សម្ដីអមនុស្សធម៌ និងគ្មានការគិតពិចារណាបែបនេះក៏អាចនិយាយចេញមកកើតដែរ! នាយករដ្ឋមន្រ្តីថៃ លោក Anutin បាននិយាយដោយបើកចំហរថា លោកពិតជាចូលចិត្ត និងស្ងើចសរសើចំពោះសកម្មជន Kan Jomphalang ខ្លាំងណាស់ ដែលបាននឹកឃើញវិធីសាស្រ្តចាក់សម្លេងរំខានដល់ពលរដ្ឋខ្មែរនៅភូមិព្រៃចាន់។ នេះបើយោងតាមការចុះផ្សាយរបស់សារព័ត៌មាន Khaosod។

បាងកក៖ នៅថ្ងៃទី១២ ខែតុលា ឆ្នាំ២០២៥ នាយករដ្ឋមន្រ្ដី Anutin Charnvirakul បានបង្ហាញពីអារម្មណ៍ផ្ទាល់ខ្លួនរបស់លោកថា លោកសូមកោតសរសើ និងផ្ដល់ការគោរពចំពោះ Kan Jomphalang ដែលថ្មីៗនេះបានប្រើ ‘សំឡេងខ្មោចលង’ ដើម្បីរំខានប្រជាជនកម្ពុជា។ លោក Anutin ភ្ញាក់ផ្អើលដែលមនុស្សម្នាក់អាចជួយមនុស្សបានច្រើនជាងរដ្ឋ។ លោកទទូចថា គ្មានជនជាតិថៃណាម្នាក់ចូលចិត្តអ្នកឈ្លានពាននោះទេ ហើយលោកគ្រោងនឹងទៅលេងភូមិ Ban Nong Chanនៅពេលឆាប់ៗខាងមុខ។

លោក Anutin បានពោលសរសើមេដឹកនាំចលនាលាម.ក Jomphalang បន្ថែមទៀតថា៖ Kan Jomphalang តែម្នាក់ជួយមនុស្សបានច្រើនណាស់ ខ្ញុំត្រូវតែគោរពគាត់។ ៣-៤ ខេត្តហើយ ខ្ញុំឃើញតែរថយន្ត Kan Jomphalang វាជារឿងគួឲ្យភ្ញាក់ផ្អើលណាស់ ដែលបុគ្គលម្នាក់អាចកៀរគរជំនួយបានច្រើនជាងរដ្ឋទៅទៀត។ ប្រជាជនថៃយើង គួរតែថែរក្សាមនុស្សល្អដូចជាលោក Jomphalang នេះ។

សម្ដីរបស់នាយករដ្ឋមន្រ្តីថៃដូចខាងលើនេះ បានបង្ហាញពីកង្វះសីលធម៌ និងគុណធម៌ក្នុងនាមជាមេដឹកនាំប្រទេសមួយរូប ដែលមិនត្រឹមតែមិនអើពើនឹងសកម្មភាពរំលោ.ភបំពានសិទ្ធិមនុស្ស បន្ទាបបន្ថោកជាតិសាសន៍ដទៃយ៉ាងអមនុស្សធម៌របស់ជាតិសាសន៍ខ្លួនប៉ុណ្ណោះទេ ថែមទាំងបញ្ជាក់ពីការគាំទ្រនូវទង្វើនេះដោយគ្មានការគិតពិចារណាផងដែរ។

ផ្ទុយពីទស្សនៈរបស់នាយករដ្ឋមន្រ្តីខ្លួន សមាជិកព្រឺទ្ធសភាថៃ លោកស្រី Angkhana Neelapaijit ប្រតិកម្មប្រឆាំងនឹងការបង្កការរំខានដល់ពលរដ្ឋខ្មែរតាមរយៈការចាក់សម្លេងរំខានឮខ្លាំងៗនេះ ដោយលោកស្រីបង្ហាញក្ដីព្រួយបារម្ភថា ពិភពលោកនឹងមើលមកកាន់ថៃ ថាជាប្រទេសដែលបំពានសិទ្ធិមនុស្សយ៉ាងសាហាវព្រៃផ្សៃ បើថៃនៅតែបន្តសកម្មភាពនេះលើជនសុីវិលកម្ពុជាទៀត។

