ខន សូរិយា ដែលមានឈ្មោះពេញថា ខន មុំឧត្តមសោរិយរតនាទេវី ដែលជា Miss Would Cambodia 2026 បានធ្វើឱ្យអ្នកតាមដានវិស័យបវរកញ្ញាផ្ទុះការភ្ញាក់ផ្អើលក្រោយពីនាងមិនអាចចេញទៅប្រកួតនៅលើឆាកអន្តរជាតិបានឡើយ។ សូរិយា បានបង្ហាញថានាងមិនចង់ចាកចេញងាយៗនោះទេ រូបនាងពិតជាចង់ចេញទៅប្រកួតខ្លាំងប៉ុន្តែយ៉ាងណាដោយសារតែមានបញ្ហាច្រើន។

នៅយប់ថ្ងៃទី២០ បណ្តាផេកគាំទ្រវិស័យបវរកញ្ញាបានបង្ហោះដំណឹងនៃការដកខ្លួនរបស់ ខន សូរិយា ក្នុងនាមជា Miss Would Cambodia 2026 ដោយមានមតិខ្លះថាក្រុមហ៊ុនបានដកតំណែងនាង។ ខន សូរិយា ក៏បាននិយាយលាយឡំដោយការសោកស្តាយដែលនាងមិនអាចបន្តតំណែងជា Miss Would Cambodia 2026 ក្នុងការតំណែងប្រទេសប្រកួតនៅលើឆាកអន្តរជាតិនាពេលខាងមុខនេះ។ សូរិយាថា ដោយមានស្ថានភាពនិងហេតុការណ៍មួយចំនួនដែលលើសពីអ្វីដែលនាងអាចគ្រប់គ្រងបាននាងមិនអាចបន្តដំណើរការនៅក្នុងការប្រកួតបវរកញ្ញានេះបានទៀត។

អតីត Miss Would Cambodia 2026 ថាការសម្រេចចិត្តនេះមិនមែនជារឿងងាយស្រួលសម្រាប់នាងឡើយ ព្រោះនាងបានខំច្រើនណាស់ម្នាក់ឯងដើម្បីវា។ វាជាការសម្រេចចិត្តដែលនាងបានគិតគូរយ៉ាងជ្រាលជ្រៅ ជាមួយទឹកចិត្តធ្ងន់ និងការឈឺចាប់មិនតិចឡើយ។

ជាមួយគ្នានេះ ខន សូរិយា បានសន្យាថានឹងបន្តធ្វើអ្វីល្អៗសម្រាប់សង្គម បន្តដំណើរនៃការចែករំលែកក្តីស្រឡាញ់ ការយល់ដឹង និងការផ្តល់ពន្លឺដល់អ្នកដែលកំពុងត្រូវការកម្លាំងចិត្ត
តម្លៃពិតរបស់ស្ត្រីម្នាក់ មិនមែនស្ថិតនៅលើមកុដទេប៉ុន្តែស្ថិតនៅលើបេះដូង។

នៅព្រឹកថ្ងៃទី២១ មករា ខន សូរិយា ក៏បានឆ្លើយតបនឹងមតិយោបល់ដែលថានាងគ្មានទំនួលខុសត្រូវខូចកម្មវិធីគេទាំងនាងមិនស័ក្តិ និងពាក្យសម្តីរិះគន់មួយចំនួន។ បវរកញ្ញាដែលទទួលបានតំណែងជា Miss Would Cambodia 2026 ចំនួន៣ខែរូបនេះបន្តថា មុននឹងមានការបញ្ចេញមតិដោយមិនបានដឹងរឿងកុំហៃអើរមានដៃឱ្យតែបានចុចខម្មិនដៃលឿនជាងខួរក្បាល។ ទាំងពេលវេលាទាំងលុយកាក់ ទាំងកម្លាំងទាំងបេះដូងនាងបានដាក់ចូលអស់ហើយ នាងមិនមែនចង់ចេញងាយៗនោះទេ ប៉ុន្តែដោយសារតែមានបញ្ហាខ្លះនាងមិនមែនទំនេរយកការងារនេះមកខានពេលនោះទេ។

