ប្រទេសជប៉ុន ៖ Hashima គឺជាកោះមួយពុំបានកើតឡើងតាមធម្មជាតិទេ ប៉ុន្តែកោះនេះត្រូវបានបង្កើតឡើងកាលពីឆ្នាំ១៨៨៧ ដោយក្រុមហ៊ុនឈ្មោះ Mitsubishi ។ កោះនេះមានប្រវែងសរុបស្មើប្រមាណ៥០០ម៉ែត្រ ស្ថិតនៅឆ្ងាយពីទីក្រុង Nagasaki ប្រមាណ១៥គីឡូម៉ែត្រ ។ ប៉ុន្តែដឹងអត់ថា តើគេបង្កើតកោះនេះឡើងសម្រាប់ឱ្យអ្នកណារស់នៅ?

ក្រុមហ៊ុន Mitsubishi បានចំណាយដើមទុនយ៉ាងច្រើនបង្កើតកោះ Hashima ដើម្បីឱ្យកម្មករធ្វើការក្នុងអណ្តូងរ៉ែធ្យូងថ្មស្នាក់នៅ ។ កាលពីអតីតកាល កោះនេះធ្លាប់មានកេរ្តិ៍ឈ្មោះល្បីល្បាញ និងរីកចម្រើនយ៉ាងខ្លាំងផ្នែកឧស្សាហកម្មអណ្តូងរ៉ែធ្យូងថ្ម ដែលជាប្រភពថាមពលដ៏សំខាន់របស់ប្រទេសជប៉ុននាពេលនោះ ។

បើតាមឯកសារបញ្ជាក់ថា កោះនេះធ្លាប់មានមនុស្សរស់នៅច្រើនស្មើប្រមាណ៥.០០០នាក់ ហើយនៅលើកោះមានហាងលក់ទំនិញតូច-ធំ និងអាជីវកម្មជាច្រើនទៀត ។ ប៉ុន្តែក្រោយមក ពេលតម្រូវការរ៉ែធ្យូងថ្មធ្លាក់ចុះ និងគ្មានអ្នកត្រូវការបន្តទៀត ទើបក្រុមហ៊ុន Mitsubishi សម្រេចចិត្តបិទអាជីវកម្មអណ្តូងរ៉ែភ្លាមៗ ព្រមទាំងផ្លាស់ប្តូរទីលំនៅអ្នករស់នៅលើកោះទាំងអស់ ។

ពេលនោះ មនុស្សរស់នៅលើកោះជាច្រើននាក់បានសម្រេចចិត្តបោះចោលសម្ភារៈប្រើប្រាស់របស់ពួកគេនៅទីនេះ និងចាកចេញពីកោះដោយគ្មានទ្រព្យសម្បត្តិជាប់ខ្លួន ។ ហេតុនេះ ទើបធ្វើឱ្យបច្ចុប្បន្ន គេឃើញលើកោះទាំងមូលពោរពេញទៅដោយសម្ភារៈចាស់ៗយ៉ាងច្រើនដែលត្រូវគេបោះចោល ។

ក្នុងអំឡុងសង្គ្រាមលោកលើកទី២ កោះ Hashima ត្រូវបានគេប្រើប្រាស់ធ្វើជាកន្លែងឃុំឃាំងអ្នកទោសចិន និងកូរ៉េខាងត្បូង ដែលគេបានចាប់ធ្វើជាឈ្លើយសឹកឱ្យមកធ្វើការនៅអណ្តូងរ៉ែធ្យូងថ្ម ។ ពលរដ្ឋជប៉ុននិយាយតៗគ្នាថា មានឈ្លើយសឹកចិន និងកូរ៉េខាងត្បូងជាច្រើននាក់បានដួលស្លាប់លើកោះនាពេលនោះ ។

ក្រៅពីនេះ កោះ Hashima ត្រូវបានគេដាក់ឈ្មោះថា «កោះខ្មោច» ទៀតផង ។ រីឯមូលហេតុដែលគេដាក់ឈ្មោះបែបនេះ ដោយសារអ្នកធ្លាប់មកកាន់កោះបានឃើញហេតុការណ៍ប្លែកៗ និងពុំគួរឱ្យជឿជាច្រើនលើក ទើបគ្មានអ្នកណាម្នាក់ចង់មកលេងទីនេះទេ ។ ក្រោយមក វាបានក្លាយជាកោះមានខ្មោចលងគួរឱ្យខ្លាចបំផុត ស្ថិតក្នុងលំដាប់ទី២ លើពិភពលោក បន្ទាប់ពីអគារ Tower of London នៅទីក្រុងឡុងដ៍ ប្រទេសអង់គ្លេស ៕

