“ព្រាប” គឺជាសត្វស្លាបដែលតែងបង្ហាញខ្លួននៅផ្លូវសារធារណៈ ព្រោះវាជាសត្វមិនខ្លាចមនុស្ស ហើយវាចូលចិត្តហោះហើរឬប្រមូលផ្តុំគ្នានៅក្នុងទីក្រុងជាជាងរស់នៅក្នុងធម្មជាតិ។ ព្រាបតែងជាសត្វដ៏គួរឱ្យស្រឡាញ់ ទោះជាយ៉ាងណាអ្នកមិនគួរទៅប៉ះពាល់ឬចាប់សត្វនេះបានឡើយ ព្រោះសត្វប្រភេទនេះផ្ទុកមេរោគច្រើនជាងអ្វីដែលអ្នកគិតទៅទៀត។

សត្វព្រាបដែលចុះមកប្រជ្រៀតគ្នាក្នុងសហគមន៍តែងតែបញ្ចេញចោល បង្កភាពកខ្វក់ពាសពេញតំបន់ ហើយវានឹងធ្វើឱ្យតំណក់មេរោគសាយភាយទៅគ្រប់ទីកន្លែង ដូច្នេះសត្វព្រាបគឺជាការគំរាមកំហែងដោយស្ងៀមស្ងាត់ដែលអាចធ្វើឱ្យយើងធ្លាក់ខ្លួនឈឺ និងស្លាប់ដោយមិនដឹងខ្លួន។ យោងតាមអ្នកស្រាវជ្រាវគេបានរកឃើញថា សត្វព្រាបគឺជាអ្នកផ្ទុកជំងឺជាច្រើន ហើយមេរោគដែលមកពីសត្វនេះ អាចបង្កជាជំងឺគ្រោះថ្នាក់ដល់មនុស្សដូចជា៖

១.រលាកស្រោមខួរ៖ វាគឺជាជំងឺដែលបណ្តាលមកពីការឆ្លង ដែលអាចជាមេរោគ បាក់តេរី ឬផ្សិតនៅក្នុងភ្នាស ដែលព័ទ្ធជុំវិញខួរក្បាល និងខួរឆ្អឹងខ្នងធ្វើឱ្យតំបន់នោះរលាក។ ការឆ្លងអាចកើតឡើងពីបរិយាកាសដែលមិនល្អ ឬវាអាចបណ្តាលមកពីការទទួលប៉ារ៉ាស៊ីតដែលមកពីអាហារមិនស្អាត រួមទាំងពីការប៉ះដំណក់ទឹកព្រាប។ ដំណក់ទឹកព្រាបជាកត្តាមួយដែលអាចបង្កឱ្យមានជំងឺរលាកស្រោមខួរទាំងកុមារ និងមនុស្សពេញវ័យរហូតដល់ទៅ ៩.៩% ដែលអាចបណ្តាលឱ្យស្លាប់ ។

២.ជំងឺគ្រុនផ្តាសាយបក្សី៖ ជំងឺគ្រុនផ្តាសាយបក្សីគឺបណ្តាលមកពីវីរុសគ្រុនផ្តាសាយមួយប្រភេទ ដែលបង្កឡើងដោយមេរោគគ្រុនផ្តាសាយធំ អាចចែកចេញជា ៣ ប្រភេទគឺ ប្រភេទ A, B និង C ។ ជំងឺគ្រុនផ្តាសាយបក្សីស្ថិតក្នុងប្រភេទ A មានរោគសញ្ញា និងភាពធ្ងន់ធ្ងរជាងគេ ជំងឺនេះអាស្រ័យទៅលើប្រភេទមេរោគ និងប្រភេទសត្វបក្សីដែលឆ្លង។ ជម្ងឺគ្រុនផ្តាសាយបក្សីជាធម្មតាជាជម្ងឺឆ្លងរវាងសត្វបក្សី ហើយមិនឆ្លងដល់មនុស្សទេ ទោះយ៉ាងណាក៏ដោយ ប្រភេទខ្លះក៏អាចឆ្លងដល់មនុស្សដែរ។

