ថ្មីៗនេះ Peypey Dy បានចូលរួមនៅក្នុងកម្មវិធីសម្ភាសន៍មួយដោយបាននិយាយទាក់ទងនឹងជីវិតឯកជនរឿងស្នេហា និងការងារក្នុងវិស័យសិល្បៈ។ ក្នុងនោះ Peypey Dy ក៏បានពោលថាស្មានចិត្តមិនត្រូវចំពោះ «ម៉ែសេះ»។

កម្មវិធី សខ្មៅ ពីពិធីការិនី ពេជ្រ សិរីរ័ត្ន ហាក់ទទួលបានការចាប់អារម្មណ៍ពីមួយកម្រិតទៅមួយកម្រិតដោយមានតារាកិត្តិយសល្បីៗជាច្រើនចូលរួមផ្តល់បទសម្ភាសន៍។ នៅយប់ថ្ងៃទី៥ ខែកញ្ញានេះគឺមានវត្តមានរបស់បុគ្គលល្បីឈ្មោះលើបណ្តាញសង្គម ជាថៅកែនិងម្ចាស់ផលិតកម្មវ័យក្មេង Peypey Dy ចូលរួមផងដែរ។ រៀបរាប់ពីជីវិតស្នេហា គ្រួសារ ការប្រឡូកក្នុងជីវិតសិល្បៈតាំងពីឆ្នាំ២០១៣ និងចាប់ផ្តើមល្បីល្បាញខ្លាំងក្នុងឆ្នាំ២០១៥ ពិធីការិនីក៏បានឈ្លេចសួរទាក់ទងនឹង ម៉ែសេះ ព្រោះតែឃើញ ម៉ែសេះ គោរពស្រលាញ់ Peypey Dy ខ្លាំង។

ចំពោះរឿងដែល ម៉ែសេះ គោរពស្រលាញ់ Peypey Dy ថាខ្លួនស្មានចិត្ត ម៉ែសេះ ក៏មិនត្រូវដែរ។ Peypey Dy ថាឬមួយក៏អាចមកពីទង្វើល្អរបស់ខ្លួនដែលធ្វើទៅលើគាត់ឬមួយក៏យ៉ាងមិចមិនដឹងដូចគ្នា។ រាល់ថ្ងៃអ្នកដែលថាឱ្យ ម៉ែសេះ ស្តីឱ្យម៉ែសេះច្រើនជាងគេគឺជាខ្លួនលោក ហើយម៉ែសេះក៏ជាអ្នកដែលត្រូវមាត់ខ្លាំងជាងគេ ប៉ុន្តែចំពោះអ្វីផ្សេងទៀតលោកក៏មិនដឹងដែរ។

បន្ថែមពីសំណួរខាងលើ ពិធីការិនី ពេជ្រ សិរីរ័ត្ន បានលើកឡើងទៀតថា« ឃើញឈ្លោះសឹងតែរាល់ថ្ងៃ ប្រើភាសាក៏មិនសូវពីរោះប៉ុន្តែអាចទ្រាំរស់នៅជាមួយជាមួយគ្នា ទៅណាមកណាតែងតែនិយាយថាមេគាត់នៅទីនោះៗ ដែលសម្តែងដោយក្តីស្រលាញ់ ការគោរព»។
Peypey dy បានផ្តល់ចម្លើយថា ឃើញបែបនេះប្រាកដជាសប្បាយចិត្តហើយ ហើយលោកគិតថាមិនមែនមានតែ ម៉ែសេះមួយទេ។ អាចនិយាយបានថាលោកក៏សំណាងមួយដែរដែលទោះបីជាយ៉ាងណាក៏ដោយបានជួបមនុស្សដែលស្រលាញ់យើងជាយើង រាប់អាន គោរពលោកចេញពីចិត្ត។

ថៅកែវ័យក្មេងរូបនេះបានបន្តទៀតថា «អាចនិយាយបានថាមកពីលោករាប់អាននរណាម្នាក់គឺយើងអត់ដែលសម្លឹងឃើញពីផលប្រយោជន៍ រាប់អានចេញពីចិត្ត ប្រើការស្រលាញ់ពិតប្រាកដ ទើបបានជួបមនុស្សដែលស្រលាញ់រាប់អានយើងពិតដូចគ្នា»៕

