Home Blog Page 1078

តារាស្រី មាលា ត្រូវជនជាតិថៃថាមានមុខមាត់ដូចតារាសម្តែង Praya Lundberg

0

តារាម៉ូដែល មាលា (mélia constantin) ដែលជាកូនខ្មែរកាត់បារាំង ត្រូវបានជនជាតិថៃពោលថានាងមានមុខមាត់ដូចទៅនឹង Praya Lundberg ដែលជាតារាសម្តែងល្បីមួយរូប កូនថៃកាត់ ស៊ុយអែត ។

នៅក្នុងវីដេអូខ្លីមួយស្ថិតនៅហាងកាហ្វេមួយកន្លែងតារាម៉ូដែល មាលា ដែលសម្តែងក្នុងបទចម្រៀងរបស់ វណ្ណដា មានចំណងជើងថា «សង្ក្រាន្តស្គាល់ស្នេហ៍» ត្រូវបានបុគ្គលិកនៅទីនោះសួរថា នាងមកពីកម្ពុជាមែនទេ ខណៈ មាលា បានឆ្លើយថាមែនហើយ។ បុគ្គលិកនៅទីនោះបាននិយាយទៀតថា មាលា មានមុខមាត់ដូចទៅនឹង Super Star Praya Lundberg នៅប្រទេសថៃដោយបង្ហាញរូបភាពក្នុងទូរសព្ទឱ្យមើលផងដែរ។ មាលា ក៏បានសរសើរតារាសម្តែង Praya ថាមានសម្រស់ស្រស់ស្អាតដូចគ្នា។ ការសរសើរថាមានមុខដូចទៅនឹងតារាល្បីនេះ មាលា ក៏បានបង្ហាញអារម្មណ៍រំភើបចិត្ត ដូចគ្នាដែលជាការសរសើរដ៏ផ្អែមល្ហែមបំផុត។https://blogger.googleusercontent.com/img/b/R29vZ2xl/AVvXsEgQvH93rxrD9CPClJzBhlvuG7YXKOaVYWU5KZuXnJaFYq-rUAtdCtK8h-j7ETr7ZN3AZiYPFnd_KyZ5LmRYipNl9k1_nUedheznNk_2Up0etVKNXllR34QcjVp19v_9SgMcdQlf_2DUhffEhTOMPi1bVh1IiPGEbVQBVQ4t8lc8T3qfHsaVD1AzCgJDsn4/s1800/image_2024-05-11_16-34-32.png

Praya គឺជាតារាសម្តែងនិងម៉ូដែលល្បីឈ្មោះមួយរូបនៅប្រទេសថៃមានម្តាយជាជនជាតិថៃ និងឪពុកជាជនជាតិស៊ុយអ៊ែត។ តារាស្រីរូបនេះបានសម្តែងជាតួឯកជាច្រើនរឿងទាំងរឿងភាគទូរទស្សន៍និងភាពយន្ត។ ក្នុងអាជីពសិល្បៈរបស់ខ្លួន Praya ក៏ទទួលបានពានរង្វាន់ជាច្រើនផងដែរ។ យ៉ាងណារូបនាងក៏បានដកឃ្លាពីអាជីពសិល្បៈផងដែរ។

https://blogger.googleusercontent.com/img/b/R29vZ2xl/AVvXsEgDqUhOUcuNOmh-fuKv1_Wy_bfB05htgJvxzqdjpQAqPKx_hstt2CjCNFBNThnM-uPFHa8SW7ozPIIujbfkgg534ChoSU1GRebxdC75oah1SBbzq__TCDthXIis_w1luOcXo4Yxdw7OTCdc8AQEb3npHBA3g7ePktejMdeIDOuPN7FsAmyE4k7ZzwWYf90/s1800/image_2024-05-11_16-34-41.png

មាលា អាយុ២៣ឆ្នាំ មានម្តាយជាជនជាតិខ្មែរ និងឪពុកជាជនជាតិបារាំង។ មាលា កំពុងក្តោបក្តាប់ទីផ្សារសិល្បៈក្នុងប្រទេសកម្ពុជាបានយ៉ាងច្រើនថែមទាំងលេចធ្លោទៀតព្រោះនាងមានសម្រស់ស្រស់ស្អាត ទេពកោសល្យក៏មាន។ មាលា កាន់តែធ្វើឱ្យទស្សនិកជនស្គាល់ច្រើនបន្ទាប់ពីបានសម្តែងជាមួយតារាចម្រៀង ថេណា និងលេចមុខជាតួស្រីក្នុងបទចម្រៀងរបស់ វណ្ណដា។ https://blogger.googleusercontent.com/img/b/R29vZ2xl/AVvXsEhE7JThO14xoryUENsUSlsqEXgHs3JnBsVPISQJOyZPnu_P_dVNetAG3WYq9JBV-dbR3WJbzf4FViD3z2y-PgIrg1qR9C0NfLK5WNQ5UiXt5M7b7hCvnZn8SEZCfPs8rqWRabZ8iz0jIT0_DOVy_B2eCKnRJWgGtnr-9DKfsZ_2gs5EIk4cSI2tjxVW4Ic/s1551/image_2024-05-11_16-34-45.png

ក្រៅពីនេះ មាលា ក៏បានធ្លាប់លេចមុខសម្តែងក្នុងបទចម្រៀងរបស់កូនប្រុសឧកញ៉ា ព្រាប សុវត្ថិដូចគ្នា ខណៈបានក្តោបតំណែងជាតួឯកស្រីក្នុងភាពយន្តខ្នាតធំ«ប្រវត្តិស្នេហ៍នាងនាថ» ជាមួយតារាសម្តែងមីយ៉ាន់ម៉ា ប៉ៃតាកន។ ជាមួយការងារសិល្បៈកាន់តែកាក់កប មាលា ក៏ជាថៅកែជំនួញខាងផលិតផលថែរក្សាសម្រស់សម្រាប់នារីដូចគ្នា៕https://blogger.googleusercontent.com/img/b/R29vZ2xl/AVvXsEg0jNvrKxUkL_8U45OhFClmVf_N7YUD5fSlHqdFBmdLrFIxcVe97kwTXAyqIH4z_1VtkEzvaOJQAORi60zZVvU8twPGFPnzHV51IFflZF7BATXY_Et2Q89UHpt46peQZJr9hWQizhkXxw86Y-1h6t0eBFC1KJGc7VNM6olQejouR3c2hmRifld7FdTxJuA/s1505/image_2024-05-11_16-34-48.png

ពេជ្រ សោភា លើកទឹកចិត្តកូនក្រុម វ៉ាឌី ភាលី ថាមេម៉ាយឥឡូវឡូយណាស់

0

រឿងរ៉ាវក្តីគគុករបស់ វ៉ាឌី ភាលី បេក្ខភាព The Voice Cambodia រដូវកាលទី៣ ត្រូវជាកូនក្រុមរបស់ ពេជ្រ សោភា ដែលបានបង្ហោះថាប្តីរបស់នាងក្បត់ចិត្តលួចមានស្រីថ្មី ថែមទាំងសុំលែងលះ បានធ្វើផ្ទុះពេញបណ្តាញសង្គមយ៉ាងខ្លាំង។ ភាពឈឺចាប់នេះក្នុងនាមជាមនុស្សស្រីដូចគ្នានិងជាធ្លាប់ជាគ្រូបង្វឹកផងតារាចម្រៀង ពេជ្រ សោភា បានលើកទឹកចិត្ត វ៉ាឌី ភាលី និងបានផ្តាំទៅថាជាស្រ្តីមេម៉ាយមិនមែនមិនល្អទេ មេម៉ាយឥឡូវឡូយណាស់។https://blogger.googleusercontent.com/img/b/R29vZ2xl/AVvXsEjQ5uA0qCIhRGbwV5pER9whPf8lVZOBMDPJHRhT7BbD2U-8dEk7bvup8No1VS9kfx8UMrWFEUSS0Qn4_wzl8iVLijQYQAAKUtfV8F-UswEdW76n1ImTA1UF6pz_XzZ3zdkTPHXwc4iKF-YEKmh-ySp-7vNt52vBY1_fb8hnnR9Vwrv1rWkolI1jaIWYPrA/s1799/image_2024-05-13_10-33-10%20(2).png

