ប្រទេសថៃ ៖ កាលពីវេលាម៉ោងប្រមាណ១១និង៥២នាទី ថ្ងៃទី២៧ ខែកញ្ញា ឆ្នាំ២០២៥ កងទ័ពថៃបានចាប់ផ្តើមបា.ញ់ប្រ.ហារមុនមកលើទីតាំងកងកម្លាំងកម្ពុជា ដោយ បា.ញ់កំាភ្លើ.ងត្បាល់ និងកាំភ្លើ.ងដៃជាច្រើនគ្រាប់មកលើមូលដ្ឋានកងទ័ពកម្ពុជានៅតំបន់អានសេះ ។ ពេលនេះ កងទ័ពកម្ពុជាបាននឹងបន្តតាមដានលើការវិវត្តន៍នេះយ៉ាងប្រុងប្រយ័ត្ន យកចិត្តទុកដាក់ខ្ពស់បំផុត និងត្រៀមលក្ខណៈរួចជាស្រេចដើម្បីការពារបូរណភាពទឹកដី ។ ប៉ុន្តែភាគីថៃបែរជាចោទប្រកាន់កម្ពុជាជាអ្នកបា.ញ់មុន និងផ្សព្វផ្សាយព័ត៌មានបំភ្លៃឱ្យពិភពលោកយល់ខុស ។

អ្នកនាំពាក្យកងទ័ពជើងគោកថៃបានច្រានចោលព័ត៌មានកងទ័ពខ្លួនចាប់ផ្តើមបាញ់មុន ថែមទាំងថ្កោលទោសកម្ពុជា ថាជាអ្នកបាញ់មកលើថៃមុនទៅវិញ ។ អ្នកនាំពាក្យកងទ័ពថៃបាននិយាយមូលបង្កាច់នៅចំពោះមុខសារព័ត៌មានថា កម្ពុជាតែងតែនាំក្រុមអ្នកសង្កេតការណ៍អន្តរកាល (IOT) ទៅពិនិត្យមើលតំបន់ព្រំដែន ទើបសង្ស័យកម្ពុជាបង្កើតស្ថានការណ៍នេះញុះញង់ថៃ រួចហើយ កម្ពុជានឹងប្រមូលភស្តុតាងជូនដំណឹងដល់ IOT ថា ថៃបំពានកិច្ចព្រមព្រៀងឈប់បាញ់ ។

ក្រោយពីអ្នកនាំពាក្យកងទ័ពជើងគោកថៃចោទប្រកាន់កម្ពុជាបាញ់មកលើថៃមុន អភិបាលរងខេត្តឧប៊ុនរ៉ាជថានីបានកោះប្រជុំបន្ទាន់ជាមួយមន្ត្រីផ្នែកសន្តិសុខនៅថ្ងៃទី២៧ ខែកញ្ញា ដើម្បីត្រៀមទប់ទល់ស្ថានការណ៍ រួមទាំងបញ្ជាឱ្យបើកជំរំជនភៀសសឹកទាំងអស់សម្រាប់ឱ្យពលរដ្ឋស្នាក់នៅ ។

លោក ភព ភូសុមប៉ង អភិបាលរងខេត្តឧប៊ុនរ៉ាជថានី បានធ្វើជាប្រធានកិច្ចប្រជុំបន្ទាន់នេះ ដោយចោទប្រកាន់កម្ពុជាបាញ់មកលើថៃមុន ។ លោកប្រាប់ឱ្យមន្ត្រីពាក់ព័ន្ធត្រៀមខ្លួនទប់ទល់ស្ថានការណ៍ និងជួយជម្លៀសពលរដ្ឋរងផលប៉ះពាល់ឱ្យបានលឿនបំផុត នៅពេលមានការប៉ះទង្គិចគ្នាកើតឡើងនៅព្រំដែនកម្ពុជា-ថៃ ។ ក្រៅពីនេះ ត្រូវតាមដានស្ថានការណ៍ព្រំដែននៅស្រុកណាមយឺន ខេត្តឧប៊ុនរ៉ាជថានី យ៉ាងដិតដល់ បើមានការប៉ះទង្គិចទៀតនឹងអនុវត្តតាមផែនការភ្លាមៗ ។

