កូរ៉េខាងជើង និងកូរ៉េខាងត្បូង បានបែកចេញពីគ្នាអស់រយៈពេលជាង ៧០ឆ្នាំមកហើយ ចាប់តាំងពីឧបទ្វីបកូរ៉េបានក្លាយជាជនរងគ្រោះ នៅក្នុងសង្គ្រាមត្រជាក់ រវាងមហាអំណាចពីរគឺសហភាពសូវៀត និងសហរដ្ឋអាមេរិក។

ក្រោយតែពីចាញ់សង្គ្រាមជប៉ុនក៏បានដកកងទ័ពចេញ ឧបទ្វីប​កូរ៉េត្រូវបាន​បែងចែកជាពីរត្រង់​ខ្សែស្របទី៣៨។ ការបែងចែកនេះ ធ្វើឡើង​ក្នុងសន្និសីទក្រុងផតស្តាម ខែសីហា ឆ្នាំ​១៩៤៥ រវាង​សហភាព​សូវៀត និង​សហរដ្ឋអាមេរិក ក្នុងនោះ ផ្នែកខាងជើងនៃខ្សែស្របទី៣៨ (កូរ៉េខាងជើង) គ្រប់គ្រង​ដោយសូវៀត និង​ភាគខាងត្បូង​នៃខ្សែស្រប (កូរ៉េខាងត្បូង) គ្រប់គ្រងដោយអាមេរិក។

បន្ទាប់មកនៅខែមិថុនា ឆ្នាំ​១៩៥០ កូរ៉េទាំងពីរបានផ្ទុះសង្គ្រាមនឹងគ្នា បង្កឡើង​រដ្ឋាភិបាលកុម្មុយនិស្តកូរ៉េខាងជើងដែល​មានការគាំទ្រពីសូវៀត​ បាន​វាយឆ្លងកាត់​ខ្សែស្របទី៣៨ ចូលឈ្លានពានកូរ៉េខាងត្បូង។ ដោយមើលស្ថានការណ៍មិនស្រួល អង្គការសហប្រជាជាតិដែលដឹកនាំដោយ​អាមេរិក បាន​ចូលទៅជួយកូរ៉េខាងត្បូង វាយបណ្តេញ​កូរ៉េ​ខាងជើង​វិញ រហូតដល់ជិត​ព្រំដែនចិន។ មិនបានប៉ុន្មាន ក្រោមការដឹកនាំរបស់លោក ម៉ៅ សេទុង  ចិនដែលជាសម្ព័ន្ធមិត្តកូរ៉េខាងជើង  បានបញ្ចេញកងទ័ពទៅវាយអាមេរិក ដើម្បីការបារកូរ៉េខាងជើង។

ក្រោយពីការប្រយុទ្ធអស់គ្នាអស់រយៈពេលជិត៣ឆ្នាំ បានធ្វើឱ្យទាហានជាង២លាននាក់បានបាត់បងជីវិត ប្រទេសទាំងពីរក៏សម្រេចចិត្តបញ្ចប់សង្គ្រាមនៅឆ្នាំ ១៩៥៣ ដោយកំណត់យកព្រំដែនចាស់ដែលជប៉ុនបានចែងគឺនៅត្រង់ខ្សែស្របទី៣៨៕

ប្រភព: History

ភ្នំពេញ៖ អគ្គិសនីកម្ពុជា បានចេញសេចក្តីជូនដំណឹងស្តីពីការអនុវត្តការងារជួសជុល ផ្លាស់ប្តូរ តម្លើងបរិក្ខារនានា និងរុះរើគន្លងខ្សែបណ្តាញ អគ្គិសនីរបស់អគ្គិសនីកម្ពុជា ដើម្បីបង្កលក្ខណៈ ងាយស្រួលដល់ការដ្ឋានពង្រីកផ្លូវ ចាប់ពីថ្ងៃនេះដល់ថ្ងៃទី៤ ខែធ្នូ ឆ្នាំ២០២២ នៅតំបន់មួយចំនួន ទៅតាមពេលវេលា និងទីកន្លែង។

អគ្គិសនីកម្ពុជាបញ្ជាក់ថា “ទោះជាមានការខិតខំថែរក្សាមិនឲ្យមានការប៉ះពាល់ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្ត អគ្គិសនីនៅតំបន់ខាងលើអាចនឹងមានការរអាក់រអួលខ្លះៗជៀសមិនផុត ដែលយើងខ្ញុំស្នើសុំអភ័យទោសទុកជាមុន”៕

