ហ្សេដេស នៅមិនទាន់បាត់ខឹងចំពោះ LOMA ទោះបីចេញសូមទោសហើយក៏ដោយ

ហ្សេដេស ម្ចាស់បទ «ក្រឡុក» បានបង្ហាញថាលោកនៅមិនទាន់បាត់ខឹងចំពោះ LOMA ទោះបីជាធ្លាប់ចេញមុខសូមទោសក្តីទើបនៅបន្តការ Diss ទៅកាន់បេក្ខជនរូបនេះ។ ហ្សេដេស ថាការសូមទោសរបស់ Loma នៅតែលើហ្វេកប៊ុកភ្នែកក្រឡេកក្រឡាប់ហើយបានអ្វីមកវិញបើបទលោកខិតខំធ្វើដល់ទៅ៤ឆ្នាំយកពាក្យទ័លច្រកមកដាក់មុខ។

តាមរយៈវីដេអូខ្លីមួយដែលចែករំលែកនៅលើទិកតុកកាលពីពេលថ្មីៗនេះ ហ្សេដេស បានឆ្លើយតបចំពោះការលើកឡើងដែរថា Loma ចេញសូមទោសហើយហេតុអ្វីលោកនៅ Diss គេទៀត។ តារាចម្រៀងរ៉េបរូបនេះបាននិយាយថា គឺលោកមិនទាន់បាត់ខឹងផងឱ្យសូមទោសបាត់ខឹងយ៉ាងមិចសូមទោសក្នុងហ្វេកប៊ុក។ ហ្សេដេស ថាការសូមទោសរបស់ loma ភ្នែកក្រឡេកក្រឡាប់ហើយសូមទោសហើយលោកបានអ្វីមកវិញបទចម្រៀងរបស់លោក៤ឆ្នាំធ្វើហើយនិយាយថាគេទ័លច្រក ទឹកដល់ច្រមុះ ហើយលោកបានចោទសួរវិញថា ពេលទ័លច្រកត្រូវយករបស់គេឬយ៉ាងណា?។

តាមរយៈវីដេអូផ្សេងទៀត ហ្សេដេស បាននិយាយថា លោកបានស្គាល់ Loma ក្នុងឆ្នាំ២០១៨-២០១៩ ថែមទាំងមានបំណងចង់ធ្វើបទចម្រៀងជាមួយគ្នាទៀត បន្ទាប់មកក៏បានបែកគ្នានិងបានជួបគ្នានៅខេត្តកំពតហើយបាននិយាយទាក់ទងនឹងចម្រៀងមួយបទបើសិនជាមិនធ្វើទេឱ្យខ្លួនដោយមានការចាប់ដៃគ្នា។ ហ្សេដេស ក៏បានបង្ហាញដែរថា ដល់ពេលប្រកួត Rapper Fighter ប្រាប់ឱ្យមកប្រលងហើយក៏មកនៅជាមួយនឹងពួកម៉ាករបស់ខ្លួន រ៉ាស៊ីនី និងបានលើកទឹកចិត្តឱ្យមកលេងផ្ទះខ្លួន Free Style ដូចជាពួកម៉ាក។

តារាចម្រៀងរ៉េប រូបនេះថា ជាក់ស្តែងពេល loma ជាប់វគ្គ១ បានមកលេងផ្ទះរបស់ខ្លួន ហើយត្រូវធ្វើបទសម្រាប់វគ្គបន្ទាប់មករីខតផ្ទះរបស់លោក ប៉ុន្តែ loma បានចេញប៉ារ៉ូលដែលមិនឱ្យយក មិនឱ្យប្រើប៉ារ៉ូលបទរបស់លោកហើយ រ៉ាស៊ីនី មិនឱ្យរីខត។

អតីត TOP3 ក្នុងកម្មវិធីប្រលងចម្រៀងរ៉េប បានបន្តទៀតថា ពេលមិនឱ្យរីខត loma បានផ្តាច់ចេញពីពួកម៉ាករបស់ខ្លួនហើយទៅនៅជាមួយអ្នកផ្សេង។ ហេតុផលមួយទៀតដែលលោកខឹង Loma ដំបូងគឺឆាតជាមួយពួកម៉ាកលោកហៅលោក «អាហ្សេដេស» ចំពោះបទចម្រៀងថាឱ្យលោកបែរជាឱ្យទៅអ្នកផ្សេងខណៈលោកមិនចូលចិត្តឱ្យអ្នកណាហៅខ្លួនថា អា នោះទេ លុះត្រាតែជាមនុស្សជិតសិ្នទ្ធ ឬជាគ្រូបង្វឹករបស់លោក។

កាលពីកន្លងមកនេះតារាចម្រៀងរ៉េប ហ្សេដេស បានចេញមុខប្រតិកម្មបេក្ខជនម្នាក់ឈ្មោះថា «LO MA»កូនក្រុមរបស់គ្រូបង្វឹក KingChi ដែលលួចយកប៉ារ៉ូលចម្រៀងលោកខំធ្វើអស់រយៈពេល៤ឆ្នាំទៅប្រកួតទាំងលោកមិនអនុញ្ញាត។ ក្រោយពីរងនូវមតិពីសាធារណជននិងហ្សេដេសផ្ទាល់បេក្ខជនរូបនេះបានចេញទទួលស្គាល់កំហុសនិងសូមទោសជាសាធារណៈ។ ក្នុងវគ្គមួយ Loma ត្រូវបានធ្លាក់ចេញពីកម្មវិធីក្រោយពីចាញ់ដៃគូម្ខាងទៀត ប៉ុន្តែត្រូវបានគ្រូបង្វឹក ពន្លឺ save យកមកធ្វើជាកូនក្រុមរបស់ខ្លួន៕