រដ្ឋបាលខេត្តកំពង់ធំ បានចេញសេចក្តីប្រកាសហាមឃាត់មិនឱ្យពលរដ្ឋចូលទៅជិត កងវរសេនាតូចលេខ ៤៤៨ ស្ថិតក្នុងភូមិតាឡែក ឃុំសាលាវិស័យ ស្រុកប្រាសាទបល្ល័ង្ក។
ចាប់ពីថ្ងៃទី១៥-២០ ខែកញ្ញា នៅទីតាំងកងវរសេនាតូចលេខ ៤៤៨ នឹងមានកម្មសិក្សាការីនៃកងយោធពលខេមរភូមិន្ទ ក្នុងវគ្គហ្វឹកហ្វឺនពលទាហានថ្មីបំពេញក្របខណ្ឌឱ្យកងទ័ពជើងគោកវគ្គទី២ ឆ្នាំ២០២៥ នឹងអនុវត្តការបាញ់គ្រាប់ពិត។.png)
ក្នុងវគ្គហ្វឹកហ្វឺនបាញ់គ្រាប់ពិតនេះ នឹងប្រើប្រាស់កាំភ្លើងដៃស្វ័យប្រវត្តិ AK.47, កាំភ្លើងយន្តធុនស្រាល RPK និងPKMS។ ការអនុវត្ត នឹងចាប់ផ្ដើមចាប់ពីម៉ោង៦ព្រឹក ដល់ម៉ោង៥ល្ងាច។
ហេតុដូច្នេះ ប្រជាពលរដ្ឋរស់នៅក្បែរទីតាំងបាញ់គ្រាប់ពិត កុំចូលទៅប្រកបការងារ ឬឆ្លងកាត់តំបន់ខាងលិច និងតំបន់ប៉ែកខាងលិច ឆៀងខាងត្បូង ទីតាំងកងវរសេនាតូចលេខ៤៤៨ ដោយត្រូវនៅឱ្យឆ្ងាយយ៉ាងហោចណាស់ ៥.០០០ ទៅ៨.០០០ម៉ែត្រ ពីទីតាំងខាងលើ។
ការអំពាវនាវរបស់អាជ្ញាធរខេត្ត គឺដើម្បីបង្ការ និងជៀសវាងនូវគ្រោះថ្នាក់ កើតមានជាយថាហេតុ៕
