ថ្មីៗនេះរឿងភាគកូរ៉េ «Bon Appétit, Your Majesty» ទទួលបានប្រជាប្រិយភាពយ៉ាងខ្លាំងជាមួយនឹងការសម្ដែងដ៏ពិសេសរបស់សមាជិកតួសំខាន់។ YoonA បានទាក់ទាញអ្នកទស្សនា និងអ្នកគាំទ្រជាថ្មីម្តងទៀតជាមួយនឹងការសម្តែងដ៏កំប្លែង និងភាពបត់បែនរបស់នាងក្នុងនាមជាមេចុងភៅវាំង។ Lee Chae Min បានបន្ថែមភាពស្រស់ស្រាយជាមួយនឹងការសម្ដែងជាស្តេចផ្តាច់ការ។

ក្រៅពីការសម្តែងដ៏ជក់ចិត្តរបស់តួអង្គឯកទាំងពីរនិងការធ្វើម្ហូប ការសម្ដែងរបស់ Kang Han Na បានធ្វើឱ្យសាច់រឿងកាន់តែមានភាពទាក់ទាញថែមទៀត។ តារាស្រីរូបនេះបាននិងកំពុងទាក់ទាញចំណាប់អារម្មណ៍ទស្សនិកជនជាមួយនឹងវត្តមានដ៏មានឥទ្ធិពលរបស់នាង និងការបង្ហាញយ៉ាងលម្អិតដែលបន្ថែមភាពស៊ីជម្រៅដល់រឿង។

ក្នុងរឿងនេះ Kang Han Na ដើរតួជា Kang Mok Ju គ្រប់គ្រងសាច់រឿងដោយការសម្តែងដ៏ល្អិតល្អន់ និងមានវត្តមានខ្លាំង។ Kang Mok Ju ដែលជាឥស្សរជនដ៏មានឥទ្ធិពលនៅក្នុងវាំង គឺជាតួអង្គស្រទាប់មួយ ដែលលាក់បាំងនូវបំណងប្រាថ្នា និងយុទ្ធសាស្ត្ររបស់នាង នៅពីក្រោយផ្នែកខាងក្រៅដ៏ស្ងប់ស្ងាត់ និងឆើតឆាយ។ នាងបានរៀបចំឧបាយកល និងការញុះញង់ដើម្បីរក្សាតំណែងរបស់ខ្លួននៅក្បែរស្តេច ដែលបង្កើនឱ្យមានភាពតានតឹងនៃសាច់រឿង។
ក្នុងរឿងនេះ Kang Han Na បានបង្ហាញពីបុគ្គលិកលក្ខណៈដែលឈ្លក់វង្វេងរបស់តួអង្គយ៉ាងប៉ិនប្រសប់តាមរយៈការសម្លឹងមើលស្រាលៗ និងការបញ្ចេញទឹកមុខញាក់សាច់។ សូម្បីតែមួយភ្លែតក៏បានបង្ហាញពីការប្រជែងគ្នាដែលមិនស្រួលក្នុងខណៈពេលដែលការនិយាយស្តីនិងអាកប្បកិរិយាដ៏ត្រជាក់របស់នាងបានបង្ហាញពីការថប់បារម្ភរបស់តួអង្គនោះយ៉ាងជឿជាក់។ លើសពីការនិយាយស្តី និងការសម្លឹងមើលដ៏ខ្លាំងក្លារបស់នាងបានបង្កើនភាពតានតឹង និងទាក់ទាញអ្នកទស្សនាឱ្យកាន់តែស៊ីជម្រៅទៅក្នុងសាច់រឿង។

