នារសៀលថ្ងៃទី៨ ខែតុលា ឆ្នាំ២០២៤ នេះ គេប្រទះឃើញមាន ការបង្ហោះជាច្រើន ពាក់ព័ន្ធនឹងប្រធានវិញ្ញាសា ក្នុងដំណើរការសំណេរសម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤។

ជុំវិញករណីនេះ ក្រសួងអប់រំ បានធ្វើការណែនាំដល់បេក្ខជន អនុរក្ស គណៈមេប្រយោគ ប្រធានមណ្ឌលប្រឡង និងគណៈកម្មការនានា មិនត្រូវសរសេរ ឬថតចម្លងប្រធានវិញ្ញាសានៃការប្រឡងសញ្ញាបត្រមធ្យមសិក្សាទុតិយភូមិ តាមគ្រប់រូបភាព ដើម្បីបង្ហោះចែកចាយនៅតាមបណ្តាញសង្គម។

ដោយឡែក ការបង្ហោះវិញ្ញាសាប្រឡងលើបណ្តាញសង្គម ជាអំពើហាមឃាត់ ម្ចាស់គណនីនៃបណ្តាញសង្គមនានា ដែលបានបង្ហោះវិញ្ញាសាប្រឡងទាំងអស់ ត្រូវលុបចេញជាបន្ទាន់ មុនពេលក្រសួងមានវិធានការផ្លូវច្បាប់៕

ក្រុមអ្នកស្រាវជ្រាវ នៃក្រសួងបរិស្ថាន បានរកឃើញ ផូសុីលឈើ មានអាយុកាលចន្លោះពី ២៥០ទៅ៣០០លានឆ្នាំ នៅលើភ្នំកងវ៉ា ក្នុងក្រុងសិរីសោភ័ណ ខេត្តបន្ទាយមានជ័យ។

តាមរយៈការសិក្សា ផូស៊ីលឈើទាំងនេះ អាចស្ថិតនៅលើកោះ ឬដីគោកក្នុងពេលមួយ ក្នុងសម័យកាល Permian ដែលមានអាយុ ន្លោះពី២៥០ទៅ៣០០ លានឆ្នាំ ក្នុងស័ក Paleozoic។

លើសពីនេះទៅទៀត ផូស៊ីលទាំងនេះ ក៏ទំនងជាមានទំនាក់ទំនងជាមួយពពួកផូស៊ីលសត្វសមុទ្រ ក្នុងតំបន់នោះផងដែរ។

ផូស៊ីលនេះ គឺជាផូស៊ីលមួយក្នុងចំណោមច្រើនទៀត ដែលរកឃើញនៅតំបន់ការពារធម្មជាតិចំនួន ១៤កន្លែងនៅក្នុងខេត្តរតនគីរី ស្ទឹងត្រែង ព្រះវិហារ កោះកុង និងបន្ទាយមានជ័យ។

គួរបញ្ជាក់ផងដែរថា កាលពីឆ្នាំ២០២១កន្លងទៅ កម្ពុជាក៏ធ្លាប់រកឃើញផូសុីលឆ្អឹងដាយណូស័រ នៅកោះប៉ោ ជាប់ដែនជម្រកសត្វព្រៃតាតៃ ឃុំបាក់ខ្លង ស្រុកមណ្ឌលសីមា ខេត្តកោះកុងផងដែរ៕

ពេលយើងដើរផ្សារយើងតែងតែឃើញអ្នកលក់ជាច្រើនព្យួរសាច់គោឡើងខ្ពស់ៗ ខណៈសាច់ជ្រូកវិញគឺដាក់នៅលើតុទាបធម្មតា ចុះហេតុអ្វីបានជាគេធ្វើបែបនេះ តើការធ្វើបែបនេះអាចប៉ះពាល់ដល់គុណភាពសាច់ដែរឬទេ? ចុះមិចមិនព្យួរសាច់ជ្រូកឡើងខ្ពស់ដូចសាច់គោដែរទៅ? សម្រាប់ហេតុផលគឺគួរឱ្យភ្ញាក់ផ្អើលបំផុត។ នៅក្នុងអាហារប្រចាំថ្ងៃរបស់គ្រួសារនីមួយៗ ប្រភពប្រូតេអ៊ីនដែលមិនអាចខ្វះបានគឺសាច់ មិនថាសាច់គោ សាច់មាន់ សាច់ជ្រូក… ប្រភេទសាច់ទាំងនេះសុទ្ធតែអាចកែច្នៃតាមវិធីផ្សេងៗជាច្រើនមុខ ទៅជាម្ហូបឆ្ងាញ់ៗ។