នៅពេលមនុស្សប៉ះបក្សីឈឺ ដូចជាដំណក់ទឹក ទឹករំអិល ទឹកមាត់ ឬពីការប៉ះពាល់នឹងបរិស្ថានដែលមានមេរោគពីបក្សីឈឺ។ ជារឿយៗអ្នកជំងឺនឹងមានរោគសញ្ញាជាចម្បងទាក់ទងនឹងប្រព័ន្ធផ្លូវដង្ហើម នេះស្រដៀងទៅនឹងរោគសញ្ញានៃជំងឺផ្តាសាយដែរគឺ គ្រុនក្តៅលើសពី ៣៨ អង្សាសេ ញាក់ ឈឺក្បាល ឈឺសាច់ដុំ អស់កម្លាំង ឈឺពោះ រាគ ក្អួត ស្លេស្ម ឈឺបំពង់ក ក្អក និងហត់នឿយពីជំងឺរលាកសួត។ ប្រសិនបើមានផលវិបាក រោគសញ្ញាអាចធ្ងន់ធ្ងរដូចជាជំងឺរលាកសួត និងជំងឺផ្លូវដង្ហើម ជាពិសេសចំពោះកុមារ និងមនុស្សចាស់សូមទៅមន្ទីពេទ្យភ្លាមៗពេលមានរោគសញ្ញាទាំងនេះ។

៣.រលាកសួត៖ ជំងឺរលាកសួតកើតឡើងដោយសារការឆ្លងមេរោគ មិនថាវាជាមេរោគអ្វីទេ។ ការឆ្លងមេរោគកើតឡើងនៅពេលដែលយើងដកដង្ហើម និងស្រូបមេរោគទាំងនេះចូលទៅក្នុងសួត។ វាអាចបណ្តាលឱ្យរលាកសួត ជាពិសេសផ្សិត Cryptococcus Neoformans ពីការចាប់សត្វព្រាប។ វាចាប់ផ្ដើមដោយការឆ្លងមេរោគក្នុងសួត ហើយបន្ទាប់មកអាចនឹងរាលដាលបន្តិចម្ដងៗទៅផ្នែកផ្សេងទៀតនៃរាងកាយ ដែលជំងឺរលាកសួតប្រភេទនេះគឺមានគ្រោះថ្នាក់ខ្លាំងណាស់។ ប្រសិនបើមានការឆ្លងមេរោគនៅក្នុងចរន្តឈាម អ្នកជំងឺអាចស្លាប់ លើសពីនេះសត្វព្រាបក៏មានបាក់តេរីមួយប្រភេទដែលហៅថា Chlamydia pneumoniae ដែលអាចបណ្តាលឱ្យមានជំងឺរលាកសួតធ្ងន់ធ្ងរផងដែរ៕

ប្រទេសចិន ៖ មនុស្សភាគច្រើនធ្លាប់បានឃើញសណ្ឋាគារស្អាត និងប្លែកៗនៅលើពិភពលោក ប៉ុន្តែបើឃើញសណ្ឋាគារមួយកន្លែងនៅប្រទេសចិនវិញ ពួកគេនឹងភ្ញាក់ផ្អើលខ្លាំងជាមិនខាន ។ សណ្ឋាគារនេះបានសាងសង់ឡើងក្នុងទីក្រុងមួយដែលមានធម្មជាតិពណ៌បៃតង ខណៈភ្ញៀវមកស្នាក់នៅក្នុងសណ្ឋាគារជក់ចិត្តដិតអារម្មណ៍ចង់មកម្តងហើយម្តងទៀត ។

សណ្ឋាគារនេះឈ្មោះ «Grand Tree» នៅទីក្រុង Sanya ប្រទេសចិន និងស្ថិតក្នុងចំណោមសណ្ឋាគារស្អាតគួរឱ្យចាប់អារម្មណ៍ និងប្លែកបំផុតនៅប្រទេសចិន ។ វាជាសណ្ឋាគារលំដាប់ផ្កាយ៧ ហើយគេបានស្គាល់ឈ្មោះសណ្ឋាគារនេះជាផ្លូវការថា «Beauty Crown Hotel Complex» ។

សណ្ឋាគារនេះមានឈ្មោះល្បីល្បាញនៅប្រទេសចិន និងពិភពលោក ដោយសារវាមានរូបរាងដូចដើមឈើ ថែមទាំងមើលឃើញដើម និងមែកឈើយ៉ាងច្បាស់ទៀតផង ។ សណ្ឋាគារមានអគារសរុបចំនួន៩ ដែលបានសាងសង់នៅក្បែរៗគ្នា និងសុទ្ធតែមានរូបរាងដូចដើមឈើទាំងអស់ ។

