តាមរយៈវីដេអូខ្លីមួយនៅលើបណ្តាញសង្គមបានធ្វើឱ្យមានការចាប់អារម្មណ៍យ៉ាងខ្លាំងពីទស្សិកជនបន្ទាប់ពី ជី ដេវីត និយាយឈ្មោះ វណ្ណដា ដោយស្នាមញញឹម ដូចជាមនុស្សមានភាពស្និទ្ធស្នាលគ្នាពុំមានបញ្ហាល្អក់កករជាមួយគ្នាឡើយ។ ឃើញដូចនេះ អ្នកលេងបណ្តាញសង្គមបានបញ្ចេញមតិថា អាយដលគេមិនអីផងធ្វើឡើងធម្មតាណាស់តែហ្វេនផ្កាប់មុខមួយចំនួនទេ។

វីដេអូនោះស្ថិតនៅក្នុងក្លិបកម្សាន្តហើយ Athika បានសួរ ជី ដេវីត ថាបានច្រៀងហើយឬនៅ ខណៈ ជី ដេវីត ឆ្លើយថាច្រៀងអីឮសូរតែបទ វណ្ណដា ដោយបញ្ចេញទឹកមុខពេញដោយស្នាមញញឹមនិងការហៅឈ្មោះយ៉ាងស្និទ្ធស្នាល។ Athika ក៏បាននិយាយថា DJ បានឆាតមកសួរលោកថា ចាក់បទ វណ្ណដា បានឬអត់ដោយលោកឆ្លើយថា ចាក់បានមួយស្រលាញ់។

ឃើញ ជី ដេវីត និយាយឈ្មោះ វណ្ណដា ដោយស្នាមញញឹមនេះ ធ្វើឱ្យអ្នកលេងបណ្តាញសង្គមចូលទៅបញ្ចេញមតិព្រោងព្រាត។ អ្នកលេងបណ្តាញសង្គមទិកតុកបានខម្មិនថា «ហៃគេហៅឈ្មោះគ្នាឡើងស្និទ្ធស្នាលនៀក, Idol idol ត្រូវគ្នាណាស់ ឈ្លោះតែ Fan Fanទេ, បង វីត ស្អាតទាំងក្នុងនិងក្រៅ, ប្រាប់ហើយថាឈ្លោះគ្នាតែហ្វេនៗទេ, ណាស់តែ Fan ផ្កាប់មុខតើ idol គេមិនអីផង»។ មតិផ្សេងទៀតបានលើកឡើងថា «ចង់ឱ្យ ជី ដេវីត ចាប់ដៃជាមួយ វណ្ណដា ច្រៀងកន្រ្ទឹមចូលឆ្នាំខ្មែរ, សាកស្រមៃមើលបើ២នាក់គាត់ចាប់ដៃគ្នាដាក់១ album នឹងមានរឿងអីកើតឡើងទៅ, គេឡើងធម្មតាណាស់តែពួក fan toxic ខ្លះតាស ខឹងគេរហូត»។

គួរបញ្ជាក់ផងដែរថា កន្លងមក ជី ដេវីត និង វណ្ណដា មានរឿងចម្រូងចម្រាសជាមួយដោយចេញបទចម្រៀង Diss Track គ្នាទៅវិញទៅមក បង្កឱ្យផ្ទុះកក្រើកយ៉ាងខ្លាំង។ ទោះបីជាអ្នកទាំងពីរបានបញ្ចប់ទៅហើយ ប៉ុន្តែហ្វេនៗទាំងសងមួយចំនួននៅតែបន្តមានជម្លោះលើបណ្តាញសង្គមញឹកញាប់។ មិនត្រឹមតែមានហ្វេនៗមួយចំនួនប៉ុណ្ណោះទេ តែក៏នៅមានជនឆ្លៀតឱកាសមិនមែនជាហ្វេនទាំងសងខាងបានបញ្ឆេះកំហឹងឱ្យហ្វេនៗមានការឈ្លោះប្រកែកគ្នាមិនចេះចប់មិនចេះហើយ។ កន្លងមក ទោះបីជាមានបញ្ហាជាមួយគ្នាក្តី ប៉ុន្តែគេសង្កេតឃើញថា ជី ដេវីត បានបង្ហាញការគាំទ្រច្រៀងនិងរាំបទ របស់ វណ្ណដា ផងដែរ៕