អភិបាលរងខេត្តឧប៊ុនរ៉ាជថានីនិយាយថា ស្រុកណាមយឺន និងស្រុកណាមខុន ពុំទាន់ប្រកាសឱ្យពលរដ្ឋជម្លៀសចេញពីលំនៅឋានជាផ្លូវការទេនៅថ្ងៃទី២៧ ខែកញ្ញា ប៉ុន្តែបើពលរដ្ឋបារម្ភពីស្ថានការណ៍ព្រំដែន គឺអាចជម្លៀសទៅស្នាក់នៅជំរំភៀសសឹកបាន ។ ពលរដ្ឋអាចសួរនាំអាជ្ញាធរមូលដ្ឋានពីទីតាំងជំរំភៀសសឹក ពីព្រោះពេលនេះ លោកបានបញ្ជាឱ្យបើកជំរំភៀសសឹកគ្រប់កន្លែងរួចហើយ ។

គួរបញ្ជាក់ថា កាលពីពេលកងទ័ពឈ្លានពានថៃបាញ់ប្រហារមុនមកលើកម្ពុជាកាលពីខែកក្កដា ឆ្នាំ២០២៥ កន្លងមក គឺថៃបានប្រើប្រាស់បណ្តាញសង្គមផ្សព្វផ្សាយមូលបង្កាច់កម្ពុជាជាអ្នកបាញ់ថៃមុន ។ ហេតុនេះ សូមពលរដ្ឋខ្មែរជួយផ្សព្វផ្សាយពីទង្វើថោកទាបរបស់កងទ័ពឈ្លានពានថៃ ដែលចាប់ផ្តើមបាញ់ប្រហារមុនមកលើទីតាំងកងកម្លាំងកម្ពុជាដើម្បីឱ្យពិភពលោកបានដឹង ពីព្រោះកងទ័ពថៃ និងក្រុមជ្រុលនិយមថៃពុំចង់បានសន្តិភាពទេ ។

កងកម្លាំងរបស់កម្ពុជាបានបញ្ជាក់សាជាថ្មីនូវការប្តេជ្ញាចិត្តយ៉ាងម៉ឺងម៉ាត់ក្នុងការគោរព និងអនុវត្តនូវកិច្ចព្រមព្រៀងបទឈប់បាញ់រវាងកម្ពុជា-ថៃ ឱ្យបានពេញលេញនិងខ្ជាប់ខ្ជួនបំផុត ដោយបន្តសហការគ្នាឱ្យបានជិតស្និទ្ធនៅគ្រប់កម្រិត និងស្វែងរកកិច្ចសហប្រតិបត្តិការជាក់ស្តែង សំដៅលើកកម្ពស់សន្តិភាព និងស្ថិរភាពរវាងប្រទេសទាំងពីរ ក៏ដូចជាការវិលត្រឡប់ទៅរកប្រក្រតីភាពឡើងវិញឱ្យបានឆាប់រហ័ស និងអំពាវនាវឱ្យភាគីថៃអនុវត្ត និងគោរពឱ្យបានម៉ឹងម៉ាត់ដូចគ្នា ៕

លោកដូណាល់ ត្រាំ បានចេញបញ្ជាឱ្យរដ្ឋាភិបាលអាមេរិក ធ្វើយ៉ាងណា ដើម្បីចូលទៅគ្រប់គ្រងដ្ឋានទ័ពអាកាស Bagram របស់ខ្លួនឡើងវិញ។

ត្រាំ បានគំរាមយកមូលដ្ឋានទ័ពនេះមកវិញ តែត្រូវបានរដ្ឋាភិបាលតាលីបង់ ចេញមកបដិសេធ ដោយអះអាងថាគ្មានកិច្ចព្រមព្រៀងប្រគល់មូលដ្ឋានទ័ពអាហ្វហ្កានីស្ថានទៅឱ្យអាមេរិកនោះទេ។