ភ្ញៀវទេសចរដែលបានធ្វើដំណើរមកដល់សណ្ឋាគារនេះហើយនិយាយថា សណ្ឋាគារនេះបានកើតឡើងដោយសារការរចនាម៉ូដ និងការព្យាយាមខ្លាំងបំផុតរបស់ប្រទេសចិន ។ រីឯភ្ញៀវទេសចរខ្លះទៀតមិនឯកភាពទេ ហើយសួរថា តើសណ្ឋាគារនេះមានមន្តស្នេហ៍ទាក់ទាញភ្ញៀវទេសចរត្រង់ណា ។

បើទោះជាភ្ញៀវទេសចរមានមតិខុសៗគ្នាពាក់ព័ន្ធនឹងសណ្ឋាគារ Grand Tree ក្តី ប៉ុន្តែសណ្ឋាគារនេះបានទទួលជោគជ័យយ៉ាងខ្លាំង និងក្លាយជាសណ្ឋាគារទទួលបានការពេញនិយមច្រើនបំផុតនៅប្រទេសចិន ។ ជារៀងរាល់ឆ្នាំ មានភ្ញៀវរាប់ពាន់នាក់មកសម្រាកនៅទីនេះ ដើម្បីទទួលយកភាពស្រស់ស្រាយសប្បាយអារម្មណ៍ ។

លើសពីនេះ សណ្ឋាគារ Grand Tree ក៏បានបំបែកកំណត់ត្រាផងដែរ ដោយសារវាមានបន្ទប់សរុបជិត៧.០០០បន្ទប់ ។ រីឯបរិវេណនៅផ្នែកខាងក្រោមសណ្ឋាគារវិញ គឺពោរពេញទៅដោយហាងលក់ទំនិញ, រោងភាពយន្ត, ហាងកាហ្វេ និងភោជនីយដ្ឋានជាច្រើនកន្លែងទៀត ។

តាំងពីឆ្នាំ២០១២ ដែលជាអំឡុងពេលសណ្ឋាគារនេះចាប់ផ្តើមបើកដំណើរការទទួលភ្ញៀវលើកដំបូង គឺសណ្ឋាគារបានទទួលពានរង្វាន់ជាច្រើនសន្ធឹកសន្ធាប់ និងទទួលបានការកោតសរសើរពីសំណាក់មហាជនក្នុងពេលប្រកួតកម្រិតជាតិ និងអន្តរជាតិ ៕

ប្រទេសចិន ៖ មនុស្សភាគច្រើនធ្លាប់បានឃើញសណ្ឋាគារស្អាត និងប្លែកៗនៅលើពិភពលោក ប៉ុន្តែបើឃើញសណ្ឋាគារមួយកន្លែងនៅប្រទេសចិនវិញ ពួកគេនឹងភ្ញាក់ផ្អើលខ្លាំងជាមិនខាន ។ សណ្ឋាគារនេះបានសាងសង់ឡើងក្នុងទីក្រុងមួយដែលមានធម្មជាតិពណ៌បៃតង ខណៈភ្ញៀវមកស្នាក់នៅក្នុងសណ្ឋាគារជក់ចិត្តដិតអារម្មណ៍ចង់មកម្តងហើយម្តងទៀត ។

សណ្ឋាគារនេះឈ្មោះ «Grand Tree» នៅទីក្រុង Sanya ប្រទេសចិន និងស្ថិតក្នុងចំណោមសណ្ឋាគារស្អាតគួរឱ្យចាប់អារម្មណ៍ និងប្លែកបំផុតនៅប្រទេសចិន ។ វាជាសណ្ឋាគារលំដាប់ផ្កាយ៧ ហើយគេបានស្គាល់ឈ្មោះសណ្ឋាគារនេះជាផ្លូវការថា «Beauty Crown Hotel Complex» ។