តារាសម្តែងវ័យ៣៦ឆ្នាំរូបនេះបានបញ្ចេញមន្តស្នេហ៍ជាមួយគ្រប់រូបរាង ដោយបង្ហាញពីបំណងប្រាថ្នា និងមហិច្ឆតារបស់តួអង្គ Kang Mok Ju យ៉ាងស៊ីជម្រៅ នាំឱ្យរឿងភាគមានការរំជួលចិត្ត។ ការសម្តែងរបស់នាងបានបង្ហាញពីជំនាញសម្ដែង ការយកចិត្តទុកដាក់ចំពោះព័ត៌មានលម្អិត និងវត្តមានដ៏អស្ចារ្យ ដែលទុកឱ្យទស្សនិកជនចង់ដឹងអំពីសមរភូមិផ្លូវចិត្ត និងឧបាយកល់របស់នាង៕

ភ្នំពេញ៖ សម្ដីនិងទង្វើបញ្ជាក់ពីសន្ដាន! អ្នកស្រី ប៊ូម ប៉ាណាដា អ្នកនាំពាក្យថ្មីថ្មោងរបស់ក្រសួងការពារជាតិថៃបានបញ្ចេញអាកប្បកិរិយាគ្មានវិជ្ជាជីវៈ មិនសមនឹងតួនាទីជាអ្នកបម្រើការក្នុងជួររដ្ឋាភិបាល តាមរយៈការកាន់ទូរស័ព្ទថតវីដេអូ និងប្រកាសស្វែងរកវត្តមានលោកជំទាវ ម៉ាលី សុជាតា អ្នកនាំពាក្យក្រសួងការពារជាតិកម្ពុជា នៅក្នុងកិច្ចប្រជុំ GBC ដែលកម្ពុជាបានធ្វើជាម្ចាស់ផ្ទះកាលពីម្សិលមិញ។

កិច្ចប្រជុំពិសេសលើកទី១ របស់គណៈកម្មាធិការព្រំដែនទូទៅកម្ពុជា-ថៃ (GBC) នាព្រឹកថ្ងៃទី១០ ខែកញ្ញា ឆ្នាំ២០២៥ ត្រូវបានប្រព្រឹត្តទៅនៅខេត្តកោះកុង ព្រះរាជាណាចក្រកម្ពុជា ក្រោមការចូលរួមពីសំណាក់គណៈប្រតិភូកម្ពុជា ដឹកនាំដោយឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា រួមជាមួយគណៈប្រតិភូថៃ ដឹកនាំដោយ ឯកឧត្តម ណាត់ថាក់ផុន ណាកផានីត រដ្ឋមន្ត្រីស្តីទីក្រសួងការពារជាតិថៃ ធ្វើឡើងក្នុងគោលបំណងដើម្បីពិនិត្យលើលទ្ធផលនៃការអនុវត្តគោលការណ៍ឯកភាពគ្នាដែលសម្រេចនៅក្នុងកិច្ចប្រជុំវិសាមញ្ញរបស់ GBC កាលពីថ្ងៃទី៧ ខែសីហា ឆ្នាំ២០២៥ កន្លងទៅនៅប្រទេសម៉ាឡេស៊ី។

នៅក្នុងកិច្ចប្រជុំពិសេសនេះ គេឃើញអ្នកស្រី ប៊ូម ប៉ាណាដា អតីតបវរកញ្ញានិងតារាសិ.ចសុីដែលបច្ចុប្បន្នបានក្លាយជាអ្នកនាំពាក្យរបស់ក្រសួងការពារជាតិថៃមានវត្តមានអង្គុយនៅតុប្រជុំជាមួយគណៈប្រតិភូថៃផងដែរ។

