មិនដឹងថាជាភាពចៃដន្យឬមានចេតនានោះទេនៅពេល ហ្វីយ៉ាតា ឡើងឆាកប្រកាសឈ្មោះស្រាប់តែ អ៊ឹងហ្វា បានបង្ហោះវីដេអូនៅក្នុង Story ចំពេលជាមួយគ្នាដោយបញ្ចេញកាយវិការស្រែកតាម។ នេះបានជំរុញឱ្យអ្នកគាំទ្រមានមតិប្រតិកម្មខណៈ ទេព បូព្រឹក្ស បានព្រលះមួយទំហឹងទៅកាន់ អ៊ឹងហ្វា រួមទាំងជនជាតិថៃផ្សេងទៀតដែលកើតទុក្ខមិនសុខចិត្តពេលឃើញកាបូបស្នាដៃកូនខ្មែរ។ ស្របពេលជាមួយគ្នានេះ ពេជ្រ សូលីកា ស្រាប់តែទម្លាយពីចរិត អ៊ឹងហ្វា ព្រោះធ្លាប់រួមការងារជាមួយគ្នាម្តង។

នៅថ្ងៃទី២១ ខែវិច្ឆិកា ឆ្នាំ២០២៥ កម្មវិធីប្រកួត Miss Universe លើកទី៧៤ បានរកឃើញម្ចាស់មកុដហើយគឺបានទៅលើប្រទេសម៉ិកស៊ិក។ ទោះជាយ៉ាងណាកម្មវិធីលើកនេះគឺពោរពេញដោយភាពចម្រូងចម្រាសចាប់តាំងពីដំណើរការប្រកួតរហូតលទ្ធផលចេញមកនៅតែមានភាពរកាំរកូស។ ក្នុងពេលជាមួយគ្នានេះអ្នកគាំទ្របានសម្លឹងឃើញថា អ៊ឹងហ្វា បាន Add Story នៅពេលកម្ពុជាឡើងឆាកមិនដឹងថានាងមានចេតនាអ្វីឱ្យពិតប្រាកដនោះទេ។

ក្រោយឃើញសកម្មភាព អ៊ឹងហ្វា កូនស្រីសំណព្វណាវ៉ាត់ ហាក់ដូចជាចង់ឡកឡាយ ហ្វីយ៉ាតា ដែលជាមិត្តសម្លាញ់ ទេព បូព្រឹក្ស បានព្រលះថា «មុខហ្នឹងចរិតស៊ីគ្នាម្ល៉េះ អូយឡើងលាមក នឹងមែនគេល្បីថាជាប់ហើយ…»។ វីដេអូរបស់ អ៊ឹងហ្វា បញ្ចេញសកម្មភាពចំពោះ ហ្វីយ៉ាតា កំពុងត្រូវបានអ្នកគាំទ្រកម្ពុជាប្រតិកម្មក្នុងនោះ ពេជ្រ សូលីកា ក៏បញ្ចេញចរិតរបស់នាងមកដែរ។

ពេជ្រ សូលីកា បានយកគណនីផ្ទាល់ខ្លួនទៅខម្មិនក្រោមការបង្ហោះរបស់ ទេព បូព្រឹក្ស ដែលជាមិត្តសម្លាញ់ថា «ធ្លាប់ធ្វើការជាមួយនាងហ្នឹងម្ដង ចរិតគ្មានអ្នកណាល្បីដល់វាទេ
តិចថា ពេជ្រ សូលីកា ឃើញហើយជ្រើមទៅសុំថតជាមួយចុះ មិនសុំថតហើយមានរូបជាវាក៏មិនខ្ចីផុសទៀត ខ្មែរខ្មើតដែរតាស»។ ទេព បូព្រឹក្ស ក៏បានចូលឆ្លើយតបការខម្មិនរបស់ ពេជ្រ សូលីកា ផងដែរ។

