ដូចប្រិយមិត្តមួយចំនួនធំជ្រាបមកហើយថាកាលពីកន្លងមកនេះបុគ្គល គុណ ពៅណា បានតាមដល់ផ្ទះរបស់តារាចម្រៀង លីម តិចម៉េង ល្បីកក្រើកពេញបណ្តាញសង្គមនិងមានការបង្ហោះប្រឌិតជាហូរហែរហូតមានចំណាត់ការតាមផ្លូវច្បាប់។ ទោះយ៉ាងណា លីម តិចម៉េង ស្រាប់តែចេញសារព្រមានបុគ្គលនេះម្តងទៀតបន្ទាប់ពីឃើញ គុណ ពៅណា ចេញមកលាបពណ៌ ថេណា ថាបទ «៧២ម៉ោង» គឺសម្តៅមកកាន់ខ្លួន។

កាលពីកន្លងមកនេះបទចម្រៀង «៧២ម៉ោង» របស់ ថេណា បានបង្កឱ្យមានការជជែកវែកញែកយ៉ាងខ្លាំងនៅលើបណ្តាញសង្គម ហើយមកដល់ពេលនេះគឺបានស្ងប់ស្ងាត់ប៉ុន្តែស្រាប់តែត្រូវបានគាស់រលើងមកម្តងទៀតដោយសារតែបុគ្គល គុណ ពៅណា ចេញមកបញ្ជាក់ថាបទនេះ ថេណា និយាយពីរូបគេមិនសម្តៅដល់នារីណាម្នាក់ឡើយ។ ឃើញបុគ្គលដែលធ្លាប់យាយីនិងតាមរំខានជីវិតឯកជនខ្លួនកន្លងមកលាបពណ៌ដល់សិល្បករផ្សេងទៀត លីម តិចម៉េង ចេញសារព្រមានបុគ្គល គុណ ពៅណា ។

ឈានចូលថ្ងៃទី២ ខែមីនា ម្ចាស់ពាន Cambodian Idol រដូវកាលទី៤ បានចែករំលែកនៅលើបណ្តាញសង្គមផ្ទាល់ខ្លួនថា «ទង្វើមិនគួរមានក្នុងសង្គម ! ក៏មិនដឹងថា តើគ្រួសារ ! បងប្អូន ! ពុកម្តាយ ! ដូនតា ! ត្រូវអាប់អោន មិនដឹងយកមុខទៅទុកនៅទីណា ? បងប្អូនខ្លះអាចលេងសើច តែបុគ្គលនេះ តាមរករឿង លាបពណ៌ រំខានឯកជនភាពខ្ញុំ អស់រយៈពេលជាង២ឆ្នាំ។ ខ្ញុំបានចំណាយពេល តស៊ូតាមផ្លូវច្បាប់ ២ ដង ទម្រាំតែអាច ស្រាកស្រាន ពីទង្វើថោកទាប ប៉ះពាល់កិត្តិយស មកលើខ្ញុំដូចដែលបងប្អូនបានជ្រាបកាលកន្លង។ ខ្ញុំនៅមិនដឹងច្បាស់ទេថាតើទង្វើថោកទាបនេះ នៅតែបន្តឬឈប់សម្រាប់ខ្ញុំនោះទេប៉ុន្តែឃើញវីដេអូនេះហើយ ខ្ញុំគ្មានយោបល់។ ប៉ុន្តែបើសិនជាថ្ងៃណាមួយប៉ះពាល់បងប្អូនយើងផ្សេងទៀត ខ្ញុំគ្រាន់តែសង្ឃឹមថាច្បាប់នឹងមានចំណាត់ការយ៉ាងតឹងរឹងចំពោះទង្វើនេះបុគ្គលដែលមានចរិតនិងទម្លាប់បែបនេះកុំឱ្យមានការបំពុលរំខានសង្គមនិងប៉ះពាល់កិត្តិយសគេឯង»។

តារាចម្រៀង លីម តិចម៉េង បានសង្កត់ធ្ងន់ថា «សម្រាប់ខ្ញុំមានលើកទី៣ចំពោះខ្ញុំគឺគ្មានពាក្យថាលើកលែងឡើយ»។ តិចម៉េង ថាពាក្យសម្តីរបស់លោកមិននិយាយលេងសើចនោះទេ។

សូមបញ្ជាក់ថា កាលពីខែតុលា ឆ្នាំ២០២៥ លីម តិចម៉េង បាន Live សុំជំនួយបន្ទាប់ពីបុគ្គល គុណ ពៅណា តាមលោកដល់ផ្ទះបង្កឱ្យផ្ទុះការភ្ញាក់ផ្អើលពេញបណ្តាញសង្គមដែលមានមនុស្សទស្សនារាប់ម៉ឺននាក់៕

