ប្រទេសចិន៖ កាហ្វេឡាតេស្លឹកខ្ទឹមដែលជាមីនុយថ្មីបានកំពុងផ្ទុះការចាប់អារម្មណ៍យ៉ាងខ្លាំងនៅក្នុងប្រទេសចិន។
យោងតាមសារព័ត៌មានបរទេសមួួយដែលបានចុះផ្សាយកាលពីថ្ងៃ១០ ខែមិថុនា ឆ្នាំ២០២៤ថា មីនុយកាហ្វេថ្មីនេះបានចាប់ផ្តើមរីករាលដាលយ៉ាងទូលំទូលាយកាលពីខែមុនរហូតមកដល់ពេលនេះ ដោយហាងជាច្រើននៅក្នុងប្រទេសចិនបានកំពុងចាប់ផ្តើមលក់ជាបន្តបន្ទាប់ នៅពេលដែលប្រព័ន្ធផ្សព្វផ្សាយអាស៊ីបានរាយការណ៍អំពីរូបរាង និងរសជាតិដ៏ប្លែករបស់វា។

សារព័ត៌មានមួយចំនួនបានហៅភេសជ្ជៈនេះថាជាការរួមផ្សំដ៏គួរឱ្យភ្ញាក់ផ្អើលបំផុតដែលមិនធ្លាប់បានសាកល្បង។ ជាការពិតណាស់ប្រជាជនចិនភាគច្រើនគឺពួកគេនិយមចូលចិត្តអ្វីដែលថ្មីៗនិងប្លែកៗ ដូច្នេះជនជាតិនេះតែងតែផ្សំគ្រឿងភេសជ្ជៈ ក៏ដូចជា Update មីនុយថ្មីៗជានិច្ចដើម្បីបង្កើតការចាប់អារម្មណ៍ពីភ្ញៀវ។ ហេតុនេះដើម្បីធ្វើ latte ស្លឹកខ្ទឹមដ៏ឈ្ងុយឆ្ងាញ់ ជាដំបូងយើងត្រូវហាន់ស្លឹកខ្ទឹមឱ្យម៉ត់ ហើយដាក់ចូលក្នុងពែង បន្ទាប់មកបន្ថែមទឹកកក ទឹកដោះគោ កាហ្វេ និងរោយស្លឹកខ្ទឹមបន្ថែមពីលើជាការស្រេច។

ទោះជាយ៉ាងណាមីនុយកាហ្វេនេះគឺបានទទួលប្រតិកម្មចម្រុះ ដោយអ្នកខ្លះបាននិយាយថា ពួកគេមិនហ៊ានសាកល្បងរសជាតិនេះទេ ព្រោះពួកគេមិនចូលចិត្តក្លិននៃខ្ទឹម ខណៈអ្នកខ្លះទៀតចាប់អារម្មណ៍នឹងឡាតេដ៏ប្លែកនេះ ហើយពួកគេបាននិយាយថា វាមានរសជាតិឆ្ងាញ់ប្លែកជាងភេសជ្ជៈផ្សេងទៀត។ យ៉ាងណាមិញគ្មាននរណាដឹងច្បាស់ថា តើកាហ្វេស្លឹកខ្ទឹមកើតឡើងនៅពេលណា ហើយអ្នកណាជាអ្នកបង្កើតនោះទេ។

ប៉ុន្តែក្នុងរយៈពេលប៉ុន្មានខែថ្មីៗនេះ ភេសជ្ជៈនេះហាក់ដូចជាមានការចាប់អារម្មណ៍យ៉ាងខ្លាំងពីសំណាកអ្នកលេងបណ្តាញសង្គម និងភ្ញៀវទេសចរបរទេសមួយចំនួនត្រូវបានផ្តល់ជូនដោយហាងកាហ្វេជាច្រើនដើម្បីទាក់ទាញចំណាប់អារម្មណ៍លើអ៊ីនធឺណិត។ គួរបញ្ជាក់ដែរថា មីនុយកាហ្វេប្លែកៗនេះមិនមែនជាលើកទីមួយទេនៅក្នុងប្រទេសចិន កាលពីឆ្នាំមុនប្រទេសនេះក៏បានបង្កើតមីនុយកាហ្វេរសជាតិម្ទេស ដែលពេលនោះគឺមានការចាប់អារម្មណ៍យ៉ាងខ្លាំងពីអ្នកនិយមលេងអ៊ីនធឺណិត ហើយនៅអំឡុងឆ្នាំដដែលនោះ ប្រទេសនេះក៏បានបង្កើតកាហ្វេរសជាតិជ្រូកផងដែរ៕

