ថ្ងៃចូលឆ្នាំចិនត្រូវបានចាត់ទុកជាថ្ងៃដំបូងនៃឆ្នាំថ្មី និងចាប់ផ្តើមជីវិតថ្មី ដែលជនជាតិចិនមានជំនឿថា ប្រសិនបើចាប់ផ្តើមធ្វើអំពើល្អក្នុងថ្ងៃចូលឆ្នាំចិននឹ ងនាំមកនូវសេចក្តីសុខក្នុងក្រុមគ្រួសារ ជាពិសេស ការអនុវត្តតាម៧ចំណុចនេះនឹងទទួលបានទ្រព្យសម្បត្តិ លុយកាក់ហូរចូល និងសំណាងល្អពេញមួយឆ្នាំ ។

១-គោរពវត្ថុស័ក្តិសិទ្ធិ និងសុំពរឱ្យក្តីសុខក្នុងជីវិត ៖ អ្វីគួរអនុវត្តដំបូងគេនៅថ្ងៃចូលឆ្នាំចិន គឺការគោរពវត្ថុស័ក្តិសិទ្ធិ គោរពបុព្វបុរស ដើម្បីបង្ហាញនូវការដឹងគុណ និងសុំសេចក្តីសុខក្នុងជីវិតកុំឱ្យជួបឧបសគ្គ ។ ក្រៅពីនេះ អាចសុំពរឱ្យមានសុខភាពល្អ ជោគជ័យក្នុងការងារ លុយកាក់ហូរចូល ជនជាតិជឿថា ការសុំពរពេលព្រឹកព្រលឹមជួយឱ្យជីវិតទទួលលាភសំណាង និងថាមពលវិជ្ជមានពេញមួយឆ្នាំ ។

២-សម្អាតផ្ទះមុនថ្ងៃចូលឆ្នាំចិន បោះចោលរបស់ចាស់ ស្វាគមន៍របស់ថ្មី ៖ មុនថ្ងៃចូលឆ្នាំចិន គួរសម្អាតផ្ទះឱ្យមានសណ្តាប់ធ្នាប់ដើម្បីកម្ចាត់ហេតុការណ៍មិនល្អ និងបើកផ្លូវឱ្យលាភសំណាងថ្មីៗចូលក្នុងផ្ទះ ។ ប៉ុន្តែក្នុងថ្ងៃចូលឆ្នាំចិន ហាមដាច់ខាតបោសផ្ទះ និងបោះចោលសំរាម ពីព្រោះជាការបោសលាភសំណាង និងទ្រព្យសម្បត្តិចេញពីផ្ទះ ។

៣-ស្លៀកពាក់ឱ្យត្រូវពណ៌ដើម្បីបង្កើនសំណាង ៖ ថ្ងៃចូលឆ្នាំចិន គួរស្លៀកពាក់ឱ្យត្រូវពណ៌ដើម្បីបង្កើនសំណាង និងថាមពលវិជ្ជមាន ដូចជា ៖ សម្លៀកបំពាក់ពណ៌ក្រហម នឹងទាក់ទាញភាពរុងរឿង, ពណ៌មាស មានទ្រព្យសម្បត្តិហូរហៀរ និងពណ៌ផ្កាឈូក បង្កើនមន្តស្នេហ៍ ក្តីស្រឡាញ់ សេចក្តីមេត្តា ។ ហាមដាច់ខាតស្លៀកពាក់ពណ៌ខ្មៅ និងពណ៌ស ពីព្រោះជាពណ៌សោកសៅ និងកាន់ទុក្ខ ។

៤-និយាយតែពាក្យល្អៗ កុំប្រមាថ ៖ ពាក្យសម្តីនិយាយក្នុងថ្ងៃចូលឆ្នាំចិនសំខាន់ណាស់ បើនិយាយពាក្យល្អ ជីវិតនឹងជួបតែរឿងល្អៗពេញមួយឆ្នាំតាមពាក្យសម្តីរបស់យើង ។ ហេតុនេះ ចូរនិយាយតែពាក្យមានប្រយោជន៍ ចៀសវាងឈ្លោះគ្នា ជេរប្រទិច ឬនិយាយពីហេតុការណ៍អាក្រក់ ដើម្បីឱ្យថាមពលវិជ្ជមាននៅក្នុងខ្លួនយើង និងមនុស្សក្បែរខាងពេញមួយឆ្នាំ ។

