្មីៗនេះស្រីស្អាត ឡូរីន បានបញ្ចេញរូបថតជាច្រើនសន្លឹកនៅលើបណ្តាញសង្គមទាំងរូបថតជាមួយនឹង វណ្ណដា ក្នុងពេលដំណើរកម្សាន្តទៅកាន់កោះរ៉ុង។ ជាមួយនឹងការបញ្ចេញរាងក្នុងឈុតប៊ីគីនីបញ្ចេញរាងយ៉ាងស្រស់ស្អាតរបស់ខ្លួនបែរជាមានមតិថារូបរាងរបស់នាងកែកុនរហូតធ្វើឱ្យ ឡូរីន និយាយឡើងមក។

នៅក្នុងការបង្ហោះរបស់ ឡូរីន នៅគណនីបណ្តាញសង្គមរបស់ខ្លួននាពេលថ្មីៗនេះ ស្រីស្អាតរូបនេះបានរៀបរាប់ថា «Guys! ខ្ញុំហាត់ប្រាណរាប់ឆ្នាំហើយ ពេលធម្មតាអត់ទាន់ញុំាអីគឺឃើញរាងស្អាតឃើញ abs បន្ទាន់ពីញុំាហើយផឹកហើយគឺ វាណែនពោះឃើញមូលចឹងហើយ ពេលស្រកពោះក៏វាធម្មតា តាមហ្នឹង I’m also a human ណា! មិនមែនជ័រណា!នេះខ្ញុំ តែងតែចែករំលែករូបភាពខ្លះៗពេលខ្ញុំហាត់ប្រាណ និងវិធីដែល ខ្ញុំធ្វើទៅបានផលមែន, ដល់ពេលទៅឱ្យ credit លើការចាក់នេះ ចាក់នុះ កែ បូម អីហ្នឹង ខ្ញុំអន់ចិត្តខ្លាំងមែនទែន..»។

សង្សារ វណ្ណដា បានចែករំលែកទៀតថា នាងចែក រំលែកតែអីដែលជាសកម្មភាពនៅក្នុងជីវិតពិតរបស់នាងតែងតែធ្វើនិង លើកទឹកចិត្តឱ្យអ្នកទាំងអស់គ្នាខំថែខំហាត់អ្វីដែលយើងអាច កែប្រែដោយខ្លួនឯងបាន បើនាងកែកន្លែងណាមួយនាងអត់ចាំបាច់ និយាយរ៉ាយរ៉ាប់ពីវិធីនេះនេះទេ ហើយបើចឹងនាងបាន លុយsponsorទៀត (បើនាងកែកន្លែងណា១មេន) អន់ចិត្តទេ ដល់អ្នកត្រង់ជាមួយហើយគេអត់ជឿ..»។

ស្រីស្អាត ឡូរីន បានបញ្ជាក់ចុងក្រោយថា «មិនមែនអ្នកដែលអ្នកទាំងអស់គ្នាស្គាល់ ក្នុង បណ្តាញសង្គមសុទ្ធតែកែកុនគ្រប់គ្នាណា..»។

គួរឱ្យដឹងថា ការដែល ឡូរីន ចេញមកបញ្ជាក់និងសម្តែងការអន់ចិត្តបែបនេះ ដោយសារតែនាងបានបង្ហោះរូបភាពច្រើនសន្លឹករបស់ខ្លួនខណៈមានអ្នកលេងអ៊ីនធឺណិតថា នាងជាមនុស្សមានលុយ យកលុយទៅកែចាក់គូទឱ្យធំជាងខ្លួន៕

លោកស្រី អ៊ឹម សុគន្ធា មានការហួសចិត្តយ៉ាងខ្លាំងបន្ទាប់ពីបង្ហោះរូបអបអរសាទរចំពោះ ផន ស្រីពី ក្នុងការដណ្តើមជ័យជម្នះ Miss Cosmo Cambodia 2025 ប៉ុន្តែបែរត្រូវបានអ្នកលេងបណ្តាញសង្គមមួយចំនួនប្រតិកម្មរិះគន់យ៉ាងច្រើននិងចោទថាការបង្ហោះនេះគឺមានចរិតឌឺដង។ សន្ទុះការរិះគន់ថាខ្លួនមានចិត្តចង់ឌឺដង ផ្លែផ្កា ជាពស់ បានជំរុញឱ្យអតីតអ្នករៀបចំកម្មវិធីបវរកញ្ញារូបនេះបង្ហាញការខកចិត្តនិងយល់ពីសង្គមមួយនេះ។