គ្រោះថ្នាក់ចរាចរណ៍បង្កឡើងដោយ ម៉ៃ សុគន្ធ បានធ្វើឱ្យផ្ទុះកក្រើកយ៉ាងខ្លាំងខណៈជនបង្កហេតុរូបនេះបានចេញវីដេអូសូមទោសជាសាធារណៈសុំការសន្តោសពីថ្នាក់ដឹកនាំនិងសន្យាមិនឱ្យមានជាលើកទី២ ។ ជនរងគ្រោះក្នុងចំណោមនោះមានម្នាក់ជាបេក្ខភាពបវរកញ្ញាឈ្មោះថា «លីម ណាលី» កំពុងប្រកួតក្នុងកម្មវិធី Miss Mera Cambodia ខណៈបេក្ខភាពរូបនេះបង្ហើបថាអ្នកគ្រប់គ្រងបានត្រៀមមេធាវីហើយ។

កាលពីយប់ថ្ងៃទី៥ ខែកញ្ញា ម៉ៃ សុគន្ធ បានចេញវីដេអូសូមទោសជាសាធារណៈចំពោះកំហុសខុសឆ្គងរបស់ខ្លួនទៅកាន់រាជរដ្ឋាភិបាល ថ្នាក់ដឹកនាំផ្សេងៗច្រើនរូប សមត្ថកិច្ចខណ្ឌសែនសុខ ចំពោះគ្រោះថ្នាក់ចរាចរណ៍ដែលបង្កឡើងដោយលោកបានបើកបររថយន្តមិនបានគោរព ច្បាប់ចរាចរណ៍ មានជាតិស្រវឹងក្នុងខ្លួន បំពានគោលដៅអនុវត្តរឹតបណ្តឹងដោយសារតែភ័យពេកខ្លាចបាត់បង់កិត្តិយសពេលផាកពិន័យគ្មានចេតនាអ្វីលើសនេះនោះទេ។

ក្នុងវីដេអូ ម៉ៃ សុគន្ធ មិនបានពោលពាក្យសូមទោសទៅកាន់ជនរងគ្រោះនោះទេ ប៉ុន្តែសំណេរនៅលើវីដេអូដែលបានបង្ហោះបានសុំការលើកទោសដល់ពី អ្នកបើកបរកង់បី ព្រមទាំងជនរងគ្រោះ ដោយនឹងធានាសងសំណងលើថ្លៃខូចខាត និងការសន្យាកែប្រែកំហុសខុសឆ្គងមួយនេះ ជាមួយនឹងការផ្ញើសារកុំយកគំរូអាក្រក់តាមលោកត្រូវចូលរួមគោរពច្បាប់ចរាចរណ៍ទាំងអស់គ្នា។

ទោះយ៉ាងណាបន្ទាប់ពី ម៉ៃ សុគន្ធ បានចេញវីដេអូរួច បេក្ខភាពបវរកញ្ញា Miss Mera Cambodia ឈ្មោះថា «លីម ណាលី» បានចេញមកទម្លាយថានាងក៏ជាជនរងគ្រោះក្នុងចំណោមជនរងគ្រោះផ្សេងទៀតដូចគ្នាទោះបីជាមិនមានរបួសខ្លាំង ប៉ុន្តែបេក្ខភាពរូបនេះបានលើកឡើងថាប៉ះពាល់ផ្លូវចិត្ត។ កម្មវិធីបវរកញ្ញានេះគឺស្ថិតក្រោមការគ្រប់គ្រងរបស់កញ្ញា ខាត់ស្រីច័ន្ទ ហៅ ខេត។

លីម ណាលី បានសរសេរថា «ម៉ៃ សុគន្ធ ចុះខ្ញុំដែលជាជនរងគ្រោះក្នុងចំណោម ជនរងគ្រោះទាំង 3 នាក់ ទៀត នឹង passapp 2 គ្រឿងទៀត ?»។ នៅលើ Story វិញ លីម ណាលី បានបង្ហាញស្នាមរបួសដោយភ្ជាប់មកជាមួយសំណេរថា «កុំគិតថាងាយ ក៏កុំគិតថាស្រួល កុំសប្បាយមួយពេលមិនគិតពីជីវិតអ្នកដទៃ ខាងបងអ្នកគ្រប់គ្រងក៏បានត្រៀមមេធាវីរួចរាល់ហើយដែរ…»។

