ថ្មីៗនេះឈ្មោះតារាសម្តែង Angelababy ស្រាប់តែលេចមុខជាថ្មីនៅលើបណ្តាញសង្គម Weibo និងបណ្តាញសង្គមផ្សេងទៀតរបស់ចិន។ ជាក់ស្តែងកាលពីល្ងាចថ្ងៃទី៦ ខែកក្កដា អ្នកសារព័ត៌មានកម្សាន្តជាច្រើន និងគណនី Blogger ល្បីឈ្មោះបានបង្ហោះព័ត៌មានក្នុងពេលដំណាលគ្នាអំពីតារាស្រីដែលចូលរួមក្នុងកម្មវិធី Fashion Week អន្តរជាតិដ៏ធំមួយដែលធ្វើឡើងនៅទ្វីបអឺរ៉ុប។

ព្រឹត្តិការណ៍នេះនឹងមានរយៈពេលបីថ្ងៃ ដោយប្រមូលផ្តុំតារាជួរមុខប្រចាំឧស្សាហកម្មចិន ដូចជា Wang Yibo, Tan Zhilei, Chen Feiyu, Dilraba Dilmurat និង Ren Jialun ។ កាន់តែពិសេសជាងនេះទៅទៀតនោះ ព្រឹត្តិការណ៍នេះក៏មានការចូលរួមពីតារាអន្តរជាតិល្បីៗដូចជា Liu Shishi, Park Bo Gum, Suzy និង V ជាដើម សម្រាប់ការប្រមូលម៉ូត Spring 2026។ ការបង្ហាញខ្លួនរបស់ Angelababy ក្នុងបញ្ជីភ្ញៀវនៃព្រឹត្តិការណ៍ទ្រង់ទ្រាយធំមួយ ដែលមានការចូលរួមពីតារាល្បីទាំងក្នុងស្រុក និងក្រៅស្រុក បានធ្វើឱ្យមានការសង្ស័យនៅក្នុងសហគមន៍អនឡាញអំពីលទ្ធភាពដែលនាងត្រូវបានហាមឃាត់។

បច្ចុប្បន្ន Angelababy គឺជាចំណុចកណ្តាលនៃការចាប់អារម្មណ៍ ខណៈដែលពាក្យចចាមអារ៉ាមអំពី «ការបង្ហាញខ្លួនឡើងវិញ »របស់នាងនៅក្នុងកម្មវិធី ឧស្សហកម្មរបស់ប្រទេសចិនបានរីករាលដាលយ៉ាងឆាប់រហ័ស។ អ្នកគាំទ្រ និងអ្នកជំនាញជាច្រើនជឿថា នេះអាចជាចលនាសាកល្បងដោយទីភ្នាក់ងារគ្រប់គ្រង និងដៃគូប្រព័ន្ធផ្សព្វផ្សាយ ដើម្បីវាយតម្លៃប្រតិកម្មជាសាធារណៈ មុនពេល Angelababy ត្រឡប់មកវិញជាផ្លូវការ។ ប្រសិនបើព័ត៌មាននេះជាការពិត ហើយនាងពិតជាចូលរួមព្រឹត្តិការណ៍នេះ នឹងក្លាយជាចំណុចរបត់ដ៏សំខាន់មួយ ដែលបើកទ្វារក្តីសង្ឃឹមសម្រាប់អាជីពដែលជាប់គាំងរបស់តារាស្រីរូបនេះ។

Angelababy ដែលធ្លាប់ ជានិមិត្តរូបនៃភាពស្រស់ស្អាត និងអំណាចនៅក្នុងឧស្សាហកម្មកម្សាន្តរបស់ចិន។ សមត្ថភាពរបស់នាងបានធ្វើការក្នុងវិស័យជាច្រើន តាំងពីការសម្ដែង ការដើរម៉ូត រហូតដល់ការចូលរួមក្នុងកម្មវិធីពិតដ៏ពេញនិយមដូចជារឿង “Running Man” របស់ចិន បានជួយនាងឱ្យកសាងអាណាចក្រផ្ទាល់ខ្លួនរបស់នាង។ អាជីពរបស់ Angelababy បានរីកចម្រើនក្លាយជាឈ្មោះដ៏មានឥទ្ធិពលបំផុតមួយនៅក្នុងអាជីពសិល្បៈចិន

