តារាសម្តែងរូបសង្ហា ប៊ឺរី កំពុងទទួលបានការចាប់អារម្មណ៍យ៉ាងខ្លាំងពីអ្នកលេងបណ្តាញសង្គមក្រោយពីអ្នកចម្រៀងជូឌី ចេញមកបង្ហាញការឈឺចាប់ជុំវិញសម្ព័ន្ធភាពជាមួយលោកបង្ហាញថាលោកជ្រើសរើសយកលុយនិងការងារជាធំស្របពេល ប៊ឺរី កំពុងបង្ហាញភាពសិ្នទ្ធស្នាលជាមួយអ្នកជំនួញ ម៉ាដាម ដា។ ភាពចម្រូងចម្រាសនេះកំលោះសង្ហាស្រាប់តែបានបោះពាក្យយ៉ាងខ្លីថា «ជាមនុស្សស្ងៀមស្ងាត់មិនចូលចិត្តតបត»។

វាបានក្លាយជាប្រធានបទក្តៅគគុកនៅលើបណ្តាញសង្គមបន្ទាប់ពីគណនីទិកតុកមួយឈ្មោះថា Ju Dīī ដែលជាអ្នកចម្រៀងមួយរូបបានបង្ហោះវីដេអូខ្លីមួយដោយដាក់ព្រាលៗប៉ុន្តែគេបានដឹងថាជារូបរបស់តារាសម្តែង ប៊ឺរី ខណៈអ្នកទាំងពីរមានសម្ព័ន្ធភាពស៊ីជម្រៅជាមួយគ្នា។ ទន្ទឹមនឹងវីដេអូដែលបានចែករំលែក ជូឌី បានសរសេរខ្លឹមសារដែរថា « ១ឆ្នាំមកនេះ មានតែយើងពីរនាក់ទេដែលយល់ពីគ្នាច្បាស់ ដឹងពីគ្នាគ្រប់រឿង តែដោយសារតែការងារ និងលុយចុងក្រោយបងថា បងគ្មានជម្រើសទេ»។ មុននឹងការបង្ហោះវីដេអូនេះ អ្នកចម្រៀងរូបនេះបានបង្ហាញវីដេអូយំសោកយ៉ាងខ្លាំង។

ការបង្ហោះនេះបានក្លាយជារឿងដ៏រសើបយ៉ាងខ្លាំងព្រោះមួយរយៈចុងក្រោយនេះអ្នកគាំទ្របានឃើញតារាសម្តែង ប៊ឺរី បានក្លាយជាងអ្នកតំណាងផលិតផលរបស់ ម៉ាដាម ដា ដែលជាអ្នកជំនួញដ៏ល្បីល្បាញនិងទើបតែបែកបាក់ស្នេហា៨ឆ្នាំបង្ហាញការស្និទ្ធស្នាលធ្វើឱ្យមានការលើកឡើងជាច្រើនជុំវិញទំនាក់ទំនងមួយនេះ។

បន្ទាប់ពីការបង្ហោះរបស់ ជូឌី ធ្វើឱ្យអ្នកលេងបណ្តាញសង្គមមួយចំនួនបានបញ្ចេញមតិរិះគន់ទៅកាន់តារាសម្តែង ប៊ឺរី ដូចគ្នា និងមានការជជែកវែកញែកយ៉ាងច្រើន។

នៅរសៀលថ្ងៃទី១ សីហា តារាសម្តែង ប៊ឺរី បានបោះពាក្យយ៉ាងខ្លីទៅលើភាពចម្រូងចម្រាសនេះថា «ត្រឹមជាក្មេងតូចម្នាក់ដែលស្ងៀមស្ងាត់ មិនចូលចិត្តតបត»។ ងាកទៅកាន់បណ្តាញសង្គមទិកតុករបស់ ជូឌី ដែលបានបង្ហោះវីដេអូពី ប៊ឺរី ក៏បានបាត់ចេញពីបណ្តាញសង្គមផងដែរប៉ុន្តែគេបានឃើញជំនួសមកវិញនូវវីដេអូដែលបង្ហាញពីការឈឺចាប់របស់នាង៕

កាលពីថ្ងៃទី២៩ ខែកក្កដា ឆ្នាំ២០២៤ មានគណនីហ្វេសប៊ុកឈ្មោះ Beautiful Places Travel បានចុះផ្សាយ វីដេអូ ក្រោមចំណងជើងថា “បង្គោលព្រំដែនវៀតណាមបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)។

តបទៅនឹងការផ្សព្វផ្សាយព័ត៌មានខាងលើ រដ្ឋបាលខេត្តកណ្តាល សូមប្រកាសបដិសេធនិងច្រានចោលទាំងស្រុង និងធ្វើការបំភ្លឺដូចខាងក្រោម៖

