កោះទន្សាយដែលមានទីតាំង ប្រហែលជា ៤គីឡូម៉ែត្រពីខេត្តកែប ជាកោះដែលមានទីតាំងជិតគេបំផុតមួយ សម្រាប់បងប្អូនភ្ញៀវទេសចរ ដែលមានបំណង់ចង់ទៅលេងកោះ ក៏ប៉ុន្តែមិនចង់ធ្វើដំណើរឆ្ងាយដល់ខេត្តព្រះសីហនុ ឬខេត្តកោះកុងជាដើម។
កោះទន្សាយនេះ មានឆ្នេរខ្សាច់ដ៏ស្រស់ស្អាត ជាមួយនិងទឹកសមុទ្រដ៏ថ្លា ដែលអាចមើលឃើញនូវ ផ្កាថ្ម ជាមួយនិងជីវចម្រុះ ជាច្រើនដែលរស់នៅក្នុងផ្កាថ្មទាំងនោះ។
ដើម្បីធ្វើដំណើរទៅកាន់កោះនេះ ភ្ញៀវទេសចរ ត្រូវទិញសំបុត្រទូពីសហគមន៍ដោយក្នុងតម្លៃមួយទូក១០មុឺនរៀល ដែលអាចជិះបាន៨-១០នាក់ ដោយធ្វើដំណើរប្រមាណ១០-១៥ពីផែ ទើបទៅដល់កោះនោះ។
នៅលើកោះនោះមានផ្ទះសំណាក់ប្រហែល ៨ទៅ៩កន្លែង និងមានផ្ទះអ្នកភូមិលក់ម្ហូប ឬគ្រឿងទេសផ្សេងៗដែលផ្តល់ភាពងាយស្រួលដល់ភ្ញៀវទេសចរ។
សម្រាប់ភ្ញៀវទេសចរ ដែលមិនចង់គេងផ្ទះសំណាក់ ក៏អាចសម្រាកបោះតង់បានផងដែរ ដោយអាចយកតង់ទៅដោយខ្លួនឯង ឬក៏ជួលបាននៅក្នុងតម្លៃសមរម្យតែប៉ុណ្ណោះ។
ដោយឡែកចំពោះទឹក និងអគ្គិសនីប្រើប្រាស់វិញ ហាក់មានការលំបាកបន្តិច ដោយទឹកមានការឧស្សាហ៍ផ្តាច់ រីឯអគ្គិសនី បើកឱ្យដំណើរចាប់ពេលល្ងាច ទល់ព្រឹក និងបិទវិញនៅពេលថ្ងៃចន្លោះពីម៉ោង១០ដល់៥ល្ងាច៕
