ថ្ងៃនេះជាខួបទី២៤ នៃមហាព្រឹត្តិការណ៍ភេរវកម្ម ១១ កញ្ញា ២០០១ នៅសហរដ្ឋអាមេរិក ដែលបានបង្កឡើងពីសំណាកក្រុមភេរវករអាល់កៃដា ដែលដឹកនាំដោយ អូសាម៉ា ប៊ីនឡាដិន។
ព្រឹត្តិការណ៍ភេរវកម្មនេះ បានបណ្តាលឱ្យមនុស្សជាង៣ពាន់នាក់បាត់បង់ជីវិត និង៦ពាន់នាក់ផ្សេងទៀតរងរបួស។
នៅព្រឹកថ្ងៃទី១១ ខែកញ្ញា ឆ្នាំ២០០១ ក្រុមភេរវករចំនួន១៩នាក់ បានប្លន់យន្តហោះដឹកអ្នកដំណើរខ្នាតធំចំនួន៤ ដោយក្នុងនោះមាន២គ្រឿង បានបើកបំបុកអគារភ្លោះនៃមជ្ឈមណ្ឌលពាណិជ្ជកម្មពិភពលោក ក្នុងទីក្រុង New York។
ដោយឡែក១គ្រឿងទៀត បានបើកបុកមន្ទីរបញ្ចកោណ និង១គ្រឿងទៀត បានធ្លាក់ទៅកាន់ទីវាលមួយក្នុងរដ្ឋ Pennsylvania។
មូលហេតុ ដែលក្រុមភេរវករអាល់កៃដា បើកការវាយប្រហារនេះ ព្រោះលោក អូសាម៉ា ប៊ីនឡាដិន បានបន្ទោសអាមេរិកនិងសម្ព័ន្ធមិត្តទ្វីបអឺរ៉ុប បានបង្កជម្លោះនៅក្នុងពិភពឥស្លាម។
ក្រោយការវាយប្រហារភេរវកម្មនេះ បាន១ខែ ប្រធានាធិបតីរបស់អាមេរិកលោកនាសម័យនោះ លោក George W Bush បានដាក់ទ័ព វាយលុកចូលប្រទេសអាហ្វហ្កានីស្ថាន តាមកម្ទេចក្រុមអាល់កៃដា។
ក្រោយមករំលង បាន១០ឆ្នាំ ពោលនៅថ្ងៃទី២ ខែឧសភា ឆ្នាំ២០១១ លោក អូសាម៉ា ប៊ីនឡាដិន ត្រូវបានបាញ់សម្លាប់នៅប្រទេសប៉ាគីស្ថាន ក្រោមការបញ្ជាពីលោក បារ៉ាក់ អូបាម៉ា៕