១. បង្គោលព្រំដែនបំពេញបន្ថែមលេខ 245/4(1) ដែលគណនីហ្វេសប៊ុកឈ្មោះ Beautiful Places Travel បានចុះផ្សាយនោះ មានទីតាំងភូមិសាស្ត្រស្ថិតនៅតាមបណ្តោយខ្សែបន្ទាត់ព្រំដែនកម្ពុជា-វៀតណាម ក្នុង សង្កាត់ព្រែកជ្រៃ ក្រុងសំពៅពូន (អតីតស្រុកកោះធំ) ដែលគណៈកម្មការចម្រុះព្រំដែននៃប្រទេសទាំងពីរបាន ឯកភាពខណ្ឌសីមា និងបោះបង្គោលព្រំដែនរួចហើយ ដោយខ្សែព្រំដែននៅកំណាត់នេះដើរតាមផ្លូវទឹកនៃ ទន្លេបាសាក់។

២. ជាលក្ខណៈបច្ចេកទេសនៃការបោះបង្គោលព្រំដែន ក្នុងករណីខ្សែព្រំដែនដើរតាមទន្លេ ឬផ្លូវទឹក ភាគីទាំងពីរ(កម្ពុជា-វៀតណាម) ត្រូវបោះបង្គោលព្រំដែនភ្លោះនៅសងខាងទន្លេ ឬផ្លូវទឹកនោះ ដោយបង្គោល មួយត្រូវបោះនៅមាត់ច្រាំងខាងកម្ពុជា និងបង្គោលមួយទៀតត្រូវបោះនៅមាត់ច្រាំងខាងវៀតណាម។ ខ្សែព្រំដែន នៅកំណាត់នេះ គឺដើរតាម «បន្ទាត់ទ្រូងនៃជ្រលងទឹកជ្រៅនៃផ្លូវទឹក (Thalweg-ផ្លូវទឹកដែលអាចធ្វើនាវាចរណ៍ បាន) * ស្របតាមគោលការណ៍ច្បាប់អន្តរជាតិនិងការអនុវត្តជាអន្តរជាតិ ដូចមានចែងក្នុងប្រការ១ នៃសន្ធិ សញ្ញាបំពេញបន្ថែមឆ្នាំ២០០៥។

៣. ជាក់ស្តែងបង្គោលព្រំដែនបំពេញបន្ថែមលេខ 245/4(1) ជាបង្គោលមួយក្នុងចំណោមបង្គោលភ្លោះ ទាំងពីរ(បង្គោលលេខ 245/4(1) និងបង្គោលលេខ 245/4(2)) ដែលត្រូវបោះនៅសងខាងច្រាំងទន្លេ បាសាក់ គឺបង្គោលព្រំដែនបំពេញបន្ថែមលេខ 245/4(1) ត្រូវបោះនៅមាត់ច្រាំងទន្លេបាសាក់ស្ថិតក្នុងទឹកធំកមកកម្ពុជា រីឯបង្គោលព្រំដែនលេខ 245/4(2) ត្រូវបោះនៅមាត់ច្រាំងម្ខាងទៀតនៃទន្លេបាសាក់ស្ថិតក្នុងទឹកដីវៀតណាម ចំពោះខ្សែព្រំដែនគឺដើរតាមបន្ទាត់ទ្រូងនៃជ្រលងទឹកជ្រៅនៃផ្លូវទឹកទន្លេបាសាក់ ដែលស្ថិតនៅចមួយប្រមាត ៨៧ម៉ែត្រ ពីបង្គោលព្រំដែនលេខ 245/4(1) (ខ្សែព្រំដែនពុំមែនស្ថិតនៅចំទីតាំងបង្គោលនោះទេ)៕

 

លោកឧត្ដមសេនីយ៍ទោ ផ្កាយ២ អេង សាវឿន ជាអនុប្រធាននាយកដ្ឋានបង្ការ និងពន្លត់អគ្គិភ័យ ត្រូវបានបន្ថយឋានន្តរសក្ដិ មកនៅត្រឹមថ្នាក់ ពលបាលត្រី (ដោយ១ជាន់)ក្របខ័ណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ។

ការបន្ថយឋានន្តរសក្ដិនេះ បន្ទាប់នៅដេីមឆ្នាំ ២០២៤ លោកឧត្ដមសេនីយ៍ទោ អេង សាវឿន ត្រូវបានសមត្ថកិច្ចឃាត់ខ្លួនពីបទឆបោកប្រាក់ ៥ម៉ឺនដុល្លារ ពាក់ព័ន្ធរត់ការចូលក្របខណ្ឌនគរបាលជាតិ ដោយរត់ការមិនបានសម្រេច ហេីយមិនឱ្យលុយទៅជនរងគ្រោះវិញ ទេីបជនរងគ្រោះប្ដឹង។

