ជារឿយៗ ជូរី ល្អហួស តែងតែត្រូវបានហ្វេនៗជំរុញលើកទឹកចិត្តនាងឱ្យចូលវិស័យ K-Pop ដើម្បីឱ្យប្រទេសកម្ពុជាកាន់តែល្បីល្បាញតាមរយៈវិស័យមួយនេះ ខណៈ ល្អហួស រាំបានល្អទាំងស្អាត សម្រស់ក៏មានបានមួយចប់។ ជាមួយការជំរុញលើកទឹកចិត្តស្រាប់តែ ល្អហួស បង្ហើបប្រយោគមួយឃ្លាធ្វើឱ្យហ្វេនៗកាន់តែសប្បាយចិត្តទ្វេដង។

ក្នុងការប្រកួតវិស័យបវរកញ្ញា យុវតី ល្អហួស បានយកជ័យជម្នះជូនប្រទេសជាតិក្លាយជា Miss Preteen Junior Idol World 2024 ដោយបានបង្ហាញពីឥទ្ធីពលកម្ពុជាមិនចាញ់ប្រទេសដទៃនោះទេ ជាពិសេសគឺបានបង្ហាញពីរបាំអប្សរា យ៉ាងទន់ភ្លន់ នៅលើឆាកអន្តរជាតិប្រកបដោយស្នាមញញឹមដ៏ស្រស់ស្អាត។ ងាកមកកាន់វិស័យសិល្បៈវិញទស្សនិកជនមានការទទួលស្គាល់ទៅលើសមត្ថភាពរបស់ ល្អហួស មានទេពកោសល្យពេញខ្លួនទាំងបុរាណនិងសម័យ ល្អហួស ធ្វើបានទាំងអស់។

មានទាំងព្រមដូចនេះមិនថាសម្រស់ឬទេពកោសល្យជារឿយៗ ល្អហួស តែងតែត្រូវបានហ្វេនៗជំរុញចិត្តឱ្យយុវតីរូបនេះចូលរួមប្រកួតប្រជែងនៅលើវិស័យ K-Pop នឹងជំរុញឱ្យប្រទេសកម្ពុជាកាន់តែល្បាញល្បី។ ថ្មីៗនេះ ល្អហួស កាន់តែធ្វើឱ្យអ្នកគាំទ្ររំភើបចិត្តព្រោះបានបង្ហាញចំណាប់អារម្មណ៍របស់ខ្លួនទំនងប្រឡូកលើវិស័យមួយនេះ។

នៅយប់ថ្ងៃទី២៩ តុលា ល្អហួស បានបង្ហោះសំណេរថា «ថ្ងៃខាងមុខនឹងមានឈ្មោះ កូនស្រីកម្ពុជា ឈរលើវិស័យ K-POP IDOL លំដាប់អន្តរជាតិ ដើម្បីឱ្យពិភពលោកស្គាល់កាន់តែច្បាស់ពី កម្ពុជា»។

ឃើញការបង្ហោះរបស់ ល្អហួស បែបនេះហើយហ្វេនៗជាច្រើនកាន់តែជំរុញលើកទឹកចិត្តទ្វេដង ស្របពេល ល្អហួស ក៏ត្រៀម បង្ហាញពីចង្វាក់ K-Pop ចែកហ្វេនៗទស្សនា។ ទន្ទឹមនឹងបង្ហាញចង្វាក់ K-Pop ល្អហួស ក៏បានថតរបាំអប្សរានៅលើទឹកដីប្រាសាទអង្គរវត្តម្តងទៀត បន្ទាប់ពីលើកទី១ មានការខ្វះខាតប្លង់មួយចំនួនមិនបានបង្ហាញឱ្យទស្សនិកជនទស្សនា។

មែនទែនទៅ ល្អហួស មានបំណងចង់ប្រកួតប្រជែងកម្មវិធី Miss Grand បន្ទាប់ពីគ្រប់អាយុ១៨ឆ្នាំប៉ុន្តែបានសម្រេចចិត្តបោះបង់ក្តីស្រមៃមួយនេះវិញក្រោយពីមានបញ្ហាចម្រូងចម្រាសមក៕