លោកស្រី Angkhana បានសង្កត់ធ្ងន់ថា៖ ទង្វើនៃការចាក់សម្លេងរំខាន អាចបង្កើតបានជាការធ្វើទារុណកម្មផ្លូវចិត្ត ក្រោមអនុសញ្ញា CAT [Convention Against Torture] ដែលប្រទេសថៃជាភាគី”។ ខ្ញុំចង់ដឹងថាតើរដ្ឋាភិបាលនឹងបញ្ជាក់ពីបញ្ហានេះយ៉ាងណានៅលើឆាកពិភពលោក?

បន្ថែមពីនេះ លោកស្រីក៏បានជំរុញឲ្យរដ្ឋាភិបាលថៃពិនិត្យមើលពីសកម្មភាពរបស់បុគ្គល Kan Jomphalang ដែលជាអ្នកមានឥទ្ធិពលលើបណ្ដាញសង្កមថៃឡើងវិញផងដែរ ខណៈពេលនេះកម្ពុជាបានដាក់ញត្តិប្ដឹងទៅកាន់ស្នងការជាន់ខ្ពស់អង្គការសហប្រជាជាតិ ឲ្យធ្វើការស៊ើបអង្កេតជាបន្ទាន់ និងបញ្ឈប់គ្រប់សកម្មភាពរបស់ថៃដែលគំរាមកំហែងផ្លូវចិត្តប្រជាជនកម្ពុជា៕

ប្រទេសថៃ ៖ នៅយប់ថ្ងៃទី១០ ថ្ងៃទី១១ និងថ្ងៃទី១២ ខែតុលា ឆ្នាំ២០២៥ រដ្ឋាភិបាល និងកងទ័ពថៃបើកដៃឱ្យបុគ្គល កាន់ ចមផ្លាំង Influencer ប្រព្រឹត្តទង្វើរំលោ.ភសិទ្ធិមនុស្សខុសច្បាប់អន្តរជាតិ ដោយយកឧបករណ៍បំពងសំឡេងដែលលាន់ឭខ្លាំងមកចាក់សំឡេងរំខានដំណេករបស់ពលរដ្ឋខ្មែរនៅភូមិព្រៃចាន់ និងភូមិជោគជ័យ ដូចជា ៖ សំឡេងខ្មោចលង សំឡេងយន្តហោះ និងឆ្កែលូ ធ្វើឱ្យប៉ះពាល់យ៉ាងធ្ងន់ធ្ងរដល់ការសម្រាក និងផ្លូវចិត្តរបស់ពលរដ្ឋខ្មែរ រួមមានចាស់ជរា ជនមានជំងឺ ជនពិការ ក្មេ.ងតូចៗ ស្ត្រីមានកូនតូច និងស្ត្រីមានផ្ទៃពោះ ។

ក្រោយពីបុគ្គល កាន់ ចមផ្លាំង ប្រព្រឹត្តទង្វើថោកទាប ខ្វះសីលធម៌ និងខ្វះភាពថ្លៃថ្នូរជាមនុស្ស មេបញ្ជាការកងទ័ពបូព៌ាថៃ ឬមេបញ្ជាការកងកម្លាំងបូរ៉ាផា លោក ដេឆាទិវង្ស ណាក់អយុថាយ៉ា បាននិយាយដោយគ្មានគិតពិចារណាថា កងទ័ពថៃបើកសំឡេងរំខានក្នុងទឹកដីថៃ ហើយខ្លួនមិនចាប់អារម្មណ៍កម្ពុជាប្តឹងទៅក្រុមអ្នកសង្កេតការណ៍អន្តរកាល (IOT) ទេ ។ នេះបើតាមការចុះផ្សាយរបស់សារព័ត៌មាន Khaosod កាលពីថ្ងៃទី១២ ខែតុលា ឆ្នាំ២០២៥ ។

