ថ្មីៗនេះ មហាជនខ្មែរជាច្រើនហាក់មានការចាប់អារម្មណ៍យ៉ាងខ្លាំងនឹងវិធានការរបស់សាលារៀនមួយកន្លែងនៅក្នុងខេត្តកំពត គឺសាលាវិទ្យាល័យហ៊ុនសែនឈូក បានប្រកាសដល់សិស្សានុសិស្សគ្រប់ៗរូប មិនឲ្យយកទូរស័ព្ទដៃទំនើបគ្រប់ប្រភេទចូលក្នុងបរិវេនសាលារៀនជាដាច់ខាត ដើម្បីលើកកម្ពស់ដល់ការសិក្សារៀនសូត្ររបស់ពួកគេ។

យោងតាមការបង្ហោះនៅលើបណ្តាញសង្គមហ្វេសបុកដោយគេទំព័ររបស់សាលាវិទ្យាល័យធនធានហ៊ុនសែនឈូក បានបង្ហោះសារមួយឃ្លាថា«សូមជម្រាបជូនដល់មាតាបិតាទាំងអស់ឲ្យបានជ្រាបថា វិទ្យាល័យហ៊ុនសែនឈូក នឹងឈប់ឲ្យសិស្សានុសិស្សយកទូរស័ព្ទទំនើបចូលសាលា ចាប់ពីថ្ងៃទី១៥ ខែកក្កដា ឆ្នាំ២០២៤នេះតទៅ»។

បើយោងតាមការលើកឡើងរបស់ខាងសាលាវិទ្យាល័យនេះបានឲ្យដឹងទៀតឲ្យថា សិស្សានុសិស្សនឹងត្រូវបានហាមឃាត់ប្រើប្រាស់ទូរស័ព្ទដៃទំនើបគ្រប់ប្រភេទ លើកលែងតែទូរស័ព្ទដៃស៊េរីចាស់ ដូចជាណូគាជាដើម គឺអាចយកមកសាលាបានគ្រាន់នឹងដើម្បីទាក់ទងជាមួយនឹងអាណាព្យាបាលក្នុងករណីបន្ទាន់។ យ៉ាងណាមិញ នេះគ្រាន់តែជាការសាកល្បងដំបូងទេ បើជោគជ័យនឹងបន្ត បើមិនជោគជ័យនឹងលែងហាម ព្រោះថាខាងសាលាមិនកាមេរ៉ាសម្រាប់តាមដានទេ។

ម៉្យាងវិញទៀត ការដាក់ចេញនូវវិន័យបែបនេះ ព្រោះដោយសង្កេតឃើញថាសិស្សានុសិស្សភាគច្រើន នៅពេលចេញលេង ឬសូម្បីតែនៅក្នុងថ្នាក់រៀនគឺចុចមិនឈប់ដៃនោះទេ ជាពិសេសគឺទៅលើការប្រើប្រាស់បណ្តាញសង្គម និងហ្គេមអនឡាញ។ ដូច្នេះទើបសាលាចង់ពង្រឹងការសិក្សារៀនសូត្ររបស់ពួកគេ ដោយពេលទំនេរឲ្យសិស្សចាប់កាន់សៀវភៅ ជាជាងកាន់ទូរស័ព្ទ។

យ៉ាងណាមិញ បន្ទាប់ពីដាក់បង្ហោះសារពីវិទ្យាល័យខាងលើរួចមក អ្នកលេងបណ្តាញសង្គមជាច្រើនបានចូលទៅបញ្ចេញមតិគាំទ្រព្រោងព្រាតដោយអ្នកខ្លះបានលើកឡើងថា«សាលាមានវិធានការល្អហើយ ក្មេងសម័យឥឡូវស្ទើតែទាំងអស់ហើយដែលវង្វេងនិងទូរស័ព្ទ»។ អ្នកខ្លះថាពិតជាល្អណាស់ ខ្ញុំគាំទ្រ១០០ភាគរយ»។

