Kim Soo Hyun បានបង្ហាញខ្លួនជាលើកដំបូងជុំវិញរឿងអាស្រូវជីវិតឯកជនរបស់លោកនិង Kim Sae Ron ដោយយំ និងនិយាយថាលោករស់នៅដោយភ័យខ្លាច ដោយសារតែព័ត៌មានមិនពិតត្រូវបានផ្សព្វផ្សាយ។ ក្នុងនោះលោកនៅតែបដិសេធថាលោកមិនបានទាក់ទង Kim Sae Ron នៅពេលនាងមិនទាន់ពេញវ័យនោះទេហើយទង្វើរបស់លោកកាលពីឆ្នាំមុនដែលមិនទទួលស្គាល់ទំនាក់ទំនងដែលអ្នកទាំងពីរបែកគ្នា៤ឆ្នាំមកហើយថាលោកកំសាកនិងអាត្មានិយមលោកទទួលយកការរិះគន់នេះ។

នៅរសៀលថ្ងៃទី៣១ ខែមីនា តារាសម្តែង Kim Soo Hyun វ័យ ៣៧ឆ្នាំ និងមេធាវីរបស់ខ្លួនបានបង្ហាញខ្លួននៅសណ្ឋាគារមួយក្នុងទីក្រុងសេអ៊ូល ដោយនិយាយអំពីរឿងចម្រូងចម្រាសជុំវិញជីវិតឯកជនរបស់ខ្លួនដែលមានរយៈពេលជាង ២០ថ្ងៃមកនេះ។ ប្រហែល ៣០ នាទី Kim Soo Hyun និយាយ និងយំ។ ពេលខ្លះតារាសម្តែងរូបនេះមិនអាចទប់អារម្មណ៍របស់ខ្លួនបានទេ ហើយត្រូវឈប់ដើម្បីរក្សាភាពស្ងប់ស្ងាត់បន្តិចមុននឹងនិយាយបន្ត។ លោកក៏បានសម្ដែងការសោកស្ដាយចំពោះ Kim Sae Ron ដោយលោកបាននិយាយថា «វាឈឺចាប់ដែលគិតថានាងនៅតែមិនអាចសម្រាកដោយស្ងប់សុខ»។

Kim Soo Hyun បានចំណាយពេលភាគច្រើនរបស់ខ្លួននិយាយអំពីទំនាក់ទំនងរបស់លោកជាមួយតារាសម្តែង Kim Sae Ron ដោយនិយាយថាលោកមិនបានណាត់ជួបនាងកាលពីនាងនៅទាន់ពេញវ័យនោះទេ ហើយក៏មិនបានចែចង់នាង ឬដាក់សម្ពាធឱ្យនាងសងបំណុលគេដែរ។
តារាប្រុសរូបនេះ បាននិយាយថា៖ «អ្នកស្លាប់ និងខ្ញុំធ្លាប់ទាក់ទងគ្នាដូចគូស្នេហ៍ដទៃ យើងមានទំនាក់ទំនងល្អ ប៉ុន្តែបន្ទាប់ពីបែកគ្នា យើងមិនបានទាក់ទងគ្នាញឹកញាប់ទៀតទេ ទាក់ទងគ្នាក្រោយបែកគ្នាគឺឆ្គងខ្លាំងណាស់»។ លោកបានពន្យល់ថានៅឆ្នាំ២០២៤ នៅពេលដែល Kim Sae Ron បង្ហោះរូបថតអ្នកទាំងពីរនៅពេលដែលពួកគេនៅតែស្រលាញ់គ្នា។ នៅពេលនោះ ខ្សែភាពយន្តរឿង Queen of Tears កំពុងចាក់បញ្ចាំង ក្នុងនាមជាតារាសម្តែង Kim Soo Hyun ត្រូវអនុវត្តតាមគោលការណ៍មួយចំនួន ដើម្បីធានាដល់ការងាររបស់ក្រុមការងារទាំងមូល។ ដូច្នេះហើយ នៅពេលនោះ ក្រុមហ៊ុនគ្រប់គ្រងរបស់ Kim Soo Hyun បានបដិសេធថា អ្នកទាំងពីរមិនបានស្រលាញ់គ្នាអស់រយៈពេល ៤ឆ្នាំមកហើយ។

Kim Soo Hyun បាននិយាយថា ប្រសិនបើខ្លួនលោកអាចបង្វិលពេលវេលាត្រឡប់មកវិញបាន លោកនឹងនៅតែជ្រើសរើសធ្វើដូចគ្នា ព្រោះលោកមិនអាចអនុញ្ញាតឱ្យជីវិតផ្ទាល់ខ្លួនប៉ះពាល់ដល់មិត្តរួមការងាររបស់លោកនៅក្នុងក្រុមផលិតខ្សែភាពយន្តនោះទេ។ ឥឡូវនេះ ក្នុងនាមជាមនុស្សធម្មតា លោកទទួលរងផលវិបាកនៃការបដិសេធទំនាក់ទំនងនោះ។ លោកបានទទួលស្គាល់ថាសកម្មភាពនេះគឺ «កំសាក និងអាត្មានិយម» ហើយសុខចិត្តទទួលយកផលវិបាកនៃការរិះគន់។ Kim Soo Hyun សូមទោសចំពោះអ្នកដែលជឿ និងគាំទ្រលោក។

