ទីក្រុងសេអ៊ូល៖ ភ្នាក់ងារនគរបាលជាតិកូរ៉េខាងត្បូង នៅថ្ងៃទី១២ ខែតុលា បានប្រកាសជាសាធារណៈ អំពីផែនការប្រឆាំងនឹងការកើនឡើងនៃឧក្រិដ្ឋកម្មលើជនជាតិកូរ៉េនៅក្នុងប្រទេសកម្ពុជា ដោយត្រៀមបញ្ជូនមន្រ្តីស៊ើបអង្កេតកូរ៉េទៅធ្វើការដោយផ្ទាល់ជាមួយកម្ពុជាដើម្បីពង្រឹងការអនុវត្តច្បាប់នៅក្នុងតំបន់។ នេះបើតាមការចុះផ្សាយរបស់ទីភ្នាក់ងារព័ត៌មាន Yonhap News របស់កូរ៉េខាងត្បូង។

ប្រភពខាងលើបានបង្ហាញថា មន្ត្រីប៉ូលីសកូរ៉េនឹងជួបជាមួយអាជ្ញាធរកម្ពុជានៅថ្ងៃទី 23 ខែតុលា ខាងមុខនៅទីក្រុងសេអ៊ូល ដើម្បីចុះហត្ថលេខាលើ MOU ស្តីពីការបង្កើត “តុកូរ៉េ” ឬ Korean Desk ដែលជាអង្គភាពប៉ូលីសកូរ៉េខាងត្បូង ដើម្បីបញ្ជូនមន្រ្តីប៉ូលីសកូរ៉េមកធ្វើការនៅកម្ពុជា។ កន្លងមកអង្គភាពនេះ ត្រូវបានបង្កើតឡើងនៅក្នុងប្រទេសហ្វីលីពីន និងថៃរួចមកហើយ ហើយឥឡូវនេះកូរ៉េខាងត្បូងគ្រោងនឹងបង្កើតមួយទៀតនៅប្រទេសកម្ពុជា ដោយសារតែបទឧក្រិដ្ឋដែលផ្តោតលើជនជាតិកូរ៉េបានកើនឡើងនៅទីនោះ។

ក្រៅពីនេះ កូរ៉េខាងត្បូងក៏មានគម្រោងពង្រីកកិច្ចសហប្រតិបត្តិការអន្តរជាតិ ដោយបង្កើតក្រុមការងាររួមគ្នាជាមួយប៉ូលីស Interpol រដ្ឋសមាជិកអាស៊ាន ចិន និងជប៉ុន ដើម្បីប្រយុទ្ធប្រឆាំងនឹងឧក្រិដ្ឋកម្មឆ្លងដែន ដូចជាការចាប់ជំរិត ការក្លែងបន្លំ និងការបោកប្រាស់តាមអ៊ីនធឺណិត។

បច្ចុប្បន្នមន្ត្រីជំនាញកូរ៉េកំពុងសម្របសម្រួលដំណើរការនេះជាមួយអាជ្ញាធរកម្ពុជា ជុំវិញការធ្វើមាតុភូមិនិវត្តន៍សា.កស.ពនិស្សិតកូរ៉េម្នាក់ដែលត្រូវបានគេប្រទះឃើញស្លា.ប់នៅខេត្តកំពត។ ស្នងការស្តីទី ឧត្តមសេនីយ៍ Yoo Jae-sung បាននិយាយថា ប៉ូលីសនឹង “ប្រមូលសមត្ថភាពសហប្រតិបត្តិការអន្តរជាតិទាំងអស់ ដើម្បីការពារពលរដ្ឋកូរ៉េនៅកម្ពុជា និងធានាសុវត្ថិភាពរបស់ពួកគេ”។

ឆ្លើយតបទៅនឹងបញ្ហាដែលកំពុងមានភាពក្ដៅគគុករវាងកម្ពុជា និង កូរ៉េខាងត្បូងនេះ អគ្គស្នងការដ្ឋាននគរបាលជាតិបានចេញសេចក្តីប្រកាសព័ត៌មាន កាលពីថ្ងៃទី១០ ខែតុលា ឆ្នាំ២០២៥ ថា ជុំវិញការផ្សព្វផ្សាយរបស់ South China Morning Post ថាមាននិស្សិតកូរ៉េត្រូវបានគេចាប់ជំរិត ធ្វើទារុ.ណក.ម្ម និងស្លា.ប់នៅកម្ពុជា គឺជាបទឧក្រិដ្ឋដែលជាប់ពាក់ព័ន្ធនឹងជនជាតិចិនបានប្រព្រឹត្តសកម្មភាពខុសច្បាប់លើជនជាតិកូរ៉េ។ ក្រោយការស្រាវជ្រាវ សមត្ថកិច្ចបានឃាត់ខ្លួនជនសង្ស័យជាជនជាតិចិនចំនួន០៣នាក់ភ្លាមៗ និងបន្តស្រាវជ្រាវកំណត់ទីតាំងបានមួយកន្លែង ដែលស.ពមានវត្តមានមុនពេលស្លាប់ និងបានឈាន ទៅបង្ក្រាបទីតាំងនោះ ក្រោយមានសញ្ញាណធ្វើសកម្មភាពអនឡាញខុសច្បាប់ ព្រមទាំងបានដកហូតសម្ភារវត្ថុតាងមួយចំនួនផងដែរ ។

បើតាមការបញ្ជាក់ នៅក្នុងករណីនេះគឺសមត្ថកិច្ចកម្ពុជា ពុំទទួលបានព័ត៌មាន ឬបណ្តឹងពីក្រុមគ្រួសារសព ឬពីស្ថានទូត ដូចការចុះផ្សាយរបស់ South China Morning Post ដែលថា គ្រួសារស.ពបានស្វែងរកកិច្ចអន្តរាគមន៍ ជួយសង្គ្រោះតាមរយៈស្ថានទូត និងនគរបាលមូលដ្ឋាននោះទេ ។