អ្នកខ្លះទៀតថា«រូបខ្ញុំក៏ជាអតីតសិស្ស វិទ្យាល័យ ហ៊ុន សែនឈូកដែរអំឡុងបាក់ឌុបឆ្នាំ២០០១ ហើយបច្ចុប្បន្នក៏មានកូនកំពុងរៀនថ្នាក់ទី១២នៅទីនោះដែរ។ ខ្ញុំសូមគាំទ្រនូវចំណាត់ការសិស្ស មិនមានទូរស័ព្ទទំនើបក្នុងសាលានេះ បើតាមខ្ញុំសម្គាល់មើលសិស្សមួយចំនួនមិនបានយកទូរសព្ទបម្រើដល់ការសិក្សានោះទេ ច្រើនតែប្រើក្នុងការកំសាន្តសប្បាយប៉ុណ្ណោះ!!!»៕

មានករណីបោកថ្មី តាមរយៈការប្រើប្រាស់រន្ធសាកថ្ម USB នៅតាមកន្លែងសាធារណៈ ដែលអាចបង្កហានិភ័យដល់ឧបករណ៍ទូរសព្ទរបស់យើង ដោយគេអាចចម្លងមេរោគ ឬលួចយកទិន្នន័យពីឧបករណ៍ដែលបានដោតសាកថ្ម នេះបើយោងតាមការបង្ហោះបស់ធនាគារ អេសុីលីដា។

ករណីបោកនេះ គេហៅថា Juice Jacking គឺជាបច្ចេកទេសនៃជនអនាមិកប្រើដើម្បីចូលមើល និងលួចទិន្នន័យពីឧបករណ៍ប្រើប្រាស់ដោយប្រើប្រាស់ប្រព័ន្ធសាកថ្មសាធារណៈ ឬគ្មានប្រភពច្បាស់លាស់។

ពេលអ្នកភ្ជាប់ទូរស័ព្ទឬឧបករណ៍ផ្សេងទៀតទៅនឹងកន្លែងសាកថ្មនៅទីសាធារណៈដូចជា អាកាសយានដ្ឋាន កន្លែងកំសាន្ត ឬផ្សារទំនើប។ អ្នកបន្លំអាចលួចទិន្នន័យសំខាន់ៗរបស់អ្នកដូចជាព័ត៌មានគណនីធនាគារ ឬដំឡើងមេរោគដើម្បីគ្រប់គ្រងឧបករណ៍របស់អ្នក។

ហេតុដូច្នេះសូមបងប្អូនមានការប្រុងប្រយ័ត្ន នឹងគួរណាស់តែឈប់បន្តសាកថ្មនៅតាមសាធារណៈ ចៀសវាងមានរឿងហេតុដូចនេះកើតឡើង៕

អ្នកជំនួញអនឡាញល្បីឈ្មោះ ម៉ាដាម ដា បានប្រកាសចែកផ្លូវគ្នាជាមួយគូស្នេហ៍ភេទដូចគ្នាដែលជាជនជាតិថៃ ប៉ាអយ ហើយក្រោយពីរួមសុខទុក្ខជាមួយគ្នារយៈពេល៨ឆ្នាំ។ មែនទែនទៅ ម៉ាដាម ដា បានទម្លាយថាអ្នកទាំងពីរបានចែកផ្លូវគ្នាមួយរយៈធំមកហើយព្រោះតែមិនចង់បំពុលសង្គមទើបសម្រេចចិត្តបែកស្ងាត់ៗ ប៉ុន្តែដោយសារមានសំពាធខ្លាំងពេកទើបប្រកាសជាសាធារណៈ។

អ្នកលេងបណ្តាញសង្គមមានការចាប់អារម្មណ៍យ៉ាងខ្លាំងបន្ទាប់ពីស្រ្តីជំនួញដ៏ជោគជ័យម្នាក់លើវិស័យអនឡាញអ្នកនាង សៀន សូលីដា ហៅ ម៉ាដាម ដា ប្រកាសចែកផ្លូវគ្នាជាមួយគូស្នេហ៍ភេទដូចគ្នាជាជនជាតិថៃ ខណៈស្នេហាអ្នកទាំងពីរស្រលាញ់គ្នាស្ទើរលេប មានភាពផ្អែមល្អែមជាមួយគ្នា ស្ងាត់តែមួយរយៈស្រាប់តែបញ្ចប់ទំនាក់ទំនង។ ម៉ាដាម ដា បានប្រកាសនៅលើបណ្តាញសង្គមនាល្ងាចថ្ងៃទី៩ កក្កដា ឆ្នាំ២០២៤ ថា «ជាដំបូងសូមទោសទៅកាន់បងប្អូនដែលស្រលាញ់ចូលចិត្តខ្ញុំទាំងអស់ មានសំនួរសួរមកកាន់ខ្ញុំជាច្រើនហើយខ្ញុំក៏មិនចង់លាក់បាំងទៀតដែរព្រោះវាមានតែការឈឺចាប់។ ពួកយើងទាំងពីរបានចែកផ្លូវគ្នាមួយរយៈធំហើយតែពួកយើងបាននិយាយគ្នាហើយថាមិនចង់ប្រកាសទេនាំតែមើលមកបំពុលសង្គម»។