ទោះជាយ៉ាងណាក៏ដោយ Angelababy ត្រូវបានរង្គោះរង្គើយ៉ាងខ្លាំងបន្ទាប់ពីរឿងអាស្រូវទាក់ទងនឹងកម្មវិធី «Crazy Horse» នៅប្រទេសបារាំងកាលពីចុងឆ្នាំ ២០២៣។ ព្រឹត្តិការណ៍នេះបានធ្វើឱ្យមានការខឹងសម្បារយ៉ាងខ្លាំងក្នុងចំណោមសាធារណជនចិន ទោះបីជាភាគីរបស់ Angelababy បាននិយាយដើម្បីពន្យល់ និងសូមទោសក៏ដោយ ប៉ុន្តែរូបភាព និងកេរ្តិ៍ឈ្មោះរបស់នាងត្រូវបានខូចខាតយ៉ាងធ្ងន់ធ្ងរ។ ទន្ទឹមនឹងរឿងអាស្រូវនោះ កិច្ចសន្យាផ្សាយពាណិជ្ជកម្មជាច្រើនត្រូវបានបញ្ចប់ គម្រោងភាពយន្តត្រូវបានជាប់គាំង ហើយនាងស្ទើរតែបាត់ខ្លួនពីព្រឹត្តិការណ៍កម្សាន្តសំខាន់ៗនៅក្នុងប្រទេសចិន។

ប្រសិនបើពាក្យចចាមអារ៉ាមអំពីការចូលរួមក្នុងកម្មវិធី Fashion Week ជាការពិត នេះនឹងក្លាយជាឱកាសមាសសម្រាប់ Angelababy ដើម្បីត្រឡប់មកចាប់អារម្មណ៍វិញ។ ទោះជាយ៉ាងណាក៏ដោយ ផ្លូវខាងមុខគឺពិតជាពោរពេញទៅដោយបញ្ហាប្រឈម៕

ទោះបីជាធ្វើការងារខុសផ្នែកគ្នាក៏ដោយប៉ុន្តែ V សមាជិក BTS មានទំនាក់ទំនងជិតស្និទ្ធ ជាមួយតារាសម្តែង Park Bo Gum ដោយសារសកម្មភាពរួមគ្នារបស់ពួកគេនៅក្នុង ឧស្សាហកម្មម៉ូត។

ជាក់ស្តែងប៉ុន្មានថ្ងៃថ្មីៗនេះ V និង Park Bo Gum បានទាក់ទាញការចាប់អារម្មណ៍ពីប្រព័ន្ធ ផ្សព្វផ្សាយអន្តរជាតិនៅ ពេលចូលរួមក្នុងកម្មវិធីបង្ហាញម៉ូត Celine នៅទីក្រុងប៉ារីស ប្រទេសបារាំង។ តារាប្រុសមួយគូនេះមិនត្រឹមតែបានទៅចូលរួមកម្មវិធីជាមួយគ្នា ប៉ុណ្ណោះទេ ប៉ុន្តែថែមទាំងបានជួបគ្នានៅក្លឹបរាត្រីផងដែរ បន្ទាប់ពីកាលវិភាគរបស់ពួកគេបានបញ្ចប់។

ពេលដើរទៅឡាន V បានកាន់ដៃ Park Bo Gum ។ វីដេអូនេះកំពុងតែធ្វើឱ្យកក្រើកពេញបណ្ដាញសង្គម។កាយវិការដ៏តូច ប៉ុន្តែប្រកបដោយការគិតគូរនេះនិងការបង្ហាញយ៉ាងច្បាស់នៃមិត្តភាពរបស់ពួកគេបានបង្កឱ្យមានប្រតិកម្មដ៏កក់ក្តៅពីអ្នកគាំទ្រ។

ចាប់តាំងពីក្លាយជាទូតសុឆ្ឆន្ទៈសម្រាប់ Celine មក Park Bo Gum និងសមាជិក BTS រូបនេះមានឱកាសជាច្រើនដើម្បីជួប និងចូលរួមក្នុងកាលវិភាគរួមគ្នា។
Park Bo Gum និង V បានស្គាល់គ្នាតាំងពីតារាសម្តែងរូបនេះជាពិធីករក្នុងកម្មវិធីតន្ត្រីប្រចាំសប្តាហ៍ Music Bank ហើយ V គឺជាតារាចម្រៀង។

