យោងតាមសេចក្តីណែនាំស្តីពីបែបបទ និងនីតិវិធីនៃការងារចុះបញ្ជី និងគ្រប់គ្រងការស្នាក់នៅ របស់អគ្គនាយកដ្ឋានអត្តសញ្ញាណកម្មបានឱ្យដឹងថា៖” ឯកសារភ្ជាប់សម្រាប់ចុះបញ្ជីសៀវភៅគ្រួសារ ចាំបាច់ត្រូវមានសៀវភៅស្នាក់នៅ និងសេចក្តីចម្លងសំបុត្រកំណើត ឬសំបុត្របញ្ជាក់កំណើត (ក្នុងករណីប្តី ប្រពន្ធ ត្រូវមានសេចក្តីចម្លងសំបុត្រអាពាហ៍ពិពាហ៍ ឬសំបុត្របញ្ជាក់អាពាហ៍ពិពាហ៍)”។

ដោយឡែកក្នុងករណីបាត់ ឬខូចសៀវភៅគ្រួសារ ពលរដ្ឋតម្រូវឱ្យ៖
• ករណីបាត់ មេគ្រួសារ ឬអ្នកតំណាងត្រូវមានពាក្យបណ្តឹងអំពីមូលហេតុច្បាស់លាស់ដោយមានការបញ្ជាក់ពីនាយប៉ុស្តិ៍នគរបាលរដ្ឋបាលឃុំ សង្កាត់នៅទីកន្លែងដែលបានបាត់
• ករណីខូចគុណភាព មេគ្រួសារ ឬអ្នកតំណាង ត្រូវមានសៀវភៅស្នាក់នៅ ឬសៀវភៅគ្រួសារសំណៅដើម

នៅក្នុងដំណើរនៅការធ្វើថ្មី ប្រសិនបើបងប្អូនប្រជាពលរដ្ឋមានឯកសារគ្រប់គ្រាន់ នោះរយៈពេលតែ១៥ថ្ងៃប៉ុណ្ណោះ ឬលឿនជានេះ៕

នាថ្ងៃទី១៧ ខែសីហា ឆ្នាំ២០២៤ខាងមុខ សាខាបេឡាជាតិសន្តិសុខសង្គម និងមជ្ឈមណ្ឌលការងារ នឹងសម្ភោធដាក់ឱ្យប្រើប្រាស់ជាផ្លូវការនូវសាខាថ្មី នៅផ្សារទំនើប អ៊ីអន ម៉ល សែនសុខ ស៊ីធី (AEON MALL SnSk City) ជាន់ទី២។

បុគ្គលម្នាក់ដើម្បីទទួលបានប័ណ្ណសមាជិក ប.ស.ស បានលុះត្រាតែបុគ្គលម្នាក់កំពុងធ្វើការ ឬកំពុងបម្រើការងារជូនគ្រឹះស្ថានក្រុមហ៊ុនដែលស្ថិតនៅក្រោមច្បាប់ស្ដីពីការងារ ហើយបានសហការជាមួយនឹងសមាជិក ប.ស.ស។

ក្រោយមក សាមីខ្លួនត្រូវមកចុះឈ្មោះ ដើម្បីទទួលយកប័ណ្ណសមាជិក ប.ស.ស. នៅគ្រប់ការិយាល័យ ប.ស.ស. ទូទាំងរាជធានី/ខេត្ត/ខណ្ឌ ដែលនៅជិតលោកអ្នកបំផុត ។

នៅក្នុងការធ្វើប័ណ្ណសមាជិក ប.ស.ស នេះ ត្រូវភ្ជាប់ឯកសារចាំបាច់គឺ អត្តសញ្ញាណប័ណ្ណសញ្ជាតិខ្មែរ (ច្បាប់ដើម)៕

ព្រះពុទ្ធបដិមាធំឆ្លាក់ដោយដៃជាងចម្លាក់ខ្មែរសុទ្ធសាទ បាននឹងកំពុងលេចរូបរាង យ៉ាងខ្ពស់ត្រដែតលើភ្នំសំពៅ ខេត្តបាត់ដំបង ទាក់ទាញចំណាប់អារម្មណ៍ភ្ញៀវទេសចរគ្រប់ៗរូប បានទាំងមកកម្សាន្តទីតាំងរមណីយដ្ឋានធម្មជាតិហើយ ថែមទាំងមានទីសក្ការបូជាតាមបែបព្រះពុទ្ធសាសនាផងដែរ។