«ពួកយើងចង់បញ្ចប់ដោយស្ងាត់ៗតែហាក់បីដូចជាសំពាធពួកយើងទាំងពីរខ្លាំងណាស់កន្លងមក៨ឆ្នាំគឺការចងចាំដ៏ល្អនៃរសជាតិជីវិត ហើយខ្ញុំហ៊ាននិយាយខ្ញុំមានតែក្តីស្រលាញ់ស្មោះត្រង់ប្រឹងការពារគ្រួសារមួយនេះអស់ពីសមត្ថភាពហើយតែនៅតែមានថ្ងៃនេះ។ មិនបន្ទោសខាងណាឡើយមានតែបន្ទោសយើងទាំងពីរដែលថែគ្រួសារនេះមិនបានល្អ អរគុណក្តីស្រលាញ់ដែលចំពោះពួកខ្ញុំកន្លងមកតែខ្ញុំហត់ហើយ ខ្ញុំថែបងអស់សមត្ថភាពហើយមានតែចែកផ្លូវរកសាងជីវិតថ្មីរៀងខ្លួន»។ នេះជាការបញ្ជាក់របស់ ម៉ាដាម ដា។

ការប្រកាសចែកផ្លូវគ្នានេះបានធ្វើឱ្យអ្នកគាំទ្រពួកគេសម្តែងនូវអារម្មណ៍សោកស្តាយជាខ្លាំងមិនគួរណាស្នេហាមួយនេះត្រូវបានឈានដល់ផ្លូវបញ្ចប់ ខណៈអ្នកមួយចំនួនហាក់សម្តែងការអាណិតអាសូរទៅកាន់ ប៉ាអយ ផងដែរ។

ងាកទៅកាន់ ប៉ាអយ វិញ ក៏បានសរសេរនៅលើបណ្តាញសង្គមរបស់ខ្លួនដែរថា «ខ្ញុំតែងតែគោរពការសម្រេចចិត្តរបស់មនុស្សដែលខ្ញុំស្រលាញ់ វាប្រហែលជាការសម្រេចចិត្តដ៏ល្អបំផុត។ គ្មាននរណាម្នាក់ត្រូវ ឬខុសទេ ថ្ងៃនេះយើងមិនអាចបន្តបានទេ។ វាប្រហែលជាដំណោះស្រាយដ៏ល្អបំផុត។ យើងទាំងពីរ គ្រប់ពេលទាំងអស់នេះ ខ្ញុំគិតថាខ្ញុំបានប្រឹងប្រែងអស់ពីសមត្ថភាពហើយ។ អរគុណច្រើនកិច្ចសន្យាដែលមិនមានពិតប្រាកដ»។

គេចាំបានថាកាលពីខែកញ្ញា ២០២៣ ម៉ាដាម ដា បានធ្វើឱ្យមានការចាប់អារម្មណ៍យ៉ាងខ្លាំងបន្ទាប់ពីក្លាហានសុំ ប៉ាអយ រៀបការកណ្តាលពិធីខួបកំណើតរបស់គូស្នេហ៍តាមការសន្យារបស់ខ្លួនថាអ្នកទាំងពីរនឹងរៀបការជាមួយគ្នាក្រោយពីហែលឆ្លងឧបសគ្គតស៊ូនិងបង្កើតភាពជោគជ័យជាមួយ។ ប៉ុន្តែគួរឱ្យសោកស្តាយស្នេហា៨ឆ្នាំរបស់អ្នកទាំងពីរត្រូវមកបញ្ចប់យ៉ាងដូច្នេះ៕