មិនត្រឹមតែស្អាតតែក៏មានទឹកចិត្តសប្បុរសខ្លាំងណាស់ដែរ។ តាមរបាយការណ៍ពីប្រព័ន្ធផ្សព្វផ្សាយកូរ៉េខាងត្បូងបានឱ្យដឹងថា Jennie សមាជិក BLACKPINK បរិច្ចាគប្រាក់ ១០០ លានវ៉ុនប្រមាណជិត៧០ម៉ឺនដុល្លារក្នុងសកម្មភាពសប្បុរសធម៌នាឱកាសថ្ងៃកំណើតគម្រប់អាយុ៣០ឆ្នាំរបស់នាង។

Sean បានបង្ហាញនៅថ្ងៃទី២៤ ខែកុម្ភៈ តាមរយៈបណ្តាញសង្គមរបស់ខ្លួនថា «Jennie សមាជិក BLACKPINK បានបរិច្ចាគប្រាក់ ១០០ លានវ៉ុនតាមរយៈយុទ្ធនាការ ‘បង្កើនសីតុណ្ហភាពកូរ៉េ 1°C’ ដោយរួមបញ្ចូលគ្នានូវប្រាក់ចំណូលពីការតាំងពិព័រណ៍រូបថតខែមករារបស់នាង ‘J2NNI5’ និងមូលនិធិផ្ទាល់ខ្លួនរបស់នាង ដើម្បីប្រើប្រាស់សម្រាប់មនុស្សចាស់ដែលត្រូវការធ្យូងថ្មជាប្រភពកំដៅចម្បងសម្រាប់រដូវត្រជាក់។

ជាមួយនឹងប្រាក់ ១០០ លានវ៉ុនអាចទិញធ្យូងថ្មចំនួន ១១២,០០០ ដែលអនុញ្ញាតឱ្យគ្រួសារចំនួន ៥៦០ ប្រើប្រាស់វារយៈពេលមួយខែក្នុងរដូវរងាត្រជាក់។ សម្រាប់អ្នកខ្លះ ធ្យូងថ្មមិនមែនជាជម្រើសទេ ប៉ុន្តែជារបស់ចាំបាច់ដើម្បីរស់រានមានជីវិតក្នុងរដូវរងា។ Sean បានសម្តែងការដឹងគុណចំពោះទឹកចិត្តសប្បុរសរបស់ Jennie សម្រាប់ប្រជាពលរដ្ឋកូរ៉េ។

កាលពីខែមុន Jennie បានប្រារព្ធពិព័រណ៍រូបថតនៅទីក្រុងសេអ៊ូល រយៈពេលពីរសប្តាហ៍។ ពិព័រណ៍នេះបានបង្ហាញរូបថតដែលមិនធ្លាប់ចេញផ្សាយពីមុនរបស់ Jennie អាយុ ២៥ឆ្នាំ ដែលថតដោយអ្នកថតរូបកូរ៉េល្បីៗដោយបង្ហាញពីពេលវេលាដ៏ពិតប្រាកដបំផុតរបស់នាង។ រូបថតរបស់នាងក៏រងនូវមតិចម្រូងចម្រាសផងដែរដោយសារតែនាងថតបញ្ចេញល្វែងខាងលើ៕

លែងមានមន្ទិលសង្ស័យតទៅទៀតអ្នកចម្រៀងរ៉េប Goofy បាននិយាយដោយផ្ទាល់មាត់ថាខ្លួននិង ទេព ពិសិដ្ឋ បានណាត់ជួបគ្នាហើយទំនាក់ទំនងល្អប្រសើរជាងមុន។ Goofy ថែមទាំងដឹងគុណ ពិសិដ្ឋ សម្រាប់វែកផ្លូវឱ្យមហាជនស្គាល់តាំងពីមិនទាន់ចូលប្រកួតចម្រៀងរ៉េបមកម្ល៉េះ។

នៅក្នុងកម្មវិធី 3Fun Goofy បានលើកពីគុណបំណាច់របស់ ទេព ពិសិដ្ឋ ដែលជាចំណែកមួយធ្វើឱ្យលោកមានឈ្មោះដូចរាល់ថ្ងៃនេះហើយស្គាល់ឈ្មោះ Goofy តាំងពីមិនទាន់ចូលប្រឡងដោយសារតែបទចម្រៀង 20 Out Now ហើយបានជួយជ្រោមជ្រែងក្នុងការធ្វើចម្រៀងជាមួយគ្នា។ រម្លឹកទៅកាន់ការបង្ហោះសំណេររបស់ខ្លួនដែលនិយាយទៅកាន់ ទេព ពិសិដ្ឋ ក្នុងពេលមានបញ្ហាជាមួយឪពុក Goofy ហើយបានផ្សះផ្សាគ្នាតាមរយៈឆាត និងបានជួបគ្នាញុំាអីជាមួយគ្នានៅខាងក្រៅផងដែរ។