មូលដ្ឋាន Bagram ស្ថិតនៅចម្ងាយប្រមាណ ៥០គីឡូម៉ែត្រពីទីក្រុងកាប៊ូល ដែលអាមេរិកបានបោះបង់ចោល ក្រោយដកទ័ពចេញពីប្រទេសអាហ្វហ្កានីស្ថាន អំឡុងឆ្នាំ២០២១ ។

ត្រាំ ចង់បានមូលដ្ឋានទ័ពនេះមកវិញ ដើម្បីកាត់បន្ថយឥទ្ធិពលប្រទេសចិន ទៅលើប្រទេសអាហ្វហ្កានីស្ថាន ជាពិសេសវានៅជិតទីតាំងផលិតអាវុធនុយក្លេអ៊ែររបស់ចិន។

មូលដ្ឋាន Bagram សាងសង់ឡើងដោយសហភាពសូវៀតនៅ១៩៥០ មុននឹងត្រូវបានអាមេរិកចូលទៅគ្រប់គ្រងនៅសម័យសង្រ្គាមត្រជាក់។

អាមេរិកបានគ្រប់គ្រងមូលដ្ឋាននេះតាំងពីឆ្នាំ២០០១ ដល់ឆ្នាំ២០២១ ដោយបានផ្តួលរំលំអំណាចរបស់ពួកតាលីបង់នៅអាហ្វហ្កានីស្ថាន៕

ឥណ្ឌូនេណេសុី ត្រៀមបញ្ជូនកងទ័ព ២មុឺនាក់ទៅកាន់តំបន់ហ្គាហ្សា ដែលកំពុងរងការវាយប្រហារពីប្រទេសអុីស្រាអ៊ែល ក្នុងនាមជាកងកម្លាំងរក្សាសន្តិភាព។

បើយោងតាមលោក Prabowo Subianto ប្រធានធិបតីឥណ្ឌូណេសុី បានថ្លែងថា៖” ឥណ្ឌូណេស៊ី ត្រៀមខ្លួនរួចជាស្រេចក្នុងការដាក់ពង្រាយកងទ័ព ដើម្បីបង្កើតសន្តិភាពនៅតំបន់ហ្គាហ្សា និងនៅគ្រប់ទីកន្លែងលើពិភពលោក ដែលត្រូវការសន្តិភាព”។

លោក Subianto សង្កត់ធ្ងន់ថា៖” ឥណ្ឌូណេស៊ី នឹងមិនទទួលស្គាល់អ៊ីស្រាអែលជារដ្ឋឯករាជ្យនោះទេ បើអ៊ីស្រាអែល នៅតែមិនព្រមទទួលស្គាល់រដ្ឋប៉ាឡេស្ទីន”។

ឥណ្ឌូណេស៊ី មិន​ដែល​មាន​ទំនាក់ទំនង​ការទូត​ជាមួយ​អ៊ីស្រាអែល​ទេ ចាប់តាំងពីប្រទេសនេះប្រកាសជារដ្ឋឯករាជ្យ ដោយឥណ្ឌូណេស៊ីយល់ឃើញថាទឹកដីរបស់អ៊ីស្រាអែល ជាទឹកដីរបស់រដ្ឋឥស្លាមប៉ាឡេស្ទីន។

ក្រៅពីឥណ្ឌូនេសុី ក៏មានប្រទេសជាសមាជិកអាស៊ាន២ផ្សេងទៀត ដែលមិនទទួលស្គាល់អុីស្រាអ៊ែលផងដែរ គឺ ម៉ាឡេសុី និង ប្រុយណេ៕

