ចំណេញ ដោយជួសជុលរថយន្តរហូតដល់ ១០០ គ្រឿងក្នុងមួយខែ៕

បរទេស៖ ក្រុមហ៊ុន Apple បានបង្ហាញថា ខ្លួនកំពុងអភិវឌ្ឍចំណុចប្រទាក់គ្រប់គ្រងសម្រាប់ iPhone ដែលអាចដំណើរការបាននៅក្នុងទឹក។ ទោះបីជា iPhone ត្រូវបានគេដាក់ស្លាកថាធន់នឹងទឹកជាមួយកម្រិត IP68 ក៏ដោយ ក៏ក្រុមហ៊ុនផលិតទូរស័ព្ទមិនធានាសម្រាប់ស្មាតហ្វូនដែលធ្លាក់ចូលទឹកញឹកញាប់ពេកដែរ ដោយណែនាំឱ្យអ្នកប្រើប្រាស់ទាំងអស់កំណត់ការយកស្មាតហ្វូនរបស់ពួកគេនៅពេលហែលទឹក។

ជាទូទៅទូរស័ព្ទ iPhone និងស្មាតហ្វូន Android ជាច្រើនបានបំពេញតាមស្តង់ដារ IP68 ដែលអាចទ្រទ្រង់ការជ្រាបទឹកក្រោមលក្ខខណ្ឌមួយចំនួន និងអាចដំណើរការនៅក្រោមទឹកក្នុងជម្រៅមួយម៉ែត្ររយៈពេល ៣០ នាទីប៉ុណ្ណោះ។ ទោះជាយ៉ាងណាក៏ដោយ ប៉ាតង់ថ្មីដែលផ្តល់ដោយការិយាល័យប៉ាតង់ និងពាណិជ្ជសញ្ញាសហរដ្ឋអាមេរិកកាលពីសប្តាហ៍មុនបានបង្ហាញថា Apple កំពុងបង្កើតកំណែ iPhone ដែលដំណើរការបានយ៉ាងល្អនៅក្នុងទឹក។

ជាពិសេស ក្រុមហ៊ុនបានកែសម្រួលចំណុចប្រទាក់ iOS ដើម្បីបង្កភាពងាយស្រួលដល់អ្នកប្រើប្រាស់ក្នុងប្រតិបត្តិការក្នុងស្រុក។ ឧទាហរណ៍ ពួកគេអាចប្រើប៊ូតុងកម្រិតសំឡេង ដើម្បីពង្រីករូបភាពជំនួសឱ្យការប៉ះអេក្រង់ជាដើម។ ប៉ាតង់របស់ Apple ច្រើនតែចំណាយពេលយូរមុននឹងមានផ្លែផ្កា។ ពីមុនក្រុមហ៊ុនក៏ទទួលបានប៉ាតង់សម្រាប់ឧបករណ៍បំពងសម្លេងដែលមិនជ្រាបទឹក រួមទាំងការប្រើប្រាស់ “ឆ័ត្រ” ដើម្បីបង្វែរវត្ថុរាវចេញពីឆានែលអូឌីយ៉ូចម្បងរបស់ឧបករណ៍ផងដែរ។

Apple ក៏បានបង្កើតកម្មវិធី Water Eject Shortcuts ដែលអនុញ្ញាតឱ្យជំនួយការនិម្មិត Siri រុញទឹកចេញពី iPhone វិធីនេះអាចអនុវត្តបានតែលើ iPhone ក្នុងទឹកស្រាលប៉ុណ្ណោះ។ ហេតុនេះហើយ ដើម្បីធានាបាននូវសុវត្ថិភាព អ្នកប្រើប្រាស់គួរតែនាំយកទូរស័ព្ទដែលត្រាំទឹកទៅកាន់មជ្ឈមណ្ឌលជួសជុលជំនាញដើម្បីធ្វើការត្រួតពិនិត្យ ការសម្ងួត និងជៀសវាងឧបទ្ទវហេតុអកុសលផ្សេងៗ៕