សណ្ឋាគារនេះមានឈ្មោះល្បីល្បាញនៅប្រទេសចិន និងពិភពលោក ដោយសារវាមានរូបរាងដូចដើមឈើ ថែមទាំងមើលឃើញដើម និងមែកឈើយ៉ាងច្បាស់ទៀតផង ។ សណ្ឋាគារមានអគារសរុបចំនួន៩ ដែលបានសាងសង់នៅក្បែរៗគ្នា និងសុទ្ធតែមានរូបរាងដូចដើមឈើទាំងអស់ ។

ភ្ញៀវទេសចរដែលបានធ្វើដំណើរមកដល់សណ្ឋាគារនេះហើយនិយាយថា សណ្ឋាគារនេះបានកើតឡើងដោយសារការរចនាម៉ូដ និងការព្យាយាមខ្លាំងបំផុតរបស់ប្រទេសចិន ។ រីឯភ្ញៀវទេសចរខ្លះទៀតមិនឯកភាពទេ ហើយសួរថា តើសណ្ឋាគារនេះមានមន្តស្នេហ៍ទាក់ទាញភ្ញៀវទេសចរត្រង់ណា ។

បើទោះជាភ្ញៀវទេសចរមានមតិខុសៗគ្នាពាក់ព័ន្ធនឹងសណ្ឋាគារ Grand Tree ក្តី ប៉ុន្តែសណ្ឋាគារនេះបានទទួលជោគជ័យយ៉ាងខ្លាំង និងក្លាយជាសណ្ឋាគារទទួលបានការពេញនិយមច្រើនបំផុតនៅប្រទេសចិន ។ ជារៀងរាល់ឆ្នាំ មានភ្ញៀវរាប់ពាន់នាក់មកសម្រាកនៅទីនេះ ដើម្បីទទួលយកភាពស្រស់ស្រាយសប្បាយអារម្មណ៍ ។

លើសពីនេះ សណ្ឋាគារ Grand Tree ក៏បានបំបែកកំណត់ត្រាផងដែរ ដោយសារវាមានបន្ទប់សរុបជិត៧.០០០បន្ទប់ ។ រីឯបរិវេណនៅផ្នែកខាងក្រោមសណ្ឋាគារវិញ គឺពោរពេញទៅដោយហាងលក់ទំនិញ, រោងភាពយន្ត, ហាងកាហ្វេ និងភោជនីយដ្ឋានជាច្រើនកន្លែងទៀត ។

តាំងពីឆ្នាំ២០១២ ដែលជាអំឡុងពេលសណ្ឋាគារនេះចាប់ផ្តើមបើកដំណើរការទទួលភ្ញៀវលើកដំបូង គឺសណ្ឋាគារបានទទួលពានរង្វាន់ជាច្រើនសន្ធឹកសន្ធាប់ និងទទួលបានការកោតសរសើរពីសំណាក់មហាជនក្នុងពេលប្រកួតកម្រិតជាតិ និងអន្តរជាតិ ៕

វ៉ាក់សាំងការពារជំងឺកូវីដ-១៩ អាចជាកត្តាមួយបណ្តាលឱ្យមនុស្សស្លាប់យ៉ាងច្រើនក្នុងរយៈពេល៣ឆ្នាំកន្លងមកនេះ ដែលពុំធ្លាប់កើតឡើងនៅអាមេរិក និងបណ្តាប្រទេសលោកខាងលិច គិតចាប់ពីជំងឺកូវីដឆ្លងរាតត្បាតនៅទូទាំងពិភពលោក ។ នេះបើតាមការចុះផ្សាយរបស់សារព័ត៌មាន New York Post ដែលផ្អែកតាមលទ្ធផលការស្រាវជ្រាវថ្មី ។

លទ្ធផលការវិភាគទិន្នន័យមនុស្សស្លាប់នៅបណ្តាប្រទេសលោកខាងលិចចំនួន៤៧ប្រទេស ដែលធ្វើដោយក្រុមអ្នកវិទ្យាសាស្ត្រមកពីសាកលវិទ្យាល័យ Vrije របស់ប្រទេសហូឡង់បង្ហាញថា ពលរដ្ឋរស់នៅប្រទេសលោកខាងលិចនៅតែស្លាប់ក្នុងកម្រិតខ្ពស់តាំងពីឆ្នាំ២០២០ បើទោះជាមានការចែកចាយវ៉ាក់សាំងយ៉ាងទូលំទូលាយ និងមានវិធានការការពារក្តី ។