រយៈពេលចុងក្រោយនេះពាក្យថា «សង្រ្កាន្ត» មានការចាប់អារម្មណ៍យ៉ាងខ្លាំងនៅលើបណ្តាញសង្គមស្របពេលដែលពិធីបុណ្យចូលឆ្នាំថ្មីកាន់តែខិតជិតមកដល់ចំណែកឯប្រទេសថៃបានសម្រេចដាក់សង្ក្រាន្តនៅថៃចូលក្នុងបញ្ជីបេតិកភណ្ឌវប្បធម៌អរូបី។ ទន្ទឹមនឹងមានការជជែកវែកញែកនៅលើបណ្តាញសង្គមទៅលើរឿងនេះតារាចម្រៀង កែវ វាសនា បានបង្ហាញការសោកស្តាយទៅលើរឿងនេះ ប៉ុន្តែលោកថាប្រទេសកម្ពុជាយើងនៅមានជម្រើសផ្សេងទៀតហើយពាក្យដែលលោកស្រលាញ់ពេញចិត្តជាងគេគឺ «មហាសង្ក្រាន្ត»។

កាលពីថ្ងៃទី៦ ខែធ្នូ ឆ្នាំ២០២៣ អង្គការយូណេស្កូបានសម្រេចដាក់សង្ក្រាន្តនៅថៃចូលក្នុងបញ្ជីបេតិកភណ្ឌវប្បធម៌អរូបីជាផ្លូវការហើយរដ្ឋាភិបាលនៃប្រទេសនេះបានសម្រេចឱ្យមានការឈប់សម្រាករហូតដល់៥ថ្ងៃ។ ជាពិសេសនឹងមានការរៀបចំសកម្មភាពនៃពិធីសង្ក្រាន្ត នៅទូទាំងផ្ទៃប្រទេសចំនួន២១ឆ្នាំចាប់ពីថ្ងៃទី១ រហូតដល់ថ្ងៃទី ២១ ខែមេសា ឆ្នាំ២០២៤។
ជាការពិតពិធីបុណ្យចូលឆ្នាំនេះប្រទេសនៅតំបន់អាស៊ីអាគ្នេយ៍ដែលមានការរៀបចំស្រដៀងគ្នាមិនត្រឹមតែមានប្រទេសកម្ពុជា ថៃ តែប៉ុណ្ណោះទេ ប៉ុន្តែប្រទេស ឡាវ មីយ៉ាន់ម៉ា ក៏មានពិធីសង្ក្រាន្តដូចគ្នា។ ចំណុចដែលពិសេសនោះគឺសង្ក្រាន្តនៅថៃបានដាក់ចូលក្នុងបញ្ជីបេតិកភណ្ឌពិភពលោកប៉ុន្តែមិនមែនមានន័យថាប្រទេសកម្ពុជា ឡាវ មីយ៉ាន់ម៉ា ប្រើពាក្យ សង្ក្រាន្តនេះលែងបានឡើយគឺនៅតែអាចប្រារព្ធ និងប្រើពាក្យនេះបានដដែល។

ស្របពេលរឿងនេះផ្ទុះឡើយម្តងទៀត តារាចម្រៀង កែវ វាសនា ស្ថិតក្នុងផលិតកម្មសាន់ដេ បានបង្ហាញការសោកស្តាយនៅពេលដែលប្រទេសថៃបានដាក់ សង្រា្កន្ត ចូលទៅក្នុងបញ្ជីបេតិកភណ្ឌពិភពលោក ប៉ុន្តែលោកថាកម្ពុជានៅមានជម្រើសផ្សេងទៀតអាចស្នើអង្គការយូណេស្កូដាក់ពាក្យផ្សេងបាន។

