រឿងអាស្រូវស្នេហារបស់តារាចម្រៀង Nene ជាមួយនឹងតារាសម្តែងថៃ Bright បានធ្វើឱ្យអាជីពរបស់នាងដែលល្បីល្បាញនៅប្រទេសចិនត្រូវធ្លាក់ចុះរួមទាំងត្រូវហាមប្រាមនៅប្រទេសនេះ។ ជាមួយគ្នានេះការឃ្លាតឆ្ងាយពីស្រុកកំណើតមិនបានសូវបានផ្តោតសកម្មភាពនៅប្រទេសថៃធ្វើឱ្យ Nene មិនសូវទទួលបានការចាប់អារម្មណ៍ឡើយ។

Nene កំពុងប្រឈមមុខនឹងវិបត្តិដ៏ធំមួយក្នុងអាជីពរបស់នាង។ នាងជាប់ពាក់ព័ន្ធនឹងរឿងអាស្រូវនៃការមានមុខពីរ និងមិនដឹងគុណចំពោះប្រទេសចិន នៅពេលដែលនាងល្បីខ្លាំង ហើយរកប្រាក់ចំណេញច្រើនដោយសារប្រទេសនេះ។ ឧប្បត្តិហេតុជាក់លាក់គឺនៅពេលដែលនាងចុចLike ការបង្ហោះអវិជ្ជមានអំពីប្រទេសចិន។ ប្រហែលខែមេសា ឆ្នាំ២០២៤ឧស្សាហកម្មកម្សាន្តអាស៊ីមានការភ្ញាក់ផ្អើលជាខ្លាំងចំពោះព័ត៌មានដែលថា Nene និងតារាប្រុស Bright Vachirawit មានទំនាក់ទំនងស្នេហា។ ហេតុការណ៍នេះត្រូវបានអ្នកគាំទ្រជំទាស់យ៉ាងខ្លាំង។ ចំណងស្នេហ៍នេះបានទាក់ទាញភាពចម្រូងចម្រាសយ៉ាងខ្លាំងពាសពេញអ៊ីនធឺណិត។

មុនពេលមានទំនាក់ទំនងជាមួយ Bright តារាចម្រៀង Nene ក៏មានពាក្យចចាមអារ៉ាមថាមានទំនាក់ទំនងស្នេហាជាមួយ Li Zhen Ning ប្រហែលឆ្នាំ ២០២១ នៅពេលដែលអ្នកទាំងពីរជាតារាល្បីនៅក្នុងប្រទេសចិនបន្ទាប់ពីបង្ហាញខ្លួនជាលើកដំបូងក្នុងកម្មវិធី survival ។ Paparazzi បានចាប់ Nene ចេញចូលផ្ទះតារាប្រុសរូបនេះ។ នៅពេលនោះ គូស្នេហ៍មួយគូនេះ ទទួលបានប្រតិកម្មខ្លាំងៗជាច្រើន នៅពេលដែលអាជីពជា Idol របស់ពួកគេទើបតែមានសន្ទុះ ហើយអ្នកគាំទ្ររបស់ពួកគេមិនទាន់ «ខ្លាំង» គ្រប់គ្រាន់នៅឡើយ។

ក្នុងឆ្នាំ ២០២០ អតីតមិត្តស្រីរបស់ Bright បានធ្វើសេចក្តីថ្លែងការណ៍ទាក់ទងនឹង COVID-19 និងប្រទេសចិន ដែលបណ្តាលឱ្យសកម្មភាពទាំងអស់របស់ Bright នៅទីនោះត្រូវបានធ្វើពហិការ។ នៅពេលនោះ Nene កំពុងប្រជែងនៅលើអាជីពរបស់ខ្លួន ហើយដើម្បីផ្គាប់ចិត្តអ្នកគាំទ្រ តារាស្រីរូបនេះបានលុបរូបថតដែលថតរួមគ្នា។ ទោះបីជាយ៉ាងណាក៏ដោយអ្នកនិយមលេងអ៊ីនធឺណិត នៅតែចាប់បាននាង Like ការបង្ហោះនៅលើ Instagram ទីពីររបស់ Bright។ ភាពធ្ងន់ធ្ងរបានកើតឡើងនៅពេលមានរឿងអាស្រូវស្នេហារបស់នាងជាមួយនឹង Bright ជាហេតុធ្វើឱ្យអ្នកគាំទ្រជនជាតិចិន បែរខ្នងដាក់តារាស្រីរូបនេះ។