ទោះជាយ៉ាងណា បច្ចុប្បន្នសមត្ថកិច្ចជំនាញ បាននិងកំពុងសហការជាមួយស្ថានទូតកូរ៉េខាងត្បូង ប្រចាំព្រះរាជាណាចក្រកម្ពុជា រៀបចំបែបបទនីតិវិធីផ្សេងៗ និងកំពុងបន្តស្រាវជ្រាវជនស្វែងរកចាប់ខ្លួនជនសង្ស័យ ដែលបានរត់គេចខ្លួន និងបក្ខពួកមកអនុវត្តទោសតាមច្បាប់ជាធរមាន ៕

ចលនាពហិការរបស់បងប្អូនខ្មែរកំពុងហុចផលបន្តិចម្ដងៗហើយ! ពេលនេះម្ចាស់កសិដ្ឋានចិញ្ចឹមគោយកទឹកដោះនៅថៃ បានសម្រេចចាក់ទឹកដោះគោស្រស់ចោលទាំងឡាន ក្រោយឆ្អែតចិត្តនឹងរដ្ឋាភិបាលដែលអសមត្ថភាព មិនអាចរកទីផ្សារសម្រាប់ពួកគេបាន ស្របពេលដែលក្រុមហ៊ុនមួយចំនួនទៀតនៅកម្ពុជាអំពាវនាវរកជំនួយពីក្រសួងការបរទេស។

កាលពីថ្ងៃទី១១ ខែតុលា ឆ្នាំ២០២៥ ទំព័រហ្វេសប៊ុកដែលតែងផ្សព្វផ្សាយពីការចិញ្ចឹមគោយកទឹកដោះនៅថៃបានបង្ហោះរូបភាពប៉ុន្មានសន្លឹកជាមួយនឹងការសរសេដែលមានខ្លឹមសារថា៖ កុំមកនិយាយផ្អែមល្ហែម… មជ្ឈមណ្ឌលប្រមូលទឹកដោះគោរបស់កសិដ្ឋានទឹកដោះគោស្រស់ នៅតែត្រូវបង្ហូរទឹកដោះគោដែលគ្មានទីផ្សារចោលទៅវាលស្មៅ ដើម្បីសល់កន្លែងផ្ទុកសម្រាប់ទទួលទឹកដោះគោថ្មីពីសមាជិកផ្សេងបន្ថែមទៀតជារៀងរាល់ថ្ងៃ។ រដ្ឋាភិបាលសន្យាថានឹងដោះស្រាយបញ្ហានេះ… កុំសួរថាមជ្ឈមណ្ឌលនេះខាតប៉ុន្មាន។ ពួកគេបានបាត់លុយអស់ហើយ… សំខាន់ជាងនេះទៅទៀត សមាជិករាប់រយនាក់នឹងត្រូវដកចេញ។

នៅក្នុងការបង្ហោះនោះ គេឃើញមានរថយន្តមួយគ្រឿងដែលផ្ទុកទឹកដោះគោស្រស់ពេញ ត្រូវបានគេបើកបង្ហូរចោលទៅលើដី ដែលបញ្ជាក់បានថាទឹកដោះគោស្រស់របស់ថៃកំពុងជាប់គាំងមិនអាចលក់ចេញទៅណាបាន ចំពេលដែលមជ្ឈមណ្ឌលប្រមូលទឹកដោះគោត្រូវប្រមូលទិញទឹកដោះគោថ្មីៗពីម្ចាស់កសិដ្ឋានផ្សេងៗទៀតប៉ុន្តែគ្មានកន្លែងផ្ទុក ដូច្នេះជម្រើសចុងក្រោយគឺមានតែចាក់ចោលដើម្បីយកកន្លែងផ្ទុកទឹកដោះគោថ្មី។

ក្រៅពីឧស្សាហកម្មទឹកដោះគោនៅថៃកំពុងជួបការលំបាកក្នុងការរកទីផ្សារ វិស័យឯកជនថៃនៅកម្ពុជាក៏បានបង្ហាញក្ដីកង្វល់ពីស្ថានភាពចំណូលរបស់ពួកគេថាមានការដាំក្បាលចុះយ៉ាងខ្លាំង និងស្នើសុំឲ្យមានការអន្តរាគមន៍ពីក្រសួងការបរទេសថៃ ទៅពិភាក្សាឬចរចាជាមួយកម្ពុជា ធ្វើយ៉ាងណាឲ្យមានការបើកផ្លូវសម្រាប់អាជីវកម្មរបស់ពួកគេនៅកម្ពុជាផង។

ឆ្លើយតបនឹងការដង្ហើយរកជំនួយនេះ ក្រសួងការបរទេសថៃ គ្រោងនឹងធ្វើសេចក្តីសង្ខេបជូនគណៈរដ្ឋមន្ត្រីសេដ្ឋកិច្ចអំពីស្ថានភាពបច្ចុប្បន្ននៃធុរកិច្ចថៃដែលកំពុងប្រតិបត្តិការនៅកម្ពុជា ហើយអាជ្ញាធរថៃក៏មានគម្រោងសម្របសម្រួលយ៉ាងជិតស្និទ្ធជាមួយភ្នាក់ងារពាក់ព័ន្ធ ដើម្បីកាត់បន្ថយការរំខានដែលប៉ះពាល់ដល់អាជីវករ និងសហគមន៍មូលដ្ឋាននៅតាមព្រំដែនកម្ពុជា-ថៃ។