ពិតជាមិនចោលសន្ដានភូតកុហកមែន! ក្រោយក្រសួងការពារជាតិកម្ពុជាចេញសេចក្ដីប្រកាសព័ត៌មានស្ដីពីស្ថានភាពព្រំដែននៅតំបន់អានសេះថាមានការផ្ទុះអាវុ.ធច្រើនគ្រាប់ពីសំណាក់ភាគីថៃបា.ញ់មកលើមូលដ្ឋានទ័ពកម្ពុជា អ្នកនាំពាក្យកងទ័ពជើងគោកថៃបានចេញមកច្រានចោលព័ត៌មាននោះភ្លាមៗ និងថែមទាំងថ្កោលទោសកម្ពុជាចំពោះការបា.ញ់បង្កហេតុមកលើថៃមុន។

តាមរយៈការចេញផ្សាយរបស់ Khaosod នារសៀលថ្ងៃទី 27 ខែកញ្ញា ឆ្នាំ 2025 មុននេះបន្តិចបានឲ្យដឹងថា លោក Winthai Suvaree អ្នកនាំពាក្យនៃកងទ័ពភូមិន្ទថៃ (RTA) បានប្រកាសជាសាធារណៈថា នៅចន្លោះម៉ោងប្រហែល 12:00 ដល់ 12:30 រសៀល RTA បានទទួលរបាយការណ៍ពីបញ្ជាការដ្ឋានកងទ័ពជើងគោកទី 2 ដែលបញ្ជាក់ថាទាហានកម្ពុជាបានប្រើអាវុធធុនតូច និងគ្រាប់បែកដៃបា.ញ់ និងគប់ចូលទៅក្នុងមូលដ្ឋានកងកម្លាំងថៃក្បែរតំបន់ ច្រលអានសេះ ដែលថៃបានហៅថា Chong Ahn Ma ។ បច្ចុប្បន្នកងកម្លាំងសុរាណារីកំពុងមានភាពប្រុងប្រយ័ត្នខ្ពស់ ហើយនឹងបើកការសងសឹកវិញទៅតាមស្ថានភាពប្រសិនបើមានការបញ្ជា។

បន្ថែមពីនោះ អ្នកនាំពាក្យកងទ័ពបានព្យាយាមនិយាយបំភ្លើសនៅចំពោះមុខសារព័ត៌មានថា ភាគីកម្ពុជាតែងតែនាំក្រុមអ្នកសង្កេតការណ៍បណ្តោះអាសន្នកម្ពុជា (IOT) ទៅត្រួតពិនិត្យតំបន់នេះ។ ដូច្នេះហើយ ទើបគេសង្ស័យថា ទង្វើបង្កើតស្ថានការណ៍នេះ គឺជាការញុះញង់ឱ្យភាគីថៃ សងសឹក និងវាយប្រហារទៅវិញ ដើម្បីគេអាចយករឿងនេះធ្វើជាភស្តុតាង សម្រាប់ជូនដំណឹងដល់ IOT នៅខាងកម្ពុជាថា ភាគីថៃបានបំពានលើកិច្ចព្រមព្រៀងឈប់បា.ញ់មែន។

ដោយឡែកងាកមកខាងកម្ពុជា ក្រសួងការពារជាតិបានធ្វើកំណត់ហេតុផ្ទុះអាវុ.ធយ៉ាងច្បាស់លាស់ ដោយបង្ហាញថា កាលពីវេលាម៉ោង 11:52 ព្រឹក ថ្ងៃទី27 ខែកញ្ញា យោធាថៃបានចាប់ផ្តើមធ្វើការបា.ញ់ប្រហារមុនមកលើទីតាំងកងកម្លាំងកម្ពុជា ដោយបានបា.ញ់កាំភ្លើងត្បាល់និងកាំភ្លើងដៃ ជាច្រើនគ្រាប់មកតំបន់មូលដ្ឋានកងទ័ពកម្ពុជានៅតំបន់អានសេះ។

ទោះជាយ៉ាងណាក៏ដោយ ក្រសួងការពារសូមគូសបញ្ជាក់ថា នៅក្នុងស្ថានការណ៍ដ៏ផុយស្រួល ដែលភាគីថៃកំពុងបង្កហេតុញុះញង់ឲ្យមានអំពើហិង្សានេះ កងកម្លាំងកម្ពុជានឹងតាមដានលើការវិវត្តន៍ថ្មីៗដោយប្រុងប្រយ័ត្នបំផុតជាបន្ត យកចិត្តទុកដាក់ខ្ពស់បំផុត និងត្រៀមលក្ខណៈរួចជាស្រេច ដើម្បីការពារបូរណភាពទឹកដីពីសត្រូវដែលមានបំណងឈ្លានពាន៕