ពេលនេះ Nene និង Bright ស្ទើរតែត្រូវបាន «ហាមឃាត់» នៅក្នុងប្រទេសចិនដោយសារតែជីវិតឯកជនរបស់ពួកគេ។ មនុស្សជាច្រើនជឿថាដោយសារតែសកម្មភាពរបស់នាងត្រូវបាន «រារាំង» Nene មិនបាន «គោរព» វិស័យសិល្បៈចិនដែលជាកន្លែងដែលបង្កើតភាពល្បីល្បាញសម្រាប់នាងឱ្យមានតំណែងដែលនាងមានសព្វថ្ងៃនេះ។

បន្ទាប់ពីត្រូវបាន «ហាមឃាត់ជាសម្ងាត់» នៅក្នុងប្រទេសចិន Nene បានត្រឡប់ទៅប្រទេសថៃដើម្បីធ្វើការ ប៉ុន្តែ «ការធ្វេសប្រហែស» ដល់ប្រទេសកំណើតរបស់នាងយូរពេកក៏ធ្វើឱ្យនាងលែងចាប់អារម្មណ៍ផងដែរ។
ថ្មីៗនេះ ប្រព័ន្ធផ្សព្វផ្សាយសង្គមមានការភ្ញាក់ផ្អើលនៅពេលដែលនាងបានប្រកាសថានាងលែងទាក់ទងជាមួយសមាជិក BonBon Girls 303 នៅលើការផ្សាយផ្ទាល់ទៀតហើយ។ នាងបានពន្យល់ថានាងតែងតែផ្លាស់ប្តូរទូរស័ព្ទ WeChat ឬវេទិកាផ្សេងទៀត។ អ្នកគាំទ្រទាំងអស់និយាយថា Nene មិនដឹងគុណ មិនគោរពមិត្តរួមការងារ ក្រុមហ៊ុនចាស់របស់នាង និងជាកន្លែងដែលជួយឱ្យឈ្មោះនាងផ្ទុះពាសពេញអាស៊ី។ នៅក្នុងផ្នែកបញ្ចេញមតិ ស្ទើរតែមិនអាចរកឃើញអ្នកនិយមលេងអ៊ីនធឺណិតណាម្នាក់និយាយការពារនាង។

អាជីពចម្រៀងរបស់នាងគ្មានកន្លែងឈរឡើយ ការសម្ដែងរបស់នាងមិនសូវមានការចាប់អារម្មណ៍ទេ ហើយនាងក៏គ្មានឱកាសកែលម្អដែរ។ រឿងតែមួយគត់ដែល Nene បានចាកចេញនាពេលនេះគឺប្រហែលជារឿងស្នេហា។ ធ្លាប់ជាតារាដែលគ្រប់គ្នាស្រលាញ់ចំពោះរូបរាងដ៏គួរឱ្យ ស្រលាញ់របស់នាង ប្រើភាពស្រស់ស្អាតដើម្បីតបស្នងនឹងសមត្ថភាពរបស់នាង ពេលនេះកេរ្តិ៍ឈ្មោះរបស់ Nene កាន់តែកក្រើកស្ទើរតែគ្មានឱកាសអភិវឌ្ឍន៍នៅក្នុងប្រទេសណាមួយឡើយ សូម្បីតែប្រទេសថៃដែលជាស្រុកកំណើតរបស់នាងក៏ដោយ៕

Coachella គឺជាមហោស្រពតន្ត្រីដ៏ធំបំផុតរបស់អាម៉េរិកខាងជើង ដែលធ្វើឡើងរៀងរាល់ខែមេសា នៅ Empire Polo Ground ក្នុងទីក្រុង Indio រដ្ឋកាលីហ្វ័រញ៉ា។ មហោស្រពនេះធ្វើឡើងនៅទូទាំង ៨ ដំណាក់កាល រួមមាន Coachella Main Stage (តំបន់សំខាន់), មហោស្រពក្រៅ, Sonora, Gobi, Mojave, Sahara, Yuma និង Quasar ។ ឆ្នាំនេះ ព្រឹត្តិការណ៍នេះចាប់ផ្តើមពីថ្ងៃទី ១០ ដល់ថ្ងៃទី ២០ ខែមេសា (ម៉ោងក្នុងតំបន់)។ដែលការប្រគំតន្រ្តីរៀបចំឡើងនៅថ្ងៃចុងសប្តាហ៍។

