ប្រទេសថៃ ៖ កងយោធពលខេមរភូមិន្ទថៃ បានបានដឹកនាំកិច្ចប្រជុំមួយសម្រាប់ត្រីមាស ដោយអញ្ជើញក្រុមជំនួយការយោធារបរទេសក្នុងប្រទេសថៃ ដែលមកពីប្រទេសចំនួន ៣០ ដោយផ្ទាល់ និងតំណាងមកពីប្រទេសចំនួន ១៧ បន្ថែមតាមរយៈ Video Conference ទាក់ទងនឹងជម្លោះព្រំដែនកម្ពុជា-ថៃ និងបកស្រាយអំពើហិ.ង្សាប្រដាប់ងាវុ.ធដែលបានកើតមាននៅក្នុងខេត្តភាគខាងត្បូង ប្រទេសថៃកាលពីថ្មីៗនេះ។

យោងតាមសារព័ត៌មាន The Nation Thailand នៅថ្ងៃទី៩ ខែមិថុនា បានឲ្យដឹងថា ឧត្តមសេនីយឯក Kamchai Wongsri នាយកផ្នែកចារកម្មកងទ័ព បានដឹកនាំសន្និសីទកាសែត RTA នៅទីបញ្ជាការកងទ័ពថៃ ដោយសង្កត់ធ្ងន់លើការប្តេជ្ញាចិត្តរបស់ប្រទេសថៃក្នុងការដោះស្រាយបញ្ហាព្រំដែនដោយសន្តិវិធី តាមរយៈយន្តការការទូតទ្វេភាគី។

គោលបំណងនៃសន្និសីទនេះ គឺដើម្បីជូនដំណឹងដល់មន្ត្រីយោធាបរទេសប្រចាំប្រទេសថៃ និងភាគីពាក់ព័ន្ធផ្សេងទៀតអំពីហេតុការណ៍ ការវិវត្តន៍ និងវឌ្ឍនភាពនៃស្ថានភាពសន្តិសុខក្នុងខេត្តជាប់ព្រំដែនភាគខាងត្បូង ទាក់ទងនឹងការបង្កើតសុវត្ថិភាពសម្រាប់ជីវិតប្រជាជន និងទ្រព្យសម្បត្តិ ក៏ដូចជាការលើកកម្ពស់ពហុវប្បធម៌នៅក្នុងតំបន់។ ដែលនៅតែមានភាពផុយស្រួយ ស្មុគ្រស្មាញ និងមានឧប្បត្តិហេតុជាបន្តបន្ទាប់ រួមទាំងបើកឱកាសដើម្បីពិភាក្សា និងផ្លាស់ប្តូរយោបល់លើបញ្ហានេះផងដែរ។

បន្ថែមលើនេះ នៅក្នុងការសង្ខេបអំពីស្ថានភាពជាក់លាក់នៅតាមព្រំដែនកម្ពុជា-ថៃ នាយកដ្ឋានចារកម្មកងទ័ព បានពន្យល់ដល់ក្រុមអនុព័ន្ធយោធាបរទេសដែលបានចូលរួមទាំងអស់ ឲ្យបានដឹងនូវលំដាប់ព្រឹត្តិការណ៍ នៃអង្គហេតុ និងគោលជំហរច្បាស់លាស់របស់កងទ័ពថៃ លើការអនុវត្តវិធានការផ្សេងៗ ក្នុងការដោះស្រាយបញ្ហានៅតាមព្រំដែនកម្ពុជា-ថៃ ដោយសន្តិវិធី និងដោយប្រើប្រាស់យន្តការអន្តរជាតិទ្វេភាគីដែលមានស្រាប់។
សកម្មភាពនេះត្រូវបានរដ្ឋាភិបាលថៃចាត់ទុកថាជាការទូតការពារជាតិសកម្មយ៉ាងពិតប្រាកដ ដែលនឹងជំរុញដល់ការការយល់ដឹងពីគ្នាទៅវិញទៅមកនៅសហគមន៍អន្តរជាតិ។ ព្រមទាំងស្របនឹងការរក្សាបាននូវកិច្ចសហប្រតិបត្តិការល្អ ប្រកបដោយនិរន្តរភាពក្នុងវិស័យសន្តិសុខ និងទំនាក់ទំនងល្អជាមួយប្រទេសនានា៕