ក្រុមអ្នកស្រាវជ្រាវនិយាយថា ចំនួនមនុស្សស្លាប់កើនឡើងជាបន្តបន្ទាប់បានធ្វើឱ្យពិភពលោកបារម្ភយ៉ាងខ្លាំង ហើយពួកគេអំពាវនាវឱ្យមេដឹកនាំរដ្ឋាភិបាល និងសមាជិករដ្ឋសភាទាំងអស់ស៊ើបអង្កេតយ៉ាងលម្អិតអំពីមូលហេតុនៃការស្លាប់កើនឡើង។ នេះបើតាមលទ្ធផលស្រាវជ្រាវដែលផ្សព្វផ្សាយក្នុងទស្សនាដ្តី BMJ Public Health ។

បើតាមមជ្ឈមណ្ឌលចាត់ចំណាត់ថ្នាក់សាកលវិទ្យាល័យពិភពលោក បញ្ជាក់ថា សាកលវិទ្យាល័យ Vrije ស្ថិតក្នុងលំដាប់ទី១៥០ ក្នុងចំណោមសាកលវិទ្យាល័យជាង២ម៉ឺននៅទូទាំងពិភពលោក។ បើទោះជាវ៉ាក់សាំងកូវីដបានជួយការពារមនុស្សលើពិភពលោក កុំឱ្យឈឺថ្កាត់ និងស្លាប់ដោយសារជំងឺកូវីដក្តី ប៉ុន្តែក៏មានភស្តុតាងពាក់ព័ន្ធនឹងការស្លាប់គ្មានមូលហេតុផងដែរ ។

របាយការណ៍របស់អ្នកស្រាវជ្រាវបញ្ជាក់ថា អ្នកជំនាញវេជ្ជសាស្ត្រ និងមនុស្សទូទៅបានរងរបួសធ្ងន់ធ្ងរ និងស្លាប់ជាបន្តបន្ទាប់ ក្រោយពេលពួកគេចាក់វ៉ាក់សាំងកូវីដរួច ។ ក្នុងអំឡុងពេលជំងឺកូវីដឆ្លងរាតត្បាតខ្លាំង អ្នកនយោបាយ និងប្រព័ន្ធផ្សព្វផ្សាយនានាបញ្ជាក់ថា ការស្លាប់ដោយសារជំងឺនេះជារឿងសំខាន់ ហើយមនុស្សគ្រប់គ្នាគួរតែទទួលបានការការពារតាមវិធានការទប់ស្កាត់ការឆ្លងទាំងឡាយ ។ ហេតុនេះ បច្ចុប្បន្ន ប្រទេសនានាគួរផ្តល់ភាពសំខាន់លើការស្លាប់របស់ពលរដ្ឋដូចគ្នាដែរ ។

លទ្ធផលការស្រាវជ្រាវបង្ហាញថា ចាប់ពីឆ្នាំ២០២០ រហូតដល់ឆ្នាំ២០២៤ មានមនុស្សស្លាប់រហូតដល់ជាង៣លាននាក់ នៅអាមេរិក, អឺរ៉ុប និងអូស្ត្រាលី ក្នុងនោះមនុស្ស១លាននាក់បានស្លាប់នៅឆ្នាំ២០២០ ជាអំឡុងពេលជំងឺកូវីដឆ្លងរាតត្បាតខ្លាំង ។ ចំនួនអ្នកស្លាប់នៅប្រទេសទាំងនេះនៅតែកើនឡើងខ្ពស់ជាបន្តបន្ទាប់ក្នុងអំឡុងឆ្នាំក្រោយៗ ហើយមនុស្សចំនួន១លាន២សែននាក់បានស្លាប់នៅឆ្នាំ២០២១ និង៨០ម៉ឺននាក់បានស្លាប់នៅឆ្នាំ២០២២ ។

ដោយឡែក ទិន្នន័យរបស់មជ្ឈមណ្ឌលគ្រប់គ្រង និងបង្ការជំងឺអាមេរិកបង្ហាញថា ពលរដ្ឋអាមេរិកស្មើជាង១លាន១សែននាក់ បានស្លាប់ដោយសារជំងឺកូវីដ តាំងពីជំងឺនេះឆ្លងរាតត្បាតខ្លាំងលើពិភពលោក ៕