ទោះបីជាវាបានបញ្ចប់ក៏ដោយ ប៉ុន្តែព្រឹត្តិការណ៍នេះនៅតែទទួលបានការចាប់អារម្មណ៍យ៉ាងខ្លាំងពីអ្នកគាំទ្រតន្ត្រីជាពិសេសការសម្តែងរបស់សមាជិកBLACKPINK ពីររូបគឺ Lisa និង Jennie ។ Lisa ដោយនាំយកការសម្តែងរយៈពេលជិត ៥៥នាទីដូចជាការប្រគំតន្ត្រីខ្នាតតូច ដោយគ្របដណ្តប់ប្រព័ន្ធផ្សព្វផ្សាយទាំងស្រុង។

សម្រាប់ Jennie បានបង្ហាញការច្រៀងផ្ទាល់ដ៏មានឥទ្ធិពល បច្ចេកទេសទំនើប និងស្ទីលសម្តែងគួរឱ្យចាប់អារម្មណ៍។ ការរិះគន់អំពីការច្រៀងរបស់នាងក្នុងសប្តាហ៍ដំបូងត្រូវបានលុបចោលយ៉ាងឆាប់រហ័ស ជំនួសដោយការសរសើរយ៉ាងខ្លាំងបន្ទាប់ពីការសម្តែងនៅសប្តាហ៍ទីពីរ។

ក្រៅពីការគាំទ្រយ៉ាងច្រើនពីទស្សនិកជននៅពីក្រោយខ្នង Jennie និង Lisa មិនខ្វះវត្តមានអ្នកម្តាយទាំងពីរឡើយ។ ទោះបីជាពួកគេជាតារាលំដាប់ពិភពលោកដែលមានអ្នកគាំទ្ររាប់លាននាក់ក៏ដោយ ប៉ុន្តែនៅក្នុងក្រសែភ្នែកឪពុកម្តាយរបស់ពួកគេ Jennie និង Lisa នៅតែជាក្មេងស្រីតូចៗដែលត្រូវការការការពារនិងផ្តល់ភាពកក់ក្តៅ។

ដោយឃើញកូនរបស់ពួកគេត្រូវបានទស្សនិកជនទទួលយក និងសម្រេចបានជោគជ័យលើផ្លូវដែលពួកគេបានជ្រើសរើស អ្នកម្តាយទាំងពីរមិនអាចលាក់បាំងអារម្មណ៍ និងមោទនភាពរបស់ខ្លួនបានទេ។ ម្តាយរបស់ Lisa បានស្រក់ទឹកភ្នែកដោយក្តីរីករាយភ្លាមៗនៅពេលដែលកូនស្រីឡើងលើឆាកដ៏អស្ចារ្យនេះ។ ចំណែកឯម្តាយរបស់ Jennie បានសម្រក់ទឹកភ្នែកនៅពេលដែលកូនស្រីអរគុណជាភាសាកូរ៉េនិងបង្ហាញការស្រលាញ់ចំពោះម្តាយ។ ថ្វីដ្បិតតែមិនមានវត្តមានទាំង២សប្តាហ៍ថ្ងៃក៏ដោយ ប៉ុន្តែអ្នកមានគុណរបស់តារាលំដាប់ពិភពលោករូបនេះ មានពេលវេលាដ៏ស្រស់ស្អាតមួយបានយកឱកាសមួយថ្ងៃដើម្បីលើកទឹកចិត្តដល់កូនរបស់ពួកគេ៕

បវរកញ្ញាចក្រវាល (Miss Universe) បានប្រកាសដកឈ្មោះ Opal Suchata ចេញពីតំណែងជាលំដាប់រងទី៣ Miss Universe 2024 បន្ទាប់ពីនាងបង្ហាញខ្លួនក្នុងព្រឹត្តិការណ៍ Miss World Thailand ដោយបំពានកិច្ចសន្យាដោយចូលរួមក្នុងកម្មវិធីប្រកួតមួយផ្សេងទៀត។