លោក ដេឆាទិវង្ស បាននិយាយពីកិច្ចប្រជុំ RBC របស់កងទ័ពភូមិភាគទី១ ថា ពេលនេះ មិនទាន់មានកិច្ចប្រជុំទេ ពីព្រោះមេបញ្ជាការកងទ័ពភូមិភាគទី១ បានស្នើឱ្យកម្ពុជារៀបចំកិច្ចប្រជុំនាដើមខែតុលាកន្លងមក ប៉ុន្តែកម្ពុជាមិនទទួលយកសំណើរបស់ថៃ ។ មេបញ្ជាការកងទ័ពបូព៌ាថៃនិយាយបំភ្លៃថា ថៃដោះមីនកាលពីថ្ងៃទី១០ ខែតុលា គឺដោះក្នុងទឹកដីថៃដោយបានរកឃើញគ្រាប់មីន៣គ្រាប់ គួរឱ្យសោកស្តាយដែលកម្ពុជាឱ្យផ្អាកសកម្មភាព ប៉ុន្តែថៃមិនចាប់អារម្មណ៍ ពីព្រោះបានផ្ញើលិខិតជូនដំណឹងតាំងពីថ្ងៃទី៩ ខែតុលា ។

ការធ្វើសកម្មភាពឈូសឆាយដីធ្លីបំពានដែនអធិបតេយ្យភាពកម្ពុជា និងធ្វើទុក្ខបុកម្នេញលើពលរដ្ឋខ្មែររស់នៅភូមិព្រៃចាន់ ឃុំអូរបីជាន់ ស្រុកអូរជ្រោះ ខេត្តបន្ទាយមានជ័យ នារសៀលថ្ងៃទី១០ ខែតុលា ឆ្នាំ២០២៥ ដែលកម្ពុជា និងពិភពលោកថ្កោលទោសនោះ គឺជាវិធានការរបស់ថៃដើម្បីបណ្តេញពលរដ្ឋខ្មែរចេញពីទឹកដីកម្ពុជា ដែលថៃអះអាងជាទឹកដីរបស់ខ្លួន ។

ចំណែកពលរដ្ឋថៃជំរុញឱ្យបណ្តេញពលរដ្ឋខ្មែរចេញពីតំបន់ព្រំដែនខេត្តស្រះកែវនៅថ្ងៃទី៣១ ខែតុលា មេបញ្ជាការកងទ័ពបូព៌ានិយាយថា ពលរដ្ឋថៃស្រឡាញ់ទឹកដីមិនចាញ់កងទ័ព ប៉ុន្តែត្រូវវាយតម្លៃស្ថានការណ៍គ្រប់ពេលវេលា ។ បើមានឱកាស ថៃនឹងបណ្តេញពលរដ្ឋខ្មែរចេញពីផ្ទះសម្បែងជាបន្ទាន់ ប៉ុន្តែពេលនេះ កម្ពុជាតាមដានទង្វើរបស់ថៃជានិច្ច ថៃធ្វើអ្វីក៏កម្ពុជាដឹងដែរ ដូច្នេះ សំណូមពរទៅពលរដ្ឋថៃជួយគ្នាបិទបាំងព័ត៌មានសម្ងាត់របស់កងទ័ព ។

ចាប់ពីពេលនេះ ថៃនឹងបញ្ឈប់ការចរចា លុះត្រាកម្ពុជាបង្ហាញភាពស្មោះត្រង់ កម្ពុជាអញ្ជើញថៃប្រជុំ ប៉ុន្តែពុំប្រាប់ប្រធានបទ ទើបថៃចាត់ទុកថាឥតប្រយោជន៍ ។ កងទ័ពបើកដៃឱ្យបុគ្គល កាន់ ចមផ្លាំង Influencer បើកសំឡេងរំខានដំណេកពលរដ្ឋខ្មែរនៅភូមិព្រៃចាន់ និងភូមិជោគជ័យ គឺថៃមិនចាប់អារម្មណ៍នឹងកម្ពុជាប្តឹងទៅក្រុមអ្នកសង្កេតការណ៍អន្តរកាល (IOT) ទេ ពីព្រោះការបើកសំឡេងរំខាន គឺបើកក្នុងទឹកដីថៃ ។ ការបើកសំឡេងនេះ គឺដើម្បីឱ្យកងទ័ពថៃនៅព្រំដែនភ្ញាក់ពីដំណេក ហើយមិនប៉ះពាល់ពលរដ្ឋខ្មែរទេ ។ នេះបើតាមការលើកឡើងរបស់មេបញ្ជាការកងទ័ពបូព៌ា ។

