MVបទ «ទេវរាជ» របស់តារាចម្រៀងទេព បូព្រឹក្ស ជាស្នាដៃដ៏អស្ចារ្យមួយរបស់កូនខ្មែរដែលធ្វើឱ្យមហាជនពេញចិត្តពេញថ្លើមនិងមានមោទនភាពយ៉ាងខ្លាំងចំពោះស្នាដៃមួយនេះដែលបង្ហាញពីវប្បធម៌ទៅកាន់ពិភពលោកតាមរយៈវិស័យតន្រ្តី។ ទម្រាំអាចចេញជាសមិទ្ធផលធំនេះ MV «ទេវរាជ» ចំណាយថវិកាផលិតរហូតដល់៣០ម៉ឺនដុល្លារ និងចាយពេលរយៈពេល២ឆ្នាំ៦ខែនៃដំណើរការផលិត MV មួយនេះ។

បទ «ទេវរាជ» បានលើកពី៣សម័យកាលធំៗគឺការបង្កើតអាណាចក្រនគរភ្នំ ,សម័យចេនឡា និងសម័យអង្គរ និងបង្កប់អត្ថន័យស៊ីជម្រៅយ៉ាងខ្លាំងបង្ហាញពីខ្មែរមានឥទ្ធិពលដ៏អស្ចារ្យនាសម័យកាលដ៏រុងរឿងហើយកូនខ្មែរត្រូវតែខ្លាំងគ្រប់ជំនាន់។ ជាពិសេស អត្ថន័យមួយចំនួនអាចធ្វើឱ្យអតីតខ្មាំងសត្រូវរបស់យើងក្អួតឈាមទាំងធ្លុកបានព្រោះខ្មាំងបានខ្ចីអក្សររបស់យើងយកទៅប្រើប្រាស់។ Official Audio នៃបទនេះបានទម្លាក់កាលពីថ្ងៃទី៧ ខែកក្កដា ឆ្នាំ២០២៣ និងបានទម្លាក់ Official MV នៅយប់ថ្ងៃទី២៦ ខែឧសភា ឆ្នាំ២០២៤។

ក្រោយពីទស្សនិកជនបានទស្សនា MV នេះរួចបានធ្វើឱ្យមហាជនស្ងើចសរសើរយ៉ាងខ្លាំងពីទឹកដៃក្រុមការងារផលិតបង្ហាញថាទឹកដៃកូនខ្មែរមិនអន់នោះទេ។ សមិទ្ធផល MV ចេញអស្ចារ្យមើលហើយត្រជាក់ភ្នែកនេះត្រូវបានគេដឹងថាចំណាយរហូតដល់៣០ម៉ឺនដុល្លារ។ តាមការឱ្យដឹងពីតារាចម្រៀង ជី ដេវីត ថាការចំណាយនេះលើសការចំណាយមុនដល់ទៅ៣ដង ហើយទាំងក្រុមការងារ សំលៀកបំពាក់ សុទ្ធតែលើសពីការថតមុនៗ។ ការចំណាយដ៏ច្រើនលើសលុបនេះលោកថាមិនដែលទទួលបានផលចំណេញទេ ប៉ុន្តែអ្វីដែលចំណេញគឺខាងវប្បធម៌។

ងាកទៅកាន់សំលៀកបំពាក់នៃការថតវិញ ឈុតបុរាណមួយៗសុទ្ធតែប្រណីតៗដែលមានដូចជា ឈុត «មហារាជនីនាគចេនឡា» គឺជាឈុតសាកល្បងបង្កើតថ្មីបែបបុរាណលាយបញ្ចូលជាមួយសហសម័យខ្មែរទំនើប។ ឈុតនេះចង់បង្ហាញឱ្យឃើញអំពី ព្រះនាងនាគដែលជាដើមកំណើតនៃពូជពង្សខ្មែរ។ ឈុត «ព្រឹក្សព្រៃអង្គរ» ជាឈុតមួយចង់បង្ហាញ ឱ្យឃើញអំពីធម្មជាតិដ៏ស្រស់បំព្រងជាមួយប្រាង្គប្រាសាទអង្គរវត្តខ្មែរតែមួយគ្មានពីរលើលោក។

