បាងកក៖ ទីភ្នាក់ងារព័ត៌មានអន្តរជាតិដ៏ធំមួយរបស់ពិភពលោក BBC និងមានបណ្ដាញផ្សព្វផ្សាយនៅក្នុងប្រទេសថៃដែរនោះ បានធ្វើការរិះគ.ន់ដោយបើកចំហរទៅលើសារព័ត៌មាន Amarin TV ដែលជាស្ថាប័នព័ត៌មានក្នុងស្រុកធំមួយ ប៉ុន្តែធ្វើការផ្សព្វផ្សាយព័ត៌មានដោយគ្មានវិជ្ជាជីវៈ ញុះញង់ឲ្យមានការរើសអើ.ង និងប្រើប្រាស់ពាក្យសំដីមិនសមរម្យ។

យោងតាមទំព័រផ្លូវការរបស់ BBC Thai កាលពីថ្ងៃសៅរិ៍ ទី១៨ ខែតុលា ឆ្នាំ២០២៥ បានសរសេនូវសំណេររិះគន់មួយជាមួយនឹងអត្ថន័យយ៉ាងដូច្នេះថា តួនាទីរបស់ប្រព័ន្ធផ្សព្វផ្សាយថៃក្នុងជម្លោះកម្ពុជា-ថៃកំពុងត្រូវបានចោទសួរ ថាតើពួកគេបានគោរពតាមគោលការណ៍សារព័ត៌មានឬអត់? ខណៈភស្តុតាងជាក់ស្តែងនៅក្នុងករណីថ្មីៗនេះ ពួកគេបាននិយាយប្រមា.ថទៅលើសកម្មជនសិទ្ធិមនុស្សថៃ លោកស្រី Angkhana Neelapaijit ដែលមិនយល់ស្របនឹងទង្វើរបស់លោក Kan Jom Phalang ចាក់សម្លេងរំខានពលរដ្ឋខ្មែរនៅព្រំដែន ដោយពួកគេបានធ្វើការសើចចម្អក និងហៅលោកស្រីថាជា «មាតានៃប្រទេសកម្ពុជា»។

លើសពីនេះ BBC Thai បានកត់សម្គាល់ថា កម្មវិធីព័ត៌មានផ្សាយផ្ទាល់របស់ថៃមួយនេះ បានប្រើពាក្យពេជន៍រើសអើង ដែលជំរុញឲ្យមានការស្អ.ប់ខ្ពើមគ្នារវាងប្រជាជន និងប្រជាជនម្តងហើយម្តងទៀត រួមទាំងឃ្លាមួយចំនួនដែលមាក់ងាយមកកាន់ខ្មែរដូចជា “ចូលចិត្តសម្ដែង ឬពូកែធ្វើDrama ថាថៃធ្វើបាប” ចាត់ទុកយោធាកម្ពុជាថា “អន់” ហើយថែមទាំងជះកំហឹ.ងជាញឹកញាប់លើប្រព័ន្ធផ្សព្វផ្សាយ និងប្រើវាជាឧបករណ៍ដើម្បីឃោសនា និងលើកតម្កើតពីយោធារបស់ខ្លួន។

សកម្មភាពរបស់ពីធីករ នៅក្នុងកម្មវិធីផ្សាយផ្ទាល់ព័ត៌មានរបស់ទូរទស្សន៍ Amarin TV បែបនេះ ត្រូវបាន BBC Thai ចាត់ទុកថា គឺជាទង្វើញុះញង់ បង្កហេតុឲ្យមានភាពតានតឹង និងបញ្ឆេះជម្លោះរវាងប្រទេសនិងប្រទេស តាមរយៈការប្រកាន់ភាពម្អៀងជ្រុលក្នុងការផ្សាយព័ត៌មាន ចោ.ទប្រកាន់អ្នកមានគំនិតផ្ទុយថាក្បត់ជាតិ និងប្រើពាក្យសំដីគ្មានវិជ្ជាជីវៈ។

គួរបញ្ជាក់ថា នេះមិនមែនជាលើកទី១នោះទេ ដែលស្ថាប័នបរទេសមានមូលដ្ឋាននៅប្រទេសថៃបានរិះគ.ន់អំពីរបៀបដែលប្រព័ន្ធផ្សព្វផ្សាយថៃផ្សាយព័ត៌មាន។ កន្លងមក មានទាំងស្ថានទូតប្រទេសផ្សេងៗដូចជា ចិន និងកូរ៉េខាងត្បូង ក៏បានច្រានចោលនូវការផ្សាយទាំងបំភ្លៃការពិតរបស់សារព័ត៌មានធំៗរបស់ថៃដូចជា The Nation និង Bangkok Post ផងដែរ។