ព្រះពុទ្ធបដិមាដ៏ធំអស្ចារ្យចំនួន ៣ អង្គ ដាប់ឆ្លាក់លើផ្ទាំងថ្មភ្នំសំពៅ យ៉ាងល្អឯកនិងប្រណិត ដែលបច្ចុប្បន្នបានក្លាយជាទីសក្ការៈបូជា ដែលមិនអាចមើលរំលងបានក្នុងចំណោមពុទ្ធសាសនិកគ្រប់ៗរូបផងដែរ។ ព្រះពុទ្ធបដិមាធំៗចំនួន៣អង្គ កម្ពស់ជាង៣០ ម៉ែត្រ និងទទឹងជាង៤០ ម៉ែត្រ ដែលជាស្នាដៃរបស់កូនខ្មែរ ស្ថិតនៅក្នុងទម្រង់ព្រះពុទ្ធទ្រង់ប្រសូត ត្រាស់ដឹង និងព្រះនិព្វាន ដែលខាងក្រោមជាខឿនព័ន្ធជុំវិញដោយបល្ល័ង្គធ្វើអំពីបេតុង។

គួរបញ្ជាក់ថា ភ្នំសំពៅ ជារមណីយដ្ឋានធម្មជាតិមួយស្ថិតនៅតាមដងផ្លូវ ជាតិលេខ៥៧ (អតីតផ្លូវជាតិលេខ១០) ស្ថិតក្នុងឃុំ ភ្នំសំពៅ ស្រុកបាណន់ ចម្ងាយ ១២ គីឡូម៉ែត្រ ពីទីរួមខេត្តបាត់ដំបង។ ភ្នំនេះមានកម្ពស់ប្រមាណ ១០០ ម៉ែត្រ កាំជណ្តើរឡើងចំនួន ១០៣០ កាំផងដែរ។ អ្វីដែលពិសេសជាងនេះទៅទៀត ភ្នំសំពៅ មិនត្រឹមតែ ជារមណីយដ្ឋានធម្មជាតិ ដ៏មានប្រជាប្រិយភាពប៉ុណ្ណោះទេ ប៉ុន្តែវាក៏ត្រូវបានគេចាត់ទុកថាជារមណីយដ្ឋានប្រវត្តិសាស្រ្ត និងសាសនាផងដែរ។

នៅលើកំពូលភ្នំ មានវត្តមួយ ឈ្មោះថា វត្តគិរីរម្យ និងមានល្អាង រូងភ្នំជាច្រើន សរុបចំនួន ១២ រួមមាន ៖ ល្អាងផ្កាស្លា ល្អាងគក់ទ្រូង ល្អាងខ្យល់ ល្អាងតែងខ្លួន ល្អាងល្ខោន ល្អាងជ្រៃ ល្អាងពេជ្រ ល្អាងខ្វែង ល្អាងប្រេង ល្អាងស្ថានីយឬល្អាងធំ ល្អាងក្បាលខ្មោច និងល្អាងប្រចៀវ។ នៅក្បែរភ្នំសំពៅមានចម្កោមភ្នំសំខាន់ៗ មួយចំនួនទៀត ដែលមានជាប់ទាក់ទងនឹងរឿង ព្រេងនិទានខ្មែរ គឺរឿងព្រះបាទរាជកុល នាងរំសាយសក់។ ភ្នំទាំងនោះគឺរួមមាន ភ្នំក្តោង ភ្នំក្រពើ ភ្នំអណ្តើក ភ្នំទ្រុងមាន់ ទ្រុងទា ភ្នំនាងរំសាយសក់ ភ្នំតាគ្រាម និងភ្នំសងក្បាល៕

យោងតាមការចុះផ្សាយរបស់ក្រសួងទេសចរណ៍ កាលពីថ្ងៃទី១៤ ខែសីហា ឆ្នាំ២០២៤នេះបានឲ្យដឹងថា ក្នុងរយៈពេលមួយសប្ដាហ៍ គិតចាប់ពីថ្ងៃទី០៥ ដល់ ថ្ងៃទី១១ ខែសីហា កម្ពុជាទទួលបានភ្ញៀវទេសចរជាតិប្រមាណ ៣៦១ ២០០នាក់ និងភ្ញៀវទេសចរបរទេសប្រមាណ ៦៥ ០០០នាក់ដែលធ្វើដំណើរកម្សាន្តនៅទូទាំងប្រទេស។

ប្រភពដដែលបានឱ្យដឹងទៀតថា ក្នុងរយៈដូចគ្នានេះ ដែរ កម្ពុជាទទួលបានចំណូលសរុប ៨១៤ ៧៧៥ដុល្លារ ពីការលក់បណ្ណចូលទស្សនាតំបន់រមណីយដ្ឋានអង្គររបស់ភ្ញៀវទេសចរបរទេសសរុបចំនួន ១៧ ៣៥៥ នាក់ ដែលតួលេខនេះកើនឡើង ៥,៩%។

សម្រាប់ជើងហោះហើរអន្តរជាតិចូលមកកាន់ប្រទេសកម្ពុជាវិញសរុប ៤៧៤ ជើងហោះហើរដោយក្នុងនោះ អាកាសយានដ្ឋានអន្តរជាតិភ្នំពេញមានចំនួន ៣៥៦ ជើងហោះហើរ, អាកាសយានដ្ឋានអន្តរជាតិសៀមរាបអង្គរមានចំនួន ១០៣ ជើងហោះហើរ និងអាកាសយានដ្ឋានអន្តរជាតិខេត្តព្រះសីហនុមានចំនួន ១៥ ជើងហោះហើរ។