គួរបញ្ជាក់ថា បុគ្គល កាន់ ចមផ្លាំង ទទួលបានប្រជាប្រិយភាពពីពលរដ្ឋថៃ ក្រោយពីប្រព្រឹត្តទង្វើរំលោ.ភសិទ្ធិមនុស្ស ជាពិសេស សិទ្ធិពលរដ្ឋខ្មែរនៅភូមិព្រៃចាន់ និងភូមិជោគជ័យ ។ កាលពីចុងខែសីហា ឆ្នាំ២០២៥ បុគ្គលនេះបានបញ្ជូនរថយន្តដឹកលាមកជាច្រើនគ្រឿងត្រៀមបាញ់លើពលរដ្ឋខ្មែរនៅភូមិជោគជ័យ និងភូមិព្រៃចាន់ ប៉ុន្តែត្រូវអាជ្ញាធរឱ្យផ្អាកសកម្មភាព ពីព្រោះជាទង្វើថោកទាបខ្លាំងពេក ។

ការបើកសំឡេងរំខានដំណេកពលរដ្ឋខ្មែរនេះ គឺនាយករដ្ឋមន្ត្រីថៃ លោក អនុថីន ឆាន់វីរៈគូន ពុំបានហាមឃាត់ទេ លោកបណ្តោយឱ្យបើកសំឡេងរំខាននេះ ថែមទាំងសរសើរបុគ្គល កាន់ ចមផ្លាំង ធ្វើសកម្មភាពដើម្បីជាតិលើសពីរដ្ឋាភិបាលអាណត្តិមុន ៕

បាងងកក៖ លោកស្រី Angkhana Neelapaijit សមាជិកនៃព្រឹទ្ធសភាថៃប្រតិកម្មនឹងសកម្មភាពរបស់សកម្មជនមានឥទ្ធិពលលើបណ្ដាញសង្គមថៃ Kan Jom Phalang ដែលបានចាក់សម្លេងខ្មោច និងឆ្កែលូរំខានពលរដ្ឋខ្មែរនៅភូមិព្រៃចាន់ ដោយលោកស្រីបង្ហាញក្ដីព្រួយបារម្ភថា ទង្វើនេះគឺជាការបំពានលើសិទ្ធិមនុស្សធ្ងន់ធ្ង និងស្នើឲ្យរដ្ឋាភិបាលថៃពិនិត្យមើលបុគ្គល Jom Phalang នេះឡើងវិញ។

នៅថ្ងៃទី១២ ខែតុលា ឆ្នាំ២០២៥ លោកស្រី Angkhana Neelapaijit បានបង្ហោះសារនៅលើទំព័រហ្វេសប៊ុកផ្លូវការរបស់គាត់ថា៖ ក្នុងអំឡុងពេលជម្លោះជាមួយប្រទេសកម្ពុជា សកម្មភាពដែលបានធ្វើឡើងដើម្បីដាក់សម្ពាធ ឬបង្កភាពភ័យខ្លាចលើពលរដ្ឋកម្ពុជា បានបង្កើតជាបញ្ហាប្រឈមសម្រាប់រដ្ឋាភិបាលថៃ ជាពិសេសចំពោះរដ្ឋមន្ត្រីក្រសួងការបរទេស ទាក់ទងនឹងការសម្រេចបាននូវដំណោះស្រាយរួមគ្នា។ លោកស្រីបានបន្តថា រដ្ឋាភិបាលត្រូវតែទទួលស្គាល់ថារាល់សកម្មភាពដែលថៃកំពុងធ្វើនេះ គឺស្ថិតក្រោមការត្រួតពិនិត្យដោយអង្គការសហប្រជាជាតិ។

