បទចម្រៀង «ម្តងហើយម្តងទៀត» ដែលជាសហការលើកដំបូងរបស់តារាចម្រៀងរ៉េប យូហៃ ម្ចាស់ពាន The Rapper Cambodia និង GMENGz ទទួលបាន១០០ K ក្នុងរយៈពេល២៤ម៉ោងត្រូវសម្រេចចិត្តលុបនិងចេញសូមទោសជាសាធារណៈដោយសារឃ្លាចម្រៀងជាប់ពាក់ព័ន្ធនឹងការរើសអើងទៅកាន់ជនជាតិដើមភាគតិច។ បទនឹងត្រូវកែសម្រួលឡើងវិញដើម្បី បញ្ឈប់នូវការរើសអើងគ្រប់រូបភាពដោយចេតនា ឬអចេតនាក្តីនៅក្នុងសង្គម។

តាមសេចក្តីប្រកាសរបស់ផលិតកម្មបារមីនាយប់ថ្ងៃទី២៥ វិច្ឆិកា បានឱ្យដឹងថា «ផលិតកម្ម បារមី បានទទួលលិខិតផ្លូវការពីលោក Tev Pot ដែលបានលើកឡើងពីកំហុសនៃការ ប្រើពាក្យពេចន៍នៅក្នុងបទចម្រៀង «ម្តងហើយម្តងទៀត« របស់ YuuHai និង GMENGz ដោយក្នុងនោះ អត្ថន័យមួយផ្នែកនៃបទ បានធ្វើឱ្យប៉ះពាល់ទៅដល់បងប្អូនសហគមន៍ជនជាតិដើម ភាគតិចព្នង។ ផលិតកម្មបារមី រួមទាំងសិល្បករ YuuHai និង GMENGz ពិតជាសោកស្តាយចំពោះកំហុសមួយនេះ ហើយសូមធ្វើការសូមទោសពុកម៉ែបងប្អូនទាំងអស់គ្នាជាផ្លូវការ និងទទួលយកការរិះគន់មួយនេះដោយដឹងកំហុសពី ភាពធ្វេសប្រហែស ព្រោះអ្នកសិល្បករពិតជាមិនមានចេតនាធ្វើឱ្យប៉ះពាល់អារម្មណ៍ដល់ពុកម៉ែបងប្អូនគ្រប់រូបនៅ ក្នុងសហគមន៍ជនជាតិដើមភាគតិចព្នងឡើយ សូមទោសចេញពីចិត្ត និងការដឹងកំហុសនេះ។ ហើយសង្ឃឹមថាសហគមន៍របស់យើងទាំងមូលនឹងទទួលយក»។

ផលិតកម្មបានសម្រេចចិត្តលុបបទចម្រៀងចេញ ហើយនឹងចេញកំណែថ្មី ជាមួយនឹងការកែសម្រួលឡើងវិញដើម្បី បញ្ឈប់នូវការរើសអើងគ្រប់រូបភាពដោយចេតនា ឬអចេតនាក្តីនៅក្នុងសង្គម ជាពិសេសទៅកាន់បងប្អូននៅក្នុង សហគមន៍ជនជាតិដើមភាគតិចព្នង។ ពួកយើងនឹងមិនចូលរួមនូវចំណែកឬក៏ លើកទឹកចិត្តឱ្យមានអំពើនេះតទៀត ឡើយនៅក្នុងការផលិតបទចម្រៀង»។

នៅលើបណ្តាញសង្គមរបស់ Gmengz ក៏បានចេញលិខិតសូមទោសចំពោះរឿងនេះដូចគ្នា
ដោយខ្វះខាតការពិចារណា និងការស្រាវជ្រាវដែលធ្វើឱ្យកំហុសដ៏ធំមួយនេះបានកើតឡើងដែលវាជា រូបភាពបង្ហាញការរើសអើងពូជសាសន៍ លោកពិតជាពុំមានចេតនាក្នុងការប្រព្រឹត្តនូវទង្វើមួយនេះឡើយ។ Gmengz បានសន្យាថានឹងមិនធ្វើឱ្យមានការធ្វេសប្រហែស ឬមានកំហុសម្តង ទៀតឡើយនឹងធ្វើការប្រុងប្រយ័ត្នខ្ពស់ និងមានការសិក្សាស្រាជ្រាវឱ្យបានលំអិតជាមុននឹងធ្វើអ្វីមួយ នាថ្ងៃអនាគត។