តារាសម្ដែងរូបនេះថា ទោះលទ្ធផលយ៉ាងណាក៏នៅតែចង់ប្រាប់ការពិតពីខ្លួនដែរ។ Kim Soo Hyun ថាសាច់ញាតិរបស់ Kim Sae Ron និង ឆាណែល YouTube របស់ Garo Sero បានកែសម្រួលសារ និងរាយការណ៍ព័ត៌មានមិនពិតដើម្បីបង្ខូចកេរ្តិ៍ឈ្មោះខ្លួន។ ពួកគេបានគំរាមលោកឱ្យទទួលស្គាល់នូវអ្វីដែលមិនពិត។ តារាសម្ដែងរូបនេះបាននិយាយថា៖ «ខ្ញុំមិនកុហកទេ ខ្ញុំមិនអាចទទួលស្គាល់អ្វីដែលខ្ញុំមិនបានធ្វើ»។ តារាសម្ដែងរូបនេះបន្តថា ប៉ុន្មានថ្ងៃកន្លងមកនេះ លោករស់នៅក្នុងភាពឈឺចាប់ដូចនៅក្នុងឋាននរក។ លោកខ្លាចរាល់ថ្ងៃនូវព័ត៌មានណាដែល Garo Sero ផ្សាយដើម្បីបង្ខូចកេរ្តិ៍លោក។ តារារូបនេះជំរុញឱ្យអ្នករាល់គ្នាស្តាប់លោកសូម្បីតែម្តង។

ក្នុងរយៈពេលកន្លះខែកន្លងមកនេះ ភាពចម្រូងចម្រាសរវាងភាគីទាំងពីរទទួលបានការចាប់អារម្មណ៍យ៉ាងខ្លាំង។ ហេតុការណ៍កាន់តែមានភាពរង្គោះរង្គើនៅពេលដែលមនុស្សមួយ ទម្លាយពីជីវិតឯកជនរបស់តារាសម្តែង Kim Sae Ron ដែលបានមរណភាពទៅហើយ ។ កាលពីថ្ងៃទី ២៥ ខែមីនា Garo Sero បាននិយាយថា តារាស្រីរូបនេះបានចុះបញ្ជីអាពាហ៍ពិពាហ៍របស់នាងនៅសហរដ្ឋអាម៉េរិកជាមួយបុរសម្នាក់ឈ្មោះ Lee ដោយមិនបានប្រាប់ក្រុមគ្រួសាររបស់នាងឡើយ។ ក្នុងអំឡុងពេល Live លោក Lee ក៏បានសារភាពថានឹងរៀបការភ្លាមៗជាមួយ Sae Ron បន្ទាប់ពីបានជួបគ្នាពីរបីដង ប៉ុន្តែបានបដិសេធការចោទប្រកាន់ថាធ្លាប់បំពានលើ Kim Sae Ron៕

ក្នុងហេតុការណ៍គ្រោះរញ្ជួយដីនៅប្រទេសមីយ៉ាន់ម៉ា បានបង្កឱ្យមានក្តីសោកស្តាយយ៉ាងខ្លាំងហើយមានមនុស្សរងគ្រោះជាច្រើនហើយស្ថិតនៅក្នុងកម្រិតប្រកាសអាសន្ន។ ទន្ទឹមនឹងប្រទេសកំណើតរបស់ខ្លួនជួបទុក្ខលំបាក Thae Su Nyein អតីត Miss Grand Myanmar 2024 បានចែករំលែកព័ត៌មានរំជួលចិត្តអំពីស្ថានភាពបច្ចុប្បន្ននៃប្រទេសរបស់នាង ដែលទាក់ទាញការចាប់អារម្មណ៍ពីសហគមន៍អនឡាញ។

Thae Su Nyein បានបង្ហោះវីដេអូចែករំលែកព័ត៌មានលម្អិតអំពីស្ថានភាពបច្ចុប្បន្ននៅក្នុងប្រទេសកំណើតរបស់នាងនៅថ្ងៃទី៣០ មីនា ក្នុងនោះនាងក៏បានសម្តែងនូវបំណងចង់ទទួលបានការបរិច្ចាគពីសំណាក់មិត្តភក្តិអន្តរជាតិផងដែរ។ នៅក្នុងវីដេអូ Thae Su Nyein បាននិយាយថា គ្រោះរញ្ជួយដីកម្រិត ៧.៧ រ៉ិចទ័រ បានបំផ្លាញអគារជាច្រើននៅក្នុងស្រុកកំណើតរបស់នាង សម្លាប់មនុស្សជាង ១០០០ នាក់ និងជាច្រើននាក់ទៀតរងរបួស។ ប្រជាជនមីយ៉ាន់ម៉ាមួយចំនួនឥឡូវគ្មានទីជម្រក អាហារ និងទឹកទេ។