ប្រទេសថៃ ៖ តាមការចុះផ្សាយរបស់សារព័ត៌មានថៃ Khaosod កាលពីថ្ងៃទី៩ ខែមិថុនា ឆ្នាំ២០២៥ ឱ្យដឹងថា ប្រទេសថៃបានសម្រេចកាត់បន្ថយរយៈពេលស្នាក់នៅក្នុងទិដ្ឋាការពលរដ្ឋខ្មែរមកនៅត្រឹមតែ៧ថ្ងៃប៉ុណ្ណោះ ពី​ចំនួន​៦០​ថ្ងៃ រួមទាំងកាត់ផ្តាច់ភ្លើង-អ៊ីនធើរណេតក្នុងកាស៊ីណូនៅព្រំដែនផងដែរ ហើយថៃត្រៀមខ្លួនចូលរួមកិច្ចប្រជុំគណៈកម្មការព្រំដែនរួម (JBC) នៅថ្ងៃទី១៤ ខែមិថុនា នេះ ។

កាលពីថ្ងៃទី៩ ខែមិថុនា លោក និកាន់ឌេត ផ្លាំងគូន អ្នកនាំពាក្យក្រសួងការបរទេសថៃបាននិយាយពីស្ថានការណ៍ព្រំដែនកម្ពុជា-ថៃថា នៅថ្ងៃទី៨ ខែមិថុនា កន្លងមក កងទ័ពកម្ពុជា និងថៃបានចុះពិនិត្យមើលខ្សែបន្ទាត់ព្រំដែន និងរួមគ្នាលុបរណ្តៅដីនៅព្រំដែនតាមកិច្ចព្រមព្រៀងរួមគ្នា ព្រមទាំងកែសម្រួលកងកម្លាំងទាំងសងខាងតាមកិច្ចព្រមព្រៀងកាលពីឆ្នាំ២០២៤ ។

វាជាសញ្ញាល្អ និងបង្ហាញពីភាពស្មោះត្រង់របស់ភាគីកម្ពុជាក្នុងការកាត់បន្ថយភាពតានតឹងនៃស្ថានការណ៍ព្រំដែនកម្ពុជា-ថៃ ដែលកើតឡើងដោយសារការចរចាគ្រប់ជាន់ថ្នាក់ដើម្បីឈានទៅរកដំណោះស្រាយដោយសន្តិវិធីរយៈពេលវែង គោរពគ្នាទៅវិញទៅមក ជាពិសេស ការប្រើប្រាស់យន្តការទ្វេភាគីដែលមានស្រាប់ ។ នេះជាការបង្កើតបរិយាកាសល្អឈានទៅរកកិច្ចប្រជុំគណៈកម្មការព្រំដែនរួម (JBC) នៅថ្ងៃទី១៤ ខែមិថុនា ។

ថៃសង្ឃឹមយ៉ាងមុតមាំថា កិច្ចប្រជុំនៅកម្ពុជា នាថ្ងៃទី១៤ ខែមិថុនា នឹងជួយកាត់បន្ថយភាពតានតឹងនៃស្ថានការណ៍រួមដែលមានភាពផុយស្រួយ ដើម្បីរក្សាសណ្តាប់ធ្នាប់ក្នុងតំបន់ និងសុវត្ថិភាពរបស់ពលរដ្ឋរស់នៅព្រំដែនទាំងសងខាង ។ ទំនាក់ទំនងរវាងប្រទេសទាំងពីរនឹងល្អប្រសើរ ហើយរដ្ឋាភិបាលថៃជឿជាក់ថា ការប្រើប្រាស់យន្តការដែលប្រទេសទាំងពីរមានរួមគ្នា ដូចជា ៖ គណៈកម្មការព្រំដែនរួម (JBC), គណៈកម្មការព្រំដែនទូទៅ (GBC), គណៈកម្មការព្រំដែនតំបន់ (RBC), ការចរចាទ្វេភាគីគ្រប់ជាន់ថ្នាក់ទាំងផ្នែកកងទ័ព និងពលរដ្ឋ រួមទាំងការលើកកម្ពស់ទំនាក់ទំនងល្អរបស់ពលរដ្ឋទាំងសងខាង នឹងជាមធ្យោបាយមានប្រសិទ្ធភាពក្នុងការដោះស្រាយជម្លោះ ។