ប្រទេសថៃ ៖ មេបញ្ជាការយោធភូមិភាគ២ លោក ប៊ុនស៊ីន ផាកក្លាង ទទួលបានប្រជាប្រិយភាព និងការគោរពស្រឡាញ់យ៉ាងខ្លាំងពីសំណាក់ពលរដ្ឋថៃទូទាំងប្រទេស រហូតដល់ពលរដ្ឋថៃខ្លះស្នើឱ្យលោកកាន់តំណែងជានាយករដ្ឋមន្ត្រី ក្រោយពីចេញមុខឈ្លា.នពាន បង្កជម្លោះជាមួយកម្ពុជារហូតមក ។ មេទ័ពឈ្លានពាននេះធ្លាប់ប្រកាសថា ពុំកាន់តំណែងក្រោយចូលនិវត្តន៍ ខ្លួននឹងរស់នៅជាពលរដ្ឋសាមញ្ញដែលស្រឡាញ់ទឹកដី ការពារអធិបតេយ្យ ប៉ុន្តែនៅថ្ងៃទី២៦ ខែកញ្ញា ឆ្នាំ២០២៥ ស្តេចថៃបានចេញព្រះរាជក្រឹត្យតែងតាំងមេទ័ពឈ្លានពាននេះធ្វើជាអង្គរក្សពិសេស ។

សារព័ត៌មានថៃ Matichon រាយការណ៍ថា កាលពីថ្ងៃទី២៦ ខែកញ្ញា កន្លងមក ស្តេចថៃបានចេញព្រះរាជក្រឹត្យតែងតាំងមន្ត្រីកងទ័ព និងមន្ត្រីសមត្ថកិច្ច ចំនួន៣៨នាក់ ធ្វើជាអង្គរក្សពិសេសរបស់ស្តេចថៃ ក្នុងនោះមេបញ្ជាការយោធភូមិភាគ២ លោក ប៊ុនស៊ីន ផាកក្លាង ដែលនឹងចូលនិវត្តន៍នៅថ្ងៃទី៣០ ខែកញ្ញា ក៏ទទួលបានតំណែងជាអង្គរក្សពិសេសរបស់ស្តេចដែរ ។

លោក ប៊ុនស៊ីន ផាកក្លាង មេបញ្ជាការយោធភូមិភាគ២ រួមទាំងមន្ត្រីកងទ័ព និងមន្ត្រីសមត្ថកិច្ច សរុបចំនួន៣៨នាក់ដែលមានឈ្មោះក្នុងបញ្ជី នឹងធ្វើជាអង្គរក្សពិសេសរបស់ស្តេចថៃ ចាប់ពីថ្ងៃទី១ ខែតុលា ឆ្នាំ២០២៥ ។ ពលរដ្ឋថៃចូលរួមត្រេកអរជាមួយលោក ប៊ុនស៊ីន ដែលទទួលបានតំណែងថ្មី ក្រោយពីលោកចេញមុខឈ្លានពានរំលោភអធិបតេយ្យភាពកម្ពុជា ។

ចំណែកមេបញ្ជាការរងយោធភូមិភាគ២ លោក វីរៈយុទ្ធ រ៉ាក់ស៊ីន នឹងឡើងកាន់តំណែងជាមេបញ្ជាការយោធភូមិភាគ២ ជំនួសលោក ប៊ុនស៊ីន ចាប់ពីថ្ងៃទី១ ខែតុលា ដោយសារលោក វីរៈយុទ្ធ បានចូលរួមភារកិច្ចជាមួយកងទ័ពថៃឈ្លានពានកម្ពុជានៅសមរភូមិមុខកាលពីខែកក្កដា ។ អតីតមេបញ្ជាការយោធភូមិភាគ២ ជាច្រើននាក់ទទួលស្គាល់លោក វីរៈយុទ្ធ ជាមេបញ្ជាការកងទ័ពមានស្នាដៃល្អ មិនខុសពីលោក ប៊ុនស៊ីន ។

