កាលពីយប់ថ្ងៃទី៣០ ខែកក្កដា អ្នកគ្រូហ៊ុងស៊ុយ ឡុង ណាលី បាន Live នៅលើបណ្តាញសង្គមរបស់ខ្លួនរយៈពេលជាង១ម៉ោងដោយបានចែករំលែករឿងរ៉ាវជាច្រើន។ ក្នុងការចែករំលែកនោះមានវីដេអូខ្លីមួយដែលអ្នកគ្រូហ៊ុងស៊ុយរូបនេះនិយាយអំពីទាហានថៃបាញ់ផ្សែងពុលប៉ុន្តែទទួលបានបាបកម្មដោយផ្សែងនោះបក់ទៅប្រទេសថៃវិញ។

នៅក្នុងការ Live អ្នកគ្រូ ណាលី បាននិយាយថានៅថ្ងៃដែលទាហានថៃបាញ់ផ្សែងពុលគឺចំថ្ងៃដែលខ្លួនយកស្បៀងជួយទៅដល់កងទ័ព និង ជនភៀសសឹក ហើយទទួលបានអារម្មណ៍ថាគឺមានសភាពឆួលច្រមុះតែម្តង។ អ្នកគ្រូ ណាលី ក៏បាននិយាយរៀបរាប់ពីទិសរបស់ខ្យល់បោកបក់ប៉ុន្តែមានរឿងមិននឹកស្មានដល់គឺខ្យល់វិលទៅប្រទេសថៃវិញ ដូច្នេះកងទ័ពថៃក៏អាចពុលស្លាប់ដោយសារផ្សែងពុលនេះដែរព្រោះនេះជាយុគ៩។

អ្នកគ្រូ ណាលី បានលើកឡើងទៀតថាបន្ទាប់ពីមានអារម្មណ៍ថាឆួលមួយភ្លាមស្រាប់តែមានភ្លៀងធ្លាក់មក៣មេធំៗ ធ្វើឱ្យផ្ទៃមេឃប្រែជាស្រឡះស្អាតវិញ។ អ្នកគ្រូថាដូនតាខ្មែរគឺបានជួយយើង។ គ្រូហ៊ុងស៊ុយ មានប្រជាប្រិយភាពរូបនេះក៏បានចែករំលែកទៀតថាមុននឹងខ្លួនទៅជួយស្បៀងដល់កងទ័ពនិងជនភៀសសឹកគឺបានចូលទៅបួងសួងមេទ័ពធំ និងព្រះបាទជ័យវរ្ម័នទី៧ ។

ជាមួយគ្នានេះដែរ អ្នកគ្រូណាលី បានបញ្ជាក់ទៀតថាមុនដំបូងគឺពិបាកប៉ុន្តែចុងក្រោយគឺញញឹមនេះមានន័យថាប្រទេសកម្ពុជាយើងដំបូងគឺពិបាកតែចុងក្រោយគឺដល់ពេលកម្ពុជាត្រូវរីកចម្រើន ហើយនេះជាពេលវេលាមួយដែលយើងរួបរួមគ្នា សាមគ្គីគ្នាអំឡុងពេលនេះ។បន្ទាប់ពីចប់សង្គ្រាមពេញលេញយើងចាប់ផ្តើមពង្រឹងសមត្ថភាពខ្លួនយើង ហើយការវាយប្រហារគ្នាតាមហ្វេកប៊ុកគឺជាចំណុចមួយដែលបង្ហាញឱ្យបរទេសឃើញថាខ្មែរយើងអត់ចេះសាមគ្គីគ្នា៕