យ៉ាងណាក៏ដោយ ការរិះគន់របស់ BBC Thai ទៅលើទូរទស្សន៍ Amarin TV ដូចខាងលើនេះ ហាក់មិនសូវទទួលបានមតិវិជ្ជមានពីពលរដ្ឋថៃប៉ុន្មាននោះទេ ដោយពួកគេម្នាក់ៗតែងមានទំនោរទៅលើការនិយាយយកល្អសម្រាប់ខ្លួនឯង និងមិនដែលពិចារណាថាវាជារឿងខុសឬត្រូវនោះទេ ឲ្យតែវាបម្រើផលល្អសម្រាប់ថៃ នោះពួកគេនឹងគាំទ្រជានិច្ច៕

ប្រទេសថៃ ៖ អតីតមេបញ្ជាការយោធភូមិភាគ២ថៃ បុគ្គល ប៊ុនស៊ីន ផាកក្លាង បានប្រាប់នាយករដ្ឋមន្ត្រីរបស់ខ្លួនទទួលខុសត្រូវក្នុងការបណ្តេញពលរដ្ឋខ្មែរចេញពីតំបន់ព្រំដែនខេត្តស្រះកែវ (ទល់មុខភូមិជោគជ័យ និងភូមិព្រៃចាន់) ដែលកងទ័ពថៃបានយកបន្លាលួសមកព័ទ្ធដីលំនៅឋាន ដីផ្លូវ និងដីចម្ការរបស់ពលរដ្ឋខ្មែរដោយខុសច្បាប់ ហើយបុគ្គលនេះថា ការបណ្តេញពលរដ្ឋខ្មែរអាចធ្វើបានច្រើនវិធី ប៉ុន្តែនាយករដ្ឋមន្ត្រីត្រូវពិភាក្សាជាមួយកងទ័ពគ្រប់ជាន់ថ្នាក់ដើម្បីកុំឱ្យប៉ះពាល់ទំនាក់ទំនងអន្តរជាតិ ។ នេះបើតាមការចុះផ្សាយរបស់សារព័ត៌មាន Amarin News នៅថ្ងៃទី២០ ខែតុលា ឆ្នាំ២០២៥ ។

នៅថ្ងៃទី២០ ខែតុលា បុគ្គល ប៊ុនស៊ីន ផាកក្លាង អតីតមេបញ្ជាការយោធភូមិភាគ២ បានធ្វើដំណើរមកសាកលវិទ្យាល័យបច្ចេកវិទ្យាមួយនៅទីក្រុងបាងកក ដើម្បីចូលរួមគម្រោងរួមកម្លាំងគ្នាបង្កើតថាមពល ក្រោមប្រធានបទ «ការពិតពីព្រំដែនថៃ» ដែលមាននិស្សិត និងពលរដ្ឋជាច្រើនមកចូលរួម ។ បុគ្គល ប៊ុនស៊ីន បាននិយាយពីថៃបង្កសង្គ្រាមឈ្លានពានកម្ពុជាកន្លងមក ព្រមទាំងសរសើរកងទ័ពដែលចូលរួមឈ្លានពាន ។

បុគ្គលនេះបន្តថា បន្ទាប់ពីចូលនិវត្តន៍ពីការងារកងទ័ព ខ្លួនត្រូវបានព្រះមហាក្សត្រសព្វព្រះទ័យតែងតាំងជាអង្គរក្សពិសេស ខណៈកងទ័ពជើងគោកបានតែងតាំងខ្លួនជាទីប្រឹក្សាមេបញ្ជាកងទ័ពជើងគោក ដើម្បីពិភាក្សាពីបញ្ហាសន្តិសុខ ។ បច្ចុប្បន្ន ខ្លួនមានភារកិច្ចសំខាន់ គឺចូលរួមកម្មវិធីផ្សេងៗជួបជាមួយពលរដ្ឋ និងនិស្សិតសាកលវិទ្យាល័យ ។

ឆ្លើយតបនឹងសំណួររបស់អ្នកចូលរួមដែលសួរថា បើពលរដ្ឋខ្មែរមិនព្រមចាកចេញពីភូមិជោគជ័យ និងភូមិព្រៃចាន់តាមការទាមទាររបស់ថៃ តើថៃមានវិធីបែបណាដើម្បីបណ្តេញពលរដ្ឋខ្មែរ និងចំណាយពេលយូរប៉ុនណា? បុគ្គល ប៊ុនស៊ីន ថានាយករដ្ឋមន្ត្រីថៃ លោក អនុថីន ឆាន់វីរៈគូន ត្រូវតែទទួលខុសត្រូវក្នុងការបណ្តេញពលរដ្ឋខ្មែរ ។ នាយករដ្ឋមន្ត្រីថៃត្រូវចេញបញ្ជាទៅក្រសួងនានាឱ្យចាត់វិធានការបណ្តេញពលរដ្ឋខ្មែរ ប៉ុន្តែចាត់វិធានការបែបណា គឺអាស្រ័យលើនាយករដ្ឋមន្ត្រី និងមន្ត្រីស្ថិតក្រោមបញ្ជានាយករដ្ឋមន្ត្រី ។