ចំណែកការគ្រប់គ្រងច្រកព្រំដែនជាប់កម្ពុជា គឺថៃនៅតែអនុវត្តដើម្បីរក្សាសន្តិភាព និងសណ្តាប់ធ្នាប់ ។ ក្រៅពីនេះ មជ្ឈមណ្ឌលបង្ការ និងដោះស្រាយបញ្ហាគំរាមកំហែងដែលធ្វើឱ្យប៉ះពាល់សន្តិសុខនៅតំបន់ព្រំដែនជាប់ប្រទេសជិតខាង គឺថៃនឹងចាត់វិធានការទប់ស្កាត់ និងបង្ក្រាបឧក្រិដ្ឋកម្មបច្ចេកវិទ្យា ការជួញដូរមនុស្សតាមព្រំដែនកម្ពុជា-ថៃ រួមទាំងកាត់ផ្តាច់ភ្លើង-អ៊ីនធើរណេតដែលបញ្ជូនទៅកាស៊ីណូ ។

ក្រៅពីនេះ ថៃនឹងកាត់បន្ថយរយៈពេលស្នាក់នៅក្នុងទិដ្ឋាការពលរដ្ឋខ្មែរអាចស្នាក់នៅថៃបានត្រឹមតែ៧ថ្ងៃប៉ុណ្ណោះ ពីចំនួន៦០ថ្ងៃ ហើយពុំប្រាកដចិត្តថា តើថៃនឹងកាត់បន្ថយរយៈពេលទិដ្ឋាការរហូតដល់ពេលណាទេ ។ ហេតុនេះ យើងនឹងរង់ចាំឱ្យស្ថានការណ៍ល្អប្រសើរឡើងវិញ និងរង់ចាំឱ្យភាគីទាំងពីរងាកមកជជែកគ្នាពីរយៈពេលស្នាក់នៅក្នុងទិដ្ឋាការម្តងទៀត ។ នេះបើតាមការលើកឡើងរបស់លោក និកាន់ឌេត ៕

កាលពីចុងសប្តាហ៍កន្លងទៅ កងទ័ពជើងទឹកថៃ បានបង្អួតនាវាចម្បាំងទំនើបៗ អមជាមួយនាវាដឹកយន្តហោះដែលមានតែមួយគត់នៅតំបន់អាស៊ាន។

ការបញ្ចេញនាវាដឹកយន្តហោះនេះ ហាក់មានចេតនាបញ្ចេញសាច់ដុំដល់ភាគីខាងកម្ពុជា  ស្របពេលដែលកម្ពុជាគ្រោងនឹងចល័តនាវាចម្បាំងទៅចន្លោះពូលូវ៉ៃ និងកោះតាង ដើម្បីធ្វើសមយុទ្ធបាញ់គ្រាប់ពិត។

ចំពោះ នាវាផ្ទុកយន្តហោះចម្បាំងរបស់ថៃនេះ មានឈ្មោះថា “HTMS Chakri Naruebet” ដែលមានន័យថា “អធិបតេយ្យនៃរាជវង្សចក្រី”។

