បរទេស៖ ទីក្រុងញូវយ៉ករបស់សហរដ្ឋអាមេរិកបច្ចុប្បន្នគឺជាទីក្រុងដែលមានជាងគេបំផុតនៅលើពិភពលោកជាប់ចំណាត់ថ្នាក់លេខ ១ ដែលមានមហាសេដ្ឋីប្រហែល ៣៥៩,៥០០ នាក់ នេះបើយោងតាមការចុះផ្សាយរបស់ CNBC កាលពីថ្ងៃទី៧ ខែឧសភា ឆ្នាំ២០២៤។

ចំនួនមហាសេដ្ឋីនៅទីក្រុងញូវយ៉កបានកើនឡើង ៤៨% ក្នុងរយៈពេលមួយទសវត្សរ៍កន្លងមកនេះ ដោយប្រជាជននៃទីក្រុងនេះមានទ្រព្យសម្បត្តិច្រើនជាង ៣,០០០ ពាន់លានដុល្លារអាមេរិក ដែលធំជាងផលិតផលក្នុងស្រុកសរុប (GDP) របស់ប្រទេសប្រេស៊ីល អ៊ីតាលី និងកាណាដាទៅទៀត។ បន្ទាប់ពីទីក្រុងញូវយ៉ក តំបន់ San Francisco របស់រដ្ឋកាលីហ្វ័រញ៉ា សហរដ្ឋអាមេរិក បច្ចុប្បន្នក៏ទទួលបានចំណាត់ថ្នាក់លេខ ២ ផងដែរ ដោយមានមហាសេដ្ឋីប្រហែល ៣០៥,៧០០ នាក់។

យោងតាមប្រភពដដែលបានឱ្យដឹងទៀតថា ទីក្រុងតូក្យូរដ្ឋធានីរបស់ប្រទេសជប៉ុនគឺជាប់ចំណាត់ថ្នាក់លេខ ៣ ជាមួយនឹងមហាសេដ្ឋី ២៩៨,៣០០ នាក់ទោះជាយ៉ាងណាចំនួនមហាសេដ្ឋីរបស់ទីក្រុងនេះបានធ្លាក់ចុះ ៥% ក្នុងរយៈពេលមួយទសវត្សរ៍កន្លងមកនេះ។ បើយោងតាមទីភ្នាក់ងារព័ត៌មាន Bloomberg ចំណាត់ថ្នាក់ទីបួនគឺបានទៅលើប្រទេសសិង្ហបុរី ដែលជាគោលដៅកំពូលសម្រាប់មហាសេដ្ឋីអន្តោប្រវេសន៍។ មហាសេដ្ឋីបែបនេះមានប្រហែល ៣,៤០០ នាក់បានមករស់នៅប្រទេសសិង្ហបុរីក្នុងឆ្នាំ ២០២៣។ រីឯទីក្រុងឡុងដ៍រដ្ឋធានីរបស់ប្រទេសអង់គ្លេសវិញ ដែលធ្លាប់ជាទីក្រុងមានជាងគេបំផុតនៅលើពិភពលោកអស់រយៈពេលជាច្រើនឆ្នាំ ប៉ុន្តែនៅឆ្នាំនេះបានធ្លាក់ចុះមកនៅជាប់ចំណាត់ថ្នាក់ទី ៥ ខណៈដែលចំនួនមហាសេដ្ឋីបានថយចុះប្រហែល ១០% ក្នុងរយៈពេលមួយទសវត្សរ៍។

យោងតាមលោក Juerg Steffen នាយកប្រតិបត្តិនៃក្រុមហ៊ុន Henley & Partners ការរីកចម្រើនទីផ្សារហិរញ្ញវត្ថុក្នុងរយៈពេលប៉ុន្មានឆ្នាំចុងក្រោយនេះបានជំរុញឱ្យមានកំណើននៅក្នុងទីក្រុងដែលមានជាងគេបំផុតរបស់ពិភពលោក។ សរុបមក អាមេរិកគឺជាប្រទេសឈានមុខគេក្នុងការបង្កើតមហាសេដ្ឋី និងមានមហាសេដ្ឋីច្រើនជាងគេលើពិភពលោក។ យោងតាមរបាយការណ៍ ទីក្រុងចំនួន ១១ នៅសហរដ្ឋអាមេរិក ស្ថិតក្នុងបញ្ជីទីក្រុងដែលមានជាងគេទាំង ៥០ នៅលើពិភពលោក។