កាលពីថ្ងៃទី១២ ខែមិថុនា ឆ្នាំ២០២៤ សារព័ត៌មានថៃរាយការណ៍ថា វាបានធ្វើឱ្យមហាជនហួសចិត្តយ៉ាងខ្លាំងនឹងម្ចាស់ហ្វេសប៊ុកផេកថៃដ៏ល្បីម្នាក់ ដែលធ្វើវីដេអូដេកយំង៉ាៗដូចកូនក្មេងនៅតាមផ្លូវប្រទេសជប៉ុន ។ ពួកគេនិយាយថា វាធ្វើឱ្យខូចកេរ្តិ៍ឈ្មោះជនជាតិថៃមួយប្រទេស និងសួរថា តើម្ចាស់ហ្វេសប៊ុកផេកធ្វើបែបនេះដើម្បីអ្វី? ពីព្រោះធ្វើវីដេអូមានលក្ខណៈបែបនេះមានច្រើន ។

អ្នកលេងបណ្តាញសង្គមថៃរិះគន់ និងហួសចិត្តយ៉ាងខ្លាំង ក្រោយពីហ្វេសប៊ុកផេកថៃដ៏ល្បីមួយឈ្មោះថា «น้องปิงน่ารัก» ដែលមានចំនួនអ្នកតាមដានស្មើជាង១សែន៩ម៉ឺននាក់ បានបង្ហោះវីដេអូដេកនៅលើផ្លូវដើរ និងយំង៉ាៗដូចកូនក្មេង នៅប្រទេសជប៉ុន ហើយវីដេអូភាគច្រើន គឺម្ចាស់ហ្វេសប៊ុកផេកចូលចិត្តទៅថតនៅទីប្រជុំជន ។ ក្នុងវីដេអូទាំងនេះ គេបានឃើញម្ចាស់ហ្វេសប៊ុកផេកដេកនៅលើឥដ្ឋ, ផ្លូវថ្មើជើង និងស្ថានីយរថភ្លើងជប៉ុន ។

ក្រោយពីវីដេអូទាំងនេះបានបង្ហោះក្នុងបណ្តាញសង្គម ធ្វើឱ្យអ្នកលេងបណ្តាញសង្គមចូលមកបញ្ចេញមតិជាបន្តបន្ទាប់នឹងទង្វើខាងលើ ហើយការលើកឡើងភាគច្រើនរបស់មហាជនបានរិះគន់ម្ចាស់ហ្វេសប៊ុកផេកនេះថា ៖ ការធ្វើវីដេអូនីមួយៗបង្ហោះក្នុងបណ្តាញសង្គម គួរតែប្រើប្រាស់ខួរក្បាល ចូរគិតឱ្យបានច្រើន មុននឹងធ្វើអ្វីមួយ ។ ជនជាតិថៃម្នាក់ថា ៖ «ខូចកេរ្តិ៍ឈ្មោះជនជាតិថៃអស់ ធ្វើវីដេអូបែបនេះនៅថៃបានហើយ កុំទៅធ្វើដល់ជប៉ុន» ។

ជនជាតិថៃម្នាក់ទៀតថា ៖ «តើធ្វើអីចឹងដើម្បីអ្វីទៅ? ខ្ញុំមិនចូលចិត្តទេ ចរិតបែបនេះ ។ វាធ្វើឱ្យជនជាតិថៃមួយប្រទេសខ្មាស់អៀនដោយសារវីដេអូនេះ ពុំគួរធ្វើទាល់តែសោះ ព្រោះខូចកិត្តិយសប្រទេសយើងអស់ ។ ខ្ញុំយល់ថា វាគ្រាន់តែជា Content តែក៏ត្រូវស្គាល់កាលៈទេសៈផងដែរ» ។