បើទោះបីជាកំពុងប្រឈមនឹងការខាតបង់យ៉ាងច្រើនក្តី ប៉ុន្តែអ្នកនាំពាក្យក្រសួងការបរទេសថៃ លោក Nikorndej Balankura នៅតែបដិសេធចំពោះរាល់សំណើរបើកច្រកព្រំដែនឡើងវិញ ដោយអះអាងថា វិស័យឯកជនយល់យ៉ាងច្បាស់អំពីហេតុផលសន្តិសុខដែលនៅពីក្រោយការបិទព្រំដែនរបស់ថៃ និងសម្តែងការយល់ចិត្តចំពោះជំហររបស់រដ្ឋាភិបាលថៃ។ ជាមួយគ្នាអ្នកនាំពាក្យរូបនេះបាននិយាយថា ប្រទេសថៃនៅតែមានទំនុកចិត្តលើវិស័យការទូតហើយ ថ្លែងទាំងគ្មានភាពខ្មាសអៀនថាប្រសិនបើកម្ពុជាចរចាដោយស្មោះត្រង់ នោះស្ថានការណ៍នឹងប្រសើរឡើង៕

ប្រទេសចិន ៖ រដ្ឋាភិបាលចិនបានចេញសេចក្តីថ្លែងការណ៍ឆ្លើយតបទៅអាមេរិកថា អាមេរិកប្រកាសដំឡើងពន្ធទំនិញចិនរហូតដល់១០០% គឺគ្មានភាពយុត្តិធម៌ទេ ចិនសូមបញ្ជាក់ពីការរឹតបន្តឹងការនាំចេញរ៉ែកម្ររបស់ចិន គឺដើម្បីសន្តិសុខប៉ុណ្ណោះ មិនមែនជាសង្គ្រា.មពាណិជ្ជកម្ម ។ នេះបើតាមការចុះផ្សាយរបស់សារព័ត៌មានបរទេសកាលពីថ្ងៃទី១២ ខែតុលា ឆ្នាំ២០២៥ ។

រដ្ឋាភិបាលចិនបានចេញសេចក្តីថ្លែងការណ៍ឆ្លើយតបទៅអាមេរិកកាលពីថ្ងៃទី១២ ខែតុលា កន្លងមក ដោយចោទប្រកាន់ប្រធានាធិបតីអាមេរិក លោក Donald Trump មានគោលជំហរ២ផ្សេងគ្នា ។ ការចោទប្រកាន់នេះ ក្រោយពីអាមេរិកប្រកាសដំឡើងពន្ធទំនិញចិនស្មើ១០០% និងរិះគ.ន់រដ្ឋាភិបាលក្រុងប៉េកាំងរឹតបន្តឹងការរនាំចេញរ៉ែកម្រធ្វើឱ្យមានភាពតានតឹងផ្នែកពាណិជ្ជកម្ម ។

តាមសេចក្តីថ្លែងការណ៍របស់ក្រសួងពាណិជ្ជកម្មចិន គឺវិធានការរឹតបន្តឹងការនាំចេញរ៉ែកម្រ និងឧបករណ៍ពាក់ព័ន្ធរបស់ចិន គឺដោយសារអាមេរិកដាក់សម្ពាធសេដ្ឋកិច្ចចិន ។ ក្រោយពីការចរចាពាណិជ្ជកម្មរវាងប្រទេសទាំងពីរនៅទីក្រុងម៉ាឌ្រីដ ប្រទេសអេស្ប៉ាញ កាលពីខែកញ្ញា ឆ្នាំ២០២៥ អាមេរិកបានដាក់ក្រុមហ៊ុនចិនមួយចំនួនក្នុងបញ្ជីខ្មៅ និងប្រមូលថ្លៃសេវាកំពង់ផែបន្ថែមទៀតសម្រាប់នាវាពាក់ព័ន្ធនឹងចិន ។ ចិនចាត់ទុកទង្វើរបស់អាមេរិកធ្វើឱ្យខូចផលប្រយោជន៍ចិនយ៉ាងខ្លាំង និងប៉ះពាល់ការចរចាពាណិជ្ជកម្ម ចិនប្រឆាំងដាច់ខាតចំពោះអាមេរិកដំឡើងពន្ធទំនិញចិនខ្ពស់ ។

កាលពីថ្ងៃទី១០ ខែតុលា លោក Trump បានប្រកាសដំឡើងពន្ធចិនស្មើ១០០% និងត្រៀមរឹតបន្តឹងការនាំចេញ Software សំខាន់របស់អាមេរិកចាប់ពីថ្ងៃទី១ ខែវិច្ឆិកា ឆ្នាំ២០២៥ ។ លោក Trump ធ្វើបែបនេះដើម្បីឆ្លើយតបនឹងចិនដែលរឹតបន្តឹងការនាំចេញរ៉ែកម្រ ដែលជាវត្ថុធាតុដើមដ៏សំខាន់ក្នុងឧស្សាហកម្មអេឡិចត្រូនិក និងឧបករណ៍កងទ័ព ។

ចិនបានផលិតរ៉ែកម្ររហូតដល់ជាង៩០% នៃបរិមាណរ៉ែកម្រប្រើប្រាស់ទូទាំងពិភពលោក ដែលជាវត្ថុធាតុដើមសំខាន់សម្រាប់រថយន្តអគ្គិសនី ម៉ាស៊ីនយន្តហោះ និងរ៉េដាកងទ័ព ខណៈថ្មីៗនេះ ចិនបានរឹតបន្តឹងការនាំចេញរ៉ែកម្រ៥ប្រភេទទៀត ។