កាន់តែលម្អិតសូមអានសេចក្ដីជូនដំណឹងរបស់អគ្គិសនីកម្ពុជានៅខាងក្រោម៖

ភ្នំពេញ៖ ក្រុមការងារពិធីការមកពី ៤ ក្រសួង ស្ថាប័នរបស់រដ្ឋ ​​នឹង​រួម​គ្នា​​​​​ត្រៀម​ទទួល​បដិសណ្ឋារកិច្ច​ភ្ញៀវកិត្តិយស ​ដែល​រួម​មាន​ថ្នាក់​ដឹកនាំ​កំពូលៗ អ្នកឧកញ៉ា ឧកញ៉ា ​និង​អ្នកមុខ​អ្នកការ​ជា​ច្រើន​រូប​​ នៅ​ក្នុង​ពិធី​រៀប​អាពាហ៍ពិពាហ៍​របស់​ចៅ​ស្រី លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រី​ក្រសួង​រៀបចំ​ដែនដី នគរូបនីយកម្ម និងសំណង់ នៅ​ថ្ងៃទី​០៤-០៥ ខែ​ធ្នូ ឆ្នាំ២០២២ ខាង​មុខនេះ។ នេះ​បើ​តាម​នាយិការ​ពិធីការ​ឧបនាយករដ្ឋមន្ត្រី​ ជា សុផារ៉ា បាន​​​ថ្លែង​​ឱ្យ​ដឹង នៅព្រឹកថ្ងៃពុធ ទី៣០ ខែវិច្ឆិកានេះ។

បើតាមលោកស្រី គីម ពៅ នាយិការ​ពិធីការ​​ឧបនាយករដ្ឋមន្ត្រី​ ជា សុផារ៉ា ​​បាន​ថ្លែង​ឱ្យ​ដឹង​​ក្នុង​កិច្ច​ប្រជុំ​ការងារ​ពិធីការ ​​ត្រៀម​មង្គលការ​​ខាង​លើ នៅ​ព្រឹក​ថ្ងៃទី​៣០ ខែ​វិច្ឆិកា ឆ្នាំ២០២២​នេះ ថា ពិធីរៀបអាពាហ៍ពិពាហ៍​នេះ ​​នឹង​មាន​ក្រុមការងារ​ពិធីការ មក​ពី​៤​ក្រសួង​រួម​គ្នា ​ដើម្បី​ទទួលភ្ញៀវកិត្តិយស ​ក្នុង​នោះ​រួម​មាន ក្រុមការងារ​ក្រសួង​រៀបចំដែនដី ចំនួន​​ប្រមាណ​ ៧០​នាក់ និង​ក្រសួងអភិវឌ្ឍន៍ជនបទ ក្រសួងបរិស្ថាន និង​ក្រុមការងារ​ក្រសួង​សេដ្ឋកិច្ច និង​ហិរញ្ញវត្ថុ សរុប​រាប់រយ​នាក់​បន្ថែម​ទៀត។

លោកស្រី គីម ពៅ បាន​បញ្ជាក់​ឱ្យដឹង​បន្ថែម​ថា ​សម្រាប់​កម្មវិធី​នៅ​ល្ងាច​ថ្ងៃទី​០៤ និង​ព្រឹក​ថ្ងៃទី​០៥ ខែ​ធ្នូ នឹង​ត្រូវ​ធ្វើ​នៅភូមិគ្រឹះ​របស់លោក​ឧប​នាយករដ្ឋមន្ត្រី ជា សុផារ៉ា និង​កម្មវិធី​​ទទួល​ទានអាហារ​នៅ​ល្ងាច​ថ្ងៃទី​០៥ នឹង​ធ្វើ​ឡើង​នៅ​មជ្ឈមណ្ឌលសន្និបាត និងពិព័រណ៍អន្តរជាតិ​ជ្រោយ​ចង្វារ។ ចំណែក​ឯ​ក្រុមការងារ​ពិធីការ​​ទាំង​អស់ តម្រូវ​ឱ្យ​ពាក់​​អាវ​ហូល​សម្រាប់​បុរស និង​​ពាក់​អាវប៉ាក់​សម្រាប់​នារី នៅ​ក្នុង​កម្មវិធី​​ពេញ​ទាំង​ពីរ​ថ្ងៃ​តែ​ម្តង។

សូមបញ្ជាក់ថា កូនស្រីរបស់លោក អ៊ាង សុផល្លែត ដែលនឹងត្រូវរៀបអាពាហ៍ពិពាហ៍នៅថ្ងៃទី៥ ខែធ្នូ មានឈ្មោះ អ៊ាង និធិជ្ជនី ដឺណេ។ រីឯកូនប្រុសមានឈ្មោះ ប៉ែន សំអាត សុទ្ធចិត្ត ជាកូនប្រុសរបស់លោកបណ្ឌិត ប៉ែន សំអាត និងលោកស្រី ហាក់ ស្រីទូច។

