សហរដ្ឋអាមេរិក ៖ ក្រុមហ៊ុនការពារជាតិអាមេរិក Eureka Naval Craft បានបង្ហាញនាវាចម្បាំងថ្មីទំហំធំម៉ាក AIRCAT Bengal MC ដ៏ទំនើបបំផុតនៅលើពិភពលោក គឺនាវានេះបំពាក់បច្ចេកវិទ្យា AI គ្មានមនុស្សបើក ប៉ុន្តែអាចប្រើអាវុ.ធវាយប្រ.ហារទៅលើគោលដៅដោយស្វ័យប្រវត្តិ ឬបា.ញ់នាវាចម្បាំងផ្សេងទៀតនៅសមុទ្រ ។ នាវានេះបើកបរក្នុងល្បឿនស្មើ៩២គីឡូម៉ែត្រក្នុង១ម៉ោង និងអាចផ្ទុកសម្ភារៈកងទ័ព រហូតដល់៤០តោន ។

នាវានឹងធ្វើដំណើរទៅមុខដោយសារបច្ចេកវិទ្យា AI ទើបធ្វើឱ្យវាអាចបម្លាស់ទីដោយខ្លួនឯងពុំចាំបាច់មានអ្នកបញ្ជា ប៉ុន្តែនាវាក៏មានកន្លែងសម្រាប់មនុស្សអង្គុយបញ្ជាផងដែរ ប្រសិនបើមានភារកិច្ចចាំបាច់ ។ នាវាប្រើប្រាស់បច្ចេកវិទ្យាពិសេសប្រភេទ Surface Effect Ship (SES) គឺជាការរួមបញ្ចូលគ្នារវាងនាវា Hovercraft និង Catamarans ទើបធ្វើឱ្យវាអាចបើកបរក្នុងល្បឿនលឿន ។

គេអាចប្រើប្រាស់នាវានេះក្នុងបេសកកម្មជាច្រើន រួមមាន ៖ ជានាវាចម្បាំង នាវាដឹកជញ្ជូនកងទ័ពឡើងដីគោក នាវាសង្គ្រាមអេឡិចត្រូនិក ធ្វើជាទីតាំងបង្ហោះដ្រូន និងសម្រាប់ផ្ទុកសម្ភារៈដោះមីន ។ ក្រៅពីនាវា AIRCAT Bengal MC មានល្បឿនលឿន និងប្រើប្រាស់ក្នុងបេសកកម្មជាច្រើន វាត្រូវបានបំពាក់ដោយអាវុធជាច្រើនប្រភេទ ថែមទាំងអាចបាញ់ជ្រួច Tomahawk និងមានអាវុធសម្រាប់បាញ់នាវាចម្បាំងម៉ាក Naval Strike Missile NSM ផងដែរ ។

ក្រុមហ៊ុន Eureka Naval Craft បញ្ជាក់ថា នាវាចម្បាំងនេះជួយសន្សំសំចៃក្នុងការប្រើប្រាស់ មានល្បឿនលឿនជាង និងមានកម្លាំងខ្លាំងជាងនាវាចម្បាំងចាស់ៗដែលប្រើប្រាស់នាពេលបច្ចុប្បន្ន ។ លើសពីនេះ វាក៏ជួយកាត់បន្ថយហានិភ័យសម្រាប់នាវាចម្បាំងធំៗមានតម្លៃថ្លៃ និងមានមនុស្សជិះ ។ នេះចាត់ទុកថា គឺជាការអភិវឌ្ឍបច្ចេកវិទ្យាជឿនលឿនបំផុតសម្រាប់នាវាចម្បាំងគ្មានមនុស្សបើក ដែលបានកែច្នៃពីនាវាតូច ទៅជានាវាធំបំពាក់បច្ចេកវិទ្យាទំនើប ។

លោក Bo Jardine ប្រធានក្រុមហ៊ុន Eureka Naval Craft និយាយថា យើងរំភើបណាស់ក្នុងការបង្ហាញនាវាចម្បាំងដ៏ទំនើបនេះ ដែលវាអាចធ្វើដំណើរលើសមុទ្រក្នុងល្បឿនលឿន មានមនុស្សជិះក៏បាន អត់ក៏បាន ។ ការប្រើប្រាស់មានប្រសិទ្ធភាពជាងនាវាចម្បាំងធម្មតា ថែមទាំងកាត់បន្ថយការចំណាយផ្នែកផលិត និងជួសជុល ទើបធ្វើឱ្យវាទទួលបានការចាប់អារម្មណ៍ពីកងទ័ពជើងទឹក ដែលចង់បង្កើនសមត្ថភាពយុទ្ធសាស្ត្រ ដោយពុំចាំបាច់ពឹងផ្អែកលើនាវាចម្បាំងធំជាងនេះ ។