ក្នុងឆ្នាំ ២០១៦ ពេលបង្ហាញមុខក្នុងកម្មវិធី Celebrity Bromance V បានបង្ហើបថា Bo Gum គឺជាមនុស្សដែលលោកទាក់ទងគ្រប់ពេល។ V បាននិយាយថា៖ «Bo Gum តែងតែធ្វើជាពិធីករនៅ Music Bank ពេលនោះយើងបានផ្លាស់ប្តូរព័ត៌មានទំនាក់ទំនង ហើយឃើញថាយើងមានទំនាក់ទំនងគ្នាច្រើន។ យើងមានចំណាប់អារម្មណ៍ស្រដៀងគ្នា»។
នៅពេលដែល BTS រៀបចំការប្រគំតន្ត្រី Park Bo Gum បានមកគាំទ្រពួកគេជាច្រើនដង។ នៅខាងក្រោយឆាក តារាប្រុសរូបនេះបានបង្កឱ្យមានការចាប់អារម្មណ៍ នៅពេលដែលលោកបង្ហាញពីក្តីស្រលាញ់របស់ខ្លួនចំពោះ Jungkook ៕

នៅថ្ងៃទី ៥ និងទី ៦ ខែកក្កដា អ្នកគាំទ្របានប្រមូលផ្តុំគ្នានៅកីឡដ្ឋាន Goyang បន្ទាប់ពីរង់ចាំច្រើនឆ្នាំដែល BLACKPINK ត្រឡប់មកវិញជាក្រុម «ពេញលេញ»។ ទោះជាយ៉ាងណាទន្ទឹមនឹងអារម្មណ៍រំភើបរបស់ Blinks អ្នកគាំទ្រនិងប្រជាពលរដ្ឋកូរ៉េមួយចំនួនបានបង្ហាញការខកចិត្តចំពោះការប្រគំតន្រ្តីដ៏ធំរបស់ក្រុមចម្រៀងស្រីនេះ។

ការប្រគំតន្ត្រីទេសចរណ៍ពិភពលោកឆ្នាំ ២០២៥ ‘DEADLINE’ របស់ BLACKPINK គឺជាលើកទីមួយហើយដែលក្រុមចម្រៀងនារី K-pop ធ្វើការប្រគំតន្ត្រីទោលនៅកីឡដ្ឋាន Goyang ។ ក្នុងរយៈពេលពីរថ្ងៃ អ្នកទស្សនាប្រហែល ៧៨,០០០នាក់បានប្រមូលផ្តុំគ្នា ដោយចាប់ផ្តើមដំណើរទេសចរណ៍ពហុកីឡដ្ឋានដ៏ធំមួយនេះ។

ទោះជាយ៉ាងណាក៏ដោយ ភាពរំជើបរំជួលត្រូវបានបង្អាក់សម្រាប់អ្នកចូលរួមមួយចំនួន ជាពិសេសអ្នកដែលអង្គុយនៅផ្នែក N3។ អេក្រង់ធំមួយនៅចំកណ្តាលបានរារាំងទិដ្ឋភាពនៃឆាករបស់ពួកគេទាំងស្រុង។ ទោះជាយ៉ាងណាក៏ដោយ កៅអីទាំងនេះ ដែលត្រូវបានលក់ជាសំបុត្រចូលទស្សនាទូទៅ (ផ្នែក B) ក្នុងតម្លៃ ១៣២,០០០ វ៉ុន ប្រហែល ៩៨ ដុល្លារ។
អ្នកគាំទ្រម្នាក់បានសរសេរនៅលើប្រព័ន្ធផ្សព្វផ្សាយសង្គម X ថា «ខ្ញុំមិនអាចមើលឃើញអ្វីទេ»។ ម្នាក់ទៀតបានបន្ថែមថា «វាគួរឱ្យអស់សំណើចណាស់ដែលកៅអីទាំងនេះមិនត្រូវបានគេសម្គាល់ថាជាទិដ្ឋភាពមានកំណត់។ ខ្ញុំបានបង់ថ្លៃពេញ ហើយមិនអាចមើលឃើញកាំជ្រួច ដ្រូន ឬឆាកណាមួយទេ។ គ្រាន់តែនៅលើអេក្រង់ ស្ទើរតែគ្មានអ្វីទាំងអស់»។ «អ្នកចូលរួមនៅក្បែរនោះបានអត្ថាធិប្បាយថា៖ «អ្នករៀបចំមិនអាចគិតថ្លៃសំបុត្រច្រើនជាងកន្លែងអង្គុយមើលមានកំណត់ទេ ប៉ុន្តែអនុញ្ញាតឱ្យយើងមានទិដ្ឋភាពដែលបិទទាំងស្រុង»។

