ខ្សែភាពយន្តដកស្រង់ពីហេតុការណ៍ពិតភ្លើងឆេះក្លិបនៅខេត្តសៀមរាបបានបង្កឱ្យទស្សនិកជនចាប់អារម្មណ៍យ៉ាងខ្លាំងអាចបំបែកកំណត់ត្រារបស់ផលិតកម្ម LD ។ ទោះយ៉ាងណារឿងនេះស្រាប់តែមានការជជែកវែកញែកនិងមានភាពចម្រូងចម្រាសក្រោយលេចដំណឹងថាគូដណ្តឹងរបស់ ណាង ដែលបានស្លាប់ក្នុងហេតុការណ៍ផ្តល់សិទ្ធិឱ្យផលិតកម្មរបស់លោក អ៊ិន វិចិត្រ ផលិតពីប្រវត្តិស្នេហារបស់អ្នកទាំងពីរ។ លើសពីនេះលោក លៀក លីដា ចេញមកបង្ហោះប្រយោគបែបនេះ។
ដើមចមនៃរឿងនេះបានចាប់ផ្តើមបង្ហើរនៅលើបណ្តាញសង្គមបន្ទាប់ពីលោក លៀក លីណាចេញមកបង្ហោះថា «ការដែលយកcreditsតួ(star power) មកប្រើគឺមិនខុសទេ តែបើប្រើឈ្មោះដូចគ្នាទៀត ហើយមិនមែនមួយ ក៏មិនមែនពីរ គឺ៣តែម្តង។ នេះសរបញ្ជាក់ឱ្យឃើញពីតំលៃ នៃម្ចាស់គំនិត។ – សំណាង – មិនា – ពិសី វាមិនដែលសូម្បីតែព្រាយក៏មិនលើកលែង សង្ឃឹមថាព្រាយមិនមែនរ៉ូបក្រហមចុះ.»។ សំណេរនេះលោក លៀក លីដា បានចែករំលែកដោយភ្ជាប់មកជាមួយសំណេរដែរថា «កោតធ្វើទៅរួច មនុស្សនេះគួរតែខ្ញុំបង្ហាញឱ្យគេដឹងថា ជាមនុស្សមុខក្រាស់ ដោយមិនទុកមុខ រឺក៏អត់ បើគេចេះតែមកប៉ះយើងចឹង»។
បន្ទាប់ពីនេះ គេបានឃើញគណនីហ្វេកប៊ុកមួយចេញមកបង្ហោះថា «នាងខ្ញុំបានផ្តល់សិទ្ធិជូនទៅបងប្រុស Vichet In ដែលជាម្ចាស់ផលិតកម្ម (Mediaload)ក្នុងការថតរឿងស្នេហានាងខ្ញុំនឹងអាបង Bong Nang ដែលជាសាច់រឿងខ្ញុំផ្ទាល់ដែលជាតួអង្គពិតក្នុងហេតុការភ្លើងឆេះក្លឹបនៅសៀមរាបដែលជាខ្យែភាពយន្តមានចំណងជើង កំណត់ហេតុចុងក្រោយ រង់ចាំតាមដានទស្សនាទាំងអស់គ្នាថានឹងមានអ្វីប្លែក។
ជាមួយនឹងការបង្ហោះខាងលើលោក អ៊ិន វិចិត្រ បានចែករំលែកជាមួយខ្លឹមសារបន្ថែមថា «អរគុណប្អូនស្រី Pas Mine ដែលបានទុកចិត្តផលិតកម្ម Mediaload Pictures ក្នុងការផលិតខ្សែភាពយន្ត ប្រវត្តិស្នេហារបស់ប្អូន»។ លោកក៏បានបង្ហោះសំណេរជាបន្តថា «សូមឱ្យម្ចាស់ផលិតកម្មម្នាក់ៗគោរពនូវកម្មសិទ្ធបញ្ហារបស់បុគ្គលម្នាក់ៗ រឿងស្នេហាគាត់ ហេតុអ្វីគាត់ត្រូវបាត់បង់សិទ្ធក្នុងការប្រាប់រឿងស្នេហារបស់គាត់។
លោក អ៊ិន វិចិត្រ បានបង្ហោះសំណេរមួយទៀតថា «មុនធ្វើរឿងអត់បានសុំសិទ្ធិ ធ្វើហើយក៏អត់ កំពុងចាក់ក៏អត់សុំ ដល់ចាក់ជិតចប់អត់បានសុំសិទ្ធិទៀត បានផលប្រយោជន៍ច្រើនមហាសាលហើយ ឥឡូវទៅបិទម្ចាស់កម្មសិទ្ធិដែលគាត់ចង់ប្រាប់រឿងស្នេហាគាត់ពិត។ គ្មានអ្នកណាជាម្ចាស់សិទ្ធលើព្រឹត្តិការពិតនោះទេ ហើយសិទ្ធិនៅលើបុគ្គលនីមួយៗ ដែលក្នុងហេតុការណ៍ពិត»។
ងាកទៅកាន់លោក លៀក លីដា វិញ បានចេញមកបង្ហោះសំណេរមួយថា «ព្រាននារីជ្រកក្រោមខោអាវសុភាពបុរសសោះ កុំមកនិយាយត្រឹមត្រូវស្អី គ្មានអ្នកណាទៅហាមរឺបិទទេ ឱ្យតែធ្វើរឿងពិត អ្នកណាមិនសុំសិទ្ធិអ្នកណា?»។
គួរឱ្យដឹងថាបន្ទាប់ពីរឿងនេះបានកើតឡើងតារាសម្តែងដែលជាតួអង្គសំណាង និង ពិសី ក៏បានបដិសេធមិនទទួលការថតភាពយន្តថ្មីឡើយ៕