បន្ទាប់ពីមានការបង្ហោះចែកចាយនៅលើបណ្តាញសង្គម ដោយបណ្ឌិតច្នៃម៉ូត ឯម រៀម បានច្នៃម៉ូតសម្លៀកបំពាក់មានលក្ខណៈស្រដៀងនឹងក្រណាត់ជូតជើង យកមកបំពាក់នៅលើដងខ្លួនបែបនេះ ក៏បានធ្វើឲ្យមហាជនខ្មែរជាច្រើនផ្ទុះ.ប្រតិកម្មព្រោងព្រាត ហាក់សម្តែងនូវការមិនពេញចិត្តជាខ្លាំង។ យ៉ាងណាមិញ ថ្មីៗនេះសារព័ត៌មានថៃមួយក៏បានចេញមុខមកវែកញែកនៅក្នុងរឿងដែរ។

កាលពីថ្ងៃទី ៩ ខែកក្កដា ឆ្នាំ២០២៤នេះ យោងតាមប្រភពសារព័ត៌មានថៃមួយ ដែលមានឈ្មោះថា Top New Online បានចុះផ្សាយក្រោមចំណងជើងថា«កម្ពុជារិះគន់គ្នាអែងទៅវិញទៅមក បន្ទាប់ពីអ្នកច្នៃម៉ូតខ្មែរម្នាក់បានច្នៃម៉ូតសម្លៀកបំពាក់បែបនេះ (ឈុតក្រណាត់ជូតជើង)»។

តាមរយៈវីដេអូប្រមាណនឹង ៤នាទី ដែលសារព័ត៌មានខាងលើបានចុះផ្សាយដោយបានធ្វើការលើកឡើងពីរឿងរ៉ាវការច្នៃម៉ូតឈុតសម្លៀកបំពាក់ថ្មីនេះរបស់លោកឯម រៀម ក៏ដូចជាអ្នកនៅក្នុងបណ្តាញសង្គមខ្មែរដែលបានជេរប្រមាថនិងរិះគន់ទៅលើអ្នកច្នៃម៉ូតរូបនេះ ដែលជាខ្មែរគ្នាឯងទៅវិញ។

ជាមួយគ្នានោះ អ្នកលេងបណ្តាញសង្គមថៃជាច្រើនក៏ចូលទៅបញ្ចេញមតិបែបចំអកឡកឡើយដូចគ្នាដែរ ដោយម្នាក់ក្នុងចំណោមនោះបានលើកឡើងថា«ធ្វើចុះ ឲ្យតែធ្វើអ្វីដែលជារបស់ខ្លួនឯង កុំឲ្យតែចម្លង នោះគេនឹងសរសើរហើយ»។ អ្នកខ្លះឌឺដងថា«ឈុតនេះចេញមកស្អាតណាស់ ពូកែណាស់»។ ជនជាតិថៃខ្លះថា« ឈុតនេះគឺល្អហើយ បន្តធ្វើវាចុះពិតជាអស្ចារ្យខ្លាំងណាស់»៕

ជនជាតិឡាវម្នាក់ និងថៃ២នាក់ ត្រូវបានសាលាដំបូងរាជាធានីភ្នំពេញ ចេញសាលក្រមសម្រេចផ្ដន្ទាទោសឱ្យជាប់ពន្ធនាគារអស់មួយជីវិត និងពិន័យជាប្រាក់ម្នាក់៨០លានរៀល ជាប់ពាក់ព័ន្ធនឹងពីបទរក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន ប្រមាណជាង១០០គីឡូក្រាម។

ហេតុការណ៍នេះ កើតឡើងនៅថ្ងៃទី០៩ ខែវិច្ឆិកា ឆ្នាំ ២០២៣ doyកម្លាំងជំនាញការិយាល័យនីតិវិធីនៃមន្ទីរប្រឆាំងគ្រឿងញៀន និងកម្លាំងជំនាញនៃស្នងការដ្ឋាន នគរបាលរាជធានីភ្នំពេញ ក្រោមការដឹកនាំសម្របសម្រួលពីតំណាងអយ្យការ បានធ្វើការបង្ក្រាប និងឈានទៅដល់ការឃាត់ខ្លួនជនសង្ស័យ និងដកហូតវត្ថុតាងគ្រឿងញៀនប្រភេទ “មេតំហ្វេតាមីន” ចំនួន១០១ដុំ មានទម្ងន់១០១គីឡូក្រាម នឹង៤៤៩,២០ក្រាម។