Thae Su Nyein បាននិយាយថា ប្រជាជននៅស្រុកកំណើតរបស់នាងនៅតែមិនមានសុវត្ថិភាព ហើយកំពុងប្រឈមនឹងការលំបាកជាច្រើន។ រូបនាងបានបញ្ជាក់ថា នាងនឹងមិននិយាយចេញពីរឿងនេះទេ បើពិតជាមិនចាំបាច់ហើយនាងចង់ប្រើសំឡេងរបស់នាងដើម្បីសុំជំនួយពីមនុស្សជុំវិញពិភពលោកសម្រាប់ប្រទេសមីយ៉ាន់ម៉ា។
វីដេអូនេះបានទាក់ទាញចំណាប់អារម្មណ៍យ៉ាងឆាប់រហ័ស និងទទួលបានមតិលើកទឹកចិត្តចំពោះប្រទេសមីយ៉ាន់ម៉ា បន្ទាប់ពីគ្រោះរញ្ជួយដីកាលពីពេលថ្មីៗនេះ។

ការរញ្ជួយដីដែលបានកើតឡើងកាលពីរសៀលថ្ងៃទី២៨ ខែមីនា បានវាយប្រហារទីក្រុង Mandalay ដែលជាទីក្រុងធំទីពីររបស់មីយ៉ាន់ម៉ា ហើយបណ្តាលឱ្យផ្លូវថ្នល់ប្រេះស្រាំ វត្តបុរាណដួលរលំ ស្ពានបាក់ និងផ្ទះសម្បែងបាក់បែកខ្ទេចខ្ទាំ.. វត្តអារ៉ាម មន្ទីរពេទ្យ សាលារៀន និងផ្លូវថ្នល់ជាច្រើនត្រូវបានខូចខាតយ៉ាងធ្ងន់ធ្ងរមានមនុស្សស្លាប់រាប់ពាន់នាក់និងមានជនរងគ្រោះជាច្រើនទៀត៕

នៅថ្ងៃទី ២៩ ខែមីនា (ម៉ោងក្នុងតំបន់) Jennie បានចូលរួមក្នុងកម្មវិធី Billboard Women in Music 2025 ដែលធ្វើឡើងនៅរោងមហោស្រព YouTube ក្នុងទីក្រុង Los Angeles រដ្ឋកាលីហ្វ័រញ៉ា។ Jennie បានស្លៀករ៉ូបពណ៌ក្រហម ដែលរំលេចជាមួយខ្សែកនិងគ្រឿងអលង្ការបន្ថែមពណ៌មាស ដែលបង្កើនភាពទំនើបនៃរូបរាងរបស់នាង។

នៅក្នុងព្រឹត្តិការណ៍នេះ Jennie ទទួលបានកិត្តិយសជាមួយនឹងពានរង្វាន់ Global Force Award ដែលពង្រឹងឥទ្ធិពលពិភពលោករបស់នាង។ Billboard បានសរសើរនាងដែលបានធ្វើឱ្យមានឥទ្ធិពលយ៉ាងខ្លាំងលើឧស្សាហកម្មតន្ត្រីតាមរយៈប្រជាប្រិយភាពផ្ទុះរបស់នាងក្នុងនាមជាតារាចម្រៀងទោល។

ក្នុងពេលទទួលពានរង្វាន់របស់ខ្លួន Jennie បាននិយាយថា «វាពិតជាកិត្តិយសណាស់ ហើយខ្ញុំមានអារម្មណ៍ថាមានមោទនភាពក្នុងការទទួលបានពានរង្វាន់ Global Force Award នៅទីនេះ ក្នុងចំណោមនារីដ៏ស្រស់ស្អាតជាច្រើនដែលជំរុញទឹកចិត្តអ្នកដទៃ»។ «ខ្ញុំទទួលបានការបំផុសគំនិតពីស្ត្រីនៅជុំវិញពិភពលោក ហើយខ្ញុំសង្ឃឹមថានឹងបន្តធ្វើជាមនុស្សម្នាក់ដែលអាចមានឥទ្ធិពលវិជ្ជមានដល់មនុស្សជាច្រើន»។

ជាមួយគ្នានេះ Jennie ក៏មិនភ្លេចពីសមាជិកដទៃទៀតផងដែរ។ នាងបាននិយាយថា « ខ្ញុំចង់យកឱកាសនេះដើម្បីអរគុណទៅកាន់សមាជិក BLACKPINK របស់ខ្ញុំ បើគ្មានពួកគេទេដំណើរមួយនេះក៏មិនបានកើតឡើងដែរ»។

Billboard Women in Music គឺជាពិធីប្រគល់ពានរង្វាន់ប្រចាំឆ្នាំដែលទទួលស្គាល់តារាចម្រៀងស្រីដែលមានឥទ្ធិពលបំផុត អ្នកបង្កើត ផលិតករ និងនាយកប្រតិបត្តិ ដែលបានចូលរួមចំណែកយ៉ាងសំខាន់ក្នុងឧស្សាហកម្មតន្ត្រី។ ក្នុងឆ្នាំនេះក្រុមចម្រៀងនារី Aespa បានឈ្នះពានរង្វាន់ Group of the Year ៕