ប្រទេសចិន ៖ មនុស្សភាគច្រើនធ្លាប់មានបទពិសោធន៍ទស្សនាភាពយន្តហើយខកបំណង នៅពេលភាពយន្តនោះមិនល្អមើលដូចការរំពឹងទុក រហូតដល់ពួកគេមានអារម្មណ៍សោកស្តាយប្រាក់ទិញសំបុត្រទៀតផង ។ ទោះយ៉ាងណា អ្នកមើលកុននឹងលែងជួបបញ្ហាទាំងនេះហើយ នៅពេលរោងកុនមួយចំនួននៅប្រទេសចិនបានសាកល្បងប្រគល់ប្រាក់ឱ្យអតិថិជនវិញ បើពួកគេមើលកុនហើយអត់ល្អមើល ។

រោងភាពយន្តមួយចំនួននៅទីក្រុង Changsha ប្រទេសចិន បានសាកល្បងសេវាកម្មសងប្រាក់ទៅអតិថិជនវិញ ប្រសិនបើពួកគេមើលកុនក្នុងរយៈពេល៣០នាទី ហើយមិនពេញចិត្តនឹងខ្សែភាពយន្តនេះ គឺពួកគេអាចសុំដកប្រាក់ពីរោងភាពយន្តវិញបាន ។ គេរំពឹងថា សេវាកម្មសងប្រាក់ទៅអតិថិជនវិញនឹងអនុវត្តនៅតាមរោងភាពយន្តជាង១.០០០កន្លែងនៅទូទាំងប្រទេសចិន ។

ក្រោយពីសារព័ត៌មានចិនចុះផ្សាយពីរោងភាពយន្តប្រគល់ប្រាក់ឱ្យអតិថិជន វាក៏បានក្លាយជាប្រធានបទមួយដែលមនុស្សជាច្រើនចាប់អារម្មណ៍យ៉ាងខ្លាំង ។ មតិមួយចំនួនយល់ឃើញថា សេវាកម្មនេះចាត់ទុកថា បានផ្តល់នូវប្រយោជន៍ដល់រោងកុន ក៏ដូចជាអ្នកទស្សនាផងដែរ ។

ចំណែកអ្នកទស្សនាវិញគិតថា សេវាកម្មនេះជាប្រាក់ Bonus ករណីពួកគេខកបំណងក្នុងការទស្សនាខ្សែភាពយន្ត គឺពួកគេអាចទទួលបានប្រាក់ត្រឡប់មកវិញ ។ ម្យ៉ាងទៀត បើពួកគេមិនចូលចិត្តការផ្តល់សេវាកម្មផ្សេងៗក្នុងរោងភាពយន្ត សេវាកម្មប្រគល់ប្រាក់ឱ្យអតិថិជនវិញនឹងអាចជំរុញឱ្យរោងភាពយន្តកែលម្អសេវាកម្មរបស់ខ្លួន ។

ក្រៅពីនេះ សេវាកម្មប្រគល់ប្រាក់ឱ្យអតិថិជនវិញនឹងជាការបញ្ជាក់ទៅកាន់អ្នកផលិតសាច់រឿងផងដែរ ដើម្បីឱ្យពួកគេពិចារណាពីគុណភាពខ្សែភាពយន្តរបស់ខ្លួនថា សាច់រឿងនេះមានគុណភាពល្អឬអត់ ។ ដូច្នេះ គេអាចវាយតម្លៃគុណភាពសាច់រឿងបាន ដោយសារបរិមាណអ្នកទស្សនាសុំដកប្រាក់វិញ ៕

អាជ្ញាធរប្រទេសចិនបាននិយាយថា មនុស្សយ៉ាងហោចណាស់ ៥០ នាក់បានរងរបួស បន្ទាប់ពីគ្រោះរញ្ជួយដីកម្រិត ៧.០ រិចទ័របានវាយប្រហារតាមបន្ទាត់ភ្នំព្រំដែនចិន-កៀហ្ស៊ីស៊ីស្ថាន។