ទោះជាយ៉ាងណាទីក្រុងជាច្រើនរបស់ចិនក៏បានកត់ត្រាការកើនឡើងនៃចំនួនមហាសេដ្ឋីផងដែរ។ គួរកត់សម្គាល់ដែរថាទីក្រុងប៉េកាំងរដ្ឋធានីរបស់ប្រទេសចិនជាលើកដំបូងបានចូលទៅក្នុងទីក្រុងដែលមានជាងគេបំផុតទាំង ១០ នៅលើពិភពលោកជាមួយនឹងចំនួនមហាសេដ្ឋីកើនឡើង ៩០% ក្នុងរយៈពេល ១០ ឆ្នាំចុងក្រោយនេះដល់ ១២៥,៦០០ នាក់។ លោក Andrew Amoils ប្រធានផ្នែកស្រាវជ្រាវនៅក្រុមហ៊ុន New World Wealth Company បាននិយាយថា ទីក្រុង Shenzhen ក៏ជាទីក្រុងដែលមានចំនួនមហាសេដ្ឋីកើនឡើងលឿនបំផុតនៅលើពិភពលោក ជាមួយនឹងអត្រាកំណើន ១៤០% ក្នុងរយៈពេល ១០ ឆ្នាំចុងក្រោយនេះផងដែរ៕

បរទេស៖ យោងតាមពិន្ទុរបស់ DxOMark ដែលជាគេហទំព័រកាមេរ៉ាដ៏ល្បីមួយមានជំនាញក្នុងការសាកល្បងទូរស័ព្ទម៉ូដែលថ្មី បានឱ្យដឹងថា Huawei Pura 70 Ultra ទទួលបានពិន្ទុសរុប ១៦៣ ខ្ពស់ជាង Honor Magic6 Pro ចំនួន ៥ ពិន្ទុ និងខ្ពស់ជាង iPhone 15 Pro Max ចំនួន ៩ ពិន្ទុ ដែលបច្ចុប្បន្នស្មាតហ្វូននេះជាប់ចំណាត់ថ្នាក់ទី ៦ ក្នុងតារាង។
Pura 70 Ultra ទើបតែចេញលក់កាលពីពេលថ្មីៗនេះទេ យោងតាម DxOMark ក៏បានវាយតម្លៃដែរថា ស្មាតហ្វូននេះគឺមានភាពបត់បែនដែលមិនធ្លាប់មានពីមុនមកក្នុងការថតរូប នៅពេលដែលវាអាចបង្កើតរូបថតដ៏ស្រស់ស្អាតនៅក្នុងស្ថានភាព និងបរិយាកាសថតរូបភាគច្រើន ចាប់ពីពន្លឺទាបនៅពេលយប់រហូតដល់ពន្លឺខាងក្រោយ ពន្លឺក្នុង ឬខាងក្រៅ។ រីឯគុណភាពរូបថតគឺ “ដំណើរការល្អជាងស្មាតហ្វូនភាគច្រើនជាមួយនឹងភាពជាប់លាប់ ការបង្ហាញត្រឹមត្រូវ ភាពស្មោះត្រង់នៃពណ៌ ភាពច្បាស់ និងកម្រិតពណ៌ខ្ពស់”។