នៅក្នុងករណីនេះ ជនសង្ស័មានចំនួន៥នាក់ តែគេចខ្លួនរួច២នាក់ ខណៈ៣នាក់ទៀត ត្រូវបានសាលាដំបូងរាជាធានីភ្នំពេញ ចេញសាលក្រមសម្រេចផ្ដន្ទាទោស នៅថ្ងៃទី៩ ខែកក្កដា ឆ្នាំ២០២៤ ឱ្យជាប់ពន្ធនាគារអស់មួយជីវិត៕

ជាធម្មតាមនុស្សតែងតែប្រាស្រ័យទាក់ទងគ្នាដោយការនិយាយស្តី ឬការធ្វើកាយវិការណាមួយទៅកាន់គ្នា ជាឧទាហរណ៍នៅក្នុងប្រទេសកម្ពុជាយើង នៅពេលថតរូបមនុស្សទូទៅមិនថាប្រុសឬស្រីនោះទេ ភាគច្រើនគឺតែងតែលើកដៃពីរជានិច្ច ដោយសារនេះជាស្ទាយ ណាមួយក៏ជាទម្លាប់នៃការថតរូបរបស់ប្រជាជនខ្មែរផងដែរ។ ក្រៅពីលើកដៃពីរ ប្រជាជនយើងក៏តែងតែធ្វើដៃអូខេ មានន័យថា យល់ព្រមទៅកាន់សំណើរនរណាម្នាក់ ហើយក៏មានទម្លាប់ប្រើប្រាស់កាយការដៃជាច្រើនផ្សេងទៀតផងដែរ។ ទោះជាយ៉ាងណា ប្រសិនបើអ្នកទៅកម្សាន្តនៅក្រៅប្រទេស មិនគួរធ្វើដៃសញ្ញាបែបនេះឡើយ ព្រោះអាចនឹងមានគ្រោះថ្នាក់។

១.ដៃពីរ៖ ការលើកដៃពីរមានន័យថា ជាកាយវិការមិនសមរម្យ ឬឈ្លើយ ស្មើនឹងការលើកដៃកណ្តាលដែរ ដូច្នេះមិនគួរប្រើកាយវិការដៃពីរទៅលើនរណាម្នាក់ នៅក្នុងប្រទេសអង់គ្លេស អូស្ត្រាលី អៀរឡង់ និងនូវែលសេឡង់ឡើយ ព្រោះអាចនឹងត្រូវគេវ៉ៃ ឬជាប់គុ.កជាដើម។

២.មេដៃ៖ កុំលើកមេដៃឱ្យសោះបើអ្នកស្ថិតក្នុងប្រទេសអាហ្វហ្គានីស្ថាន អ៊ីរ៉ង់ អ៊ីតាលី និងក្រិក ព្រោះការលើកមេដៃបញ្ជាក់ថា អ្នកជាមនុស្សគ្មានសីលធម៌ និងគ្មានការអប់រំ ហើយអាចនឹងត្រូវគេវ៉ៃជាដើម។

៣.ដៃសញ្ញាអូខេ៖ អ្នកត្រូវតែជៀសវាងការធ្វើដៃអូខេទៅកាន់នរណាម្នាក់ក្នុងប្រទេសតួកគី ប្រេស៊ីល វ៉េណេស៊ុយអេឡា និងបារាំង ព្រោះដៃសញ្ញានេះមានន័យថា ជាការមើលងាយ និងមិនឱ្យតម្លៃគេ។

៤.ម្រាមដៃចង្អុល៖ ហាមដាច់ខាតកុំហៅនរណាម្នាក់ដោយប្រើដៃចង្អុល ព្រោះដៃនេះប្រើសម្រាប់ហៅសត្វនោះទេ ប្រសិនបើអ្នកហៅមនុស្សដោយប្រើដៃចង្អុលក្នុងប្រទេសហ្វីលីពីន សិង្ហបុរី និងជប៉ុន នោះអ្នកនឹងត្រូវបានគេហៅទៅព្រមាន ឬជាប់គុកជាដើម។