អាពាហ៍ពិពាហ៍នឹងត្រូវរៀបចំរយៈពេលពីរថ្ងៃនៅភូមិគ្រឹះរបស់លោកឧបនាយករដ្ឋមន្ត្រីជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដែលត្រូវជាជីតារបស់កូនក្រមុំ។

លោក អ៊ាង សុផល្លែត ឪពុក​របស់​កូន​ក្រមុំ ​​បានជ្រើស​យក​ការដាំផ្កាស្បៃរឿងប្រមាណ ១លានទង ដោយផ្ទាល់ដៃ​នេះ គឺ​ដើម្បី​​​បង្ហាញ​ពី​ក្តី​ស្រឡាញ់​ដ៏​ធំធេង​ចំពោះ​កូន​ស្រី និង​ចង់បង្ហាញដែរថា ផ្កាប្រើប្រាស់សម្រាប់តាំងលំអរក្នុងពិធីមង្គលការ ឬពិធី​ផ្សេងៗ គឺយើងអាចដាំបាន​ដោយ​ខ្លួនឯង ដោយ​ពុំ​ចាំបាច់​យក​ពី​បរទេសកន្លងទៅផ្កាដែលតាំងលំអរក្នុងពិធីអាពាហ៍ពិពាហ៍ ឬកម្មវិធីផ្សេងៗទៀត ភាគច្រើនត្រូវបានគេទិញពីក្រៅប្រទេស ដូច្នេះបើគេអាចបាននៅក្នុងស្រុក ដើម្បីបំពេញសេចក្តីត្រូវការទាំងនេះ ក៏បានរួមចំណែកផ្តល់ការងារដល់ប្រជាពលរដ្ឋខ្មែរផងដែរ ៕

បង្គោលគីឡូម៉ែត្រ (សម្រាប់ចន្លោះ ១គ.ម) ៖ បង្គោលសញ្ញានេះ ត្រូវបានដាក់ក្នុងចន្លោះ១គីឡូម៉ែត្រមួយបង្គោល សម្រាប់ផ្តល់ដំណឹងដល់អ្នកប្រើប្រាស់ផ្លូវអំពីចំងាយផ្លូវទៅតំបន់សំខាន់ៗខាងមុខ។

• រង្វង់លេខ1៖ លេខ 17 ដែលមានបញ្ជាក់នៅលើផ្ទៃក្រហមនេះ មានន័យថាជាបង្គោលគីឡូម៉ែត្រទី 17 ឬបានចម្ងាយប្រវែង 17 គីឡូម៉ែត្រ ដោយរាប់ពីចំណុចចាប់ផ្តើម ឬចំណុចបំបែកនៃផ្លូវ។
• រង្វង់លេខ2៖ មេបុណ្យ (Mebon) 20km ដែលមានបញ្ជាក់នៅលើផ្ទៃពណ៌សនេះ បានន័យថានៅចំងាយ 20km ទៀតអ្នកធ្វើដំណើរនឹងទៅដល់ឃុំមេបុណ្យ ក្នុងស្រុកស្វាយអន្ទរ ខេត្តព្រៃវែង។ សូមបញ្ជាក់ផងដែរថា បង្គោលគីឡូម៉ែត្រនៅក្នុងរូបនេះ ជាបង្គោលគីឡូម៉ែត្រស្ថិតនៅលើផ្លូវជាតិលេខ១១ ដែលបំបែកចេញពីផ្លូវជាតិលេខ១ បានចម្ងាយប្រវែង១៧ គីឡូម៉ែត្រ។ ចំណាំ៖ លេខបង្គោលដែលនៅលើផ្ទៃក្រហម បង្ហាញអំពីចម្ងាយផ្លូវ៖ -ចេញពីរាជធានីភ្នំពេញ ចំពោះផ្លូវជាតិដែលមានលេខ ១ខ្ទង់ -ចេញពីចំណុចបំបែក ចំពោះផ្លូវជាតិដែលមានលេខ ២ខ្ទង់ និងផ្លូវខេត្តដែលមានលេខ ៣ខ្ទង់៕

ប្រភព: ក្រសួងសាធារណៈការ និងដឹកជញ្ជូន

ភ្នំពេញ៖ លោក អ៊ាង សុផល្លែត ជំនួយការផ្ទាល់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជារដ្ឋលេខាធិការក្រសួងបរិស្ថាន បានដឹកនាំដាំផ្កាស្បៃរឿងប្រមាណ ១លានទង ក៏ដូចជារៀបចំសួនច្បារបន្លែដើម្បីតាំងលំអរនៅថ្ងៃអាពាហ៍ពិពាហ៍កូនស្រីរបស់លោក។