តារាចម្រៀង ពេជ្រ សោភា បានបង្ហោះរូបជាមួយ វ៉ាឌី ភាលី អមដោយខ្លឹមសារថា «រឹងមាំណាអូនស្តាប់ឱ្យបាន អូនមិនបានបាត់បងមនុស្សស្មោះទេ គេទេអ្នកបាត់បង់មនុស្សល្អ ពូកែ ឆ្លាត មួយទៀតដោះលែង ជូនពរគេចុះយើងអស់កម្មហើយ បងជឿថាភាលីរបស់បងអាចធ្វើបាន អូនមេម៉ាយឥឡូវឡូយណាស់ បើចង់យំ យំឱ្យអស់ប្រាប់ខ្លួនឯងថាខ្ញុំជាហើយញញឹមដើរទៅមុខជាមួយនឹងរឿងថ្មីៗណា»។https://blogger.googleusercontent.com/img/b/R29vZ2xl/AVvXsEjvWdzFftypTPhKlu3HgRy5jEeTcZ8Y4R9DU8vsY4bGrpAKkPXME8P5eOJxBAqFrGavMs7es_9H2M1DVuH6X-iCHYxTy1SfGt6A8dNPsfyIa3MTO9LtOxNtRqPz90BXXVohJ-yX2JPCVSvFl3eG2_phn7VJiXewllwkkB2AmC6n-RUYx9ghM5CUMO7mehs/s960/image_2024-05-13_10-33-10.png

មិនត្រឹមតែតារាចម្រៀង ពេជ្រ សោភា បានលើកទឹកចិត្តទៅកាន់ ភាលី អ្នកសិល្បៈផ្សេងទៀតក៏បានលើកទឹកចិត្តទៅកាន់នាងដូចជា ម៉ាដូណា កែវ សុបញ្ញា ជាដើមរួមទាំងទស្សនិកជនជាច្រើនទៀតថាមិនគួរសោកស្តាយបុរសដែលមានចិត្តមិនស្មោះត្រង់ លួចក្បត់មានស្រីបែបនេះទេ។https://blogger.googleusercontent.com/img/b/R29vZ2xl/AVvXsEg6oiSz0z1Q6M9NO_lkV9trEuWEdp7KGeHec-74rjHGMhk2VuDuOuR0vcZCiEJof64iazIy3l2naj5SxOCHp9eit0QazHGvUwbe30qmB_yc9j3MJ5KU7p77Fp9bCPmkmjHXuz6FDGzE_0Vccb2fSGeMpKVxniQgDpRNidgYhfJUWtd9sK_LYmrDzVPp2G8/s1196/image_2024-05-13_10-33-08.png

គួរបញ្ជាក់ថា វ៉ាឌី ភាលី បានបង្ហោះនៅលើបណ្តាញសង្គមត្រូវបានប្តីរបស់ខ្លួនចាកចោលផ្ទះមិនខ្វល់ពីប្រពន្ធកូន និងសុំលែងលះទៀតហើយនាងតាមទាន់លួចមានស្រី ថែមទាំងប្តីនាងហាឡើងថាគ្មានអេតាស៊ីវិល មិនបានរៀបការ។ នាងត្រូវរ៉ាប់រងចំណាយទៅលើការសិក្សាកូន និងបំណុលធនាគារដែលប្តីមិនអើរពើជួយសម្រាលបន្ទុកទេ។ បេក្ខភាព រូបនេះបានបង្ហាញថានាងនិងប្តីបានរៀបការនៅថ្ងៃទី០៩ ខែឧសភា ឆ្នាំ២០១៨ ហើយថ្ងៃទី១០ខែឧសភា ឆ្នាំ២០២៤ ជាថ្ងៃដែលប្តីcallមកសុំនាងលែង៕https://blogger.googleusercontent.com/img/b/R29vZ2xl/AVvXsEg1OAPJuDiINsHZ0BCuUbKZlu-3ARIcfgrMq1nxQBFiAslNjlbX-FMOlMnR-Ac7NkseCHcpuUKxY-ECqu40z2zsjKVLJdX-tPHnts_rNw7-_hsiaL_UzWvAuHEiFEByjbAtf337wSyb_nXRtT1aB3Nu7OnayoVOr7fgYJdTwmzx74Ylccax5bIFph-BHlo/s2048/image_2024-05-13_09-13-06.png

វ៉ាឌី ភាលី បេក្ខភាព The Voice រដូវកាលទី៣បង្ហាញវីដេអូប្តីលួ.ចមាន.ស្រី ខណៈប្តីថាគ្មានអេតាស៊ីវិល

0

រឿងរ៉ាវដ៏ក្តៅគគុកមួយបានកើតឡើងទៅលើ វ៉ាឌី ភាលី បេក្ខភាព The Voice Cambodia រដូវកាលទី៣ ដែលមហាជនស្ទើរតែមិនគួរឱ្យជឿថាមានប្រពន្ធដើមដ៏ស្រស់ស្អាតហើយបែរជាត្រូវបានប្តីក្បត់ចិត្តលួចមានស្រីថ្មីមិនខ្វល់ពីប្រពន្ធកូន ថែមទាំងសុំលែងលះទៀត។ ពេលតាមទាន់ជាន់កែងលួ.ចមាន.ស្រីថ្មីស្រាប់តែប្តីនោះហាឡើងថាគ្មានអេតាស៊ីវិលចង់ធ្វើយ៉ាងមិចដាក់គេខណៈអ្នកទាំងពីរបានរៀបការតាមប្រពៃណីនិងមានកូនពីរនាក់។ https://blogger.googleusercontent.com/img/b/R29vZ2xl/AVvXsEjEONURbts5rw8Sm1tCHTmFS7eUWlo3OkaO5kqeStq81bAP951LEL4GlU6NqnLczS8zBCiXfq-Cliy6nMqjXfmhvqgasVGXMMkWCV5wba-TLKie-_W-yyS-fwFBopknL1_jEvhTb54SnwUF44Cb5MLXgskO5N7usgdDRHB7AmmMcmv162oTXNVagC9o9W4/s2048/image_2024-05-13_09-13-04.png

បៀមទុក្ខម្នាក់ឯងរាប់ខែ ទាំងការមើលថែកូននិងរ៉ាប់រងបង់ធនាគារប្រឹងសើចនៅលើឆាកប្រគំតន្រ្តី និងរកស៊ីលក់អាវតាមអនឡាញ វ៉ាឌី ភាលី កូនក្រុមរបស់ ពេជ្រ សោភា ក្នុងកម្មវិធី The Voice Cambodia រដូវកាលទី៣ បានទម្លាយភាពមិនស្មោះត្រង់ប្តីរបស់នាង។ នៅលើបណ្តាញសង្គមកាលពីយប់ថ្ងៃទី១២ ខែឧសភា វ៉ាឌី ភាលី បានបង្ហោះវីដេអូចំនួន២ដោយបានរៀបរាប់ថា «ខ្ញុំយំហួសចិត្តប្តីលួចមានស្រី តែប្តីខ្ញុំគេបែរជាថាខ្ញុំពូកែសម្តែង បងប្អូនជួយស្តាប់មើលទាំងដែលគេដឹកយកស្រីមកដល់មុខផ្ទះខ្ញុំ បងប្អូនជួយស្តាប់ពាក្យគេនិយាយចុះ ទាំងដែលខ្ញុំការពេញច្បាប់ ពរពោះកូនអោយគេ ២ ទៀត ខ្ញុំឈឺខ្លាំងណាស់ដូចគេយកកំបិតមកចាក់ទ្រូងខ្ញុំទាំងរស់ចឹង . Video នេះតាំងពីខែ១១ ឆ្នាំ២០២៣ ពេលគេចេញពីផ្ទះទៅបាត់មួយខែ»។https://blogger.googleusercontent.com/img/b/R29vZ2xl/AVvXsEgZuImOJ9UmOkzYDPdQp8WckvhSA3944sctZ_NuebLUpo_cOnqL4vVLg3ozgPijI2pAM7kknP4G8kkFPoySvCFzUQPCWWd89AxFMJNdNvpI6G8lr9qXZ7EsByNJYXcnX8ash9O6DWd9X_EpYRlpd-Pg2OEZPRpL2M-4zoI7GR80uC8-QssypEURZ0-h-00/s960/image_2024-05-13_09-13-03.png