ភ្នាក់ងារគ្រប់គ្រងទីផ្សាររបស់ចិន (SAMR) បានចាប់ផ្តើមស៊ើបអង្កេត Qualcomm គឺជាក្រុមហ៊ុនឈីបអាមេរិកពីការបំពានច្បាប់ប្រឆាំងនឹងទំនុកចិត្ត ក្រោយពីក្រុមហ៊ុននេះទិញក្រុមហ៊ុនរចនាបន្ទះឈីបរបស់អ៊ីស្រាអែល ឈ្មោះ Autotalks ដោយពុំជូនដំណឹងរដ្ឋាភិបាលចិន ។ ភ្នាក់ងារ SAMR បញ្ជាក់ថា ក្រោយមានភស្តុតាងច្បាស់លាស់ ភ្នាក់ងារបានស៊ើបអង្កេតក្រុមហ៊ុន Qualcomm តាមច្បាប់ ដោយសារបានទិញក្រុមហ៊ុនរចនាបន្ទះឈីបរបស់អ៊ីស្រាអែលដោយខុសច្បាប់ ៕

កាលពីយប់ថ្ងៃទី១០ ដល់ថ្ងៃទី១១ ខែតុលា ឆ្នាំ២០២៥ កងទ័ពថៃឃុបឃិតជាមួយបុគ្គល កាន់ ចមផ្លាំង Influencer ប្រព្រឹត្តទង្វើរំលោ.ភសិទ្ធិមនុស្សផ្ទុយនឹងច្បាប់អន្តរជាតិ ដោយយកឧបករណ៍បំពងសំឡេងលាន់ឭខ្លាំងមកចាក់សំឡេងរំខានដំណេកពលរដ្ឋខ្មែរនៅភូមិព្រៃចាន់ និងភូមិជោគជ័យ ដូចជា ៖ សំឡេងខ្មោចលង សំឡេងយន្តហោះ និងឆ្កែលូ ធ្វើឱ្យប៉ះពាល់យ៉ាងធ្ងន់ធ្ងរដល់ការសម្រាក និងផ្លូវចិត្តពលរដ្ឋខ្មែរ រួមមានចាស់ជរា អ្នកជំងឺ ជនពិការ ក្មេ.ងតូចៗ និងស្ត្រីមានផ្ទៃពោះ ។ នៅយប់ថ្ងៃទី១២ ខែតុលា កងទ័ពថៃបានបញ្ចាំងកុនឯកសារនៅភូមិណងចាន់ (ទល់មុខភូមិជោគជ័យ) ឱ្យពលរដ្ឋខ្មែរទស្សនាដើម្បីនឹកឃើញអតីតកាល ដោយចោទពលរដ្ឋខ្មែរបំភ្លេចគុណថៃ ។

កងទ័ពបូព៌ាថៃអះអាងថា ការបញ្ចាំងកុនឯកសារនៅយប់ថ្ងៃទី១២ ខែតុលា ក្នុងភូមិជោគជ័យ គឺដើម្បីបង្ហាញពីរឿងរ៉ាវពលរដ្ឋខ្មែរគេចពីសង្គ្រាមសម័យកម្ពុជាប្រជាធិបតេយ្យ មករស់នៅជំរំជនភៀសខ្លួនណងចាន់ (ឬជំរំភៀសខ្លួន ៥១១) ។ កងទ័ពថៃនិយាយបំភ្លៃថា វាជាជំរំបណ្តោះអាសន្ននៅព្រំដែនកម្ពុជា-ថៃ ដែលថៃអនុញ្ញាតឱ្យពលរដ្ឋខ្មែរស្នាក់នៅគេចពីសង្គ្រាមកាលពីប្រមាណ៤០ឆ្នាំមុន ដោយសារគោលការណ៍មនុស្សធម៌ ។

ការបញ្ចាំងកុនឯកសារនៅភូមិជោគជ័យឱ្យពលរដ្ឋខ្មែរទស្សនា គឺដើម្បីកុំឱ្យពលរដ្ឋខ្មែរបំភ្លេចគុណថៃ ដោយកងទ័ពថៃចោទប្រកាន់ពលរដ្ឋខ្មែរស្នាក់នៅជំរំណងចាន់ គឺជាទឹកដីថៃ ។ ការបញ្ចាំងកុនឯកសារនេះ គឺក្រោយពីកងទ័ពថៃបើកដៃឱ្យបុគ្គល កាន់ ចមផ្លាំង Influencer ចាក់សំឡេងរំខានពលរដ្ឋខ្មែរនៅភូមិព្រៃចាន់ និងភូមិជោគជ័យ ដូចជា ៖ សំឡេងខ្មោចលង សំឡេងយន្តហោះ និងឆ្កែលូ ធ្វើឱ្យប៉ះពាល់យ៉ាងធ្ងន់ធ្ងរដល់ការសម្រាក និងផ្លូវចិត្តពលរដ្ឋខ្មែរ ។

កាលពីយប់ថ្ងៃទី១០ ដល់ថ្ងៃទី១១ ខែតុលា ក្រុមការងាររបស់បុគ្គល កាន់ ចមផ្លាំង បានប្រចាំការនៅតំបន់ព្រំដែនខេត្តស្រះកែវដើម្បីដាក់សម្ពាធផ្លូវចិត្តពលរដ្ឋខ្មែរ ដោយការបើកសំឡេងរំខាន ដូចជា សំឡេងខ្មោចលង សំឡេងយន្តហោះចម្បាំង F-16 និង Gripen និងបញ្ចាំងកុនឯកសារ ។ បន្ទាប់មក បុគ្គល កាន់ ចមផ្លាំង បានបញ្ជូនរថយន្តចាក់ធុងបាស់ជាបន្តបន្ទាប់មកកាន់តំបន់ព្រំដែនភូមិណងយ៉ាកែវ និងភូមិណងចាន់ (ទល់មុខភូមិព្រៃចាន់ និងភូមិជោគជ័យ) ដើម្បីបញ្ចាំងកុនឯកសារនៅយប់ថ្ងៃទី១២ ខែតុលា ដែលមានទាំងភាសាថៃ និងភាសាខ្មែរ ។