ការរញ្ជួយដីដ៏ធំនេះកាលព្រឹកទាបភ្លឺថ្ងៃទី២៣ ខែមករា ឆ្នាំ២០២៤ នេះ ដែលមានជម្រៅ ១៣ គីឡូម៉ែត្រនៅក្នុងតំបន់ Xinjiang ប្រទេសចិន។ យោងតាមទីភ្នាក់ងារព័ត៌មានរដ្ឋ Xinhua របស់ទីក្រុងប៉េកាំងបានឲ្យដឹងថា អាជ្ញាធរក្នុងតំបន់បានបញ្ជូនភ្នាក់ងារទៅជួយសង្គ្រោះនៅកន្លែងកើតហេតុ ខណៈដែលមនុស្សជាង ៨០០ នាក់កំពុងរង់ចាំសម្រាប់បេសកកម្មសង្គ្រោះចេញពីគ្រោះមហន្តរាយដ៏ធំនេះ។

អគារសរុបចំនួន ៤៧ នៅក្នុងតំបន់នោះបានដួលរលំទាំងស្រុង ខណៈអគារចំនួន៧៨ទៀតបានរងការខូចខាត។ រីឯផ្ទះប្រជាពលរដ្ឋជាច្រើននៅទីនោះក៏ត្រូវបានដួលរលំ ខណៈអគ្គិសនីត្រូវបានកាត់ផ្តាច់ជាបណ្តោះអាសន្នសិន។

យោងតាមសារព័ត៌មាន AFP បានឱ្យដឹងទៀតថា មនុស្សម្នាក៏បានភៀសខ្លួនចេញពីផ្ទះរបស់ពួកគេដើម្បីស្វែងរកកន្លែងជ្រកកោននៅតាមដងផ្លូវកំពុងតែត្រជាក់ខ្លាំងក្នុងទីក្រុង Bishkek នៃប្រទេសកៀហ្ស៊ីស៊ីស្ថាន បន្ទាប់ពីគ្រោះរញ្ជួយដីបានធ្វើឱ្យជញ្ជាំងរង្គើ ខូចខាតទ្រព្យសម្បត្តិជាច្រើន។ ទោះជាយ៉ាងណាគឺពុំទាន់មានករណីអ្នកស្លាប់ដោយសារហេតុការនេះនោះទេ។

គួរបញ្ជាក់ផងដែរថា ប្រទេសចិនក៏បានកើតមាននូវគ្រោះរញ្ជួយដីដែរកាលពីឆ្នាំ២០១៤ ក្នុងខេត្តយូណានភាគនិរតីនៃប្រទេសចិន ដែលបានឆក់យកជីវិតមនុស្សច្រើនបំផុតរហូតដល់ទៅជាង 600 នាក់៕

កាលពីថ្ងៃទី ១៤ ខែមករា ឆ្នាំ២០២៤នេះ ស្រីស្អាតដែលត្រូវជាតារា TikTok ជនជាតិសិង្ហបុរីម្នាក់បានបង្ហោះនូវវីដេអូមួយដែលរៀបរាប់ពីដំណើរកម្សាន្តរបស់នាង នៅឯផ្សាររាត្រីមួយកន្លែង នាទីក្រុងបាងកក ប្រទេសថៃ។ អ្វីដែលធ្វើឲ្យមានការចាប់អារម្មណ៍ខ្លាំងទៅលើវីដេអូនាង គឺនាងបានធ្វើការដើរភ្សក់សត្វល្អិតបំពងមួយចំនួននៅទីនោះ ដែលបានធ្វើឲ្យនាងចូលមន្ទីរពេទ្រភ្លាមៗតែម្តង។

នៅលើគណនី Tik Tok របស់ស្រីស្អាតរូបនេះដែលមានឈ្មោះថា Nicolette Callie Wee បានដាក់បង្ហោះនូវវីដេអូមួយឃ្លីបរយៈពេល ៣០ វិនាទី ដែលដំបូងឡើយនាងគឺបានបង្ហាញពីសកម្មភាពទិញចង្រិតបំពងមួយថង់ដោយរំភើបនិងភ័យអរ ព្រោះនេះជាលើកទី១ហើយ ដែលនាងមកភ្សក់អ្វីបែបនេះ។ នាងលាន់មាត់ថា «វាធាត់ទ្រលុកទ្រលន់ សុទ្ធតែខ្លាញ់ និងរសជាតិដិត។ ឱព្រះអើយ! ទំពារទៅស្រួយខ្ញោង ដងខ្លួងវាត្រូវបានបែកខ្ចាយនៅពេញមាត់ខ្ញុំយ៉ាងស្រៀវ»។

