អ្នកលេងបណ្តាញសង្គមមានការចាប់អារម្មណ៍យ៉ាងខ្លាំងបន្ទាប់ពីមានគណនីមួយឈ្មោះថា « Makara Official » ដែលជាអ្នកប្រូម៉ូតផលិតផលនិងជាបុគ្គលមានប្រជាប្រិយភាពមួយរូប លើបណ្តាញសង្គមទម្លាយរឿង BA ជាស្រីស្អាតម្នាក់ជំពាក់លុយគេជិត៣ម៉ឺនដុល្លារ។ ម្ចាស់គណនីនេះលើកឡើងថា បើសិនមិនសងលុយគេទេ រឿងនេះមិនបញ្ចប់ឡើយ។ BA រូបនោះក៏បានទម្លាយរឿងលុយតុងទីនដែលកូនៗរត់ចោលត្រូវគេបោកដែរចំនួន២០ម៉ឺនដុល្លារ ខណៈបានអះអាងថារូបគេមិនបានគេចវេសសងនោះទេ គ្រាន់តែសុំពន្យារពេលប៉ុន្តែត្រូវបានគេបង្ហោះរូបទាំងមិនទាន់ដល់ថ្ងៃកំណត់។

ព្រោះតែការទុកចិត្តនិងរាប់អានគ្នាជាមិត្តអ្នកប្រម៉ូតផលិតផលមានគណនីបណ្តាញសង្គម Makara Official បានឱ្យបុគ្គលជា BA ខ្ចីលុយយកទៅប្រើប្រាស់ ប៉ុន្តែមិនបានសងវិញតាមការសន្យា។ អ្នកប្រម៉ូតផលិតខាងលើនេះបានបង្ហោះរូបនិងបិទមុខនារីស្រស់ស្អាតនោះកាលពីល្ងាចថ្ងៃទី៥ មិថុនា ដោយភ្ជាប់មកជាមួយខ្លឹមសារថា « អ្នកឯងបើមិនឆាប់សងលុយខ្ញុំ ខ្ញុំលែងទុកមុខមនុស្សថោកទាប់ដូចអ្នកឯង ទៀតហើយ ខ្ញុំផុសមុខអ្នកឯង ឱ្យគេដឹងថា BA ថោកទាប ដូចអ្នកអ្នកឯង បោកប្រាស់លុយ និងទំនុកចិត្តខ្ញុំ។ ចាប់ពីថ្ងៃនឹងទៅលែងទុកមុខឱ្យហើយនិងផុសរាល់ថ្ងៃឱ្យកប់ក្នុងបាត និងបានបោះសម្តីធ្ងន់ៗថាឱ្យបុគ្គលនោះរលាយដូចអំបិលត្រូវទឹក។ តាមរយៈសំណេរដែលបានបង្ហោះ នារីរូបស្រស់មានឈ្មោះជា BA ជំពាក់លុយអ្នកប្រូម៉ូតផលិតផលរូបនេះជិត៣ម៉ឺនដុល្លារ។

នៅព្រឹកថ្ងៃទី៦ មិថុនា គណនី Makara Official បានបង្ហោះវីដេអូមួយទៀតពីសម្តីឆ្លើយឆ្លងការខ្ចីលុយរបស់ BA ម្នាក់នោះមានឈ្មោះថា «ម៉ី» ដោយបានសុំខ្ចីលុយខ្លួនចំនួន១ម៉ឺនដុល្លារបន្ថែមដើម្បីយកទៅប្រើប្រាស់កាត់ប្លង់និងយកដាក់ធនាគារដើម្បីយកលុយមកសងឱ្យគ្រប់។ វីដេអូដែលបានបង្ហោះនារីដែលមានឈ្មោះថា Mey បានសារភាពនៃការយឺតយ៉ាវក្នុងការសងលុយម្តងហើយម្តងទៀតដោយសារតែក្ស័ណធនតុងទីនត្រូវគេបោក២០ម៉ឺនដុល្លារគេរត់ចោលខ្លួនដូចគ្នា ដោយសន្យាថាមិនគេចវេសនឹងរកមកសងបណ្តើរៗ។