លើសពីនេះ ស្មាតហ្វូនរបស់ក្រុមហ៊ុន Huawei ផលិតរូបភាពបញ្ឈរដ៏ល្អ បែបផែនព្រិលផ្ទៃខាងក្រោយធម្មជាតិ និងសោភ័ណភាព សមត្ថភាពក្នុងការបំបែកវត្ថុពីផ្ទៃខាងក្រោយយ៉ាងចុះសម្រុងគ្នា ខណៈពេលដែលវានៅតែរក្សាភាពច្បាស់។ លើសពីនេះ មុខងារថតរូបម៉ាក្រូក៏ជាគុណសម្បត្តិល្អបំផុតមួយផងដែរ ព្រោះវាអាចបង្កើតរូបភាពលម្អិត បង្ហាញយ៉ាងល្អនូវវាយនភាព និងភាពស្មុគស្មាញនៃមុខវិជ្ជាតូចៗ។ ទោះជាយ៉ាងណាក៏ដោយ ចំនុចដកនៅលើ Pura 70 Ultra គឺសមត្ថភាពថតវីដេអូរបស់វាអស្ថិរភាព និងការបាត់បង់ព័ត៌មានលម្អិត ជាពិសេសនៅក្នុងលក្ខខណ្ឌពន្លឺតិច ធ្វើឱ្យវីដេអូដែលបានថតចេញពីឧបករណ៍ពិតជាមិនលេចធ្លោខ្លាំងនោះទេ។

គួរបញ្ជាក់ដែរថា ក្នុងរយៈពេលប៉ុន្មានឆ្នាំចុងក្រោយនេះ មុខតំណែងឈានមុខគេតែងតែគ្របដណ្តប់ដោយក្រុមហ៊ុនចិនដូចជា Huawei និង Xiaomi ។ ទូរស័ព្ទ Huawei Pura 70 Pro និង 70 Ultra ពីរម៉ូដែលនេះបានចាប់ផ្ដើមចេញលក់ដំបូងនៅថ្ងៃទី ១៨ ខែមេសា។ យោងតាម Reuters ម៉ូដែលទាំងពីរនេះត្រូវបានកក់ទុកយ៉ាងលឿននៅលើហាងអនឡាញរបស់ក្រុមហ៊ុន Huawei ក្នុងរយៈពេលត្រឹមតែមួយនាទីប៉ុណ្ណោះ ។ យោងតាមអ្នកវិភាគ Sui Qian នៃក្រុមហ៊ុនស្រាវជ្រាវ TechInsights ស៊េរី Pure 70 អាចឈានដល់ទិន្នផល កុំព្យូទ័រចំនួន ១០ លានគ្រឿង នៅចុងឆ្នាំនេះប្រសិនបើគ្មានបញ្ហាជាមួយសមត្ថភាពផលិត៕

Jennie សមាជិកក្រុម BLACKPINK បានបង្ហាញភាពស្រស់ស្អាតរបស់ខ្លួន និងសម្បូរបែបរបស់នាងម្តងទៀត បន្ទាប់ពីត្រូវបានគេបញ្ជាក់ថានាងរស់នៅក្នុងអចលនទ្រព្យតម្លៃរាប់លានដុល្លារក្នុងទីក្រុងសេអ៊ូល។

អ្នកគាំទ្រ K-pop ដឹងយ៉ាងច្បាស់ថា Jennie គឺជាតារាដែលមានជាងគេមួយរូបនៅក្នុងប្រទេសកូរ៉េខាងត្បូង។ ជាមួយនឹងឋានៈរបស់នាងជាតារាល្បីក្នុងបញ្ជី A Jennie រកប្រាក់មិនត្រឹមតែបានមកពីតន្ត្រីទោល និងជាក្រុមប៉ុណ្ណោះទេ ប៉ុន្តែសមាជិក BLACKPINK រូបនេះបានមកពីកិច្ចព្រមព្រៀងម៉ាកយីហោល្បីៗលំដាប់ពិភពលោកដូចគ្នា។ តារាចម្រៀងរូបនេះទទួលបានប្រាក់រាប់ពាន់លានវ៉ុន ហើយនេះជាភស្តុតាងនៃការខិតខំប្រឹងប្រែងរបស់នាង។