បច្ចុប្បន្ន លោកឧត្ដមសេនីយ៍ទោ អេង សាវឿន ត្រូវបានសមត្ថកិច្ចឃាត់ខ្លួន និងកំពុងជាប់ពន្ធនាគារ៕

ថ្មីៗនេះ បន្ទាប់ពីសេចក្តីប្រកាសរបស់អាជ្ញាធរជាតិអប្សរាបានអនុញ្ញាតិឲ្យសាធារណជនទូទៅ អាចធ្វើការថតរូបផ្សព្វផ្សាយនៅម្តុំបរិវេណអង្គរដោយពុំចាំបាច់ស្នើសុំ ទើបបណ្តាលឲ្យមហាជនជាច្រើនបានសម្តែងនូវការត្រេកអរជាពន់ពេក ជាពិសេសគឺនៅក្នុងចំណោមគូរស្នេហ៍ដែលគ្រោងនឹងថត Pre Wedding ក៏ដូចជាសិល្បករ សិល្បការី influencer ល្បីៗ ជាច្រើន។

សេចក្តីប្រកាសពីការកែប្រែថ្មីរបស់អាជ្ញាធរជាតិអប្សរា កាលពីពេលថ្មីនេះ បានអនុញាតិឲ្យសាធារណៈជន ពេលមកកម្សន្តនៅម្តុំបរិវេណអង្គរ អាចធ្វើការថតផ្សព្វផ្សាយបង្ហោះនៅលើបណ្តាញសង្គមនានា ដោយមិនចាំបាច់ស្នើសុំដូចពីមុននោះទេ។ ម៉្យាងវិញទៀត ចំពោះការថតរូបក្នុងឈុតសម្លៀកបំពាក់សម្អាងការ ភ្ញៀវទេសចរទាំងជាតិនិងអន្តរជាតិក៏អាចប្រព្រឹត្តទៅបានដូចគ្នាដែរ លើកលែងតែការប្រើប្រាស់ដ្រូន។

យ៉ាងណាមិញ បើក្រឡេកមកមើលគូរស្នេហ៍ជាច្រើននៅក្នុងអំឡុងពេលនេះ ក៏បាននាំគ្នាសម្រុកទៅថត Pre Wedding នៅម្តុំបរិវេនប្រាសាទអង្គរវត្តខ្មែរព្រោងព្រាត ដើម្បីត្រៀមនៅក្នុងថ្ងៃកម្មវិធីរៀបអាពាហ៍ពិពាហ៍ពួកគេ បន្ទាប់ពីពិធីចូលទានវស្សាបានបញ្ចប់។ លើសពីនេះទៅទៀត អំឡុងពេលថ្មីនេះ សិល្បករ សិល្បការី អ្នកសម្តែង Influencer ល្បីៗជាច្រើននៅក្នុងឈុតសម្លៀកបំពាក់ប្រពៃណីខ្មែរ បានលេចវត្តមាននៅលើទឹកដីអង្គរ ក្នុងការប្រម៉ូតផ្សព្វផ្សាយយ៉ាងពេញទំហឹងគ្រប់ៗគ្នា។

ក្នុងនោះក៏មានការផលិតវីដេអូខ្នាតធំ សម្តែងរបាំអប្សរាពីយុវតីជូរី ល្អហួស នាំចំពីមុខប្រាសាទអង្គរវត្ត, វីដេអូបង្ហាញពីវប្បធម៌ក្រុងអង្គររបស់លោក Rick KH ជាដើម ដែលត្រៀមនឹងបញ្ចេញឆាប់ៗនេះ។ ទាំងនេះ គឺជាការបង្ហាញពីទឹកចិត្តស្រលាញ់សម្បត្តិវប្បធម៌អរិយធម៌ខ្មែរក្នុងចំណោមកូនខ្មែរគ្រប់ៗរូប ចង់ថែរក្សា អភិរក្សបេតិកភណ្ឌដ៏មានតម្លៃ ក្នុងប្រទេសកម្ពុជាយើងឲ្យបានគង់វង្សស្ថិតស្ថេរ ក៏ដូចជាការផ្សព្វផ្សាយពីទឹកដីអច្ឆរិយខ្មែរទៅកាន់ពិភពលោកផងដែរ៕