លោកស្រីបន្តថា “រដ្ឋាភិបាលគួរតែដឹងថា សកម្មភាពណាមួយដែលបង្កការភ័យខ្លាច ឬប៉ះពាល់ដល់សុខុមាលភាពផ្លូវចិត្តរបស់ជនស៊ីវិល សូម្បីតែអ្នកដែលជាគូជម្លោះក៏ដោយ ជាពិសេសក្រុមដែលងាយរងគ្រោះ វាអាចបង្កើតជាការធ្វើទារុណកម្មផ្លូវចិត្ត ក្រោមអនុសញ្ញា CAT [Convention Against Torture] ដែលប្រទេសថៃជាភាគី”។ ខ្ញុំចង់ដឹងថាតើរដ្ឋាភិបាលនឹងបញ្ជាក់ពីបញ្ហានេះយ៉ាងណានៅលើឆាកពិភពលោក?

សមាជិកព្រឺទ្ធសភាថៃរូបនេះ ក៏បានជំរុញឱ្យក្រសួងការបរទេសថៃ ស៊ើបអង្កេតលើរឿងសំឡេងខ្មោច ដែលត្រូវគេរាយការណ៍ថា ចាក់ដោយអ្នកមានឥទ្ធិពលលើបណ្តាញសង្គមថៃម្នាក់ ដើម្បីរំខានដល់ពលរដ្ឋខ្មែរនៅតាមភូមិព្រំដែនដែលមានជម្លោះ ដោយព្រមានថា ទង្វើននេះគឺជាការបង្ហាញថាថៃ កំពុងរំលោភលើសិទ្ធមនុស្សមនុស្សធ្ងនធ្ង ខណៈកម្ពុជាបានផ្ញើលិខិតទៅទីភ្នាក់ងាររបស់អង្គការសហប្រជាជាតិទទួលបន្ទុកសិទ្ធិមនុស្សទាក់ទងនឹងរឿងនេះរួចរាល់។

គួរបញ្ជាក់ថា អស់រយៈពេល២យប់ហើយដែលថៃបន្តចាក់សំឡេងរំខានពលរដ្ឋខ្មែរនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បើទោះបីជាមានការចុះសង្កេតការណ៍ដោយក្រុមអ្នកអង្កេតការណ៍អន្តរកាល IOT ក៏ដោយ។

ឆ្លើយតបនឹងសកម្មភាពនេះ គណៈកម្មការសិទ្ធិមនុស្សកម្ពុជា (គ.ស.ម.ក) បានដាក់ញត្តិបន្ទាន់ដើម្បីប្ដឹងពីទង្វើដ៏ថោ.កទាប និងអមនុស្សធម៌របស់ថៃទៅកាន់ស្នងការជាន់ខ្ពស់អង្គការសហប្រជាជាតិ លោក Volker Türk ដោយបានអំពាវនាវដល់ស្ថាប័ននេះ ឲ្យធ្វើការស៊ើបអង្កេតជាបន្ទាន់ និងបញ្ឈប់គ្រប់សកម្មភាពដែលគំរាមកំហែងផ្លូវចិត្តប្រជាជនកម្ពុជា ធានាការពារនិងការផ្ដល់ជំនួយវេជ្ជសាស្ត្រនិងផ្លូវចិត្តចាំបាច់ដល់ជនរងគ្រោះ និងលើកទឹកចិត្តក្នុងការពង្រឹងកិច្ចសន្ទនាតាមព្រំដែនរវាងកម្ពុជានិងថៃ៕