ខន សូរិយា ថាចាប់តាំងពីនាងទទួលតំណែងរហូតមកដល់ពេលនេះគឺនាងធ្វើតែម្នាក់ឯងសុទ្ធសាធហើយតាំងពីដើមឡើយនាងខូចរូបភាពដោយសារតែ Q&A ដែលគេមិនបានឱ្យនាងត្រៀម ប៉ុន្តែពេលនេះនាងអភិវឌ្ឍន៍បានច្រើន។ ខន សូរិយា បានអះអាងថានាងមិនមែនមិនចង់ទៅប្រកួតនោះទេ នាងពិតជាចង់ខ្លាំងជាពិសេសកម្មវិធី Miss Would នេះតែម្តង តែដោយសារមានបញ្ហាច្រើនរវាងនាងនិងក្រុមហ៊ុន។

អតីត Miss Would Cambodia 2026 ថាបើនាងមានឱកាសនាងនឹងធ្វើឱ្យខ្មែរកាន់តែរះនៅលើឆាកទោះបីជាពេលនេះនាងលាលែងតំណែងឬគេដកតំណែងនាងក៏ដោយ។ ហើយការដែលនាងចេញមកនិយាយនេះគឺចង់ប្រាប់ទៅកាន់អ្នកខម្មិនមួយចំនួន នាងមានផ្លូវចិត្តរឹងមាំមិនថ្វីនោះទេប៉ុន្តែបើប៉ះអ្នកផ្លូវចិត្តទន់ខ្សោយមិនដឹងទៅជាយ៉ាងណានោះទេ៕

លោក ឈុន នីរីវិជ្ជា ឬ Ponlork Artist ដែលជាអ្នក Makeup Artist បានធ្វើឱ្យទស្សនិកជនក្រៅប្រទេសចាប់អារម្មណ៍យ៉ាងខ្លាំងទៅលើវីដេអូរបស់លោក ផ្ទុះទាំងនៅលើបណ្តាញសង្គមទិកតុក ទាំង Instagram ដែលទាក់ទាញអ្នកទស្សនាលើសពី១០លានដង។

ទស្សនិកជនមួយចំនួនអាចស្គាល់ Ponlork Artist ថាគឺជាកង្កែបដែលពាក់ស្បែកជើងកែងចោទខ្ពស់ ដែលចំណាំកាច់រាងជាច្រើនកន្លែងនៅទីសាធារណៈទៅតាមបែបកំប្លែងៗរបស់គេ។ ជំនាញមួយទៀតរបស់លោកគឺជាអ្នក Makeup Artist ដែលមានស្នាដៃផាត់មុខឱ្យអ្នកល្បីៗជាច្រើនក្នុងនោះក៏មាន ឡូរីន ដែលជាសង្សាររបស់ វណ្ណដា និង ដា ដាវ ជាដើម។ ថ្មីៗនេះវីដេអូមួយរបស់ Ponlork Artist ក៏កំពុងត្រូវប៉ាន់ផ្ទុះកក្រើកយ៉ាងខ្លាំងនៅលើបណ្តាញសង្គមផងដែរ។

ក្នុងវីដេអូនោះ បាននិយាយពីរមិត្តសម្លាញ់ពីរនាក់ខលរកគ្នាថារៀបចំខ្លួនហើយឬនៅ ខណៈម្ចាងទៀតថារៀបចំខ្លួនឯងប៉ុន្តែ Ponlork Artist ពុំទាន់រៀបចំខ្លួនឡើងទាំងនៅបិទម៉ាស ពឹងកន្សែងនៅឡើយ។ ដោយការនិយាយថារួចហើយ Ponlork Artist ត្រូវចេញទៅក្រៅជាមួយមិត្តភក្តិទាំងកន្សែងនិងម៉ាសនៅជាប់មុខ។ វីដេអូមួយនេះបានទាក់ទាញអ្នកទស្សនាជាច្រើនដោយនៅលើបណ្តាញសង្គម Instagram មានអ្នកទស្សនាជាង៥លាននាក់ដែលប្រមូលផ្តុំអ្នកទស្សនាអន្តរជាតិមកពីតំបន់ជាច្រើនមានទាំងអ្នកតាមដានរាប់រយខេក៏មាន។ មិនខុសគ្នាប៉ុន្មាននៅលើបណ្តាញសង្គម Instagram នោះទេក្រឡេកទៅកាន់បណ្តាញសង្គមទិកតុកវិញក៏មានអ្នកទស្សនាវីដេអូនោះជាង៥លាននាក់ដូចគ្នា។

វីដេអូរបស់ Ponlork Artist ផ្ទុះការចាប់អារម្មណ៍បែបនេះដោយសារតែរឿងនេះបានកើតឡើងជាក់ស្តែងទៅលើមនុស្សជាច្រើនដែលចូលចិត្តរៀបចំខ្លួនយូរ យឺតជាងគេយឺតជាងឯង ប្រាប់ថាតែងខ្លួនហើយទាំងមិនទាន់រៀបចំរួចរាល់នៅឡើយ៕