ការប្រកាសនេះត្រូវបានបង្ហោះនៅលើគេហទំព័រ Miss Universe (MU) នៅរសៀលថ្ងៃទី២២ ខែមេសា បន្ទាប់ពី TPN Global ដែលជាម្ចាស់កម្មសិទ្ធិបញ្ញា Miss World Thailand បានប្រកាសថា Opal Suchata នឹងចូលរួមក្នុងកម្មវិធី Miss World លើកទី៧២ នៅខែឧសភា នៅប្រទេសឥណ្ឌា។ បវរកញ្ញាចក្រវាលថៃឆ្នាំ ២០២៤ បានដើរតាមគន្លងអ្នកគ្រប់គ្រងកម្មវិធីប្រកួតរបស់នាង។

TPN Global ធ្លាប់បានគ្រប់គ្រងការប្រកួត Miss Universe Thailand (MUT) ៦ឆ្នាំជាប់គ្នា មុនពេលបាត់បង់អាជ្ញាប័ណ្ណទៅ Miss Grand International Public Company Limited (MGI) ដែលជាកម្មសិទ្ធិរបស់លោក ណាវ៉ាត់ ក្នុងខែកុម្ភៈ ឆ្នាំ២០២៥នេះ…. MGI ធានាបាននូវកិច្ចព្រមព្រៀងអាជ្ញាប័ណ្ណរយៈពេល ៥ ឆ្នាំដែលមានតម្លៃ ១៨០លានបាត ប្រមាណ ៥.៣៥ លានដុល្លារ ដែលបានបង់ទៅក្រុមហ៊ុន JKN ដែលជាកម្មសិទ្ធិរបស់ Anne Jakrajutatip ដែលជាអ្នកជំនួញកែភេទថៃដ៏លេចធ្លោម្នាក់។

ការចូលរួមរបស់ Opal Suchata លើឆាក Miss World បានធ្វើឱ្យស្ថាប័ន Miss Universe ប្រកាសដកតំណែងនាងភ្លាមៗ។ ក្នុងសេចក្តីប្រកាសនោះបានបញ្ជាក់ថា៖ «ដោយសារការរំលោភលើកាតព្វកិច្ចកិច្ចសន្យារបស់នាងដោយការចូលរួមក្នុងការប្រកួតខាងក្រៅ ការសម្រេចចិត្តនេះបញ្ជាក់ពីការរំពឹងទុករបស់យើងដែលអ្នកឈ្នះទាំងអស់បំពេញកាតព្វកិច្ចរបស់ខ្លួនពេញមួយរជ្ជកាលរបស់ពួកគេ»។

អង្គការបវរកញ្ញាក៏បានសង្កត់ធ្ងន់ថា អ្នកឈ្នះត្រូវបំពេញភារកិច្ចរបស់ខ្លួនពេញមួយរជ្ជកាលរយៈពេល ១២ ខែរបស់ពួកគេ ហើយចាប់ពីថ្ងៃទី ១ ខែឧសភា ឆ្នាំ ២០២៥តទៅ ពួកគេនឹងអនុវត្តបទប្បញ្ញត្តិកាន់តែតឹងរ៉ឹងសម្រាប់នាយកជាតិទាំងអស់ទាក់ទងនឹងបញ្ហានេះ។ អង្គការនេះបញ្ជាក់ជាថ្មីពីការប្តេជ្ញាចិត្តរបស់ខ្លួនក្នុងការផ្តល់សិទ្ធិអំណាចដល់ស្ត្រី និងរក្សាភាពសុចរិតនៃម៉ាកបវរកញ្ញាចក្រវាល។

Opal បានបញ្ជាក់ថា នាងគោរពការសម្រេចចិត្តរបស់ Miss Universe Organization ដែលប្រាកដជាមានហេតុផល ប៉ុន្តែនាងមិនមានកាតព្វកិច្ចតាមកិច្ចសន្យាឡើយ ហើយនាងបានចាប់ផ្តើមដំណើរផ្សងព្រេងថ្មីមួយទៀតហើយ។ តំណែងលំដាប់រងទី៣ក្នុងកម្មវិធី Miss Universe និង Miss Universe Thailand 2024 នឹងស្ថិតក្នុងបេះដូងនាង និងអ្នកដទៃជារៀងរហូត។