៥-ផ្តល់អាំងប៉ាវដើម្បីឱ្យលុយហូរចូលទាំងអ្នកផ្តល់ និងអ្នកទទួល ៖ ការផ្តល់អាំងប៉ាវ គឺជាការបញ្ជូនសំណាងល្អ និងទ្រព្យសម្បត្តិ ដែលអ្នកផ្តល់នឹងទទួលបានលាភសំណាង ខណៈអ្នកទទួលនឹងថាមក៏មានសំណាងល្អដែរ ។ រីឯក្រដាសប្រាក់ក្នុងអាំងប៉ាវ ត្រូវតែជាក្រដាសប្រាក់ថ្មី ហើយចំនួនប្រាក់ដែលមានអត្ថន័យល្អ គឺលេខ៨ តំណាងឱ្យទ្រព្យសម្បត្តិ និងលេខ៩ តំណាងឱ្យភាពរីកចម្រើន ។

៦-ទទួលទានអាហារនាំលាភសំណាង និងទ្រព្យសម្បត្តិ ៖ ថ្ងៃចូលឆ្នាំចិន គួរទទួលទានអាហារនាំមកនូវលាភសំណាង និងភាពសម្បូរបែប ដូចជា ៖ ត្រី (សម្បូរអាហារហូបចុក សម្បូរលុយចាយ), ក្រូច (សំណាងល្អ), កៀវ (សម្បូរមាសប្រាក់) និងមី (អាយុវែង សុខភាពរឹងមាំ) ។

៧-ចាប់ផ្តើមប្រព្រឹត្តអំពើល្អឈានទៅជោគជ័យ ៖ ថ្ងៃចូលឆ្នាំចិន ចូរចាប់ផ្តើមប្រព្រឹត្តអំពើល្អ មិនថាការកំណត់គោលដៅជីវិត ធ្វើបុណ្យ និងបរិច្ចាគទ្រព្យសម្បត្តិ ដើម្បីបើកផ្លូវទៅសម្រេចបានភាពជោគជ័យ ។

សរុបមក ថ្ងៃចូលឆ្នាំចិន គឺជាថ្ងៃចាប់ផ្តើមជីវិតថ្មី ប្រសិនបើអនុវត្តតាម៧ចំណុចនេះបាន យើងនឹងទទួលបានថាមពលវិជ្ជមាន សំណាងល្អ ហេងហេង មាសប្រាក់ហូរចូល និងទទួលបានជោគជ័យជាបន្តបន្ទាប់ ៕

មកលើនេះមិនមែនជាការព្រ.មានទៀតទេ! ប្រធានាធិបតីនៃសាធារណរដ្ឋកូរ៉េខាងត្បូង លោក លីចេម្យុង នាយប់ថ្ងៃសុក្រ ទី១៣ ខែកុម្ភៈ បានបង្ហោះសារមួយដែលមានខ្លឹមសារវិជ្ជមាននៅលើប្រព័ន្ធផ្សព្វផ្សាយសង្គម ដោយលើកឡើងការពង្រឹងកិច្ចសហប្រតិបត្តិការរវាងសាធារណរដ្ឋកូរ៉េ និងព្រះរាជាណាចក្រកម្ពុជា ដើម្បីឈានទៅរកការលុបបំបាត់ឧក្រិដ្ឋកម្មឆ្លងដែន ជាពិសេសករណីឆបោកតាមអនឡាញ។

តាមរយៈសំណេរដែលបានសរសេទាំងជាភាសាកូរ៉េ និងភាសាខ្មែរ និងមានចំណង់ជើងថា <សាធារណរដ្ឋកូរ៉េ និងព្រះរាជាណាចក្រកម្ពុជា ចាប់ដៃសហការគ្នាដើម្បីឈានទៅរកការលុបបំបាត់ឧក្រិដ្ឋកម្មឆ្លងដែន> លោក លីចេម្យុង បានលើកឡើងយ៉ាងដូច្នេះថា៖ ក្រុមការងាររួមកម្ពុជា-កូរ៉េ ដែលត្រូវបានបង្កើត និងដាក់ឱ្យដំណើរការ តាមរយៈការឯកភាពគ្នារវាង ខ្ញុំ និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុវត្តការងារសម្រេចបាននូវសមិទ្ធផលគួរឱ្យកត់សម្គាល់ ដោយក្រុមការងារចម្រុះយើងបានចុះបង្ក្រាប ព្រមទាំងឃាត់ខ្លួនជនល្មើសករណីឆបោកតាមអនឡាញចំនួនជាង ១៣០នាក់ ក្នុងរយៈពេលត្រឹមតែ ២ខែប៉ុណ្ណោះ បន្ទាប់ពីក្រុមការងារចម្រុះពិសេសនេះត្រូវបានបង្កើតឡើង។

