ជឿជាក់ថា អ្នកទាំងអស់គ្នាប្រាកដជាបានស្គាល់យ៉ាងច្បាស់ហើយ លោកប៉ីប៉ីឌី ម្ចាស់ប្រេនម្ហូបអាហារនិងភេសជ្ជៈក្នុងស្រុកមួយរូប ដែលកំពុងទទួលបានប្រជាប្រិយភាពខ្លាំងនាពេលបច្ចុប្បន្ន។
ពីដើមឡើយ គេស្គាល់លោកប៉ីប៉ីឌី ក្នុងនាមជាអ្នកមានឥទ្ធិពលលើបណ្តាញសង្គម ដែលតែតែងផ្តល់សំណើចដល់អ្នកគាំទ្រ ជាពិសេសគឺតាមរយៈក្រុមសម្តែងរឿងខ្លីៗរបស់លោក ដែលរួមមាន ម៉ែសេះជាដើម។ យ៉ាងណា រយៈពេលក្រោយមកទៀត លោកក៏បានបើកអាជីវកម្មផ្ទាល់ខ្លួន គឺហាងបុកល្ហុង និងភេសជ្ជៈ ខណៈទទួលបានការគាំទ្រខ្លាំងលើសពីការរំពឹងទុក កាលឆ្នាំ ២០២៤ និងកាក់កបកាន់តែខ្លាំងក្នុងឆ្នាំ ២០២៥ បន្តពង្រីកសាខាពីមួយទៅមួយ។
ប្រជាជនខ្មែរភាគច្រើនហាក់កោតស្ញប់ស្ញែង និងទទួលស្គាល់ចំពោះយុទ្ធសាស្រ្តនៃការធ្វើទីផ្សាររបស់លោកខ្លាំងមែនទែន ជាពិសេសគឺម៉ឺនុយផាសិនគ្រីមនិងស្រ្តូបឺរីគ្រីបកាលពីពេលកន្លងទៅ ខណៈដែលម៉ឺនុយបុកល្ហុងរបស់លោក ក៏នូវតែល្បីផុសផុលពេញបណ្តាញសង្គមនាសព្វថ្ងៃនេះ។ លោកប៉ីប៉ីឌីផ្តោតយ៉ាងខ្លាំងលើការធ្វើទីផ្សារអនឡាញ ស្របតាមសម័យឌីជីថល ជាពិសេសតាមរយៈវីដេអូខ្លីៗផុសនៅលើបណ្តាញសង្គម Tik Tok និងហ្វេសបុក ប្រកបដោយគំនិតច្នៃប្រឌិត ទាន់Trend ថ្មីៗ និងទាក់ទាញអ្នកចូលទស្សនារហូតដល់ទៅរាប់លាននាក់ឯណ្ណោះ។
ទាក់ទងជាមួយនឹងការធ្វើទីផ្សារនេះដែរ ថ្មីៗនេះ លោកប៉ីប៉ីឌី បានបង្ហើបគន្លឹះខ្លីខ្លឹម ដោយគូសបញ្ជាក់ថា «ធ្វើទីផ្សារបែបសាមញ្ញៗ តែព្យាយាមស្វែងយល់ពីតម្រូវការអតិថិជន»៕
