ត្រូវមានការប្រុ..ងប្រយ័..ត្ន! មកស្វែងយល់ពីល្បិចបោ..កប្រាស់ផ្សេងៗតាមអនឡាញ និងវិធីការពារខ្លួន

រាជធានីភ្នំពេញ ៖ កាលពីថ្មីៗនេះ ការិយាល័យប្រឆាំងបទល្មើសបច្ចេកវិទ្យាបានបង្ហោះសំណេរដាស់តឿន ដល់បងប្អូនប្រជាពលរដ្ឋទាំងអស់ សូមកុំមានការជឿទុកចិត្តពាក់ព័ន្ធនឹងការប្រាក់លឿនពេក ព្រោះជនក្លែងបន្លំឆបោ..កមានល្បិច និងវិធីសាស្រ្តជាច្រើន។

ករណីឆបោ..កតាមអនឡាញ នៅតែកើតមានឡើងជាបន្តបន្ទាប់នៅក្នុងប្រទេសយើង ដោយក្រុមជនឆបោ..កទាំងនោះតែងរិះរកវីធីសាស្រ្តថ្មីៗមកនិយាយលួងលោមទាក់ទាញទំនុកចិត្ត ប្រសិនបើអ្នកជឿតាមពួកគេនោះអាចនឹងខាតបង់លុយកាក់ ឬវត្ថុមានតម្លៃជាមិនខាន។

ជនឆបោ..កទាំងនោះអាចទាក់ទងមកកាន់អ្នកបានតាមរយៈលេខទុរស័ព្ទ អ៊ីមែល ជាពិសេសគឺប្រព័ន្ធទំនាក់ទំនងក្នុងបណ្ដាញសង្គមដូចជា ហ្វេសប៊ុក តេឡេក្រាម វីឆាត រឺបណ្ដាញសង្គមផ្សេងទៀតតាមរយៈរូបភាពដូចខាងក្រោម៖

១. បន្លំខ្លួនជាជនបរទេស ឬអ្នករស់នៅប្រទេសក្រៅថាមានប្រាក់ ឬរបស់មានតម្លៃចង់ផ្ញើរមកឲ្យអ្នក ប៉ុន្តែជួបបញ្ហារាំងស្ទះតម្រូវឲ្យអ្នកបង់ថវិកាមួយចំនួនទៅកាន់ភ្នាក់ងារណាមួយដែលជាគ្នីគ្នារបស់ពួកគេដើម្បីរត់ការឯកសារ។
២. ប្រាប់ថាខ្លួនមកពីក្រុមហ៊ុនណាមួយដែលមានកម្មវិធីចាប់រង្វាន់ធំរ ហើយត្រូវចំឈ្មោះរបស់អ្នក ប៉ុន្តែដើម្បីទទួលបានរង្វាន់នោះ ពួកគេតម្រូវឲ្យអ្នកផ្ទេរប្រាក់សម្រាប់ថ្លៃសេវាណាមួយជាមុនសិន។
៣. ដាក់លក់ទំនិញដូចផេកលក់តាមអនឡាញទូទៅ ប៉ុន្តែនៅពេលអ្នកកម្មង់ទំនិញនោះ ពួកគេទាមទារឲ្យអ្នកវេរប្រាក់ទៅមុន បន្ទាប់មកទើបដាក់ទំនិញទៅតាមក្រោយ។
៤. ទាក់ទងមកគំរាមថាពួកគេបានលួចយកគណនីរបស់អ្នក ឬប្រាប់ថាបានគ្រប់គ្រងលើឧបករណ៍ដូចជាទូរស័ព្ទដៃ ឬកុំព្យូទ័រហើយមានរូបអាក្រា..តរបស់យើង ដូច្នេះបើមិនផ្ញើរប្រាក់ឲ្យទេ ពួកគេនឹងបង្ហោះរូបទាំងនោះ។
៥. ប្រើប្រាស់មនោសញ្ចេតនា (Romantic Scam) ដោយបន្លំគណនីធ្វើជាស្រីស្អាត ឬប្រុសស្អាតមកសុំស្នេហ៍ ហើយបន្ទាប់ពីឆ្លើយឆ្លងគ្នាមួយរយៈក៏ចាប់ផ្ដើមលួងលោមឲ្យផ្ញើរប្រាក់ឲ្យពួកគេ។

ក្រៅពីវិធីសាស្រ្តទាំងអស់នេះ ពួកគេក៏មានល្បិចបញ្ឆោទផ្សេងទៀតដូចជា ការក្លែងបន្លំQR Codeគណនីធនាគារជាដើម។ ដូច្នវិធីការពារខ្លួនដែលងាយបំផុត គឺ៖ ១.ពិនិត្យមើលឈ្មោះQR Code ឬនៅលើប្រតិបត្តិការផ្ញើប្រាក់ ២.កុំឆ្លើយតបនឹងសារដែលចម្លែគៗ ៣. កែសម្រួលកំណត់ត្រាឯកជនភាពនៅលើបណ្ដាញសង្គម ៤. កុំផ្ទេរប្រាក់ចេញបើមិនទាន់ទទួលបានទំនិញ ៥. ពិនិត្យមើលព័ត៌មានក្នុងគណនី ឬផេកដែលអ្នកកំពុងឆ្លើយឆ្លងជាមួយ ហើយប្រសិនបើគ្មានប្រវត្តិច្បាស់លាស់ ជាគណនី ឬផេកទើបបង្កើតថ្មី និងយល់ថាគួរឲ្យសង្ស័យសូមកុំភ្លេចទំនាក់ទំនងទៅកាន់ការិយាល័យប្រឆាំងបទល្មើសបច្ចេកវិទ្យា ដើម្បីចៀសវាងការខាតបង់ពេលវេលា និងទ្រព្យសម្បត្តិមានតម្លៃផ្សេងៗ៕