គួរបញ្ជាក់ថា លោក ប៊ុនស៊ីន គឺជាបុគ្គលបង្កជម្លោះ និយាយមូលបង្កាច់ និងចោទប្រកាន់កម្ពុជា រហូតទទួលបានការលើកតម្កើងពីពលរដ្ឋថៃទូទាំងប្រទេស ក៏ដូចជាស្តេចថៃសព្វប្រទ័យនឹងការងាររបស់លោក ។ ប៉ុន្តែអ្នកជំនាញសេដ្ឋកិច្ចមើលឃើញថា លោក ប៊ុនស៊ីន គ្មានចំណេះដឹងផ្នែកសេដ្ឋកិច្ចទេ ដឹងតែធ្វើសង្គ្រាមប៉ុណ្ណោះ លោករស់នៅព្រំដែនស្ទើរមួយជីវិត ទើបពុំយល់ដឹងពីផលប៉ះពាល់សេដ្ឋកិច្ចថៃដោយសារការបិទព្រំដែនជាមួយកម្ពុជា ៕

ប្រទេសអ៊ីតាលី ៖ ទីក្រុងបូលហ្សាណូ ស្ថិតនៅភាគខាងជើងប្រទេសអ៊ីតាលី បានបង្កើតច្បាប់ថ្មីសម្រាប់ម្ចាស់សត្វចិញ្ចឹមដើម្បីដោះស្រាយបញ្ហាកខ្វក់ទីក្រុង គឺច្បាប់ថ្មីតម្រូវឱ្យភ្ញៀវទេសចរបរទេស និងពលរដ្ឋអ៊ីតាលីដែលយកឆ្កែមកដើរលេងក្នុងទីក្រុងនេះ ត្រូវតែមានលិខិតឆ្លងដែនសត្វ (Pet Passport) ចាក់វ៉ាក់សាំងការពារជំងឺឆ្កែឆ្កួត និងបង់ប្រាក់ ទើបអាចនាំឆ្កែមកលេងតាមទីសាធារណៈក្នុងទីក្រុងបាន ។ នេះបើតាមការផ្សព្វផ្សាយរបស់សារព័ត៌មាន CNN កាលពីថ្ងៃទី២៤ ខែកញ្ញា ឆ្នាំ២០២៥ ។

ការបង្កើតច្បាប់ថ្មីក្រោយពីភ្ញៀវទេសចរបរទេសជាច្រើនបាននាំឆ្កែមកលេងតាមទីសាធារណៈ និងបន្ទោរបង់ធ្វើឱ្យកខ្វក់ទីក្រុង ឬមានគ្រោះថ្នាក់តាមផ្លូវ ។ ពលរដ្ឋអ៊ីតាលីបាននិយាយពីបញ្ហានេះថា តើគួរហាមឃាត់ភ្ញៀវទេសចរនាំឆ្កែមកទីសាធារណៈដែរឬទេ ដែលមានទាំងអ្នកយល់ស្រប និងជំទាស់ ទើបទីក្រុងបូលហ្សាណូបង្កើតច្បាប់ថ្មី គឺចាប់ពីឆ្នាំ២០២៦ ភ្ញៀវទេសចរបរទេសដែលនាំឆ្កែមកលេងទីក្រុង ត្រូវបង់ប្រាក់១.៥០អឺរ៉ូក្នុង១ថ្ងៃ (ឬជាង៥ពាន់រៀល) ។ រីឯពលរដ្ឋអ៊ីតាលីត្រូវបង់ប្រាក់ចំនួន១០០អឺរ៉ូក្នុង១ឆ្នាំ (ឬជាង១០០ដុល្លារ) ។