មហាជនអ្នកលេងបណ្តាញងសង្គមផ្ទុះការភ្ញាក់ផ្អើលយ៉ាងខ្លាំងបន្ទាប់ពីឃើញវីដេអូនេះ ខណៈក្នុងវីដេអូ បុរសជាប្តីរបស់ ភាលី បាននិយាយថាគ្មានអេតាស៊ីវិល ចង់ធ្វើយ៉ាងមិចដាក់គេ ខណៈ ភាលី បាននិយាយថាមិននឹកស្មានថាប្តីរបស់នាងលួចមានស្រីទេ ហើយបុរសនោះថានាងពូកែសម្តែង។ រឿងរ៉ាវដែលទើបបែកធ្លាយនេះធ្វើឱ្យមហាជនហួសចិត្តយ៉ាងខ្លាំងកោតបុរសជាប្តីរបស់ភាលី ធ្វើទៅរួចមានប្រពន្ធស្អាតទៅហើយនៅមានស្រីទៀតមិនអាណិតចិត្តប្រពន្ធនិងកូនសោះ។https://blogger.googleusercontent.com/img/b/R29vZ2xl/AVvXsEg1OAPJuDiINsHZ0BCuUbKZlu-3ARIcfgrMq1nxQBFiAslNjlbX-FMOlMnR-Ac7NkseCHcpuUKxY-ECqu40z2zsjKVLJdX-tPHnts_rNw7-_hsiaL_UzWvAuHEiFEByjbAtf337wSyb_nXRtT1aB3Nu7OnayoVOr7fgYJdTwmzx74Ylccax5bIFph-BHlo/s2048/image_2024-05-13_09-13-06.png

មុននឹងបង្ហោះវីដេអូ វ៉ាឌី ភាលី បានបង្ហោះទៀតថា «រឿងដែលកប់ទុកក្នុងចិត្តរយៈពេល ៦ខែ ប្តីរត់ចោល កូន២ ដែលការពេញច្បាប់ ប្តីចេញទៅមានស្រី ទៅចោលខ្ញុំដោយមិនមានទំនួលខុសត្រូវ ទុកកូន ទុកប្រពន្ធ ចោល លុយធានាគារក៏មិនជួយបង់ លុយកូនរៀនក៏មិនរវល់ សូម្បីតែខលមកសួរសុខទុក្ខម្តងក៏គ្មាន។ https://blogger.googleusercontent.com/img/b/R29vZ2xl/AVvXsEjZAmtV_TVmJAhsEN3K-xd16ENNway9O5t7V_5z2Osaoy53nzc79Ku2Rerdo34Zr2Du6og2HMHn_uzI2dlBZ85R0uus0Lgcyzj0bGHlATyKnKXHCt7mZ6JjwTVWVOzFj1ip3ZGIMCC7-r02UtzFk0nvhDEZ3HpPk8fsNvSIKMU_VnyoT7j2RlyIiHN_8ao/s2048/image_2024-05-13_09-13-07.png

បេក្ខភាព The Voice រូបនេះបន្តទៀតថា «បងទៅបាត់ពីរខ្ញុំរយៈពេល៦ខែហើយ នៅពេលដែរcallមកខ្ញុំគឺcallហៅខ្ញុំឱ្យទៅផ្តិតមេដៃលែងលះគ្នាសោះបងប្រាប់ឱ្យ ខ្ញុំដោះលែងបង ទាំងដែលបងទៅបាត់ចោលខ្ញុំនិងកូន។ មិននឹកស្មានថា៦ខែនេះខ្ញុំតែងតែមិនមាត់មិនកទោះដឹងរឿងបងនិងស្រីរបស់បងដែលកំពុងសប្បាយមានក្តីសុខជាមួយគ្នាគ្រប់បែបយ៉ាង តែខ្ញុំនៅតែខំប្រឹងរកស៊ីគ្មានពេលសំរាកដើម្បីយកលុយមកចិញ្ចឹមកូន និងបង់លុយធានាគារដែលបងនិងខ្ញុំយករួមគ្នា។ ដឹងហើយថាខ្ញុំចិញ្ចឹមកូនផង បង់សាលាកូនរៀនផង ខ្ញុំហត់ណាស់ ចង់បញ្ចប់ជីវិតខ្លួនឯងម្តងៗ តែឃើញមុខកូនទាំង ២ គិតបកមកវិញ»។

ក្រោយពីរឿងនេះបានចែករំលែកពេញបណ្តាញសង្គមមហាជននិងអ្នកក្នុងចង្កោមសិល្បៈបានខម្មិនលើកទឹកចិត្ត វ៉ាឌី ភាលី និងបានជេរយ៉ាងចាស់ដៃទៅកាន់ប្តីរបស់នាង៕

កូរ៉េខាងត្បូងឈ្នះកំណត់ត្រាពិភពលោក បង្ហោះដ្រូនលើអាកាសច្រើនបំផុត

0

ប្រទេសកូរ៉េខាងត្បូង ៖ ប្រទេសកូរ៉េខាងត្បូងបានបង្ហោះដ្រូនរាប់ពាន់គ្រឿងនៅលើអាកាស ដែលរំលេចទៅដោយពន្លឺភ្លើងពណ៌យ៉ាងស្រស់ស្អាត និងប្លែកភ្នែក នៅក្នុងកម្មវិធីមួយឈ្មោះថា «Drone X កូរ៉េខាងត្បូង» និងមានអ្នកចូលរួមទស្សនារាប់រយនាក់ ។ នេះបើតាមការចុះផ្សាយរបស់សារព័ត៌មានបរទេស កាលពីថ្ងៃទី១១ ខែឧសភា ឆ្នាំ២០២៤ ។https://blogger.googleusercontent.com/img/b/R29vZ2xl/AVvXsEheX24R3IH3cKsCCZDerlSh8-i6WqIHgR4PCt-s6IAtD1GYZTnd8QG1JqWDJu7osBid2nPCe4_qYWpMJd8QXdjLs4_Z2UeRD9wF2GEtieq9tVD46O8NliVbtzDy1Us8QV8qbR_nHtKjzbhpBUBGMqSM-5D6wpiIQ-cet4AUG1jchf6djeZxYwg-C_yhyphenhyphenD8/s800/photo_2024-05-13_15-06-35%20(2).jpg

រូបភាពមេអំបៅ និងយន្តហោះមានពណ៌យ៉ាងស្រស់ស្អាតនៅលើអាកាសទាំងនេះ បានកើតឡើងដោយសារការបង្ហោះដ្រូនរាប់ពាន់គ្រឿងក្នុងកម្មវិធីបង្ហាញដ្រូននៅប្រទេសកូរ៉េខាងត្បូង ។ UVify ជាក្រុមហ៊ុនកូរ៉េខាងត្បូងមានជំនាញផ្នែកបង្ហោះគ្រឿងយន្តគ្មានមនុស្សបើក (ឬដ្រូន) អាចបង្កើតកំណត់ត្រាពិភពលោក ក្នុងការបង្ហោះដ្រូនជាអក្សរ និងរូបភាពផ្សេងៗយ៉ាងស្រស់ស្អាតបំផុត កាលពីដើមខែឧសភា ឆ្នាំ២០២៤ ។https://blogger.googleusercontent.com/img/b/R29vZ2xl/AVvXsEiK4FSAHBfY2HqgksR0EC2vLkCFzaoLDQFj3YBvf_Sx7ZTjx13HrK7Iyjg1fGgLZirHTAY8FG3TTiSG2DlpXTH4W2LOdei3YsvCxrkCM9_7L2lebxshcpJ71Fjw2cB9VhP2NnXcNeirHmwHl2sD8A6t-fw_hyWV3-pJ-5i0uXCcORxMYBo83NeAMQ86iZM/s800/photo_2024-05-13_15-06-35%20(3).jpg