គួរបញ្ជាក់ថា នាវេលាយប់កណ្តាលអធ្រាត្រចូលថ្ងៃទី៥ ខែកញ្ញា ឆ្នាំ២០២៤ ម៉ៃ សុគន្ធ បានបើករថយន្តគេចពីគោលដៅត្រួតពិនិត្យរបស់សមត្ថកិច្ច រួចបន្តបុករះកង់បីឥណ្ឌា២គ្រឿង។ មុនពេលកើតហេតុ គេបានឃើញរថយន្ត ម៉ៃ សុគន្ធ ម៉ាក LAND CRUISER ពាក់ស្លាកលេខ ភ្នំពេញ 2BW-6802 បានបើកគេចគោលដៅត្រួតពិនិត្យរបស់សមត្ថកិច្ច នៅចំណុចផ្លូវក្បែរបឹងបៃតង រួចមកហួសវត្តទឹកថ្លា ក៏បានរេចង្កូតទៅបុកកង់បីឥណ្ឌា១គ្រឿង បណ្តាលឱ្យកង់បីនោះ ជ្រុលទៅបុកកង់បីឥណ្ឌា១គ្រឿង។ បន្ទាប់មករថយន្តមិនទាន់អស់ល្បឿន ក៏បានបន្តទៅបុកទ្រូងផ្លូវអស់៤កង់បន្ថែមទៀត ទើបទៅមុខលែងរួច។ ក្រោយកើតហេតុភ្លាមៗ ម៉ៃ សុគន្ធ ត្រូវបានសមត្ថកិច្ចបញ្ជូនទៅស្នងការដ្ឋាននគរបាលរាជធានីភ្នំពេញភ្លាម៕

រី ស្រីនេត លំដាប់រងទី១ Miss Grand Cambodia 2024 ដែលទទួលបានប្រជាប្រិយយ៉ាងខ្លាំងមិនត្រឹមតែមានសម្រស់ស្រស់ស្អាតក្នុងនាមជាបវរកញ្ញាតែប៉ុណ្ណោះទេ តែងាកមកកាន់ការច្រៀងនិងរាំវិញ ស្រីនេត គ្រលែងបានមួយឆ្ងាញ់មិនចាញ់អ្នកអាជីពប៉ុន្មាននោះទេ។ មិនត្រឹមតែប៉ុណ្ណោះបវរកញ្ញារូបនេះគឺមនុស្សម្នាក់ដែលមានសន្តានចិត្តល្អគួរជាទីឱ្យសរសើរ។

ថ្មីៗនេះមានវីដេអូចែករំលែកនៅលើបណ្តាញសង្គមទិកតុកបង្ហាញសកម្មភាពរបស់ រី ស្រីនេត លំដាប់រងទី១ MGC2024 ឡើងបកស្រាយបទចម្រៀងអមដោយការបញ្ចញក្បាច់រាំបានយ៉ាងទាក់ទាញ។ បវរកញ្ញារូបនេះបានធ្វើឱ្យទស្សនិកជនចាប់អារម្មណ៍មិនតិចនោះទេពោលគឺ ស្រីនេត បានមួយចប់ ហើយគ្រលែងខ្លួនបានយ៉ាងមួយឆ្ងាញ់។

ចាប់តាំងពីបញ្ចប់ការប្រកួត Miss Grand Cambodia 2024 ស្ថិតក្នុងចំណាត់ថ្នាក់កាន់ដៃម្ចាស់មកុដ ប៊ី សុធារី បវរកញ្ញាកំពូង៥នាក់ចុងក្រោយបានចូលរួមផ្តល់កិច្ចសម្ភាសន៍នានា ក្នុងនោះ ស្រីនេត ក៏បានចូលរួមកម្មវិធីទោលមួយចំនួនផងដែរ។ តាមការចាក់ផ្សាយក្នុងកម្មវិធីធ្វើម្ហូប ស្រីនេត ក៏បានបញ្ចេញថ្វីដៃធ្វើម្ហូប សម្លរកណ្តៀងរបស់អ្នកខេត្តស្វាយរៀង ជាខេត្តដែលនាងតំណាងពេលចូលរួមប្រកួតផងដែរ។

ជាមួយកម្មវិធីផ្សេងៗដែលទទួលបានតម្លៃខ្លួនលំដាប់រងទី១ Miss Grand Cambodia 2024 រូបនេះក៏មិនភ្លេចចូលរួមកម្មវិធីថ្នាក់ជាតិជួយផ្សព្វផ្សាយវប្បធម៌ខ្មែរនិងតំបន់ទេសចរណ៍ដូចគ្នា។ លើសពីក្នុងនាមជាបវរកញ្ញា រី ស្រីនេត គឺជាមនុស្សស្រីម្នាក់ដែលតស៊ូនៅក្នុងជីវិតនិងមានចិត្តសន្តោសប្រពៃជាមនុស្សល្អម្នាក់។
កាលពីកន្លងមកនេះ ពេជ្រ វត្តីសារ៉ាវឌ្ឍី បានទម្លាយពីភាពល្អរបស់ ស្រីណេត ជាមនុស្សដែលមានសណ្តានចិត្តល្អ តស៊ូ ជាអ្នកជួយបង្ហាត់ការសម្តែងដល់នាង។ ស្រីនេត ជាមនុស្សមានអត្តចរិតល្អ ជួយអ្នកដទៃដោយមិនគិតពីផលតបស្នង៕

