ការប្រឡងបាក់ឆ្នាំ២០២៥នេះ បេក្ខជនអាចមានឱកាសទទួលបានរថយន្តអគ្គិសនីមួយគ្រឿងពីក្រសួងអប់រំ ដែលបានសហការជាមួយក្រុមហ៊ុន TF MOTORS CAMBODIA។

ថ្លែងនៅក្នុងជំនួបរវាងលោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការ និងក្រុមការងារក្រុមហ៊ុន TF MOTORS (CAMBODIA) Co.,LTD បានសម្រេចផ្តល់រថយន្តអគ្គិសនី Leapmotor TO3 តម្លៃ ១៥៩៩០ដុល្លារ ជូនដល់សិស្សានុសិស្សដែលទទួលបាន កម្រិតពិន្ទុប្រឡងសញ្ញាបត្រមធ្យមសិក្សាទុតិយភូមិខ្ពស់ជាងគេប្រចាំប្រទេស។

គោលបំណងនៃការផ្ដល់ជូនរថយន្តអគ្គិសនី Leapmotor TO3 នេះគឺដើម្បី ចូលរួមជាមួយក្រសួងអប់រំ យុវជន និងកីឡាក្នុងការលើកស្ទួយវិស័យអប់រំឱ្យកាន់តែរីកចម្រើន និងស្របតាមការលើកទឹកចិត្តពីរាជរដ្ឋាភិបាលក្នុងការគាំទ្រឱ្យប្រជាពលរដ្ឋខ្មែរងាកមកប្រើប្រាស់រថយន្តអគ្គិសនីដើម្បីចូលរួមថែទាំដល់បរិស្ថាន និងកាត់បន្ថយនៅឧស្ម័នពុលដែលប៉ះពាល់ដល់បរិយាកាស។

គួរបញ្ជាក់ថា ការប្រឡងបាក់ឌុបឆ្នាំ២០២៥ និងធ្វើឡើងនៅថ្ងៃទី១៨-១៩ ខែសីហា ឆ្នាំ២០២៥ និងប្រកាសលទ្ធផលនៅថ្ងៃទី០៩-១០ ខែកញ្ញា ឆ្នាំ២០២៥៕

រាជធានីភ្នំពេញ៖ ក្រសួងការបរទេសកម្ពុជា ប្រកាសច្រានចោលទាំងស្រុងការចំពោះចោ.ទប្រកាន់របស់ថៃ ដែលថាកម្ពុជាបានដាក់មីនថ្មីប្រឆាំងមនុស្ស ដោយរំលោ.ភលើអនុសញ្ញាស្ដីពីការហាមឃាត់មីនប្រឆាំងមនុស្ស(អនុសញ្ញាទីក្រុងអូតាវ៉ា) ដែលបណ្ដាលឱ្យទាហានថៃរងរបួសនាពេលថ្មីៗនេះ។ តាមរយៈសេចក្ដីថ្លែងការណ៍ចេញនៅយប់ថ្ងៃទី២១កក្កដានេះ ក្រសួងការបរទេសបញ្ជាក់ថា រាជរដ្ឋាភិបាលកម្ពុជាបដិសេធយ៉ាងដាច់អហង្ការចំពោះការចោទប្រកាន់ដោយគ្មានមូលដ្ឋាន និងគ្មានភស្ដុតាងនេះ។

យោងតាមសេចក្ដីថ្លែងការណ៍បានឲ្យដឹងថា ក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ច្រានចោល ទាំងស្រុងនូវសេចក្តីថ្លែងការណ៍របស់ក្រសួងការបរទេសនៃព្រះរាជាណាចក្រថៃ កាលពីថ្ងៃទី២០ ខែកក្កដា ឆ្នាំ២០២៥ ដែលមានចំណងជើងថា “ការតវ៉ាប្រឆាំងនឹងការប្រើប្រាស់មីនប្រឆាំងមនុស្ស” ដែលចោ.ទ ប្រកាន់កម្ពុជាថាបានដាក់មីនថ្មីប្រឆាំងមនុស្ស ដោយរំលោ.ភលើអនុសញ្ញាស្តីពីការហាមឃា.ត់មីនប្រឆាំងមនុស្ស (អនុសញ្ញាទីក្រុង អូតាវ៉ា) ដែលបានបណ្តាលឲ្យទាហានថៃរងរបួសនាពេលថ្មីៗនេះ។