ស្របពេលដែលអង្គប្រជុំកំពុងតែដំណើរការចាប់ផ្ដើមគេសង្កេតឃើញថា អ្នកនាងប៊ូមដូចជាមិនចាប់អារម្មណ៍ជាមួយកិច្ចប្រជុំនេះទាល់តែសោះ ផ្ទុយទៅវិញនាងបែរជាទាញទូរស័ព្ទយកមកថតវិដេអូសេលហ្វ៊ី (Selfie) និយាយម្នាក់ឯង និងអើតកដៀងភ្នែកសម្លឹងរកនរណាម្នាក់យ៉ាងចម្លែក។ ក្រោយមកនាងបានបង្ហោះវិដេអូនោះ ហើយក៏ត្រូវបានសារព័ត៌មានថៃដូចជា Khaosod យកទៅចុះផ្សាយបន្តជាមួយនឹងចំណងជើងថា៖ អូ! ម៉ាលីទៅណា? អ្នកនាងប៊ូម ប៉ាណាដា ខំពិនិត្យមើលពេញបន្ទប់ប្រជុំ GBC ប៉ុន្តែរកម៉ាលី សុជាតាមិនឃើញសោះ។

នៅក្នុងវិដេអូនោះ នាងប៊ូម ប៉ាណាដាបាននិយាយថា៖ ឥឡូវនេះកំពុងចាំបើកការប្រជុំ។ នោះប្រធានអង្គប្រជុំ ឈ្មោះខ្មុំនៅខាងនេះ ហើយខាងនោះគឺខាងភាគីកម្ពុជា ប៉ុន្តែអត់មានឃើញម៉ាលីទេចា៎! មិនមកទេចា៎។ បន្ទាប់ពីនិយាយបែបនេះរួច នាងប៊ូមប៉ាណាដា ក៏បានលើកដងទឹកបរិសុទ្ធដែលមានអក្ស CAMBODIA មកបង្ហាញមុខកាមេរ៉ា ហើយបញ្ចេញទឹកមុខសើចតិចៗបែបហួសចិត្តបន្ថែមទៀត។

ទង្វើររបស់អ្នកនាំពាក្យក្រសួងការពារជាតិថៃរូបនេះ ប្រៀបបាននឹងការមិនគោរពដល់កិច្ចប្រជុំ(GBC)កម្ពុជា-ថៃ នៅខេត្តកោះកុង ដោយសម្ដែងចេញនូវឥរិយាបថគ្មានការអប់រំ គ្មានវិជ្ជាជីវៈ និងរៀបឫកពារមិនស័ក្តិសមជាមួយតួនាទីរបស់ខ្លួនទាល់តែសោះ។ ជាមួយគ្នានេះផងដែរ គេមិនច្បាស់នោះទេថា តើនាងប៊ូមប៉ាណាដាព្យាយាមស្វែងរក វត្តមានរបស់លោកស្រីម៉ាលី សុជាតាដើម្បីអ្វី? ឬមួយនាងខំមកទីនេះដើម្បីឌឺដងជាជាងការប្រជុំ?

ថៃ៖ ក្រពុលមុខនឹងបញ្ហាជាច្រើនដែលកំពុងកើតមាននៅក្នុងប្រទេសខ្លាំងពេក មេប៉ូលីសថៃម្នាក់ព្រ.មានចាត់ការលើគ្រូទាយណាក៏ដោយ ដែលចូលចិត្តនិយាយបំប៉ោងសាច់រឿង ជាពិសេសការទស្សន៍ទាយពីគ្រោះធម្មជាតិនៅក្នុងប្រទេសធ្វើឲ្យពលរដ្ឋភ័យខ្លាច ត្រៀមមកអង្គុយទាយនៅក្នុងពន្ធនាគារដោយសារលោកបានបញ្ជាឲ្យប្រមូលព័ត៌មានលម្អិតដើម្បីស៊ើបអង្កេត ពាក់ព័ន្ធនឹងគ្រូទាយក្លែងក្លាយទាំងនោះហើយ។ នេះបើយោងតាមសារព័ត៌មាន Thaiger។