ទោះយ៉ាងណាក៏ដោយ មានភាពខុសគ្នាជាមូលដ្ឋានរវាងសាច់គោ និងសាច់ជ្រូកពីរប្រភេទ ដែលមនុស្សតិចតួចណាស់បានដឹង។ សម្រាប់ហេតុផលដែលអ្នកលក់ច្រើនតែព្យួរសាច់គោឡើងខ្ពស់ៗគឺដោយសារទីមួយវាជួយសន្សំកន្លែងសម្រាប់ការលក់ ហើយទីពីរការព្យួរសាច់គោឡើងខ្ពស់ៗគឺអាចជួយឱ្យសាច់មានគុណភាពល្អ រសជាតិឆ្ងាញ់ និងមិនងាយខូចខាត។ ទោះជាយ៉ាងណាការព្យួរយូរពេកក៏វាអាចធ្វើឱ្យសាច់ងាយឆ្លងបាក់តេរីតិចតួចផងដែរ។

ចំណែកសាច់ជ្រូកវិញ មូលហេតុដែលអ្នកលក់ច្រើនតែដាក់នៅលើតុទាបធម្មតា មិនព្យួរដូចសាច់គោគឺដោយសារសាច់ជ្រូកជាប្រភេទសាច់ដែលទទួលទានលឿនជាង។ នេះបើយោងតាម Go Food Market បានសរសេរថា ការដាក់សាច់ជ្រូកដោយផ្ទាល់នៅលើតុនឹងជួយឱ្យអ្នកលក់ងាយស្រួល លក់ពួកវាឆាប់អស់ ហើយថែមទាំងអាចឱ្យអ្នកទិញវាយតម្លៃយ៉ាងសកម្ម និងជ្រើសរើសសាច់ដែលខ្លួនចង់បានទៀតផង។

ក្រៅពីនេះ សាច់ជ្រូកនៅពេលលក់នឹងមកជាមួយផ្នែកជាច្រើននៃជាតិខ្លាញ់ ដែលមានទីតាំងនៅតំបន់ផ្សេងៗគ្នាជាច្រើន។ ដូច្នេះហើយបើព្យួរទុកកន្លែងខ្ពស់ៗដូចសាច់គោ សោភ័ណភាពសាច់ជ្រូកនឹងមិនស្រស់ល្អនោះទេ ដែលនេះនឹងធ្វើឱ្យអថិជនមិនពេញចិត្ត ឬលក់មិនដាច់ជាដើម។ ដូច្នេះហើយសម្រាប់ហេតុផលខាងលើ យើងតែងតែឃើញមានភាពខុសគ្នាយ៉ាងច្បាស់នៅក្នុងតូបលក់សាច់គោ និងសាច់ជ្រូក។ ចំពោះតូបដែលលក់សាច់ទាំងពីរប្រភេទ ការព្យួរសាច់គោ និងដាក់តាំងសាច់ជ្រូកនៅលើតុទាបធម្មតាគឺតែងតែជាដំណោះស្រាយដ៏ល្អបំផុត៕

មនុស្សជាច្រើនប្រហែលជាឆ្ងល់ ព្រោះមានអ្នកខ្លះថាខ្លាញ់ជ្រូកល្អជាង ហើយអ្នកខ្លះទៀតថាប្រេងឆាល្អជាង ដូច្នេះហើយតើយើងត្រូវជ្រើសរើសមួយណាទើបល្អសម្រាប់សុខភាព? នេះបើយោងតាមសាស្ត្រាចារ្យ Pr Philippe Legrand ដែលជាអ្នកឯកទេសផ្នែកពិសោធន៍អាហារូបត្ថម្ភ នៅវិទ្យាស្ថានស្រាវជ្រាវកសិឧស្សាហកម្មប្រទេសបារាំង បាននិយាយថា រវាងខ្លាញ់ជ្រូក និងប្រេងឆា គឺប្រេងឆាល្អជាងគេ។ មូលហេតុគឺដោយសារប្រេងឆាមានផ្ទុកសារធាតុអូមេហ្កា ៣ និងអូមេហ្កា ៦ ដែលល្អបំផុតសម្រាប់សុខភាពរាងកាយរបស់យើង។