ម៉ោង២ទៀបភ្លឺឈានចូលថ្ងៃទី៣១ ឧសភា លោកស្រី អ៊ឹម សុគន្ធា បានបង្ហោះរូបប៉ុន្មាន សន្លឹករបស់ ផន ស្រីពី ដោយសម្តែងការអបអររបស់ខ្លួនទៅកាន់នាងដែលទទួលបានជ័យ ជម្នះក្នុងការប្រកួត Miss Cosmo Cambodia 2025។ ទោះជាយ៉ាងណាការបង្ហោះរបស់ អតីតអ្នករៀបចំកម្មវិធីបវរកញ្ញារូបនេះបែរជាទទួលរងនូវមតិប្រតិកម្មយ៉ាងច្រើនពីសំណាកអ្នកលេងបណ្តាញសង្គម។ ទាំងខ្លឹមសារការស៊ែរនិងនៅផ្នែកបញ្ចេញមតិយោបល់លោកស្រី អ៊ឹម សុគន្ធា ទទួលបាននូវសម្តីថា ការបង្ហោះនេះអបអរ ស្រីពី គឺចំនួន១០% ប៉ុន្តែចង់ឌឺដង ៩០% មតិខ្លះទៀតបានហៅលោកស្រីថាជា Mommy snake ។

ក្រោយពីទទួលបាននូវសម្តីជាច្រើនក្នុងន័យមិនល្អអំពីខ្លួនលោក អ៊ឹម សុគន្ធា បានបង្ហាញសំឡេងឆាតរបស់លោកស្រីនិងស្រីពី ដោយបានរៀបរាប់ខ្លឹមសារថា
«ដល់តែចឹងមិនដឹងនិយាយអីទេ បងប្អូនខ្មែរឈប់បានឈប់ទៅ ខ្ញុំមិនមែនម្ចាស់កម្មវិធីទេ ហើយមិចបានគេបានមកុដរឺមិនបានមកុដមកទាក់ទងអីនឹងខ្ញុំដែរ…? សូមអត់យល់ទេ គ្រាន់តែពាក្យជូនពរក្មេងស្រីម្នាក់ ដែលព្យាយាមចង់ជួបខ្ញុំ ចង់បានពាក្យជូនពរពីខ្ញុំតែ ខ្ញុំគ្មានសូម្បីពេលវេលាជួបគាត់ គាត់ព្យាយាមឈរចាំមុខផ្ទះជិតម៉ោង មកទាំងមិនដឹងថា ខ្ញុំនៅផ្ទះរឺក៏អត់យកបាច់ផ្កាមកអោយ តែស្តាយមិនបានជួបគ្នា។ ហើយគាត់នៅតែព្យាយាមឆាតមក សុំពាក្យជូនពរពីខ្ញុំ… ហើយខ្ញុំផុសរូបមួយសន្លឹកនឹង ជូនពរគាត់ខ្ញុំខុសអីទៅ? និយាយអ្វីមានសុជីវធម៌ផង»។