នាវានេះ ត្រូវបានដាក់អោយប្រាក់ជាផ្លូវការនៅក្នុងឆ្នាំ ១៩៩៦ ដោយថៃបានទិញពីប្រទេសអេស៉្បាញក្នុងតម្លៃ២៨៥លានដុល្លារ។

នាវាផ្ទុកយន្តហោះចម្បាំងនេះ មានទទឹង ២២.៣ម៉ែត្រ និងបណ្តោយ១៨៣ម៉ែត្រ ដែលអាចមានលទ្ធភាពផ្ទុកយន្តហោះចម្បាំង៦គ្រឿង និងឧទ្ធម្ភាគចក្រ៦គ្រឿង៕

ប្រទេសថៃ ៖ ថ្មីៗនេះ កងយោធពលខេមរភូមិន្ទថៃ (RTARF) បានបង្ហាញរូបថតពីលើអាកាសថតដោយផ្កាយរណបមកធ្វើជាភស្តុតាង ដោយអះអាងថា តំបន់ «ចុងបូក (Chong Bok)» ដែលមានការប៉ះទង្គិចអាវុ.ធរវាងកងទ័ពខ្មែរ និង ថៃ កាលពីចុងខែឧសភាកន្លងទៅ គឺស្ថិតនៅក្នុងព្រំដែនរបស់ថៃ។

យោងតាមការចុះផ្សាយរបស់សារព័ត៌មានថៃ The Nation បានឲ្យដឹងថា នៅក្នុងឃ្លីបវីដេអូមួយ ដែលមានរយៈពេល 1 នាទី 28 វិនាទី គឺជាភស្តុតាងរូបថតពីលើអាកាសបានបង្ហាញយ៉ាងច្បាស់ថា តំបន់ចុងបូក ដែលជាកន្លែងការប៉ះទង្គិចគ្នាបានកើតឡើងគឺស្ថិតនៅក្នុងខេត្ត Ubon Ratchathani ដែលជាទឹកដីថៃ។

ជាងនេះទៅទៀត អង្គភាព RTARF បានពន្យល់ថា ផែនទីដែលកម្ពុជាប្រើជាឯកសារយោង គឺជាផែនទីខ្នាត 1:200,000 ភ្ជាប់ជាមួយសន្ធិសញ្ញាបារាំង-សៀមឆ្នាំ 1907 គឺជាផែនទីដែលខ្វះព័ត៌មានលម្អិតគ្រប់គ្រាន់ ក្នុងការកំណត់ព្រំដែនឱ្យបានត្រឹមត្រូវ​ ហើយក៏មិនប្រកាន់ខ្ជាប់នូវគោលការណ៍ដែនទឹកដែលមានចែងក្នុងសន្ធិសញ្ញាផងដែរ។

មួយវិញទៀត ប្រទេសថៃប្រើប្រាស់ផែនទីខ្នាត 1:50,000 ដោយយោងទៅលើស៊េរីផែនទី L7018 ដែលជាផែនទីមានលក្ខណៈលម្អិតខ្ពស់ជាងខ្នាត 1:200,000 របស់កម្ពុជា។ ដូចនេះ ផ្អែកលើភស្តុតាងរូបថតពីលើអាកាសនេះ កងយោធពលខេមរភូមិន្ទថៃបានអះអាងយ៉ាងច្បាស់ថា តំបន់ «ចុងបូក » ដែលមានជម្លោះរវាងទាហានកម្ពុជា និងថៃបានកើតឡើង គឹស្ថិតក្នុងព្រំដែនប្រទេសថៃ។ ​

