អាំងប៉ាវ ដែលក្នុងភាសាចិនហៅថា«ហុងប៉ាវ» ត្រូវបានគេស្គាល់ជាស្រោមសំបុត្រពណ៌ក្រហមៗ ដែលជាទូទៅត្រូវបានជនជាតិចិន ក៏ដូចជាខ្សែស្រឡាយកាត់ចិន ផ្តល់ជូនជាអំណោយក្នុងឱកាសសំខាន់ៗ ដូចជាបុណ្យចូលឆ្នាំចិន ពិធីរៀបអាពាហ៍ពិពាហ៍ និងថ្ងៃខួបកំណើតជាដើម។

ជនជាតិចិនចាត់ទុកថា អាំងប៉ាវគឺជាស្រោមសំបុត្រនាំសំណាង ពោលពួកគេគ្រាន់តែចង់បានមករក្សាទុកប៉ុណ្ណោះ និងមិនរំពឹងទៅលើប្រាក់ដែលដាក់នៅក្នុងស្រោមសំបុត្រនោះទេ។ ជាទូទៅ អាំងប៉ាវពណ៌ក្រហមៗនេះ ត្រូវបានញាតិចាស់ទុំ ដូចជាឪពុកម្តាយ ជីដូនជីតា ពូមីង ចែកជូនកូនចៅ និងក្មួយៗ អំឡុងថ្ងៃចូលឆ្នាំប្រពៃណី ដើម្បីជាការជូនពរសំណាងល្អ និងសិរីសួស្តីកើតមានក្នុងឆ្នាំថ្មី។

ម្យ៉ាងវិញទៀត ប្រពៃណីនៃការផ្តល់ជូនអាំងប៉ាវនេះ គឺសម្រាប់អ្នកដែលរៀបការរួចប៉ុណ្ណោះ ជូនចំពោះអ្នកនៅលីវដើម្បីឲ្យពួកគេឆាប់ដល់គូរ ខណៈដែលថៅកែក្រុមហ៊ុនក៏អាចផ្តល់ជូនចំពោះបុគ្គលិក ដើម្បីឲ្យការរកស៊ីកាន់តែកាក់កបក្នុងឆ្នាំថ្មីផងដែរ។

គួររម្លឹកថា តាមជំនឿរបស់ជនជាតិចិន អាំងប៉ាវ គឺបង្កប់នូវអត្ថន័យថា រុងរឿងរីកចម្រើន រកស៊ីមានបាន សម្បូរសប្បាយ មានសុភមង្គល និងកាក់កបគ្រប់ភារកិច្ចជាដើម។ យ៉ាងណា ក្រដាសក្រហមៗនេះ កាលពីដើមឡើយគឺគេមិនចាំបាច់ដាក់ប្រាក់ចូលនោះទេ តែក្រោយៗមកទៀត ក៏កែប្រែទម្លាប់ភ្ជាប់មកជាមួយប្រាក់ខ្លះៗផងដែរ។ យ៉ាងណា សម្រាប់ការដាក់ប្រាក់នេះ គឺទៅតាមលទ្ធភាពរបស់អ្នកផ្តល់ឲ្យ និងមិនមានក្បួនកំណត់ថា ដាក់ចំនួនប៉ុន្មានទើបល្អនោះឡើយ៕

ថ្មីៗនេះគេហទំព័រ Wanderlust ដែលជាទស្សនាវដ្ដីទេសចរណ៍ឯករាជ្យមួយ មានមូលដ្ឋាននៅចក្រភពអង់គ្លេស បានចេញផ្សាយនូវចំណាត់ថ្នាក់នៃប្រទេសចំនួន ១០ ដែលមានមនុស្សចង់រស់នៅច្រើនជាងគេបំផុតលើពិភពលោកក្នុងឆ្នាំ ២០២៥។ យោងតាម Wanderlust Reader Travel Awards ទិន្នន័យនេះគឺផ្អែកលើសន្លឹកឆ្នោតដែលជនបរទេសរាប់ម៉ឺននាក់មកពីប្រទេសចំនួន ១៧៧ បានបោះឆ្នោតជ្រើសរើសទីតាំងដែលពួកគេចង់រស់នៅបំផុត។