ការបណ្តេញពលរដ្ឋខ្មែរចេញពីភូមិជោគជ័យ និងភូមិព្រៃចាន់ អាចធ្វើបានច្រើនវិធី ហើយនាយករដ្ឋមន្ត្រីថៃមិនអាចធ្វើខ្លួនឯងដោយគ្មានការពិភាក្សាជាមួយកងទ័ពគ្រប់ជាន់ថ្នាក់ទេ ពីព្រោះប៉ះពាល់ទំនាក់ទំនងអន្តរជាតិ ។ បច្ចុប្បន្ន កងទ័ពថៃកំពុងចាត់វិធានការគ្រប់តំបន់ និងសូមឱ្យពលរដ្ឋផ្តល់កម្លាំងចិត្តដល់កងទ័ពធ្វើសកម្មភាពនៅព្រំដែន បើមិនសម្រេចដូចការគ្រោងទុក ត្រូវរៀបចំផែនការបន្ទាន់ដើម្បីទទួលបានជោគជ័យ ។

គួរបញ្ជាក់ថា ប៊ុនស៊ីន ផាកក្លាង គឺជាបុគ្គលញុះញង់ឱ្យពលរដ្ឋថៃគាំទ្រកងទ័ពធ្វើសង្គ្រាមឈ្លានពានកម្ពុជា រហូតដល់ស្តេចថៃសព្វព្រះទ័យយ៉ាងខ្លាំងតែងតាំងឱ្យធ្វើជាអង្គរក្សពិសេស ពីព្រោះកន្លងមក បុគ្គលនេះបានរាយការណ៍ពីស្ថានការណ៍ព្រំដែនកម្ពុជា-ថៃទៅស្តេចដោយផ្ទាល់ ។ ទោះជាឈប់កាន់តំណែងជាមេបញ្ជាការយោធភូមិភាគ២ ប៉ុន្តែពលរដ្ឋថៃនៅតែសរសើរបុគ្គលនេះ និងរិះគន់លោក វីរៈយុទ្ធ រ៉ាក់ស៊ីន មេបញ្ជាការយោធភូមិភាគ២ថ្មី គ្មានជំហរម៉ឺងម៉ាត់ជាមួយកម្ពុជា ។

ដោយឡែក រាជរដ្ឋាភិបាលកម្ពុជាបានបង្ហាញពីគោលជំហរមិនព្រមបាត់បង់ដែនអធិបតេយ្យភាព និងបូរណភាពទឹកដីស្របច្បាប់របស់កម្ពុជាទេ ហើយក៏គ្មានការជម្លៀសពលរដ្ឋខ្មែរចេញពីភូមិជោគជ័យ និងភូមិព្រៃចាន់ តាមការទាមទាររបស់ថៃឡើយ ។ រីឯរដ្ឋាភិបាលថៃបានដាក់លក្ខខណ្ឌចំនួន៤ សម្រាប់កម្ពុជា រួមមាន ៖ ១-ការដកអាវុធធុនធ្ងន់ចេញពីព្រំដែន ២-ដោះមីន ៣-បង្ក្រាបឧក្រិដ្ឋកម្មឆ្លងដែន និង៤-គ្រប់គ្រងតំបន់ព្រំដែន (ថៃចង់មានន័យថា ឱ្យកម្ពុជាជម្លៀសពលរដ្ឋចេញពីភូមិជោគជ័យ និងភូមិព្រៃចាន់ ព្រមទាំងតំបន់ផ្សេងទៀតតាមព្រំដែនដែលថៃថាជារបស់ខ្លួន) ៕

ប្រទេសថៃ ៖ ក្រុមរួបរួបកម្លាំងដើម្បីទឹកដីការពារអធិបតេយ្យនៅប្រទេសថៃបានប្រមូលផ្តុំគ្នាធ្វើបាតុកម្ម និងដាក់លិខិតទៅរដ្ឋមន្ត្រីក្រសួងការបរទេសនៅថ្ងៃទី២០ ខែតុលា ឆ្នាំ២០២៥ ដើម្បីលុបចោលកិច្ចប្រជុំ JBC កម្ពុជា-ថៃនៅខែតុលានេះ និងលុបអនុស្សរណៈនៃការយោគយល់គ្នា (MOU) ឆ្នាំ២០០០ និងឆ្នាំ២០០១ ដោយពួកគេចោទប្រកាន់កម្ពុជាបំពា.នយ៉ាងធ្ងន់ធ្ងរលើកិច្ចព្រមព្រៀង ហេតុនេះ ថៃមានសិទ្ធិលុប MOU ទាំង២ច្បាប់ជាឯកតោភាគី ។

នាវេលាម៉ោង៩និង៣០នាទីព្រឹកថ្ងៃទី២០ ខែតុលា នៅក្រសួងការបរទេសថៃតាមបណ្តោយផ្លូវស្រ៊ីអយុថាយ៉ា ក្រុមរួបរួបកម្លាំងដើម្បីទឹកដីការពារអធិបតេយ្យដឹកនាំដោយបុគ្គល ពិជិត ឆ័យមង្គល បានប្រមូលផ្តុំគ្នាដាក់លិខិតទៅលោក សីហស័ក្តិ ពួងកេតកែវ រដ្ឋមន្ត្រីក្រសួងការបរទេស ដើម្បីទាមទារឱ្យលុបចោលកិច្ចប្រជុំ JBC កម្ពុជា-ថៃ ដែលនឹងប្រព្រឹត្តទៅចាប់ពីថ្ងៃទី២១ ដល់ថ្ងៃទី២២ ខែតុលា រួមទាំងទាមទារឱ្យលុប MOU ឆ្នាំ២០០០ និងឆ្នាំ២០០១ ។