ក្រុមហ៊ុន UVify បានបង្ហោះដ្រូនលើអាកាស សរុបចំនួន៥.២៩៣គ្រឿង ក្នុងកម្មវិធី «Drone X កូរ៉េខាងត្បូង» ដែលមានចំនួនច្រើនជាងក្រុមហ៊ុនចិនជាម្ចាស់កំណត់ត្រាពិភពលោកចាស់ ដែលបានបង្ហោះដ្រូនត្រឹមតែ៥.១៦៤គ្រឿង កាលពីឆ្នាំ២០២១ ។ ការបង្កើតកំណត់ត្រាពិភពលោកថ្មីរបស់កូរ៉េខាងត្រូវ ក៏ត្រូវបានកត់ត្រាចូលក្នុង Guinness Book ផងដែរ ។https://blogger.googleusercontent.com/img/b/R29vZ2xl/AVvXsEhwjwxHcsn5IR0XEPBkickR_Twp8OmklvrFPCbQ6sUunTcdqjzm8mXXLTeiGcHYu8fnXBj2mEF-7MYbih8ujWKa3yX_Uu3ZrtyUaeGyJ_98Ju2TpvFohfGDjhw0wfYv3TinWw5r70lztJr9MS9aQk5s_NHCoHjAuyx8CIOZfi0psTQ2battaEwDobtSj_o/s800/photo_2024-05-13_15-06-35%20(4).jpg

ក្នុងកម្មវិធី «World Drone Light Show» នៅទីក្រុងអ៊ីនឆន ប្រទេសកូរ៉េខាងត្បូង គេបានយកដ្រូនចំនួន៤.៥០០គ្រឿង មកបង្ហាញជារូបភាពផ្សេងៗចម្រុះពណ៌ ដូចជា ៖ រូបមេអំបៅ និងយន្តហោះ ដែលធ្វើឱ្យអ្នកចូលរួមទស្សនារាប់រយនាក់រំភើប និងភ្ញាក់ផ្អើលយ៉ាងខ្លាំង ។ គេបានអនុញ្ញាតឱ្យសាធារណជនចូលទស្សនាជាលើកដំបូង កាលពីថ្ងៃទី៩ ខែឧសភា ឆ្នាំ២០២៤ ។https://blogger.googleusercontent.com/img/b/R29vZ2xl/AVvXsEja5GzJvgrA_ZzVzIXrEAsqlH_yeQho5DjMHav4Lst4JzUm4QQ-QZqJJCQRqxL84BlzuTfCBIszjrQYIKw-U2gCAKUbXQZQyma5S0LCPsz30dPvvxxzaFv8zK3cEHFH7qw7I8FzcAVwtkZC0RMaA9Iq6Owx81GzLrLpM2DlF86Et2soVL3TCxbfm1MJA5o/s800/photo_2024-05-13_15-06-35.jpg

ដ្រូនរាប់ពាន់គ្រឿងនេះបានបង្ហោះរួមគ្នានៅលើអាកាសជាមួយដ្រូនផ្កាភ្លើងជាច្រើនគ្រឿងរបស់ក្រុមហ៊ុនកូរ៉េខាងត្បូងមួយទៀត ។ ការបង្ហោះដ្រូនដ៏ច្រើនសន្ធឹកសន្ធាប់នេះ គឺជាផ្នែកមួយក្នុងការបើកកម្មវិធី «Korea Drone Expo» ដែលបានរៀបចំឡើងរហូតដល់ថ្ងៃទី១១ ខែឧសភា ឆ្នាំ២០២៤ ៕

វគ្គបង្រៀន Live លក់ផលិតផលក្នុងប្រទេសចិនកំពុងត្រូវប៉ាន់ខ្លាំង!

0

វីដេអូចែកចាយពីបណ្តាញសង្គមប្រទេសចិន គឺបានបង្ហាញឲ្យឃើញរបៀបដែលក្រុមយុវជនជនជាតិចិនបាននឹងកំពុងវឹកហាត់យ៉ាងខ្លាំង ដើម្បីបានក្លាយខ្លួនទៅជា Influencer ឬអ្នកដែលមានឥទ្ធិពលលើបណ្តាញសង្គម។ ទន្ទឹមនឹងនោះ ដោយសង្កេតឃើញថាសព្វថ្ងៃនេះ ផ្នែកឧស្សាហកម្មរបស់ប្រទេសចិនកំពុងតែមានការរីកចម្រើនខ្លាំង នេះគឺអាចដោយសារតែមានការចូលរួមចំណែកយ៉ាងសកម្មពី Influencer ជំនាញនៅក្នុងប្រទេសនេះផងដែរ។

មហាវិទ្យាល័យជាច្រើននៅឯប្រទេសចិន បច្ចុប្បន្ននេះគឺមានបង្រៀនវគ្គបណ្តុះបណ្តាលឲ្យក្លាយជា«អ្នកមានឥទ្ធិពលលើប្រព័ន្ធផ្សព្វផ្សាយសង្គម» ជាពិសេសគឺបណ្តាញសង្គម Douyin ឬ TikTok ដែលនឹងជួយសិស្សានុសិស្សទទួលបានផ្លូវឆ្ពោះទៅរកអាជីពរកប្រាក់ចំណេញយ៉ាងច្រើនកាក់កបពីប្រព័ន្ធផ្សព្វផ្សាយសង្គម។ https://mediaproxy.snopes.com/width/600/https://media.snopes.com/2023/08/baidu_influencer_training.jpg

សិស្សានុសិស្សនឹងត្រូវបានវឹកហាត់ឲ្យរៀនវគ្គសិក្សាកម្រិតដំបូងលើជំនាញដូចជា ការកាត់តវីដេអូខ្លី ទីផ្សារប្រព័ន្ធផ្សព្វផ្សាយសង្គម ពាណិជ្ជកម្មអេឡិចត្រូនិក ការនិយាយជាសាធារណៈ មានទាំងការ Live លក់ផលិតផល ដែលមានទំនាក់ទំនងយ៉ាងជិតស្និតជាមួយនឹងប្រព័ន្ធផ្សព្វផ្សាយសង្គម។

តាមរយៈការផ្តល់ជូននូវវគ្គសិក្សាទាំងនេះ ប្រព័ន្ធអប់រំឧត្តមសិក្សារបស់ចិនឥឡូវនេះគឺជាផ្នែកនៃកម្លាំងជំរុញនៃជំនាញវិជ្ជាជីវៈមួយចំនួនដែលប្រមូលផ្តុំទៅដោយក្រុមអ្នកមានទេពកោសល្យនៅលើប្រព័ន្ធផ្សព្វផ្សាយប្រទេសចិន ឥឡូវនេះកំពុងចាក់ចូលទៅក្នុងសេដ្ឋកិច្ចឌីជីថល ធ្វើឲ្យប្រទេសនេះកាន់តែរីកចម្រើន។https://blogger.googleusercontent.com/img/b/R29vZ2xl/AVvXsEgZVfuKhqia7UH-pKJWtzFsAwG0zLLw1IbCJ2k0gV62Uu9QikYyY_h4_37efdRNmRsZVTkU_1KMqjyTTdptnzRzn9swTpFdjE_m-RH2CoYC-h8C1Cc8dCKJkpmzU1egeW7U0Cz0vYZIv59s1xuzXsS2nQMW2ixwC2LLCFqx9VVKy__ZUdoLTm82_7bE8Zo/s636/influencer-school.jpg