បន្ថែមលើនោះ លោក លី បានលើកសរសើថា សមិទ្ធផលនេះ អាចសម្រេចបាន អាស្រ័យដោយឆន្ទៈដ៏រឹងមាំរបស់រដ្ឋាភិបាលកម្ពុជា និងកិច្ចសហការយ៉ាងមោះមុតរវាងមន្ត្រីនគរបាលនៃសាធារណរដ្ឋកូរ៉េ និងមន្ត្រីនគរបាលនៃព្រះរាជាណាចក្រកម្ពុជា។ ខ្ញុំសូមថ្លែងអំណរគុណដល់គ្រប់ភាគីពាក់ព័ន្ធទាំងអស់ សម្រាប់កិច្ចខិតខំប្រឹងប្រែង និងសហការក្នុងការងារនេះ។

តាមការគូសបញ្ជាក់របស់លោក លី រដ្ឋាភិបាលកូរ៉េ ប្តេជ្ញាបន្តពង្រឹងកិច្ចសហប្រតិបត្តិការឱ្យកាន់តែជិតស្និទ្ធជាមួយកម្ពុជា ដើម្បីរួមគ្នាឈានទៅរកការលុបបំបាត់ឧក្រិដ្ឋកម្មឆ្លងដែននេះ។ ខ្ញុំទន្ទឹងរង់ចាំអនាគតប្រកបដោយសុវត្ថិភាព និងសន្តិភាព ដែលនឹងត្រូវកសាងឡើងចេញពីការរួមកម្លាំងគ្នារវាងរដ្ឋាភិបាល និងប្រជាជននៃប្រទេសយើងទាំងពីរ។

ជាថ្មីម្តងទៀត លោក លីចេម្យុង បានធ្វើការថ្លែងអំណរគុណយ៉ាងជ្រាលជ្រៅ ជូនចំពោះ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ខណៈដែលសម្ដេចធិបតីក៏បានបង្ហាញការស្វាគមន៍ចំពោះសាររបស់ប្រធានាធិបតីកូរ៉េរូបនេះដូចគ្នា។

ដូចគ្នានេះដែរ សម្ដេចធិបតីបានគូសបញ្ជាក់ថា ឧក្រិដ្ឋកម្មឆ្លងដែន រួមទាំងការឆបោកតាមប្រព័ន្ធបច្ចេកវិទ្យា មិនមែនជាបញ្ហាដែលប្រទេសណាមួយប្រឈមមុខ និងអាចដោះស្រាយតែម្នាក់ឯងនោះទេ ។ ដូច្នេះដើម្បីដោះស្រាយការគម្រាមកំហែងនេះ តម្រូវ ឱ្យមានកិច្ចសហប្រតិបត្តិការល្អក្នុងតំបន់ ជាក់ស្តែងដូចជាកិច្ចសហប្រតិបត្តិការយ៉ាងជិតស្និទ្ធ និងកិច្ចខិតខំប្រឹងប្រែងរួមរវាងកម្ពុជា និងសាធារណរដ្ឋកូរ៉េ គិតមកត្រឹមពេលនេះទទួលបានលទ្ធផលគួរឱ្យកត់សម្គាល់ ជាពិសេសឧក្រិដ្ឋកម្មឆបោកតាមប្រព័ន្ធបច្ចេកវិទ្យា ហើយសម្ដេចសង្ឃឹមថា ក្រុមការងាររួមនេះនឹងបន្តទទួលបានលទ្ធផលត្រចះត្រង់បន្ថែមទៀត ដើម្បីលុបបំបាត់ការឆបោកតាមប្រព័ន្ធបច្ចេកវិទ្យា និងឧក្រិដ្ឋកម្មឆ្លងដែននានា៕

ជារៀងរាល់ឆ្នាំ នៅពេលដែលខែកុម្ភៈឈានចូលមកដល់ បរិយាកាសជុំវិញខ្លួនហាក់ប្រែជាពណ៌ផ្កាឈូក និងក្រហម។ មនុស្សម្នាសម្រុកទិញផ្កាកុលាប និងសូកូឡា ឬរបស់របរផ្សេងៗជូនអ្នកមានគុណ ឬមនុស្សជាទីស្រឡាញ់។ ប៉ុន្តែតើអ្នកដឹងទេថា នៅពីក្រោយថ្ងៃដ៏ផ្អែមល្ហែមនេះ គឺជាសាច់រឿងប្រវត្តិសាស្ត្រដ៏កម្សត់ និងការតស៊ូដើម្បីសេរីភាពនៃសេចក្តីស្រឡាញ់?