នៅពេលអ្នកសារព័ត៌មានសួរថាតើការបណ្តេញចេញពីបវរកញ្ញាចក្រវាលនឹងប៉ះពាល់ដល់ការចូលរួមក្នុងបវរកញ្ញាពិភពលោកនោះ Opal ឆ្លើយថា «ខ្ញុំមិនគិតដូច្នេះទេ អ្វីដែលសំខាន់បំផុតគឺការលះបង់ ការតាំងចិត្ត និងការប្រកួតរបស់ខ្ញុំនៅទីនោះ ជាពិសេសចាប់តាំងពី Julia Morley ម្ចាស់កម្មវិធីប្រកួតផ្តោតលើការចូលរួមក្នុងសកម្មភាពផ្សេងៗ និងតម្លៃរបស់យើង។ ខ្ញុំជឿថាមានកត្តាជាច្រើនដែលនឹងនាំយើងទៅទីនោះ … លើសពីនេះ ។

ទន្ទឹមនឹងនោះ Piyaporn ក៏បានបញ្ជាក់ដែរថា បើទោះបីជាការបណ្តេញចេញនេះ បង្កើតប្រវត្តិសាស្ត្រថាជាលើកទីមួយនៃការដកតំណែងបវរកញ្ញាចក្រវាល ប៉ុន្តែវាមិនប៉ះពាល់ដល់ការចូលរួមរបស់ Opal ក្នុងបវរកញ្ញាពិភពលោកឡើយ ព្រោះ Opal ចង់ដោះស្រាយបញ្ហាក្នុងចិត្តនារីៗ។ នាងបានបង្ហាញពីបំណងចង់ទៅសួរសុខទុក្ខកុមារទូទាំងប្រទេសថៃ និងអ្នកជំងឺមហារីកទូទាំងពិភពលោក។ បច្ចុប្បន្ន TPN Global មិនបានឆ្លើយតបនឹងសកម្មភាពរបស់ MU ទេ។ ទោះបីជាយ៉ាងណាក៏ដោយ នៅលើគណនីផ្ទាល់ខ្លួនរបស់ Opal ទាំងអស់ នាងបានលុបចោលនូវរាល់បន្ទាត់ទាំងអស់ អំពីតំណែងបវរកញ្ញាចក្រវាល ដែលនាងទទួលបាន។

Opal Suchata មានកម្ពស់ ១.៨ ម៉ែត្រ អាយុ២២ឆ្នាំ មានរាងកាយទាក់ទាញ មានស្នាមញញឹមភ្លឺថ្លា។ នាងជានិស្សិតច្បាប់នៅសកលវិទ្យាល័យ Thammasat ជំនាញទំនាក់ទំនងអន្តរជាតិ។ Opal ចេះភាសាអង់គ្លេស និងចិនយ៉ាងស្ទាត់ជំនាញ។ បវរកញ្ញារូបនេះធ្លាប់ទាក់ទាញចំណាប់អារម្មណ៍ជាមួយនឹងរឿងនាងជំនះមហារីកសុដន់។ ជាច្រើនឆ្នាំមកនេះ នាងបានរក្សា និងបង្កើត គម្រោង Opal For Her ក្នុងគោលបំណងជួយស្ត្រីដែលមានជំងឺនេះ រស់នៅប្រកបដោយភាពវិជ្ជមាន និងសុទិដ្ឋិនិយម។ នាងក៏ជឿជាក់ថាការប្រលងបវរកញ្ញាពិភពលោក និងគុណតម្លៃដែលអង្គការមានបំណងនឹងជួយនាងផ្សព្វផ្សាយសកម្មភាពសហគមន៍ឱ្យកាន់តែទូលំទូលាយ៕

អាចនិយាយបានថាតាំងពីកើតមក Qiao Xin បានរស់នៅយ៉ាងប្រណីតក្នុងគ្រួសារដ៏មានទ្រព្យធន។ ពេលនាងនៅរៀននៅឡើយ Qiao Xin ត្រូវរថយន្តទំនើបដឹកទៅសាលាហើយរស់នៅក្នុងវីឡាក្នុងតំបន់ទីក្រុង Shanghai ។ គ្រួសាររបស់នាងថែមទាំងមានអចលនទ្រព្យនៅបរទេសដូចជាប្រទេសកាណាដាជាដើម។ ដូច្នេះហើយ Qiao Xin ត្រូវបានសារព័ត៌មានចិនប្រៀបធៀបថាជា ព្រះនាងសៀងហៃ ឬតារាស្រីមួយរូបដែលមានជាងគេបំផុតនៅក្នុងប្រទេសចិន។