កងទ័ពថៃបញ្ជាក់ថា ការចាក់សំឡេងរំខាន និងបញ្ចាំងកុនឯកសារ គឺគ្រាន់តែជាវិធានការចាប់ផ្តើមដើម្បីបណ្តេញពលរដ្ឋខ្មែរចេញពីទឹកដីកម្ពុជា ហើយពួកគេនឹងអនុវត្តវិធានការជាច្រើនទៀត ចាប់ពីកម្រិតស្រាល ទៅកម្រិតធ្ងន់ ។

ក្រោយពីបុគ្គល កាន់ ចមផ្លាំង ចេញមុខឈ្លានពានទឹកដីកម្ពុជាឥតខ្មាស និងប្រព្រឹត្តទង្វើថោកទាបជាច្រើនធ្វើឱ្យបុគ្គលនេះទទួលបានប្រជាប្រិយភាពយ៉ាងខ្លាំងពីពលរដ្ឋថៃជ្រុលនិយម បន្ទាប់ពីបុគ្គល ប៊ុនស៊ីន ផាកក្លាង អតីតមេបញ្ជាការយោធភូមិភាគ២ ។ ប៉ុន្តែការប្រព្រឹត្តទង្វើថោកទាបនេះពុំទទួលបានការគាំទ្រពីសមាជិកព្រឹទ្ធសភាថៃទេ ។ សមាជិកព្រឹទ្ធសភាថៃបានបង្ហាញក្តីបារម្ភថា វាជាការបំពានសិទ្ធិមនុស្សធ្ងន់ធ្ងរ និងស្នើឱ្យរដ្ឋាភិបាលថៃពិនិត្យមើលបុគ្គល កាន់ ចមផ្លាង ឡើងវិញ ។

ប៉ុន្តែរដ្ឋាភិបាលថៃក្រោមការដឹកនាំរបស់នាយករដ្ឋមន្ត្រី លោក អនុថីន ឆាន់វីរៈគូន ពុំបានហាមឃាត់ទេ ថែមទាំងបើកដៃឱ្យបុគ្គល កាន់ ចមផ្លាំង សហការជាមួយកងទ័ពបើកសំឡេងរំខានពលរដ្ឋខ្មែរ ដោយនាយករដ្ឋមន្ត្រីថៃថា កងទ័ពមានផែនការសម្ងាត់បណ្តេញពលរដ្ឋខ្មែរចេញពីតំបន់ភូមិព្រៃចាន់ និងតំបន់ភូមិជោគជ័យ ។

គួរបញ្ជាក់ថា យោងតាមលិខិតរបស់រដ្ឋបាលខេត្តបន្ទាយមានជ័យផ្ញើទៅកាន់អភិបាលខេត្តស្រះកែវនៅថ្ងៃទី៩ ខែតុលា ឆ្នាំ២០២៥ ឱ្យដឹងថា ពលរដ្ឋខ្មែរបានរស់នៅ និងកាន់កាប់លើភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ តាំងពីមុន MOU ឆ្នាំ២០០០ ចូលជាធរមាន ។ សកម្មភាពពលរដ្ឋខ្មែរប្រមូលផ្តុំនៅតំបន់នេះ គឺធ្វើឡើងក្នុងគោលបំណងការពារដីធ្លី ស្រែចម្ការ និងទ្រព្យសម្បត្តិស្របច្បាប់ប៉ុណ្ណោះ ៕

សម្ដីអមនុស្សធម៌ និងគ្មានការគិតពិចារណាបែបនេះក៏អាចនិយាយចេញមកកើតដែរ! នាយករដ្ឋមន្រ្តីថៃ លោក Anutin បាននិយាយដោយបើកចំហរថា លោកពិតជាចូលចិត្ត និងស្ងើចសរសើចំពោះសកម្មជន Kan Jomphalang ខ្លាំងណាស់ ដែលបាននឹកឃើញវិធីសាស្រ្តចាក់សម្លេងរំខានដល់ពលរដ្ឋខ្មែរនៅភូមិព្រៃចាន់។ នេះបើយោងតាមការចុះផ្សាយរបស់សារព័ត៌មាន Khaosod។

បាងកក៖ នៅថ្ងៃទី១២ ខែតុលា ឆ្នាំ២០២៥ នាយករដ្ឋមន្រ្ដី Anutin Charnvirakul បានបង្ហាញពីអារម្មណ៍ផ្ទាល់ខ្លួនរបស់លោកថា លោកសូមកោតសរសើ និងផ្ដល់ការគោរពចំពោះ Kan Jomphalang ដែលថ្មីៗនេះបានប្រើ ‘សំឡេងខ្មោចលង’ ដើម្បីរំខានប្រជាជនកម្ពុជា។ លោក Anutin ភ្ញាក់ផ្អើលដែលមនុស្សម្នាក់អាចជួយមនុស្សបានច្រើនជាងរដ្ឋ។ លោកទទូចថា គ្មានជនជាតិថៃណាម្នាក់ចូលចិត្តអ្នកឈ្លានពាននោះទេ ហើយលោកគ្រោងនឹងទៅលេងភូមិ Ban Nong Chanនៅពេលឆាប់ៗខាងមុខ។

លោក Anutin បានពោលសរសើមេដឹកនាំចលនាលាម.ក Jomphalang បន្ថែមទៀតថា៖ Kan Jomphalang តែម្នាក់ជួយមនុស្សបានច្រើនណាស់ ខ្ញុំត្រូវតែគោរពគាត់។ ៣-៤ ខេត្តហើយ ខ្ញុំឃើញតែរថយន្ត Kan Jomphalang វាជារឿងគួឲ្យភ្ញាក់ផ្អើលណាស់ ដែលបុគ្គលម្នាក់អាចកៀរគរជំនួយបានច្រើនជាងរដ្ឋទៅទៀត។ ប្រជាជនថៃយើង គួរតែថែរក្សាមនុស្សល្អដូចជាលោក Jomphalang នេះ។