ដូចគ្នានេះ ជនជាតិថៃម្នាក់ទៀតនិយាយថា ៖ «តើអ្នកឯងកើតអី? ធ្វើវីដេអូឥតប្រយោជន៍ ហើយបើគេដឹងថា អ្នកជាជនជាតិថៃ គេនឹងគិតថា ជនជាតិថៃសុទ្ធតែមានចរិតបែបនេះ ។ គួរប្រើខួរក្បាលគិតផង មុននឹងធ្វើអ្វីមួយ» ។

ក្រោយពីមហាជនរិះគន់ខ្លាំងៗនឹងការបង្ហោះវីដេអូបែបឡប់ៗ បុរសជាម្ចាស់ហ្វេសប៊ុកផេកខាងលើបានសរសេរបកស្រាយថា គ្រាន់តែធ្វើវីដេអូដេកយំង៉ាៗដូចកូនក្មេងនៅជប៉ុនសោះ ហេតុអ្វីចាំបាច់នាំគ្នាជេរដល់ថ្នាក់នេះ? វាគ្រាន់តែជាការដេកថតវីដេអូប៉ុណ្ណោះ និងចង់បង្ហាញពីក្តីសុខបែបក្មេងៗ ។ ខ្ញុំធ្វើវីដេអូនេះ មិនមែនចង់ល្បីទេ ព្រោះខ្ញុំធ្វើច្រើនឆ្នាំហើយ ។

ម្ចាស់ហ្វេសប៊ុកផេកបន្តថា ក្នុងឋានៈខ្ញុំមាន Lifestyle បែប Adult Baby ខ្ញុំយល់ឃើញថា ការដេកយំង៉ាៗនៅលើឥដ្ឋបែបនេះ វាជា Pride សម្រាប់ខ្ញុំ ។ ម្យ៉ាងទៀត វាបានបង្ហាញពីខ្លួនខ្ញុំថា ខ្ញុំជា Adult Baby និងរីករាយដូចក្មេងក្នុងជីវិត និងគ្មានអ្វីទុក្ខព្រួយទេ ។ មនុស្សយើងធំដឹងក្តីមកតែងតែព្យាយាមកសាងជីវិតខ្លួនឯង រហូតភ្លេចពីក្តីសុខកាលពីវ័យកុមារ និងភាពស្រស់ថ្លា ហើយខ្លាចថា បើធ្វើអ្វីមួយ ខ្លាចសង្គមរិះគន់ ព្រោះយើងកាន់តែក្លាយជាមនុស្សចាស់ យើងកាន់តែគិតពីក្រសែភ្នែកអ្នកដទៃខ្លាំងឡើង ។

ប៉ុន្តែការរស់នៅដូចក្មេងរបស់យើង វានឹងធ្វើឱ្យយើងមានក្តីសុខម្តងទៀត ។ យើងចង់ធ្វើអ្វី ធ្វើទៅ ឬចង់លោត រាំច្រៀងស្រេចតែចិត្ត ហើយយើងនឹងមើលឃើញថា ពិភពលោកនៅមានអ្វីសប្បាយៗច្រើនទៀត ។ ហេតុនេះ វាជាការរស់នៅដូចក្មេងម្តងទៀត ហើយខ្ញុំចង់ឱ្យអ្នករាល់គ្នាសាកល្បងធ្វើវា ប៉ុន្តែបើពុំធ្វើទេ ក៏ពុំគួររិះគន់ ឬជេរបែបនេះដែរ ៕

ទុរេនគឺជាផ្លែឈើត្រូពិកមួយប្រភេទដែលត្រូវបានសម្គាល់ដោយទំហំធំ រាងមូលទ្រវែង មានសំបកខាងក្រៅរឹង មានក្លិនក្រអូប និងមានបន្លា។ បច្ចុប្បន្ននេះគឺវាមានភាពពេញនិយមខ្លាំងបំផុតនៅអាស៊ីអាគ្នេយ៍ហើយក៏ត្រូវបានគេដាក់ឈ្មោះក្រៅហៅថាជា “ស្តេចផ្លែឈើ” ទៀតផង។ ជាទូទៅផ្លែនេះមានពណ៌លឿង ឬពណ៌ស ប៉ុន្តែពេលខ្លះវាក៏អាចមានពណ៌ក្រហម ឬបៃតងផងដែរ។ ទោះជាយ៉ាងណាតើអ្នកដឹងទេថា ផ្លែទុរេនមានដើមកំណើតមកពីប្រទេសណា? ហើយទីផ្សារណាដែលលក់ផ្លែនេះថោ.កបំផុត?