ប្រទេសវៀតណាម ៖ នៅដើមខែមិថុនា ឆ្នាំ២០២៤ សារព័ត៌មានវៀតណាមឈ្មោះ Vietnam News Agency រាយការណ៍ថា ចំនួនការនាំចេញទុរេនវៀតណាមសរុបក្នុងរយៈពេល៤ខែដំបូងឆ្នាំ២០២៤ ស្មើទឹកប្រាក់៤៧០លានដុល្លារអាមេរិក និងខ្ពស់ជាងរយៈពេលដូចគ្នាក្នុងឆ្នាំ២០២៣ កើនឡើង១៤៦% បើប្រៀបធៀបប្រចាំឆ្នាំ ។

ប្រទេសចិនបាននាំចូលទុរេនវៀតណាមច្រើនជាងគេក្នុងរយៈពេល៤ខែដំបូង ស្មើទឹកប្រាក់៤៣២លានដុល្លារអាមេរិក ឬស្មើ៩២% នៃចំនួនការនាំចេញសរុប ។ រីឯថៃនាំចូលទុរេនវៀតណាមស្ថិតក្នុងលំដាប់ទី២ ក្នុងរយៈពេល៤ខែដំបូង ស្មើទឹកប្រាក់២២លាន៥សែនដុល្លារអាមេរិក (ឬស្មើប្រមាណ៨២៣លានបាត) កើនឡើង៨២% បើធៀបនឹងឆ្នាំ២០២៣ ។

Dang Phuc Nguyen អគ្គលេខាធិការសមាគមបន្លែ និងផ្លែឈើវៀតណាម បានពន្យល់ពីមូលហេតុដែលប្រទេសថៃនាំចូលទុរេនវៀតណាមរយៈពេល៤ខែដំបូងឆ្នាំ២០២៤ កើនឡើងជិតទ្វេដង បើធៀបនឹងចុងឆ្នាំ២០២៣ គឺបណ្តាលមកពីថៃជួបគ្រោះរាំងស្ងួត ។ ដូច្នេះ ធ្វើឱ្យបរិមាណទុរេនថៃធ្លាក់ចុះ បើទោះជាថៃជាប្រទេសនាំចេញទុរេននាំមុខគេក្តី ប៉ុន្តែថៃត្រូវទិញទុរេនវៀតណាមដើម្បីបំពេញតម្រូវការក្នុងស្រុក និងភ្ញៀវទេសចរ ។

រីឯនាយកក្រុមហ៊ុន Vinafruit ឈ្មោះ Nguyen Thanh Binh លើកឡើងថា ៖ «ចិនបាននាំចូលទុរេនស្រស់ច្រើនបំផុតពីវៀតណាម ប៉ុន្តែថៃនាំចូលទុរេនក្លាសេច្រើនបំផុតពីវៀតណាមដូចគ្នាដែរ» ។ ទុរេនក្លាសេដែលថៃនាំចូលភាគច្រើន ថៃនឹងលក់បន្តទៅប្រទេសទី៣ ភាគច្រើនលក់ឱ្យចិន ដោយសារវៀតណាមពុំអាចនាំចេញទុរេនក្លាសេដោយផ្ទាល់ទៅចិនបានទេ ។

ចំណែកហុងកុងបាននាំចូលទុរេនវៀតណាម ស្ថិតក្នុងលំដាប់ទី៣ ចាប់ពីខែមករា ដល់ខែមេសា ឆ្នាំ២០២៤ ស្មើទឹកប្រាក់៣លាន៦សែនដុល្លារអាមេរិក ។ ហេតុនេះ សហគមន៍អាជីវកម្មវៀតណាមសង្ឃឹមថា នឹងមានកិច្ចព្រមព្រៀងបឋមរវាងវៀតណាម និងចិន ដើម្បីកែលម្អការនាំចេញ និងជាប្រយោជន៍ដល់កសិករ ក៏ដូចជាអតិថិជនផងដែរ ។

សារព័ត៌មាន The Nation បានចុះផ្សាយពីការលើកឡើងរបស់លោក Atth Phisanwanich អ្នកជំនាញសេដ្ឋកិច្ចអន្តរជាតិ និងជាទីប្រឹក្សាក្រុមហ៊ុន Intelligent Research Consultancy ថា ៖ «អាកាសធាតុមិនអំណោយផលបានធ្វើឱ្យការដាំទុរេននៅថៃ ធ្លាក់ចុះ៤២% ឬស្មើប្រមាណ៥៤ម៉ឺនតោន» ៕

