ប្រទេសបារាំង គ្រោងនឹងទទួលស្គាល់រដ្ឋប៉ាឡេស្ទីនជាផ្លូវការ នៅខែកញ្ញាខាងមុខនេះ នៅឯមហាសន្និបាតអង្គការសហប្រជាជាតិ។
តាមរយៈ ប្រធានាធិបតីបារាំង លោក Emmanuel Macron បានលើកឡើងថា៖”ការសម្រេចចិត្ត ទទួលស្គាល់រដ្ឋប៉ាឡេស្ទីន គឺជាការឆ្លុះបញ្ចាំងពីការគាំទ្ររបស់ប្រជាជាតិបារាំង ដើម្បីធានាឱ្យបាននូវសន្តិភាពដ៏យូរអង្វែង និងត្រឹមត្រូវនៅក្នុងតំបន់”។
តាមរយៈការសម្រេចចិត្តធ្វើបែបនេះ នឹងធ្វើឱ្យប្រទេសបារាំង រងគំនាបជាខ្លាំងពីប្រទេសអ៊ីស្រាអ៊ែល និងសហរដ្ឋអាមេរិក។.png)
កន្លងមក សហរដ្ឋអាមេរិក បានប្រកាស ដោយប្រឆាំងជាដាច់ខាតមិនឱ្យទទួលស្គាល់រដ្ឋប៉ាឡេស្ទីន ជាឯកតោភាគី។
គួរបញ្ជាក់ថា ចាប់តាំងពីសង្គ្រាមប៉ាឡេស្ទីន និងអុីស្រាអែល ផ្ទុះឡើង មានតែប្រទេសអៀរឡង់ តែមួយប៉ុណ្ណោះ ដែលស្ថិតនៅក្នុងសមាជិកសហភាពអឺរ៉ុប ប្រកាសជំហរឈរខាងប៉ាឡេស្ទីន និងគាំទ្រ ឱ្យពិនិត្យឡើងវិញនៅច្បាប់ស្តីពីការបង្កើតរដ្ឋអុីស្រាអែល នៅឆ្នាំ១៩៤៨ ដែលបានធ្វើឱ្យប៉ាឡេស្ទីនដែលជាប្រជាជនម្ចាស់ស្រុក បែរជាត្រូវបាត់បង់ទឹកដី អស់ជាង៨០ភាគរយ៕.png)