ក្រសួងទេសចរណ៍រំពឹងថា ចំនួនទេសចរនឹងបន្តកើនឡើង ខណៈដែលក្រសួងកំពុងធ្វើយុទ្ធនាការធំៗទាំង៣គឺ “ឆ្នាំទស្សនាសៀមរាប ២០២៤” “ឆ្នាំនៃការផ្លាស់ប្ដូរប្រជាជនកម្ពុជា-ចិន ២០២៤” និង“ឆ្នាំទេសចរណ៍កម្ពុជា-ឥណ្ឌាលើកទី១ ២០២៤” ព្រមទាំងសកម្មភាពជំរុញទេសចរណ៍ជាច្រើនទៀត ជាពិសេស ព្រឹត្តិការណ៍ Gumball 3000 ជាដើម៕

ក្រសួងដែនដី បានចេញសេចក្ដីសម្រេចស្ដីពី ការដាក់អោយប្រេីអនុវត្តបន្តគម្រោងអភិវឌ្ឍរមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ ” ឆ្នេរតេជោសន្តិភាពកែប ” សម្រាប់សាធារណៈជន និងទេសចរ ស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប។

គម្រោងរមណីយដ្ឋានឆ្នេរខ្សាច់នេះ មានបណ្តោយប្រវែង ២៧០០ម៉ែត្រ ទទឹងប្រវែង៣០ម៉ែត្រ និងមានផ្លូវជិះកង់ចំនួន២គន្លង មានទទឹងប្រវែង ៣ម៉ែត្រ ស្របតាមបណ្តោយឆ្នេរសមុទ្រ។

មិនតែប៉ុណ្ណោះ ក៏មានសួនច្បារមានទទឹងប្រវែងយ៉ាងតិច ៥០ម៉ែត្រ អមជាមួយ វិថី និងអនុវិថីចូលឆ្នេរសមុទ្រចំនួន ៥ខ្សែ ដែលមានផ្លូវថ្មើរជើង ផ្លូវថ្មើរជើងសម្រាប់ជនមានពិការភ្នែក និងផ្លូវជិះកង់ថែមទៀត។

លើសពីនេះទៀត ក៏មានរង្វង់មូលគយគន់ទេសភាពចំនួន ២កន្លែង ក្នុងនោះរង្វង់មូលទី១ មានអង្កត់ផ្ចិតប្រវែង៩៩ម៉ែត្រ ស្ថិតនៅចុងវិថីចូលឆ្នេរសមុទ្រទី១ ដែលគ្រោងតម្កល់នូវរូបចម្លាក់លោកយាយជំទាវម៉ៅ និងរង្វង់មូលទី២ មានអង្កត់ផ្ចិតប្រវែង ៩៩ម៉ែត្រ ស្ថិតនៅចុងវិថីចូលឆ្នេរសមុទ្រទី២ ដែលគ្រោងរក្សាទុកជា លម្អសាធារណៈសម្រាប់ប្រារព្ធពិធីបុណ្យ និងពិព័រណ៍នានា៕

កម្លាំងនគរបាលខេត្តតាកែវ បានធ្វើការឃាត់ខ្លួនបុរសម្នាក់ ឈ្មោះ សាន ផានិត ពីបទ ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ប្រព្រឹត្តនៅប្រទេសកម្ពុជា កាលពីអំឡុងខែកក្កដា ឆ្នាំ២០២៤។

យោងតាមដីការបង្គាប់របស់អយ្យការអមសាលាដំបូងរាជធានីភ្នំពេញ បង្គាប់ឱ្យកងកម្លាំងសាធារណៈ ឱ្យចាប់ និងនាំខ្លួនបុរសខាងលើនេះមកប្រគល់ជូនសាលាដំបូងរាជធានីភ្នំពេញដើម្បីចាត់ការតាមច្បាប់ ដោយដីកាបង្គាប់នេះមានអានុភាព គិតចាប់ពីថ្ងៃទី១៣ ខែសីហា ឆ្នាំ ២០២៤ ដល់ថ្ងៃទី១៣ ខែកញ្ញា ឆ្នាំ២០២៤។

យុវជនខាងលើមានឈ្មោះ សាន ផានិត ភេទប្រុស អាយុ២២ឆ្នាំ ទីកន្លែងកំណើត នៅស្រុកសំរោង ខេត្ដតាកែវ ទីលំនៅបច្ចុប្បន្ន ស្នាក់នៅភូមិស្វាយរន្ធ ឃុំជំរះពេន ស្រុកសំរោង ខេត្ដតាកែវ៕