រយៈពេលសង្គ្រាម៥ថ្ងៃដែលថៃចូលមកឈ្លានពានទឹកដីខ្មែរ ហើយពេលនេះកំពុងស្ថិតនៅសន្តិភាពផុយស្រួលកូនខ្មែរជាច្រើនបានបង្ហាញការឈឺចាប់ឥតឧបមាចំពោះទង្វើរបស់ប្រទេសជិតខាងមួយនេះ។ អម្រែកនៃការឈឺចាប់លើកនេះមានតារាមួយចំនួនសម្រេចចិត្តមិនផ្សព្វផ្សាយផលិតផលរបស់ប្រទេសថៃ ខណៈពេលនេះគឺមាន Content Creator មួយទៀតគឺ Q Win សម្រេចចិត្តនឹងមិនប្រម៉ូតផលិតផលរបស់ប្រទេសថៃទៀតទេ។

កាលពីយប់ថ្ងៃទី៣១ កក្កដា Content Creator មួយរូបនៅខេត្តបាត់ដំបងបានប្រកាសជាសាធារណនៅលើបណ្តាញសង្គមហ្វេកប៊ុកថា «ខ្ញុំបាទ Q-win នឹងមិនទទួល promote ផលិតផលរបស់ ថៃទៀតទេចាប់ពេលនេះតទៅ ខ្ញុំឈឺចាប់ណាស់ បន្ទាប់ពី បានទៅសួរសុខទុក្ខបងៗកងទ័ពជួរមុខនៅឯមន្ទីរពេទ្យ ខ្ញុំមិនជឿថាអត់ promote ផលិតផលរបស់វាមួយខ្ញុំ ដាច់ពោះស្លាប់ទេ»។ ដោយសារតែការបង្ហោះនេះមានបញ្ហាជាមួយនឹងហ្វេកប៊ុក Q Win បានបង្ហោះសាជាថ្មីម្តងទៀតជារូបមួយសន្លឹក។

Q Win បានសរសេរថា «យើងត្រឹមតែជាអតិថិជនដ៏ស្មោះត្រង់ តែភាពស្មោះត្រង់របស់យើងកំពុងបំប៉នសត្រូវឱ្យទិញសព្វាវុធមកកម្ទេចយើង!ខ្ញុំឈប់គាំទ្រផលិតផលថៃ ខ្ញុំឈប់ទទួលប្រម៉ូតផលិតផលថៃ ចាប់ពីពេលនេះតទៅ»។ លោកក៏បានដាក់ហាសថេកមួយទៀតថា «ចូលរួមគាំទ្រផលិតផលក្នុងស្រុក»។

នេះជាស្មារតីជាតិនិយមមួយបន្ទាប់ពីទទួលបានការឈឺចាប់យ៉ាងខ្លាំងពីសំណាកប្រទេសថៃដែលចូលមកឈ្លានពានប្រទេសកម្ពុជាបានធ្វើឱ្យប្រជាពលរដ្ឋជាច្រើនរងទុក្ខ។

គួរឱ្យដឹងថាមិនត្រឹមតែ Q Win ប៉ុណ្ណោះទេដែលប្រកាសជាសាធារណៈឈប់ផ្សព្វផ្សាយផលិតផលិតរបស់សៀម បុគ្គលល្បីឈ្មោះដូចជា ឆាឆា ក៏បានសម្រេចចិត្តមិនប្រូម៉ូតផលិតផលរបស់ប្រទេសថៃឡើយ។ មិនត្រឹមតែបុគ្គលល្បីឈ្មោះប៉ុណ្ណោះទេមានមនុស្សជាច្រើនទៀតបានប្តេជ្ញាឈប់ប្រើប្រាស់ផលិតផលរបស់ប្រទេសនេះតទៀត៕

តារារ៉េបល្បីឈ្មោះ វណ្ណដា និងតារារួមទ្រនំព្រមទាំងសិល្បករជាច្រើនរូបទៀតបានទៅសួរសុខទុក្ខបងប្អូនជនភៀសសឹកនៅវត្តពោធិ៥០០០ ខេត្តព្រះវិហារ។ ជាមួយនឹងការសួរសុខទុក្ខ វណ្ណដា ក៏បាននាំទំពាំងស្នងឬស្សីច្រៀងបទ «ដែនដីខ្មែរ» បណ្តុះស្មារតីជាតិនិយមផងដែរ។