នៅថ្ងៃទី២៧ ខែមីនា ឆ្នាំ២០២៤ លោក កែវ វាសនា បានសរសេរនៅលើបណ្តាញសង្គមថា «ចូលរួមសោកស្តាយដែលថៃបានដាក់ពាក្យថា សង្ក្រាន្ត ចូលបញ្ជីបេតិកភណ្ឌពិភពលោក នេះជាបទពិសោធន៍មួយដែលយើងគ្រប់គ្នាគួរតែចងចាំ ពាក្យដែលខ្ញុំធ្លាប់ឃើញនិងធ្លាប់អានតាំងតែពីតូចមក ពេលនេះក្លាយជារបស់គេហើយ តែយើងនៅមានជំរើស ពាក្យ អង្គរសង្ក្រាន្ត រឺក៏ មហាសង្ក្រាន្ត តែពាក្យដែលខ្ញុំស្រលាញ់ជាងគឺ មហាសង្ក្រាន្ត ព្រោះពាក្យមហាគឺអំណាចជាង»។

គួរបញ្ជាក់ថាពិធីសង្រ្កាន្ត ជាពិធីប្រពៃណីរបស់ថៃទី៤ហើយ ដែលត្រូវបានដាក់បញ្ចូលទៅក្នុងបញ្ជីបេតិកភណ្ឌពិភពលោកនេះដែលមានដូចជា របាំ Khon, របៀបម៉ាស្សាបែបថៃ, និងរបាំNora។ ចំណែកឯប្រទេសកម្ពុជា មានសម្បត្តិបេតិកភណ្ឌពិភពលោកចំនួន១០ហើយ រួមមាន៖ តំបន់អង្គរវត្ត (រូបី), របាំព្រះរាជទ្រព្យ (អរូបី), ល្ខោនស្រមោលស្បែក ឬល្ខោនស្បែកធំ(អរូបី), ប្រាសាទព្រះវិហារ(រូបី), ប្រាសាទកោះកេរ, ល្បែងទាញព្រ័ត្រ(អរូបី), ចាប៉ីដងវែង(អរូបី), ប្រាសាទសំបូរព្រៃគុក(រូបី), ល្ខោនខោលវត្តស្វាយអណ្ដែត និងគុនល្បុក្តតោ (អរូបី)៕

តារាចម្រៀង លីម តិចម៉េង ធ្វើឱ្យទស្សនិកជនចាប់អារម្មណ៍យ៉ាងខ្លាំងមានការស៊ែរភ្លូកទឹកភ្លូកដីបន្ទាប់ពីច្រៀងរ៉េបបទ «ខ្មែរមួយជីវិត» ភ្ជាប់មកជាមួយឃ្លាថា «ខ្ញុំធំនៅកម្ពុជាជាមួយភាពអត់ឃ្លាន»។ ការរ៉េបរបស់ តិចម៉េង ត្រូវបានហ្វេនៗលើកឡើងថាលោកគឺជាតារាចម្រៀងម្នាក់ដែលតែងតែឈឺឆ្អាលរឿងប្រទេសជាតិខណៈមួយបទនេះគឺបង្កប់ទៅដោយអត្ថន័យឆ្លុះបញ្ចាំងពីសង្គម។

កាលពីល្ងាចថ្ងៃទី២៦ ខែមីនា តារាចម្រៀង លីម តិចម៉េង ម្ចាស់ពាន Cambodian idol រដូវកាលទី៤ បានបង្ហោះវីដេអូជិត២នាទីដោយភ្ជាប់មកជាមួយចំណងជើងថា «ខ្ញុំធំនៅកម្ពុជាជាមួយភាពអត់ឃ្លាន»(ខ្មែរមួយជីវិត lyrics)។ ការរ៉េបរបស់លោកគឺបែប Free Style ដែលកំពុងនៅក្នុងរថយន្ត។