អតីតND Miss Cosmo Cambodia 2024 រូបនេះបន្តទៀតថា «ជាហ្វេនមានគុណភាព កុំយល់តែចិត្តខ្លួនឯងកុំបង្ខំអ្នកផ្សេងធ្វើតាមអ្វីដែលខ្លួនឯងចង់បានអី រៀនមើលរៀនទទួល ស្គាល់ផង .. ក្មេងស្រីម្នាក់ដែលជាប់មកុដនោះក៏ជាឈាមជ័រជាខ្មែរ គាត់កាត់សាសន៍ណា ទេតំណាងឱ្យខ្មែរទេ ហើយខ្ញុំមិនមែនអ្នកដាក់ពិន្ទុទេ ហើយជាប់រឺមិនជាប់ តើមកពាក់ព័ន្ធអីនឹងខ្ញុំដែរ?សូមអត់យល់ ហើយសូមបញ្ជាក់: ខ្ញុំមិនសើចមិនយំ អ្នកណាគេទេ ជាប់រឺក៏ធ្លាក់គឺជាសមត្ថភាពរបស់ពួកគាត់ រឿងរបស់ពួកគាត់ មិនមែនជាប់រឺធ្លាក់ដោយសារតែផុសខ្ញុំទេ… ខ្ញុំយល់អារម្មណ៍បងប្អូន ដំបូងថាមិនចង់ផុសទេពីព្រោះតែផុសគឺបែបនេះ តែក៏អាណិតស្រីពី គ្នាសុំគ្រាន់តែពាក្យជូនពរហេតុអីខ្ញុំធ្វើមិនបាន…? បើស្រីពី គ្នាពិតជាព្យាយាមឆាតចង់បានពាក្យជូនពរពីខ្ញុំណាស់…ខ្ញុំយល់អារម្មណ៍អ្នកណាក៏ស្តាយដែរ មនុស្សយើងស្រលាញ់មិនបានសំរេចក្ដីស្រមៃពិតជាមានអារម្មណ៍ស្តាយ តែត្រូវចាំណាបើស្រលាញ់គាត់ពិត មិនបាច់ខមិននិយាយពីគេទេ ត្រូវនិយាយថាគាត់បានជាប់ក្នុងបេះដូងបងប្អូនហើយ ប៉ុណ្ណឹងគឺចប់ ហើយបើចង់និយាយអីទៀតសូមឆាតទៅកម្មវិធីទៅ សួរគាត់ទៅហេតុអីបានចឹង? »

លោកស្រី អ៊ឹម សុគន្ធា បានបន្ថែមសម្តីចុងក្រោយថា «កុំមកខាតពេលខមិនជាមួយខ្ញុំ វាអត់ប្រយោជន៍ទេ ខ្ញុំខ្លាចហើយវិស័យនេះ ខ្ញុំហត់ហើយ..មានលុយធ្វើកម្មវិធីអស់ជិត1M ចំណាយពេលវេលា2ឆ្នាំ ហើយបានមកវិញពីហ្វេនតែពាក្យមកគឺ….ហ៊ីហ៊ឺ អរគុណហ្វេនៗណាស់ដែលឱ្យខ្ញុំយល់ពីសង្គមមួយនេះ»។

គួរបញ្ជាក់ផងដែរថា ការដែលអ្នកលេង បណ្តាញសង្គមបញ្ចេញមតិប្រតិកម្មដាក់លោកស្រី អ៊ឹម សុគន្ធា បែបនេះទំនងកើតឡើងដោយសារតែកន្លងមកនេះលោកស្រីធ្លាប់បាន បង្ហាញការមិនពេញចិត្តបន្ទាប់ពី ប៊ី សុធារី លេចមុខនៅក្នុងការប្រកួត Miss Cosmo Cambodia 2025 ដោយមិនសុំការអនុញ្ញាតហើយកុងត្រាក៏នៅមិនទាន់ផុត៕

កញ្ញា អ៊ិន លក្ខិណា Miss Cosmo Cambodia 2024 បានសម្តែងការអបអរសាទរទៅកាន់ ផន ស្រីពី ជា Miss Cosmo Cambodia 2025 ដែលនឹងមានតួនាទីធំមួយនាពេលខាងមុខ។ លក្ខិណា ថាមកុដនេះជាទំនួលខុសត្រូវតំណាងឱ្យប្រទេសកម្ពុជានិងប្រជាជនទាំងមូល។ ងាកទៅកាន់ ស្រពី វិញបានបង្ហាញឆន្ទៈរបស់ខ្លួនថានឹងប្រើប្រាស់កេរ្តិ៍ឈ្មោះមួយនេះប្រកបដោយភាពថ្លៃថ្នូរត្រៀមខ្លួនរួចជាស្រេចប្រកួតនៅលើឆាកអន្តរជាតិ។