ផលិតកម្មរស្មីហង្សមាសបានទម្លាក់វីដេអូខ្លីនៃបទថ្មីរបស់ នាង ដាវីន ដែលត្រៀមចេញពេញនាពេលឆាប់ៗនេះប៉ុន្តែផេកផ្លូវការរបស់ផលិតកម្មជន់លិចដោយអ្នកគាំទ្រ លីម តិចម៉េង ទទូចឱ្យខាងក្រុមហ៊ុនចេញបទឱ្យម្ចាស់ពានរូបនេះ។ ហ្វេនខ្លះថែមទាំងចោទប្រកាន់ដោយលើកឡើងថាការស្ងាត់នេះដោយសារតែ តិចម៉េង គ្មានសែ។

នៅយប់ថ្ងៃទី១៩ ខែមករា ផលិតកម្មរស្មីហង្សមាសបានបញ្ជាក់ថាបទចម្រៀងរបស់ នាង ដាវីន មានចំណងជើងថា «ស្នេហា» នឹងមកដល់ក្នុងពេលឆាប់ៗខាងមុខនេះ។ បទនេះជាការត្រឡប់មកវិញរបស់ នាង ដាវីន បន្ទាប់ពីបទ «បំភ្លេច» ដែលបានចេញវីដេអូចម្រៀងកាលពី៣១ ខែតុលា ឆ្នាំ២០២៥។ ទោះយ៉ាងណា ការបង្ហើបបទថ្មីរបស់តារាចម្រៀងរូបនេះគេសង្កេតឃើញថាបណ្តាហ្វេនក្លិបរបស់តារាចម្រៀង លីម តិចម៉េង បានបញ្ចេញមតិយ៉ាងច្រើនដោយទទូចឱ្យខាងផលិតកម្មចេញបទឱ្យម្ចាស់ពានដែលជាអាយដលរបស់ពួកគេផង។

អ្នកគាំទ្របានបញ្ចេញមតិថា «សូមសំណូមពរដល់ហង្សមាសសុំចេញបទឱ្យម្ចាស់ពាន លីមតិចម៉េងផងព្រោះហ្វេនៗគេចាំស្ដាប់បទថ្មីអាយដលព្រោះអត់ឃើញចេញឱ្យទៀតសោះស្ងាត់តាំងពីឆ្នាំមុនបើអាចសុំខែក្រោយនេះក៏បានដែរ, បទម្ចាស់ពាន លីម តិចម៉េង ពេលណាបានចេញ MV សង្ឃឹមថាក្រុមហ៊ុនមិនទុកម្ចាស់ពានចោលទេ, តើយកម្ចាស់ពានទៅទុកនៅកន្លែងណាហើយបានចេញបទអ្នកផ្សេងហូរហែតែម្ចាស់ពានឱ្យស្ងាត់ឆឹងឬមួយអត់មានសែ»។

គួរឱ្យដឹងថា បទចម្រៀងចុងក្រោយដែលម្ចាស់ពាន Cambodian Idol រដូវកាលទី៤ បានចេញផ្សាយគឺនៅខែកក្កដា ឆ្នាំ២០២៥ មានចំណងជើងថា «បងមិនអីទេ» ដែលមកទល់ពេលនេះមានរយៈពេល៦ខែ៕

បាងកក ៖ ថៃបានចាំផ្ដើមឡាំប៉ាមិនសុខចិត្តចំពោះការពណ៌នាអំពីប្រទេសនៅក្នុងខ្សែភាពយន្តរឿង Ghost Mountain: Second Killing Field ឬរឿង «សោ.កនាដកម្មភ្នំខ្មោច» ដោយចោ.ទប្រកាន់ថា ភាពយន្តនេះគឺផ្អែកលើសាច់រឿងប្រឌិត មានគោលបំណងបង្ខូចប្រវត្តិសាស្ត្រ និងញុះញង់ការស្អប់ខ្ពើមរវាងជាតិសាសន៍ ។ នេះបើតាមការផ្សាយរបស់ Khaosod។