Goofy បានលាតត្រដាងទៀតថា អំឡុងពេលពួកគេជួបគ្នាបាននិយាយពីរឿងរ៉ាវចាស់ៗ ដោយសារតែការប៉ះពាល់អារម្មណ៍ដូចគ្នាហើយមកទល់ពេលនឹងទំនាក់ទំនងអ្នកទាំងពីរគឺល្អប្រសើរជាងមុនដោយពួកគេបាននិយាយពីបញ្ហានោះទល់មុខគ្នា។ Goofy បាននិយាយថាប្រសិនជាមានបញ្ហារូបគេគិតថាខ្លួនឯងជាអ្នកបង្កកំហុសទើបធ្វើឱ្យបញ្ហានោះកើតឡើង។ Goofy ថាកន្លែងណាដែលធ្វើឱ្យលោកមានឈ្មោះរូបគេនឹងបំភ្លេចគុណឡើយ។

ទស្សនិកជនមួយចំនួនស្ទើរតែមិនដឹងទេថា ទេព ពិសិដ្ឋ និង Goofy មានបញ្ហាល្អក់កករជាមួយគ្នាពីព្រោះសាមីខ្លួនទាំងពីរបានរក្សាភាពស្ងប់ស្ងាត់នៅលើបណ្តាញសង្គម។ លុះពេលអ្នកគាំទ្រឃើញការបង្ហោះផ្តល់កម្លាំងចិត្តរបស់ Goofy ទៅកាន់ ទេព ពិសិដ្ឋ ទើបធ្វើឱ្យទស្សនិកជនភាគច្រើនបានដឹង។ យ៉ាងណាមិញនៅពេល Goofy និង ទេព ពិសិដ្ឋ មានសញ្ញាល្អឡើងវិញអ្នកគាំទ្រក៏រំភើបចិត្តនិងសង្ឃឹមថាមិត្តភាពរបស់ពួកគេនៅតែល្អនិងពួតដៃគ្នាកសាងកេរ្តិ៍ឈ្មោះក្នុងជីវិត៕

មិនមែនជាបងប្អូនដែលកើតចេញពីផ្ទៃតែមួយប៉ុន្តែអ្នកគាំទ្រសង្កេតឃើញថាទំនាក់ទំនងរវាង នី សូនិត្តា និង ហេង បូនីកា ស្និទ្ធស្នាលចង់លើសសាច់ញាតិទៅទៀត។ ថ្មីៗនេះ ឌី សូនិត្តា ក៏ទម្លាយពាក្យក្នុងចិត្តជាច្រើនចំពោះ នីកា ខណៈពិធីការិនីរូបនេះតបវិញថា សូនិត្តា ជាប្រភពនៃកម្លាំងចិត្តនិងភាពកក់ក្តៅរបស់ខ្លួន។

តារាសម្តែង ឌី សូនិត្តា បានបង្ហោះនៅលើបណ្តាញសង្គមរបស់ខ្លួនថា ដ្បិតថានាងនិង បូនីកា មិនកើតពោះម៉ែតែមួយមែនពិតតែចរិតដូចឆ្លុះកញ្ចក់ អាចធ្វើរឿងជាច្រើនជាមួយគ្នាដោយមិនលាក់បាំង។ មានពេលខ្លះអ្នកទាំងពីរនាំគ្នាយំឱបគ្នា ដោយគ្រាន់តែយំហើយមិននិយាយអ្វីទាំងអស់តែហាក់យល់ពីគ្នាដោយបេះដូងនិងអារម្មណ៍។ ឌី សូនិត្តា និយាយដាក់ ហេង បូនីកា ថាខ្លួនសប្បាយចិត្តដែល នីកា ចាប់ផ្តើមយល់ច្រើន វិវត្តន៍ខ្លួនបានយ៉ាងឆាប់រហ័ស ចាប់ផ្តើមមានភាពកត្តញូគុណ មានថាមពលវិជ្ជមាន មានសច្ចធម៌ មានគុណតម្លៃចិត្តនិងកាយ។