សម្ដីរបស់នាយករដ្ឋមន្រ្តីថៃដូចខាងលើនេះ បានបង្ហាញពីកង្វះសីលធម៌ និងគុណធម៌ក្នុងនាមជាមេដឹកនាំប្រទេសមួយរូប ដែលមិនត្រឹមតែមិនអើពើនឹងសកម្មភាពរំលោ.ភបំពានសិទ្ធិមនុស្ស បន្ទាបបន្ថោកជាតិសាសន៍ដទៃយ៉ាងអមនុស្សធម៌របស់ជាតិសាសន៍ខ្លួនប៉ុណ្ណោះទេ ថែមទាំងបញ្ជាក់ពីការគាំទ្រនូវទង្វើនេះដោយគ្មានការគិតពិចារណាផងដែរ។

ផ្ទុយពីទស្សនៈរបស់នាយករដ្ឋមន្រ្តីខ្លួន សមាជិកព្រឺទ្ធសភាថៃ លោកស្រី Angkhana Neelapaijit ប្រតិកម្មប្រឆាំងនឹងការបង្កការរំខានដល់ពលរដ្ឋខ្មែរតាមរយៈការចាក់សម្លេងរំខានឮខ្លាំងៗនេះ ដោយលោកស្រីបង្ហាញក្ដីព្រួយបារម្ភថា ពិភពលោកនឹងមើលមកកាន់ថៃ ថាជាប្រទេសដែលបំពានសិទ្ធិមនុស្សយ៉ាងសាហាវព្រៃផ្សៃ បើថៃនៅតែបន្តសកម្មភាពនេះលើជនសុីវិលកម្ពុជាទៀត។

លោកស្រី Angkhana បានសង្កត់ធ្ងន់ថា៖ ទង្វើនៃការចាក់សម្លេងរំខាន អាចបង្កើតបានជាការធ្វើទារុណកម្មផ្លូវចិត្ត ក្រោមអនុសញ្ញា CAT [Convention Against Torture] ដែលប្រទេសថៃជាភាគី”។ ខ្ញុំចង់ដឹងថាតើរដ្ឋាភិបាលនឹងបញ្ជាក់ពីបញ្ហានេះយ៉ាងណានៅលើឆាកពិភពលោក?

បន្ថែមពីនេះ លោកស្រីក៏បានជំរុញឲ្យរដ្ឋាភិបាលថៃពិនិត្យមើលពីសកម្មភាពរបស់បុគ្គល Kan Jomphalang ដែលជាអ្នកមានឥទ្ធិពលលើបណ្ដាញសង្កមថៃឡើងវិញផងដែរ ខណៈពេលនេះកម្ពុជាបានដាក់ញត្តិប្ដឹងទៅកាន់ស្នងការជាន់ខ្ពស់អង្គការសហប្រជាជាតិ ឲ្យធ្វើការស៊ើបអង្កេតជាបន្ទាន់ និងបញ្ឈប់គ្រប់សកម្មភាពរបស់ថៃដែលគំរាមកំហែងផ្លូវចិត្តប្រជាជនកម្ពុជា៕

ប្រទេសថៃ ៖ នៅយប់ថ្ងៃទី១០ ថ្ងៃទី១១ និងថ្ងៃទី១២ ខែតុលា ឆ្នាំ២០២៥ រដ្ឋាភិបាល និងកងទ័ពថៃបើកដៃឱ្យបុគ្គល កាន់ ចមផ្លាំង Influencer ប្រព្រឹត្តទង្វើរំលោ.ភសិទ្ធិមនុស្សខុសច្បាប់អន្តរជាតិ ដោយយកឧបករណ៍បំពងសំឡេងដែលលាន់ឭខ្លាំងមកចាក់សំឡេងរំខានដំណេករបស់ពលរដ្ឋខ្មែរនៅភូមិព្រៃចាន់ និងភូមិជោគជ័យ ដូចជា ៖ សំឡេងខ្មោចលង សំឡេងយន្តហោះ និងឆ្កែលូ ធ្វើឱ្យប៉ះពាល់យ៉ាងធ្ងន់ធ្ងរដល់ការសម្រាក និងផ្លូវចិត្តរបស់ពលរដ្ឋខ្មែរ រួមមានចាស់ជរា ជនមានជំងឺ ជនពិការ ក្មេ.ងតូចៗ ស្ត្រីមានកូនតូច និងស្ត្រីមានផ្ទៃពោះ ។

ក្រោយពីបុគ្គល កាន់ ចមផ្លាំង ប្រព្រឹត្តទង្វើថោកទាប ខ្វះសីលធម៌ និងខ្វះភាពថ្លៃថ្នូរជាមនុស្ស មេបញ្ជាការកងទ័ពបូព៌ាថៃ ឬមេបញ្ជាការកងកម្លាំងបូរ៉ាផា លោក ដេឆាទិវង្ស ណាក់អយុថាយ៉ា បាននិយាយដោយគ្មានគិតពិចារណាថា កងទ័ពថៃបើកសំឡេងរំខានក្នុងទឹកដីថៃ ហើយខ្លួនមិនចាប់អារម្មណ៍កម្ពុជាប្តឹងទៅក្រុមអ្នកសង្កេតការណ៍អន្តរកាល (IOT) ទេ ។ នេះបើតាមការចុះផ្សាយរបស់សារព័ត៌មាន Khaosod កាលពីថ្ងៃទី១២ ខែតុលា ឆ្នាំ២០២៥ ។