ក្រុមហ៊ុន Eureka Naval Craft ពុំបានប្រាប់ពីតម្លៃរបស់នាវាទេ ប៉ុន្តែនាវានេះបានបង្ហាញខ្លួនលើកដំបូងក្នុងកម្មវិធី Sea-Air-Space Exhibition នៅរដ្ឋម៉ារីលែន សហរដ្ឋអាមេរិក ចាប់ពីថ្ងៃទី៦ ដល់ថ្ងៃទី៩ ខែមេសា ឆ្នាំ២០២៥ ។ ក្រុមហ៊ុនមានគម្រោងណែនាំនាវានេះទៅកាន់កងទ័ពជើងទឹកអាមេរិក រួមទាំងកងទ័ពជើងទឹកសិង្ហបុរី វៀតណាម ថៃ ហ្វីលីពីន ជប៉ុន និងកូរ៉េខាងត្បូង ៕

ថ្មីៗនេះក្រុមអ្នកវិទ្យាសាស្ត្របានរកឃើញសត្វក្រពើពូជថ្មី ពីរប្រភេទ ដែលរស់នៅលើកោះ Cozumel និង Banco Chinchorro នៅសមុទ្រការាបៀន ក្បែរឧបទ្វីប Yucatán ក្នុងប្រទេសម៉ិកស៊ិក។ កន្លងមក អ្នកជំនាញជឿថា នៅក្នុងតំបន់នេះ មានតែសត្វក្រពើអាមេរិក (Crocodylus acutus) ប៉ុណ្ណោះ។ ប៉ុន្តែការសិក្សាហ្សែនថ្មីមួយ បានបង្ហាញថា សត្វក្រពើនៅលើកោះទាំងនេះមានភាពខុសគ្នាដល់ថ្នាក់ថាជាពូជថ្មីពីរដែលមិនធ្លាប់បានស្គាល់ពីមុន។

អ្នកស្រាវជ្រាវបានយកឈាម និងខ្នាតគំរូហ្សែនពីសត្វក្រពើនៅលើកោះ Cozumel និង Banco Chinchorro ហើយប្រៀបធៀបជាមួយក្រពើរនៅតំបន់ផ្សេងទៀត វាបានបង្ហាញពីភាពខុសគ្នាដែលធំសម្បើមទាំងហ្សែន និងរាងកាយ។ អ្នកស្រាវជ្រាវ Hans Larsson និង José Avila-Cervantes បាននិយាយថា ការសិក្សានេះជាលើកដំបូងដែលបង្ហាញពីភាពចម្រុះយ៉ាងច្រើនក្នុងសត្វក្រពើ Caribbean ហើយវាបង្ហាញថាពួកវាមានប្រភពដើមខុសគ្នាយ៉ាងពិតប្រាកដ។

បើតាម BBC Wildlife Magazine ឱ្យដឹងថា សត្វក្រពើថ្មីទាំងពីរពូជនេះមានចំនួនតិចជាង ១ពាន់ ក្បាលប៉ុណ្ណោះ ហើយពួកវារស់នៅតែក្នុងតំបន់ដាច់ស្រយាល។ ដោយសារតែការអភិវឌ្ឍន៍តាមឆ្នេរសមុទ្រ និងសម្ពាធមនុស្ស កន្លែងរស់នៅរបស់ពួកវាអាចមានគ្រោះថ្នាក់។ ទោះបីចំនួនសត្វនៅទីនោះនៅមានស្ថិរភាព តែភាពងាយរងគ្រោះនឹងកើតមានក្នុងពេលអនាគត ប្រសិនបើមិនមានការពារប្រកបដោយការយកចិត្តទុកដាក់។