ថ្មីៗនេះ មានអ្នកលេងបណ្តាញសង្គមថៃម្នាក់បានប្រតិកម្មទាក់ទងនឹងកាបូបស្នាដៃកូនខ្មែរដែល ទេព បូព្រឹក្ស យកមកបង្ហាញនៅក្នុងការ Live រហូតនាងអត់ទ្រាំពុំបានលែងសម្តីទន់ភ្លន់ព្រលះចាស់ដៃទៅកាន់ជនជាតិថៃនោះដែលនិយាយថាខ្មែរគ្មានអ្វីអួតក្រៅពីប្រាសាទ៕

តារាចម្រៀង ទេព ពិសិដ្ឋ និង អូជី ហ្គូលឌិន បានបង្ហោះសាររៀងៗខ្លួនអាណិតទៅដល់ទាហានដែលកំពុងឈរការពារទឹកដីនៅតំបន់ព្រៃភ្នំមិនដឹងជារងារយ៉ាងណាស្របពេលអាកាសធាតុកំពុងចុះត្រជាក់។

តាមសេចក្តីជូនដំណឹងរបស់ក្រសួងធនធានទឹក និងឧតុនិយមបានឱ្យដឹងថាប្រទេសកម្ពុជានឹងមានអាកាសធាតុចុះត្រជាក់ចាប់ពីថ្ងៃទី២២ ដល់ថ្ងៃទី៣០ ខែវិច្ឆិកា ឆ្នាំ២០២៥ដោយតំបន់វាលទំនាបអាចមានធាតុអាកាសចុះត្រជាក់ និងមានសីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា២៩°C ។ តំបន់ខ្ពង់រាបអាចមានធាតុអាកាស ចុះត្រជាក់ និងមានសីតុណ្ហភាពមធ្យមអប្បបរមា១៨°C និងសីតុណ្ហភាពមធ្យមអតិបរមា២៨°C និងតំបន់មាត់សមុទ្រអាចមានធាតុអាកាសចុះត្រជាក់ និងមានសីតុណ្ហភាពមធ្យម អប្បបរមា២១°C និងសីតុណ្ហភាពមធ្យមអតិបរមា៣១°C ។

តាមសេចក្តីជូនដំណឹងដដែលបានបញ្ជាក់ទៀតថាតំបន់ជួរភ្នំដងរែក ជួរភ្នំក្រវាញ និងជួរភ្នំបូកគោ អាចមានធាតុអាកាសចុះត្រជាក់និងមានសីតុណ្ហភាពមធ្យម អប្បបរមា១៦°C និងសីតុណ្ហភាពមធ្យមអតិបរមា២៧°C ហើយខ្យល់បក់មកពីទិសឦសាន និងទិសបូព៌ក្នុងល្បឿនមធ្យម ៦ម៉ែត្រវិនាទី។

ស្របពេលអាកាសធាតុចាប់ផ្តើមចុះត្រជាក់បែបនេះតារាចម្រៀង ទេព ពិសិដ្ឋ និង អូជី ហ្គូលឌិន បានបង្ហាញការយកចិត្តទុកដាក់ចំពោះទាហានជួរមុខដែលកំពុងបំពេញកាតព្វកិច្ចដើម្បីប្រទេសជាតិ។

ម្ចាស់បទ«ភក្តីស្នេហ៍» បានបង្ហោះសំណេរថា «អាណិតទាហានខ្មែរណាស់មិនដឹងពួកគាត់រងារយ៉ាងណាខ្ញុំសូមបួងសួងទេវតាអោយជួយតាមថែរក្សាបងៗផង ពួកយើងពិតជាអរគុណខ្លាំងដល់វីរបុរសដែលខិតខំប្រឹងការពារមាតិភូមិទាំងយប់ទាំងថ្ងៃ»។ មិនខុសពី រៀមច្បងប៉ុន្មាននោះទេ អូជី ហ្គូលឌិន ដែលជាម្ចាស់ពានកម្មវិធីប្រលងចម្រៀងរ៉េបបានបង្ហោះសំណេរដែរថា«អាណិតបងៗទាហានមិនដឹងថាគាត់រងារបែបណាទេ នៅក្នុងតំបន់ព្រៃភ្នំទៀត»។