គួរបញ្ជាក់ថា «ម្ដងហើយម្ដងទៀត» ពីយូហៃ និង Gmengz បានទម្លាក់កាលពីថ្ងៃទី២១ ខែវិច្ឆិកា ឆ្នាំ២០២៤ ដោយឃ្លាចម្រៀងរបស់ Gmengz ដែលច្រៀងថា «ពីមុនគេតែងតែមើលរំលង ដូចខ្ញុំព្នងទើបចេញពីព្រៃ» ដែលធ្វើឱ្យមានផលប៉ះពាល់ទៅដល់ជនជាតិដើមភាគតិចព្នង។ ការចេញសូមទោសជាផ្លូវការពីផលិតកម្មបារមីនិងសិល្បករទាំងពីររូបទស្សនិកជនបានលើកឡើងថា ខុសហ៊ានទទួលស្គាល់កំហុសបញ្ជាអំពីទំនួលខុសត្រូវរបស់ពួកគេ៕

ថ្មីៗនេះអ្នកលេងបណ្តាញសង្គមបានធ្វើការប្រៀបធៀបចំពោះបវរកញ្ញាមីយ៉ាន់ម៉ាបោះបង់តំណែងលំដាប់រងទី២ បានLive លក់ពេជ្រ ចំណែកឯបវរកញ្ញាឥណ្ឌាជាម្ចាស់មកុដ Miss Grand International Live លក់គ្រឿងចាប់ហួយជាមួយណាវ៉ាត់។ ឃើញដូចនេះតារាចម្រៀង ពេជ្រ សោភា បានបង្កើតជាវីដេអូមួយលេងឈឺៗទៅកាន់បវរកញ្ញាឥណ្ឌានិងលោកណាវ៉ាត់យ៉ាងចាស់ដៃ។

តារាចម្រៀង ពេជ្រ សោភា បានបង្ហោះវីដេអូខ្លីមួយនៅលើគណនីទិកតុករបស់ខ្លួនដោយបានពាក់មកុដ និងបាននិយាយពីអ្វីដែលកំពុងតែធ្វើជារៀងរាល់ថ្ងៃគឺជាការ live លក់ប្រហុកបែបអីវ៉ាន់ចាប់ហួយធម្មតាៗ។ អ្នកនាង ពេជ្រ សោភា ក៏បានផ្លែផ្កាដែរថាគ្រាន់តែបានពាក់មកុដភ្លាមដូរព្រលឹង ដោយមានពាក្យថា ប៉ាៗទៀត និងបានថាគ្រាន់តែដកព្រលឹងភ្លាមលក់ប្រហុកបណ្តោយ។

វីដេអូខ្លីមួយនេះបានធ្វើឱ្យអ្នកលេងបណ្តាញសង្គមចូលទៅខម្មិនព្រោងព្រាត និងបានថា ពេជ្រ សោភា ប៉ិនតែម្តង និងមតិផ្សេងទៀតថា គាំងខ្លាំងៗ។

ដើមចមនៃរឿងនេះបានកើតឡើងបន្ទាប់ពីអ្នកគាំទ្របានឃើញវីដេអូមួយដែលបវរកញ្ញាឥណ្ឌា Rachel ម្ចាស់មកុដ MGI 2024 បាននិយាយផ្លែផ្កាមកខានកម្ពុជាពីរឿងសណ្តែកដី ចេញពីភាពដា្រម៉ាពីប្រទេសកម្ពុជាដែលនាំឱ្យអ្នកលេងបណ្តាញសង្គមរិះគន់នាងចាស់ដៃ។ អ្នកខ្លះក៏បង្ហាញការខកចិត្តសោកស្តាយដែលអាណិតស្រលាញ់បវរកញ្ញាឥណ្ឌានេះប៉ុន្តែនាងបានផ្លាស់ប្តូរអត្តចរិតនៅពេលបានគ្រងមកុដ។

ភាពចម្រូងចម្រាសបានងើបឡើងវិញនេះបានធ្វើឱ្យអ្នកគាំទ្រវិស័យបវរកញ្ញាបានប្រៀបធៀប Thae Su Nyein បវរកញ្ញាមីយ៉ាន់ម៉ា បោះបង់ចោលតំណែងលំដាប់រងទី២ Miss Grand International 2024 ក៏មានការងារហូរចូល ផ្សាយសុទ្ធតែគ្រឿងពេជ្រ ចំណែកឯបវរកញ្ញាឥណ្ឌា Rachel លជាម្ចាស់មកុដកម្មវិធី Professional ទាំងមូល Live លក់គ្រឿងចាប់ហួយដូចជាប្រហុក ទឹកត្រី កាពិ ប្រេងកូឡា ជាដើម៕