មិននិយាយស្តីអ្វីច្រើននោះទេ ប៉ុន្តែ វណ្ណដា គឺជារឿយៗតែងតែបានបង្ហាញសកម្មភាពផ្ទាល់តែម្តង។ ជាក់ស្តែងបន្ទាប់ពីចេញវីដេអូប្រាប់ទៅកាន់ពិភពលោកអំពីរឿងរ៉ាវពិតពីជម្លោះព្រំដែនខ្មែរ-ថៃ ដែលប្រទេសថៃជាអ្នកចាប់ផ្តើមសង្គ្រាម វណ្ណដា និងតារាបារមីបានបង្ហាញខ្លួនចុះទៅសួរសុទ្ធបងប្អូនប្រជាពលរដ្ឋដែលកំពុងភៀសសឹកនៅក្នុងខេត្តព្រះវិហារ។ តាមរយៈរូបភាពដែលបង្ហោះនៅលើទំព័រផេកផ្លូវការរបស់នាយករដ្ឋមន្រ្តីនៃព្រះរាជាណាចក្រកម្ពុជា គឺគេបានឃើញ វណ្ណដា ឡូរីន ហ្សាណា នរិទ្ធ កញ្ញា ឡូរ៉ា ម៉ម ជាដើមបានថតរូបជាមួយស្រ្តីទី១នៃកម្ពុជា។

អ្វីដែលសំខាន់ ការទៅសួរសុខទុក្ខបងប្អូនភៀសសឹកនៅតំបន់សង្គ្រាមគេបានឃើញតារាបារមី បានថតរូបជាមួយលោកឧកញ៉ា ព្រាប សុវត្ថិ កញ្ញា តន់ ច័ន្ទសីម៉ា ជាដើមប្រកបដោយស្មារតីខ្មែរស្រលាញ់ រួមគ្នាជាធ្លុងមួយប្រកបដោយសាមគ្គីភាព។

ជាមួយគ្នានេះដែរគេក៏បានឃើញ វណ្ណដា បានកាន់ក្បាលមេក្រូបបួលកុមារដែលជាទំពាំងស្នងឬស្សីសម្រាប់ប្រទេសជាតិ បណ្តុះជាតិនិយមជាមួយនឹងបទ «ដែនដីខ្មែរ»។ ក្មេងៗនៅទីនោះគឺបានច្រៀងស្រុះគ្នាយ៉ាងខ្លាំងទៅលើបទចម្រៀងដ៏មានអត្ថន័យមួយនេះសម្រាប់ប្រជាជនខ្មែរគ្រប់ៗរូប។

គួរបញ្ជាក់ផងដែរ វីដេអូដែល វណ្ណដា និយាយជាភាសាអង់គ្លេសអំពីប្រទេសថៃជាអ្នកចាប់ផ្តើមសង្គ្រាមមុនដោយបានលើកហេតុផលមានអំណះអំណាងត្រឹមត្រូវពីការបដិសេធរបស់របស់ប្រទេសថៃមិនចង់ស្វែងរកផ្លូវសន្តិភាពជាមួយប្រទេសកម្ពុជាគឺពិតជាមានឥទ្ធិពលយ៉ាងខ្លាំង។

ការចេញពីវីដេអូនិយាយការពិតនេះមានប្រជាជនថៃជាច្រើនបញ្ចេញមតិប្រតិកម្មមិនពេញចិត្តចំពោះ វណ្ណដា ព្រោះតារារ៉េបរូបនេះគឺមានភាពល្បីល្បាញនៅប្រទេសថៃ។ ងាកទៅកាន់បណ្តាញសង្គម IG របស់លោកវិញគឺបានធ្លាក់ចំនួនគាំទ្រនិងមានមតិយោបល់ជាច្រើនពីជនជាតិថៃ។ យ៉ាងណា វណ្ណដា មិនខ្លាចបាត់បង់ប្រជាប្រិយភាពរបស់ខ្លួនពីប្រទេសមួយនេះឡើយ ថែមទាំងបានទៅផ្តល់កម្លាំងចិត្តដល់ជនភៀសសឹកជាជនស្លូតត្រង់ត្រូវរងគ្រោះពីការឈ្លានពានថៃថែមទៀត៕