ប្រទេសវៀតណាមបានជាប់ចំណាត់ថ្នាក់ទី១ គឺមានស្រីស្អាតជាងគេនៅតំបន់អាស៊ាន រីឯមូលហេតុចម្បងដែលធ្វើឱ្យវៀតណាមសម្បូរស្រីស្អាតៗ ដោយសារការវះកាត់កែសម្ឆស្សមានតម្លៃធូរថ្លៃ ខណៈចំណាត់ថ្នាក់ទី២ និងទី៣ បានទៅហ្វីលីពីន និងម៉ាឡេស៊ី ។ រីឯមីយ៉ាន់ម៉ា និងឡាវ ស្ថិតនៅលំដាប់ចុងក្រោយក្នុងបញ្ជី ប៉ុន្តែប្រទេសទាំងពីរមានស្រីស្អាតបែបធម្មជាតិ ។

គេហទំព័រឈ្មោះ Insider Monkey ដែលផ្តល់សេវាកម្មផ្នែកហិរញ្ញវត្ថុ, ការវិនិយោគ និងធានារ៉ាប់រងហានិភ័យការវិនិយោគដ៏ល្បីឈ្មោះនៅសហរដ្ឋអាមេរិក បានបង្ហាញពីការចាត់ចំណាត់ថ្នាក់ប្រទេសចំនួន២០ ដែលមានស្រីស្អាតបំផុតនៅទ្វីបអាស៊ី ប្រចាំឆ្នាំ២០២៤ ។ ការចាត់ចំណាត់ថ្នាក់លើកនេះ គឺសម្រេចចិត្តផ្អែកលើសំឡេងភាគច្រើន និងជ្រើសរើសប្រទេសណាដែលត្រូវតាមលក្ខណៈវិនិច្ឆ័យ ។

ការចាត់ចំណាត់ថ្នាក់ខាងលើ គេបានផ្តល់ពិន្ទុច្រើនឱ្យទៅប្រទេសវៀតណាម ដោយសារស្រីវៀតណាមមានឈ្មោះល្បីល្បាញលើពិភពលោក ព្រមទាំងតែងតែទទួលបានការសរសើរថា មានអត្តចរិតល្អ និងរូបសម្បត្តិល្អឆើតឆាយ ។ ម្យ៉ាងទៀត ការចាត់ចំណាត់ថ្នាក់នេះបញ្ជាក់ថា ការវះកាត់កែសម្ឆស្សនៅវៀតណាមមានតម្លៃធូរថ្លៃ ទើបស្រីវៀតណាមភាគច្រើនមានរូបសម្បត្តិស្អាត ។

បើតាមទិន្នន័យបញ្ជាក់ថា វៀតណាមស្ថិតក្នុងចំណោមប្រទេសដែលមានការវះកាត់កែសម្ឆស្សមានតម្លៃធូរថ្លៃ ក្នុងនោះតម្លៃកែខ្ទង់ច្រមុះជាមធ្យមស្មើនឹង១.០០០ដុល្លារអាមេរិក ។ រីឯការវះកាត់ពង្រីកដើមទ្រូងឱ្យមានទំហំធំ មានតម្លៃជាមធ្យមស្មើនឹង២.០០០ដុល្លារអាមេរិក ។

បើទោះជាប្រទេសមីយ៉ាន់ម៉ា និងឡាវ ត្រូវបានចាត់ចំណាត់ថ្នាក់ឱ្យនៅចុងក្រោយបង្អស់ក្នុងបញ្ជីក្តី ប៉ុន្តែស្រីមីយ៉ាន់ម៉ា និងឡាវ មានរូបស្រស់ស្អាតបែបធម្មជាតិពិតៗ និងគ្មានការកែសម្ឆស្ស ។ រីឯប្រទេសថៃជាប់ចំណាត់ថ្នាក់ទី១០ នៅទ្វីបអាស៊ី និងចំណាត់ថ្នាក់ទី៥ នៅតំបន់អាស៊ាន ។

ខាងក្រោមនេះ គឺជាចំណាត់ថ្នាក់ស្រីស្អាតបំផុតនៅតំបន់អាស៊ាន រួមមាន ៖
១-វៀតណាម
២-ហ្វីលីពីន
៣-ម៉ាឡេស៊ី
៤-សិង្ហបុរី
៥-ថៃ
៦-ឥណ្ឌូណេស៊ី
៧-មីយ៉ាន់ម៉ា និង
៨-ឡាវ

ចំណែកប្រទេសមានស្រីស្អាតបំផុតនៅទ្វីបអាស៊ី រួមមាន ៖
១-កូរ៉េខាងត្បូង
២-ជប៉ុន
៣-វៀតណាម
៤-ហ្វីលីពីន
៥-អ៊ីរ៉ង់
៦-ម៉ាឡេស៊ី
៧-ឥណ្ឌា
៨-ចិន
៩-សិង្ហបុរី
១០-ថៃ
១១-ឥណ្ឌូណេស៊ី
១២-ហុងកុង
១៣-ម៉ាកាវ
១៤-ប៊ូតាន
១៥-តៃវ៉ាន់
១៦-កាហ្សាក់ស្ថាន
១៧-ស្រីលង្កា
១៨-ប៉ាគីស្ថាន
១៩-មីយ៉ាន់ម៉ា និង
២០-ឡាវ ៕

