ពិតជាប្លែកខុសពីរាល់ៗឆ្នាំ ដើម្បីអបអរសាទរកម្មវិធីសង្រ្កាន្តឆ្នាំនេះ អភិបាលខេត្តកំពង់ចាមបានត្រៀមឳ្យមានការដាក់តាំងបង្ហាញលៀសហាលប្រវែង ១ពាន់ម៉ែត្រ ដែលគិតជាបរិមាណប្រហែល៣តោន និងអាចអោយអ្នកមកលេងម្សាន្តនៅសង្រ្កាន្តខេត្តកំពង់ចាមយកបរិភោគបានដោយឥតគិតថ្លៃ។

លោក អ៊ុន ចាន់ដា ជាអភិបាលខេត្តកំពង់ចាម បានថ្លែងនៅក្នុងឳកាសដែលលោកអញ្ជើញចុះសួរសុខទុក្ខ និងនាំយកអំណោយចែកជូននាយទាហាន នាយទាហានរង និងពលទាហាន កងពលតូច ស្ថិតនៅភូមិថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ កាលពីព្រឹកថ្ងៃទី០៥ ខែមេសា លោកអភិបាលបានមានប្រសាសន៍ថា៖ “សង្រ្កាន្តកំពង់ចាម” នឹងមានរយៈពេល៣ថ្ងៃ លោកកំពុងតែនឹករកវិធីសាស្រ្តផ្សេងៗដើម្បីរៀបចំឳ្យមានការទាក់ទាញ បង្ករបរិយាកាសសប្បាយដល់ប្រជាពលរដ្ឋឋ ដូចនេះឆ្នាំនេះកំពង់ចាម នឹងរៀបចំលៀសហាលចំនួន៣តោន នៅថ្ងៃទី១៥ ខែមេសា ពោលគឺថ្ងៃចូលឆ្នាំខ្មែរថ្ងៃទី២ ចាប់ពីម៉ោង ២:៣០នាទីរសៀលតទៅ នៅបរិវេណមុខសាលាខេត្តកំពង់ចាម រហូតដល់ទីតាំងវេទិកាអុំទូក។

សូមជម្រាបថា លៀសហាលខេត្តកំពង់ចាម គឺមានកេរ្តិ៍ឈ្មោះល្បីទូទាំងប្រទេស ដោយមានទាំងគុណភាពសាច់ល្អ ការច្នៃគ្រឿងផ្សុំអោយមានឳជារសឆ្ងាញ់ ព្រមទាំងមានច្រើនជម្រើស ច្រើនរសជាតិថែមទៀតផងសព្វថ្ងៃនេះ។ ដូចនេះ ការរៀបចំតាំងបង្ហាញលៀសហាលប្រវែង ១ពាន់ម៉ែត្រ ដែលមានទម្ងន់ប្រមាណ៣តោននេះ នឹងក្លាយជាចំណុចទាក់ទាញមួយផ្នែកទៀតនៅក្នុងកម្មវិធីសង្រ្កាន្តខេត្តកំពង់ចាមឆ្នាំ២០២៥នេះ។

គួរបញ្ជាក់ថា សង្រា្កន្តខេត្តកំពង់ចាមក្នុងឆ្នាំនេះនឹងមានរៀបចំនូវកម្មវិធីសប្បាយៗ និងការតាំងបង្ហាញប្លែកភ្នែកជាច្រើនរួមមាន៖ លៀសហាល៣តោនញាំដោយឥតគិតថ្លៃ, ពាងទឹចំនួន២៤១ , មានWiFi ប្រើដោយសេរី, ល្បែងប្រជាប្រិយច្រើនអនេក, ការបាញ់ពពុះសាប៊ូលេង, ការប្រគុំតន្រ្តីខ្នាតយក្ស, ការប្រកួតប្រដាល់, ការតាំងពិពណ៌ ។ល។

ចំណាយពេលធ្វើដំណើរប្រហែលជាង 40នាទី ពីទីក្រុងភ្នំពេញ យើងនឹងមកដល់ភ្នំប្រសិទ្ធ ដែលនៅលើភ្នំប្រសិទ្ធត្រៃត្រឹងមានប្រាសាទដ៏ចំណាស់មួយមានឈ្មោះថា “ប្រាសាទស្រីគ្រប់លក្ខណ៍” ដែលកំពុងសង្ញំខ្លួនយ៉ាងស្ងប់ស្ងាត់ ព្រោះពុំសូវមានភ្ញៀវទេសចរទៅទស្សនាច្រើនឡើយ។