កាលពីកន្លងមកនេះតារាចម្រៀង ពេជ្រ ថៃ បានរងនូវមតិរិះគន់យ៉ាងខ្លាំងពីអ្នកលេងបណ្តាញសង្គមបន្ទាប់ពីមានវីដេអូចែកចាយនៅលើប្រព័ន្ធអ៊ីនធឺណិតឈរច្រៀងក្នុងវត្តអារ៉ាមដូចជាច្រៀងនៅ Karaoke លែងល្បីរហូតដល់ថ្នាក់ធ្វើបែបនេះ។ ថ្មីៗនេះ ពេជ្រ ថៃ បានចូលរួមផ្តល់បទសម្ភាសន៍និងបានរៀបរាប់ដំណើរដើមទងទាក់ទិននឹងបញ្ហានេះ។

នៅក្នុងកម្មវិធី vtalk ពេជ្រ ថៃ បាននិយាយថាដំបូងខ្លួននិងមិត្តភក្តិសិក្សាជាមួយគ្នាបបួលគ្នាកាន់បិណ្ឌដោយជិះម៉ូតូពីបាត់ដំបងទៅកាន់ប៉ៃលិនទៅកាន់វត្តមួយដែលមិនសូវមានពុទ្ធបរិស័ទដោយសារតែផ្លូវពិបាកពេកហើយក៏ជាវត្តខ្វះខាត។ តារាចមៀងរូបនេះថា លោកនិងគ្នីគ្នាបានបែងចែកគ្នាជាពីរ ដើម្បីធ្វើចង្ហាន់និងបោកសំអាតវត្តហើយព្រះចៅអធិការបានសរសេរប៉ារ៉ូលមួយបទដែលទាក់ទងនឹងការធ្វើបុណ្យជុំគ្នាសាមគ្គីគ្នាប៉ុន្តែភ្លេងគឺបទ បាត់ដំបង បណ្តូលចិត្ត។

នៅពេលចង្ហាន់ព្រឹករួមមុនដល់ចង្ហាន់ថ្ងៃត្រង់ព្រះចៅអធិការវត្តបានសំណូមពរដល់ ពេជ្រ ថៃ បកស្រាយចម្រៀងដែលមានការនិពន្ធដោយព្រះចៅអធិការវត្តផ្ទាល់ហើយ ពេជ្រ ថៃ បានអង្គុយច្រៀងនៅកៀនខាងក្រៅសាលាឆាន់ដោយខ្លួនគិតថាសប្បាយចិត្តមិននឹកស្មានថាមានរឿងកើតឡើងបែបនេះ។ ពេជ្រ ថៃ បានបន្តរៀបរាប់ថានៅពេលឆាន់ត្រង់រួចក៏រៀបចំចេញមកវិញដូចគ្នា ហើយមានការប្រកាសថា ពេជ្រ ថៃ មកកាន់វេនធ្វើឱ្យមានពុទ្ធបរិស័ទមកច្រើនប្រហែលជាង៣០០នាក់។ លោកតាលោកយាយនៅទីនោះ សំណូមពរឱ្យ ពេជ្រ ថៃបកស្រាយបទចម្រៀងព្រោះមិនដែលបានឃើញផ្ទាល់ដោយព្រះចៅអធិការសំណូមពរឱ្យច្រៀងម្តងជាបទដដែល។
ម្ចាស់ពាន The Voice Kid បញ្ជាក់ទៀតថា បារ៉ូលចម្រៀងគឺខ្លួនមិនចាំទេព្រោះភ្លាមៗតម្រូវឱ្យថតយកមកមើលហើយបានសួរលោកតាលោកយាយនៅទីនោះព្រោះខ្លាចមិនសមដោយទទួលចម្លើយថាមិនអីនោះទេព្រោះចប់កម្មវិធីហើយ ខណៈមានការសំណូមឱ្យខ្លួនឡើងឈរច្រៀងព្រោះមើលមិនឃើញ។ ពេជ្រ ថៃ ថាការច្រៀងនេះគឺមិនមានយកលុយនោះទេគឺខ្លួនគេទៅធ្វើបុណ្យ។

ពេជ្រ ថៃ ទទួលស្គាល់ថាអ្នកមើលពីក្រៅមើលវីដេអូនោះហើយគឺមិនសមពិតមែនព្រោះឃើញព្រះសង្ឃនៅខាងក្រោយខ្នង រូបគេច្រៀងឈរ មើលបារ៉ូលដូចរបៀបច្រៀងkaraoke តែខ្លួនមើលប៉ារ៉ូលទេហើយចម្រៀងទាក់ទងនឹងការធ្វើបុណ្យសាមគ្គី មិនគោរពព្រះសង្ឃ ច្រៀងនៅសាសាឆាន់ ប៉ុន្តែការពិតកម្មវិធីគឺបានចប់រួចរាល់និងតបតាមការសំណូមពររបស់ពុទ្ធបរិស័ទនៅទីនោះផ្ទាល់៕