រូបថតពីកន្លែងដែលត្រូវបានគេចែករំលែកយ៉ាងទូលំទូលាយតាមអ៊ីនធឺណិតបានបង្ហាញកៅអី N3 ដែលមានអេក្រង់យក្សដាក់នៅពីមុខពួកគេ។ ស្ថានភាពនេះបានបង្កឱ្យ មានប្រតិកម្ម តបតាមអ៊ីនធឺណិតដោយអ្នកគាំទ្រជំរុញឱ្យអ្នកដទៃដាក់ពាក្យបណ្តឹង ជាមួយភ្នាក់ងារការពារអ្នកប្រើប្រាស់ និងពិចារណាចាត់វិធានការផ្លូវច្បាប់។
យោងតាមគណៈកម្មាការពាណិជ្ជកម្មយុត្តិធម៌កូរ៉េ ប្រសិនបើការមើលឃើញមិនល្អគឺដោយសារតែកំហុសរបស់អ្នករៀបចំព្រឹត្តិការណ៍នោះ អ្នកប្រើប្រាស់មានសិទ្ធិទទួលបានសំណងពេញលេញ និងសំណង ១០% បន្ថែម។
ទីភ្នាក់ងារការពារអ្នកប្រើប្រាស់កូរ៉េធ្លាប់បានសំរេចថា អ្នករៀបចំត្រូវតែសងប្រាក់វិញដល់អ្នកកាន់សំបុត្រ នៅពេលដែលកៅអី VIP ត្រូវបានបន្ទាបចំណាត់ថ្នាក់ ដោយសារការមើលមិនឃើញ។

ជាមួយគ្នានេះ ភូមិសាស្រ្តនៃទីក្រុង Goyang នៅតំបន់ជុំវិញកន្លែងចតរថយន្តបានជួប ប្រទះនឹងការខ្វះខាតកន្លែងចតរថយន្តយ៉ាងធ្ងន់ធ្ងរនិងបញ្ហាគ្រប់គ្រងអ្នកថ្មើរជើងភ្លាមៗមុនពេលការប្រគំតន្ត្រី។ លើសពីនេះទៀត ដោយមិនមានការជូនដំណឹងជាមុនផ្លូវត្រូវបានបិទ ជាឯកតោភាគីសម្រាប់ការថតការប្រគំតន្ត្រីដោយដ្រូនដែលអនុញ្ញាតឱ្យធ្វើចរាចរណ៍បានតែមួយផ្លូវប៉ុណ្ណោះ ដែលនាំឱ្យមានការតវ៉ាពីប្រជាពលរដ្ឋមួយចំនួន។

ថ្វីដ្បិតតែរថយន្តក្រុងដឹកអ្នកដំណើរត្រូវបានដំណើរការក៏ដោយ វាមានបរិមាណច្រើនលើ សលប់ បើធៀបនឹងតម្រូវការ។ ជាពិសេស កង្វះការជូនដំណឹងជាមុនអំពីកៅអីមើលដែលបានដាក់កម្រិត នាំឱ្យមានការត្អូញត្អែរពីអ្នកចូលរួមមួយចំនួន។នេះបានបង្ហាញពីតម្រូវការសម្រាប់ហេដ្ឋារចនាសម្ព័ន្ធ និងប្រព័ន្ធប្រតិបត្តិការដែលសមស្របនឹងការប្រគំតន្ត្រីទ្រង់ទ្រាយធំ៕