មិនត្រឹមតែតារាចម្រៀងពីររូបខាងលើនេះប៉ុណ្ណោះទេដែលព្រួយបារម្ភសុខទុក្ខរបស់កងទ័ពជួរមុខអ្នកលេងបណ្តាញសង្គមជាច្រើនទៀតក៏បង្ហាញការយកចិត្តទុកដាក់ដល់កងទ័ពខ្មែរឈរការពារទឹកដី ការពារខ្មាំងសត្រូវផងដែរ៕

ពិធីករ តាប៊ុយ បានបង្ហោះសំណេរស្នើសុំទៅកាន់សមាគមសិល្បករខ្មែរគួរតែបង្កើតកម្មវិធីចាក់ផ្សាយជាប្រចាំដើម្បីឱ្យតារាមានឱកាសបង្ហាញទេពកោសល្យអាចយកភាពល្បីល្បាញទៅប្រកបរបរផ្សេងៗ។ មិនត្រឹមតែប៉ុណ្ណោះលោកក៏ផ្តល់ជាយោបល់ដល់អ្នកសិល្បៈគួរចាប់ផ្តើមផលិតមាតិកាផ្សព្វផ្សាយខ្លួនឯងដើរឱ្យទាន់បច្ចេកវិទ្យា។

នៅព្រឹកថ្ងៃទី២០ ខែវិច្ឆិកា ពិធីករ តាប៊ុយ និងជាផលិតករមួយរូបបានបង្ហោះសំណេរនៅលើបណ្តាញសង្គមថា «សូមទោសទុកជាមុនប្រសិនបើមតិខ្ញុំបាទមានការខុសឆ្គង សម្រាប់រឿងវិស័យសិល្បៈ ខ្ញុំបាទគិតថាកាលពីមុនគឺតារាមានទូរទស្សន៍ដើម្បីបង្ហាញសមត្ថភាពតែដោយសារបច្ចេកវិទ្យាមានការរីកចម្រើន ទូរទស្សន៍ក៏ពុំមានកម្មវិធីច្រើនដូចមុន ដើម្បីឱ្យដើរទាន់បច្ចេកវិទ្យា តារាគួរតែចាប់ផ្តើមផលិតមាតិការដើម្បីផ្សព្វផ្សាយខ្លួនឯងនិង sponsors ឬផ្សព្វផ្សាយមុខរបររបស់ខ្លួនដើម្បីរកប្រាក់ចំណូល»។

ចំពោះការលើកឡើងខាងលើនេះ តាប៊ុយ ក៏បានស្នើដល់សមាគមសិល្បករខ្មែរដែលបច្ចុប្បន្នមានលោកជំទាវអ្នកឧកញ៉ា ម៉ៅ ចំណាន ជាប្រធានឱ្យបង្កើតកម្មវិធីសម្រាប់តារា។ តាប៊ុយ បានសំណូមពរថា «មួយទៀតដែលសំខាន់បើអាចសំណូមពរសមាគមសិល្បៈគួរតែបង្កើតកម្មវិធីចាក់ផ្សាយជាប្រចាំដើម្បីឱ្យតារាមានឱកាសបង្ហាញទេពកោសល្យរបស់គាត់ក្នុងន័យអាចឱ្យគាត់យកភាពល្បីល្បាញរបស់គាត់ទៅប្រកបរបរផ្សេងៗ ខុសឆ្គងកុំប្រកាន់ខ្ញុំបាទនេះជាគំនិតមិនបានគិតថាត្រូវ១០០%»៕

តារាចម្រៀង វ៉ាន់ នីឡា បាននិយាយថាឈ្មោះជាតារាមិនមែនសុទ្ធតែមាននោះទេដោយខ្លះទទួលបានថ្លៃសម្តែងប៉ុន្តែចំណាយទៅវិញសឹងតែអស់ចំណែកអ្នកខ្លះទៀតមួយឆ្នាំសឹងតែមិនទាន់មានរឿងឬរោងមួយផង។ តារាចម្រៀងរូបនេះថា ទម្រាំតារាដាច់ចិត្តសុំជំនួយមានន័យថាពួកគាត់ទាល់ខ្លាំង។ ងាកមកកាន់តារាសម្តែង ចាន់ នីកា បានលើកឡើងថាជីវិតសិល្បៈគឺកម្សត់ខ្លាំងអ្នកប្រឡូកលើវិថីនេះបានដឹងច្បាស់។