ប្រិយមិត្តអ្នកតាមដានវិស័យបវរកញ្ញាជ្រាបមកហើយថានាការី សុគា គីមលាង ហៅកូនអាន បានបញ្ជាក់ថានឹងចូលប្រកួតកម្មវិធីបវរកញ្ញាចក្រវាលកម្ពុជាក្រោមការជំរុញរបស់អ្នកនាង ប្រាសាទ ដាវីន។ ជាមួយគ្នានេះអ្នកមួយចំនួនបង្ហាញការព្រួយបារម្ភអំពីការប្រើប្រាស់ភាសាអង់គ្លេសរបស់កូនអាន ខណៈនាងបានតបបែបនេះនិងបានបញ្ជាក់បន្ថែមទៀតពីប្រវត្តិអប់រំរបស់ខ្លួន។

នៅល្ងាចថ្ងៃទី២២ វិច្ឆិកា កូនអាន បាន Iive នៅលើបណ្តាញសង្គមរបស់ខ្លួនរយៈពេល១ម៉ោងបន្ទាប់ពីបញ្ជាក់ថារូបនាងនឹងយកការខិតខំប្រឹងប្រែងបទពិសោធន៍របស់ខ្លួនឱ្យ Universe ស្គាល់កូនខ្មែរកាន់តែច្បាស់ជាប្រទេសតូចតែបេះដូងធំ។ នៅក្នុងការ Live នេះ កូនអាន បានលើកឡើងអំពីអ្នកមួយចំនួននៅមិនទាន់បានដឹងពីប្រវត្តិការសិក្សារបស់នាង រួមទាំងព្រួយបារម្ភពីការប្រើប្រាស់ភាសាបរទេសជាដើម។

ឆ្លើយតបនឹងចម្ងល់ផ្សេងៗ កូនអាន បាននិយាយថាប្រវត្តិរបស់នាងគឺជាអ្នករបាំបុរាណ បានបញ្ចប់ការសិក្សានៅសាលាមធ្យមវិចិត្រសិល្បៈនៅឆ្នាំ២០១៦ ដែលបានចូលរៀនអំឡុងឆ្នាំ២០០៧តាំងពីនាងមានអាយុ១០ឆ្នាំ។ កូនអាន បញ្ជាក់ថារៀននៅសាលានេះនៅពេលចប់គឺបានសញ្ញាបត្របាក់ឌុបដូចគេដូចឯងផ្នែកភាសាខ្មែរដោយបន្តរៀនបរិញ្ញាបត្រនៅខាងក្រៅ។

កូនអាន បានទទួលស្គាល់ថា ភាសារបស់នាងមិនអាចដូចជាផ្លូវការ ដោយបែបលក្ខណៈណែនាំខ្លួនគឺបានគឺនាងបានរៀនដែរគ្រាន់តែជាផ្លូវការទូតមិនអាចទៅមុខដោយសារមានហេតុផលក្នុងនោះពេលនាងរៀនចប់ដោយសារមមាញឹកមិនបានរៀនអក្សរអង់គ្លេសច្រើន ចេះខ្លាំងនោះទេប៉ុន្តែបានជាការអនុវត្តទៅតាមក្រសួង និងបានទៅប៉ែកអឺរ៉ុប។

នាដការិនីល្បីល្បាញរូបនេះថា ការរៀនគឺមធ្យមប៉ុន្តែអ្វីដែលសំខាន់គឺការអនុវត្តផ្ទាល់និយាយប្រាស្រ័យទាក់ទងជាមួយនឹងបរទេសពីវប្បធម៌ដោយនាងទៅតំណាងឱ្យវប្បធម៌ខ្មែរ។

ក្នុងដំណើរស្វាគមន៍អ្នកនាង ប្រាសាទ ដាវីន វិលត្រឡប់មកមាតុភូមិវិញកាលពីល្ងាចថ្ងៃទី២១ កូនអាន ទទួលបានការលើកទឹកចិត្តពី TOP30 Miss Universe មកប្រកួតស្នងតំណែងពីខ្លួន ស្របពេល កូនអាន បង្ហាញការយល់ស្របនិងចង់ទទួលបានការបង្ហាត់បង្រៀនពីអ្នកនាង ប្រាសាទ ដាវីន បើសិនជាអាចទទួលបានឆាប់នឹងចូលរួមក្នុងឆ្នាំ២០២៥៕