ប្រទេសដាណឺម៉ាក ៖ សារព័ត៌មាន KBN នឹងនាំអារម្មណ៍លោកអ្នកមកទស្សនាភាពស្រស់ស្អាតរបស់ភូមិមួយនៅប្រទេសដាណឺម៉ាក ដែលភូមិនេះបានរចនាម៉ូដឡើងដើម្បីបង្ហាញនូវអត្តសញ្ញាណ និងមានភាពខុសប្លែកពីភូមិផ្សេង ។ បើគេថតរូបភាពភូមិនេះពីផ្នែកខាងលើ វានឹងកាន់តែបង្ហាញទិដ្ឋភាពស្រស់ស្អាតខ្លាំងឡើង ហើយធ្វើឱ្យអ្នកបានឃើញភូមិនេះហើយចង់ទៅរស់នៅគ្រប់ៗគ្នា ។

Brondby Haveby គឺជាឈ្មោះភូមិមួយមានរាងជារង្វង់មូលយ៉ាងស្រស់ស្អាត ប្លែកភ្នែក ឬស្រដៀងគ្នានឹងភីសាដ៏ធំ ដែលបែងចែងជាចំណិតៗមានលំនៅឋានក្នុងនោះ ។ ភូមិនេះមានទំហំមិនធំប៉ុន្មាន ស្ថិតនៅទីក្រុង Brondby ប្រទេសដាណឺម៉ាក និងមានពលរដ្ឋរស់នៅជាង៣៥.០០០នាក់ ។

ភូមិរង្វង់មូលនេះបានរចនាឡើងដោយលោក Erik Mygind ដោយសារលោកបានទទួលគំនិតពីកម្មវិធីមួយឈ្មោះ «Runde Haver» ជារបស់ Carl Theodor Sorensen ដែលជាស្ថាបនិកដ៏អស្ចារ្យនៅដាណឺម៉ាក ។ ការរចនាម៉ូដបែបនេះ គឺដើម្បីឱ្យអ្នករស់នៅភូមិនេះមានឱកាសទទួលបានភាពស្ងប់ស្ងាត់ មិនរញ៉េរញ៉ៃ និងរស់នៅតាមបែបធម្មជាតិប្រកបដោយបរិយាកាសបរិសុទ្ធ ។

ភាពលេចធ្លោរបស់ភូមិ Brondby Haveby គឺវាមានរាងជារង្វង់មូលនៅជិតៗគ្នា និងមានផ្លូវតភ្ជាប់ពីរង្វង់មួយទៅរង្វង់មួយទៀត ។ ការរចនាម៉ូដបែបនេះធ្វើឱ្យពលរដ្ឋរស់នៅក្នុងលំនៅឋាននីមួយៗមានទីធ្លាធំទូលាយ និងស្រឡះល្អ ។ លើសពីនេះ ក្នុងភូមិក៏មានទីធ្លារួមសម្រាប់ឱ្យអ្នកភូមិជួបជុំជជែកគ្នា ឬធ្វើការងារអ្វីមួយរួមគ្នាផងដែរ ។

ក្រៅពីនេះ លំនៅឋានទាំងអស់សុទ្ធតែមានរបងដើមឈើពណ៌បៃតង និងមានសួនច្បារនៅខាងមុខសម្រាប់ធ្វើការងារផ្សេងៗ ។ ការរស់នៅក្នុងភូមិនេះងាយស្រួលយ៉ាងខ្លាំងសម្រាប់អ្នកស្រឡាញ់បរិស្ថាន ដោយសារគ្មានសំឡេងរំខាន ។ កាលពីឆ្នាំ១៩៦៤ អាជ្ញាធរទីក្រុង Brondby បានឯកភាពឱ្យបង្កើតទីក្រុងសួនច្បារ (Garden City) ហើយគម្រោង Brondby Garden City ក៏បានបង្ហាញរូបរាងឡើង ។