រឿងរ៉ាវចាប់ផ្តើមឡើងនៅក្នុងចក្រភពរ៉ូមដ៏ខ្លាំងពូកែ ក្រោមការគ្រប់គ្រងរបស់អធិរាជ Claudius II (រហស្សនាមថា Claudius ឃោរឃៅ)។ នាសម័យនោះ រ៉ូមត្រូវការទាហានជាច្រើនដើម្បីធ្វើសង្គ្រាម ប៉ុន្តែបុរសៗមិនចង់ចាកចេញពីប្រពន្ធកូន និងសង្សារឡើយ។ ដោយកំហឹង អធិរាជ Claudius បានប្រកាស “ហាមឃាត់ការរៀបការ និងការភ្ជាប់ពាក្យ” ទាំងអស់ក្នុងទីក្រុងរ៉ូម។ ក្នុងចំណោមអ្នកដែលមិនសុខចិត្ត មានលោកបូជាចារ្យម្នាក់ឈ្មោះ Valentine។ លោកយល់ថា ច្បាប់នេះផ្ទុយនឹងឆន្ទៈរបស់ព្រះ និងសិទ្ធិរបស់មនុស្សជាតិ។ លោកបានសម្រេចចិត្តលួចរៀបការឱ្យគូស្នេហ៍វ័យក្មេងជាសម្ងាត់ នៅក្នុងបន្ទប់ងងឹត ឬទីកន្លែងស្ងាត់ៗ។

នៅពេលសកម្មភាពរបស់លោកត្រូវបានបែកការណ៍ លោក Valentine ត្រូវបានចាប់ដាក់គុកងងឹត។ ក្នុងអំឡុងពេលនោះ រឿងរ៉ាវដ៏រំភើបមួយទៀតបានកើតឡើង គឺលោកបានស្គាល់កូនស្រីរបស់អ្នកយាមគុកម្នាក់ដែលភ្នែកពិការ។ ដោយសារជំនឿ និងសេចក្តីមេត្តា លោកបានបន់ស្រន់រហូតដល់ភ្នែកនាងមើលឃើញជាធម្មតាវិញ។
នៅថ្ងៃទី ១៤ ខែកុម្ភៈ ឆ្នាំ២៧០ (គ្រិស្តសករាជ) មុនពេលគេយកលោកទៅប្រហារជីវិត លោកបានសរសេរសំបុត្រមួយច្បាប់ផ្ញើទៅកាន់នារីម្នាក់នោះ ដើម្បីជាការលា និងលើកទឹកចិត្ត ដោយចុះហត្ថលេខាយ៉ាងខ្លីថា “Your Valentine”។ ឃ្លានេះហើយ ដែលបានក្លាយជាមរតកស្នេហាមកទល់បច្ចុប្បន្ន។

មុនពេលគ្រិស្តសាសនារីកសុសសាយ រ៉ូមបុរាណមានពិធីបុណ្យមួយឈ្មោះថា Lupercalia នៅថ្ងៃទី ១៣-១៥ កុម្ភៈ ដែលជាពិធីបុណ្យបូជាសត្វដើម្បីសុំសេចក្តីសុខ និងឱ្យស្ត្រីងាយមានកូន។ រហូតដល់ចុងសតវត្សទី៥ ព្រះវិហារកាតូលិកបានសម្រេចចិត្តលុបបំបាត់ពិធីបុណ្យបែបជំនឿដើមនោះ ហើយប្រកាសយកថ្ងៃទី ១៤ កុម្ភៈ ជាថ្ងៃបុណ្យ Saint Valentine ដើម្បីផ្តល់កិត្តិយសដល់លោកបូជាចារ្យដែលបានស្លាប់ដើម្បីស្នេហា។

ប៉ុន្តែនៅសតវត្សទី១៤-១៥ កវីល្បីៗដូចជា Geoffrey Chaucer បានចាប់ផ្តើមសរសេរកំណាព្យភ្ជាប់ថ្ងៃនេះទៅនឹងរដូវស្លឹកឈើលាស់ដែលបក្សីរកគូ។ ចាប់ពីពេលនោះមក វាក៏វិវត្តទៅជាការផ្ញើសំបុត្រស្នេហា ការជូនផ្កា និងការបង្ហាញចិត្តភក្តី។

បច្ចុប្បន្ននេះ យុវវ័យតែងយល់ច្រឡំថា Valentine ឬថ្ងៃនៃសេចក្ដីស្រឡាញ់ មានន័យត្រឹមតែជាក្ដីស្នេហាចំពោះសង្សារ ឬប្ដីប្រពន្ធប៉ុណ្ណោះ ប៉ុន្តែតាមពិតទៅ ថ្ងៃនេះគឺសំដៅដល់ ក្ដីស្រឡាញ់មេត្តា ការចែករំលែកដល់អ្នកខ្វះខាត ក្ដីស្រឡាញ់ចំពោះគ្រួសារ ក្ដីស្រឡាញ់ចំពោះខ្លួនឯងផងដែរ ព្រោះបើអ្នកមិនស្រឡាញ់ខ្លួនឯងផងនោះ តើអ្នកអាចស្រឡាញ់អ្នកដទៃបានដោយរបៀបណា?