បន្ទាប់មកស្រីស្អាតម្នាក់នេះ ក៏បានទិញដុកឌឿមកភ្សក់បន្ថែមទៀត ព្រោះថាមើលទៅទំនងពេក។ នាងនិយាយថា “ហេតុអ្វីបានជាប្រទេសខ្ញុំគ្មានមិនមានអាហារសម្រន់ឆ្ងាញ់ៗបែបនេះអ៊ីចឹង?”

ទោះជាយ៉ាងណា បន្ទាប់ពីការភ្សក់រួចមក ប្រព័ន្ធរំលាយអាហាររបស់នាងហាក់ដូចជាមិនអំណោយផលជាមួយនឹងអាហារប្រពៃណីថៃមួយមុខនេះទេ។ ជាលទ្ធផលក៏បានធ្វើឲ្យស្រីស្អាតរូបនេះរាគយ៉ាងខ្លាំង ដែលនៅទីបំផុតធ្វើឱ្យនាងចូលមន្ទីរពេទ្យក្នុងទីក្រុងបាងកកភ្លាមៗតែម្តង។

តាមរយៈវីដេអូដែលនាងបានដាក់បង្ហោះរហូតមកដល់ពេលនេះគឺអ្នកចូលមើលរហូតដល់ជិត ៣០០ ០០០ដងឯណ្ណោះ ព្រមជាមួយនឹងការបញ្ចេញមតិយ៉ាងច្រើនពីអ្នកនិយមលេងបណ្តាញសង្គម។ អ្នកខ្លះក៏បានផ្តល់ដំបូន្មានថា គួរត្រូវតែប្រុងប្រយ័ត្នបន្តិចចំពោះការទទួលទានចំណីអាហារផ្សេងៗនៅអំឡុងពេលធ្វើដំណើរកម្សាន្ត ព្រោះថាអាចនឹងបណ្តាលឲ្យរាគរូស ឬពុលអាហារដោយប្រការណាមួយ នាំឲ្យខាតទាំងពេលវេលានិងដំណើរកម្សាន្តបែបនេះផងដែរ៕

@nicolettecalliewe

based on a true story

♬ original sound – Nicolette Callie Wee – Nicolette Callie Wee

ប្រទេសថៃ ៖ ហេតុការណ៍នេះបានធ្វើឱ្យអ្នកដំណើរនៅតាមផ្លូវភ្ញាក់ផ្អើលយ៉ាងខ្លាំង និងថតវីដេអូបង្ហោះក្នុងបណ្តាញសង្គម ដោយសារមានរថយន្តទំនើប១គ្រឿងបានបើកបរនៅទីក្រុងប៉ាតាយ៉ា ប្រទេសថៃ ដើម្បីនាំសត្វចិញ្ចឹមរបស់ខ្លួនទៅមើលទេសភាព និងស្រូបខ្យល់អាកាសនៅតាមផ្លូវ ។ ប៉ុន្តែសត្វចិញ្ចឹមនេះ មិនមែនជាសត្វចិញ្ចឹមធម្មតាទេ ។

បើតាមវីដេអូឃ្លីបបង្ហាញថា រថយន្តទំនើបនេះបានដឹកសត្វតោ១ក្បាលនៅផ្នែកខាងក្រោយ ដើម្បីឱ្យវាមើលមនុស្សម្នានៅទីក្រុងប៉ាតាយ៉ា ។ គេដឹងថា នៅទីក្រុងប៉ាតាយ៉ា មានមនុស្សម្នាយ៉ាងច្រើន ហើយក៏សម្បូរភ្ញៀវទេសចរបរទេសមកកម្សាន្តផងដែរ ប៉ុន្តែមិនដឹងថា ហេតុអ្វីបានជាម្ចាស់រថយន្តធ្វើបែបនេះ?