ទោះយ៉ាងណា មានច្បាប់ហាមឃាត់មួយ គឺពលរដ្ឋមិនអាចរស់នៅទីនេះជាអចិន្ត្រៃយ៍ទេ ព្រោះភូមិនេះសម្រាប់ឱ្យពលរដ្ឋទីក្រុងមកធ្វើកសិកម្មនៅទិទាឃរដូវ និងរដូវក្តៅ ។ រីឯអ្នកជួលលំនៅឋានអាចចូលស្នាក់នៅ ចាប់ពីថ្ងៃទី១ ខែមេសា រហូតដល់ថ្ងៃទី១ ខែតុលា ជារៀងរាល់ឆ្នាំ ព្រមទាំងថ្ងៃឈប់សម្រាកចុងសប្តាហ៍ ៕

បរទេស៖ Cristiano Ronaldo បានបំបែកកំណត់ត្រាពិភពលោកជាមួយនឹងការចូលខំមិនរូបភាពរបស់ Kylian Mbappe ដោយការខំមិននេះមានអ្នកចូល Like ច្រើនជាងធម្មតា ពោលគឺរហូតដល់ជាង ៥ លាននាក់ឯណោះ ខណៈចំនួននេះគឺមិនធ្លាប់មានពីមុនឡើយ។

យោងតាម Sportbible នៅពេលដែលកីឡាករ Kylian Mbappe បានផ្លាស់ប្តូរទៅកាន់ក្លឹបបាល់ទាត់ក្នុងក្តីស្រមៃរបស់លោកគឺ Real Madrid ក្នុងប៉ុន្មានថ្ងៃថ្មីៗនេះ។ លោកក៏បានបង្ហោះរូបភាពខ្លួនពាក់អាវ Real Madrid កាលពីនៅក្មេងជាមួយ Idol ខ្លួនគឺ Ronaldo នៅលើ Instagram របស់លោក អមដោយសំណេរយ៉ាងវែងថា “សុបិន្តក្លាយជាការពិត” រីករាយ និងមោទនៈភាពណាស់ដែលខ្ញុំបានក្លាយជាកីឡាកររបស់ Real Madrid វាជាផ្នែកមួយនៃក្តីស្រមៃរបស់ខ្ញុំ វាមិនអាចទៅរួចទេក្នុងការពន្យល់ពីអារម្មណ៍រីករាយ និងរំភើបនៅពេលនេះ។ ខ្ញុំមិនអាចរង់ចាំជួបអ្នក Madridistas ហើយសូមអរគុណចំពោះការគាំទ្រដ៏អស្ចារ្យរបស់អ្នក។

ភ្លាមនោះ Ronaldo ដែលជាអតីតវិរបុរសរបស់ក្លឹបនេះក៏បានចូលខំមិនថា “រំភើបណាស់ដែលបានឃើញឈានជើងនៅ Bernabeu…hala Madrid”។ ជុំវិញការខំមិននេះ គឺបានធ្វើឱ្យ Cristiano Ronaldo បំបែកកំណត់ត្រាពិភពលោក ដោយការខំមិននេះមានអ្នកចូល Like ច្រើនជាងធម្មតា ពោលគឺរហូតដល់ជាង ៥ លាននាក់ឯណោះ ខណៈចំនួននេះគឺមិនធ្លាប់មានពីមុនឡើយ។

គួរបញ្ជាក់ដែរថា Mbappe គឺជាអ្នកគាំទ្រដ៏កំពូលម្នាក់របស់ Ronaldo នៅពេលអ្នកទាំងពីរបង្ហាញភាពស្និតស្នាលគ្នានៅក្នុងបណ្តាញសង្គម ធ្វើឱ្យអ្នកគាំទ្រមានការរំភើបជាខ្លាំង។ កាលពីថ្ងៃទី៤ មិថុនា កន្លងទៅ ក្លឹប Real Madrid បានប្រកាសជាផ្លូវការអំពីការចុះកុងត្រាយកខ្សែប្រយុទ្ធឆ្នើម Kylian Mbappe ដោយគ្មានតម្លៃខ្លួន ក្នុងកុងត្រារយៈពេល ៥ ឆ្នាំ ខណៈការមកដល់របស់កីឡាករសញ្ជាតិបារាំងរូបនេះ ត្រូវបានគេរំពឹងថា នឹងធ្វើឱ្យក្រុមអធិរាជសក្លាយជាខ្លាដុះស្លាបតែម្តង៕