គួររំលឹកថា ការប៉ះទង្គិចគ្នាដោយអាវុ.ធរវាងទាហានកម្ពុជា និងថៃ បានកើតឡើងនាព្រឹកព្រលឹម ថ្ងៃទី២៨ ខែឧសភា ឆ្នាំ២០២៥ ដែលបណ្ដាលឲ្យទាហានខាងកម្ពុជាម្នាក់បានបា.ត់ប.ង់ជីវិត។ ហេតុការណ៍នេះ បាននាំឲ្យតំបន់ព្រំដែនមានភាពចម្រូងចម្រាស់ជាខ្លាំង ដែលតម្រូវឲ្យភាគីទាំងពីរបើកកិច្ចពិភាក្សាទ្វេភាគី ដោយកម្ពុជានឹងធ្វើជាម្ចាស់ផ្ទះ នៅថ្ងៃទី១៤ ខែមិថុនា ឆ្នាំ២០២៥ ខាងមុខនេះ ដើម្បីចរចា និងដោះស្រាយបញ្ហាដោយសន្តិវិធី៕

https://www.facebook.com/share/v/16RD76pPGe/?mibextid=wwXIfr

ពេលត្រូវធ្វើដំណើរតាមយន្តហោះ ជាពិសេស នៅថ្ងៃឈប់សម្រាកដែលមានមនុស្សច្រើន អ្នកដំណើរទាំងឡាយមិនចង់ឆ្លងមេរោគដើម្បីកុំឱ្យប៉ះពាល់ដល់សុខភាព និងខាតពេលវេលាប្រកបមុខរបរ និងធ្វើការ ។ ការធ្វើដំណើរតាមយន្តហោះមានទ្វារបង្អួចបិទជិត គឺសំខាន់ណាស់ដែលយើងត្រូវការពារសុខភាពជាចម្បង ។

តើជ្រាបទេ ការអង្គុយកៅអីនៅជិតផ្លូវដើរលើយន្តហោះប្រឈមនឹងការឆ្លងមេរោគរហូតដល់៥ដង បើធៀបនឹងការអង្គុយកៅអីក្បែរបង្អួច ។ ដូច្នេះ អ្នកជំនាញបានណែនាំឱ្យអ្នកដំណើរគួរតែអង្គុយកៅអីក្បែរបង្អួចដើម្បីការពារខ្លួនពីការឆ្លងមេរោគ ។

តាមការស្រាវជ្រាវរបស់ស្ថាប័ន National Academy of Sciences បង្ហាញថា អ្នកដំណើរលើយន្តហោះដែលអង្គុយកៅអីក្បែរផ្លូវដើរប្រឈមនឹងការឆ្លងមេរោគលើអាកាសរហូតដល់៥ដង បើធៀបនឹងការអង្គុយលើកៅអីក្បែរបង្អួច ។ ការស្រាវជ្រាវនេះណែនាំឱ្យអ្នកដំណើរត្រូវចៀសវាងការឆ្លងមេរោគ និងគួរអង្គុយកៅអីក្បែរបង្អួច ពីព្រោះទីតាំងនេះមានសុវត្ថិភាពជាង ។

ស្ថាប័ន National Academy of Sciences បានស្ទង់មតិអ្នកដំណើរលើយន្តហោះ ចំនួន១,៥០០នាក់ ហើយលទ្ធផលបង្ហាញថា អ្នកដំណើរដែលអង្គុយលើកៅអីជិតផ្លូវដើរ គឺប្រឈមនឹងការប៉ះពាល់ជាមួយអ្នកដំណើរផ្សេងទៀតដែលដើរទៅមកលើយន្តហោះ ជាមធ្យមស្មើ៦៤នាក់ ។ រីឯអ្នកដំណើរអង្គុយលើកៅអីក្បែរបង្អួច នឹងប៉ះពាល់ជាមួយអ្នកដំណើរផ្សេងទៀតត្រឹមតែ១២នាក់ប៉ុណ្ណោះ ។

ក្រៅពីនេះ ការស្រាវជ្រាវបង្ហាញទៀតថា បើយើងអង្គុយកៅអីក្បែរអ្នកដំណើរឆ្លងមេរោគក្នុងចម្ងាយមិនលើស១ម៉ែត្រ មិនថាការអង្គុយនៅកៅអីណាទេ គឺប្រឈមនឹងការឆ្លងមេរោគយ៉ាងខ្លាំងរហូតដល់៨០ភាគរយ ៕