ចំណែកឯឈុត «ធីតានាគឯករាជ្យ »គឺជាឈុតសាកល្បងបង្កើតថ្មីដែលឈរលើមូលដ្ធានសិល្បៈបុរាណខ្មែរនឹងលាយបញ្ជូលសហសម័យ។ឈុតនេះគឺចង់បង្ហាញឱ្យឃើញអំពីបុត្រីនាគគឺព្រះនាងនាគដែរជាអ្នកគ្រប់គ្រងការពារទឹកដីខ្មែរតាំងពីយូរលង់ណាស់មកហើយពោពេញដោយឯករាជ្យនិងសុភមង្គលដោយព្រះនាងតំណាងឱ្យស្រ្តីខ្មែរទាំងអស់ នឹងបង្ហាញឱ្យបានដឹងថាស្រ្តីគឺជាអតីតកាល បច្ចប្បន្ន និងអនាគត នៃការតតាំងដើម្បីរកសុខសន្តិភាព។ មិនត្រឹមតែ៣ឈុតនេះនោះទេ ប៉ុន្តែការប្រើប្រាស់សំលៀកបំពាក់នៅក្នុង MV នៅមានឈុតផ្សេងទៀត។

លោក ស៊ឹម ទេពនិមិត្ត ប្អូនប្រុសរបស់តារាចម្រៀង ទេព បូព្រឹក្ស និងជាអ្នកដឹកនាំវីដេអូចម្រៀង ក៏បានបញ្ជាក់យ៉ាងច្បាស់លាស់សម្រាប់ការងារMVមួយនេះចំណាយពេលរហូតដល់២ឆ្នាំ ៦ខែ និងសុទ្ធតែបានឆ្លងកាត់ការត្រួតពិនិត្យពីក្រសួងដូចគ្នា។ រីឯបញ្ជីរាយនាមក្រុមការងារវិញពិតជាមានគ្នាច្រើនណាស់ទម្រាំចេញសមិទ្ធ MV មួយនេះដែលទស្សនិកជនទស្សនាត្រឹមតែ៥នាទី។

នៅក្នុងMV បទ ទេវរាជ មាន subtitles ១២ភាសាទាំងភាសាជាតិរួមមាន ខ្មែរ ភូមា(មីយ៉ាន់ម៉ា) ចិន អង់គ្លេស ហ្វីលីពីន ឥណ្ឌួនេស៊ី ជប៉ុន កូរ៉េ ឡាវ ម៉ាឡេស៊ី ថៃ វៀតណាម។ ចំណែកឯប្រាសាទដែលយើងឃើញនៅក្នុងបទចម្រៀងនេះមានដូចជា ប្រាសាទសំបូរព្រៃគុក ប្រាសាទអង្គរវត្ត ប្រាសាទបក្សីចាំក្រុង ប្រាសាទកោះកេរ សារមន្ទីរជាតិ រួមទាំងថតនៅក្នុង ស្ទូឌីយ៉ូ៕

កាលពីមួយរយៈមុនតារាចម្រៀង សុវត្ថិ មុន្នីវណ្ណ កូនច្បងឧកញ៉ា ព្រាប សុវត្ថិ បានថត MV ជាមួយ ល្អហួស ទទួលបានការចាប់អារម្មណ៍យ៉ាងខ្លាំងប៉ុន្តែរឿងនេះក៏បង្កឱ្យមានបញ្ហាចម្រូងចម្រាសមួយចំនួនបានកើតឡើងទៅកាន់ភរិយាឧកញ៉ា ព្រាប សុវត្ថិ។ យ៉ាងណាមិញ ថ្មីៗនេះ តារាចម្រៀងរូបសង្ហា សុវត្ថិ មុន្នីវណ្ណ និង ល្អហួស បានចាប់ដៃគូថត MV ជាមួយគ្នាម្តងទៀត ប៉ុន្តែក៏មានអ្នកគាំទ្រមួយចំនួនបានបង្ហាញការព្រួយបារម្ភទៅកាន់ ល្អហួស ។