ក្រុមបាតុករបានកាន់ទង់ជាតិថៃ និងកាន់ស្លាកសរសេរថា «រួមគ្នាលុបចោល MOU ឆ្នាំ២០០០ និងឆ្នាំ២០០១» និង «បញ្ឈប់ការចរចាក្នុងកិច្ចប្រជុំ JBC» ព្រមទាំងឡើងនិយាយលើរថយន្តដាក់ឧបករណ៍បំពងសំឡេងផងដែរ ក្រោមការពិនិត្យមើលសណ្តាប់ធ្នាប់ពីក្រុមសមត្ថកិច្ចក្រុងបាងកក ។

បុគ្គល ពិជិត ឆ័យមង្គល ដែលតែងតែដឹកនាំក្រុមជ្រុលនិយមធ្វើបាតុកម្មជាញឹកញាប់និយាយថា ថ្ងៃនេះ (ថ្ងៃទី២០ ខែតុលា) ក្រុមរួបរួមកម្លាំងដើម្បីទឹកដីបានធ្វើបាតុកម្មទាមទារឱ្យក្រសួងការបរទេសលុប MOU ទាំង២ច្បាប់ ពីព្រោះវាគ្មានប្រយោជន៍ដល់ស្ថានការណ៍ព្រំដែនកម្ពុជា-ថៃ ម្យ៉ាងទៀត ក្រសួងការបរទេស និងកងទ័ពថៃកាន់ផែនទីខុសគ្នា ។ បុគ្គលនេះបានចោទប្រកាន់កម្ពុជាបំពាន MOU មិនថាការបាញ់មកលើស្ថានីយប្រេងឥន្ធនៈ បាញ់មន្ទីរពេទ្យក្នុងអំឡុងសង្គ្រាមនៅខែកក្កដា ឆ្នាំ២០២៥ និងបង្កប់មីនបណ្តាលឱ្យកងទ័ព និងពលរដ្ឋថៃរងរបួស-ស្លាប់ ទើបថៃអាចលុប MOU ជាឯកតោភាគី ។

មេដឹកនាំបាតុកម្មបន្តថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានបង្ហោះសារក្នុងហ្វេសប៊ុកបង្ហាញពីគោលជំហរមិនព្រមបាត់បង់ដែនអធិបតេយ្យភាព និងបូរណភាពទឹកដីស្របច្បាប់របស់កម្ពុជា ទើបក្រុមបាតុករយល់ឃើញថា គួរតែលុប MOU ទាំង២ច្បាប់ និងលុបកិច្ចប្រជុំ JBC កម្ពុជា-ថៃ សិន ពីព្រោះបើបន្តការចរចា គឺមានន័យថា ថៃយល់ព្រមទទួលយកលក្ខខណ្ឌ និងការបំពាន MOU ។

ចំណែកមតិបារម្ភពីការលុប MOU ទាំង២ច្បាប់នឹងជាឧបសគ្គក្នុងកិច្ចប្រជុំទ្វេភាគីទាំង JBC និង GBC នោះ បុគ្គល ពិជិត យល់ថា គ្មានបញ្ហាទេ ភាគីទាំងពីរនៅអាចចរចាទ្វេភាគីបាន បើទោះជាគ្មាន MOU ។ ក្រុមបាតុករនឹងនាំគ្នាតវ៉ាដាក់សម្ពាធកិច្ចប្រជុំ JBC នៅខេត្តចាន់ថាក់បុរី នាថ្ងៃទី២១ ខែតុលា បន្តទៀត ។

គួរបញ្ជាក់ថា នាវេលាម៉ោង១២ថ្ងៃត្រង់ថ្ងៃដដែល ក្រុមបាតុករបានប្រគល់លិខិតឱ្យលោក ថាណុប ប៉ាន់ញ៉ាផាត់តាណាគុន មន្ត្រីតំណាងក្រសួងការបរទេស ខណៈបុគ្គល ពិជិត មេដឹកនាំបាតុកម្មបានអានលិខិតមានខ្លឹមសារថា សូមលុប MOU ឆ្នាំ២០០០ និងឆ្នាំ២០០១ រួមទាំងលុបកិច្ចប្រជុំ JBC កម្ពុជា-ថៃ ក្នុងខែតុលា នៅខេត្តចាន់ថាក់បុរី ដោយសារ MOU មិនបានឆ្លងកាត់ការអនុម័តពីរដ្ឋសភា ហើយទាមទារឱ្យរដ្ឋាភិបាលការពារអធិបតេយ្យ និងឯករាជ្យរបស់ថៃជាបន្ទាន់ ។