ក្នុងនោះលទ្ធផលបានបង្ហាញថា ប្រទេសដែលគួរឱ្យចង់រស់នៅជាងគេលើពិភពលោកនោះគឺ៖
១.ប្រទេសអូស្ត្រាលី (Australia)
២.ប្រទេសកាណាដា (Canada)
៣.ប្រទេសជប៉ុន (Japan)
៤.សហរដ្ឋអាមេរិក (USA)
៥.នូវែលសេឡង់ (New Zealand)
៦.កូស្តារីកា (Costa Rica)
៧.អាហ្វ្រិកខាងត្បូង (South Africa)
៨.ប្រទេសប្រេស៊ីល (Brazil)
៩.ប្រទេសកូរ៉េខាងត្បូង (South Korea)
១០.ប្រទេសប៉េរ៉ូ (Peru)។

មូលហេតុដែលមនុស្សភាគច្រើនបានបោះឆ្នោតជ្រើសរើសប្រទេសទាំងនោះ ជាប្រទេសគួរឱ្យចង់រស់នៅបំផុតក្នុងពិភពលោក គឺដោយសារពួកគេគិតថា ប្រទេសទាំង ១០ នេះមានសុខសន្តិភាពល្អជាងគេ ក៏ដូចជាមានសុវត្ថិភាព មានការគាំទ្រពីសង្គម, អាយុសង្ឃឹមរស់ដែលមានសុខភាពល្អ, សេរីភាពក្នុងការជ្រើសរើសរបស់បុគ្គល, ភាពសប្បុរសរបស់ប្រជាជនទូទៅ និងមានអំពើពុករលួយតិចតួចបំផុត៕

ប្រទេសថៃ ៖ កាលពីថ្ងៃទី២២ ខែមករា ឆ្នាំ២០២៥ សារព័ត៌មានថៃរាយការណ៍ថា បច្ចុប្បន្ន ប្រទេសថៃមានបញ្ហាខ្យល់ពុលកើនឡើងយ៉ាងខ្លាំង ហើយតំបន់ចំនួន៥០ របស់ទីក្រុងបាងកក បានប្រកាសអាសន្នពីខ្យល់ពុលកើនឡើងដល់កម្រិតពណ៌ក្រហម ។ រីឯខ្យល់ពុលនៅតំបន់ខ្លះទៀតកើនឡើងដល់កម្រិតពណ៌ស្វាយ គឺមានផលប៉ះពាល់សុខភាពពលរដ្ឋខ្លាំងជាងពណ៌ក្រហម ។

ចំណែកតាមបណ្តាខេត្តនានារបស់ប្រទេសថៃ ក៏គេចមិនផុតពីខ្យល់ពុលដែរ ក្នុងនោះខេត្តចំនួន២៣ មានខ្យល់ពុលកើនឡើងដល់កម្រិតពណ៌ក្រហម ដែលធ្វើឱ្យប៉ះពាល់សុខភាពពលរដ្ឋយ៉ាងខ្លាំង ។ ពលរដ្ឋសួរថា តើរដ្ឋាភិបាលថៃមានវិធានការដោះស្រាយបញ្ហាខ្យល់ពុលដូចម្តេច?

ការតាមដានស្ថានការណ៍ខ្យល់ពុល PM2.5 ពីផ្កាយរណបបង្ហាញថា កាលពីវេលាម៉ោង៨ព្រឹក ថ្ងៃទី២២ ខែមករា កន្លងមក កម្រិតខ្យល់ពុលក្នុងតំបន់៥០ របស់ទីក្រុងបាងកក បានកើនឡើងដល់ពណ៌ក្រហម ដែលប៉ះពាល់សុខភាពពលរដ្ឋខ្លាំង ក្នុងនោះតំបន់ចំនួន៥ ដែលមានខ្យល់ពុលខ្លាំងបំផុតនៅទីក្រុងបាងកក រួមមាន ៖ តំបន់ណងខែម, បាងបន, ថាវីវឌ្ឍនា, បាងឃុនធៀន និងបាងឃែ ។