ខណៈខ្សែភាពយន្ត Ghost Mountain: Second Killing Field ដែលនិយាយអំពីសោ.កនាដកម្មនៅលើភ្នំខ្មោច និងទើបប្រកាសថាបានចាប់ផ្ដើមថតជាផ្លូវការ ស្រាប់រដ្ឋាភិបាលនៃប្រទេសថៃ និងកាសែតក្នុងស្រុករបស់ថៃ នាំគ្នាឡាំប៉ា និងសម្ដែងក្ដីបារម្ភថា ខ្សែភាពយន្តនេះនឹងបកអាក្រា.តប្រទេសថៃ ពីអំពើប្រល័យពូជសាសន៍របស់យោធាថៃលើពលរដ្ឋកម្ពុជា នៅលើភ្នំខ្មោចជួរភ្នំដងរែកកាលពីសម័យសង្រ្គា.មអំឡុងឆ្នាំ ១៩៧៨-១៩៨០។

ទន្ទឹមនឹងការបង្ហាញពីអារម្មណ៍មិនពេញចិត្តនេះ ថៃថែមទាំងបានលើកឡើងដោយមិនរអៀសមាត់ថា ភាពយន្តនេះត្រូវបានផលិតឡើង ដើម្បីបង្ខូចប្រវត្តិសាស្ត្រ ឬញុះញង់ឲ្យមានការស្អប់ខ្ពើមប្រទេសថៃ ដោយព្រមានថា ពាក្យសម្ដីគ្រោធគ្រាត ឬការដាក់កំហុសលើថៃអាចធ្វើឱ្យស្ថានការណ៍ប្រទេសកាន់តែស្មុគស្មាញ និងធ្វើឱ្យខូចដល់កិច្ចខិតខំប្រឹងប្រែងដើម្បីបន្ធូរបន្ថយភាពតានតឹង។

ឆ្លើយតបនឹងការចុះផ្សាយរបស់សារព័ត៌មាន Khaosod ដូចខាងលើនេះ លោក Leak Lyda ម្ចាស់ផលិតកម្ម LD Productions ដែលជាអ្នកផលិតខ្សែភាពយន្តនេះបានលើកឡើងថា ការផលិតនេះគឺផ្អែកលើការពិត និងការទទួលខុសត្រូវខាងសីលធម៌តែប៉ុណ្ណោះ ដោយជំរុញបន្ថែមឱ្យពលរដ្ឋខ្មែរ បន្តបង្ហាញមោទនៈរបស់ខ្លួន និងធ្វើអ្វីដែលគួរធ្វើដើម្បីជាតិ និងសេចក្តីថ្លៃថ្នូរបស់ជាតិបន្តទៀត។

ជាមួយគ្នានេះដែរ បើតាមប្រសាសន៍របស់លោកវេជ្ជបណ្ឌិត គួច ម៉េងលី ដែលជាសាក្សីម្នាក់ក្នុងចំណោមអ្នកដែលនៅរស់រានមានជីវិតពីសម័យខ្មែរក្រហមមកដល់សព្វថ្ងៃ បានឲ្យដឹងថា «ខ្សែភាពយន្តនេះមិនមានបំណងញុះញង់អរិភាពទេ ប៉ុន្តែដើម្បីណែនាំមនុស្សជំនាន់ក្រោយឱ្យចងចាំ ដើម្បីព្រឹត្តិការបែបនេះកើតឡើងច្រំដែល ហើយវាជាផ្នែកមួយនៃប្រវត្តិសាស្ត្រដែលយើងគួរដឹងអំពីអតីតកាលដ៏ជូរចត់ ពាក់ព័ន្ធនឹងប្រទេសជិតខាងដែលបានរំលោ.ភបំពានយើងម្តងហើយម្តងទៀតអស់រយៈពេលរាប់រយឆ្នាំ គាបសង្កត់ និងកេងប្រវ័ញ្ចយើង ឈ្លានពាន និងដណ្តើមយកទឹកដីរបស់យើង ហើយគេនឹងធ្វើដូច្នេះម្តងទៀត ប្រសិនបើមានឱកាស។ ដូច្នេះ ភាពយន្តនេះនឹងបម្រើជាមេរៀនសម្រាប់មនុស្សជំនាន់ក្រោយ» ។

ដោយផ្អែកលើព្រឹត្តិការណ៍ពិតបែបនេះ ផលិតកម្មភាពយន្ត LD ក៏បានសម្រេចចិត្តផលិតនូវភាពយន្តប្រវត្តិសាស្ត្រនេះឡើង ដោយឆ្លុះបង្ហាញអំពីសោកនាដកម្មនៅភ្នំខ្មោច ដោយគ្រោងចំណាយដើមទុនយ៉ាងសន្ធឹកសន្ធាប់ ខណៈទើបតែសម្ពោធ និងចាប់ផ្តើមសកម្មភាពនៃការថតភាពយន្តនេះថ្មីៗ ខណៈក្នុងនោះ មានការចូលរួមពីសិល្បករសិល្បការិនីជាច្រើនរូបចូលរួមសម្តែងផងដែរ៕