លោក ដេឆាទិវង្ស បាននិយាយពីកិច្ចប្រជុំ RBC របស់កងទ័ពភូមិភាគទី១ ថា ពេលនេះ មិនទាន់មានកិច្ចប្រជុំទេ ពីព្រោះមេបញ្ជាការកងទ័ពភូមិភាគទី១ បានស្នើឱ្យកម្ពុជារៀបចំកិច្ចប្រជុំនាដើមខែតុលាកន្លងមក ប៉ុន្តែកម្ពុជាមិនទទួលយកសំណើរបស់ថៃ ។ មេបញ្ជាការកងទ័ពបូព៌ាថៃនិយាយបំភ្លៃថា ថៃដោះមីនកាលពីថ្ងៃទី១០ ខែតុលា គឺដោះក្នុងទឹកដីថៃដោយបានរកឃើញគ្រាប់មីន៣គ្រាប់ គួរឱ្យសោកស្តាយដែលកម្ពុជាឱ្យផ្អាកសកម្មភាព ប៉ុន្តែថៃមិនចាប់អារម្មណ៍ ពីព្រោះបានផ្ញើលិខិតជូនដំណឹងតាំងពីថ្ងៃទី៩ ខែតុលា ។

ការធ្វើសកម្មភាពឈូសឆាយដីធ្លីបំពានដែនអធិបតេយ្យភាពកម្ពុជា និងធ្វើទុក្ខបុកម្នេញលើពលរដ្ឋខ្មែររស់នៅភូមិព្រៃចាន់ ឃុំអូរបីជាន់ ស្រុកអូរជ្រោះ ខេត្តបន្ទាយមានជ័យ នារសៀលថ្ងៃទី១០ ខែតុលា ឆ្នាំ២០២៥ ដែលកម្ពុជា និងពិភពលោកថ្កោលទោសនោះ គឺជាវិធានការរបស់ថៃដើម្បីបណ្តេញពលរដ្ឋខ្មែរចេញពីទឹកដីកម្ពុជា ដែលថៃអះអាងជាទឹកដីរបស់ខ្លួន ។

ចំណែកពលរដ្ឋថៃជំរុញឱ្យបណ្តេញពលរដ្ឋខ្មែរចេញពីតំបន់ព្រំដែនខេត្តស្រះកែវនៅថ្ងៃទី៣១ ខែតុលា មេបញ្ជាការកងទ័ពបូព៌ានិយាយថា ពលរដ្ឋថៃស្រឡាញ់ទឹកដីមិនចាញ់កងទ័ព ប៉ុន្តែត្រូវវាយតម្លៃស្ថានការណ៍គ្រប់ពេលវេលា ។ បើមានឱកាស ថៃនឹងបណ្តេញពលរដ្ឋខ្មែរចេញពីផ្ទះសម្បែងជាបន្ទាន់ ប៉ុន្តែពេលនេះ កម្ពុជាតាមដានទង្វើរបស់ថៃជានិច្ច ថៃធ្វើអ្វីក៏កម្ពុជាដឹងដែរ ដូច្នេះ សំណូមពរទៅពលរដ្ឋថៃជួយគ្នាបិទបាំងព័ត៌មានសម្ងាត់របស់កងទ័ព ។

ចាប់ពីពេលនេះ ថៃនឹងបញ្ឈប់ការចរចា លុះត្រាកម្ពុជាបង្ហាញភាពស្មោះត្រង់ កម្ពុជាអញ្ជើញថៃប្រជុំ ប៉ុន្តែពុំប្រាប់ប្រធានបទ ទើបថៃចាត់ទុកថាឥតប្រយោជន៍ ។ កងទ័ពបើកដៃឱ្យបុគ្គល កាន់ ចមផ្លាំង Influencer បើកសំឡេងរំខានដំណេកពលរដ្ឋខ្មែរនៅភូមិព្រៃចាន់ និងភូមិជោគជ័យ គឺថៃមិនចាប់អារម្មណ៍នឹងកម្ពុជាប្តឹងទៅក្រុមអ្នកសង្កេតការណ៍អន្តរកាល (IOT) ទេ ពីព្រោះការបើកសំឡេងរំខាន គឺបើកក្នុងទឹកដីថៃ ។ ការបើកសំឡេងនេះ គឺដើម្បីឱ្យកងទ័ពថៃនៅព្រំដែនភ្ញាក់ពីដំណេក ហើយមិនប៉ះពាល់ពលរដ្ឋខ្មែរទេ ។ នេះបើតាមការលើកឡើងរបស់មេបញ្ជាការកងទ័ពបូព៌ា ។

គួរបញ្ជាក់ថា បុគ្គល កាន់ ចមផ្លាំង ទទួលបានប្រជាប្រិយភាពពីពលរដ្ឋថៃ ក្រោយពីប្រព្រឹត្តទង្វើរំលោ.ភសិទ្ធិមនុស្ស ជាពិសេស សិទ្ធិពលរដ្ឋខ្មែរនៅភូមិព្រៃចាន់ និងភូមិជោគជ័យ ។ កាលពីចុងខែសីហា ឆ្នាំ២០២៥ បុគ្គលនេះបានបញ្ជូនរថយន្តដឹកលាមកជាច្រើនគ្រឿងត្រៀមបាញ់លើពលរដ្ឋខ្មែរនៅភូមិជោគជ័យ និងភូមិព្រៃចាន់ ប៉ុន្តែត្រូវអាជ្ញាធរឱ្យផ្អាកសកម្មភាព ពីព្រោះជាទង្វើថោកទាបខ្លាំងពេក ។

ការបើកសំឡេងរំខានដំណេកពលរដ្ឋខ្មែរនេះ គឺនាយករដ្ឋមន្ត្រីថៃ លោក អនុថីន ឆាន់វីរៈគូន ពុំបានហាមឃាត់ទេ លោកបណ្តោយឱ្យបើកសំឡេងរំខាននេះ ថែមទាំងសរសើរបុគ្គល កាន់ ចមផ្លាំង ធ្វើសកម្មភាពដើម្បីជាតិលើសពីរដ្ឋាភិបាលអាណត្តិមុន ៕