នៅថ្ងៃទី ៧ ខែឧសភា ឆ្នាំ២០២៤ វគ្គទាំងអស់នៃស៊េរីដើមរបស់ Netflix គឺ «Super Rich in Korea»បានចាក់ផ្សាយ។ ស៊េរីនេះបន្តពីជីវិតរបស់ជនបរទេសដែលមានទ្រព្យសម្បត្តិស្តុកស្តម្ភដែលរស់នៅយ៉ាងអភិជននៅក្នុងប្រទេសកូរ៉េខាងត្បូង។ វីដេអូនេះផ្តល់ឱ្យអ្នកទស្សនាឃើញទិដ្ឋភាពខាងក្នុងនៃការរស់នៅយ៉ាងស៊ីវិល័យ។ក្នុងអំឡុងពេលកម្មវិធីនេះ គេឃើញមនុស្សម្នាក់កំពុងសម្លឹងមើលអចលនទ្រព្យក្នុងប្រទេសកូរ៉េខាងត្បូង។ កន្លែងមួយនោះគឺអាផាតមិនប្រណីត La TERRASSE Hannam ដែលអាចមើលឃើញទន្លេ Han ។

នៅពេលដែលពួកគេដើរជុំវិញអចលនទ្រព្យ និងជជែកគ្នានោះ ត្រូវបានបង្ហាញដោយភ្នាក់ងារអចលនទ្រព្យថា Jennie សមាជិកក្រុម BLACKPINK ក៏រស់នៅទីនេះផងដែរ។

ត្រឡប់ទៅខែវិច្ឆិកា ឆ្នាំ២០២៣ មានសេចក្តីរាយការណ៍ថាម្ចាស់បទ «You & Me» បានចំណាយប្រាក់យ៉ាងច្រើនពាន់លានវ៉ុន ដែលស្មើនឹង ជាង៣.៦លានដុល្លារសម្រាប់អាផាតមិន។ Jennie ត្រូវបានគេរាយការណ៍ថាបានចំណាយសម្រាប់ទ្រព្យសម្បត្តិរបស់នាងជាសាច់ប្រាក់ដោយមិនមានប្រាក់កម្ចីពីធនាគារណាមួយឡើយ។ អាផាតមិនរបស់នាងមានបន្ទប់គេងចំនួន ៥និងបន្ទប់ទឹកចំនួន ៣ ដែលមានទំហំរស់នៅសរុប ២២៣.៩៧ ម៉ែត្រការ៉េ។ តារាK-Pop ល្បីឈ្មោះរូបនេះបានចាប់ផ្តើមដំណើរការទិញអាផាតមិនដ៏ប្រណីតក្នុងខែកុម្ភៈ ឆ្នាំ ២០២១ ដោយដំបូងឡើយនាងបានកក់ប្រាក់ចំនួន១០% ប្រហែលជាង៣៦ម៉ឺនដុល្លារ ។
La TERRASSE មានទីតាំងស្ថិតនៅក្នុងទីក្រុង Hannam ហើយត្រូវបានគេស្គាល់ថាជាកន្លែងដែលមានតម្លៃថ្លៃបំផុតសម្រាប់ការរស់នៅ។ តារាសម្តែង Lee Jong Suk ក៏មានអចលនទ្រព្យនៅនេះផងដែរ។

ជាការពិតណាស់ Jennie មិនមែនជាសមាជិក BLACKPINK តែម្នាក់គត់ដែលត្រូវបានគេបញ្ជាក់ថានឹងទិញអចលនទ្រព្យថ្លៃៗនោះទេ ក្នុងនោះក៏មាន Lisa ដូចគ្នាដែលបានទិញលំនៅដ្ឋានរស់នៅថ្លៃៗតម្លៃរាប់លានដុល្លារដូចគ្នា៕