គេចាំបានថា កាលពីមីនា ឆ្នាំ២០២៤ សុវត្ថិ មុន្នីវណ្ណ បានទម្លាក់បទមានចំណងជើងថា «នាងអើយ»ដោយយុវតី ល្អហួស Miss Preteen Cambodia2023 គឺជាតួស្រីនៅក្នុងវីដេអូចម្រៀងនេះ។ ប៉ះគ្នាលើកដំបូងរវាងកូនច្បងឧកញ៉ា ព្រាប សុវត្ថិ និង ល្អហួស នេះបានធ្វើឱ្យមានការចាប់អារម្មណ៍យ៉ាងខ្លាំងពីទស្សនិកជនរហូតមានហ្វេនៗខ្លះថែមទាំងផ្គូផ្គងអ្នកទាំងពីរធ្វើជាគូស្នេហ៍ទៀតផង។

យ៉ាងនេះហើយវាបានក្លាយទៅជាប្រធានបទក្តៅបន្ទាប់ពីម្តាយខាងប្រុសចេញមកច្រានចោលទំនាក់ទំនងសុវត្ថិ មុន្នីវណ្ណ និង ល្អហួស។ រឿងនេះក៏ជំរុញឱ្យលោកជំទាវ ឡុង ស្រីមុំ ភរិយាឧកញ៉ា ព្រាប សុវត្ថិ ត្រូវរងមតិរិះគន់ថាហួងហែងកូនប្រុសរបស់ខ្លួនជ្រុល ទោះការបែបនេះក្នុងគោលបំណងការពារកូនប្រុស និង រក្សាតម្លៃឱ្យ ល្អហួស ដោយសារតែនាងនៅជាអនិតិជននៅឡើយក្តី។

នាពេលនោះ ល្អហួស បានចេញមកការពារម្តាយ សុវត្ថិ មុន្នីវណ្ណ ដោយប្រកាសថាគ្រាន់តែជាការថត MV ប៉ុណ្ណោះ គ្មានទំនាក់ទំនងលើសពីនេះនោះទេនិងបានសំណូមពរកុំធ្វើឱ្យប៉ះពាល់ដល់រូបនាង ព្រោះនាងជិតតំណាងកកម្ពុជាប្រកួតនៅលើឆាកអន្តរជាតិហើយ។

យ៉ាងណាមិញ បន្ទាប់ពី ល្អហួស បានប្រកួតឈ្នះលើឆាកអន្តរជាតិក្លាយជា Miss Preteen Junior Idol World 2024 មកថ្មីៗនេះ ល្អហួស បានបង្ហាញថានាងកំពុងតែថត MV ថ្មីជាមួយតារាចម្រៀង សុវត្ថិ មុន្នីវណ្ណ ម្តងទៀត ខណៈក៏មានការបង្ហោះពីសកម្មភាពក្រៅឆាកអ្នកទាំងពីរកំពុងថត MV ផងដែរ។

ប៉ះគ្នាជាលើកទី២ រវាង ល្អហួស និង មុន្នីវណ្ណ អ្នកគាំទ្រខ្លះក៏បង្ហាញការព្រួយបារម្ភទៅកាន់ យុវតីរូបនេះដូចគ្នាខ្លាចមានបញ្ហាចម្រូងចម្រាសដូចកាលពីលើកមុន ខណៈអ្នកខ្លះនៅបង្ហាញការស្រលាញ់ដោយសរសើរថាគូនេះដើរតួជាមួយគ្នាគឺស័ក្តិសមតែម្តង៕

អ្នកនាង សេង សុខឃីម អតីតគូស្នេហ៍តារាចម្រៀង នាយ ចឺម បានបង្ហើបពីមូលហេតុបែកបាក់ស្នេហាចំនួន៣ដងមានទាំងកត្តាស្វាមីយកមិត្តភក្តិធំជាងប្រពន្ធកូន បញ្ហាគ្រួសារទាំងសងខាងមិនចុះសម្រុងគ្នា និងដៃគូក្បត់ចិត្ត។ បរាជ័យទាំង៣លើកនេះអ្នកមេម៉ាយរូបនេះថារូបនាងបាក់ស្បាតលែងចង់មានស្នេហាទៀតហើយ។