យោងតាមប្រព័ន្ធផ្សព្វផ្សាយចិន Qiao Xin គឺជាកូនទីពីរនៃគ្រួសារមានបងស្រីសិក្សាផ្នែកហិរញ្ញវត្ថុនៅប្រទេសកាណាដា ហើយនាងមានប្អូនប្រុសម្នាក់។ តារាស្រីរូបនេះបាននិយាយថាទោះនាងត្រូវឪពុកម្ដាយចិញ្ចឹមក្នុងគ្រួសារជាអ្នកមានក៏ដោយប៉ុន្តែ អ្នកមានគុណនាងតែងតែបង្រៀននាងពីអ្វីដែលនាងគួរធ្វើ និងមិនគួរធ្វើ ខណៈនាងគឺជាមនុស្សឯករាជ្យ។ Qiao Xin ធ្លាប់ចែករំលែកជ្រុងមួយទៀតនៃវីឡារបស់នាងដែលអ្នកទស្សនាអាចស្គាល់ផ្ទៃខាងក្នុងបែបអឺរ៉ុប។ ផ្ទះវីឡារបស់តារាស្រីកើតឆ្នាំ ១៩៩៣ រូបនេះក៏ត្រូវបានគេដាក់បង្ហាញក្នុងកម្មវិធី Sisters Over Flowers នៅទូរទស្សន៍ Shanghai TV។

ទស្សនិកជនកាន់តែស្ងើចសរសើរកាន់តែច្បាស់ពីផ្នែកខាងក្នុងផ្ទះបុរាណ និងបន្ទប់ឯកជនបែប «ព្រះនាង» របស់ Qiao Xin ។ តារាស្រីរូបនេះធ្លាប់ប្រាប់ពីក្តីស្រលាញ់ដែលគ្រួសារមានចំពោះនាងថា «ឪពុកខ្ញុំថាគាត់នឹងមើលថែខ្ញុំរហូតដល់ខ្ញុំរៀបការ។ បន្ទាប់ពីខ្ញុំរៀបការគាត់នឹងមើលថែប្តីខ្ញុំផងដែរ» ។ ហើយផ្អែកលើរូបភាពមួយចំនួនដែល Qiao Xin បានចែករំលែកអំពីផ្ទះវីឡាដ៏ប្រណីតដែលនាងកំពុងរស់នៅ ក៏ដូចជាអាហារលំដាប់ថ្នាក់ខ្ពស់នោះ គេអាចមើលឃើញថាតារាស្រីរូបនេះរស់នៅដូចជាព្រះនាងក្នុងរង្វង់ដៃឪពុកម្តាយរបស់នាង។ សារព័ត៌មាន Sina បានរាយការណ៍ថា គ្រួសាររបស់ Qiao Xin រស់នៅក្នុងវិមានថ្លៃបំផុតនៅទីក្រុងសៀងហៃ ដែលមានផ្ទៃដីរហូតដល់ ១,២០០ម៉ែត្រការ៉េ តាមបែបអឺរ៉ុប ដែលមានតម្លៃប្រហែល២០ម៉ឺនយ័នប្រមាណជិត៣ម៉ឺនដុល្លារក្នុងមួយម៉ែត្រការ៉េ។

ផ្ទះវីឡានេះមានសួនច្បារធំទូលាយ អាចចតឧទ្ធម្ភាគចក្រ និងរថយន្តប្រហែល ២០០គ្រឿង ដែលតម្លៃក្នុងមួយយូនីតគឺយ៉ាងតិច ២,៨លានយ័ន។ Qiao Xin ក៏មានរថយន្តទំនើបមួយគ្រឿងដែលមានតម្លៃរហូតដល់ ១,៥ លានយ័ន។

ក្នុងឆ្នាំ ២០១៦ Qiao Xin ត្រូវបានគេស្គាល់ជាសាធារណៈតាមរយៈតួនាទីរបស់នាង Guan Ju Er ក្នុងរឿង «Ode to Joy» ហើយបានឈ្នះពានតារាសម្ដែងថ្មីក្នុងប្រភេទរឿងភាគទូរទស្សន៍ក្នុងកម្មវិធី iQiyi Awards ជាមួយកម្ពស់ ១,៧២ ម៉ែត្រ និងសម្ដែងបានល្អ នាងទទួលបានការអាណិតស្រលាញ់ពីទស្សនិកជនជាច្រើន។ នាងបានបោះជំហានដំបូងចូលក្នុងអាជីពសិល្បៈក្នុងឆ្នាំ២០១៤។