កញ្ញា ប៉ូគឹមថេង សុតធីតា បើទោះបីពេលនេះកំពុងជួបប្រទះបញ្ហាសុខភាពក្តីក៏បានបង្ហាញការខ្វល់ខ្វាយពីរឿងប្រទេសជាតិខណៈទម្លាយកាលពីពេលនាងប្រកួតឈុតតំណាងជាតិនៅឯប្រទេសថៃដែលមានការចង្អុលដោយក្តីមុតមាំត្រូវក្រុមការងារធ្វើបាបអត់អាហារញុំាពីរពេល។ មិនត្រឹមតែប៉ុណ្ណោះ សុតធីតា ក៏បានផ្តាំផ្ញើទៅកាន់បវរកញ្ញាជំនាន់ក្រោយប្រសិនជាទៅប្រកួតនៅប្រទេសសៀមព្យាយាមអត់ធ្មត់ឱ្យខ្លាំងព្រោះនាងធ្លាប់ជួបឆ្អែតហើយ។

ថ្មីៗនេះពាក្យសម្តីរបស់ ណាវ៉ាត់ វាយប្រហារជាសាធារណៈមកកាន់ខាងថ្នាក់ដឹកនាំប្រទេសកម្ពុជាគឺពិតជាធ្វើឱ្យមនុស្សជាច្រើនកើតចិត្តខឹងសម្បារយ៉ាងខ្លាំង។ជាមួយគ្នានេះ កញ្ញា ប៉ូគឹមថេង សុតធីតា ដែលធ្លាប់តំណាងប្រទេសកម្ពុជាចូលរួមប្រកួតកម្មវិធីរបស់ ណាវ៉ាត់ កាលពីឆ្នាំ២០២១ បានព្រលះចាស់ដៃទៅកាន់ម្ចាស់កម្មវិធី។ សុតធីតា ក៏បានលើកឡើងដែរថា ការតស៊ូមតិរបស់កម្មវិធីខ្លួនឯងសុទ្ធតែបញ្ឈប់អំពើហិង្សា និងសង្រ្គាម ! តែភ្លើងក្នុងចិត្តម្ចាស់កម្មវិធីពោរពេញទៅដោយភាពហិង្សា។

ដល់ដំណាក់កាលដែលគ្មានរឿងអ្វីត្រូវលាក់បាំងមហាជនតទៅទៀត ប៉ូគឹមថេង សុតធីតា ក៏បានចែករំលែកនូវរឿងរ៉ាវពេលប្រកួតឈុតតំណាងជាតិ។ តារាស្រីរូបនេះបានលើកឡើងថា «ជំនាន់ឈុតតំណាងជាតិ គ្រាន់តែចង្អុលមុខពិននិង ខ្ញុំដាច់បាយ២ពេល ទៅយកបាយ ក្រុមការងារគេថាអស់បាយ ទាំងការពិតសល់រាបសិបប្រអប់ខ្ញុំទៅខ្វល់អីលុយមាន ទិញអីហូបខ្លួនឯង … លូវ MU បានធ្វើរឺអត់ មានអ្នកហ៊ានទៅរឺអត់ បើអត់ ទុកឱ្យខ្ញុំ ( តែសុំវេចមី២កេសទៅ ) លើកនេះមិនត្រឹមតែចង្អុលមុខទេ បើក្បាលមេក្រូបានដល់ដៃខ្ញុំហើយ ខ្ញុំធានាដាក់ឱ្យផ្អើលពិភពលោក អត់បានឱ្យតាឯងលាបពណ៌សម្តេចពុកខ្ញុំតាមអំពើចិត្តបានទេ។ ចាំអត់បវរកញ្ញាមីយ៉ាន់ម៉ានិយាយរឿងសង្រ្គាមក្នុងប្រទេសហើយចូលស្រុកលែងបាន ចុះបើខ្ញុំបាននិយាយដែរ បើបាននិយាយហើយ មិនក៏មិនទៅ លែងខ្វល់ហើយឱ្យតែបានជួយជាតិ»។