សេចក្តីថ្លែងការណ៍ខាងលើបានបញ្ជាក់ថា ក្រសួងការបរទេសកម្ពុជា បានបដិសេធយ៉ាងដាច់អហង្ការនូវរាល់ការលើកឡើងថាកម្ពុជារំលោភបំពានចំពោះកាតព្វកិច្ចរបស់ខ្លួនក្រោមអនុសញ្ញាទីក្រុងអូតាវ៉ា។សម្រាប់ក្រសួងកម្ពុជាបានខិតខិតប្រឹងប្រែងជាប្រចាំ និង សមិទ្ធផលដែលកម្ពុជាសម្រេចបានក្នុងសកម្មភាពកម្ចាត់មីន ហើយត្រូវបានសហគមន៍អន្តរជាតិទទួលស្គាល់យ៉ាងទូលំទូលាយ។ បន្ថែមពីការដោះមីនក្នុងប្រទេស កម្ពុជាថែមទាន់បញ្ជូនមន្ត្រីដើម្បីរួមចំណែកក្នុងសកម្មភាពកម្ចាត់មីនរបស់អង្គការសហប្រជាជាតិតាមប្រទេសនានាផងដែរ។

ក្រសួងការបរទេសបានបញ្ជាក់ជាថ្មីថា ហេតុការណ៍ពាក់ព័ន្ធនឹងការចោ.ទប្រកាន់គឺបានកើតឡើងនៅក្នុងភូមិតេជោមរកត ស្រុកជាំក្សាន្ត ខេត្តព្រះវិហារ ដែលជាតំបន់មួយស្ថិតនៅក្នុងដែនដីកម្ពុជាដែលមានការទទួលស្គាល់ជាអន្តរជាតិ។ ដែនដីនេះត្រូវបានកំណត់ ដោយផែនទីខ្នាត ១:២០០០០០ ដែលផលិតដោយគណៈកម្មការចម្រុះបារាំង-សៀម អនុលោមតាម អនុសញ្ញាឆ្នាំ១៩០៤ និងសន្ធិសញ្ញាឆ្នាំ ១៩០៧។

គួរបញ្ជាក់ថា ផែនទីទាំងនេះត្រូវបានរដ្ឋាភិបាលកម្ពុជា និងថៃ ទទួលស្គាល់ជាយូរមកហើយថាជាមូលដ្ឋានសម្រាប់ការងារវាស់វែងខណ្ឌសីមាព្រំដែននៃប្រទេសទាំងពីរ។ ផែនទីទាំងនេះក៏ជាឯកសារយោងសម្រាប់តុលាការយុត្តិធម៌អន្តរជាតិ សម្រេចចេញសាលក្រមឆ្នាំ១៩៦២ ពាក់ព័ន្ធនឹងករណីប្រាសាទព្រះវិហារ និងការបកស្រាយសាលក្រមនេះក្នុងឆ្នាំ ២០១៣ ផងដែរ៕

គណៈប្រតិភូម៉ាឡេស៊ី ដែលជាតំណាងរាស្រ្តខេត្ត Kedah បានបង្ហាញពីគោលបំណងចង់ពិភាក្សាសិក្សាស្វែងយល់បន្ថែមពីវិស័យកសិកម្មកម្ពុជា ជាពិសេសការផ្តោតសំខាន់ទៅលើវិស័យស្រូវអង្ករសម្រាប់ផ្គត់ផ្គង់ទីផ្សាររបស់ខ្លួនដែលខ្វះខាត និងពិនិត្យទៅលើវិស័យសក្តានុពលផ្សេងៗទៀត ដែលអាចធ្វើការវិនិយោគជាមួយប្រទេសកម្ពុជា។

យោងតាមក្រសួងកសិកម្ម រុក្ខាប្រមាញ់ និងនេសាទ កាលពីសង្ដាហិ៍មុនបានឲ្យដឹងថា ក្នុងជំនួបសម្តែងការគួរសម និងពិភាក្សាការងាររវាងឯកឧត្តមរដ្ឋលេខាធិការ ប្រាក់ ដាវីដ និង ឯកឧត្តម YB Haji Dzowahir bin haji an Ghani តំណាងរាស្រ្តខេត្ត Kedah ប្រទេសម៉ាឡេស៊ី បានជជែកពិភាក្សាអំពីវិស័យកសិកម្មនៅក្នុងប្រទេសទាំងពីរដើម្បីសិក្សាពីគ្នាទៅវិញទៅមក នៅឯនៅទីស្តីការក្រសួងកសិកម្ម រុក្ខាប្រមាញ់ និងនេសាទ។