ប៉ារ៉ូលក្នុងបទចម្រៀងរបស់ លីម តិចម៉េង រ៉េប គឺជាបទរបស់ខ្មែរមួយជីវិត មានចំណងជើងថា «រស់ក៏មិនកើត ស្លាប់ក៏មិនកើត» ដែលនិយាយពីសង្គម។ តិចម៉េង បានបញ្ចេញថ្វីមាត់ដោយការរ៉េបយ៉ាងអង់អាចត្រង់ឃ្លាថា «ថាមកចុះថាខ្ញុំជាមនុស្សអវិជ្ជាមាន ព្រោះចម្រៀងខ្ញុំនិពន្ធយកការពិតមកនិទាន ខ្ញុំធំនៅកម្ពុជាជាមួយភាពនឹងភាពអត់ឃ្លាន រស់ក្នុងមជ្ឈដា្ឋនពោរពេញដោយការបំពាន ខំតាំងពីក្ររហូតទៅជាមានពីខ្លាចទៅជាហ៊ាន ប្រថុយនឹងគ្រោះថ្នាក់សព្វបែបយ៉ាងដូចជាទាហាន សាច់នឹងឈាមបានត្រៀមសម្រាប់លះបង់អស់ហើយ កុំមកចង់ដាក់សម្ពាធមកលើខ្ញុំមិនបានឡើយដើរដល់មកចំណុចមួយមិនអាចបកក្រោយ យប់មិនដែលដេកឆ្អែតដាក់ក្បាលទៅលើខ្នើយ គិតឡើងចង់វិកលចរិតខួរក្បាលចង់បែកផ្សែង ហាក់ដូចជាជនបដិវត្តស៍ដែលឯកោម្នាក់ឯង. ហើយខ្ញុំមិនសូវចេះសម្តែងខ្ញុំនិយាយយ៉ាងជាក់ស្តែង សង្គមឱ្យខ្ញុំក្លាយជាមនុស្សឥតបានការទោះព្យាយាមចង់ផ្លាស់ប្តូរច្រើនដងប៉ុណ្ណា រស់ក៏មិនកើតស្លាប់ក៏មិនកើត»។

ការរ៉េបរបស់ តិចម៉េង ត្រូវបានម្ចាស់បទខ្មែរមួយជីវិតចូលទៅខម្មិនថា «ល្អប្អូន អនាគតប្អូននឹងល្បី បងអាចទាយដឹង» អ្នកលេងបណ្តាញសង្គមផ្សេងទៀតបានខម្មិនថា «បងឃើញប្អូនច្រៀង បងយល់ពីអារម្មណ៍ប្អូន បងសូមសរសើរប្អូនដែលមានមនសិការ។ តារាក្មេងម្នាក់នេះ ពិតជាអស្ចារ្យ ក្នុងតារាមួយចំនួន ហ៊ាន ហ៊ាន ! បដិវត្តហ៍ពណ៌ឯកកោរម្នាក់ឯង OMG . បើមានតារាដូច IDOL ច្រើនដឹងល្អម៉ិចទេ, បែបនេះឆក់យកបេះដូងអ្នកជាតិនិយមហើយព្រមទាំងបងផងដែរ. khmer 1jivit គាត់តែងតែឈឺឆ្អាលនឹងរឿងប្រទេសជាតិបើមានអ្វីមកប៉ះដល់ប្រទេសជាតិយើងអរគុណណាស់អាយដល» រួមទាំងមតិយោបល់កោតសរសើរជាច្រើនទៀត៕

ប៊ី សុធារី Miss Grand កំពង់ឆ្នាំង បានអះអាងថារូបនាងនិង ព្រះកាយច័ន្ទ អតីត Miss Grand ភ្នំពេញពុំមានបញ្ហាអ្វីជាមួយគ្នានោះទេហើយអ្នកទាំងពីរក៏ធ្លាប់ស្គាល់មានទំនាក់ទំនងល្អជាមួយគ្នាយូរមកហើយ។ ការអះអាងថាពុំមានបញ្ហាល្អក់កករនេះបន្ទាប់ពី ព្រះកាយច័ន្ទ បាននិយាយឈ្មោះ ប៊ី សុធារី ពេញៗមាត់នៅក្នុងការ Live មួយហើយត្រូវបាន PD Miss Grand កំពង់ឆ្នាំង កញ្ញា ខាត់ ស្រីច័ន្ទ ចេញមុខប្រតិកម្មជំនួស។