“ប្រាសាទស្រីគ្រប់លក្ខណ៍” មានទីតាំងស្ថិតនៅភូមិតាពេជ្រ ឃុំឃ្លាំង ស្រុក ពញាឮ ខេត្តកណ្តាល ដែលមានចម្ងាយប្រមាណ ២៧ គីឡូម៉ែត្រ ភាគអាគ្នេយ៍រាជធានីភ្នំពេញ។ តាមរយៈការចារទុកនៅលើសិលាចារឹក ប្រាសាទនេះត្រូវបានសាងសង់ឡើងក្នុងរជ្ជកាលរបស់ព្រះបាទជ័យវរ្ម័នទី ១ (៦៥៥-៦៨១ នៃ គ . ស ) ដើម្បីឧទ្ទិសដល់ព្រហ្មញ្ញសាសនា ( សិវនិកាយ ) ។

ប្រាសាទស្រីគ្រប់លក្ខណ៍ សាងសង់ដោយថ្មឥដ្ឋ មានក្បាច់រចនាយ៉ាងល្អប្រណិត ប៉ុន្តែដោយសារការញាំញីដោយសង្រ្គាម បូជនីយដ្ឋានដ៏សំខាន់នេះ ត្រូវបានសង្គ្រាម និងជនទុច្ចរិតបំផ្លាញខ្ទេចខ្ទីអស់សូម្បីតែគ្រឹះប្រាសាទធ្វើអំពីថ្មបាយក្រៀម ក៏ត្រូវគេគាស់រំលើងដែរ ។

ក្រុមអ្នកជំនាញបានឃើញមានសំណល់ស្ថាបត្យកម្មប្រាសាទថ្មធំមួយទៀតស្ថិតនៅប្រមាណជា ១៥ ម៉ែត្រពីខ្លោងទ្វារប្រាសាទឥដ្ឋខាងលើនេះ ។ តាមការសិក្សាដោយក្រុមជំនាញប្រាសាទថ្មនោះជា សំណង់ស្ថាបត្យកម្មសម័យអង្គរ ស្ថិតក្នុងរចនាបថកោះកេរ ។ ប្រាសាទគ្រាន់តែបានបន្សល់ទុកនូវចម្លាក់មួយចំនួន ជាពិសេសបំណែកក្បាច់ ផ្តែរ សសរស្តម្ភ ជើង ទេវរូប ធំៗ ប្រកបដោយក្បាច់រចនា គួរឲ្យចាប់អារម្មណ៍ ។

ទិដ្ឋភាពនៅជុំវិញប្រាសាទ គឺមានដើមរុក្ខជាតិតូចធំដែលដុះនៅលើភ្នំ មានសម្រស់ស្រស់បំប្រងគួរអោយចង់គយគន់។ មិនតែប៉ុណ្ណោះ នៅទីនេះមិនមែនត្រឹមជាកន្លែងសម្រាប់ទេសចរមកទស្សនាកម្សាន្តប៉ុណ្ណោះទេ ប៉ុន្តែប្រាសាទ និងភ្នំនៅទីនេះ ថែមទាំងជាទីកន្លែងសក្ការៈដែលស័ក្តិសិទ្ធមួយផងដែរ ដែលមិនថាតែប្រជាជនក្នុងតំបន់នោះទេ លើសពីនេះក៏មានអ្នកមកពីចម្ងាយស្កាត់មកបន់ស្រន់ផងដែរ។

ជារឿងគួរសោកស្ដាយ ដោយសារដំបូលខាងលើ ជញ្ជាំង និងផ្នែកខាងក្នុងនៃប្រាសាទនេះខូចខាតយ៉ាងធ្ងន់ធ្ងថនៅសម័យខ្មែរក្រហម ហើយត្រូវបានគេសាងសង់គ្រោងដែកគ្របដោយស័ង្កសីជំនួសវិញ។

ប្រសិនបើអ្នកមិនទាន់ដឹងថាគួរធ្វើដំណើរកម្សាន្តទៅទីណានាឳកាសពិធីបុណ្យចញលឆ្នាំខាងមុខនេះទេ អ្នកអាចមកកម្សាន្តនៅតំបន់នេះបាន ព្រោះក្រៅពី “ប្រាសាទស្រីគ្រប់លក្ខណ៍” នេះ នៅលើភ្នំក៏មានក្យូសសម្រាប់អង្គុយ និងស្រស់ស្រូបអាហារបស់បងប្អូនអាជីវករក្នុងតំបន់ផងដែរ៕

