តារាសម្ដែងចិន Hong Yao បានទទួលមតិជាច្រើនដែលនិយាយថាលោកអន់ជាងប្រពន្ធរបស់ខ្លួនគឺតារាសម្តែង Wu Jinyan ប៉ុន្តែចំណុចនេះមិនបង្កឱ្យលោកអន់ចិត្តនោះទេ ខណៈបានបញ្ជាក់យ៉ាងច្បាស់មិនតូចចិត្តចំពោះរឿងនេះឡើយ។.png)
តារាសម្តែង Hong Yao បាននិយាយជាលើកដំបូងអំពីអាពាហ៍ពិពាហ៍នៅក្នុងកម្មវិធីមួយនៅលើទូរទស្សន៍ដែលបានចាក់ផ្សាយកាលពីថ្ងៃទី៥ ខែមេសា។ ចាប់តាំងពីការប្រកាសជាសាធារណៈអំពីអាពាហ៍ពិពាហ៍របស់លោកនិង Wu Jinyan ក្នុងឆ្នាំ ២០២៤ មក Hong Yaoបានទទួលមតិអវិជ្ជមានជាច្រើននៅលើប្រព័ន្ធផ្សព្វផ្សាយសង្គម។ ទស្សនិកជនខ្លះជឿថាលោកអន់ជាងភរិយារបស់ខ្លួនទាំងកេរ្តិ៍ឈ្មោះ និងការសម្តែង ហើយមិនស័ក្តិសមជាមួយនាង។
មនុស្សជាច្រើនចងចាំថា Hong Yao ជាស្វាមី Wu Jinyan ច្រើនជាងអាជីពសម្តែងទៅទៀត។ មនុស្សមួយចំនួនបានណែនាំតារាប្រុសរូបនេះរកវិធីដើម្បីគេចចេញពីពាក្យអស់ទាំងនេះ។ ប៉ុន្តែ Hong Yao ជឿជាក់ថា ការធ្វើជាស្វាមីរបស់ Wu Jinyan គឺជាផ្នែកមួយនៃជីវិតរបស់គាត់ ដូច្នេះមិនចាំបាច់ព្យាយាមគេចពីស្រមោលប្រពន្ធរបស់គាត់នោះទេ។
តារាសម្តែងវ័យ៣៣ឆ្នាំរូបនេះបាននិយាយថាប្រពន្ធរបស់លោកល្អ និងទទួលបានការចាប់អារម្មណ៍ខ្លាំងពីទស្សនិកជនលោកយល់ចំណុចនេះហើយទទួលយកវា។ តារាសម្ដែងរូបនេះក៏បានរំឭកខ្លួនឯងថាត្រូវតែបង្ហាញសមត្ថភាពផ្សេងទៀត។ ប្តីប្រពន្ធមួយគូនេះបានស្វាគមន៍កូនស្រីដំបូងរបស់ពួកគេនៅក្នុងខែកុម្ភៈ ឆ្នាំ២០២៥។ បច្ចុប្បន្ននេះ Wu Jinyan ថែរក្សាគ្រួសារ ខណៈដែល Hong Yao ចូលរួមក្នុងកម្មវិធីទូរទស្សន៍ជាច្រើន។ អ្នកទាំងពីរបានប្រកាសពីការចុះសំបុត្រអាពាហ៍ពិពាហ៍កាលពីខែកញ្ញា ឆ្នាំ២០២៤។
Wu Jin Yan និង Hong Yao បានជួបគ្នាពេលកំពុងថត រឿង Story of Yanxi Palace ក្នុងឆ្នាំ ២០១៧ នៅពេលដែល Jin Yan ដើរតួជាតួឯកស្រី ហើយ Hong Yao ដើរតួជាព្រះអង្គម្ចាស់ Hong Zhu ។ នៅឆ្នាំ ២០២១ ពួកគេបានសម្តែងជាមួយគ្នាម្តងទៀតជាខ្សែភាពយន្តអំពីយុវជនក្នុងជីវិតសម័យទំនើប៕