វីដេអូនៅលើបណ្តាញសង្គមទិកតុក សេង សុខឃីម បាននិយាយថាជីវិតខ្លួនមានភាពស្មុគស្មាញឆ្លងកាត់ការលែងលះ បែកបាក់គូស្នេហ៍ម្តងជាពីរដងមិនសមប្រាថ្នាដូចជាអ្នកមួយចំនួន។ នាងបាននិយាយថាជីវិតរបស់ខ្លួនស្មុគស្មាញបែបនេះដោយសារតែជ្រើសការរៀបការលឿនពេក នៅវ័យក្មេងមិនទាន់រៀបចំអនាគតច្បាស់លាស់ រៀបការដើម្បីចងមនុស្សដែលខ្លួនស្រលាញ់ទុកខ្លាចមិនបានរៀបការហើយបែកគ្នា។

ជាមួយគ្នានេះដែរ ស្រីស្អាត សេង សុខឃីម ថាមានស្នេហា៣លើកធ្វើឱ្យនាងរាងចាលបាក់ស្បាតក្នុងជីវិតនាង។ លើកទី១នាងបានរៀបការនិងបានបង្កើតបានកូនប្រុសម្នាក់។ សុខឃីម បានរៀបរាប់ពីចំណុចល្អរបស់អតីតស្វាមីថាគាត់ជាស្រលាញ់នាង ល្អជាមួយខ្លួន មានភាពចាស់ទុំ ប៉ុន្តែអតីតស្វាមីរបស់ខ្លួននៅសប្បាយ ចេះគិតពីអនាគតចេះគិតប្រពន្ធកូន ប៉ុន្តែសប្បាយខ្លាំងពេកយកមិត្តភក្តិធំខ្លាំងពេក។ ចំណុចនេះហើយធ្វើឱ្យនាងមិនអាចទទួលយកបានទើបឈានដល់ការលែងលះគ្នា។

ចំពោះចំណងស្នេហ៍ជាមួយ នាយចឺម ស្រីស្អាត សេង សុខឃីម ថាតារាចម្រៀងរូបនេះល្អជាមួយខ្លួនណាស់ ស្រលាញ់នាង មិនដែលក្បត់នាងនោះទេ ទាំងពីរស្រលាញ់គ្នា ប៉ុន្តែអ្វីដែលធ្វើឱ្យពួកគេបែកគ្នានាងគិតថា គ្រួសារទាំងសងខាងមិនសូវចុះសម្រុះគ្នា។ ការបែកគ្នាជាមួយនាយ ចឺម សេង សុខឃីម ថាជាការបែកគ្នាដោយសន្តិវិធីមិនមែនបែកគ្នាដោយសារតែភាពផិតក្បត់ឡើយព្រមទាំងទទួលស្គាល់ការពិតថាក្នុងចំណោមគូស្នេហ៍ រូបនាងគិតថា នាយ ចឺម ស្រលាញ់នាងជាងគេហើយ នាយ ចឺម ជាមនុស្សម្នាក់ដែលស្តាប់ឪពុកម្តាយ។

ចំពោះអ្នកទី៣ សេង សុខឃីម ថាជាមនុស្សម្នាក់ដែលខុសពីនាងឆ្ងាយបែបលក្ខណៈដូចនាងជាថៅកែ និងកូនចៅ ជាមនុស្សម្នាក់ដែលគ្មានអ្វីគ្រប់យ៉ាងតែនាងពេញចិត្តសុខចិត្តរកស៊ីជាមួយគ្នា តស៊ូជាមួយគ្នាមិនដែលគិតថាស្តាយក្រោយនោះទេ។ ប៉ុន្តែនៅពេលនាងឱ្យតម្លៃមនុស្សម្នាក់ហ្នឹងពេក លើកមនុស្សម្នាក់ហ្នឹងពេកលែងឃើញតម្លៃរបស់យើង មើលថែគេរហូតលែងមើលថែខ្លួនឯងឈានដល់ធ្វើឱ្យជីវិតខ្លួនលែងមានភាពស្រស់ស្អាត។ អ្វីដែលធ្វើឱ្យនាងឆ្អែតចិត្តបំផុតគឺបុរសនោះបានក្បត់ចិត្តនាង ហើយអ្នកទី៣នេះជាមនុស្សម្នាក់ដែលធ្វើឱ្យនាងអស់សង្ឃឹមបំផុត៕