សូមជម្រាបជូនថា នៅក្នុងកិច្ចប្រជុំនេះ គណៈប្រតិភូម៉ាឡេស៊ីមានគោលបំណងពិភាក្សាសិក្សាស្វែងយល់ពីវិស័យកសិកម្មកម្ពុជា ជាពិសេសការផ្តោតសំខាន់ទៅលើវិស័យស្រូវអង្ករសម្រាប់ផ្គត់ផ្គង់ទីផ្សាររបស់ខ្លួនដែលខ្វះខាត និងពិនិត្យទៅលើវិស័យសក្តានុពលផ្សេងៗទៀត ដែលអាចធ្វើការវិនិយោគជាមួយប្រទេសកម្ពុជា។

ក្នុងជំនួបនេះផងដែរ ឯកឧត្តមរដ្ឋលេខាធិការ បានសង្កត់ធ្ងន់ថាកម្ពុជាមានអង្ករក្រអូប ដែលមានគុណភាពខ្ពស់ ល្អប្រណិត និងរសជាតិឆ្ងាញ់ ដែលអាចឆ្លើយតបនឹងតម្រូវការរបស់ភាគីម៉ាឡេស៊ី និងបានអញ្ជើញគណៈប្រតិភូ ចូលរួមកម្មវិធី(CAFE25) នាចុងឆ្នាំនេះ សំដៅលើកកម្ពស់វិស័យកសិកម្មផ្សារភ្ជាប់ការវិនិយោគទៅនឹងពាណិជ្ជកម្ម ជាពិសេសមានឱកាសពិនិត្យលទ្ធភាពវិនិយោគក្នុងវិស័យកែច្នៃកសិផលសំខាន់ៗដែលកម្ពុជាមាន និងការជំរុញកសិពាណិជ្ជកម្ម៕

 

 

ហ្សង់ អតីតបេក្ខជន Master Chef រដូវកាលទី៣បានចេញមកលាតត្រដាងពីកម្មវិធីដែល លោកធ្លាប់ចូលរួមប្រកួតកន្លងមកនេះនិងថាលោកគ្មានបានចំណេញអ្វីក្រៅពីកម្មវិធីទេមានតែខាតប្រាក់ខណៈការថតវិញក្នុងមួយអាទិត្យគឺថត៤ថ្ងៃ ហើយក្នុងមួយថ្ងៃបេក្ខជន បានចំនួន១០ដុល្លារ។

នៅរសៀលថ្ងៃទី២១ កក្កដា ហាយ ហ្សង់ ដែលជាអតីតបេក្ខជន Master Chef រដូវកាលទី៣ បានបង្ហោះរូបភាពមួយសន្លឹកជាមួយនឹងអក្សរក្នុងរូបភាពថា «ការពិតរបស់ Master Chef » ។ ជាមួយនឹងរូបភាពនេះលោកបានរៀបរាប់ថា «ហែកគេម៉េស? បានល្បីដោយសារកម្មវិធីគេសោះ!! ជនណាដែលបោះសម្ដីបែបនេះ រើសពីដីហើយ លេបទៅវិញ! អ្វីក៏ដោយវាមានទៅមានមក មិនមែនសុខៗកម្មវិធីហ្នឹងល្បីទេ គិតមើលទៅ សម្រាប់ខ្ញុំមិនដែលបានចំណេញអ្វីពីកម្មវិធីទេ មានតែខាតអស់ប្រាក់កាសទៅវិញទេ»។

១. មិនចម្លែកទេបើបេក្ខជនប្រលងទៅចងការប្រាក់គេកំឡុងពេលប្រកួត
ពួកគាត់ក៏ដូចជាខ្ញុំតម្រូវឱ្យលាឈប់ពីការងារដើម្បីទៅថតកម្មវីធី (ជាជម្រើសបុគ្គលមានការព្រមព្រាង) ថត ៤ ថ្ងៃក្នុង ១ អាទិត្យ ១ ថ្ងៃ បាន ១០ ដុល្លាអាម៉េរិក ចឹងមួយខែគិតលេខមើលទៅ ដូច្នេះឃើញគេចាកចេញពីកម្មវិធីមុន ឬមិនបានទទួលអៀមសអីកុំឆ្ងល់ទៀតអី ជួនកាលពេលវេលានិងទឹកលុយមិនស័ក្តិសម មនុស្សមានទំនួលខុសត្រូវរៀងខ្លួន សម្រាប់ខ្ញុំមិនគ្រប់ទេប្រាក់ឧបត្ថម្ភហ្នឹង ទោះបីមានបាយ ៣ ពេលក៏ដោយ នេះមិនទាន់និយាយពីម្ហូបអាហារដែលកម្មវីធីឱ្យញុំាផង តែបើគេញុំាបានរឿងអីយើងញុំាមិនបាន តែបើសួរថាសមរម្យទេ ? សុំនិយាយថាមិនគ្រាន់ទេ មនុស្សញុំាច្រើនគឺមិនគ្រាន់ត្រូវកម្មង់អីញុំាថែម តែរបបអាហារមនុស្សខុសៗគ្នាសូមមិននិយាយច្រើន ។