ទីផ្សារដែលមានឥទ្ធិពលលើប្រព័ន្ធផ្សព្វផ្សាយសង្គមគឺជាមធ្យោបាយតែមួយគត់ដើម្បីរកប្រាក់ពីភាពល្បីល្បាញតាមអ៊ីនធឺណិត ដែលឥឡូវនេះជាការអនុវត្តជាទូទៅនៅជុំវិញពិភពលោក។ អ្វីដែលជាភាពលេចធ្លោនិងខុសប្លែកពីគេរបស់ប្រទេសចិនលើវិស័យនេះ គឺត្រង់ថា ចិនបាននឹងកំពុងបណ្តុះបណ្តាល Influencer ទៅលើគ្រប់ផ្នែកគ្រប់ជំនាញទាំងអស់ តាមរយៈការផលិតខ្លឹមសារ និងវិធីសាស្រ្តរកប្រាក់របស់ពួកគេ ដែលកត្តាទាំងនេះហើយនឹងជួយជំរុញខ្សែសង្វាក់តម្លៃឧស្សាហកម្មរបស់ចិន។

ជាមួយគ្នានេះ និយតករទីផ្សារការងាររបស់ចិនបានព្យាករណ៍ថា នៅឆ្នាំ ២០២៥ តម្រូវការសម្រាប់ទេពកោសល្យក្នុងការផ្សាយពាណិជ្ជកម្មតាមប្រព័ន្ធអេឡិចត្រូនិចអាចឡើងដល់ ៤០ លាននាក់ផងដែរ៕

ដំណើរកម្សាន្ត ផ្សងព្រេងបែបរន្ធត់ៗ ទៅកាន់ឧទ្យានជាតិភ្នំភ្លើងហាវ៉ៃ កំពុងតែទាក់ទាញចំណាប់អារម្មណ៍ខ្លាំង

0

សម្រាប់អ្នកដែលចូលចិត្តការផ្សងពេ្រងបែបប្លែកៗ រន្ធត់ចិត្ត យើងគឺសូមណែនាំឧទ្យានជាតិភ្នំភ្លើងហាវ៉ៃ ដែលជាបទពិសោធន៍នៃការធ្វើដំណើរផ្សងព្រេងដ៏គួរឲ្យទាក់ទាញបំផុត។ អ្នកទេសចរណ៍នឹងបានឃើញពីដ៏អស្ចារ្យពីឧទ្យានភ្នំភ្លើងនេះ ក៏ដូចជាអាចយល់ដឹងពីរបៀបដែលភ្នំភ្លើងដំណើរការទាំងលំហូរ និងការផ្ទុះរបស់វា ដែលការធ្វើដំណើរនេះនឹងប្រព្រឹត្តិជាមួយនឹងមគ្គុទ្ទេសក៍ជំនាញ។

https://blogger.googleusercontent.com/img/b/R29vZ2xl/AVvXsEiRtYgIQg4p-uMaEtfGUR_jQSe37VR7VNm4ETNxj4senVb43Kdey-kYX75g_uz3P-ocAyoBRFtZH_J8yaxlifkeumyMAIBumU9g4zS4IrGDFr8sCWBhMTAMhqFtGsiH9FX66VFYbj99EHDxDCyv9PKkgVshz2eL1wpxZdY8K0o7FMlw8wFlG2a-0Jy8RDE/s800/20200707010605_1450934831_10159_0.jpg

ដំណើរកម្សាន្តទៅមើលកម្អែរភ្នំភ្លើងនេះ គឺមិនអនុញ្ញាតឲ្យអ្នកដំណើរទៅជិតទីតាំងកម្អែរភ្នំភ្លើងដោយផ្ទាល់នោះទេ ព្រោះថាវាអាចនឹងគ្មានសុវត្ថិភាព ប៉ុន្តែផ្ទុយទៅវិញ អ្នកគឺត្រូវមើលពីតំបន់មើលរំលង (ពីចម្ងាយ) ដោយប្រើប្រាស់កែវយឺត និងកាមេរ៉ា វីដេអូកម្រិតខ្ពស់ ដើម្បីផ្តិតយកនូវនឹងរូបភាពដ៏អស្ចារ្យនៃបន្ទុះភ្នំភ្លើងនៅទីនោះ។https://blogger.googleusercontent.com/img/b/R29vZ2xl/AVvXsEivU4gBMVHR9r80wlK07rzWO0fhFnULf2rtm2GB0lczKRzQhKksbsY5mKH6I1ozmLq0AWmpqtYeQP9-h62YsD6UMFkQIpYhhC7TX9CpFjg6J_miTBE_ty3GaYp62P1uFJc0UEiKWWVI6SV2KdoIwC5X3TVJtXMrNGFoDk5rrJeb6wduquWK_88lR98c9vM/s960/Dean_Sulphur_960.jpg

ឧទ្យានជាតិភ្នំភ្លើងហាវ៉ៃ ត្រូវបានបង្កើតឡើងជាឧទ្យានជាតិទី ១១ របស់សហរដ្ឋអាមេរិក និងជាឧទ្យានដែលមានវត្តមានភ្នំភ្លើងនូវពាសពេញផ្ទៃដីជាង ៣២០,០០០ ហិចតា ហើយអ្នកទេសចរណ៍ក៏អាចធ្វើដំណើរទៅកាន់ឧទ្យាននេះបានយ៉ាងងាយស្រួលបំផុត។

ឧទ្យានជាតិភ្នំភ្លើងហាវ៉ៃ លាតសន្ធឹងពីនីវ៉ូទឹកសមុទ្រដល់កំពូលភ្នំភ្លើងសកម្មដ៏ធំបំផុតរបស់ផែនដីក្នុងកម្ពស់ ១៣,០០០ ហ្វីត។ ជាមួយនឹងផ្លូវឡើងភ្នំជាង ១៦០គីឡូម៉ែត្រ ដែលនាំឲ្យអ្នកផ្សងព្រេងគ្រប់ៗរូបត្រូវចំណាយពេលច្រើនថ្ងៃដើម្បីទៅដល់ឧទ្យានជាតិភ្នំភ្លើងហាវ៉ៃ ដោយធ្វើការឆ្លងកាត់ព្រៃទឹកភ្លៀង វាលខ្សាច់ តំបន់លំហូរកម្អែភ្នំភ្លើង។https://blogger.googleusercontent.com/img/b/R29vZ2xl/AVvXsEhZE_Xd7y87ZRvKE3wiMq5jn3cJQWhSUMJJqF-ZcR5npfGM5tfXfG4w8Z1BkBDsCTRfpLj6J3a89QvQgQor4qo7Cs9MC8UpAoC01FWZjnc8NDcNT1iZ85bybAVxnqwkLMqkXJUoONDKdgLmeNeZdxJtA9URj5WouhbmOE1lhGN_JEau6b3d3Ng8uDgeVqk/s1500/Hawaii-Volcanoes-National-Park_1.jpg

បទពិសោធន៍នៃការមើលឃើញភ្នំភ្លើង Kilauea & Lava នៅក្នុងឧទ្យានជាតិភ្នំភ្លើងហាវ៉ៃនេះ គឺអាចមើលឃើញស្ទើរតែជារៀងរាល់ឆ្នាំ ដែលមានការផ្ទុះឡើងដែលស្ថិតនៅតាមក្រហូងថ្មនីមួយៗ នឹងផ្តល់ឲ្យអ្នកទេសចរណ៍មើលឃើញពន្លឺភ្លើងច្រាលចេញពីក្នុងរណ្តៅភ្នំភ្លើង ក៏ដូចជាកម្អែររលាយចេញពីមាត់រណ្ដៅភ្នំភ្លើង។