កញ្ញា ពេជ្រ ចរណៃ ដែលជាតារាសម្តែងនិងជាគ្រូបង្វឹកគុនល្បុក្កតោបានក្លាយជាស្រ្តីកម្ពុជាដំបូងគេចូលរួមក្នុងកម្មវិធី Global iLearning Movement ហៅកាត់ថា GiM តាមរយៈការ Live ដែលមានជាង៣០ប្រទេសចូលរួម។ តាមការបញ្ជាក់របស់កញ្ញា ពេជ្រ ចរណៃ បានឱ្យដឹងថារូបនាងនឹងបង្ហាញពីប្រវត្តិក្បាច់គុនបុរាណខ្មែរ ផ្សព្វផ្សាយពីវប្បធម៌របស់ខ្មែរតាមរយៈកម្មវិធីមួយនេះ។

តាមការបង្ហោះរបស់កញ្ញា ពេជ្រ ចរណៃ នៅលើបណ្តាញសង្គមបានបង្ហាញអារម្មណ៍មានមោទនភាពដែលបានចូលរួមក្នុងកម្មវិធី Global iLearning Movement ក្នុងការលើកស្ទួយ និង ផ្សព្វផ្សាយនូវក្បាច់គុនខ្មែរបុរាណល្បុក្កតោ វប្បធម៌ខ្មែរឱ្យបានកាន់តែទូលំទូលាយទៅកាន់ពិភពលោក។ កញ្ញា បានឱ្យដឹងទៀតថាកម្មវិធី live នេះនឹងមានអ្នកចូលរួមមកពីជាង៣០ប្រទេសសុទ្ធតែជាបុគ្គលល្បីៗដើម្បីចូលរួមចែករំលែកពីវប្បធម៌ អរិយធម៌របស់គ្នាទៅវិញទៅមក។

កញ្ញា ពេជ្រ ចរណៃ ដែលតែងតែនិយមលើកស្ទួយសិល្បៈក្បាច់គុនល្បុក្កតោ បានបញ្ជាក់ទៀតថាការ Live នេះនឹងប្រព្រឹត្តទៅនៅថ្ងៃទី៣០ ខែតុលា ឆ្នាំ២០២៤ នៅវេលាម៉ោង ៧:៣០ ដល់ ៨:៣០ យប់ មានបកជាភាសាអង់គ្លេស ចិនកុកងឺ ចិនកាតាំង និង ឥណ្ឌូនេស៊ីផ្ទាល់ៗ។

កញ្ញាថា «រំភើបចិត្តខ្លាំងណាស់ ក្នុងនាមជាកូនស្រី កម្ពុជា ដំបូងគេបានចូលរួមក្នុងការឡាយក្នុងកម្មវិធីដ៏ធំខ្ញុំនឹងយកកម្មវិធីដ៏អស្ចារ្យនេះផ្សព្វផ្សាយនៅវប្បធម៌ អរិយធម៌ សិល្បៈ ក្បាច់គុនខ្មែរ ឱ្យពិភពលោកបានស្គាល់ពីកម្ពុជាកាន់តែខ្លាំង»៕

ភាពចម្រូងចម្រាសរវាងខ្មែរនិងថៃជុំវិញកម្មវីធី Miss Grand ពេជ្រ វត្តីសារ៉ាវឌ្ឍី ជាមនុស្សម្នាក់ត្រូវបានអ្នកមួយចំនួនដាក់បន្ទុកខ្លាំងទៅលើនាងព្រោះតែការស្ងៀមស្ងាត់មិនមាត់ករបស់នាងចេញមុខការពារប្រទេស។ ទោះយ៉ាងណា បើតាមគេសង្កេតឃើញដ្បិតតែនាងមិននិយាយអ្វីច្រើនប៉ុន្តែការបង្ហោះរបស់នាងក៏មិនប្រើ Hashtag ដូចកាលពីមុននោះទេ។