ក្រោយទម្លាយរឿងក្រុមការងារខាងផ្ទះលេខ២ធ្វើបាប ប៉ូគឹមថេង សុតធីតា ក៏បានផ្តាំផ្ញើទៅកាន់បវរកញ្ញាជំនាន់ក្រោយត្រូវធ្វើយ៉ាងណាប្រសិនជាទៅប្រកួតនៅប្រទេសថៃ។ នាងបានរៀបរាប់ថា «ក្នុងកាលៈទេសៈនេះបើមានបរវកញ្ញាដែលបានទៅប្រកួត តែបើមិនមានក៏អត់ទៅ គឺសុំមានសារតិចតួចផ្តាំដល់បវរកញ្ញា បើបានទៅប្រកួតនៅប្រទេសសៀមកុំខ្លាច កុំបាក់ស្មារតី បើទោះជាក្រុមការងារគេធ្វើបាបរឺជាន់យ៉ាងណាក៏ដោយ សុធីតា ជួបឆ្អែតហើយ ទី ១ កុំហូបបាយគេ វេចមីទុកហូបខ្លួនឯងដើម្បីសុវត្តិភាព ទី២ កុំផឹកទឹកគេ ទិញទឹកសុតថ្មីហែកដបផឹកខ្លួនឯង ទី ៣ វេចមី ប្រហុក ផ្អក របស់ដែកហូបកើតដាក់តាមវ៉ាលី ទី ៤ បើអាចកុំហូបបាយប្រអប់របស់ពួកគេ លុយមានទិញហូបខ្លួនឯង ទី ៥ ត្រូវរក្សាភាពរឹងមាំ មុខមាំ អង់អាច ក្លាហាន ខ្លាំងខ្លាបើទោះជាក្រុមការងារនិយាយមើលងាយ ឌឺដង ឡកឡើយយ៉ាងណាក៏ឡើយ ធ្វើធម្មតា រឹងមាំ ពេលវេលាដែលឆ្លៀតប្រម៉ូតជាតិយើងបានគឺត្រូវតែឆ្លៀតគ្រប់ពេល ហើយក្រុមការងារនិយាយឌឺដង ឡកឡឺយអីក៏ឡកទៅ ទុកសំដីពួកក្រុមកាងារដូច គីគីព្រុសទៅ »។

សុតធីតា បានលើកឡើងទៀតថាកាលជំនាន់នាងប្រលងខំទប់ដែរតែទប់អត់ចង់ជាប់ បិះពានTOP10 ហោះជាប់ក្បាលក្រុមការងារដោយសារពាក្យសំដីឡកនិងទង្វើ អង្គុយពេបមាត់ ហើយនិយាយថា Cambodia មិននឹកស្មានសោះមុខដូចអ្នកឯងចិងចេះជាប់ Top 10 ដែរ តែនាង ទប់ទាល់តែជាប់នឹង។ តារាម៉ូដែលរូបនេះថា «យើងត្រូវប្រឹងឱ្យបានជាប់ Top ដើម្បីមានឱកាសនិយាយ ជាមួយមេក្រូ ហើយកម្មវិធីក៏មានជាការ live ឆ្លៀត ប្រឹងចូល ប្រឹងនិយាយ ប្រឹងប្រកាសពីការរងគ្រោះរបស់យើង ហើយបើបានមេក្រូបានដល់ដៃហើយទុកធ្វើអីដាក់ទៅ អោយផ្អើលពិភពលោកម្តងមើល ពួកអ្នកគ្មានសិទ្ធិលាបពណ៌សម្តេចពុកខ្ញុំទេ នេះជាសារតិចតួចផ្តាំដល់បងប្អូនបវរកញ្ញាបើបានប្រកួតលើកប្រទេសថៃ»៕