ថ្ងៃមង្គលសិរីសួស្តីកូនស្រីជាទីស្រឡាញ់របស់លោក អ៊ាង សុផល្លែត នឹងប្រព្រឹត្តទៅនៅថ្ងៃទី០៥ ខែធ្នូ ឆ្នាំ២០២២ខាងមុខដ៏ខ្លីនេះ។ ដើម្បីលំអរផ្ទះថ្ងៃរៀបមង្គលសិរីជូនកូនស្រី និងបង្ហាញពីបេះដូងដ៏ធំធេង នៃការស្រឡាញ់ លោក អ៊ាង សុផល្លែត បានជ្រើសយកការដាំផ្កាស្បៃរឿងប្រមាណ ១លានទង ដោយផ្ទាល់ដៃតែម្តង។

លើសពីការបង្ហាញនូវក្តីស្រឡាញ់ចំពោះកូនស្រីហើយនោះ ការជ្រើសយកការដាំផ្កាស្បៃរឿងដោយផ្ទាល់ដៃនេះ លោក អ៊ាង​ សុផល្លែត ចង់បង្ហាញដែរថា ផ្កាប្រើប្រាស់សម្រាប់តាំងលំអរក្នុងពិធីមង្គលការ ឬពិធីផ្សេងៗ គឺយើងអាចដាំបានដោយខ្លួនឯង។

កន្លងទៅផ្កាដែលតាំងលំអរក្នុងពិធីអាពាហ៍ពិពាហ៍ ឬកម្មវិធីផ្សេងៗទៀត ភាគច្រើនត្រូវបានគេទិញពីក្រៅប្រទេស។ ដូច្នេះបើគេអាចបាននៅក្នុងស្រុក ដើម្បីបំពេញសេចក្តីត្រូវការទាំងនេះ ក៏បានរួមចំណែកផ្តល់ការងារដល់ប្រជាពលរដ្ឋខ្មែរផងដែរ។

ក្រៅតែពីផ្កាស្បៃរឿងហើយនោះ  លោក អ៊ាង សុផល្លែត ក៏បានដាំដំណាំមួយចំនួនទៀត ដែលត្រូវប្រើប្រាស់ក្នុងថ្ងៃមង្គលរបស់កូនស្រីផងដែរ។

គួរជម្រាបដែលថា ចៅស្រី លោក ជា សុផារ៉ា មាន​ឈ្មោះ​ថា “អ៊ាង និធិជ្ជនី ដឺណេ” ត្រូវ​ជា​កូនស្រីរបស់លោក អ៊ាង សុផល្លែត និង​លោកជំទាវ ជា សុផាកន្នី ​​នឹង​ត្រូវ​ចូល​រោងជ័យ​រៀប​មង្គលការ​ដ៏​ធំ​ជាមួយ​នឹង​កូនកំលោះ​ឈ្មោះ​ថា “ប៉ែន សំអាត សុទ្ធចិត្ត” ដែលជាកូនប្រុស​របស់​លោក​ជំទាវ ហាក់ ស្រីទូច និង​លោក​​​បណ្ឌិត​ ប៉ែន សំអាត ទីប្រឹក្សាផ្ទាល់សម្តេច​តេជោ ហ៊ុន សែន នាយករដ្ឋមន្ត្រី និង​ជា​អនុរដ្ឋលេខាធិការ​ក្រសួងសេដ្ឋកិច្ច និងហិរញ្ញវត្ថុ ហើយ​លោក​ក៏​​​​​​​ធ្លាប់​កាន់​​តួនាទី​ជា​​អគ្គ​នាយករង​គយ និងរដ្ឋាករ​កម្ពុជា។

អាពាហ៍ពិពាហ៍នឹងត្រូវរៀបចំរយៈពេលពីរថ្ងៃនៅភូមិគ្រឹះរបស់លោកឧបនាយករដ្ឋមន្ត្រីជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដែលត្រូវជាជីតារបស់កូនក្រមុំ ខណៈអាពាហ៍ពិពាហ៍នឹងរៀបចំឡើងដោយភ្ជាប់កម្មវិធីប្រពៃណីខ្មែរជាច្រើនមានដូចជា៖ កម្មវិធីសំអាងកេសា, ពិធីកាត់ផ្កាស្លា, ពិធីហែផ្កាស្លាចូលរោងជ័យ, ពិធីក្រុងពាលី,ពិធីបុកល័ក្ត និងធ្វើធ្មេញជាដើម ៕