៤.៦ តំបន់ក្បែរប្រាសាទព្រះវិហារ ដែលថៃចិញ្ចឹមចិត្តចង់បានអស់រយៈពេលជិត៧០ឆ្នាំ

លាតសន្ធឹងលើផ្ទៃដីទំហំ៤,៦ គីឡូម៉ែត្រការ៉េ តំបន់៤.៦នៅក្បែរប្រាសាទព្រះវិហារ គឺជាតំបន់ក្តៅ ដែលថៃតែងតែចិញ្ចឹមចង់បានមកគ្រប់គ្រងអស់ជាច្រើនទសវត្ស។

នៅក្នុងជម្លោះព្រំដែនកម្ពុជា-ថៃ ទ័ពកម្ពុជាតែងតែឈរជើងខ្លាំងក្លា នៅតំបន់ចម្រៀកដីទំហំ ៤,៦គ.មការ៉េ ព្រោះតំបន់នេះ ជាស្នូលនៃការឈ្លានពានរបស់ទ័ពថៃ។

បើតាមប្រវត្តិសាស្រ្ត និងផ្អែកទៅតាមឯកសារអន្តរជាតិ សុទ្ធតែបញ្ជាក់ថា តំបន់៤.៦ ស្ថិតនៅជាដែនអធិបតេយ្យភាពរបស់កម្ពុជា។

តំបន់នេះ ត្រូវបានថៃ អះអាងរបស់ខ្លួន ទាំងដែលមិនមានឯកសារបញ្ជាក់ ដោយមានត្រឹមតែផែនទី ដែលថៃគូសជាឯកតោភាគីប៉ុណ្ណោះ។

ថៃ ចាត់ទុកតំបន់៤.៦ ស្ថិតក្នុងទឹកដីរបស់ខ្លួន អំឡុងឆ្នាំ២០០០ បន្ទាប់ពីតុលាការយុត្តិធម៌អន្តរជាតិ កំណត់ឱ្យថៃត្រូវតែដកយោធាទាំងអស់របស់ខ្លួន ចេញពីតំបន់មានជម្លោះនៅត្រង់ប្រាសាទព្រះវិហាររបស់កម្ពុជា កាលថ្ងៃទី១៥ ខែមិថុនា ឆ្នាំ១៩៦២។

ចាប់តាំងពីពេលនោះមក ថៃ តែព្យាយាមឈ្លានពានកម្ពុជាជាច្រើនលើកច្រើនសារ ដោយពួកគេមិនទទួលស្គាល់សេចក្តីសម្រេចរបស់តុលាការ៕