ប្រទេសថៃ ៖ ការបិទព្រំដែនកម្ពុជា-ថៃជាឯកតោភាគីរបស់កងទ័ពថៃដើម្បីដាក់សម្ពាធសេដ្ឋកិច្ចកម្ពុជា បែរជាធ្វើឱ្យក្រុមហ៊ុនឯកជនថៃដែលប្រកបអាជីវកម្មនៅកម្ពុជា និងក្រុមហ៊ុនថៃក្នុងស្រុករងផលប៉ះពាល់ខ្លាំងទៅវិញ ។ ក្រុមហ៊ុនថៃតែងតែស្នើរដ្ឋាភិបាលរបស់ខ្លួនដោះស្រាយបញ្ចប់ជម្លោះព្រំដែនឆាប់ៗដើម្បីឱ្យស្ថានការណ៍ត្រឡប់មកប្រក្រតី ប៉ុន្តែរហូតមកដល់ខែតុលានេះ ព្រំដែនប្រទេសទាំងពីរនៅតែបិទទ្វារ ទើបរដ្ឋមន្ត្រីក្រសួងការបរទេសថៃហៅក្រុមហ៊ុនឯកជនថៃនៅកម្ពុជា មកប្រជុំរកវិធីកាត់បន្ថយផលប៉ះពាល់ ។

តាមការចុះផ្សាយរបស់សារព័ត៌មាន Thairath ឱ្យដឹងថា នៅថ្ងៃទី១០ ខែតុលា ឆ្នាំ២០២៥ រដ្ឋមន្ត្រីក្រសួងការបរទេសថៃ លោក សីហស័ក្តិ ពួងកេតកែវ បានប្រជុំជាមួយក្រុមហ៊ុនឯកជនថៃដែលប្រកបអាជីវកម្មនៅកម្ពុជា ដើម្បីរកវិធីជួយដោះស្រាយផលប៉ះពាល់ ក្រោយពីក្រុមហ៊ុនឯកជនថៃរងផលប៉ះពាល់ដោយសារជម្លោះព្រំដែនអូសបន្លាយ ។ រដ្ឋមន្ត្រីក្រសួងការបរទេសថៃនិយាយបំភ្លៃថា កម្ពុជាមិនស្មោះត្រង់ក្នុងការចរចា និងផ្តោតលើការយកប្រៀប ទើបធ្វើឱ្យជម្លោះអូសបន្លាយបែបនេះ ។

នៅថ្ងៃទី១០ ខែតុលា រដ្ឋមន្ត្រីក្រសួងការបរទេស លោក សីហស័ក្តិ បានហៅក្រុមហ៊ុនឯកជនថៃដែលប្រកបអាជីវកម្មនៅកម្ពុជា មកប្រជុំនៅក្រសួងការបរទេស ដើម្បីស្តាប់ពីផលប៉ះពាល់ដោយសារជម្លោះព្រំដែនអូសបន្លាយ ។ លោក សីហស័ក្តិ និយាយក្នុងកិច្ចប្រជុំថា រដ្ឋាភិបាលជ្រាបច្បាស់ គឺក្រុមហ៊ុនថៃនៅកម្ពុជា រងផលប៉ះពាល់យ៉ាងខ្លាំងដោយសារស្ថានការណ៍បច្ចុប្បន្ន ទើបលោកចង់ស្តាប់បញ្ហាពីក្រុមហ៊ុនឯកជនដោយផ្ទាល់ថា តើរងផលប៉ះពាល់ដូចម្តេចខ្លះ? ដើម្បីឱ្យរដ្ឋាភិបាលរកវិធានការកាត់បន្ថយផលប៉ះពាល់ ដោយចរចាដោះស្រាយបញ្ហាជាមួយកម្ពុជា ។