តាមការចុះផ្សាយរបស់សារព័ត៌មានថៃ គឺកិច្ចប្រជុំ JBC កម្ពុជា-ថៃ នឹងប្រព្រឹត្តចាប់ពីថ្ងៃទី២១ ដល់ថ្ងៃទី២២ ខែតុលា ឆ្នាំ២០២៥ ភាគីថៃបានត្រៀមជូនដំណឹងមកកម្ពុជាឱ្យជ្រាបពីការសាងសង់របងព្រំដែន និងដាក់លក្ខខណ្ឌឱ្យកម្ពុជាជម្លៀសពលរដ្ឋចេញពីតំបន់ភូមិណងចាន់ និងភូមិណងយ៉ាកែវ ខេត្តស្រះកែវ (ទល់មុខភូមិជោគជ័យ និងភូមិព្រៃចាន់) ។ ប៉ុន្តែក្រុមជ្រុលនិយមថៃថា កិច្ចប្រជុំនេះគ្មានប្រយោជន៍ ពួកគេនឹងលើកគ្នាទៅតវ៉ាដល់ខេត្តចាន់ថាក់បុរីនៅថ្ងៃទី២១ ខែតុលា ដើម្បីដាក់សម្ពាធឱ្យលុបចោលកិច្ចប្រជុំ ៕

ក្រោយឆ្លៀតឱកាសជាន់ពន្លិចកម្ពុជាយ៉ាងចាស់ដៃ ករណីនិស្សិតកូរ៉េខាងត្បូងត្រូវបានគេចាប់ជំរិត និងស្លា.ប់នៅកម្ពុជា ពេលនេះឈ្មោះរបស់ថៃខ្លួនឯងផ្ទាល់ រួមទាំងប្រទេសមីយ៉ាផងដែរនោះ កំពុងស្ថិតនៅលើចំណងជើងធំៗរបស់សារព័ត៌មានកូរ៉េ ថាជាមជ្ឈមណ្ឌលជួ.ញដូរមនុស្ស និងឆបោ.កតាមអុីនធើណេតដ៏ធំបំផុតនៅអាសុីអាគ្នេយ៍ បន្ទាប់ពីការស្លា.ប់របស់តារាចម្រៀងបេឡារុស្សម្នាក់ត្រូវបានផ្សព្វផ្សាយ។

យោងតាមព័ត៌មានដែលត្រូវបានចុះផ្សាយដោយទូរទស្សន៍ SBS របស់កូរ៉េកាលពីថ្ងៃសុក្រសប្ដាហិ៍មុនបានឲ្យដឹងថា ករណីឧក្រិដ្ឋកម្មផ្តោតលើជនជាតិកូរ៉េកំពុងកើនឡើង ខណៈមនុស្សប្រហែល 53,000នាក់ ត្រូវបានចាប់ខ្លួន និងបាត់ការទាក់ទងនៅក្នុងប្រទេសថៃ និងមីយ៉ាន់ម៉ា។ តើនេះគឺជាការជួ.ញដូរមនុស្សដ៏ធំមួយមែនទេ?

ចំណែកសារព័ត៌មាន Yonhap បានផ្សាយថា ជនជាតិកូរ៉េមួយចំនួនដែលបាត់ខ្លួន ក្រោយពួកគេត្រូវបានណែនាំឲ្យទៅធ្វើការនៅតំបន់អាសុី។ របាយការណ៍ជាច្រើនបានបង្ហាញថា ពួកគេត្រូវបានគេបង្ខាំងទុក និងបង្ខំឱ្យធ្វើការនៅផ្នែក call center ដើម្បីធ្វើការបោ.កប្រាស់តាមប្រព័ន្ធអ៊ីនធឺណិតនៅមីយ៉ាន់ម៉ា និងថៃ។ ជនរងគ្រោះដែលត្រូវបានគេជួយសង្គ្រោះបាននិយាយថា លិខិតឆ្លងដែន និងទូរស័ព្ទរបស់ពួកគេត្រូវបានរឹបអូស ហើយពួកគេត្រូវបានគេធ្វើទារុ.ណកម្ម។

ករណីដ៏កក្រើកមួយដែលទើបបែ.កធ្លាយនៅក្នុងពេលថ្មីៗនេះ ពាក់ព័ន្ធនឹងតារាស្រីម្នាក់ សញ្ជាតិបេឡារុស្ស វ័យ ២៦ឆ្នាំ ត្រូវបានគេបោ.កបញ្ឆោ.តឲ្យមកធ្វើការដើរម៉ូតនៅមីយ៉ាន់ម៉ាដែលជាកន្លែងនាងបានបា.ត់ខ្លួន និងបន្ទាប់មកត្រូវបានគេរកឃើញសា.កស.ពនៅក្នុងប្រទេសថៃ ជាមួយសភាពដ៏គួរឲ្យតុកស្លុ.តជាទីបំផុត ដោយអវយវៈជាច្រើនក្នុងរាងកាយត្រូវបានបាត់បង់ ក្រោយក្រុមឧក្រិដ្ឋជនបានវះយកចេញដើម្បីយកទៅលក់នៅទីផ្សារងងឹត។