អ៊ិន លក្ខិណា គ្រាប់ពេជ្ររបស់គ្រួសារ Cosmo បានបង្ហោះនៅលើបណ្តាញសង្គមនាថ្ងៃទី១ មិថុនា ទៅកាន់ ផន ស្រីពី Miss Cosmo Cambodia 2025 ថា«សូមអបអរសាទរ មិនត្រឹមតែចំពោះមកុដដែលអ្នកនិងគ្រង់នារាត្រីនេះនោះទេ ប៉ុន្តែចំពោះភាពក្លាហាន ការតស៊ូនិងជំហានដែលអ្នកបានឈានជ្ពោះទៅរកក្ដីស្រមៃរបស់អ្នកហើយវាពិតជាបាននាំអ្នកមកដល់ទីនេះមែន។ មកុដមួយនេះមិនមែនត្រឹមតែជាផ្នែកមួយនៃការលម្អសម្រស់តែ ខាងក្រៅរបស់អ្នកបណ្ណោះទេ ប៉ុន្តែវាជាការទទួលខុសត្រូវ ជា តួនាទី និង ឆន្ទៈ ដែលអ្នកត្រូវនាំវាទៅកាន់ឆាកអន្តជាតិ ហើយ មកុដ និង តំណែង មួយនេះ មិនត្រឹមតែជាតួនាទីរបស់អ្នកនោះទេប៉ុន្តែវាជាទំនួលខុសត្រូវដ៏ធំមួយសម្រាប់អ្នកក្នុងនាមជាអ្នកតំណាងអោយប្រទេសកម្ពុជា និងប្រជាជនកម្ពុជាទាំងមូលផងដែរ»។

Miss Cosmo Cambodia 2024 បានបន្តទៀតថា នាងសូមប្រគល់តួនាទីមួយនេះ ជាមួយក្តីសង្ឃឹម និងមោទនភាព ដោយជឿជាក់ថាអ្នកនឹងនាំយកប្រវត្តិសាស្រ្ដថ្មីមួយសម្រាប់ ប្រទេសកម្ពុជា តាមរយៈស្មាតីនៃការតស៊ូរបស់អ្នក។ This is your moment សូមធ្វើឱ្យវាមានន័យបំផុត។ជាមួយនឹងក្តីស្រឡាញ់ និងការគោរពយ៉ាងជ្រាលជ្រៅបំផុតពីនាងជា Miss Cosmo Cambodia 2024»។

នាល្ងាចថ្ងៃទី១ មិថុនា ផន ស្រីពី ក៏បានបង្ហោះសំណេរជាច្រើនក្នុងន័យអរគុណទៅកាន់មនុស្សជាច្រើននាក់ដែលបានជួយជ្រោមជ្រែងនាងក្នុងដំណើរការប្រកួតនេះរហូតទទួលបានភាពជោគជ័យ ហើយនាងមានអារម្មណ៍ដូចជាសុបិនដែលនាងមិនចង់ភ្ញាក់ពីគេង។ ស្រីពី ថារាល់គ្រប់ឧបសគ្គ និងការតស៊ូពិតជាមានតម្លៃ ។

Miss Cosmo Cambodia 2025 បានសន្យាយ៉ាងមុតមាំថានាងនឹងប្រើប្រាស់កេរ្តិ៍ឈ្មោះនៃតំណែងមួយនេះប្រកបដោយកិត្តិយសថ្លៃថ្នូរ។ ស្រីពី ថានាងបានត្រៀមខ្លួនរួចជាស្រេចដើម្បីធ្វើការ ត្រៀមខ្លួនរួចរាល់ដើម្បីរៀន និងត្រៀមខ្លួនរួចជាស្រេចដើម្បីទៅតំណាងឱ្យសម្រស់ កម្លាំង និងស្មារតីរបស់ប្រទេសកម្ពុជាលើឆាកអន្តរជាតិ។ ផន ស្រីពី បានសង្កត់ធ្ងន់ថា «នេះមិនមែនគ្រាន់តែជាការធ្វើដំណើររបស់ខ្ញុំទៀតទេ តែវាជាពេលវេលារបស់យើងក្នុងការបញ្ចេញពន្លឺរបស់កម្ពុជាទៅកាន់ឆាកអន្តរជាតិ»៕