រាជធានីភ្នំពេញ៖ ដើម្បីឆ្លើយតបទៅនឹងការព្យាបាលជំងឺមហារីកកាន់តែមានប្រសិទ្ធិភាពខ្ពស់ មន្ទីរពេទ្យហ្លួងម៉ែ បានបំពាក់ម៉ាស៊ីន RFA ablation (Radiofrequency Ablation) ដ៏ទំនើប ដែលជាបច្ចេកវិទ្យាចុងក្រោយ សម្រាប់ដុតដុំមហារីក ដើម្បីបំផ្លាញកោសិកាមហារីក ដូចជា ដុំមហារីកថ្លើម, សួត, ក្រពេញទីរ៉ូអ៊ីត, កូនកណ្តុរ ។ល។
ម៉ាស៊ីនដ៏ទំនើបនេះនឹងផ្ដល់នូវអត្ថប្រយោជន៍សម្រាប់ការព្យាបាលដូចជា៖
ទី១.មានប្រសិទ្ធភាពខ្ពស់ក្នុងការដុតបំផ្លាញដុំមហារីកតូចៗ។
ទី២.ឈឺចាប់តិចតួច ដោយវិធីចាក់ម្ជុលតូចតាមស្បែក (mini-invasive) និងសម្រាកពេទ្យរយៈពេលខ្លី។ ទី៣.ជម្រើសសម្រាប់អ្នកជំងឺដែលមិនអាចធ្វើការវះកាត់បាន(មនុស្សចាស់ ឬមានជំងឺរួមផ្សំច្រើនមុខ)។
គួរជម្រាបថា មន្ទីរពេទ្យហ្លួងម៉ែ ជាមន្ទីរពេទ្យឯកទេសជំងឺមហារីក ដែលត្រូវបានបង្កើតឡើងតាមការចង្អុលបង្ហាញ និងយកចិត្តទុកដាក់ដ៏ខ្ពង់ខ្ពស់ពីសំណាក់ សម្ដេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា និងបន្តការគាំទ្រអនុវត្តដោយសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក៏ដូចជាពីសំណាក់ រដ្ឋមន្ត្រីក្រសួងសុខាភិបាល។
យ៉ាងណាមិញ សូមមកធ្វើការប្រឹក្សាយោបល់ ជាមួយក្រុមគ្រូពេទ្យឯកទេសនៃមន្ទីរពេទ្យ ហ្លួង ម៉ែ អំពីជំងឺជាមុនសិន ដើម្បីទទួលសេវាព្យាបាលល្អប្រសើរ៕
https://www.facebook.com/share/v/16Wv9Yavyi/