ការចុះពិនិត្យមើលស្ថានការណ៍ខ្យល់ពុលនៅតាមតំបន់ផ្សេងៗរបស់ទីក្រុងបាងកក កាលពីថ្ងៃទី២២ ខែមករា ឃើញថា តំបន់បាងកកណយ ម្តុំផ្លូវចៅរ៉ាន់សានីតវង្ស ខ្យល់ពុលកើនឡើងដល់កម្រិតពណ៌ស្វាយ គឺមានផលប៉ះពាល់សុខភាពពលរដ្ឋយ៉ាងខ្លាំង ។ រីឯនៅតាមបណ្តាខេត្ត ក៏មានខ្យល់ពុលកើនឡើងខ្លាំងដែរ ក្នុងនោះខេត្តចំនួន២៣ មានខ្យល់ពុលខ្លាំងដល់កម្រិតពណ៌ក្រហម ក្នុងនោះខេត្តចំនួន៥ មានខ្យល់ពុលខ្លាំងបំផុត គឺខេត្តសាមុទ្រសង់ក្រាម, រ៉ាក់យ៉ង, សាមុទ្រសាខន, ណងខាយ និងឈុនបុរី ។

អភិបាលក្រុងបាងកក លោក ឆាត់ជាតិ សិទ្ធីផាន់ បានស្នើឱ្យដោះស្រាយបញ្ហាខ្យល់ពុលដើម្បីកាត់បន្ថយផលប៉ះពាល់សុខភាពពលរដ្ឋ គឺស្ថាប័ននានាអនុវត្តវិធានការធ្វើការពីផ្ទះ (Work from Home) ចាប់ពីថ្ងៃទី២២ ដល់ថ្ងៃទី២៤ ខែមករា នេះ ព្រមទាំងស្នើឱ្យសាលារៀន ចំនួន១០៣កន្លែងនៅក្រុងបាងកក ផ្អាកការបង្រៀនសិស្សបណ្តោះអាសន្ន និងបង្រៀនតាមអនឡាញ ឬបង្រៀនជំនួសនាពេលក្រោយ ។

ការប្រកាសឱ្យបិទសាលារៀននេះ ដើម្បីកាត់បន្ថយការធ្វើដំណើរនៅតាមផ្លូវ ដែលជាមូលហេតុមួយធ្វើឱ្យមានខ្យល់ព្យុលនៅទីក្រុងបាងកក ។ ក្រៅពីនេះ អភិបាលក្រុងបាងកក ក៏បានហាមឃាត់រថយន្តដឹកទំនិញបើកបរក្នុងតំបន់ចំនួន១៣ របស់ទីក្រុងបាងកក ចាប់ពីថ្ងៃទី២៣ ដល់ថ្ងៃទី២៤ ខែមករា ។ បើល្មើសបម្រាម នឹងជាប់ពន្ធនាគាររយៈពេល១ខែ និងត្រូវពិន័យជាប្រាក់២,០០០បាត ឬទាំងជាប់ពន្ធនាគារ និងពិន័យជាប្រាក់ ។

អភិបាលក្រុងបាងកកបានណែនាំឱ្យពលរដ្ឋអនុវត្តតាមវិធានការ៥ចំណុច រួមមាន ៖
១-ត្រួតពិនិត្យកម្រិតខ្យល់ពុលគ្រប់ពេលវេលាមុនចេញពីផ្ទះ
២-ពាក់ម៉ាស់ការពារ
៣-បិទទ្វារ-បង្អួចផ្ទះឱ្យជិត និងសម្អាតធូលីជានិច្ច
៤-ចៀសវាងធ្វើអ្វីមួយនៅកណ្តាលថ្ងៃ និងកាត់បន្ថយការដុតធូប, អាំងសាច់ ឬដុតសំរាម
៥-ត្រួតពិនិត្យរថយន្តជានិច្ច ដើម្បីកាត់បន្ថយខ្យល់ពុលដោយសារផ្សែងរថយន្ត ៕