ប្រទេសចិន ៖ បើនិយាយពីភ្នំកើតឡើងតាមធម្មជាតិ និងមានទេសភាពស្រស់ស្អាតប្រៀបដូចជាឋានសួគ៌នៅលើដីនោះ គឺគ្មានកន្លែងណាស្អាតជាងភ្នំ Tianmenshan (ឬភ្នំទ្វារឋានសួគ៌) ឡើយ ហើយមានភ្ញៀវទេសចរជាច្រើននាក់ ដែលប្រាថ្នាមកលេងទីនេះឱ្យបានម្តងក្នុងមួយជីវិត ។ ភ្នំនេះស្ថិតនៅកណ្តាលឧទ្យានជាតិធៀនម៉ឺន (Tianmen) ក្នុងទីក្រុងចាងជៀជៀ ខេត្តហ៊ូណាន ប្រទេសចិន ។

កាលពីឆ្នាំ២០២០ ភ្នំទ្វារឋានសួគ៌ ធៀនម៉ឺនសាន (Tianmenshan) មានឈ្មោះថា ភ្នំ Songliang ដែលមានកម្ពស់ជាង៣.០០០ម៉ែត្រ ។ នៅចំណុចកណ្តាលរបស់ភ្នំនេះបានញែកដាច់ចេញពីគ្នា និងមានប្រហោងនៅផ្នែកខាងលើភ្នំស្រដៀងនឹងមាត់ល្អាង ដែលមាត់ល្អាងនេះមានកម្ពស់ជាង១៣១ម៉ែត្រ ។ វាជាការបង្កើតឡើងដ៏អស្ចារ្យរបស់ធម្មជាតិ ដែលកម្រមានតំបន់ណាលើពិភពលោក មានលក្ខណៈបែបនេះណាស់ ។

ហេតុនេះ ដោយសារមើលឃើញថា វាមានលក្ខណៈខុសប្លែកពីតំបន់ផ្សេងទៀត ទើបប្រទេសចិនបានប្តូរឈ្មោះពីភ្នំ Songliang ទៅជាភ្នំ Tianmenshan វិញ មានន័យថា ជាទ្វារឋានសួគ៌ ។ រីឯភ្ញៀវទេសចរចង់ឡើងទៅមើលទេសភាពនៅមាត់ល្អាងផ្នែកខាងលើរបស់ភ្នំ Tianmenshan ដែលជាមាត់ល្អាងខ្ពស់មួយក្នុងចំណោមមាត់ល្អាងខ្ពស់ៗលើពិភពលោក ដែលបង្កើតឡើងដោយធម្មជាតិនេះ គឺពួកគេអាចជ្រើសរើសការធ្វើដំណើរ ចំនួន៣វិធី ដូចជា ៖

១-ឡើងតាមជណ្តើរធម្មតា ដែលមានចំនួន៩៩៩កាំ
២-ឡើងតាមជណ្តើរយន្ត ដែលបានធ្វើឡើងដោយការចោះភ្នំ និង
៣-អាចជិះកន្ត្រកខ្សែរ៉ក ។

ក្រៅពីនេះ នៅទីនេះ មានវត្តឈ្មោះ Tianmenshan ដែលបានកសាងឡើងតាំងពីសម័យរាជវង្សថាង (គិតចាប់ពីឆ្នាំ៦១៨ ដល់ឆ្នាំ៩០៧) ។ វត្តនេះធ្លាប់មានឈ្មោះថា វត្តលីងឆ្វៀន ដែលត្រូវសាងសង់ធ្វើឡើងនៅលើផ្ទៃដីយ៉ាងធំទូលាយ ។

អ្វីដែលធ្វើឱ្យភ្នំទ្វារឋានសួគ៌កាន់តែមានភាពទាក់ទាញភ្ញៀវទេសចរខ្លាំងនោះ គឺនៅផ្នែកចំហៀងកាំជណ្តើរធម្មតាដែលឡើងទៅកាន់មាត់ល្អាងខាងលើ មានទឹកជ្រោះផងដែរ ។ ដូច្នេះ វាធ្វើឱ្យភ្ញៀវទេសចរឡើងទៅមាត់ល្អាងតាមជណ្តើរធម្មតាបាត់អស់ការនឿយហត់ ដោយសារបានស្តាប់សំឡេងទឹកជ្រោះធ្លាក់ ។

ភ្ញៀវទេសចរភាគច្រើនតែងតែមកសុំពរ និងលាភសំណាងផ្សេងៗ ដោយសារពួកគេជឿថា នៅទីនេះជាកន្លែងស័ក្តិសិទ្ធិ ។ ភ្ញៀវទេសចរក៏អាចសម្រាកនៅតាមចំណុចផ្សេងៗ និងថតរូបលេងជាមួយទេសភាពធម្មជាតិនៅលើភ្នំដ៏ខៀវស្រងាត់ ។ រីឯចំណុចទាក់ទាញភ្ញៀវទេសចរខ្លាំងបំផុតនោះ គឺការបរិភោគអាហារឆ្ងាញ់ៗជាច្រើនមុខ ៕