គួរបញ្ជាក់ថា អាជ្ញាធរក្នុងប្រទេសកូរ៉េ ថៃ និងមីយ៉ាន់ម៉ា មិនបានបញ្ចេញស្ថិតិដែលត្រូវគ្នានោះទេ ដោយបង្ហាញថាចំនួនទំនងជាមានប្រភពចេញពីប្រព័ន្ធផ្សព្វផ្សាយសង្គមរៀងៗខ្លួន ជាជាងប្រភពដែលមានការផ្ទៀងផ្ទាត់ត្រឹមត្រូវរួមគ្នា។

យ៉ាងណាក៏ដោយ រដ្ឋាភិបាលកូរ៉េខាងត្បូង និងប្រទេសមួយចំនួនកំពុងជំរុញឱ្យពលរដ្ឋខ្លួនជៀសវាងធ្វើដំណើរមិនថាការកម្សាន្ត ឬធ្វើការទៅកាន់តំបន់ដែលមានហានិភ័យមួយចំនួន ខណៈអាជ្ញាធររវាងប្រទេសនិងប្រទេសដែលជាប់ពាក់ព័ន្ធនឹងករណីទាំងនេះ កំពុងសហការគ្នាធ្វើការយ៉ាងជិតស្និត ដើម្បីកំណត់ទីតាំងដែលជាមជ្ឈមណ្ឌលជួ.ញដូរមនុស្ស បោសសម្អាតឧក្រិដ្ឋជន និងជួយសង្គ្រោះជនរងគ្រោះ៕

ប្រទេសថៃ ៖ ក្រោយពីនាយករដ្ឋមន្ត្រីកូរ៉េខាងត្បូងអះអាងមានអ្នកនយោបាយថៃចំនួន៧រូបជាប់ពាក់ព័ន្ធនឹងបណ្តាញឆបោ.កតាមប្រព័ន្ធបច្ចេកវិទ្យានៅកម្ពុជា អ្នកនាំពាក្យរដ្ឋាភិបាលថៃបានបដិសេធព័ត៌មាននេះ និងថាក្រសួងការបរទេសថៃត្រួតពិនិត្យរួចហើយ គឺគ្មានប្រភពព័ត៌មាននៅកូរ៉េខាងត្បូងទេ ។ តាមការបង្ហោះសាររបស់ស្ថានទូតកូរ៉េប្រចាំប្រទេសថៃ ព័ត៌មានដែលចុះផ្សាយនៅថ្ងៃទី១៩ ខែតុលា ឆ្នាំ២០២៥ ថា នាយករដ្ឋមន្ត្រីកូរ៉េខាងត្បូងនិយាយពីអ្នកនយោបាយថៃ៧រូបពាក់ព័ន្ធបណ្តាញឆបោ.កតាមប្រព័ន្ធបច្ចេកវិទ្យានៅកម្ពុជានោះ ជាព័ត៌មានមិនពិត ។

កាលពីថ្ងៃទី១៩ ខែតុលា ឆ្នាំ២០២៥ លោក ស៊ិរិផុង អាំងសាគុនកៀត អ្នកនាំពាក្យរដ្ឋាភិបាលថៃបាននិយាយពីសារព័ត៌មានមួយចំនួនចុះផ្សាយដោយយោងតាមលោកនាយករដ្ឋមន្ត្រីកូរ៉េខាងត្បូងលើកឡើងពីអ្នកនយោបាយថៃ៧រូបពាក់ព័ន្ធនឹងបណ្តាញឆបោកតាមប្រព័ន្ធបច្ចេកវិទ្យានៅកម្ពុជា ថាក្រសួងការបរទេសថៃ និងស្ថានទូតថៃប្រចាំទីក្រុងសេអ៊ូលបញ្ជាក់ថា ព័ត៌មាននេះមិនពិតឡើយ និងគ្មានប្រភពច្បាស់លាស់បញ្ជាក់ពីនាយករដ្ឋមន្ត្រីកូរ៉េខាងត្បូងនិយាយបែបនេះ ។

តាមអ្នកនាំពាក្យរដ្ឋាភិបាលថៃ គឺស្ថានទូតកូរ៉េខាងត្បូងប្រចាំប្រទេសថៃ ក៏បានប្រកាសច្បាស់លាស់ជាផ្លូវការហើយដែរចំពោះសារព័ត៌មានចុះផ្សាយថ្ងៃទី១៩ ខែតុលា ថា នាយករដ្ឋមន្ត្រីកូរ៉េខាងត្បូងនិយាយពីអ្នកនយោបាយថៃ៧រូបពាក់ព័ន្ធនឹងបណ្តាញឆបោកតាមប្រព័ន្ធបច្ចេកវិទ្យានៅកម្ពុជា ជាព័ត៌មានក្លែងក្លាយ ។ អ្នកនាំពាក្យរដ្ឋាភិបាលថៃបញ្ជាក់ថា រដ្ឋាភិបាលកូរ៉េខាងត្បូងនឹងចាត់វិធានការចំពោះការផ្សាយព័ត៌មាននេះដើម្បីការពារការផ្សាយព័ត៌មានត្រឹមត្រូវ និងការពារកិត្តិយសរបស់បុគ្គលទាំងឡាយដែលរងការចោទប្រកាន់ ។