៥.ហាមញ៉ាំអាហារដៃឆ្វេង៖ ប្រសិនបើអ្នកស្ថិតក្នុងប្រទេសឥណ្ឌា ស្រីលង្កា និងអាហ្វ្រិក ការញ៉ាំអាហារដៃឆ្វេងមានន័យ ជាដៃស្មោគគ្រោក គ្មានអនាម័យ ព្រោះគេចាត់ទុកថាដៃឆ្វេងប្រើសម្រាប់ចូលបន្ទប់ទឹក ឬកាន់របស់កខ្វក់ៗប៉ុណ្ណោះ។

៦.ការលើកម្រាមដៃប្រាំ៖ ហាមដាច់ខាតកុំលើកម្រាមដៃប្រាំទៅកាន់នរណាម្នាក់ក្នុងប្រទេសឥណ្ឌា ស្រីលង្កា ក្រិក កូរ៉េខាងត្បូង និងអាហ្វ្រិកឱ្យសោះ ព្រោះនេះបង្ហាញថា ជាការប្រមាទ ឬជាការមាក់ងាយ ប្រសិនបើលើកម្រាមដៃប្រាំនោះអ្នកនឹងត្រូវគេព្រួតវ៉ៃជាក់ជាមិនខាន។

៧.ម្រាមដៃមេនៅចម្លោះម្រាមដៃចង្អុល៖ ការធ្វើម្រាមដៃបែបនេះបញ្ជាក់ថា អ្នកជាមនុស្សគ្មានសីលធម៌ គ្មានការអប់រំ ឬចាត់ទុកថាឈ្លើយ ដូច្នេះគួរជៀសវាងការធ្វើដៃបែបនេះក្នុងប្រទេសវៀតណាម និងរុស្ស៊ី។

៨.ដៃ I love u៖ ការធ្វើដៃបែបនេះក្នុងប្រទេសអ៊ីតាលី អេស្ប៉ាញ ព័រទុយហ្គាល់ ប្រេស៊ីល និងកូឡុំប៊ី ត្រូវបានគេចាត់ទុកថា ជាមនុស្សមិនស្មោះត្រង់ មិនគួរឱ្យទុកចិត្ត ដូច្នេះពួកគេមិនរាប់អានអ្នកទេ៕

ស្របតាមគំនិតផ្តួចផ្តើមរបស់សម្ដេចមហាបវរធិបតី ហ៊ុន ម៉ាណែត បានណែនាំឱ្យរដ្ឋបាលរាជធានីភ្នំពេញ សិក្សាក្នុងការរៀបចំឱ្យបាននូវឧទ្យានជាតិសាធារណ: នៅរាជធានីភ្នំពេញ ដើម្បីធ្វើជាកន្លែងសម្រាប់ការជួបជុំ លំហែកម្សាន្ត។

នៅក្នុងនោះ រដ្ឋបាលរាជធានីភ្នំពេញ បានជ្រើសយកដីបឹងតាមកទំហំ ៧៥ហិកតា ដោយត្រៀមដើមឈើប្រមាណ ១០០,០០០ ដើម ដោយកែប្រែបឹងតាមោក ឱ្យក្លាយជាឧទ្យានជាតិបៃតងដ៏ធំមួយក្នុងទីក្រុងភ្នំពេញ។

ដោយឡែកចំពោះរុក្ខជាតិ ដែលត្រូវដាំនៅឧទ្យានជាតិនោះ ជាប្រភេទ ដើមគីនីន ដើមត្របែកព្រៃ ដើមសាគូរ៉ា ដើមក្ងោក ដែលសុទ្ធតែជាប្រភេទដើមឈើមានភាពស្រស់ស្អាត។

គួរបញ្ជាក់ផងដែរថា ឧទ្យានជាតិបៃតងនេះ អាចជាឧទ្យានជាតិដំបូងគេដែលស្ថិតនៅក្នុងក្រុសភ្នំពេញ ខណៈឧទ្យានជាតិ១២កន្លែងទៀត សុទ្ធសឹងតែនៅតាមបណ្តាលខេត្ត៕