ជាការពិតណាស់ផ្លែទុរេនមានដើមកំណើតនៅដែនកោះស៊ូម៉ាត្រា និងកោះប័រណេអូ ឬកោះកាលីម៉ាន់តាន់ គឺជាកោះតែមួយគត់ក្នុងពិភពលោក ដែលមានចំណែកប្រទេសដល់ទៅ ៣ ស្ថិតនៅលើកោះនេះ រួមមានប្រទេសប្រ៊ុយណេ ម៉ាឡេស៊ី និងឥណ្ឌូណេស៊ី។ ដើមឡើយដើមទុរេន គឺជាដើមឈើព្រៃ ដែលត្រូវបានគេរកឃើញនៅប្រទេសម៉ាឡេស៊ី ប្រហែល ២០ប្រភេទ និងនៅប្រទេសឥណ្ឌូណេស៊ី ប្រហែល ១០០ ប្រភេទ។ ហើយមនុស្សជំនាន់មុនតែងជ្រើសរើសរកទុរេនព្រៃណា ដែលមានផ្លែល្អ រសជាតិឆ្ងាញ់ និងមានផ្លែធំ ដើម្បីយកមកដាំជាផ្លែឈើស្រុក ដែលគេហៅថាទុរេនដូនតានេះឯង។

បន្ទាប់មកនៅពេលវិទ្យាសាស្ត្រផ្នែកកសិកម្មជឿនលឿន គេក៏បានបង្កាត់ពូជទុរេនយ៉ាងច្រើន ដែលមានរហូតដល់ ៣០០ ប្រភេទនៅប្រទេសថៃ និងប្រហែលជា ១០០ ប្រភេទនៅប្រទេសម៉ាឡេស៊ី។ បើយោងតាមឯកសារបារាំង (Gallica) នៅប្រទេសកម្ពុជាយើងគឺមានដាំដើមទុរេនដំបូងបង្អស់នៅខេត្តកំពត ក្នុងអំឡុងប្រហែលជាង ៤០០ ឆ្នាំមុនដែលទំនងជាត្រូវបាននាំយកពូជមកពីស្រុកជ្វា។ ដូច្នេះហើយ តើអ្នកដឹងទេថាបច្ចុប្បន្ន ទីផ្សារប្រទេសណាដែលលក់ផ្លែនេះថោ.កបំផុត?

យោងតាមសារព័ត៌មានបរទេស Selina Wamucii បានឱ្យដឹងថា ទីផ្សារទុរេនថៃគឺមានតម្លៃថោ.កបំផុតដោយលក់បោះដុំក្នុងមួយគីឡូក្រាមត្រឹមតែ ២.០៦ ទៅ ៣.៩៦ ដុល្លារប៉ុណ្ណោះ បន្ទាប់មកគឺទីផ្សារវៀតណាម ២.៣៨ ទៅ ១១.៥៥ ដុល្លារក្នុងមួយគីឡូក្រាម ខណៈម៉ាឡេស៊ីគឺ ៤.៩៤ ដុល្លារទៅ ៥.៩៣ ដុល្លារក្នុងមួយគីឡូក្រាម ហើយសម្រាប់ប្រទេសកម្ពុជាវិញគឺចន្លោះពី ៦.៩៣ ដុល្លារទៅ ១៣.៨៥ ដុល្លារក្នុងមួយគីឡូក្រាមគិតត្រឹមឆ្នាំ ២០២៤ នេះ។

គួរបញ្ជាក់ដែរថា ផ្លែទុរេនគឺមានអត្ថប្រយោជន៍ចំពោះសុខភាពជាច្រើនដូចជា កាត់បន្ថយហានិភ័យជំងឺមហារីក ការពារជំងឺបេះដូង ប្រយុទ្ធប្រឆាំងនឹងការឆ្លងមេរោគ ក៏ដូចជាជួយបញ្ចុះជាតិស្ករក្នុងឈាមជាដើម៕