យោងតាម Chart Masters ដែលជាគេហទំព័រវិភាគតារាង Spotify បានឱ្យដឹងថាក្រុមចម្រៀងនារីថ្មី ILLIT ដែលផលិតដោយ HYBE ទទួលបានចំនួនអ្នកស្តាប់ប្រចាំខែខ្ពស់បំផុតក្នុងចំណោមក្រុមចម្រៀងនារី K-pop ដែលមានអ្នកស្តាប់ប្រចាំខែលើតារាតន្រ្តី Spotify ចំនួនជាង១៧លាន ៧១ម៉ឺនដង (១៧,៧១៩,៧៧៩) ខណៈក្រុមចម្រៀង BLACKPINK ស្ថិតនៅចំណាត់ថ្នាក់លេខ២ ហើយ NewJeans ស្ថិតនៅចំណាត់ថ្នាក់លេខ៣។

ក្រុមចម្រៀង BLACKPINK បានជាប់ចំណាត់ថ្នាក់លេខ ២ នៅលើតារាងនេះដោយមានអ្នកស្តាប់ជាង១៧លាន៦៥ម៉ឺនដង (១៧,៦៥៧,៦០១) ខណៈ NewJeans និង LE SSERAFIM ជាប់ចំណាត់ថ្នាក់ទី ៣ និងទី ៤ ដែលមានអ្នកស្តាប់ជាង១៦លានដង(១៦,៥៦៤,៨៣៨) និង ជាង១៥លានដង (១៥,៦៩៤,១៩១ រៀងគ្នា។ ចំណែកឯក្រុមចម្រៀង (G)I-DLE ជាប់ចំណាត់ថ្នាក់ទី ៥ ដែលមានអ្នកស្តាប់ជាង១១លានដង (១១,៨៥៤,០៥៨) ។

នៅក្នុងប្រភេទ K-pop ទាំងមូល Jennie សមាជិកក្រុម BLACKPINK បានជាប់ចំណាត់ថ្នាក់កំពូលដោយមានអ្នកស្តាប់ជាង៣៤លានដង(៣៤,៨២៣,០៨៧) ខណៈដែល BTS និង Jungkook ជាប់ចំណាត់ថ្នាក់ទី ២ និងទី ៣ ដែលមានអ្នកស្តាប់ជាង២៧លានដងនិង២៥លានដង រៀងគ្នា។ រីឯ ILLIT ទទួលបានចំណាត់ថ្នាក់លេខ ៤ ក្នុងប្រភេទរួម។

ទន្ទឹមនឹងនេះដែរ ILLIT បានទាក់ទាញការចាប់អារម្មណ៍ដោយក្លាយជាក្រុមចម្រៀងនារី K-pop ដំបូងគេដែលចូលក្នុងតារាង Billboard Main Chart ជាមួយនឹងបទដំបូងរបស់ពួកគេមានចំណងជើងថា Magnetic និងតារាងតន្ត្រីសំខាន់ៗក្នុងស្រុក។ ក្រុមចម្រៀងនារីថ្មីនេះមានសមាជិកចំនួន៥នាក់ដែលផលិតដោយផលិតកម្មធំ HYBE ខណៈក្រុមនេះក៏រងនូវភាពចម្រូងចម្រាសថាដូចទៅនឹងក្រុម NewJeans ៕

បរទេស៖ Atlantis The Royal គឺជាសណ្ឋាគារលំដាប់ជាន់ខ្ពស់ដ៏ល្អប្រណិតនៅមជ្ឈិមបូព៌ាស្ថិតក្នុងទីក្រុងឌូបៃ ដែលសម្ភារៈនៅទីនោះដូចជា ក្រាស់សិតសក់ ច្រាសដុសធ្មេញ ឡាម និងរបស់របរផ្សេងទៀតសុទ្ធតែស្រោបដោយមាសទាំងអស់។
សណ្ឋាគារនេះបានបើកដំណើរការដំបូងនៅឆ្នាំ ២០២៣ បើគិតមកដល់បច្ចុប្បន្នគឺមានរយៈពេលមួយឆ្នាំហើយ។ យោងតាម CNN ទោះបីជាសណ្ឋាគារនេះស្ថិតក្នុងចំណាត់ថ្នាក់ចុងក្រោយគេបង្អស់នៅក្នុងបញ្ជីសណ្ឋាគារល្អបំផុតទាំង ៥០ របស់ពិភពលោកក៏ដោយ ក៏សណ្ឋាគារនេះនៅតែជាទីចាប់អារម្មណ៍របស់ភ្ញៀវទេសចរ។