ក្នុងអំឡុងនៃអាជីពសិល្បៈដ៏មានប្រជាប្រិយភាព Qiao Xin បានជាប់ពាក់ព័ន្ធនឹងពាក្យចចាមអារ៉ាមស្នេហាជាច្រើនជាមួយនឹងកំពូលតារាសម្តែង Yang Yang ។ អ្នកទាំងពីរត្រូវបានគេនិយាយថាបានណាត់គ្នាជាសម្ងាត់នៅទីក្រុងឡុងដ៍។ ទោះជាយ៉ាងណាក៏ដោយ Yang Yanf មិនដែលបញ្ជាក់ពីអារម្មណ៍របស់ខ្លួន ឬប្រឈមមុខនឹង Qiao Xin ឡើយ។ ឧបទ្ទវហេតុនេះបានធ្វើឱ្យកេរ្តិ៍ឈ្មោះរបស់ Qiao Xin កាន់តែក្តៅ ប៉ុន្តែក៏នាំមកនូវរឿងអាស្រូវផងដែរ។ ក្រោយមកគម្រោងភាពយន្តរបស់នាងមិនបានផ្ទុះឡើងទេ គឺស្ថិតក្នុងកម្រិតមធ្យម។

កាលពីថ្ងៃទី ១៣ ខែកក្កដា ឆ្នាំ ២០២៤ បណ្តាញទំនាក់ទំនងសង្គមរបស់ចិនបានធ្វើឱ្យមានការចាប់អារម្មណ៍យ៉ាងខ្លាំងជាមួយនឹងពេលវេលាណាត់ជួបរបស់តារាស្រីរូបនេះ នៅប្រទេសជប៉ុន។ នៅក្នុងរូបភាពដែលថតបាន នាងបានធ្វើដំណើរទៅក្រៅប្រទេសជាមួយបុរសវ័យក្មេងម្នាក់ដែលមានកម្ពស់ខ្ពស់។ មនុស្សម្នាក់នេះបានដាក់ដៃនៅចង្កេះរបស់ Qiao Xin យ៉ាងស្និទ្ធស្នាល ហើយគិតគូរដោយបានកាន់ឆ័ត្រឱ្យទៀត។ រូបភាពនេះហើយដែលនាំឱ្យមានការសង្ស័យថា តារាស្រីរូបនេះមានទំនាក់ទំនងស្នេហាជាមួយគ្នា។ បន្ទាប់ពីនោះ អ្នកនិយមលេងអ៊ីនធឺណិតម្នាក់បានបញ្ចេញព័ត៌មានដ៏គួរឱ្យភ្ញាក់ផ្អើលមួយទៀតទាក់ទងនឹងជីវិតឯកជនរបស់ Qiao Xin ។

គណនីនោះបាននិយាយថា បុរសដែលធ្វើដំណើរទៅប្រទេសជប៉ុនជាមួយ Qiao Xin មិនមែនជាគូស្នេហ៍ទេ ប៉ុន្តែជាស្វាមីដោយអ្នកទាំងពីរបានរៀបការដោយសម្ងាត់មួយរយៈហើយ។ សំខាន់ជាងនេះទៅទៀត ប្តីរបស់ Qiao Xin គឺជាកូនប្រុសទីពីររបស់ប្រធានសាជីវកម្មដ៏ធំមួយនៅក្នុងប្រទេសចិន។ យ៉ាងណាក៏ដោយ មកទល់នឹងពេលនេះ Qiao Xin មិនទាន់មានការឆ្លើយតប ចំពោះពាក្យចចាមអារ៉ាម ស្នេហា និងអាពាហ៍ពិពាហ៍នោះទេ។

ក្រោយប្រឡូកក្នុងអាជីពជាង១០ឆ្នាំ Qiao Xin មានសម្រស់កាន់តែស្រស់ស្អាត ប៉ុន្តែអាជីពរបស់នាងធ្លាក់ចុះ។ មហាជនជាច្រើនគិតថា ការពឹងលើសាវតាគ្រួសារដ៏សម្បូរបែបរបស់នាង ហើយសុខចិត្តចំណាយលុយដើម្បីទទួលបានប្រជាប្រិយភាពបានធ្វើឱ្យខូចអាជីពរបស់តារាស្រីរូបនេះ ធ្វើឱ្យនាងពិបាកឡើងដល់ចំណុចកំពូល៕