ក្រោយមានការបង្ហោះវីដេអូដឹកតោដើរលេងក្នុងទីក្រុងប៉ាតាយ៉ា ធ្វើឱ្យពលរដ្ឋថៃ និងជនបរទេសចែកចាយវីដេអូនេះជាច្រើន ព្រោះវាមិនមែនជាសត្វចិញ្ចឹមធម្មតា ដូចជា សត្វឆ្កែ និងឆ្មាទេ ។ ម្យ៉ាងទៀត ការដឹកតោដើរលេងគ្មានដាក់ទ្រុងបែបនេះអាចបង្កគ្រោះថ្នាក់ដល់អ្នកដទៃទៀតផង ដោយសារម្ចាស់តោបានដឹកវាដើរលេងក្នុងទីប្រជុំជនមានមនុស្សច្រើន ។

បើតាមបុរសម្នាក់មានផ្ទះនៅក្បែរជនបរទេសចិញ្ចឹមតោ លើកឡើងថា ម្ចាស់សត្វតោនេះ គឺជាជនបរទេសបានមករស់នៅទីក្រុងប៉ាតាយ៉ា ខេត្តឈុនបុរី មួយរយៈហើយ ។ រៀងរាល់ល្ងាច ម្ចាស់តោតែងតែបើករថយន្តដឹកវាដើរលេងមួយសន្ទុះសិន ទើបត្រឡប់មកផ្ទះវិញ ។

ក្រោយពីវីដេអូនេះត្រូវបានគេរិះគន់ក្នុងបណ្តាញសង្គម សមត្ថកិច្ចថៃ និងភ្នាក់ងារពាក់ព័ន្ធបានចុះទៅត្រួតពិនិត្យលំនៅឋានមួយកន្លែងក្នុងស្រុកបាងឡាក់ម៉ុង ខេត្តឈុនបុរី ដែលបានចិញ្ចឹមតោខាងលើ និងល្បីល្បាញក្នុងបណ្តាញសង្គម ។ បន្ទាប់មក សមត្ថកិច្ចបានឃើញទ្រុងចំនួន២ សម្រាប់ដាក់សត្វចិញ្ចឹម គឺទ្រុងទី១ មានតោ១ក្បាល រីឯទ្រុងទី២ មានឆ្កែ៣ក្បាល ប៉ុន្តែគ្មានអ្នកណាម្នាក់នៅផ្ទះទេ ។

បើតាមស្ត្រីចំណាស់ម្នាក់ដែលមានផ្ទះនៅក្បែរផ្ទះចិញ្ចឹមតោ រៀបរាប់ប្រាប់សមត្ថកិច្ចថា គាត់បានឃើញជនបរទេសយកតោមកចិញ្ចឹមជាង១ខែហើយ ។ ជារៀងរាល់ល្ងាច ជនបរទេសរូបនេះតែងនាំតោ ព្រមទាំងឆ្កែរបស់ខ្លួន ជិះឡានដើរលេងនៅម្តុំឆ្នេរសមុទ្រ ។

សមត្ថកិច្ចលើកឡើងថា តាមរយៈការត្រួតពិនិត្យជំហានដំបូងឃើញថា តោ១ក្បាលនេះបានចុះឈ្មោះចិញ្ចឹមនៅខេត្តរាជបុរី និងមានម្ចាស់ជានារីថៃ ។ ហេតុនេះ សមត្ថកិច្ចបានទំនាក់ទំនងទៅនារីថៃខាងលើឱ្យធ្វើដំណើរមកខេត្តឈុនបុរី ដើម្បីត្រួតពិនិត្យឯកសារចិញ្ចឹមតោឱ្យបានច្បាស់លាស់ ។

សមត្ថកិច្ចសន្និដ្ឋានថា ជនបរទេសដែលដឹកតោដើរលេងនៅតាមទីប្រជុំជននោះ គឺជាជនជាតិស្រីលង្ការ ហើយរថយន្តទំនើបដែលជនបរទេសជិះ គឺជារថយន្តជួលមកពីខេត្តភូកេត ។ រីឯសត្វតោដែលត្រូវគេរិះគន់ក្នុងបណ្តាញសង្គមនេះ គឺជាតោញី មានអាយុប្រមាណ៤ខែ ៕