នៅក្នុងអត្ថបទដែលចេញផ្សាយកាលពីថ្ងៃទី៨ ខែកញ្ញា ឆ្នាំ២០២៥ លោក Charoonkiat Pankaew ឬ Big Tao ស្នងការនៃការិយាល័យស៊ើបអង្កេតមជ្ឈិមបានបញ្ជាក់នៅក្នុងសន្និសីតសារព័ត៌មានមួយថា៖ ពាក់ព័ន្ធនឹងសកម្មភាពរបស់គ្រូទាយដែលតែងលើកឡើងពីបញ្ហាគ្រោះធម្មជាតិដូចជារញ្ជួយដី ខ្យល់ព្យុះ ឬទឹកជំនន់អ្វីទាំងនេះ លោកបានបញ្ជាឱ្យនាយកដ្ឋានប្រឆាំងបទល្មើសសេដ្ឋកិច្ច ពន្លឿនការប្រមូលព័ត៌មានរបស់គ្រូទាយទូទាំងប្រទេស ដើម្បីសម្រួលដល់ការស៊ើបអង្កេត និងត្រួតពិនិត្យ ដោយគាត់ជឿថាអាកប្បកិរិយារបស់គ្រូទាយជាច្រើនគឺជាការក្លែងបន្លំ និងមិនអាចមើលរំលងបានទេ។

ទោះយ៉ាងណាលោកកត់សម្គាល់ថា បច្ចុប្បន្នពុំទាន់មានជនរងគ្រោះណាដាក់ពាក្យបណ្ដឹងធ្ងន់ធ្ងរនៅឡើយទេ។ ដូច្នេះលោកចង់ជូនដំណឹងដល់អ្នកដែលមានអារម្មណ៍ថាខ្លួនត្រូវបានគេបោកប្រាស់ មិនថាជាគ្រូទាយ ឬការឆបោកដើម្បីឲ្យពួកគេបរិច្ចាគប្រាក់នោះទេ សូមមកធ្វើរបាយការណ៍ជាមួយនាយកដ្ឋានប្រឆាំងបទល្មើស ដើម្បីដាក់ពាក្យបណ្ដឹងគ្រូទាយទាំងនោះ។

លោក Big Tao បានគូសបញ្ជាក់ថា៖ ជាឧទាហរណ៍ស្រាប់ គ្រូទាយដែលចូលចិត្តទស្សន៍ទាយពីគ្រោះរញ្ជួយដី នៅក្នុងប្រទេសថៃដែលធ្វើឲ្យពលរដ្ឋមួយចំនួនជឿ ហើយមានការភ័យស្លន់ស្លោ ប៉ុន្តែជាក់ស្ដែងការទស្សន៍ទាយនោះសុទ្ធតែខុស ឬមិនត្រឹមត្រូវដូចការសន្យាពួកគេឡើយ។ អាស្រ័យហេតុនេះ សូមសាធារណជន មានការប្រុងប្រយ័ត្នខ្ពស់ កុំចាញ់បោ.កគ្រូទាយទាំងនោះឲ្យសោះ។

គួរជម្រាបថា កន្លងមកសត្ថកិច្ចថៃបានឃាត់ខ្លួនចាប់គ្រូទាយល្បីៗជាច្រើននាក់ ដែលចូលចិត្តទស្សន៍ទាយពីបញ្ហាធម្មជាតិ។ បើតាមការសាកសួរសមត្ថកិច្ចបានឲ្យដឹងថា ភាគច្រើនគ្រូទាយទាំងនោះបានទទួលស្គាល់ថា ពួកគេបានធ្វើការទស្សន៍ទាយដោយផ្អែកលើគោលការណ៍ហោរាសាស្រ្ត បន្ទាប់មកពឹងផ្អែកលើជំនឿផ្ទាល់ខ្លួន បទពិសោធន៍ ឬព័ត៌មានផ្សេងៗដើម្បីរៀបចំនិយាយឲ្យដូចជាបានដឹងសាច់រឿងជាមុនអញ្ចឹងឯង៕