២. ចុះពេលលាឈប់ពីការងារហើយ ស្រាប់តែត្រូវជម្រុះ ធ្វើម៉ិច? ជាទំនួលខុសត្រូវរបស់បេក្ខជនគ្មានអ្នកណាឧបត្ថម្ភអីទេ ក្នុងកំឡុងពេលរកការងារថ្មី ហើយកុំសង្ឃឹម Sponsor ឱ្យការងារធ្វើមិនបានទាំងអស់គ្នាទេ បើបានក៏មិនគ្រប់ដែរ មួយចានគោក មួយចានទៀតក៏គោកដែរ គ្មានទឹកហ៊ុតទេ ពីព្រោះអ្នកឈ្នះមានតែម្នាក់បើមិនមានសង្ឃឹមថាឈ្នះទេ ដើរចេញជាជម្រើសល្អបំផុត យល់ហើយមេនហ្អេ ? ។

៣. បើមានខោអាវដូចគ្នា២សម្រាប់ទើបល្អ
១សូ ថត ២ថ្ងៃ ចឹងបើប្រឡាក់ឆ្អាបអីស្ហុយនៅហ្នឹងហើយ ចឹងទិញ ២ សម្រាប់ ១ឈុត តែលុយខ្លួនយើងទេ ពាក់ទៅស្អាតយើងដែរ បើមានលទ្ធភាពទិញពាក់ទៅបើអត់ទេ តាមហ្នឹងទៅពីព្រោះមានអៀមពាក់បាំងដែរ។

៤. គេមានបង្រៀនខ្លះៗដែរនៅសាលាធ្វើម្ហូប (ម្ហូបអឺរ៉ុប គ្រឿងផ្សំ)
ត្រូវចាំថាគេចង់ឱ្យ សូ គេល្អមើល បើយើងមិនចេះសោះដំឡូងមូលពេក ក៏មិនល្អមើលដែរ តែបើយើងចេះខ្លះស្រាប់ហើយក៏ល្អដែរ យើងបានរៀនបន្ថែមពីបទពិសោធន៍ថ្មី ព្រោះរយៈពេលក៍ខ្លីដែរខិតខំតទៅមិនខាតពេលទេ៕

ក្រសួងសាធារណការ និងដឹកជញ្ជូន គ្រោងនឹងពិចារណាតភ្ជាប់ទឹកដីអង្គរនៃខេត្តសៀមរាប មកកាន់តំបន់នារតី តាមរយៈការធ្វើដំណើរតាមព្រែកជីកហ្វូណនតេជោ។

យោងតាមរដ្ឋមន្ត្រីក្រសួងសាធារណការ ឯកឧត្តម ប៉េង ពោធិ៍នា បានថ្លែងថា៖” នាពេលខាងមុខនេះ ក្រសួងមានមហិច្ឆតា ចង់ឱ្យមានការធ្វើដំណើរពី ខេត្តសៀមរាប ទៅកាន់តំបន់សមុទ្រតែម្ដង តាមរយៈព្រែកជីកហ្វូណនតេជោ ខណៈគម្រោងនេះ កំពុងតែអនុវត្តទៅតាមផែនការ ហើយនៅពេលព្រែកជីកធ្វើរួច យើងអាចតភ្ជាប់ពីទន្លេទៅកាន់តំបន់សមុទ្របាន។

ជាងនេះទៅទៀត គម្រោងនេះ នឹងផ្តល់ភាពងាយស្រួល និងបទពិសោធន៍ថ្មី ដល់ប្រជាពលរដ្ឋក្នុងការធ្វើដំណើរ ដោយមានជម្រើសច្រើន ក្នុងការដើរកម្សាន្ត មិនថាតាមផ្លូវទឹក ផ្លូវគោក ឬផ្លូវអាកាស។

សូមបញ្ជាក់ថា គម្រោងព្រែកជីកហ្វូណន តេជោ ត្រូវបានបើកការដ្ឋានសាងសង់នៅថ្ងៃទី៥ ខែសីហា ឆ្នាំ២០២៤ ដោយប្រើពេលសាងសង់ ៤៨ ខែ គ្រោងបញ្ចប់នៅឆ្នាំ ២០២៨ ដែលប្រើប្រាស់ទុនវិនិយោគសរុបប្រមាណ ១,៧០០ លានដុល្លារ៕