ប្រេងឆាជាពពួកខ្លាញ់មិនឆ្អែតចម្រាញ់ពីប្រេងបន្លែផ្សេងៗ រួមទាំងប្រេងដូង ប្រេងសណ្តែកសៀង ប្រេងល្ង ប្រេងអូលីវ ឬប្រេងធញ្ញជាតិផ្សេងទៀតដែលមានរសជាតិខុសៗគ្នា។ ដូច្នេះសារធាតុអូមេហ្កា ៣ និងអូមេហ្កា ៦ ដែលមាននៅក្នុងប្រេងឆាជួយសម្រួលសរសៃបេះដូងឱ្យដំណើរការល្អ ក៏ដូចជាជំនួយខួរក្បាល និងជំនួយការលូតលាស់ជាដើម។ រីឯខ្លាញ់ជ្រូកវិញគឺមិនល្អសម្រាប់ការចម្អិនអាហារនោះទេ ព្រោះវាជាខ្លាញ់ឆ្អែតចម្រាញ់ពីខ្លាញ់សត្វ ដែលមានមេរោគច្រើន ដូច្នេះវាមិនសក្តិសមក្នុងការទទួលទាននោះទេ។

ខ្លាញ់ជ្រូកគឺមានសារធាតុកូលេស្តេរ៉ុលខ្ពស់មិនល្អសម្រាប់សុខភាពរាងកាយនោះទេ។ ទោះជាយ៉ាងណាមិនថាអ្នកប្រើប្រេងឆា ឬខ្លាញ់ជ្រូកនោះទេ ប្រសិនបើប្រើប្រាស់វាយូររហូតដល់ខ្មៅ ទោះប្រេងឆាល្អយ៉ាងណា ក៏អាចបង្កឱ្យមានជំងឺមហារីកផងដែរ។ ហេតុនេះសូមកុំបណ្តោយឱ្យប្រេងឆា ឬខ្លាញ់ជ្រូកខ្មៅឱ្យសោះ។ ដូច្នេះសរុបសេចក្តីមក រវាងខ្លាញ់ជ្រូក និងប្រេងឆា ច្បាស់ណាស់គឺប្រេងឆាល្អជាង៕

សម្តេចធិបតី ហ៊ុន ម៉ាណែត បានបញ្ចប់មុខតំណែង លោក កន សុខកាយ ឋានន្តរស័ក្តិឧត្តមមន្រ្តី ថ្នាក់លេខ៥ ពីអភិបាលនៃ គណៈអភិបាលស្រុកល្វាឯម នៃខេត្តកណ្តាល ដោយសារសាមីខ្លួនបានប្រព្រឹត្តកំហុសក្រមសីលធម៌ និងវិជ្ជាជីវៈ ធ្ងន់ធ្ងរ ផ្ទុយនឹងច្បាប់ស្តីពីសហលក្ខន្តិកៈមន្ត្រីរាជការស៊ីវិលនៃព្រះរាជាណាចក្រកម្ពុជា។

ការបញ្ចប់តួនាទីនេះ ដោយហេតុថា លោក កន សុខកាយ អភិបាលស្រុកល្វាឯម ខេត្តកណ្តាល បានយកលុយ៣០ម៉ឺនដុល្លារ ទៅឱ្យលោក លី សាម៉េត ដើម្បីរត់ការធ្វើជាអភិបាលក្រុងអរិយក្សត្រ។

ហេតុការណ៍នេះ ត្រូវបានសម្តេចតេជោ ហ៊ុន សែន ចេញមកទម្លាយនាថ្ងៃទី៧ ខែតុលា ឆ្នាំ២០២៤ ដែលជាហេតុនាំឱ្យមានការបង្កកទ្រព្យសម្បត្តិ លោកលី សាម៉េត ៕