សហរដ្ឋអាមេរិក ៖ តាមការផ្សព្វផ្សាយរបស់សារព័ត៌មានបរទេសនៅថ្ងៃទី១០ ខែកញ្ញា ឆ្នាំ២០២៥ ឱ្យដឹងថា ប្រធានាធិបតីអាមេរិក លោក Donald Trump បានអំពាវនាវឱ្យសហភាពអឺរ៉ុប (EU) ដំឡើងពន្ធទំនិញចិន និងឥណ្ឌា រហូតដល់១០០% ដោយសារប្រទេសទាំងពីរនេះទិញថាមពលរបស់រុស្ស៊ី ដែលអាមេរិកចាត់ទុកជាការគាំទ្រសេដ្ឋកិច្ចរុស្ស៊ី ។

លោក Trump អំពាវនាវឱ្យបណ្តាប្រទេសនៅសហភាពអឺរ៉ុប (EU) ដំឡើងពន្ធទំនិញនាំចូលពីចិន-ឥណ្ឌាក្នុងអត្រាខ្ពស់ ដើម្បីបង្កើនការដាក់សម្ពាធដល់ប្រធានាធិបតីរុស្ស៊ី លោក Vladimir Putin ដោយលោក Trump អះអាងថា ប្រទេសចិន និងឥណ្ឌា មានតួនាទីសំខាន់ក្នុងការគាំទ្រសេដ្ឋកិច្ចរុស្ស៊ីតាមរយៈការទិញថាមពល ។

ការអំពាវនាវឱ្យដំឡើងពន្ធទំនិញចិន-ឥណ្ឌារបស់លោក Trump ត្រូវបានបញ្ជូនតាមរយៈ Video Conference ទៅកាន់មន្ត្រីសហភាពអឺរ៉ុប និងមន្ត្រីទូតសហភាពអឺរ៉ុប លោក David O’Sullivan ដែលស្ថិតនៅទីក្រុងវ៉ាស៊ីនតោន ដើម្បីពិភាក្សាពីវិធានការដាក់ទណ្ឌកម្ម ។ មន្ត្រីសហភាពអឺរ៉ុបម្នាក់និយាយថា អាមេរិកបានបង្ហាញគោលជំហររបស់ខ្លួនយ៉ាងច្បាស់ពីការដាក់ទណ្ឌកម្មចិន-ឥណ្ឌា និងអំពាវនាវឱ្យប្រទេសនានាចូលរួមសហការ ។

គោលជំហររបស់លោក Trump បានបង្ហាញពីការផ្លាស់ប្តូរគោលជំហររបស់សហភាពអឺរ៉ុប ពីព្រោះកន្លងមក សហភាពអឺរ៉ុបបានផ្តោតទៅលើការដាក់ទណ្ឌកម្មសេដ្ឋកិច្ចខ្លាំងជាងការដំឡើងពន្ធទំនិញដើម្បីដាក់សម្ពាធប្រទេសណាមួយ ។

លោក Trump ធ្លាប់ដំឡើងពន្ធទំនិញនាំចូលពីឥណ្ឌា២៥% បន្ថែមទៀត ដោយលោកផ្តល់ហេតុផលថា គឺជាការប្រឆាំងទៅនឹងទំនាក់ទំនងសេដ្ឋកិច្ចរវាងឥណ្ឌា និងវិមានក្រឹមឡាំងរបស់រុស្ស៊ី ។ ទោះយ៉ាងណា លោក Trump ពុំទាន់បានចាត់វិធានការធ្ងន់ធ្ងរជាងនេះដូចការប្រកាសទេ ៕

បាងកក៖ លោក Anutin នាយករដ្ឋមន្រ្តីថ្មីរបស់ថៃបានបញ្ចាក់ថា គ្មានពាក្យថា VIP ក្នុងសំណុំរឿងថាក់ស៊ីនឡើយ អ្វីៗគឺត្រូវតែអនុវត្តស្របតាមច្បាប់ គ្មានការជ្រៀតជ្រែក ឬចរចាក្រៅផ្លូវការណាមួយនឹងត្រូវបានប្រព្រឹត្តដាច់ខាត ហើយយុត្តិធម៌នឹងត្រូវបានបម្រើសម្រាប់ភាគីទាំងអស់។ នេះបើយោងតាមការចុះផ្សាយរបស់សារព័ត៌មាន Matichon របស់ថៃ។