មួយរយៈមកនេះយុវជនដែលមានសក់ខាងមុខវែងលេងស្ទាយ៍ក្រវីសក់បានក្លាយជាប្រធានបទពេញនិយមនៅលើបណ្តាញសង្គមដោយមានអ្នកទស្សនារាប់រយលាននាក់និងទទួលបានការចាប់អារម្មណ៍ពីក្រៅប្រទេសផងដែរ។ ជាមួយនឹងភាពល្បីល្បាញតារាចម្រៀង រ៉ាប៊ី បានបង្ហើបដំរួយចេញបទថ្មីថែមទាំងមានការចូលរួមសម្តែងពីយុវជនរូបនេះ។ ទោះយ៉ាងណាការចេញបទចម្រៀងរបស់ រ៉ាប៊ី រងនូវមតិប្រតិកម្មពីអ្នកលេងបណ្តាញសង្គម។

នៅថ្ងៃទី១៨ មករា តារាចម្រៀងរ៉ាប៊ី បានបង្ហោះវីដេអូខ្លី ជាមួយនឹងសញ្ញាចេញបទថ្មីរបស់ខ្លួនដែលត្រៀមចេញក្នុងពេលឆាប់ៗខាងមុខនេះដោយភ្ជាប់មកជាមួយពាក្យថា «ពូកែក្រលាស់»។ វីដេអូបទថ្មីរបស់ រ៉ាប៊ី គេបានឃើញនាងថតតំបន់ផ្លូវថ្មើរជើងចតុមុខដោយមានមនុស្សម្នាទស្សនាយ៉ាងច្រើន ខណៈយុវជនក្រវីសាក់ដែលល្បីនៅលើបណ្តាញសង្គមក៏ត្រូវបាន រ៉ាប៊ី យកមកថតបទថ្មីរបស់នាងផងដែរ។

វីដេអូខ្លីដែលមានរយៈពេលត្រឹមតែ៨ វិនាទីប៉ុណ្ណោះ បានទាក់ទាញមនុស្សចូលទស្សនាដល់ទៅជិត៤លានដងនៅលើបណ្តាញសង្គមហ្វេកប៊ុករបស់ រ៉ាប៊ី ។ ទោះជាយ៉ាងណា ទន្ទឹមនឹងបទថ្មីនេះដែរអ្នកលេងបណ្តាញសង្គមបានបញ្ចេញមតិប្រតិកម្មចម្រុះមកកាន់នាង។ គណនីមួយបានបញ្ចេញមតិថា «ចេញបទអប់រំវិញ កុំឱ្យទំពាំស្អុយ» ការខម្មិននេះ រ៉ាប៊ី បានឆ្លើយតបវិញថា «ចេញទាំង២ចា តម្រូវចិត្តfansផង តម្រូវចិត្តសង្គមផង អរគុណចា»។

មតិះផ្សេងទៀតបានរិះគន់តារាចម្រៀង រ៉ាប៊ី ថា «តាំងមកនាំឱ្យក្មេងៗ ទុកសក់បែបនេះកាន់តែច្រើនថែមទៀតហើយសង្គមកំពុងតែឈឺក្បាលរឿងនេះផង, ល្បីតែរឿងអត់ប្រយោជន៍គេដើរដល់ណាហើយ , វប្បធម៌សង្គមសព្វថ្ងៃកាន់តែធ្លាក់ចុះ, ឥតប្រយោជន៍មិនមានស្អីគួរសរសើរសោះនាំឱ្យតែអាប់បន្ថែម….»។ ជាមួយនឹងពាក្យរិះគន់ អ្នកមួយចំនួនបញ្ចេញមតិថាសក់គ្នាវែងកុំគិតថាគេអាក្រក់ ព្រោះមនុស្សម្នាក់ស្រលាញ់អ្វីៗដែលខ្លួនមាន។

គួរឱ្យដឹងថា បទចម្រៀងមួយៗរបស់ រ៉ាប៊ី នៅពេលចេញមកជាញឹកញាប់តែងតែទទួលបានមតិប្រតិកម្មពីមហាជន ប៉ុន្តែទោះបីជាមានការរិះគន់បទចម្រៀងដែលនាងចេញក៏ផ្ទុះនៅលើទីផ្សារផងដែរ៕