គោលបំណងនៃការប្រមូលប្រាក់ពីម្ចាស់ឆ្កែ គឺសម្រាប់ចំណាយលើការសម្អាតផ្លូវ និងបង្កើតសួនច្បារថ្មីដែលធ្វើឡើងសម្រាប់សត្វឆ្កែ និងម្ចាស់ ។ រីឯពាក្យចចាមអារ៉ាមថា អ៊ីតាលីនឹងហាមឃាត់ការនាំឆ្កែមកកាន់ទីសាធារណៈ គឺពុំទាន់ច្បាស់លាស់ទេ ។ កន្លងមក ទីក្រុងបូលហ្សាណូ កំណត់ឱ្យពលរដ្ឋបង់ប្រាក់ចុះឈ្មោះពិនិត្យ DNA ឆ្កែ ដើម្បីឱ្យអាជ្ញាធរអាចពិន័យប្រាក់អ្នកដែលពុំប្រមូលលាមកឆ្កែតាមផ្លូវ ស្មើ៦០០អឺរ៉ូក្នុង១លើក ។

សមាជិកក្រុមប្រឹក្សាខេត្ត លោក Louis Walcher ជាអ្នកទាមទារឱ្យបង្កើតច្បាប់ថ្មីនិយាយថា ពលរដ្ឋដែលបានចុះឈ្មោះពិនិត្យ DNA ឆ្កែ នឹងទទួលបានការលើកលែងពន្ធរយៈពេល២ឆ្នាំ ។ ប៉ុន្តែភ្នាក់ងារជាតិការពារសត្វបានប្រឆាំងនឹងការចុះឈ្មោះពិនិត្យ DNA ថា គ្មានប្រយោជន៍ ដោយអាជ្ញាធរគួរផ្តោតលើការអប់រំពលរដ្ឋ និងភ្ញៀវទេសចរឱ្យយល់ពីភាពកខ្វក់ក្នុងទីក្រុង ។

ទីក្រុងគួរទាក់ទាញភ្ញៀវទេសចរដើម្បីបង្កើនចំណូលចូលជាតិ បែរជាតម្រូវឱ្យភ្ញៀវទេសចរដែលនាំឆ្កែចូលទីក្រុងត្រូវបង់ប្រាក់ ។ បច្ចុប្បន្ន ភ្ញៀវទេសចរនិយមនាំឆ្កែដើរលេងគ្រប់កន្លែង ពីព្រោះសត្វជាសមាជិកគ្រួសារ ដែលដំណើរកម្សាន្តបែបនេះហៅថា «Pet-Friendly Tourism» ដោយសារពួកគេចង់ទទួលបទពិសោធន៍ធ្វើដំណើរជាមួយសត្វ ។ ហេតុនេះ ការរឹតបន្តឹង ឬទាមទារប្រាក់ពីភ្ញៀវទេសចរដែលមានសត្វចិញ្ចឹម នឹងធ្វើឱ្យភ្ញៀវទេសចរស្ទាក់ស្ទើរក្នុងការធ្វើដំណើរមកលេងទីក្រុងបូលហ្សាណូ ។

អាជ្ញាធរគួរពិចារណាពីការរក្សាអនាម័យ សណ្តាប់ធ្នាប់ទីក្រុង និងស្វាគមន៍ភ្ញៀវទេសចរបរទេសដែលបានធ្វើដំណើរមកលេងទីក្រុងជាមួយសត្វចិញ្ចឹម ល្អជាងប្រមូលប្រាក់តែម្យ៉ាង ។ ដំណោះស្រាយ គឺរៀបចំកន្លែងសាធារណៈសម្រាប់ឆ្កែ ដាក់ធុងសំរាមជាច្រើន ផ្តល់ឧបករណ៍សម្អាត ព្រមទាំងអប់រំភ្ញៀវទេសចរ និងពលរដ្ឋអ៊ីតាលីឱ្យយល់ពីផលប៉ះពាល់ដោយសារទីក្រុងកខ្វក់ ។ នេះបើតាមការលើកឡើងរបស់ភ្នាក់ងារជាតិការពារសត្វ ៕