ឈ្មោះ ពេជ្រ វត្តីសារ៉ាវឌ្ឍី បានក្លាយជាគោលដៅនៃការជជែកវែកញែក រិះគន់ដាក់បន្ទុកទៅលើនាងបន្ទាប់ពីស្ថាប័ន MGC និង MGI មានបញ្ហាជាមួយគ្នាប៉ុន្តែនាងមិនបានចេញមកនិយាយការពារ ឬនិយាយអ្វីឡើយ។ ការស្ងាត់ស្ងៀមរបស់នាងក៏ធ្វើឱ្យ លីវ ជីលី ចេញមកផ្លែផ្កា ជាមួយ ខ្លឹម ស្រីគា ខណៈអ្នកមួយចំនួនទៀតនៅតែកើតក្តីខឹងសម្បារចំពោះនាង។

មិនបានចេញមុខនិយាយអ្វីក្រោមហេតុផលនៅមានកុងត្រាជាមួយស្ថាប័ន MGI អាចនឹងត្រូវគេប្តឹង ស្របពេលដែលមិននិយាយអ្វី ពេជ្រ វត្តីសារ៉ាវឌ្ឍី ក៏ត្រូវបានលោក ណាវ៉ាត់ ឱ្យក្រុមការងារ MGI Unfollowed និងនិយាយថាមិនបាច់មកប្រទេសថៃឬទាក់ទងទៅទៀតនោះទេ។ ការនិយាយរបស់លោក ណាវ៉ាត់ នេះត្រូវបានគេជឿថាដោយសារតែការខឹងសម្បារ ពេល ពេជ្រ វត្តីសារ៉ាវឌ្ឍី បានទៅចូលរួមសន្និសីទកាសែតរបស់ លោកស្រី អ៊ឹម សុគន្ធា និង ប៊ី សុធារី ហើយអង្គុយរួមតុជាមួយគ្នាដែលកំពុងបរិភោគពងក្រួច និងសណ្តែកដី។

ការកាត់ទំនាក់ទំនងនេះនៅក្នុងថ្ងៃផ្តាច់ព្រ័ត្រកម្មវិធី MGI កាលពីថ្ងៃទី២៥ ខែតុលា ឆ្នាំ២០២៤ ក៏ពុំមានវត្តមាន ពេជ្រ វត្តីសារ៉ាវឌ្ឍី ចូលរួមដូចគ្នាខណៈបវរកញ្ញា Isabella Miss Grand International 2022 បានសួររកនាងព្រោះតែមិនបានដឹងមានបញ្ហាអ្វីកើតឡើង។
មែនទែនទៅ ទោះបីជា ពេជ្រ វត្តីសារ៉ាវឌ្ឍី មិនមាត់កច្រើន អ្នកខ្លះបានដាក់បន្ទុកនាងខ្លាំងយ៉ាងណាដោយសារតែកុងត្រា ប៉ុន្តែសកម្មភាពមួយចំនួនដែលអ្នកខ្លះមិនបានដឹងថា ពេជ្រ វត្តីសារ៉ាវឌ្ឍី មានការប្រែប្រួលចំពោះស្ថាប័ន MGI ដូចគ្នា។

មុនពេលមិនទាន់មានរឿងចម្រូងចម្រាសការបង្ហោះរបស់ ពេជ្រ វត្តីសារ៉ាវឌ្ឍី គឺមានការប្រើ Hashtag ចំនួន៧ ប៉ុន្តែពេលនេះនាងបានដក Hashtag ចំនួន៣ ។ ពីមុន ពេជ្រ វត្តីសារ៉ាវឌ្ឍី បានដាក់ Hashtag ថា #MGI #MGC #PichVoteySaravody #MissGrandCambodia2022 #MissGrandInternational2022 #WeAreGRANDthe1andOnly #5thRunnerUpMissGrandInternational2022 ប៉ុន្តែពេលនេះបានដក Hashtag #MGI #MissGrandInternational2022 និង #WeAreGRANDthe1andOnly »។ លើសពីនេះទៅទៀត ពេជ្រ វត្តីសារ៉ាវឌ្ឍី បានចូលរួមកម្មវិធីជាតិដោយបានបង្ហាញពីវប្បធម៌ អរិយធម៌ខ្មែរ ទៅកាន់ពិភពលោកតាមរយៈកេរ្តិ៍ឈ្មោះរបស់នាង៕