បាងងកក៖ លោកស្រី Angkhana Neelapaijit សមាជិកនៃព្រឹទ្ធសភាថៃប្រតិកម្មនឹងសកម្មភាពរបស់សកម្មជនមានឥទ្ធិពលលើបណ្ដាញសង្គមថៃ Kan Jom Phalang ដែលបានចាក់សម្លេងខ្មោច និងឆ្កែលូរំខានពលរដ្ឋខ្មែរនៅភូមិព្រៃចាន់ ដោយលោកស្រីបង្ហាញក្ដីព្រួយបារម្ភថា ទង្វើនេះគឺជាការបំពានលើសិទ្ធិមនុស្សធ្ងន់ធ្ង និងស្នើឲ្យរដ្ឋាភិបាលថៃពិនិត្យមើលបុគ្គល Jom Phalang នេះឡើងវិញ។

នៅថ្ងៃទី១២ ខែតុលា ឆ្នាំ២០២៥ លោកស្រី Angkhana Neelapaijit បានបង្ហោះសារនៅលើទំព័រហ្វេសប៊ុកផ្លូវការរបស់គាត់ថា៖ ក្នុងអំឡុងពេលជម្លោះជាមួយប្រទេសកម្ពុជា សកម្មភាពដែលបានធ្វើឡើងដើម្បីដាក់សម្ពាធ ឬបង្កភាពភ័យខ្លាចលើពលរដ្ឋកម្ពុជា បានបង្កើតជាបញ្ហាប្រឈមសម្រាប់រដ្ឋាភិបាលថៃ ជាពិសេសចំពោះរដ្ឋមន្ត្រីក្រសួងការបរទេស ទាក់ទងនឹងការសម្រេចបាននូវដំណោះស្រាយរួមគ្នា។ លោកស្រីបានបន្តថា រដ្ឋាភិបាលត្រូវតែទទួលស្គាល់ថារាល់សកម្មភាពដែលថៃកំពុងធ្វើនេះ គឺស្ថិតក្រោមការត្រួតពិនិត្យដោយអង្គការសហប្រជាជាតិ។

លោកស្រីបន្តថា “រដ្ឋាភិបាលគួរតែដឹងថា សកម្មភាពណាមួយដែលបង្កការភ័យខ្លាច ឬប៉ះពាល់ដល់សុខុមាលភាពផ្លូវចិត្តរបស់ជនស៊ីវិល សូម្បីតែអ្នកដែលជាគូជម្លោះក៏ដោយ ជាពិសេសក្រុមដែលងាយរងគ្រោះ វាអាចបង្កើតជាការធ្វើទារុណកម្មផ្លូវចិត្ត ក្រោមអនុសញ្ញា CAT [Convention Against Torture] ដែលប្រទេសថៃជាភាគី”។ ខ្ញុំចង់ដឹងថាតើរដ្ឋាភិបាលនឹងបញ្ជាក់ពីបញ្ហានេះយ៉ាងណានៅលើឆាកពិភពលោក?

សមាជិកព្រឺទ្ធសភាថៃរូបនេះ ក៏បានជំរុញឱ្យក្រសួងការបរទេសថៃ ស៊ើបអង្កេតលើរឿងសំឡេងខ្មោច ដែលត្រូវគេរាយការណ៍ថា ចាក់ដោយអ្នកមានឥទ្ធិពលលើបណ្តាញសង្គមថៃម្នាក់ ដើម្បីរំខានដល់ពលរដ្ឋខ្មែរនៅតាមភូមិព្រំដែនដែលមានជម្លោះ ដោយព្រមានថា ទង្វើននេះគឺជាការបង្ហាញថាថៃ កំពុងរំលោភលើសិទ្ធមនុស្សមនុស្សធ្ងនធ្ង ខណៈកម្ពុជាបានផ្ញើលិខិតទៅទីភ្នាក់ងាររបស់អង្គការសហប្រជាជាតិទទួលបន្ទុកសិទ្ធិមនុស្សទាក់ទងនឹងរឿងនេះរួចរាល់។

គួរបញ្ជាក់ថា អស់រយៈពេល២យប់ហើយដែលថៃបន្តចាក់សំឡេងរំខានពលរដ្ឋខ្មែរនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បើទោះបីជាមានការចុះសង្កេតការណ៍ដោយក្រុមអ្នកអង្កេតការណ៍អន្តរកាល IOT ក៏ដោយ។

ឆ្លើយតបនឹងសកម្មភាពនេះ គណៈកម្មការសិទ្ធិមនុស្សកម្ពុជា (គ.ស.ម.ក) បានដាក់ញត្តិបន្ទាន់ដើម្បីប្ដឹងពីទង្វើដ៏ថោ.កទាប និងអមនុស្សធម៌របស់ថៃទៅកាន់ស្នងការជាន់ខ្ពស់អង្គការសហប្រជាជាតិ លោក Volker Türk ដោយបានអំពាវនាវដល់ស្ថាប័ននេះ ឲ្យធ្វើការស៊ើបអង្កេតជាបន្ទាន់ និងបញ្ឈប់គ្រប់សកម្មភាពដែលគំរាមកំហែងផ្លូវចិត្តប្រជាជនកម្ពុជា ធានាការពារនិងការផ្ដល់ជំនួយវេជ្ជសាស្ត្រនិងផ្លូវចិត្តចាំបាច់ដល់ជនរងគ្រោះ និងលើកទឹកចិត្តក្នុងការពង្រឹងកិច្ចសន្ទនាតាមព្រំដែនរវាងកម្ពុជានិងថៃ៕