អ្នកស្រាវជ្រាវបានបញ្ជាក់ថា ឥឡូវនេះពួកយើងត្រូវទទួលស្គាល់ថាសត្វទាំងនេះជាប្រភេទផ្សេងៗគ្នា និងមានតួនាទីសំខាន់ក្នុងការអភិរក្សទីជម្រករបស់ពួកវា។ ការបង្កើតផែនការអភិរក្ស និងការរឹតបន្តឹងការអភិវឌ្ឍដីនៅលើកោះទាំងនេះ គឺជាគន្លឹះសំខាន់ក្នុងការពារសត្វក្រពើទាំងពីរប្រភេទ។ លោក Larsson សន្និដ្ឋានថា ការបាត់បង់ជីវចម្រុះយ៉ាងឆាប់រហ័សអាចត្រូវបានពន្យឺតបានលុះត្រាតែយើងដឹងថាប្រភេទសត្វណាដែលមានហានិភ័យបំផុត៕

សហរដ្ឋអាមរិក ៖ កប៉ាល់កងទ័ពជើងទឹកមិកស៊ិកដែលកំពុងធ្វើដំណើរបានបាត់បង់ថាមពលរបស់វាភ្លាមៗ និងជ្រុលទៅបុ.កស្ពាន Brooklyn បណ្តាលឲ្យបាក់ដងក្តោងកប៉ាល់ និងកៀបជាប់មនុស្សយ៉ាងអា.ណោចអាធ..ម។ ហេតុការណ៍ដ៏រន្ធ.ត់មួយនេះបានកើតឡើងនៅក្នុងទីក្រុងញូយ៉ក កាលពីយប់ថ្ងៃទី១៧ ឧសភា។

យោងតាមសារព័ត៌មានបរទេសបានឲ្យដឹងថា ៖ កប៉ាល់ដែលមានឈ្មោះថា Cuauhtemoc ដែលមានបណ្ដោយប្រវែង ២៩៧ហ្វីត របស់កងទ័ពជើងទឹកមិកស៊ិក កំពុងធ្វើដំណើរចាកចេញពីកំពុងផែ Pier 17 ក្នុងដំណើរបេសកកម្មរយៈពេល ២៥៤ថ្ងៃ ទៅកាន់កំពង់ផែចំនួន ២២ ដែលមាននៅក្នុងប្រទេសចំនួន១៥ ដើម្បីអបអរសាទរគំរប់ខួប ២០០ឆ្នាំ នៃការទទួលបានជ័យជំនះរបស់កងទ័ពជើងទឹករបស់មិកស៊ិក។

ក្នុងកំឡុងពេលកំពុងធ្វើដំណើរនៅតាមដងទន្លេខាងកើត កប៉ាល់ស្រាប់តែបាត់បង់ថាមពល និងមិនអាចគ្រប់គ្រងបានភ្លាមៗ ដែលបណ្ដាលឲ្យវាបន្តជ្រុលទៅមុខរហូតទៅបុ.កជាមួយនឹងស្ពាន ប្រ៊ុកឃ្លីន បាក់ក្ដោងធ្លាក់ចុះមក និងកៀបជាប់មនុស្សយ៉ាងរន្ធ.ត់។ បើតាមរបាយការណ៍ចុងក្រោយ គឺមានមនុស្ស ២នាក់ ដែលបានបាត់ប.ង់ជី.វិត និងរបួសធ្ងន់ស្រាលចំនួន ១៩នាក់។

ដោយឡែក បើផ្អែកលើការស៊ើបអង្កេតជាបឋម មូលហេតុដែលបណ្ដាលឲ្យកប៉ាល់ខាងលើនេះរលត់ថាមពលដូច្នេះ គឺបណ្ដាលមកពីការបញ្ហាបច្ចេកទេសផ្នែកម៉ាស៊ីនដែលគេមិនបានដឹងមុន ទើបមិនអាចគ្រប់គ្រងបាន បូករួមជាមួយស្ថានភាពទឹកដែលហូរខ្លាំងបណ្ដាលឲ្យកើតមានគ្រោះថ្នា.ក់ដូចខាងលើ។

រដ្ឋាភិបាលប្រទេសមិកស៊ិក បានបង្ហាញការសោ.កស្ដា.យ យ៉ាងខ្លាំងចំពោះហេតុការណ៍នេះ ព្រមទាំងចូលរួមរំលែកទុក្ខដល់គ្រួសារជនរងគ្រោះដែលបានបា.ត់ប.ង់ជី.វិតផងដែរ។ ចំណែកខាងរដ្ឋាភិបាលរបស់សហរដ្ឋអាមេរិកពេលនេះ កំពុងបើកការស៊ើបអង្កេតបន្ថែមទៀតដើម្បីដឹងច្បាស់ពីមូលហេតុពិតប្រាកដនៃហេតុការណ៍ខាងលើ៕