រដ្ឋាភិបាល និងនាយករដ្ឋមន្ត្រីថៃ លោក អនុថីន ឆាន់វីរៈគូន ផ្តោតសំខាន់លើការបង្ក្រាបការឆបោកតាមប្រព័ន្ធបច្ចេកវិទ្យា និងឧក្រិដ្ឋកម្មឆ្លងដែនគ្រប់ប្រភេទ ដោយលោក អនុថីន បាននិយាយនៅចំពោះមុខរដ្ឋសភាថា វាជាគោលនយោបាយ១ ក្នុងចំណោម៤ ដែលរដ្ឋាភិបាលត្រូវដោះស្រាយជាបន្ទាន់ ព្រមទាំងចាត់វិធានការតាមច្បាប់លើបុគ្គលគ្រប់រូបដែលពាក់ព័ន្ធនឹងបទល្មើស ។

ចំណែកលោក អនុថីន នាយករដ្ឋមន្ត្រីថៃនិយាយថា បានបញ្ជាឱ្យក្រសួងការបរទេសត្រួតពិនិត្យក្រោយការចុះផ្សាយពីអ្នកនយោបាយថៃ៧រូបពាក់ព័ន្ធនឹងការឆបោកតាមប្រព័ន្ធបច្ចេកវិទ្យានៅកម្ពុជា បើមានឈ្មោះអ្នកនយោបាយថៃពាក់ព័ន្ធ ឬមានភស្តុតាង នឹងចាត់វិធានការដាក់ទោសតាមច្បាប់ គ្មានលើកឡើងបុគ្គលណាម្នាក់ ។ ការឆបោកតាមប្រព័ន្ធបច្ចេកវិទ្យា គឺជាបញ្ហាក្នុងតំបន់អាស៊ាន ឬបញ្ហារបស់ពិភពលោក ។ ប្រទេសថៃត្រូវចូលរួមចំណែកដោះស្រាយ និងបង្ក្រាបការឆបោកគ្រប់រូបភាព កន្លងមក ថៃបានកាច់ផ្តាច់ចរន្តអគ្គិសនី និងសេវាអ៊ីនធើរណេតនៅព្រំដែនជាប់កម្ពុជាដើម្បីបង្ក្រាបបទល្មើសឆ្លងដែន ។

គួរបញ្ជាក់ថា ឧក្រិដ្ឋជននៃអំពើឆបោកតាមប្រព័ន្ធបច្ចេកវិទ្យាមានខ្សែបណ្ដាញធ្វើសកម្មភាពទូលំទូលាយចេញពីគ្រប់ទីកន្លែង និងបណ្ដាលឱ្យមានជនរងគ្រោះស្ទើរគ្រប់ប្រទេស ដែលទាមទារជាចាំបាច់នូវកិច្ចសហប្រតិបត្តិការដោះស្រាយទ្វេភាគី ឬជាសកល ។ ការឆបោកអនឡាញ មិនមែនកើតឡើងតែនៅកម្ពុជាមួយទេ វាបានកើតឡើងនៅថៃ មីយ៉ាន់ម៉ា និងប្រទេសនានាក្នុងតំបន់អាស៊ាន ដែលជាបទល្មើសរួមរបស់មនុស្សជាតិ តម្រូវឱ្យប្រទេសនីមួយៗចាំបាច់សហការគ្នាប្រយុទ្ធប្រឆាំងបទល្មើស ។ រាជរដ្ឋាភិបាលកម្ពុជាមានឆន្ទៈបង្ការ ទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទ ដែលជាបទល្មើសរួមរបស់មនុស្សជាតិ ៕

គ្រាន់តែហៅប្រជុំពិភាក្សា និងចុះកិច្ចព្រមព្រៀងដើម្បីសន្តិភាពសោះ នាយករដ្ឋមន្រ្តីថៃបែរជាប្រឹងសម្ដែងធ្វើជាតួឯកដើម្បីទាក់ទាញទំនុកចិត្តរបស់ពលរដ្ឋខ្លួន ដោយធ្វើការអះអាងថា លោកសន្យានឹងការពារទឹកដីថៃឲ្យខាងតែបាន មិនឲ្យប្រទេសជិតខាងណាមួយកេងចំណេញផលប្រយោជន៍ពីថៃសូម្បីបន្តិចណាមួយឡើយ ទាំងដែលគ្មានប្រទេសជិតខាងណាមួយចង់បានអ្វីដែលជារបស់ថៃទាល់តែសោះ។