ក្រុមចម្រៀងដ៏ល្បីរបស់ផលិតកម្ម YG គឺ 2NE1 បានបញ្ចប់ការប្រគំតន្រ្តីលើកដំបូង នៅប្រទេសកម្ពុជាហើយក្រោមការចូលរួមរបស់អ្នកគាំទ្រយ៉ាងច្រើនកុះករ។ យ៉ាងណាក្រៅពីតារាចម្រៀង CL , និង Minzy សមាជិក២រូបទៀតរួមមាន Sandara Park និង Park Boom គឺសុទ្ធតែមកប្រទេសកម្ពុជាជាលើកដំបូង។ ក្រុមចម្រៀងនេះសុទ្ធតែបង្ហាញថាស្រលាញ់ប្រទេសកម្ពុជាហើយក្នុងនោះ Blackjack បានកត់សម្គាល់ឃើញថា Sandara Park ហាក់ជាប់ចិត្តស្រលាញ់ប្រទេសកម្ពុជា យ៉ាងខ្លាំងបើទោះបីជាទើបមកលើកដំបូងក្តី។

មុននឹងធ្វើដំណើរមកប្រទេសកម្ពុជា Sandara Park ហៅ Dara គឺបានបង្ហាញនៅលើបណ្តាញសង្គមរបស់ខ្លួនដែលមានអ្នកតាមដានរាប់លាននាក់បញ្ជាក់ពីប្រទេសកម្ពុជា និងបានបន្តចែករំលែកទិដ្ឋភាពដ៏ស្រស់ស្អាតក្នុងរាជធានីភ្នំពេញផងដែរ។ នៅព្រឹកថ្ងៃទី៥ កក្កដា Dara បានាចែករំលែកនៅលើ Story ពីអាហារពេលព្រឹកជាគុយទាវ។ Dara និង Minzy បានថតវីដេអូរាំជាមួយគ្នាបង្ហោះនៅលើបណ្តាញសង្គម ខណៈពេលធ្វើដំណើរត្រឡប់ទៅប្រទេសកូរ៉េវិញ Dara ក៏បាន Live អរគុណអ្នកគាំទ្រកម្ពុជាសម្រាប់ការស្រលាញ់គាំទ្រជាមួយនឹងថាមពលដ៏លើសលុប ហើយតារាចម្រៀងរូបនេះក៏បាននិយាយជាភាសាខ្មែរដែរថា« ខ្ញុំស្រលាញ់ប្រទេសកម្ពុជា«។

មិនទាន់អស់នោះទេក្រៅពីបង្ហាញសកម្មភាពជាច្រើន Sandara Park ក៏បានបង្ហោះរូបជាច្រើនសន្លឹកនៅលើបណ្តាញសង្គម Instagram ដែលតារាចម្រៀងវ័យ៤០ឆ្នាំរូបនេះបានទៅទស្សនាតំបន់រមណីដ្ឋានវត្តភ្នំ ទៀតផង។

Sandara Park បានរៀបរាប់ពីអារម្មណ៍របស់ខ្លួនថា «ការស្នាក់នៅក្នុងប្រទេសកម្ពុជាមានរយៈពេលខ្លី ប៉ុន្តែខ្ញុំទទួលបានក្តីស្រឡាញ់ដ៏ជ្រាលជ្រៅ និងមានអនុស្សាវរីយ៍ល្អៗជាច្រើន។ ទីកន្លែងស្អាតណាស់ ប្រជាជនចិត្តល្អ ហើយ Blackjacks របស់យើងអស្ចារ្យណាស់!!! ស្វាហាប់ខ្លាំងណាស់ !!! ពួកយើងស្រឡាញ់អ្នកហើយអរគុណអ្នកខ្លាំងណាស់សម្រាប់ក្ដីស្រលាញ់!!! ពួកយើងពិតជាចង់ត្រលប់មកចូលរួមកម្មវិធីផ្សេងទៀត ហើយសង្ឃឹមថានឹងមកវិស្សមកាលផងដែរ!»។ Dara ក៏បានសរសេរជាភាសាខ្មែរជាមួយនឹងពាក្យថា «អរគុណច្រើនខ្ញុំស្រលាញ់អ្នក»។

នេះអាចបញ្ជាក់បានថា Sandara Park គឺជាប់ចិត្តជាប់ស្នេហ៍របស់ប្រទេសកម្ពុជាយ៉ាងខ្លាំងទោះបីជាទើបមកលើកដំបូងក្តី។ អ្វីដែលជាចំណុចសំខាន់ការផ្សព្វផ្សាយពីប្រទេសកម្ពុជារបស់តារាចម្រៀងរូបនេះគឺពិតជាអាចរួមចំណែកផ្សព្វផ្សាយពីតំបន់ទេសចរណ៍ក្នុងប្រទេសកម្ពុជាផងដែរ៕