ទោះជាយ៉ាងណា ដោយសារតែសកម្មភាពភ្នំភ្លើងតែងតែមានផ្លាស់ប្តូរនៅលើកោះនេះ វាជារឿងធម្មតាទេដែលលំហូរកម្អែភ្នំភ្លើងថ្មីលេចឡើង ឬបាត់រៀងរាល់ពីរបីឆ្នាំម្តង។ នៅឆ្នាំ ២០២៣ មិនមានផ្ទៃសកម្មហូរចេញក្រៅមាត់រណ្ដៅដែលត្រូវបានគេមើលឃើញនោះទេ។ យ៉ាងណាមិញ ក៏នូវតែមានការផ្ទុះឡើងតិចៗជាប់ជានិច្ចនៅក្នុងរណ្ដៅភ្នំភ្លើង Halema’uma’u ដែលផ្តល់ឱ្យអ្នកឃើញពន្លឺពេលរាត្រី និងកម្អែលភ្នំភ្លើងរលាយនៅក្នុងរណ្ដៅនេះផងដែរ៕https://blogger.googleusercontent.com/img/b/R29vZ2xl/AVvXsEg-anjNMq_I-8GmyJrG3F4ZPCc2KkSLGkXbarZVt4pNJmmtKcfSs023zs8EZpQqszdTaJNrnD252wKmqTFHYBp8DxEovwEobhnGKOlFlWn-mqjpe5AircuTXEDVvKgYB_pU5ai9bWcaPbD2DYmxThD6Tf-bXDSpa960hIv6cCMlAfI59MmOGsfZDoJ_dkk/s1280/photo_2024-05-13_14-23-52.jpg

តាមស្រលាញ់មិនបាន ចូលតាមបា..ញ់សម្លា..ប់ដល់កន្លែងធ្វើការ

0

នាយប់រំលងអធ្រាត្រឈានចូលថ្ងៃទី១២ ខែឧសភា ឆ្នាំ២០២៤ ស្ថិតនៅភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី មានហេតុការណ៍ ខ្មាន់កាំភ្លើងប្រដាប់ដោយអាវុធ AK 47 ចូលទៅបាញ់ប្រហារបណ្ដាលឱ្យអ្នកគ្រូពេទ្យម្នាក់ ឈ្មោះ កែប កែវកន្និកា អាយុ៣៨ឆ្នាំ ស្លាប់បាត់បង់ជីវិតនៅកន្លែងកើតហេតុ។https://blogger.googleusercontent.com/img/b/R29vZ2xl/AVvXsEijTEY8TPq-UilJwupVYW9YzrQoxAMrv6r2E5S8MzJoNE8dhjwuIC2vSU0sQkQ00gylr00f5NZyrbMm5DESFdd86WjuBkEHNWswuLonbKHAFKEtWLVgJpZUrcWQk1Lew4HJLeVeCojKobRuyFUEcxm4PVnFcUCbXPLtjK1LICCX3ofyTQUIKWYiUhqx48Y/s753/Screenshot%202024-05-13%20140922.png

តាមចម្លើយរបស់ខ្មាន់កាំភ្លើង ឈ្មោះ សុខា នុត អាយុ៤១ឆ្នាំ បានលើកឡើងថា៖”ក្រោយបាញ់សម្លាប់ជនរងគ្រោះ ខ្លួនបានព្យាយាមបាញ់សម្លាប់ខ្លួនតាមក្រោយដែរ ប៉ុន្ដែគ្រាប់មិនផ្ទុះ”https://blogger.googleusercontent.com/img/b/R29vZ2xl/AVvXsEihFFcVuonZPoVeBgQ9aRV5GyBHjKcxQXe8yLuxUUSRro7ofztVV6KP8ZfID9EFmAEfYXYjZAq3FC1wmz9IlxF5q-q7uU-U2NSl1oh8ChlqAOim9JDZtfdyexKo1quKSzLNmC08vtP5VYM5kmYKBFZpGm6ZIxqSCvit4ZItaiBdVjAkojctXIInTEd6FXk/s723/Screenshot%202024-05-13%20140903.png

បើតាមអធិការនគរបាលស្រុកអូររាំង លោក ហាក់ ទិត្យឬទ្ធីវង្ស បានឱ្យដឹងថា៖”ខ្មាន់កាំភ្លើងនេះ ប្រើប្រាស់អាវុធម៉ាក AK 47 បាញ់ចំកណ្តាលក្បាលធ្លាយមកឆ្អឹងខ្នង ធ្លាយពីឆ្អឹងខ្នង គ្រាប់កាំភ្លើងផ្លាតទៅត្រូវចំក្មេងស្រីម្នាក់ទៀតបណ្តាលឱ្យរងរបួស ដែលត្រូវជាកូនស្រីរបស់ជនរងគ្រោះម្នាក់ទៀត”។

ជុំវិញករណីនេះ កម្លាំងជំនាញកំពុងកសាងសំណុំរឿង ដើម្បីចាត់ការបន្ដតាមនីតិវិធី៕https://blogger.googleusercontent.com/img/b/R29vZ2xl/AVvXsEhTlyF-rk5LrIUutpN3vRKktMvSKDhpyeIu32eL6wUv4wPoVVWLqL_enHAFx1J3wqDwoalD7DHyCKGJA8vdHbwPxx9vyEFFg7mi3jJmpnJyGzLNWkv98LoLrvWaJTQmcDfvCGKvjLGE2vWTVN4rkUL1R2HwNWc8lJWFdu3GVbVtJhtEa9ITyIFiVSSDXQg/s726/Screenshot%202024-05-13%20140936.png

 

តោះមកដឹងពីវិធីទុកដាក់សាកស.ព ដ៏ចម្លែករបស់ប្រជាជនហ្វីលីពីន

0

ប្រទេសហ្វីលីពីន ៖ បើនិយាយពីការរៀបចំទុកដាក់សាកស.ព ដែលពលរដ្ឋរស់នៅប្រទេសផ្សេងៗបានអនុវត្តនោះ គឺការដុតស.ព រួចប្រមូលធាតុដាក់ក្នុងកោដ្ឋ និងបញ្ចុះស.ពទាំងមូលក្នុងក្តារមឈូស រួចកប់ក្នុងដី ។ រីឯអ្នកខ្លះបានឮពីវិធីប្លែកជាងនេះ គឺនៅប្រទេសឥណ្ឌាមានប្រពៃណីបណ្តែតសពតាមទន្លេគង្គា ។ ប៉ុន្តែសម្រាប់ពលរដ្ឋរស់នៅប្រទេសនេះមិនបានទុកដាក់សាកស.ពតាមវិធីខាងលើទេ គឺពួកគេបានយកសាកស.ពទៅទុកនៅកន្លែងមួយស្ងប់ស្ងាត់ និងប្លែកបំផុតលើពិភពលោក ដែលមនុស្សគ្រប់គ្នាពុំបានដឹង ។https://blogger.googleusercontent.com/img/b/R29vZ2xl/AVvXsEgPziKpKGg6wHEq4CTAYVxStGbXbAnHlIt8yqTX9aauKlmzIM7zRoJNUN5pBNLSb5mPYkD-HkMyJ8aYFDA5idIm_dwvygQmFYjDm9eJ0Lp0zsgycOqdXJl2kE6DQQPQo_6iNfku9Gbf6X88iBQ-jSGIPVYWncqxUquSMsS6clOMWsYWviMpfuRDP_z2DB0/s604/A-Sagada-2-1.jpg