ជួបវិបត្តិហិរញ្ញវត្ថុខាតបង់ប្រាក់រាប់ម៉ឺនដុល្លារត្រូវលក់អីវ៉ាន់ឡៃឡុង អ្នកជំនួញអនឡាញល្បីល្បាញ ម៉ាដាម ដា ទទួលបានទាំងការអាណិតមានការជួយទិញពីអ្នកប្រើប្រាស់ផង ខណៈមានទាំងអ្នកឌឺដងផង ជាពិសេសរឿងពាក្យសម្បថ។ ម៉ាដាមដា និយាយថានាងមិនបានស្បថជាមួយអ្នកណានោះទេ ខណៈពាក្យនេះនាងស្អប់បំផុត។

និយាយទាំងឡាយឡំជាមួយនឹងទឹកភ្នែកនៅក្នុងការ Live កាលពីកន្លងមកថ្មីៗនេះបន្ទាប់ពីប្អូនស្រីបានលាតត្រដាងពីបញ្ហារបស់បងស្រី ម៉ាដាម ដា បាននិយាយពីរឿងឈឺចាប់របស់ខ្លួនជាច្រើនមានខ្មែរដែលនៅថៃធ្វើស៊ី៥០នាក់ទើបធ្វើឱ្យមុខជំនួញរបស់ខ្លួនពេលនេះត្រូវជួបប្រទះវិបត្តិហិរញ្ញវត្ថុ ខ្វះលុយបើកឱ្យបុគ្គលិកជាច្រើនខែ។ តាមរយៈការ Live នោះមានអ្នកលេងបណ្តាញសង្គមមួយចំនួនក៏បានលើកទឹកចិត្តទៅកាន់អ្នកជំនួញរូបនេះដែលធ្លាក់មកដល់ចំណុចនេះហើយការរកស៊ីគឺមើលមិនឃើញមានឡើងហើយនឹងចុះ។

ទន្ទឹមនឹងការលើកទឹកចិត្ត អ្នកមួយចំនួនបានបញ្ចេញមតិឌឺដងផ្លែផ្កា ម៉ាដាម ដា ដោយសារតែសកម្មភាពហាយសូរកន្លងមក និងពាក្យសម្តីមួយចំនួនទាក់ទងនឹងជីវិតឯកជនបែកបាក់គូស្នេហ៍និងលង់ស្នេហ៍ប្រុសក្មេង ជាពិសេសគឺពាក្យស្បថស្បែតែម្តងកាលពីខែធ្នូ ឆ្នាំ២០២៣។ មានអ្នកលើកពីការស្បថស្បែរនៅក្នុងការ live របស់ខ្លួន ម៉ាដាម ដា បានសុំចិត្តអ្នកលេងបណ្តាញសង្គមអូសរំលងប្រសិនជាស្អប់នាងទុកក្នុងចិត្ត ហើយនាងស្អប់បំផុតគឺពាក្យ «ស្បថ» ដោយ ម៉ាដាម ដា បានបញ្ជាក់ថារាល់ថ្ងៃនេះនាងមិនបានស្បថជាមួយនរណានោះទេ។

ម៉ាដាម ដា បានជំរុញឱ្យអ្នកដែលថានាងស្បថ ទៅសួរ ប៉ាអយ ដែលជាអតីតគូស្នេហ៍ថាថ្ងៃនោះខ្លួននាងបានស្បថឬអត់ ខណៈអ្នកជំនួញរូបនេះបានសុំចិត្តមហាជនបើកចិត្តស្តាប់នាង មួយជីវិតនាងមិនចង់បានរបស់អ្នកណា កេងប្រវ័ញ្ចអ្នកណា ហើយប៉ាអយ ព្រមចេញមុខនិយាយការពិតមិនមែនការពារនាង ហើយរឿងនេះនាងបានសុំ ប៉ាអយ និយាយជាយូរមកហើយប៉ុន្តែគាត់មិនព្រម ទោះបីជាចេញមុខយឺតនាងជិតស្លាប់បាត់ក្តីតែខ្លួននៅតែអរគុណទៅកាន់អតីតគូស្នេហ៍។

ជាមួយគ្នានេះ ម៉ាដាម ដា ក៏បានបន្ថែមដែរថាក្រុមហ៊ុនរបស់នាងជួបបញ្ហាធំដោយសារតែបងប្អូនខ្មែរដូចគ្នានៅថៃបោកនាង៥០នាក់ដែលនាងបានដាក់អីវ៉ាន់ឱ្យរកស៊ីដោយចិត្តស្រលាញ់ក្នុងសម័យកាលកូវីដ។

ជាមួយនឹងខ្លឹមសារដែល ម៉ាដាម ដា មិនបានស្បថជាមួយអ្នកណា អ្នកលេងបណ្តាញសង្គមទិកតុកបានចូលទៅខម្មិនឌឺដងបន្ថែមទៀតដោយបញ្ជាក់ថាឱ្យវីដេអូឡើងវិញថាខ្លួនម៉ាដាម ដា បានស្បថឬអត់៕