ប្រិយមិត្តមួយចំនួនធំប្រាកដជាដឹងមកហើយថា ជូវី លីន មិនត្រឹមតែជាតារាចម្រៀងប៉ុណ្ណោះទេ ប៉ុន្តែក៏មានចំណេះជំនាញជាច្រើនទៀតជាធនធានអ្នកសិល្បៈពិតៗ។ តាំងពីក្លាយជាសិល្បករឯករាជ្យមក ជូវី លីន បានបង្ហាញស្នាដៃជាច្រើនជាពិសេសចុងក្រោយនេះគឺបានថត MV ជូនតារាចម្រៀងរ៉េប ជី ដេវីត ធ្វើឱ្យហ្វេនៗរបស់ពួកគេបង្ហាញអារម្មណ៍រំភើបចិត្តមិនតិចនោះទេ។

នៅថ្ងៃទី៥ ខែកញ្ញា មានវីដេអូមួយចែករំលែកពីផេក « ditwayforever»បានបង្ហាញសមកម្មភាព ជី ដេវីត កំពុងតែថត MV ថ្មីនៅស្ថានីយរថភ្លើងក្នុងទីក្រុងភ្នំពេញ។ កំពុងចម្អិនMV ថ្មីនេះអ្នកគាំទ្រក៏បានចាប់អារម្មណ៍លើសពីនេះនោះទេអ្នកដែលថត MV ឱ្យ ជី ដេវីត គឺជា ជូវី លីន។ នេះគឺជាលើកដំបូងហើយសម្រាប់អ្នកទាំងពីរក្នុងការសហការគ្នាឱ្យហ្វេនៗបានរីករាយជាមួយអ្វីដែលថ្មីនឹងមកដល់ក្នុងពេលឆាប់ៗខាងមុខ។

សម្រាប់អ្នកមិនទាន់ដឹង ជូវី លីន មិនត្រឹមតែពូកែច្រៀង រាំប៉ុណ្ណោះទេ តែការថត កាត់តដឹកនាំទៅលើ MV គឺមានភាពទាក់ទាញចេញមកប្រណីតប្លង់ស្អាតៗតែម្តងជាក់ស្តែង ជូវី លីន ក៏បានចេញស្នាដៃបង្កើតវីដេអូចម្រៀងឱ្យតារារ៉េប Kingchi ផងដែរបន្ទាប់ពីផ្តាច់ខ្លួនពីទ្រនំចាស់ ខណៈ ជូវី លីន ក៏ធ្លាប់បញ្ចេញស្នាដៃថតMV មួយចំនួនឱ្យ វណ្ណដា ផងដែរ។

គេចាំបានថាដែរ ទំនាក់ទំនងរបស់ ជី ដេវីត និង ជូវី លីន បានធ្វើឱ្យមានការចាប់អារម្មណ៍ជាសាធារណៈបន្ទាប់ពីគេបានឃើញ ជី ដេវីត ចូលទៅខម្មិនលើបទចម្រៀង ជូវី លីន កាលពីកន្លងមកនេះ។

កាលពីថ្ងៃទី៩ សីហា ជូវី លីន បានទម្លាក់បទ «Lying» ដោយបានរៀបរាប់ពីរឿងដ៏ខ្មៅកង្វក់បានធ្វើឱ្យអ្នកគាំទ្រលើកឡើងថាស្តាប់ហើយឈឺចាប់ជំនួស។ ជាមួយគ្នានេះអ្នកគាំទ្រក៏បានចាប់អារម្មណ៍ថា តារាចម្រៀងល្បីឈ្មោះ ជី ដេវីត ក៏បានចូលទៅខម្មិនលើបទចម្រៀងរបស់ ជូវី លីន ក្នុងន័យផ្តល់កម្លាំងចិត្តជាមួយពាក្យថា «Keep it up Juvie , No Cap »។ នៅពេលនេះ គេក៏បានឃើញ ជូវី លីន ថត MV ឱ្យ ជី ដេវីត ទៀតកាន់តែធ្វើឱ្យហ្វេនៗរបស់ពួកគេបង្ហាញការសប្បាយចិត្តឡើងមក៕