ដ្បិតតែជា Miss Universe Cambodia 2017 និងធ្លាប់តំណាងប្រទេសកម្ពុជាចូលប្រកួតនៅលើឆាកអន្តរជាតិក្តីប៉ុន្តែការវិលត្រលប់មកវិញរបស់ ប៊ី សុធារី ក្នុងការប្រកួត Miss Grand Cambodia2024 គឺពោរពេញដោយទំនុកចិត្តនិងបានវះកាត់ដើមទ្រូងបន្ថែមទៀតដើម្បីឱ្យបំពេញចន្លោះបន្ថែម។ ទោះបីជាការគ្រងតំណែងរបស់ ប៊ី សុធារី ជា Miss Grand កំពង់ឆ្នាំង រងនូវមតិរិះគន់ខ្លះក្តី ប៉ុន្តែមិនអាចមើលរំលងសមត្ថភាពបេក្ខភាពជើងខ្លាំងរូបនេះបានទោះទេ។

កាលពីកន្លងមកនេះ ព្រះកាយច័ន្ទ ក៏បានលើកយកឈ្មោះ ប៊ី សុធារី និយាយពេញៗមាត់នៅក្នុងការ Live មួយពេលដែល ព្រះកាយច័ន្ទ មានបញ្ហាចម្រូងចម្រាសជាមួយអ្នកកាន់ផេកបវរកញ្ញាមួយរហូតកញ្ញា ខាត់ ស្រីច័ន្ទ PD Miss Grand ខេត្តកំពង់ឆ្នាំង ចេញមុខប្រតិកម្មជំនួស។ យ៉ាងណាមិញ តាមរយៈបទសម្ភាសមួយ ប៊ី សុធារី បានអះអាងថានាងនិង ព្រះកាយច័ន្ទ ពុំមានបញ្ហាជាមួយគ្នានោះទេ។

ប៊ី សុធារី ថា «នាងកំពុងផ្តោតទៅលើអ្វីដែលនាងកំពុងធ្វើដូច្នេះអ្វីដែលមិនជាប់ពាក់ព័ន្ធនឹងនាងមិនមែនមិនចាប់អារម្មណ៍សោះនោះទេតែនាងមិនបានគិតច្រើនយកចិត្តខ្លួនឯងទៅគិតទៅលើរឿងអស់ទាំងនោះ។ បេក្ខភាពរូបថា បើតាមការស្តាប់ទាំងស្រុងរបស់ ព្រះកាយច័ន្ទ មិនបានជាប់ពាក់ព័ន្ធជាមួយនាងទាំងអស់នោះទេដូច្នេះគ្មានបញ្ហានោះទេដោយនាងផ្តោតលើការងារប្រចាំថ្ងៃច្រើនជាង»។

Miss Grand កំពង់ឆ្នាំង រូបនេះបាននិយាយទៀតថា នាងនិងព្រះកាយច័ន្ទ ធ្លាប់ស្គាល់គ្នាជាយូរមកហើយមុននាងទៅប្រកួតនៅលើឆាកអន្តរជាតិទៅទៀត អ្នកទាំងពីរពុំមានបញ្ហាអ្វីជាមួយគ្នានោះទេបើទោះបីជាពេលនេះពុំដែលបានជួបគ្នាផ្ទាល់។ ប៊ី សុធារី ក៏បានរំលឹកដែរថាកាលពីថ្ងៃផ្តាច់ព្រ័ត្រ Miss Grand កំពង់ឆ្នាំងអ្នកទាំងពីរនិយាយជាមួយគ្នាធម្មតា ព្រោះខានជួបគ្នាយូរហើយអ្នកទាំងពីរក៏មានទំនាក់ទំនងល្អជាមួយគ្នាដែរ៕