សណ្ឋាគារ Atlantis The Royal មានគ្រឿងបរិក្ខារដែលស្របដោយមាសក្នុង ៧៥៩ បន្ទប់ និងមានបន្ទប់ស្ប៉ាដ៏ធំមួយទំហំ ៣,០០០ ម៉ែត្រការ៉េ ផ្តល់ជូននូវការតុបតែងមុខមាស និងការម៉ាស្សាម៉ោងមាសជាមួយនឹងថ្មភ្នំភ្លើងដែលជ្រលក់ពណ៌មាស និងប្រេងក្រអូបដែលធ្វើពីមាសដើម្បីព្យាបាលភ្ញៀវ។ លើសពីនេះសណ្ឋាគារក៏មានអាងហែលទឹកចំនួន ៩០ ហើយកន្លែងពិសេសបំផុតមួយគឺអាងហែលទឹកគ្មានដែនកំណត់នៅជាន់ទី ២២ ដែលមានកៅអីសម្រាប់កម្តៅថ្ងៃ និងប៉ារ៉ាសុលម៉ាក D&G ដែលផ្តល់ឱ្យអ្នកទស្សនានូវទិដ្ឋភាពដ៏ធំទូលាយនៃតំបន់ Palm Island ដ៏ល្បីល្បាញ។

ដូច្នេះភ្ញៀវអាចហែលទឹកបណ្តើរពិសាស្រាក្រឡុកបណ្តើរ និងអាហារសម្រន់ដូចជា caviar bruschetta នៅរបារក្បែរនោះ។ នៅទីនោះក៏មានអាងហែលទឹកមួយទៀតដែលមើលទៅលើឈូងសមុទ្រអារ៉ាប់ និងកាបាណាឯកជនសម្រាប់ភ្ញៀវសម្រាកលំហែកាយផងដែរ។ នៅជាន់ទី ២២ ក៏ជាអាផាតមិន VIP ដែលធ្លាប់ជួលដោយកំពូលតារាម៉ូដែល Kendall Jenner ដើម្បីរៀបចំពិធីជប់លៀងសម្ពោធម៉ាកយីហោផ្ទាល់ខ្លួនរបស់នាង ជាមួយនឹងអាងហែលទឹកដ៏ប្រណិត កន្លែងអង្គុយពីរ និងអាងងូតទឹកក្រោមកញ្ចក់។ នៅក្នុងវីឡា និងបន្ទប់ស្ទីលដ៏ល្បីរបស់រមណីយដ្ឋាន ភ្ញៀវក៏អាចរីករាយជាមួយអាងហែលទឹករាបស្មើរឯកជនរហូតដល់ជាន់ទី ៤៣ ផងដែរ។

តំណាងសណ្ឋាគារបាននិយាយថា រមណីយដ្ឋានភាគច្រើនតែងតែត្រូវបានសាងសង់ដោយផ្ដេក ខណៈដែល Atlantis ត្រូវបានសាងសង់បញ្ឈរ ដោយបង្កើតនូវលក្ខណៈពិសេសមួយ ដែលភ្ញៀវទេសចរអាចរីករាយនឹងទិដ្ឋភាពដ៏ធំទូលាយនៃកោះ Co និងផ្ទៃមេឃនៃកោះឌូបៃ។ ទន្ទឹមនឹងនេះដែរ ដោយសារមានទីតាំងនៅកម្ពស់ដ៏លេចធ្លោ បន្ទប់ផ្តល់ឱ្យអ្នកទស្សនានូវភាពឯកជនដ៏កម្រ។ សណ្ឋាគារនេះមានអាងចិញ្ចឹមត្រីបញ្ឈរពីជាន់ទៅពិដានចំនួន ៣ ដែលពោរពេញទៅដោយជីវិតសត្វសមុទ្រចំនួន ៧,២០០ ប្រភេទ។ ហើយអ្វីដែលពិសេសនោះភ្ញៀវក៏នឹងទទួលបានការដឹកជញ្ជូនតាមអាកាសយានដ្ឋានដោយឥតគិតថ្លៃ ផលិតផលពីម៉ាក Graff និង Valentino ក៏នឹងត្រូវបាននាំយកមកក្នុងបន្ទប់សម្រាប់ភ្ញៀវដើម្បីទទួលបានបទពិសោធន៍ទិញទំនិញឯកជនផងដែរ។