បេក្ខភាពបវរកញ្ញាចក្រវាលថៃម្នាក់មានឈ្មោះថា Naruemol Phimphakdee បានបាត់បង់ភាពអៀនខ្មាសនិងសេចក្តីថ្លៃថ្នូរនៅក្នុងខ្លួនបានយំរៀបរាប់ពីទុក្ខសោកដែលម្តាយរបស់នាងតែងតែសូមទោសដែលនាងមានឈាមជ័រជាខ្មែរ។ ការនិយាយបែបនេះដោយសារតែនាងចង់បានពិន្ទុពី ណាវ៉ាត់ ហើយចង់ទូលមកុដបវរកញ្ញាចក្រវាលថៃ២០២៥។

កាលពីកន្លងមកថ្មីៗនេះពាណិជ្ជករនិងជាប្រធានកម្មវិធីសម្រស់ ណាវ៉ាត់ អ៊ីសារ៉ាក្រៃសីលបានប្រើប្រាស់វេទិកា Miss Universe Thailand បានវាយប្រហារ ចោទប្រកាន់ ថោ្កលទោសមកកាន់ថ្នាក់ដឹកនាំកម្ពុជាធ្វើមើលតែខ្លួនឯងជានាយករដ្ឋមន្ត្រីថៃ។ ចំណែកឯនាងៗដែលជាបេក្ខភាពក្នុងការប្រកួតកម្មវិធីនេះមួយចំនួនបានបាត់បង់សេចក្តីថ្លៃថ្នូរភាពអៀនខ្មាសនៅក្នុងខ្លួន លែងម្ចាស់ការលើខ្លួនឯងខំផ្គាប់ចិត្តគ្រប់បែបយ៉ាងដើម្បីយល់ចិត្តចង់បានពិន្ទុពី ណាវ៉ាត់។

ជាក់ស្តែងបេក្ខនារី Miss Universe Phuket 2025 ឈ្មោះ Naruemol Phimphakdee ហេតុតែចង់ទូលមកុដក្នុងកម្មវិធីនេះបែរជានិយាយបង្ហាញដូចជាទុក្ខសោកខ្លាំងដែលនាងមានឈាមជ័រខ្មែរ។ កាលពីឆ្នាំ២០២៤ ក្នុងពេលនាងប្រកួតកម្មវិធី Miss Grand ថ្នាក់ខេត្តហើយដឹងថាកម្ពុជាជាសហម្ចាស់ផ្ទះ បានបង្ហាញថាខ្លួនជាកូនខ្មែរកាត់ថៃ ដើម្បីឱ្យនាងកាន់តែមានប្រជាប្រិយភាពទាំងពីរប្រទេស។ លុះពេលប្រកួតកម្មវិធីបវរកញ្ញាចក្រវាលថៃ២០២៥ ដែលប្រទេសខ្មែរនិងថៃមានបញ្ហាជាមួយគ្នា នាងបាននិយាយនៅក្នុងបទសម្ភាសន៍ថា ម្តាយនាងតែងតែសុំទោសដែលធ្វើឱ្យនាងមានឈាមជ័រជាខ្មែរពាក់កណ្តាល។

និយាយទួញសោកនេះហើយបេក្ខភាពរូបនេះគឺបានបញ្ចេញធាតុពិតតែម្តងថា បើនាងបានមកុដនៅថៃនាងនឹងជួយការពារមិនឱ្យខ្មែរមកដណ្តើមអ្វីពីថៃទៀតទេ។ មិនត្រឹមតែប៉ុណ្ណោះបុគ្គលរូបនេះកាន់តែគន្លើន ហ៊ានប្រមាថថ្នាក់ដឹកនាំកម្ពុជាថែមទៀត៕