នៅថ្ងៃទី៦ មិថុនា ដដែល នារីជាអ្នកប្រម៉ូតផលិតផលដែលមានឈ្មោះថា Mey ក៏បានចេញមកបង្ហោះដែរថា « ខ្ញុំអស់គ្រប់យ៉ាងមកពីខ្ញុំធ្វើមេ.កុងទីនខ្ញុំមិនចេះធ្វើខ្ញុំចា.ញ់បោ.កគេគេអត់សងខ្ញុំទេ។តែរាល់ថ្ងៃនេះខ្ញុំប្រឹងធ្វើការរកសងបងៗទាំងអស់គ្នា។យកកិត្តិយសទៅធ្វើការដើម្បីរកលុ.យព្រោះខ្ញុំចេះតែសម្ដែងរឿងដើម្បីរកលុ.យ។តែឥឡូវនេះកិត្តិយសខ្ញុំបានបាត់បង់អស់ហើយទាំងលុ.យខ្ញុំរកសងបងៗរាល់ខែ។សុំទោសបងៗម្ចាស់ប្រេនខ្ញុំពិតជាសុំទោស»។ តាមការឱ្យដឹងបុរសជាប្តីរបស់នារីឈ្មោះ ម៉ី ទឹកប្រាក់ចំនួន៣ម៉ឺនគឺលុយតុងទីន ជាង២ម៉ឺននិងខ្ចីថែមចំនួន៣ម៉ឺនដុល្លារនិងបានសងខ្លះហើយនៅសល់ជាង២ម៉ឺនដុល្លារ។
ការបែកធ្លាយរឿងនេះដោយសារតែខែនេះយឺតយ៉ាវក្នុងការបង់ ដោយសុំម្ចាស់បំណុលលើកថ្ងៃ ប៉ុន្តែមិនទាន់ដល់ថ្ងៃផងស្រាប់តែមានការបង្ហោះរូបប្រពន្ធរបស់ខ្លួន ទោះបីជាបិទមុខក៏មានអ្នកដឹងថាជាប្រពន្ធរបស់លោកដែរ៕

ទស្សនិកជនមានការភ្ញាក់ផ្អើលយ៉ាងខ្លាំងបន្ទាប់ពីបុរសម្នាក់ថ្លែងប្រាប់អ្នកសារព័ត៌មានថាតារាចម្រៀង Billy ដែលសហការជាមួយ ព្រីន ចេញបទ «អញ្ជើញចូលចុះបើស្រលាញ់» ផ្ទុះការគាំទ្រកាលពីកន្លងទៅនេះធ្វើស៊ីលោកនិងអតីតគូស្នេហ៍យកម៉ូតូ២គ្រឿងរត់ទៅបាត់ស្រមោលទាក់ទងលែងបាន។ បុរសរូបនេះអះអាងថាជាមិត្តជិតស្និទ្ធរាប់អាននឹងតារាចម្រៀង Billy និងបានទម្លាយតម្លៃម៉ូតូរបស់លោកខ្ទង់២០០០ដុល្លារ។បុរសរូបនេះថាបើសិនជាតារាចម្រៀងរូបនេះយកម៉ូតូសងលោកវិញលោកមិនរករឿងនោះទេ ប៉ុន្តែបើមិនប្រគល់ឱ្យខ្លួនទេនឹងចាត់វិធានការតាមហ្នឹង។

ឈានចូលថ្ងៃទី៦ មិថុនា បុរសម្នាក់ដែលមានឈ្មោះថា ស៊ីឡុង បានរត់អ្នកសារព័ត៌មានជួយផ្សព្វផ្សាយករណីរបស់ខ្លួនត្រូវបានមិត្តភក្តិធ្វើស៊ីយកម៉ូតូទៅដោយបានលើកឡើងថា អ្នកលួចយកម៉ូតូនោះមានឈ្មោះថា ហែល សក្កដា និងមានឈ្មោះក្នុងរង្វង់សិល្បៈមានឈ្មោះថា Billy ។ លោក និង Billy ធ្លាប់រៀនជាមួយគ្នាតាំងពីថ្នាក់ទី១០ បាន១ឆ្នាំ និង៤ឆ្នាំចុងក្រោយមានទំនាក់ទំនងស្និទ្ធស្នាលធ្លាប់ថតវីដេអូ ធ្វើcontent ជាមួយគ្នា។ បុរសរូបនេះអះអាងថាខ្លួនហ៊ានទទួលខុសត្រូវនូវអ្វីដែលបាននិយាយព្រោះវាជាការពិតដែលត្រូវបានតារាចម្រៀងរូបនេះធ្វើស៊ីយកម៉ូតូរបស់ខ្លួនតម្លៃ២ពាន់ដុល្លារ។

បុរសអះអាងថាជាជនរងគ្រោះ បានរៀបរាប់ពីដើមហេតុដំបូងថា Billy បានខលមកខ្លួនមានបំណងចង់ស្នាក់អាស្រ័យ១យប់ដោយសាររើផ្ទះថ្មី ហើយក្រោយមកបានខ្ចីម៉ូតូរបស់ខ្លួនសិនខ្ទង់ម៉ោង៨យប់។ នៅម៉ោង៩យប់លោកបានទាក់ទងទៅ Billy ប៉ុន្តែទាក់ទងលែងបានទាំងតាមទូរសព្ទ និងបណ្តាញសង្គម រហូតបុរសរូបនេះព្យាយាមទាក់ទងបាននិយាយជាមួយគ្នា១ម្តងដោយខ្លីថា រូបគេកំពុងរវល់ ហើយក្រោយមកទៀតគឺទាក់ទងលែងបានទាំងអស់តែម្តង។