អ្នកនាង ឌី សូនិត្តា ដែលជាស្រ្តីរឹងមាំមួយរូបបានបន្ថែមទៀតថាអនាគត បូនីកា នឹងជួបមនុស្សប្រុសដែលល្អបុណ្យស្មើនឹងនាងជាមិនខាន។ លើសពីនេះ ឌី សូនិត្តា ថា នីកា ជាប្អូនស្រីដ៏ល្អរបស់ខ្លួនដែលបានចូលមកក្នុងជីវិតរបស់ខ្លួន។ កម្រនឹងបញ្ចេញអារម្មណ៍បែបនេះបង្ហាញឱ្យទស្សនិកជនបានដឹង ហេង បូនីកា បានពោលពាក្យទៅកាន់ ឌី សូនិត្តា ថា«អរគុណបងស្រីដែលតែងតែជាកម្លាំងចិត្ត នឹងជាភាពកក់ក្តៅសម្រាប់ប្អូនរហូតមក»។

ឌី សូនិត្តា បច្ចុប្បន្នកំពុងសកម្មនឹងមុខជំនួញផ្ទាល់ខ្លួនដោយផ្តល់ចំណីចក្ខុជូនអ្នកគាំទ្រតាមរយៈវីដេអូកំប្លែងខ្លីៗបង្ហោះនៅលើបណ្តាញសង្គម។ ងាកមកកាន់ បូនីកា វិញកំពុងមមាញឹកការងារជាពិធីការិនី និងថតវីដេអូកំប្លែងខ្លីៗជាមួយនឹងតារាចម្រៀង ស៊ូ ស៊ីរីកា និង អ៊ូ ទេពច័ន្ទណារឹទ្ធ៕

ស្ថានភាពពិភពលោកពេលនេះពោរពេញដោយភាពច្របូកច្របល់វឹកវរលែងមានសណ្តាប់ធ្នាប់និងមិនគោរពេតាមច្បាប់អន្តរជាតិ។ ប្រជាពលរដ្ឋស្លូតត្រង់រាប់ម៉ឺន រាប់លាននាក់បានស្លាប់ដោយសារតែកើតសង្គ្រាមជាច្រើនកន្លែង។ ឃើញសភាពពិភពលោកតានតឹងដាក់គ្នាបែបនេះឌីជេ ណាណា ស្រាប់តែពោលពាក្យនេះឡើងមក។

ពិធីការិនីដ៏មានប្រជាប្រិយភាពនិងអ្នកបង្កើតមាតិការូបនេះបានសរសេរនៅលើបណ្តាញសង្គមនៅយប់ថ្ងៃទី២ ខែមីនា នេះថា «ពិភពលោករញ៉េរញ៉ៃ អ្វីៗអាចផ្លាស់ប្ដូរក្នុងមួយពព្រិចភ្នែក…..រឿងខ្លះវាលើសពីអ្វីដែលយើងអាចគ្រប់គ្រង ឬដោះស្រាយបាន»។ ឌីជេ ណាណា បានបន្ថែមទៀតថា «ទាន់នៅមានជីវិត នៅមានឱកាសខ្លះ មានតែប្រឹងរៀន ប្រឹងរក ប្រឹងរស់ឱ្យមានន័យបំផុតតាមដែលអាចធ្វើទៅបាន។ ព្យាយាមមិនធ្វើអ្វីៗតាមតែចិត្ត តាមតែអារម្មណ៍តាមតែការអូសទាញតែតាមការត្រិះរិះពិចារណាឱ្យបានច្រើនបំផុត»។

ខ្លឹមសារបង្ហោះរបស់ ឌីជេ ណាណា ខាងលើនេះទទួលបានការយល់ស្របយ៉ាងច្រើនពីអ្នកលេងបណ្តាញសង្គមនិងថាមានអត្ថន័យពីព្រោះស្របនឹងស្ថានភាពបច្ចុប្បន្នរបស់ពិភពលោក។ ក្នុងន័យនេះ ឌីជេ ណាណា ចង់ឱ្យមនុស្សយើងធ្វើអ្វីដែលគួរធ្វើឱ្យមានន័យបំផុតសម្រាប់ជីវិតនិងមានការគិតពិចារណាឱ្យបានស៊ីជម្រៅដើម្បីកុំឱ្យមានការស្តាយក្រោយទៅថ្ងៃមុខ។

គួរបញ្ជាក់ផងដែរថា ថ្មីៗនេះប្រទេសអ៊ីស្រាអែលនិងសហរដ្ឋអាម៉េរិកបើកការវាយប្រហារតាមផ្លូវអាកាសទៅកាន់ប្រទេសអ៊ីរ៉ង់ ក្រោយពីការទូតបានដើរដល់ទីបញ្ចប់ បន្ទាប់ពីសហរដ្ឋអាម៉េរិកទុកឱកាសកុំឱ្យប្រទេសអ៊ីរ៉ង់ផលិតគ្រាប់បែកនុយក្លេអ៊ែរ៕