ពលរដ្ឋរស់នៅខេត្ត Sagada ប្រទេសហ្វីលីពីន បានរៀបចំទុកដាក់សពខុសប្លែកពីប្រទេសផ្សេងទៀត ហើយការរៀបចំបែបនេះចាត់ទុកថា គឺជាពិធីដ៏ពិសេសមួយរបស់ពួកគេផងដែរ វាជាការយកក្តារមឈូសទៅដាក់តម្រៀបគ្នានៅតាមល្អាងថ្ម ឬច្រាំងថ្មភ្នំ ។ ពលរដ្ឋរស់នៅខេត្ត Sagada បានរៀបចំទុកដាក់សពបែបនេះអស់រយៈពេលជាង២ពាន់ឆ្នាំហើយ ។https://blogger.googleusercontent.com/img/b/R29vZ2xl/AVvXsEiBpCkD9E10RV_VuEmhXoHel1WHhLbjuc3O9ucYdvhUBiRI5USa1cQhDlYS-REG4SqNCYv6OZC8yBA79NiZ1OJOw5LPmA3aY100zaUpTQqtxFeWbnflfMRutrI5UZXFV1-cWMQ_DoKbQMX3cWV8McR4yMu3rWtXWcyUVKArWvKKsF7yC14xhIH-xyreug8/s1600/DSC4930-1.jpg

ការរៀបចំពិធីបុណ្យសពរបស់ពលរដ្ឋរស់នៅខេត្ត Sagada គឺមនុស្សចាស់ៗក្នុងភូមិមានតួនាទីរៀបចំក្តារមឈូស និងជួយគ្នាតុបតែងមឈូស ។ ប៉ុន្តែគ្រួសារ ឬសាច់ញាតិសព ក៏អាចរៀបចំមឈូសដោយខ្លួនឯងផងដែរ បើសមាជិកគ្រួសារណាម្នាក់ឈឺធ្ងន់ គឺសាច់ញាតិនឹងធ្វើមឈូសត្រៀមទុកដាក់សពពេលអ្នកជំងឺស្លាប់ ។https://blogger.googleusercontent.com/img/b/R29vZ2xl/AVvXsEik4swAohMTdwmrw2ygha3Xxs3QHR6qRn9MU-8nJ9B8vcG5KTfwdycWNveTIQDF1bozmuVXVn4rwgClXhv5DGm2Sdbd00uVCAuur7tmFelqj9yMOVLyoX1qQMqss4Kf9z0xgwwOcbgKzGErLi_-0yYRQ-r5MSu0FznifE8gB5uNT8DOsii7zSuT1GvwB_I/s620/echovalley6-620x413.jpg

ករណីសពមានសភាពហើម ហើយពុំអាចបញ្ចុះក្នុងមឈូសបាន គេនឹងវាយកម្ទេចសពឱ្យបែកឆ្អឹងដើម្បីដាក់ក្នុងមឈូស បន្ទាប់មក គេនឹងយកមឈូសនេះទៅដាក់តាមជញ្ជាំងល្អាងថ្ម ឬច្រាំងថ្មភ្នំ នៅជិតមឈូសបុព្វបុរសដែលបានចែកឋានមុន ។ ប៉ុន្តែកន្លែងដាក់សពទាំងនេះពិបាកធ្វើដំណើរចូលទៅដល់ណាស់ ព្រោះវាជាអាថ៌កំបាំងរបស់គ្រួសារសព ហើយមឈូសមួយចំនួនមានអាយុកាលរហូតដល់ជាង១០០ឆ្នាំ ឯណោះ ។https://blogger.googleusercontent.com/img/b/R29vZ2xl/AVvXsEgW0IhOSKIdLtC7IyIjPlLOXxGqzrKNepQaE64ddi24W9pCuqk3evOnXlMgzWsEkpAsj4u8RYPbSqlkBhUtv-h8nhPm_QdcgYtTJ2C4LBCPSkDi5yH3yNWyDuE9mqTwaGCk0k9KQmAFnVPJA7Mc_21Ohekctr1_Zb8aY6r2uLMZ-cCZmRnJfYWfE7pGxcY/s1024/Hanging-coffins-Sagada-2-1024x683.jpg

ទោះយ៉ាងណា អ្វីៗគ្រប់យ៉ាងមិនអាចនៅស្ថិតស្ថេរហូតទេ វាតែងតែមានការបែកបាក់ ខូចខាត ហើយមឈូសសពទាំងឡាយនៅតាមច្រាំងថ្មភ្នំបានខូចខាតដោយសារត្រូវកំដៅថ្ងៃ ឬត្រូវភ្លៀងរយៈពេលច្រើនឆ្នាំ ទើបបណ្តាលឱ្យឆ្អឹងសពធ្លាក់មកលើដីខាងក្រោម ។ ហេតុនេះ គេបានយកមឈូសថ្មីៗមកដាក់នៅតាមច្រាំងថ្មភ្នំ ជំនួសមឈូសចាស់ ។https://blogger.googleusercontent.com/img/b/R29vZ2xl/AVvXsEimB71ukN7QHPcFcXwAEppoW7w8m7lld4Sl9G_qsm90dOsDD09cPeAsJadIrHr6tlZzKzR8nxZoCoK35PQwBy8tbRgnBgnu9OqEjr4_v4eUMoNI-xeqR2iatfbl9kMrGDtrUrUE4NTlli5X8p6Ct-qQDtcrUnGPfEvYaSV2xgEzvuxzLNwFOMpSJE_tDvo/s1024/hanging-coffins-sagada-luzon-philippines-01-1024x576.jpg

ការរៀបចំទុកដាក់សពតាមវិធីនេះអាចខុសប្លែកខ្លាំងសម្រាប់អ្នករស់នៅប្រទេសផ្សេងៗ ប៉ុន្តែវាជាការព្យាយាមរបស់ក្រុមគ្រួសារសព ដែលចង់ឱ្យអ្នកស្លាប់បានទៅនៅកន្លែងមួយដ៏ស្ងប់ស្ងាត់ និងគ្មានការរំខាន ។ បើទោះជាពិបាកក្នុងការរៀបចំទុកដាក់សពក្តី ប៉ុន្តែវាជាការបង្ហាញពីសេចក្តីស្រឡាញ់ និងការគោរពរបស់គ្រួសារទៅកាន់អ្នកស្លាប់ ៕

មាត់ទន្លេចុងប៉ម កន្លែងមើលថ្ងៃលិចដ៏ល្បី​បំផុតប្រចាំ​ក្រុង​ព្រៃវែង​

0

ថ្វីបើខេត្តព្រៃវែង ហាក់មិនសូវសម្បូរកន្លែងទេសចរណ៍ ដូចខេត្តដទៃក៏ប៉ុន្តែខេត្តនេះមានកន្លែងមួយដែលអាចឱ្យភ្ញៀវទេសចរគយគន់ថ្ងៃលិច និងស្រូបយកខ្យល់អាកាសបានយ៉ាងរំភើយ ដោយកន្លែងនោះមានឈ្មោះថា”មាត់ទន្លេចុងប៉ម”។https://blogger.googleusercontent.com/img/b/R29vZ2xl/AVvXsEgL1eDZuQbjt9tNfGvIkAP-EnmTlruIdPVjbjILGNdqNWp2HkXUz4YskXtVZCRmCoPR___yEb4OC651lgpEeZ8SihD89eMpL7BzrCQjc5HZqxrZK2fzmMHm4OyMjuWQy9k_e3p3J-Q-LQlNGTBPbwiTHyNI_WNlhPb_G6K0QKO-RKhaNJY9v1yCmU5XgIA/s1440/20616839_492947751058163_1743567528515050346_o.jpg