លោកបន្តថា កម្ពុជា និងថៃ គឺជាប្រទេសជិតខាងដែលត្រូវរួមរស់ជាមួយគ្នាដោយសន្តិភាព ស្ថិរភាព ហើយភាពរីកចម្រើនរបស់កម្ពុជា គឺជាសន្តិភាពរបស់ថៃ ប៉ុន្តែស្ថានការណ៍បច្ចុប្បន្ន គឺជាអ្វីដែលថៃពុំចង់បាន ។ លោកចោទប្រកាន់កម្ពុជាព្យាយាមយកប្រៀបគ្រប់ពេលវេលាទើបធ្វើឱ្យប្រទេសទាំងពីរពិបាកចរចា ទាំងដែលកម្ពុជាដឹងច្បាស់ថា ថៃចង់ចរចាត្រឹមទ្វេភាគី ប៉ុន្តែកម្ពុជាតែងតែជ្រើសរើសឱ្យអន្តរជាតិចូលរួមចរចា ។ បច្ចុប្បន្ន ប្រទេសមហាអំណាច ជាពិសេស សហរដ្ឋអាមេរិកបានចេញមុខឱ្យរៀបចំកិច្ចប្រជុំចតុភាគី ដើម្បីជំរុញឱ្យកម្ពុជា-ថៃអាចអង្គុយចរចាគ្នា ។ ថៃពុំជំទាស់នឹងការចូលរួមពីអន្តរជាតិទេ ពីព្រោះនេះជាវិធីមួយទៀតដែលប្រទេសទាំងពីរអាចឈានទៅរកដំណោះស្រាយពិតប្រាកដ យើងពុំខ្លាចការចរចាជាមួយកម្ពុជា ឱ្យតែកម្ពុជាមានភាពច្បាស់លាស់ ។

គួរបញ្ជាក់ថា ថៃតែងតែដើរតួជាជនរងគ្រោះនៅចំពោះមុខអន្តរជាតិ ហើយប្រកាសដដែលៗសុំចរចាត្រឹមភាគី ពុំចាំបាច់មានការចូលរួមពីអន្តរជាតិ ។ បើថៃពិតជាប្រទេសរងគ្រោះ ស្អាតស្អំមែននោះ ហេតុអ្វីថៃពុំស្វាគមន៍ការចូលរួមពីអន្តរជាតិ ខណៈអន្តរជាតិដឹងច្បាស់ពីសន្តានរបស់ថៃដែលឈ្លានពានកម្ពុជាជាប្រទេសតូច មានពលរដ្ឋតិចជាង ៕

លោក វ្ល៉ាឌីមៀរ ពូទីន បានព្រមទទួលស្គាល់កំហុស ពាក់ព័ន្ធនឹងការបាញ់ធ្លាក់យន្តហោះដឹកអ្នកដំណើររបស់ប្រទេសអាស៊ែរបៃហ្សង់ដែលបណ្តាលឱ្យមនុស្ស៣៨នាក់បានបាត់បង់ជីវិត។

នៅក្នុងជំនួបជាមួយប្រធានាធិបតីអាស៊ែរបៃហ្សង់ នៅប្រទេសតាជីគីស្ថាន លោកពូទីន បានបង្ហាញការសោកស្តាយ ដោយសន្យានឹងផ្តល់សំណង ឱ្យស្មើនឹងតម្លៃដែលបានរងការខូចខាតពីឧប្បត្តិហេតុនេះ។

លោកពូទីន ក៏បានបន្ទោសអ៊ុយក្រែន ដោយសារតែពេលនោះរុស្សុី ចាប់បានដ្រូនរបស់អ៊ុយក្រែន៣គ្រឿង ហោះសម្តៅមកវាយប្រហារដែនអាកាសរុស្ស៊ី។

ក្រោយចាប់សញ្ញបាន រុស្សុីបានបាញ់មីស៊ីលចំនួន២គ្រាប់ តែដោយសារបញ្ហាបច្ចេកទេស វាក៏បានសម្តៅទៅរកយកហោះដឹកអ្នកដំណើរវិញ។

គួរបញ្ជាក់ថា ឧប្បត្តិហេតុនេះ កើតឡើងនៅថ្ងៃទី២៥ខែធ្នូឆ្នាំ២០២៤ ជិតទីក្រុង Grozny នៃប្រទេសរុស្ស៊ី បណ្តាលឱ្យមនុស្ស៣៨នាក់ស្លាប់ និង២៩នាក់រងរបួស៕