បុរសឈ្មោះ ស៊ីឡុង ថាមិនត្រឹមតែម៉ូតូខ្លួនប៉ុណ្ណោះទេ ម៉ូតូអតីតសង្សារ Billy ក៏តារាចម្រៀងរូបនេះយកទៅដូចគ្នា ខណៈលោកបាននិយាយថាតម្លៃម៉ូតូរបស់ខ្លួនគឺ២០០០ដុល្លារ។ ក្នុងនោះលោកក៏បាននិយាយទៀតថា បើសិនជា Billy ព្រមយកម៉ូតូឱ្យខ្លួនវិញមិនរករឿងអ្វីនោះទេ ប៉ុន្តែបើមិនប្រគល់ឱ្យវិញទេ នឹងចាត់វិធានការតាមផ្លូវច្បាប់។ យ៉ាងណាមិញ នេះគ្រាន់តែជាការអះអាងរបស់បុរសរូបនេះប៉ុណ្ណោះ ខណៈតារាចម្រៀង Billy មិនទាន់ចេញមកបញ្ជាក់ទៅលើការចោទប្រកាន់នេះនៅឡើយទេ។

គួរបញ្ជាក់ថា កាលពីកន្លងទៅនេះ ព្រីន បានសហការជាមួយ Billy បានចេញបទចម្រៀងមានចំណងជើងថា«អញ្ជើញចូលចុះបើស្រលាញ់»ដែលកែច្នៃបទពីដើមរបស់តារាចម្រៀងជើងចាស់លោកស្រី សុង សេងហ៊ន មានលាយជាមួយបារ៉ូលចម្រៀងថ្មី និងភ្លេងថ្មីបន្ថែមទៀតធ្វើឱ្យផ្ទុះការគាំទ្រយ៉ាងខ្លាំងរយៈពេល១០ខែ បទនេះទទួលបានការទស្សនា១០លានដង៕

ថ្មីៗនេះ មហាជនហាក់ចាប់អារម្មណ៍និងកោតសរសើរយ៉ាងខ្លាំងទៅលើស្នាដៃគំនូររបស់ក្មេងៗ ថ្នាក់ទី៣ នៃសាលារៀនមួយកន្លែងនៅក្នុងខេត្តបាត់ដំបង ពោរពេញដោយភាពច្នៃប្រឌិតនិងការខិតខំប្រឹងប្រែង ប្រឡងគំនូរលើវិញ្ញាសា «សេះសមុទ្របាញ់ទឹកតំណាងខេត្តកំពត»។

យោងតាមការបង្ហោះនៅលើបណ្តាញសង្គមហ្វេសបុកដោយគេហទំព័រមួយដែលមានឈ្មោះថា «វិទ្យាល័យអេស អូ អេស បាត់ដំបង» គឺបានបង្ហាញរូបថតប្រមាណ ១៧ សន្លឹក ដោយភ្ជាប់មកជាមួយនឹងចំណងជើងថា «គំនូររូបសំណាក់សេះសមុទ្ររបស់កូនៗថ្នាក់ទី៣ក ម្នាក់ៗមានទឹកដៃមិនធម្មតា»។

ជាមួយនឹងការបង្ហាញរូបគំនូររបស់សិស្សានុសិស្សរបស់ពួកគេ គឺថាមានរូបសេះសមុទ្រ គ្រប់បែបគ្រប់សណ្ឋានតែម្តង និងអមដោយការផាត់ពណ៌ស្អាតៗ គួរជាទីទាក់ចិត្ត ត្បិតក៏អស់សំណើចលួចញញឹមនឹងរូបគំនូរពួកគេបន្តិចដែរ។

នេះទំនងជាការប្រឡងប្រចាំខែមិថុនា ដែលលោកគ្រូ/អ្នកគ្រូប្រចាំថ្នាក់ទី៣ នៃសាលាអេស អូ អេស ហែម៉ានម៉ៃន័របាត់ដំបង បានធ្វើការប្រឡងតេស្តសមត្ថភាពសិស្សានុសិស្សរបស់ខ្លួន ទៅលើវិញ្ញាសា«គំនូរសេះសមុទ្រ»។ អំឡុងពេលនោះ គ្រូក៏បានធ្វើការបិទក្រដាសរូបតំណាងសេះសមុទ្រនេះ នៅលើក្តារខៀន ដើម្បីឲ្យក្មេងៗគូរតាម។

យ៉ាងណាមិញ សិស្សានុសិស្សក៏បានបញ្ចេញស្នាដៃព្រៀងព្រាត ដោយបានធ្វើគូររូបនេះនៅលើក្រដាសប្រឡងរបស់ពួកគេគ្រប់ៗគ្នា ដែលបានបង្ហាញពីការយកចិត្តទុកដាក់ ខិតខំប្រឹងប្រែងនិង ព្យាយាមនូវក្នុងការគូររហូតដល់បានសម្រេច បើទោះបីជាលទ្ធផលរូបរាងដែលគ្រោងទុកនោះវាមិនបានដូចបេះបិទ រូបខ្លះក៏ក្រវិចក្រវៀន ប៉ុន្តែនូវតែទទួលបានកោតសរសើរព្រោះតែក្មេងថ្នាក់ទី៣ គូរបានប៉ុណ្ណេះគឺវាប្រសើរបំផុតហើយ៕