នៅវេលាម៉ោង ៥ និង ៣៥ នាទីល្ងាច ថ្ងៃទី៩ ខែកញ្ញា នៅគណបក្ស Bhumjaithai នាយករដ្ឋមន្ត្រី Anutin Charnvirakul បានថ្លែងសុន្ទរកថាពាក់ព័ន្ធនឹងការជជែកដេញដោលអំពីថា តើនៅពេលក្លាយជានាយករដ្ឋមន្រ្តី លោកនឹងជួយអតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា ដែលត្រូវបានតុលាការកំពូលកាត់ទោសឱ្យជាប់ពន្ធនាគាររយៈពេលមួយឆ្នាំ ឱ្យស្នាក់នៅសុខស្រួលគេចពីការជាប់គុ.កពិតប្រាកដដែរឬអត់? លោកបានបញ្ជាក់ថា អ្វីៗទាំងអស់គឺអនុវត្តទៅតាមច្បាប់ មិនមានចំណាត់ការក្រៅច្បាប់ ហើយក៏គ្មានករណីVIPសម្រាប់លោកថាក់សុីនផងដែរ។

នៅពេលសួរថាតើករណីលោកថាក់ស៊ីន នឹងត្រូវបានគេបង្វែរឲ្យទៅស្នាក់នៅនៅមន្ទីរពេទ្យរបស់ខាងតម្រួតឬអត់នោះ លោក Anutin បានបន្តថា៖ លោក ថាក់សុីនគ្មានសិទ្ធិពិសេសអ្វីឡើយ។ ហើយលោកក៏បានថ្លែងបន្ថែមថា៖ «គោរពយុត្តិធម៌សម្រាប់គ្រប់ភាគី។ យុត្តិធម៌សម្រាប់ទាំងអស់គ្នា ដែលបានន័យថាអ្នកទោ.សត្រូវទូទៅត្រូវទទួលបានអ្វី លោកថាក់សុីននឹងទទួលបាននោះដូចគ្នា។

គួរជម្រាបថា ក្រោយបានឡើងកាន់តំណែងជានាយករដ្ឋមន្រ្តីថៃមក លោកAnutin បានបង្ហាញពីគោលបំណងធំរបស់គណបក្សភូមិចៃថៃរបស់ខ្លួនថានឹងធ្វើការកំណែរទម្រង់ប្រព័ន្ធដឹកនាំ និងគណៈរដ្ឋមន្រ្តីរបស់ប្រទេសថៃឡើងវិញ។ ជាមួយគ្នានេះ លោក Anutin ត្រូវបានគេរំពឹងថានឹងមានភាពរឹងមាំក្នុងការដឹកនាំប្រទេសជាងអ្នកស្រី ផែថងថាន ខណៈក្នុងឯកសារទូតមួយចំនួនបានបង្ហាញថាលោកមានទំនាក់ទំនងជិតស្និតជាមួយគ្រួសាររាជវង្សថៃ។

ចំពោះការលើកឡើងថានឹងមិនមានការអនុគ្រោះចំពោះលោក ថាក់សុីន ក្នុងការជាប់ឃុំនេះ ហាក់ជាការបន្ថែមសម្ពាធផ្លូវចិត្តកាន់តែខ្លាំងដល់អតីតនាយករដ្ឋមន្រ្តីផែថងថានដែលទើបខ្ទាតចេញពីតំណែង ចំពេលដែលឪពុករបស់ខ្លួនត្រូវបានតុលាការកំពូលសម្រេចក្ដីឲ្យជាប់ទោ.សរយៈពេលមួយឆ្នាំបែបនេះ៕