មរណភាពរបស់តារាសម្តែង អ៊ុន សិទ្ធា បានធ្វើឱ្យមហាជននិងអ្នកសិល្បៈសោកស្តាយជាខ្លាំងព្រោះតែតារាសម្តែងរូបនេះចាកចេញដោយស្ងប់ស្ងាត់ពុំមានដំណឹងអ្វី ខណៈមានការលើកឡើងថាព្រោះតែខ្លាចពាក្យថាតារាឈឺសុំជំនួយទើបធ្វើឱ្យលោកមិនបង្ហាញថាធ្លាក់ខ្លួនឈឺរហូតដល់ដង្ហើមចុងក្រោយ។ ជាមួយនឹងដំណឹងសោកសៅនេះតារាចម្រៀងនិងជាពិធីការិនី វ៉ាន់ នីឡា បានបង្ហោះសំណេរដោយនិយាយថាអ្នកមានឈ្មោះជាតារាមិនមែនសុទ្ធតែមាននោះទេ។

នៅថ្ងៃទី២០ ខែវិច្ឆិកា នេះ វ៉ាន់ នីឡា បានបង្ហោះថា «ឈ្មោះជាតារាមិនមែនសុទ្ធតែមានទេបងប្អូន តារាស្រុកយើងថ្លៃចេញសម្តែងចេញច្រៀងក៏មិនបានច្រើនដែរ ទៅច្រៀងមួយកម្មវិធីបើកលុយបានភ្លាមចំណាយទៅវិញចង់អស់ហើយបែងចែកគ្រប់មុខ។ បើគេមានរឿងសម្តែងញឹកញយរឺមាន event រហូតមិនដាច់គេចេះតែសល់លុយហើយ ប៉ះអ្នកខ្លះមួយឆ្នាំមិនទាន់មានមួយរឿងរឺមួយរោងផងមិចវិញ ពេលខ្លះចង់អោយបងប្អូនយល់ដែរ ទម្រាំតែពួកគាត់ដាច់ចិត្តចេញសុំជំនួយគែបានន័យថាគាត់ទាល់មែនទែនហើយ»។

មិនត្រឹមតែតារាចម្រៀង វ៉ាន់ នីឡា ប៉ុណ្ណោះទេដែលលើកឡើងខាងលើកនេះ តារាសម្តែង ចាន់ នីកា ក៏បានបង្ហោះសំណេរដែរថាជីវិតសិល្បៈមើលមកល្អមើលណាស់ប៉ុន្តែការពិតកម្សត់ទៅវិញនោះទេអ្នកប្រឡូកបានយល់ច្បាស់។

តារាសម្តែងរូបនេះបានបង្ហោះថា «ជីវិតសិល្បៈមើលមកបែបល្អមើលណាស់តែការពិតកម្សត់ទៅវិញទេ ជាអ្នកប្រឡូកសិល្បៈទើបយល់ច្បាស់។ ឃើញគ្នាហឺហា ដើម្បីស័ក្តិសម ជាអ្នកសិល្បៈត្រូវគេដៀលថាពេលឈឺកុំសុំជំនួយ។ ពេលគ្នាធ្លាក់ខ្លួនថាតារាស្អីមិនសមជា តារា។ ជីវិតពិតសិល្បៈកម្សត់ណាស់ពេលខ្លះទៅថតកន្លែងខ្លះមិនបើកលុយឱ្យពួកគាត់ទេ ។ តម្លៃថតក៏មិនបានច្រើន ។ តារាសម្តែងហត់ជាងគេតែតម្លៃខ្លួនក៏បានតិចជាងគេដែរ»៕