មេចុងភៅល្បីឈ្មោះមកពីភោជនីយដ្ឋានរបស់សណ្ឋាគារនឹងធ្វើម្ហូបសម្រាប់ភ្ញៀវនៅក្នុងផ្ទះបាយឯកជន ដោយមានសេវាកម្មមេចុងភៅ និងអ្នកក្រឡុកស្រាតែងតែត្រៀមខ្លួនធ្វើតាមរាល់សំណើរបស់ភ្ញៀវ ២៤/៧ ផងដែរ។ គួរបញ្ជាក់ដែរថាសម្រាប់តម្លៃបន្ទប់សណ្ឋាគារនៅទីនោះមានចាប់ពី ១,៣០០ ដុល្លារក្នុងរដូវកាលខ្ពស់ និង ១០០,០០០ ដុល្លារសម្រាប់ផ្ទះពិសេសមួយ៕

កោះសមុយ (Koh Samui) គឺជាកោះមួយនៅខាងកើតឆ្នេរ នៅក្នុងខេត្តស៊ុរ៉ាតថារ៉ានីរបស់ប្រទេសថៃ និងជាកោះធំជាងគេទី៣របស់ថៃ ដែលមានផ្ទៃដី ២២៨,៧គីឡូម៉ែត្រការ៉េ។

កោះនេះ ត្រូវបានគេទទួលស្គាល់ថា ជាទីតាំងដ៏ល្អប្រណីតសម្រាប់គូស្នេហ៍ ដែលមានបំណងសុំមិត្តស្រីរៀបការ ឬក៏ជ្រើសយកកោះនេះធ្វើជាកន្លែងអាពាហ៍ពិពាហ៍។

កោះសាមុយ ត្រូវបានគេស្គាល់ ថាជាកោះដែលមានឆ្នេរដ៏ស្រស់ស្អាត ទឹកថ្លាឈ្វង់មើលឃើញដល់បាតជាមួយនិង ឆ្នេរខ្សាច់សខ្មុស។

មូលហេតុចំបងមួយ ដែលកោះសាមុយជាគោលដៅដ៏ល្អសម្រាប់ពិធីមង្គលការ ឬ ពិធីជប់លៀង  ដោយហេតុថាកោះនេះស្ថិតនៅចំណុចកណ្តាលរវាងទ្វីបអឺរ៉ុប និងប្រទេសអូស្ត្រាលី ឬនូវែលសេឡង់ ដែលជាហេតុ ផ្តល់ភាពងាយស្រួលដល់គូស្វាមីភរិយាដែលមានភ្ញៀវដែលធ្វើដំណើរមកពីតំបន់ផ្សេងៗគ្នាៗនៅលើពិភពលោក។

ក្រៅពីភាពស្រស់ស្អាតធម្មជាតិ និងទីកន្លែងដ៏អស្ចារ្យរបស់វា កោះនេះផ្តល់នូវតម្លៃសមរម្យសម្រាប់គូស្នេហ៍ដែលចង់រៀបការនៅបរទេស ដែលមានចាប់ពីការរៀបចំចាប់ពីរមណីយដ្ឋានប្រណីត រហូតដល់ផ្ទះសំណាក់ដែលសមរម្យនឹងថវិការបស់ភ្ញៀវទេសចរផងដែរ៕