យោងតាមការចុះផ្សាយរបស់សារព័ត៌មាន The Nation បានឲ្យដឹងនៅថ្ងៃទី19 ខែតុលានេះថា នាយករដ្ឋមន្ត្រីថៃ លោក Anutin Charnvirakul បានប្រកាសថា រដ្ឋាភិបាលរបស់លោកនឹងការពារអធិបតេយ្យភាពរបស់ប្រទេសថៃយ៉ាងរឹងមាំចំពេលមានភាពតានតឹងកើនឡើងជាមួយប្រទេសជិតខាងកម្ពុជា។ លោកបានទទូចថា ប្រទេសថៃនឹងមិនអនុញ្ញាតឱ្យខ្លួនឯងត្រូវបានគេកេងប្រវ័ញ្ចក្នុងជម្លោះព្រំដែនដែលកំពុងបន្តនេះជាដាច់ខាត។

ថ្លែងនៅក្នុងសិក្ខាសាលាដែលរៀបចំឡើងដោយក្រុមប្រឹក្សាវេជ្ជសាស្រ្ដថៃ និងវិទ្យាស្ថាន Mahitala Dhibesra ក្នុងទីក្រុងបាងកក លោក Anutin ដែលកាន់តំណែងរដ្ឋមន្ត្រីក្រសួងមហាផ្ទៃផងដែរនោះ បានអត្ថាធិប្បាយអំពីស្ថានភាពវិវត្តន៍នៅព្រំដែនកម្ពុជា-ថៃ ដោយបញ្ជាក់ថា «រដ្ឋាភិបាលនឹងមិនទុកឲ្យប្រទេសយើងត្រូវបានប្រទេសជិតខាង ឬប្រទេសណាមួយយកចំណេញនោះទេ»។ លោកបានបន្ថែមថា ភារកិច្ចចម្បងមួយរបស់រដ្ឋបាលរបស់លោកគឺការការពារផលប្រយោជន៍ជាតិ។

លោក Anutin បានប្រកាសបន្ថែមទៀតថា អាជ្ញាធរថៃនឹងមិនបើកព្រំដែនជាមួយកម្ពុជាឡើងវិញទេ រហូតទាល់តែការគំរាមកំហែងពីភាគីកម្ពុជាត្រូវបានបញ្ឈប់។ ចំណែកការឆ្លងដែនខុសច្បាប់ចូលមកក្នុងទឹកដីថៃរបស់ពលរដ្ឋកម្ពុជា នាយករដ្ឋមន្រ្តីថៃរូបនេះបានព្រ.មានថា នឹងមានការនិរទេសចេញវិញជាបន្ទាន់ភ្លាមៗ មិនអនុញ្ញាតឲ្យចូលប្រទេសថៃផ្ដេសផ្ដាសតាមអំពើចិត្តឡើយ។

គួរបញ្ជាក់ថា កិច្ចប្រជុំកំពូលអាស៊ាន ដែលគ្រោងនឹងរៀបចំនៅថ្ងៃទី26 ទៅទី28 ខែតុលាខាងមុខ នៅប្រទេសម៉ាឡេសុី ត្រូវបានគេរំពឹងថានឹងក្លាយជាឱកាសដ៏ល្អមួយផងដែរសម្រាប់កម្ពុជា និងថៃ ធ្វើការចុះហត្ថាលេខាលើកិច្ចព្រមព្រៀងសន្តិភាពរួមគ្នា ដោយមានប្រធានាធិបតីអាមេរិក លោក ដូណាល់ត្រាំ នាយករដ្ឋមន្រ្តីម៉ាឡេសុី និងមេដឹកនាំប្រទេសក្នុងតំបន់ជាច្រើនទៀតចូលរួមធ្វើជាសាក្សី។

បើតាមប្រមុខរាជរដ្ឋាភិបាលកម្ពុជា កិច្ចព្រមព្រៀងនេះ គឺផ្ដោតសំខាន់លើការរៀបចំលក្ខណនិងក្រមប្រតិបត្តិនានា សម្រាប់បង្កើតនិងធានានូវបរិយាកាសអំណោយផល ដើម្បីឈានទៅការបញ្ចប់ជម្លោះនិងស្តារឡើងវិញនូវទំនាក់ទំនងរវាងប្រទេសប្រទេសនិងប្រទេស មិនមាននិយាយអំពីបញ្ហាពាក់ព័ន្ធនឹងទឹកដីឬព្រំដែនរវាងប្រទេសទាំងពីរនោះទេ។

សរុបមក កិច្ចព្រមព្រៀងនេះមិនតម្រូវឲ្យភាគីណាមួយកាត់ចេញ ឬបោះបង់សិទ្ធិលើអធិបតេយ្យភាពរបស់ខ្លួន ដូចការប្រកាសរបស់នាយករដ្ឋមន្រ្តីថៃ ដែលសន្យាថានឹងធានាការពារផលប្រយោជន៍របស់ជាតិមិនឲ្យប្រទេសជិតខាងកេងប្រវ័ញ្ច ទាំងដែលកម្ពុជាមិនដែលចង់បានអ្វីដែលជាកម្មសិទ្ធិថៃសម្បីបន្តិចណាឡើយ៕