អ្នកក្រុងព្រៃវែង តែងមកទីនេះស្រូបយកខ្យល់បរិសុទ្ធនៃក្លិនទឹកទន្លេ ត្រជាក់ស្វាងអស់ខួរក្បាលនារដូវវស្សា។ ខណៈខែប្រាំងវិញ គេនៅតែទៅស្រូបខ្យល់បរិសុទ្ធត្រជាក់ដដែល ក៏ប៉ុន្តែអមដោយទេសភាពវាលស្រែប្រាំងវិញម្ដង ជំនួសលើផ្ទៃទឹកនាខែវស្សា។https://blogger.googleusercontent.com/img/b/R29vZ2xl/AVvXsEhBIb2KSgoJgXtRMIqW2lZSjcUzC2jBsDmLTq6YRJ9EA3NZee7tFC4o1wP4AorOjnk5ibdSGNGdtHhXzhoyHG9ulWuD_Zj_srq7_va-Nx5ZurqkUr6COOwdllWZrcuDxqRg1FhFBuXuG6GpccN6mLxXPz4M_-ZIO-3oziyAxd2qIvRlgXGqYgtc8U5owz8/s960/26239601_1479579388835714_5173496120810673762_n.jpg

មាត់ទន្លេចុងប៉ម ជាកន្លែងទស្សនាផ្ទាំងទេសភាពថ្ងៃលិចនារដូវទឹកឡើង ដែលមានសម្រស់មិនចាញ់ភ្នំក្រោម និងភ្នំបាខែង ខេត្តសៀមរាបប៉ុន្មាននោះឡើយ៕https://blogger.googleusercontent.com/img/b/R29vZ2xl/AVvXsEgPgxc4dw2_HWcE7uWCvOHOQlwk6D-zqN8A8ks88xcbnoSGErmtyv466EgULAZ31CPpC14bxA9ZLGBJJ1weusu03c3ECjUtjns_LjKVC6ucezlH34byxtkuEtRucWcbLCY8d0mQUVc8gnK1xZ5N6ws-1IuDA97UzW0OHQlphZQe-abH4DdDYRIUBQyfAnU/s2048/68396472_415628222408058_643670251682136064_n.jpg

 

ចាប់មិនចេះអស់! កងទ័ពជើងទឹកថៃចាប់ទូកនេសាទខុ.សច្បាប់វៀតណាមជាច្រើនគ្រឿង

0

ប្រទេសថៃ ៖ នៅថ្ងៃទី១៣ ខែឧសភា ឆ្នាំ២០២៤ សារព័ត៌មានថៃរាយការណ៍ថា កងទ័ពជើងទឹកថៃបានចាប់ទូកនេសាទខុ.សច្បាប់វៀតណាមជាច្រើនគ្រឿង និងចាប់ខ្លួនជនជាតិវៀតណាមជាច្រើននាក់ ដែលបានលួចចូលមកនេសាទខុ.សច្បាប់ក្នុងដែនទឹកប្រទេសថៃ ។ កងទ័ពជើងទឹកថៃបញ្ជាក់ថា នឹងមិនអនុញ្ញាតឱ្យជនបរទេសមករំលោភលើដែនទឹកថៃជាដាច់ខាត ។https://blogger.googleusercontent.com/img/b/R29vZ2xl/AVvXsEjJx7SHJ-Y7CpU09e_0Sg4xzY8qU7adfzim68i4CguttovR2jVKkEt8QrYE3hT4eXVI80o0hsPXGlqCWPXUPeg8Fd3msVv1b3fdA2nLbEf-JlkBF_m97hEdicVoIX5BySX0ui2KIRzqKw119X6MFy460WAt90R20FYv0nOSudLX7nbPKySGHwo8KPPP3-U/s768/BB1mfyTO.jpg

កាលពីថ្ងៃទី១២ ខែឧសភា កងទ័ពជើងទឹកថៃភូមិភាគ២ បានទទួលសេចក្តីរាយការណ៍ពីប្រភពក្នុងតំបន់ថា មានក្រុមទូកនេសាទបរទេសចូលមកនេសាទខុសច្បាប់ក្នុងដែនទឹកប្រទេសថៃ នៅត្រង់បរិវេណ Bearing 132 ក្បែរកន្លែងត្រួតពិនិត្យខេត្តស៊ុងក្លា ។https://blogger.googleusercontent.com/img/b/R29vZ2xl/AVvXsEjhk28kwsjSZUhr1nWP6s8ZWTBzadwYI5w97SMPqFnSmG8AkLvDtyNYb5H6BII0gz0jt69ocn3Qg3d-b1DC_Yie7eeiOw5vUdfHzNJqfBXQJBzrSuLz3tFfGHzdUGu4qRhYOB0FbvtvK2_X95uAzJ2_qAJ112eLjT1aBAG85h_WB9ZXI0Glu4wcjqrfw4g/s1280/photo_2024-05-13_11-24-35%20(2).jpg

ហេតុនេះ លោក Phichit Srirungruang មេបញ្ជាការកងទ័ពជើងទឹកភូមិភាគ២ បានបញ្ជាឱ្យនាវាល្បាតសមុទ្រត្រួតពិនិត្យ ដោយសហការជាមួយមជ្ឈមណ្ឌលគាំពារផលប្រយោជន៍ជាតិដែនសមុទ្រ និងភ្នាក់ងារការពារដែនសមុទ្រប្រមូលកម្លាំង ព្រមទាំងនាវាល្បាតតាមឆ្នេរសមុទ្រចុះត្រួតពិនិត្យនៅតំបន់នោះជាបន្ទាន់ ។

អាជ្ញាធរថៃបានចាប់ទូកនេសាទវៀតណាមចំនួន៥គ្រឿង និងចាប់ខ្លួនជនជាតិវៀតណាមចំនួន២៥នាក់ នៅបរិវេណ Bearing ក្បែរកន្លែងត្រួតពិនិត្យខេត្តស៊ុងក្លា ហើយបញ្ជូនពួកគេមកកាន់មូលដ្ឋានទ័ពជើងទឹកខេត្តស៊ុងក្លា ដើម្បីត្រួតពិនិត្យបន្ថែម និងដាក់ទោសតាមផ្លូវច្បាប់ ។null

គួរបញ្ជាក់ថា ការចាប់ខ្លួនក្រុមអ្នកនេសាទខុសច្បាប់បរទេសក្នុងតំបន់គ្រប់គ្រងរបស់កងទ័ពជើងទឹកភូមិភាគ២ ចាប់ពីខែតុលា ឆ្នាំ២០២៣ រហូតដល់ដើមខែឧសភា ឆ្នាំ២០២៤ គឺស្មើនឹង៧លើក ក្នុងនោះមានទូកនេសាទខុសច្បាប់១២គ្រឿង និងជនបរទេសចំនួន៦១នាក់ ។

ការចាប់ទូកនេសាទខុសច្បាប់នេះ ធ្វើឡើងស្របតាមគោលនយោបាយរបស់មេបញ្ជាការកងទ័ពជើងទឹក ឆ្នាំ២០២៤ និងសហការជាមួយស្ថាប័នពាក់ព័ន្ធ ។ ប្រទេសថៃបានរៀបចំនាវាល្បាតតាមសមុទ្រជាបន្តបន្ទាប់ ដើម្បីគ្រប់គ្រងផលប្រយោជន៍ជាតិផ្នែកសមុទ្រ ព្រមទាំងបង្ក្រាបការនេសាទខុសច្បាប់ក្នុងដែនទឹកថៃរបស់ទូកនេសាទបរទេស ។ ការសហការគ្នារបស់អាជ្ញាធរថៃ និងស្ថាប័នពាក់ព័ន្ធ បានធ្វើឱ្យថៃអាចចាប់ទូកនេសាទខុសច្បាប់វៀតណាមលើកនេះដោយជោគជ័យ ៕https://blogger.googleusercontent.com/img/b/R29vZ2xl/AVvXsEhb5PKd3q9_Gb5sfns63NlXJgulUOG5UracGSyrVQQ7Wo6wDxxqxtWhsjpA7wY0jO2BMbdpZqCWcvQJy4IJTPdqexTm5bFka-ekDAvYGMft-ADv9cYE3ELAuWMnvfD3T21lNoA0jTUl1jfpq6qrYpudlc1ZpJfwsG0bbtJH4be-TVicGXx00QQtDllHDnk/s829/photo_2024-05-13_11-24-35.jpg