ប្រទេសឥណ្ឌូណេស៊ី ៖ កាលពីថ្ងៃទី១០ ខែមិថុនា ឆ្នាំ២០២៤ សារព័ត៌មានបរទេសរាយការណ៍ថា មាននារី២នាក់ជាមិត្តនឹងគ្នាបានទៅកម្សាន្តនៅកោះបាលី ប្រទេសឥណ្ឌូណេស៊ី ស្រាប់តែជួបស្វាកំហូច១ក្បាលមកកញ្ឆក់ទូរស័ព្ទដៃរបស់ពួកនាង និងរត់ចូលក្នុងព្រៃ ។ បើទោះជាពួកនាងព្យាយាមលួងលោមយ៉ាងណា ក៏ស្វាពុំព្រមប្រគល់ទូរស័ព្ទឱ្យវិញដែរ ហើយវាក៏យកទូរស័ព្ទនេះទៅថតរូបសែលហ្វីក្នុងព្រៃ ។

នារីទាំង២រូបនេះបានធ្វើដំណើរមកពីសហរដ្ឋអាមេរិក ក្នុងនោះម្នាក់ឈ្មោះ Ashley Hoke អាយុ២៦ឆ្នាំ និងម្នាក់ទៀតឈ្មោះ Sabrina Weibel អាយុ២៧ឆ្នាំ ។ ពួកនាងទាំងពីរបានធ្វើដំណើរមកកម្សាន្តនៅបរិវេណ Uluwatu កោះបាលី ប្រទេសឥណ្ឌូណេស៊ី ហើយបរិវេណនេះធ្វើឱ្យពួកនាងទទួលបានបទពិសោធន៍ថ្មី និងប្លែក រហូតដល់ចាំពុំភ្លេចក្នុងជីវិត ។

ក្នុងអំឡុងពេលពួកនាងស្ថិតនៅបរិវេណ Uluwatu កោះបាលី អាជ្ញាធរបានដាស់តឿនឱ្យពួកនាងប្រុងប្រយ័ត្ន និងទុកដាក់សម្ភារៈឱ្យបានត្រឹមត្រូវ ។ ប៉ុន្តែគេពុំនឹកស្មានថា មានស្វា១ក្បាលរត់សំដៅមករកនារីឈ្មោះ Ashley និងកញ្ឆក់ទូរស័ព្ទដៃពីនាង បន្ទាប់មកនាង Ashley និងមិត្តភក្តិព្យាយាមលួងលោមដោយផ្តល់ចំណីឱ្យស៊ី ដើម្បីឱ្យវាប្រគល់ទូរស័ព្ទឱ្យនាងវិញ ។ ប៉ុន្តែពុំទទួលបានលទ្ធផលឡើយ គឺវានៅតែពុំព្រមប្រគល់ទូរស័ព្ទឱ្យម្ចាស់វិញ ហើយរត់ចូលព្រៃបាត់ ។

នារីទាំង២រូបក៏បានរត់តាមស្វាអស់រយៈពេលជាង៤៥នាទី ដោយពួកនាងប្រើប្រាស់កម្មវិធីមួយឈ្មោះ «Find my iPhone» របស់ Apple ដើម្បីស្វែងរកទីតាំងទូរស័ព្ទ ។ បន្ទាប់មក ពួកនាងក៏បានឃើញទូរស័ព្ទជ្រុះនៅលើដី ហើយពេលបើកទូរស័ព្ទមើល ស្រាប់តែឃើញវីដេអូ និងរូបភាពសែលហ្វីរបស់ស្វា ។ នៅពេលឃើញរូបភាពទាំងនេះធ្វើឱ្យពួកនាងអស់សំណើចយ៉ាងខ្លាំង ពីព្រោះមិននឹកស្មានថា ស្វាចេះថតរូបសែលហ្វីដូចមនុស្ស ។

នារីឈ្មោះ Sabrina និយាយថា ៖ «ពេលយើងដើរចូលក្នុងបរិវេណនេះ បុគ្គលិកនៅទីនេះប្រាប់យើងឱ្យប្រយ័ត្នប្រយែងសម្ភារៈ ។ បន្ទាប់មក យើងភ្ញាក់ផ្អើលយ៉ាងខ្លាំង ពីព្រោះមានស្វាមកកញ្ឆក់ទូរស័ព្ទពីដៃ ។ ពេលនោះ ខ្ញុំបារម្ភថា វាចង់ធ្វើបាបយើង តែវាគួរឱ្យអស់សំណើចណាស់ ខ្ញុំពុំធ្លាប់ជួបហេតុការណ៍បែបនេះពីមុនទេ» ៕