ខ្សែភាពយន្តរបស់ Xiao Zhan ទទួលបានពិន្ទុល្អប៉ុន្តែទស្សនិកជននៅតែមិនពេញចិត្ត

ភាពយន្ត «Legend of Zanghai» សម្តែងដោយ Xiao Zhan, Zhang Jingyi បានបើកពិន្ទុ Douban របស់ខ្លួននៅថ្ងៃទី ៥ ខែមិថុនា។ ភាពយន្តនេះទទួលបាន ៧.១ ពិន្ទុ ជាមួយនឹងជាង ៣០០,០០០ពីទស្សនិកជន។ នេះជាពិន្ទុល្អគួរសមសម្រាប់រឿង ភាគប្រវត្តិសាស្ត្រដែលចាក់ផ្សាយក្នុងឆ្នាំ ២០២៥ ប៉ុន្តែទស្សនិកជននៅតែមិនពេញចិត្ត នឹងលទ្ធផលពិន្ទុនេះ។

អ្នកគាំទ្ររបស់ Xiao Zhan បានបន្តនៅលើបណ្តាញសង្គម និងវេទិកាភាពយន្ត ដើម្បីបញ្ចេញមតិជាច្រើនដោយនិយាយថា ពិន្ទុ ៧.១ មិនឆ្លុះបញ្ចាំងពីគុណភាព នៃខ្សែភាពយន្តនោះទេ ខ្សែភាពយន្តគួរតែទទួលបាន ៨ ពិន្ទុ ឬខ្ពស់ជាងនេះ។

ដើម្បីបញ្ជាក់រឿងនេះ អ្នកគាំទ្រជាច្រើនរបស់ Xiao Zhan បាននិយាយថា ភាពយន្ត នេះនៅលើ IMDb(Internet Movie Database) ទទួលបាន ៩.១ ពិន្ទុ ប៉ុន្តែ Douban ទទួលបានត្រឹមតែ ៧.១ ពិន្ទុប៉ុណ្ណោះ។

ទោះជាយ៉ាងណាក៏ដោយមហាជនជាច្រើនអះអាងថាពិន្ទុលើ Douban គឺផ្អែកលើការវាយតម្លៃរបស់ ទស្សនិកជនភាគច្រើន។ លើសពីនេះ ថ្វីដ្បិតតែភាពយន្តរបស់ Xiao Zhan ត្រូវបានគេវាយតម្លៃថាមានគុណភាពខ្ពស់ក៏ដោយ ក៏វាមិនស័ក្តិសមទាំងស្រុង សម្រាប់ទស្សនិកជនភាគច្រើនដែលចូលចិត្តភាពយន្តបែបបញ្ញវន្ត និងអន្ទាក់ដូចជា «Legend of Zanghai» នោះទេ។

គួរបញ្ជាក់ផងដែរថា ក្នុងខ្សែភាពយន្តនេះ Xiao Zhan ដើរតួជា Zang Hai ជាកូនប្រុសរបស់អធិរាជតារាវិទូ។ ទោះជាយ៉ាងណាកាល ពីនៅក្មេង Zang Hai បានឃើញអំពើឃាតកម្មលើគ្រួសារគាត់ទាំងមូលហើយប្តេជ្ញាសងសឹកវិញហើយ ចាប់ផ្តើមហ្វឹកហាត់ ខ្លួនឯងដោយការរៀនផ្នែកស្ថាបត្យកម្មនិងសិល្បៈនៃសង្គ្រាម៕